بۇ يازمىنى ئاخىرىدا kurdax تەھرىرلىگەن. ۋاقتى 2013-12-3 13:19
قانۇن سەنئەت كېچىلىكىنى كۆرۈشكە ئالدىراڭ
ھەممەيلەنگە مەلۇم: بۇ يىل يېڭى ئاساسىي قانۇن يولغا قويۇلغانلىقىنىڭ 31 يىللىقى، شۇنداقلا «6-بەش يىللىق قانۇننى ئومۇملاشتۇرۇش خىزمىتى» ئېلىپ بېرىلغانلىقىنىڭ ھالقىلىق بىر يىلى، 2001-يىلىدىن باشلاپ، دۆلىتىمىز ھەر يىلى 12-ئاينىڭ 4-كۈنىنى «مەملىكەتلىك 4-دېكابىر قانۇن تەشۋىقات كۈنى» قىلىپ بېكىتىپ، ھازىرغىچە مەيلى ئىدارە-ئورگانلار، ئىجتىمائىي تەشكىلاتلار، مەكتەپ-مەھەللىلەر ۋە ياكى پۇقرالار ئىچىدە، قانۇننى ئومۇملاشتۇرۇش پائالىيىتى ئۇيۇشتۇرۇپ، پۇقرالارنىڭ قانۇن ئېڭىنى يوقۇرى كۆتۈرۈپ، دۆلەتنى قانۇن ئارقىلىق ئىدارە قىلىشتەك ئۇلۇغ غايىنى ئىشقا ئاشۇرماقتا. بۇيىل شىنجاڭ ئۇيغۇر ئاپتۇنۇم رايونىمىز مىقياسىدا ھەر دەرىجىلىك پارتىيە-ھۆكۈمەت ئورۇنلىرى ئاپتۇنۇم رايونلۇق «ئاپتۇنۇم رايوننى قانۇن ئارقىلىق ئىدارە قىلىش رەھبەرلىك گۇرۇپپىسى»نىڭ ئورۇنلاشتۇرۇشى بويىچە خىلمۇ-خىل شەكىللەر بىلەن «6-بەش يىللىق قانۇننى ئومۇمنلاشتۇرۇش پائالىيىتى»نىڭ مەزمۇنىنى سەرخىللاشتۇرۇپ، بىر تەرەپتىن تەشۋىقاتنى كۈچەيتىپ، ھەر ئىشتا قانۇن بويىچە ئىش كۆرۈشنى ئىشقا ئاشۇرۇپ ماڭسا، يەنە بىر تەرەپتىن پۇقرالارنىڭ قانۇننى ئۆگىنىش، قانۇننى بىلىش، قانۇن ئارقىلىق ئۆزىنىڭ ھوقۇق-مەنپەئەتىنى قوغداش ئېڭىنى يوقۇرى كۆتۈرۈش ئۈچۈن تۆھپە قوشۇپ كەلمەكتە. مانا مۇشۇ خىزمەتلەر ئاساسىدا، ئاپتۇنۇم رايونلۇق «ئاپتۇنۇم رايوننى قانۇن ئارقىلىق ئىدارە قىلىش رەھبەرلىك گۇرۇپپىسى» ئىشخانىسى بىلەن شىنجاڭ تېلېۋىزىيە ئىستانسىسى بىرلىشىپ، «4-دېكابىر قانۇن تەشۋىقاتى ئۇنىۋېرسال سەنئەت كېچىلىكى» ئۇيۇشتۇرۇپ، ناخشا-ئۇسسۇل، ئېتوت، نەسىر، مەخسۇس فىلىم، قانۇن ساۋادلىرىدىن سۇئال-جاۋاپ قاتارلىق بەدىئىي شەكىللەر بىلەن تېلېۋىزۇر كۆرگۈچىلەرنى يېڭى بىر ئۇسلۇبدا قانۇن بىلىملىرىدىن خەۋەردار قىلماقچى، «سەنئەت كېچىلىكى»دە ئاتاقلىق ئارتىسلاردىن ئادىل مىجىت، ئىززەت ئىلىياز، دىلشات راھىدىن، ئابدۇللا ئابدۇرېھىم، قەيسەر ھەبىبۇللا قاتارلىقلار سەرخىل، تەسىرلىك نۇمۇرلىرى بىلەن تاماشىبىنلارغا مەنىۋىي شادلىق بېغىشلايدۇ. بۇ «سەنئەت كېچىلىكى» 2013-يىلى 12-ئاينىڭ 4-كۈنى كەچتە شىنجاڭ تېلېۋىزىيە ئىستانسىسىنىڭ 2-يۈرۈش پروگراممىسىدا يەنى XJTV-2 دە كۆرسىتىلىدۇ، كەڭ كۆرۈرمەنلىرىمىزنىڭ ۋاقتىدا كۆرۈشىنى ئۈمىد قىلىمىز...!
|