- تىزىملاتقان
- 2013-3-1
- ئاخىرقى قېتىم
- 2014-4-2
- ھوقۇقى
- 1
- جۇغلانما
- 5145
- نادىر
- 8
- يازما
- 333
ئۆسۈش
100%
|
بۇ يازمىنى ئاخىرىدا bilgejan تەھرىرلىگەن. ۋاقتى 2013-12-8 06:18
پەن-تېخنىكا ھەقىقەتەن ئويلاپ يەتكۈسىز دەرىجىدە تىز تەرەققىي قىلىۋاتىدۇ، بولۇپمۇ بىئو-مىدىتسىنا ساھەسى مىسلى كۆرۈلمىگەن بىر يىڭى گۈللىنىش دەۋرىنى باشتىن-كەچۈرمەكتە. دوكتۇر شۆھرەت مۇتەللىپكە ئوخشاش ئالىملىرىمىز بۇ گۈللىنىشنى قوزغاتقۇچىلارنىڭ بىرى سۈپىتىدە ئۇيغۇر مىللىتىنىڭمۇ ئىنسانىيەت پەن-تېخنىكىسىنىڭ پەللىسىگە جەڭ ئېلان قىلالايدىغانلىقىنى كۆرسىتىپ قويۇۋاتىدۇ. مەرھۇم بوۋىمىز ئابدۇخالىق ئۇيغۇر ھايات بولغان بولسا، بۇنى كۆرۈپ بەكمۇ خۇشال بولغان بولاتتى.... «باشقىلار ئۈچتى كۆككە، يالىئاڭئاياق يۈرەرىمەن..» بەلكىم بۇ شېئىرىنى ئۇ ئۆزگەرتىپ يېزىشىمۇ مۇمكىن ئىدى....
ئامېرىكىدا يىقىندا قۇلىقى ئاڭلىمايدىغان كىشىلەرنى ئاڭلىيالايدىغان قىلىدىغان تېخنىكا بارلىققا كەپتۇ. ئۆلۈشكۈن كەچ بۇ تېخنىكىنى بايقىغۇچى ئالىم سۆزلىگەن بىر دوكلاتنى مەن تۇرۋاتقان شەھەردە نەق مەيداندا ئاڭلاش پۇرسىتىگە ئېرىشكەن ئىدىم. ئۇنىڭ دىگەنلىرىدىن، قىلغانلىرىدىن، پەرەزلىرىدىن خۇدىمنى يوقىتىپلا قويدۇم، خۇددى ئىلمىي فانتەزىيەلىك فىلىملەردىلا بولىدىغاندەك ئىشلارنى ئۇ نەق مەيداندا بىزگە نامايەن قىلدى. ئۇ بىر توك سىملىرى بىلەن ئورالغاندەك كۆرۈندىغان جىلىتكىنى كىيىۋالغان ئىكەن، شۇ جىلىتكە ئارقىلىق ئاڭلىمايدىغان كىشىلەر ئاڭلايدىغان بولىدىكەن ۋە نەق مەيداندا تۇغما ئاڭلىماس بىر كىشىدە سىناق قىلىپ بىزنى بەكلا ھەيران قالدۇردى. بۇ جىلىتكىنى كىلەر يىلدىن باشلاپ بازارغا سالغۇدەك. ھازىر مېڭە ئوپراتسىيىسى ئارقىلىق گاسلىقىنى داۋالايدىغان ئۇسۇل مەۋجۇت بولۇپ ئامېرىكىدا تەننەرخى 40 مىڭ دوللار ئىكەن، ئەمما بۇ جىلىتكىنىڭ بازار باھاسى 500 دوللار بولىدىكەن ۋە ئوپراتسىيە قىلىشنىڭ ئورنىغا كىيۋالسىلا بولىدىكەن.
ئۇ يەنە كىشىلەرنىڭ كاللىسىدىكىنى ئوقۇغىلى بولىدىغان تېخنىكا ئىجات قىلىش ئۈچۈن دەسلەپكى تەتقىقاتىنى باشلاپتۇ... يەنە سۈنئىي مېڭە رايونلىرى ئەسۋابى كەشىپ قىلىنىپتۇ، بۇ نورمال مېڭىدىنمۇ ياخشى ئىشلىگۈدەك....دىگەندەك.
ئامېرىكىدا مېڭىنىڭ ھىپوكامپۇس hippocampus رايوننىڭ ئىقتىدارىنى دورايدىغان يۇقىرى باھادا بازارغا سېلىنغان بىر مىكرو تەنچىلىك ئەسۋاب بارلىققا كەلگەن بولۇپ، ھىپاكامپۇستا كېسەل بار كىشىلەر (مەسىلەن تۇتقاقلىق كېسىلىگە گېرىپتار بولغانلار) ياكى زەھەرلىك چېكىملىككە خۇمار بولغۇچىلارنىڭ شۇ مېڭە رايونىنى كېىسپ ئىلىۋىتىپ مىكرو ئەسۋاپنى ئالماشتۇرۇپ قويسا، بۇ ھالدا بىمار كېسەلدىن ۋە خۇماردىن خالىي ھالدا ياشىيالايدىكەن...
پەن-تېخنىكا ئاجايىپ تىز تەرەققىي قىلىۋاتىدۇ، بولۇپمۇ ئۆتكەن ئون يىلدىكى ئىلگىرىلەشلەرگە گەپ توغرا كەلمەيدۇ. بۇلارنى بىلگەنسىرى، ئۆزەمنى ھىچنىمە بىلمەيدىغاندەك، يەنە نەچچە يىلدا دۇنيانىڭ بەكلا ئارقىسدا قالىدىغاندەك تىراگىدىيلىك تۇيغۇلار كاللامنى قاپلىۋالىدۇ..
شۇنىڭغا ئىشىنىمەنكى، بىزنىڭ نەۋرىلىرىمىز ياشايدىغان دۇنيا بىز مۇشۇ مېنۇتتا تەسەۋۋۇر قىلالمىغۇدەك دەرىجىدە ئۆزگىچە بولىدۇ...
|
|