ئاقسۇ شەھىرىدىكى جاپاكەش قاتناش ساقچىلىرى
قاتناش ساقچىسى دېسە ھەممىنىڭ كۆز ئالدىغا كېلىدىغىنى ئۇلارنىڭ ماشنىلارنى تۇتىۋېلىۋاتقان ،شوپۇرلارنى خالىغانچە قاقتى-سوقتى قىلىپ جەرىمانە نامىدا پۇل ئېلىۋاتقان كۆرنۈشلەر كېلىدۇ .ئىلگىرى مەنمۇ مۇشۇ قاتناش ساقچىسى دېسە بىكارغا پۇل تاپىدىغان خەق دېگەن قاراشتا ئىدىم. بىرنەچچە يىلدىن بۇيان ئاقسۇ شەھرىدىكى قاتناش ۋاستىلىرىنىڭ كۈنسېرى كۆپىيىشىگە ئەگىشىپ، يوللاردا ماڭماق شۇنچىلىك تەسلىشىپ كەتتى . ماشىنا ھەيدىمەي دېسە پىيادە ماڭسا يول ئۇزۇن، ھەيدەي دېسە بۇنچە ئۇزۇن قاتناش تۇسۇلۇش لىنىيىسى ئادەمنى بەكلا بىزار قىلاتتى. قەدەمدە بىر قاتناش سەۋەبىدىن يول تالىشىپ كېلىپ چىققان مۇشتلىشىش، تىللىشىش ھادىسلىرىنى ئۇچرىتىش مۇمكىن ئىدى. بۇ يىل كىرگەندىن بۇيان شەھەرلىك قاتناش ساقچىلىرى ناھايتى بەكلا تىرىشچانلىق كۆرسەتتى ، ئەتىگەن سائەت ( ئۈرۈمچى ۋاقتى ) 7:00 دە ئىشقا ماڭسام يوللاردىكى ھەرقايسى قىزىل چىراق بۆلەكلىرىدە ئۇلارنىڭ قاتناشنىڭ راۋانلىقى ئۈچۈن تىنماي پۇشتەك چېلىپ قاتناش راۋانلاشتۇرىۋاتقانلىقىنى كۆرسەم كەچلىكى ئىشتىن چۈشۈپ كەلگەندە ئۇلارنىڭ يەنە يول بۆلەكلىرىدە ئىشلەۋاتقانلىقىنى كۈندە كۆرىدىغان بولدۇم . ۋەقەلەرمۇ ئازايدى. ئالدىنقى ھەپتە ئۈرۈمچىدىن كەلگەن ئاغىنەم بىر ھەپتە تۇرۇش جەريانىدا ئەڭ تەسىر قىلغان ئىشنىڭ ئاقسۇدىكى قاتناش ساقچىلىرى ئىكەنلىكىنى ئېيىتقاندا مەن ئۇنىڭغا :- بۇ دېگەن ئۇلارنىڭ خىزمىتى تۇرسا دېسەم ئۇ ماڭا :- شۇنداق ئۇلارنىڭ خىزمىتى لېكىن قوماندانلىق چىرىقى بار ئەھۋالدا ساقچىلارنىڭ ماشنىلارنى تەرتىپكە سېلىشى ئاز كۆرۈلدىغان ئىش ، كۆپلىگەن ساقچىلار ئىشخانىدا ئولتۇرۇپ جەرىمانە ئارقىلىق باشقۇرۇش ئېلىپ بارىدۇ ، ئېسىڭدە بولسۇن خەلق ئۈچۈن خىزمەت قىلىش دېگەن ئەڭ يۇقىرى چەكتە خەلىققە مەنپەئەت يەتكۈزشتۇر .-دېگىنىدە مەن باشقىچە بىر ھېسياتقا كەپ قالدىم دېمىسىمۇ شۇ سوغوقتا يوللاردە قوللىرىنى توختىماي پولاڭلىتىپ سىزنىڭ نورمال يۈرۈپ ئىللىق ئۆيىڭىزگە ۋاقتىدا قايتىشىڭىز ئۈچۈن مۇلازىمەت قىلىۋاتقانلار ئاللىقاچان سىزگە بولغان مۇلازىمەتنى دەپ ئىللىق ئائىلىسىدىن سۇغۇرۇلۇپ چىققانلاردۇر .
ئاقسۇ شەھەرلىك قاتناش ساقچى ئەترىتىدىكىلەر دەل مۇشۇنداق روھ بىلەن خىزمەت قىلىۋاتىدۇ . كەمىنە بىر خەلق ئوقۇتقۇچىسى بۇلۇش سالاھىيىتىم بىلەن ئۇلارنىڭ بۇ خىل روھىغا ئاپرىن ئېيىتىش مەقسىتىدە قەلەم تەۋرەتتىم .قاتناش ساقچىلىرى يوللارغا قاتناشنى باشقۇرۇش ئۈچۈن ئەمەس قاتناشنى راۋانلاشتۇرۇش ئۈچۈن چىقسا سىلەردىن پەخىرلىندىغانلار مەنلا ئەمەس پۈتۈن ئاۋام بۇلۇپ قالغۇسى ! رەھمەت جاپا چەكتىڭلار.
2013-يىلى 12-ئاي ئاقسۇ. |