ئادىلجان لەتىپىلىرى ( كۈلۈۋېلىڭ )

palgan

                                                         ئادىلجان لەتىپىلىرى  

                            پوچىلىق
   باشقا ۋىلايەتتىن كەلگەن بىر باشلىق قومۇل بازىرىنى ئايلىنىۋېتىپ بىر قوغۇن ساتقۇچىنىڭ ئالدىغا كەلگەندە :
-ئۇكاموي،ماۋۇ نېمەڭنىڭ كىلوسى قەنچە؟ دەپ سوراپتۇ بىر دۆۋە قوغۇننى كۆرسىتىپ.
 -ماۋۇ نېمە دەيسىزغۇ ئاكا،بۇ دېگەن دۇنياغا داڭقى كەتكەن قومۇل قوغۇنى-دەپتۇ قوغۇن ساتتى .
-مۇشۇنىمۇ قوغۇن دېگىلى بولامدۇ ؟ بىزنىڭ يۇرتنىڭ ئۆرۈكلىرى قوغۇندەك، قوغۇنلىرى ماشىنىنىڭ چاقىدەك كېلىدۇ .
 كەچقۇرۇنلىقى ھېلىقى باشلىق باشقىلارنىڭ ھەمراھلىقىدا بىر تاۋۇزلۇققا بېرىپتۇ . ئەسلىدە بۇ تاۋۇزلۇق ھېلىقى قوغۇن
ساتتىنىڭ ئىكەن . باشلىق تاۋۇز پەلەزلىرىنى دەسسەپ- چەيلەپ مېڭىۋېرىپتۇ .
 - ئاكاموي ،بىزنىڭ نەشپۈتلەرگە پۇتلىشىپ كەتمەڭ يەنە ،-دەپتۇ قوغۇن ساتتى .

                           تۈك
   ئوقۇتقۇچى < قاش > دېگەن خەتنى دوسكىغا يېزىپ :
 -بۇ خەتنى كىم ئوقۇيالايدۇ ؟ - دەپ سوراپتۇ .
 بۇ سىنىپتا بىر دۆت ئوقۇغۇچى بار ئىكەن . باشقىلار ھەممىسى قول كۆتۈرسە ئۇ جىم ئولتۇرىۋېرىپتۇ .
 ئوقۇتقۇچى ئۇنى تۇرغۇزۇپ :
  - بۇ خەتنى ئوقۇپ باقچۇ - دەپتۇ . دۆت ئوقۇغۇچى ئوقۇيالماپتۇ . ئوقۇتقۇچى جىيلە بولۇپ ئۆزىنىڭ
   قېشىنى كۆرسىتىپ :
   -بۇ نېمە ؟ دەپ سورىسا دۆت ئوقۇغۇچى :
    -تۈك ! دەپ جاۋاپ بېرىپتۇ .

                              ئالدىراش
       بىر كۈنى بېشىدا بىر نەچچە تاللا چېچى قالغان بىر < پاينەك > بۇرادىرىم بىلەن
    ئۇچرىشىپ قالدىم ۋە :
    -ھازىر ئالدىراشمۇ ؟ -دەپ سورىدىم .
    - ئالدىراش ئاغىنە ، ئىشىم چېچىمدىنمۇ تولا دېگىنە .
    - ئۇنداق بولسا ئالدىراش ئەمەسكەنسەنغۇ !

                            ئۆلۈم ئالدىدا
     ئېرى: خوتۇن ،سەكراتقا چۈشۈپ قالدىم ، ساڭا بىر ۋەسىيەت قالدۇراي ، قوشنىمىز سەمەت
     ئاخۇندىن 100 يۇەن ئېلىشىم بار ئىدى، ئېلىۋالغىن .
      ئايالى: ئەستە تۇتۇش ئىقتىدارىڭىز بەلەن جۇمۇ - دەپ خۇشال بولۇپتۇ .
     ئېرى: يوقىرقى مەھەللىدىكى ئەمەت ئاخۇنغا 200 يۇەن بېرىشىم بار ئىدى ، بېرىۋەتكىن . 
    ئايالى: ھەي ئىسىت ، ئۆلمەيدىغان قېرى ، مۇشۇ قەرزنى دېمەستىن ئۆلسەڭچۇ ! 

           مەنبە : تەقدىرداش ژورنىلى .                            
                     

oyganganzimn

ئادىلجاننىڭ  نۇرغۇنلىغان  ئىجادىي لەتىپىلىرى بار،بۇنىڭدىكى بەزىلىرى  ئۆزلەشتۈرلۈپتۇ.مۈمكىن بولسا  ئادىلجان  ئۆزىمۇ  يوللىسا  بوپتىكەن،باغداشنىڭ  كونا  ئەزاسى بولغاندىكىن.