بالىلارغا ۋاكسىنا ئۇرغۇزۇش جەدۋىلى

parzant

         
                                           بالىلارغا ۋاكسىنا ئۇرغۇزۇش جەدۋىلى



        ئۇيغۇر بالىلىرىنىڭ ۋاكسىنا ئۇرغۇزۇش نىسپىتى تۆۋەن، بولۇپمۇ دىھقان، قول ھۈنەرۋەن ۋە تىجارەتچىلەر ئارىسىدا بالىلىرىغا ۋاكسىنا ئۇرغۇزۇشقا ئەھمىيەت بەرمەسلىك مەسىلىسى بىر قەدەر ئېغىر. شۇ سەۋەپتىن ئۇيغۇر بالىلىرى ئارىسىدا قىزىل، كۆك يۆتەل، مىڭە ياللۇغى، تىبىركىلوز، سۇ چىچىگى، تىتانۇس، جىگەر ياللۇغى قاتارلىق يۇقۇملۇق كىسەللىكلەر بولۇش نىسپىتى ۋە ئۆلۈش نىسپىتى ئېغىر. قەشقەر، خوتەن، ئاقسۇ ۋە قىزىلسۇ قاتارلىق يۇرتلاردا ھەي يىلى دىگۈدەك بالىلاردا قىزىل كىسىلى كەڭ كۆلەمدە تارقاپ نۇرغۇن بالىلارنىڭ جېنىغا زامىن بولماقتا. دىيارىمىزدا بالىلار پارالىچ كىسىلى يوقىتىلغان بولسىمۇ يېقىندا خوتەندە قايتا باش كۆتۈرۈپ چىقتى. شۇڭا ئاتا-ئانىلارنىڭ بالىلىرىغا ۋاقتىدا ۋاكسىنا ئەملىتىپ تۇرىشى قاتتىق تەۋسىيە قىلىنىدۇ.
نىمە ئۈچۈن ۋاكسىنا ئەملەشنى مۇھىم دەيمىز؟


•يېڭى تۇغۇلغان بوۋاقلارنىڭ بەدىنىدە ئانىسىدىن ئېلىپ چۈشكەن كىسەلگە قارشى تۇرغۇچى ماددىلار بولىدۇ، لېكىن بۇ ماددىلار 1 ئايدىن بىر يىلغىچە بولغان ئارىلىقتا خوراپ تۈگەيدۇ. شۇڭا ۋاكسىنا ئەملەپ كۆپ كۆرىلىدىغان يۇقۇملۇق كىسەللەرنىڭ ئالدىنى ئېلىش زۆرۈر.
•ئەگەر بالىلارغا ۋاكسىنا ئەملەنمىسە بالىلار مىكروپ ۋە ۋىروسلارغا ئۇچراشقاندا ئۇلارغا قارشى ئىممۇنىت كۈچى بولمايدۇ. ۋاكسىنلار ۋۇجۇتقا كىلىشتىن بۇرۇن نۇرغۇن بالىلار قىزىل، كۆك يۆتەل، بالىلار پارالىچى قاتارلىق يۇقۇملۇق كىسەللىكلەرگە گىرىپتار بولغان ۋە بەزىلىرى ئۆلۈپ كەتكەن.
•ۋاكسىنا ئەملەش ئارقىلىق چىچەك كىسىلى دۇنيادىن يوقىتىلدى، بالىلار پارالىچى، خولىرا قاتارلىق كىسەللەر زور دەرىجىدە ئازايتىلدى.
• بالىلارغا ۋاكسىنا ئۇرغۇزۇش ئارقىلىق بالىلارنىڭ بەدىنىنى يۇقۇملۇق كىسەللىكلەرگە قارشى ئىممۇنىت كۈچىگە ئېگە قىلغىلىبولىدۇ ۋە يۇقۇملۇق كىسەلىكلەرگە گىرىپتار بولۇشنىڭ ئالدىنى ئالغىلى بولىدۇ.
• شۇ ئارقىلىق بالىلارنىڭ ئۆلۈش نىسپىتىنى يۇقۇرىلاتقان ۋە ئاغرىتقان  يۇقۇملۇق كىسەللىكلەرنى تىزگىنلەش ۋە يوقىتىش مەقسىدىگە يەتكىلى بولىدۇ.
1. يېڭى تۇغۇلغان بوۋاق: ئۆپكە تىبىركىلوز ۋاكسىنىسى، ب تىپلىق جىگەر ياللۇغى ۋاكسىنىسى.
2. بالا بىر ئايغا توشقاندا: ب تىپلىق جىگەر ياللۇغى ۋاكسىنىسى.
3. بالا ئىككى ئايغا توشقاندا: بالىلار پارالىچى كىسىلى ۋاكسىنىسى.
4. بالا ئۈچ ئايغا توشقاندا: بالىلار پارالىچى كىسىلى ۋاكسىنىسى، كۆك يۆتەل-ئاق كاناي ياللۇغى-تېتانۇس ۋاكسىنىسى.
5. بالا تۆت ئايغا توشقاندا: بالىلار پارالىچى كىسىلى ۋاكسىنىسى، كۆك يۆتەل-ئاق كاناي ياللۇغى-تېتانۇس ۋاكسىنىسى.
6. بالا بەش ئايغا توشقاندا: كۆك يۆتەل-ئاق كاناي ياللۇغى-تېتانۇس ۋاكسىنىسى.
7. بالا ئالتە ئايغا توشقاندا:ب تىپلىق جىگەر ياللۇغى ۋاكسىنىسى، تارقىلىشچان مىڭە ياللۇغى ۋاكسىنىسى.
8. بالا سەككىز ئايغا توشقاندا: قىزىل ۋاكسىنىسى.
9. بالا سەككىز ئايلىقتىن بىر ياشقا توشقىچە: رۇبىللا ۋاكسىنىسى، قۇلاق ئاستى بېزى ياللۇغى ۋاكسىنىسى.
10. بالا بىر ياشقا توشقاندا: ب تىپلىق مىڭە ياللۇغى ۋاكسىنىسى.
11. بالا بىر يېرىم ياشلىق بولغاندىن ئىككى ياشقىچە بولغان ئارلىقتا: كۆك يۆتەل-ئاق كاناي ياللۇغى-تېتانۇس ۋاكسىنىسى.
12. بالا تۆت ياشلىق بولغاندا: بالىلار پارالىچى كىسىلى ۋاكسىنىسى.
13. بالا تۆت ياشلىق بولغاندا: قىزىل ۋاكسىنىسى، ئاق كاناي ياللۇغى-تېتانۇس ۋاكسىنىسى.

kitabhumar

ئىشقىلىپ مىنىڭ ئارتۇق گپىم يوق ئەمما مەن ئۇرغۇزمايمەن ھە ئۇرغۇزغۇم يوق.
سەۋەبىنىمۇ دەپ ئولتورمايمەن

parzant

kitabhumar يوللىغان ۋاقتى  2013-12-12 23:51
ئىشقىلىپ مىنىڭ ئارتۇق گپىم يوق ئەمما مەن ئۇرغۇزمايمەن  ...

بالىڭىزنىڭ ساغلاملىقى ئۈچۈن ئۇرغۇزمىسىڭىز بولمايدۇ. سىز كىمدىن باتنىغان بولسىڭىز بالىڭىزنىڭ خاتالىقى ئەمەس.
ئۇيغۇرلار ئاچقان مۇنتىزىم شەخسى دوختۇرخانا ۋاكسىنا ئۇرسا ئۇرغۇزامسىز؟

anwar894

يېڭى ئۇچۇرنى قانداق يوللايمەن

alkanat

parzant يوللىغان ۋاقتى  2013-12-13 00:27
بالىڭىزنىڭ ساغلاملىقى ئۈچۈن ئۇرغۇزمىسىڭىز بولمايدۇ.  ...

شامال چىقمىسا  دەرەخ لىڭشىمايدۇ.......

kawimmol

ئەسسالامۇ ئەلەيكۇم قېرىنداشلار ، بۇ ناھايىتى مۇھىم مەسىلە، پەرزەنلىرىمىزنىڭ ساغلام ئۆسۇپ يىتىلىشى ئۇچۇن چوقۇم ئۇرغۇزىڭ.
بىزنىڭ ئىدارە ھەر يىلى ئوخشاش بولمىغان ۋاقىتلاردا ھەر قايسى ۋىلايەت ئوبلاستلارغا بېرىپ ۋاكسىنا ئەملەشنى نازارەت قىلىپ تۇرىدۇ ، بۇ يىل 9 - ئايدا قەشقەر ، خوتەن ۋە قىزىلسۇ ئوبلاستىدىكى ھەممە ناھىيە بازار، كان كارخانا ئورۇنلىرىغا بېرىپ قىزىل سوغان ۋاكسىنىسىنى كۇچەيتىپ ئۇرۇش ئېلىپ بېرىلدى ، مەنمۇ قەشقەر ۋىلايىتىدىكى بىر ناھىيەگە چۇشتىم ، ھەر قايسى يېزا ، كەنىت ، مەيدانلارغىچە باردۇق ، ھازىر ئۇ يەردىكى كېسەللىكلەرنىڭ ئالدىنى ئېلىش - تىزگىنلەش مەركىزى ، ناھىيەلىك ۋە يېزىلىق دوختۇرخانىلار بۇ ئىشقا بەك كۇچەپ ئىشلەۋېتىپتۇ ، ئۆز كۆزۇم بىلەن كۆرۈپ كەلدىم ۋە بىر قانچە مەسىلىلەرنى بايقىدىم.
1. بىزنىڭ دېھقانلىرىمىزنىڭ ئاڭ سەۋىيەسى يەنىلا بىر قەدەر تۆۋەن.
2. ساغلاملىق ئېڭىمىز، كېسەللىكلەرگە بولغان تونۇشىمىز يېتەرلىك ئەمەس.
3. تەشۋىق تەربىيە يېتەرلىك ئەمەس.
4. ئاساسىي قاتلامدىكى بىر قىسىم خادىملارنىڭ چۇشەندۇرۇشى ۋە كۆڭۈل قويۇپ ئىشلىشى سەل مۇۋاپىق ئەمەس.
بولسا تەشۋىقاتنى كۇچەيتسەك ھەم ئۇنى تېخىمۇ ياخشى ئىجرا قىلدۇرساق پەرزەنلىرىمىزنىڭ ساغلاملىقى ئۇچۇن ئاساس سالغان بولاتتۇق.
بۇ توغۇرلىك مەن ئايرىم تېما يوللايمەن، تېما ئىگىسىگە رەخمەت.

gulamay

kitabhumar يوللىغان ۋاقتى  2013-12-12 23:51
ئىشقىلىپ مىنىڭ ئارتۇق گپىم يوق ئەمما مەن ئۇرغۇزمايمەن  ...

نىمىشقا ئۇنداق دەيدىغىنىڭىزنى بىلمىدىم ،ھەم سوراپمۇ بىلگۈم يوق.لىكىن مەكتەپكە باللارنى قۇبۇل قىلغاندا ،ھەرقىتىم ئۇرغۇزغان ۋاكسىن خاتىرسىنى يىغىۋالىدىغانلىقىنى چۈشەنگەندەك بولدۇم

yawaat0998

شۇ قورقۇنۇچلۇق يىڭنىلىق ئۇكۇلنىڭ ئورنىغا تاتلىق دورا ياساپ ئىشلەتسە بولمامدۇ؟ تەتقىقات ئورنىدىكىلەر نېمىشقا شۇنداق تاتلىق دورىلارنى كەشىپ قىلمايدىغاندۇ؟ ئۇكۇل يىڭنىسى بىچارە بالىلارنىڭ جېنىنى ئېلىپ جاڭگالدا قويىدۇ. بالام تۇغۇلغاندا ئوماق بىلەكلىرىگە ئۇكۇل سانجىسا يۈرىكىمگە سانجىلغاندەك بولوپ كېتەتتىم، يىغىسىنى ئاڭلاپ تېخىمۇ چىدىماي قالاتتىم.

aral52

بالىلارغا  ۋاكىنسا ئۇرغۇزغان ياخىشى...

parzant

نىمە ئۈچۈن ۋاكسىنا ئەملەشنى مۇھىم دەيمىز؟

•يېڭى تۇغۇلغان بوۋاقلارنىڭ بەدىنىدە ئانىسىدىن ئېلىپ چۈشكەن كىسەلگە قارشى تۇرغۇچى ماددىلار بولىدۇ، لېكىن بۇ ماددىلار 1 ئايدىن بىر يىلغىچە بولغان ئارىلىقتا خوراپ تۈگەيدۇ. شۇڭا ۋاكسىنا ئەملەپ كۆپ كۆرىلىدىغان يۇقۇملۇق كىسەللەرنىڭ ئالدىنى ئېلىش زۆرۈر.
•ئەگەر بالىلارغا ۋاكسىنا ئەملەنمىسە بالىلار مىكروپ ۋە ۋىروسلارغا ئۇچراشقاندا ئۇلارغا قارشى ئىممۇنىت كۈچى بولمايدۇ. ۋاكسىنلار ۋۇجۇتقا كىلىشتىن بۇرۇن نۇرغۇن بالىلار قىزىل، كۆك يۆتەل، بالىلار پارالىچى قاتارلىق يۇقۇملۇق كىسەللىكلەرگە گىرىپتار بولغان ۋە بەزىلىرى ئۆلۈپ كەتكەن.
•ۋاكسىنا ئەملەش ئارقىلىق چىچەك كىسىلى دۇنيادىن يوقىتىلدى، بالىلار پارالىچى، خولىرا قاتارلىق كىسەللەر زور دەرىجىدە ئازايتىلدى.
• بالىلارغا ۋاكسىنا ئۇرغۇزۇش ئارقىلىق بالىلارنىڭ بەدىنىنى يۇقۇملۇق كىسەللىكلەرگە قارشى ئىممۇنىت كۈچىگە ئېگە قىلغىلىبولىدۇ ۋە يۇقۇملۇق كىسەلىكلەرگە گىرىپتار بولۇشنىڭ ئالدىنى ئالغىلى بولىدۇ.
• شۇ ئارقىلىق بالىلارنىڭ ئۆلۈش نىسپىتىنى يۇقۇرىلاتقان ۋە ئاغرىتقان  يۇقۇملۇق كىسەللىكلەرنى تىزگىنلەش ۋە يوقىتىش مەقسىدىگە يەتكىلى بولىدۇ.