- تىزىملاتقان
- 2012-4-30
- ئاخىرقى قېتىم
- 2015-2-6
- ھوقۇقى
- 1
- جۇغلانما
- 2857
- نادىر
- 1
- يازما
- 162
ئۆسۈش
28.57%
|
«يېڭى ناۋا» دىكى قانات
«يېڭى ناۋا» پروگراممىسى يولغا قويۇلغاندىن بۇيان، ئۆزنىڭ يېڭىدىن-يېڭى چولپانلىرى بىلەن كەڭ كۆرۈرمەنلەرنى ھەربىر يېڭى سانغا تەقەززا قىلماقتا. بۇمۇ بىزنىڭ «ناخشا-ئۇسسۇل دېسە ئۆلىۋاتقان ئانىسىنىڭ ئېڭىكىنى چېتىپ قويۇپ يۈگرەيدىغان» پىسىخىك ھالىتىمىزنىڭ تېخىچە چوڭقۇر ئويلىنىش باسقۇچىغا يەتمىگەنلىكىنى ئىسپاتلاپ تۇرۇپتۇ («بايقاش»، «ئادەم ۋە تەبىئەت»، «پەن-مائارىپ»، «بىر كىتاب، بىر ئالەم» پروگراممىلىرىنىڭ كۆرۈرمەنلىرى بىلەن «يېڭى ناۋا» پروگراممىسىنىڭ كۆرۈرمەنلىرىنى سىتاتىستىكا قىلىپ بېقىشقا ئامالسىزمەن). بۇ ھەقتىكى مۇنازىرىنى تېخىمۇ تېرەن پىكىر قىلالايدىغانلارغا قويۇپ، ئەڭ يېڭى (2013- يىلى 12-ئاينىڭ 6-كۈنىدىكى) «يېڭى ناۋا» پروگراممىسىغا كېلەيلى.
بۇ ساندا مېنى بۇ يازمىنى يېزىشقا مەجبۇر قىلغىنى يېڭىدىن سەھنىگە چىققان (تاماشىبىنلارنىڭ چاۋىكى تەسىرىدىن ئىسمىنى تولۇق ئاڭلاشقا مۇيەسەر بولالمىدىم) رىياسەتچىنىڭ كىيىمى بولدى. بۇ رىيەسەتچىنىڭ كىيىمىنى غەربلىكلەرنىڭ توي كىيىمى ياكى بالېت ئۇسسۇلچىلىرىنىڭ كىيىمى دەپ مۇتلەقلەشتۈرەلمىدىم-يۇ، 6 ئاي قىش بولىدىغان ئۈرۈمچىنىڭ 12-ئاينىڭ 6- كۈنلىرىدە قارا قىش مەزگىلىگە كىرىدىغانلىقى ئېسىمگە كەلدى.
ئەنئەنىۋىيلىكنى قويۇپ تۇرغاندىمۇ، ھېچبولمىغاندا قىش پەسلىدە شۇ پەسىلگە لايىق كىيىم كىيىشىمىز زۆرۈرغۇ؟! بۇرۇن سەھنىلەردە ئانچە كۆزگە كۆرۈنمىگەن بۇ رىياسەتچى بىلمەمدۇ؟! تىزىنىڭ يۇقۇرىسىدىن يەنە تۆت ئىلىك يۇقۇرىسىدا ھۆپۆپنىڭ تاجىسىدەك دىڭگىيىپ تۇرغان بۇ «كۆينەك» نى يىراق سەھرالاردا ئىس ياندۇرۇپ تۇرىدىغان مەشنىڭ ئالدىدا دۈگدەرەپ ئولتۇرۇپ تېلۋېزور كۆرىۋاتقان ئانىلىرىمىز پەرزەنتلەرگە قانداق چۈشەندۈرىدۇ؟ فىلىم ئىشلىگۈچى، رېژىسسورلار ھېچبولمىغاندا بۇ رىياسەتچىنىڭ كىيىمىنى قالغان ئىككىسىنىڭكىگە ماسلاشتۇرۇش لازىملىقىنى ئويلىمىغانمىدۇ؟!
بۇ رىياسەتچى بەلكىم ئۆز كەسپىدە ئاشۇ كۆينەك بىلەن ئۇچۇپ، رىياسەتچىلىك كۆكىدە بىردىنلا پەرۋاز قىلىشنى ئارزۇ قىلغاندۇ، ياكى بىرەرسى مەسئۇلىيەتسىزلىك بىلەن شۇنداق ئۇچۇرغاندۇ. لېكىن شۇنىسى ئېنىقكى چۆجىنىڭ چۆجىچە، بۈركۈتنىڭ بۈركۈتچە قانىتى بولىدۇ. رىياسەتچىلىك سېپىگە يېڭى قېتىلغان بىر كەسپ ئەھلىنىڭ مېنىڭ نادان قەلبىمدە قالدۇرغان سەلبىي تەسىرى شۈنچىلىك. قالغانلار قانداق خىياللارنى سۈرىۋاتىدىغاندۇ؟ ئىشقىلىپ، «يېڭى ناۋا» سەھنىسىدە ناخشا ئېيتىپ، ئۇسسۇل ئويناپ سەنئەت كۆكىدە پەرۋاز قىلىشنى، ياكى باشقا قاناتلار بىلەن پەرۋاز قىلىشنى ئويلىغانلار شۇنى ئۇنتۇپ قالمىسۇنكى ھەرقانچە ئىگىزدە پەرۋاز قىلغان قۇشنىڭمۇ دېنى يەردە. ئەنئەنىۋىيلىكتىن، مىللىي خاسلىقتىن ئايرىلغان قانات بىلەن كۆككە ئەمەس پەقەت كاتەكنىڭ ئۆگزىسىگىچىلا ئۇچقىلى بولۇشى مۇمكىن...
مەنبە: قەلىمىم
|
|