ئۇپۇققا سىزىلغان ئۇيغۇر سۈرەتلىرى
تۇرسۇنبەگ ياسىن
file:///c:/users/dell/appdata/local/360CHR~1/Chrome/USERDA~1/Temp/181515~1.GIF
(1)
بېيجىڭغا خاس ھىسياتسىز شامال ،
گۈركىرەيتتى -
سېلىپ سۈر - چوقان .
ئەمما لىكىن لىڭشىپ قويمايدۇ ،
قەشقەردىكى رەت- رەت ئاق تىرەك ،
سوزۇپ مۆرەپ قويىدۇ ،
بەزى - بەزىدە ،
ئىچى پۇشقان موزايلق ئىنەك .
چىللىمايدۇ ،
بېيجىڭدا پەقەت ،
ئەركەك - زەردەك ھورۇن خورازلار ،
مىكيانلارغا ۋەزىپە شۇڭا ،
ساراڭلاردەك ،
غەلۋە - چۇقانلار .
قېرىپ قالغان ئۆيسىز لالمىلار ،
كوچىلاردا يۈرۈيدۇ قاۋاپ ،
بەشكىرەمنىڭ شەربەت ئەنجۈرى ،
ساراڭ ئەمەس،
يىلدا ئون پىشىپ .
كۈندە مەستەك يۈرىدۇ شۇڭا ،
ئەرسىز ئىتلار يۇندىنى ئىچىپ .
بېيجىڭدا ،
ئاپتاپلارمۇ شۇنچىلىك سوغۇق ،
خۇيى تۇتسا شۇنچىلىك تەرسا ،
ھېچ يامغۇرسىز ئۆتمەيدۇ بۇلۇت ،
شاماللارمۇ شۇنچە بىپەرۋا.
لاي سۇ ئىچىپ باقمىغان بۇلۇت ،
قانداق بىلسۇن تامچە بىرىشنى.
بېلىق قانداق ئايرىلسۇن سۇدىن ،
ئەمما بۇ سۇ ،
تازلانغان سۇكەن ،
ئەۋرەز يولىدىن يىغىپ توپلىنىپ .
....
بېيجىڭدىكى ئاينىڭ يۈزىدە ،
كۆرىنىدۇ ،
قەشقەرلىك ناۋاي .
توڭلىغاندا بولمايدۇ ھەمراھ ،
ئۈجمە كۆڭۈل مۇزلۇق پارىۋاي.
تەپتارتىدۇ شەھەرلىك موزايدىن ،
سەھرادىكى ،
مۈڭگۈزلۈك بۇقا .
يىغلىغانغا كەلمەيدۇ يارىڭ ،
دىكابىردا پىشمايدۇ سويما
...
كۆرىنىدۇ شەھەردە ئوماق ،
سەت بولسىمۇ ،
سەھرالىق قاغا .
ئىشەنگىلى بولمايدۇ دوستۇم ،
ئاي يۈز ئەمما ،
ئالدامچى يارغا .
....
نازۇك دىلغا كۆپ ئازار بىرىش ،
ئاقىللارنىڭ بۇيرىقى ئەمەس .
قىستىغىلى بولماس ۋىجداننى ،
قېرى قىزنىڭ تويلۇقى ئەمەس .
پايتەختتە ئېتىلسا پوجاڭ ،
ھاڭراپ قويىدۇ قەشقەردە ئىشەك،
پىشىنگىچە ئۇخلاپ قالغانلار ،
ئويغۇنۇپلا تىركسە كىرەك .
(2)
بۇ شەھەرنىڭ سوغۇق مىھرىدىن ، تىتىرەيدۇ جالاقلاپ قىشمۇ . تۇيۇلىدۇ جاھاننىڭ مېھرى ، قىپقالغاندەك _ خوتەن ، قەشقەردە.
<<خەق يۇرتىدا سۇلتان بولغۇچە ، ئۆز يۇرتۇڭدا ئولتان بول >> ئاھ ، ئاتىلىرىمىز بەكمۇ تەدانكەن ، بىلگەن ئىكەن بۇلارنى ئالدىن ، ھېلىقى بىر چاغ قان كىچىپ يۈرۈپ . تۈنەپ يېتىپ ئوچاق بېشىدا ، ئوت كۆيگەندە يۇرتنىڭ بېشىدا . تەڭلەنگەندە زالىم قىلىچى ، جەننەت كەبى ئىللىق ماكانغا .
بۇ شەھەردە تۇيۇلار خۇددى ، قەشقىرىمدە قالغاندەك جېنىم . تاياق يىسەم بېيجىڭدا تۇرۇپ ، ساقىيىدۇ قەشقەردە تىنىم . بېيجىڭدىكى ئاينىڭ كۆزىدىن ، تۆكۈلىدۇ قەشقەرنىڭ يېشى . پاتمايدۇ بۇ ھەيۋەت شەھەرگە ، مۇساپىر بولسا - ھەركىمنىڭ بېشى .
بىھاجەتتۇر يىغلاپ ياش تۆكۈش ، يىغلاپ تۇرغاچ كۈن - تۈندە يۈرەك .
بېيجىڭدىكى كارۋاتتا ياتسام ، چۈشلىرىمدە چىللايدۇ خوراز ، ئاڭلانمايدۇ - ئۆتسە يىل ئاي كۈن ، ئەزان ئاتلىق شۇ مۇڭلۇق ئاۋاز .
ياشلىقىمدا تولغۇنۇپ ياتسام ، چۈشلىرىمدە بولىدۇ ئايان ، پەرىشتىدەك ئۇيغۇرنىڭ قىزى . مەڭزىمگە بىر ئۇيغۇر مۇش ئاتسا ، مۇھەببەتتە قالىدۇ ئىزى . بۇزۇلغاندا چۈشلىرىم ھەر رەت ، كۆرنىدۇ ھېيىتگاھ ماڭا ، تىتىرەپ تۇرۇپ يازىمەن شىئېر ، بېيجىڭدىكى پار ئىسسىقىدا . مىھرى ئەجەپ ئىسسىق تۇيۇلار ، نە خىسلەت بار ئۇيغۇر نېنىدا ؟ چۈشلىرىمدە ئايغا بارغاندا ، پەرىشتىلەر سورىدى مەندىن : قەيەرلەردىن كەپ قالدىڭ يىگىت ؟ جاۋابىم شۇ : خەلقىم يېنىدىن . بېيجىڭدىكى فونتان سۇ چاچسا ، كەپ قالىدۇ يادىمغا ھەر رەت ، باھاردىكى يۇرتنىڭ پېتىقى . شۇ پېتىقنىڭ مىھرى ئۆز ماڭا ، كىچەلەيمەن مەيدەمنى كىرىپ . بېيجىڭدىكى ئاشنىڭ سۈيىدە ، كەمدۇر ھامان _ قەشقەرنىڭ تۇزى . سۈكۈت بىلەن قارىسام كۆككە ، يۇلتۇزلاردىن كەلمەيدۇ سادا . مۇساپىر دەپ چەتكە قاققاندەك . مەن دۇنيانىڭ ئۈگەي ئوغلىمۇ ؟ ئۇنتۇلغانمۇ ئۆز ئانام دادام ؟ ئەي دۇنيا : ئۈگەي كەبى كۆرەمسەن مىنى ؟ مىھرىم بىلەن سۆيسەممۇ سىنى ؟ مەن جاھانغا چۇقان سالىمەن : ياق ! مەن قەشقەرنىڭ مەڭگۈ ئۆز ئوغلى ، مەن قەشقەرنىڭ شاھزادىسىمەن !
خاتىمە
ئاڭلانمايدۇ بېيجىڭدا ھەرگىز ،
ھېيتگاھتا تولىغان ئەزان ،
بامدات ئۈچۈن ماڭسا بوۋايلار ،
بېيجىڭلىقلار غېمىدە ھامان .
كۆرۈنمەيدۇ تۈتەك ئاسماندا ،
قەشقەردىكى نۇرلۇق تولۇنئاي ،
ئىنساپ تىلەپ تۇرار ئاللادىن ،
بېيجىڭدىكى مۇساپىرغا ،
قەشقەردىكى ئۆيدە،
جاينامازدا دۇئا قىلىپ ،
پەرىشتە زات ئانا مىھرىبان !
2011-يىلى 11- ئاي ( شەھرى بېيجىڭ )
|