قومۇلدىكى يېڭىلىق ۋە نومۇسسىز بەڭگىلەر

tohotur

1.بۇگۇن بالامنى ئوينۇتۇپ كىلىش ئۇچۇن دەۋىر مەيدانىنىڭ ئوتتۇرا غەرىپ بۆلكىدىن ئۆتۇپ كىتىۋاتسام كۆزۇمگە داتلاشماس پولاتتىن پارقىراپ تۇرغان بىر ئىككى سۇ جۇمۇكنى كۆرۇپ قالدىم . ئەسلىدە بۇ سۇجۇمەكلىرى دەل قومۇل شەھەرلىك ھۆكۆمەتنىڭ ئاممىۋى سۇ ئىچىش  ئۇچۇن ھەقىسز ئورناتقان جۇمەكلىرى ئىكەن .

2.تور ئەھلىنىڭ ئىسىدە شابان رول ئالغان تۆت ئاكا ئۇكىنىڭ ئىېتىزلىقتا يەر ئاغدۇرۋېتىپ بىر كومزەك تىللا تېپىۋالىدۇ .ئۇلار بۇ تىللالارنى  ئىستامبولغا ئاپىرىپ ئەلى ئىسىملىك زەرگەر يۇرتىدىشىغا ساتماقچى بولۇدۇ .  ئىستانبولغا بېرىپ ئۇچ كۇن سۇدىن باشقا نەرسە يىمەي ئىچمەي  ئەلى زەرگەرنى ساقلايدۇ ، مەن ئاشۇ  كىنونى كۆرگەندە ئىستانبول شەھرىنىڭ ھەر قايسى جايلىرىدا شەھەر ئاھالىلىرىنىڭ ئىچىشى ئۇچۇن ھەقىسز ئامىۋى سۇ ئىچىش جۇمۇكى ئورنىتىلغانلىقىنى كۆرۇپ  تولىمۇ ھەۋەسلەنگەن ئىدىم ،

3 .گەپنى قومۇلىمىزغا يۆتكىسەك قومۇلدا مەن مېنىڭ دادام دادامنىڭ دادىسى قاتارلىق نەچچە يۇز ئەجدادىم  قومۇل شەھەر بازىرىغا كىرگۇچە ۋە قايتقۇچە ئۆتەر يولدىكى دۆشتۇر بۇلاقنىڭ سۇيىنى ئىچىپ  ماڭغان ، ئەلھەمدۇلىللا شۇكىرى ، ئەپسۇس بۇ دۆشتۇر بۇلاقنىڭ سۇيىنى باللاممۇ ئىچەر دەپ خام خىيال ئەيلەپتىمەن ، ئەمما بالامغا كەلگەندە دۆشتۇر بۇلاقنىڭ سۇيى تامامەن قۇرۇپ كەتتى .   بۇ تەبىئەتكە بولغان بۇزغۇنچىلىقنىڭ بىر مۇقەررەر نەتىجىسى .راھەتباغلىقلار بۇنداق بۇزغۇنچىلىقنىڭ دەردىنى ئاستا ئاستا ھىس قىلىشقا باشلىدى ، بىزنىڭ گۇزەل بۇلاقلىرىمىز قۇرۇپ كەتتى ، راھەتباغلىقلار ئەمدى ئەتىيازنىڭ كۇنى بۇلاق چېپىشقا چىقماس بولدى ، شەرچى دىخانلىرىنىڭ غەزىپى قايناپ تېشىپ قومۇل خەلق باغچىىسىدىكى كۆلنىڭ تومۇسىنى چېپىپمۇ باقتى ،  ئەمما قومۇلنىڭ غولى قۇرۇشتىن ئىبارەت رەھىمىسىز رىئاللىققا ھەممىمىز ئامالىسز يۇزلىنىۋاتىمىز ،

4.مانا موشۇنداق قاغىجىراۋاتقان كۇنلەردە مەن دەۋىر مەيدانىنىڭ ئوتتۇرا غەرپ بولىكىدە پەيدا بولغان ئامىۋى سۇ ئىچىش جۇمەكلىرىنى كۆرۇپ نۇرغۇن نۇرغۇن چىگىش خىياللارغا پاتتىم ، ئەجىبا باشتا ھەممىنى ئىنكار قىلىپ تەلتۆكۇس يوقۇتۇپ ئاندىن بىزە بىزە مۇشۇككە پىشەنبىلىك بەرگەندەك خەلىققە قايتۇرۇپ بىرىش جۇڭگوچە شەھەر مەدىنيتىىمىدۇ؟

5.مەيلى نىمىلا بولمىسۇن  قومۇل شەھەرلىك ھۆكۆمەتنىڭ ئامما ئۇچۇن قىلغان بۇ ياخشى ئىشىغا تەشەككۇلەر ئىيتماي بولمايدۇ ، ئاللاھ خالىسا  ھۆكۆمەت چوڭ باغچىلارغا ھەقىسز ۋايفاي تەمىنلەپمۇ قويار ،   مانا شۇنداق ھۆكۆمەتنىڭ مەرتلىكى كۇنسايىن ئېشىشىغا ئەگىشىپ قومۇللۇقلارنىڭ ساپاسى بارغانسىېرى ئۆرلەپ ئۆسۇملۇك سۇيىنىڭ جۇمۇكىنى بىر ئامال قىلىپ ئېىچىپ سۇ ئىچىدىغان ياكى ماشىنا يۇيىدىغان ئىشلىرى ئازلاپمۇ قالار ، بولسا ئاشۇنداق  بىرەر كۆلچەك ھەقسىز سۇ بىلەن تەمىنلەپ ھەقسىز ماشىنا يۇيۇش قاتارلىق ئجىتىمائى پاراۋانلىقلارنى ئويلۇشۇپ باقار .

6.ئەمدى گەپ بەڭگىلەرنى نىمىشقا تىللايسەن دىگەندە بۇ نومۇسسىز بەڭگىلەرنىڭ بىرى دەل ئاشۇ دەۋىر مەيدانىدىكى ئامىۋى سۇ ئىچىش جۇمەكنىڭ كۆلچىكىگە تاماكا قالدۇقىنى تاشلاپ قويۇپتۇ ،  
راھەتباغلىقلار ھېچقاچان دۆشتۇر بۇلاققا بۇنداق مۇئامىلە قىلىپ باقمىغان ، يەتتە ياشتىن يەتمىش ياشقىچە بۇلاقتىن سۇ ئېلىپ ئىچەتتى ، ھېچكىم بۇلاققا قەستەن ئەخلەت ۋە باشقا نەرسىلەرنى تاشلاشتەك نومۇسسىزلىقنى قىلىپ باقمىغان .

aqturk

تىما مەزمۇنى بولىدىكەن ، لىكىنزە يېزىش شەكلىڭىز دۇنيادا بىر جۇمۇ .

dolanogli

ھازىر جاھان ھەممە تەرققى  قىلىپ يىڭلىققا ئىنتىلگەنسىرى  ئەسلىدىكى  تەبىئى مۇھىت بۇزغۇنچىلىققا ئۇچۇرشىمۇ شۇنچە زور بولىدىكەن   قارغاندا بىرنى يوقالمىسا يەنە بىرسى  يەنە بىرسى پەيدا بولمايدىغان ئوخشايدۇ

ahkiqa

4.مانا موشۇنداق قاغىجىراۋاتقان كۇنلەردە مەن دەۋىر مەيدانىنىڭ ئوتتۇرا غەرپ بولىكىدە پەيدا بولغان ئامىۋى سۇ ئىچىش جۇمەكلىرىنى كۆرۇپ نۇرغۇن نۇرغۇن چىگىش خىياللارغا پاتتىم ، ئەجىبا باشتا ھەممىنى ئىنكار قىلىپ تەلتۆكۇس يوقۇتۇپ ئاندىن بىزە بىزە مۇشۇككە پىشەنبىلىك بەرگەندەك خەلىققە قايتۇرۇپ بىرىش جۇڭگوچە شەھەر مەدىنيتىىمىدۇ؟

مەن بىرنىملەرنى ئەسلەۋاتىمەن :::::: ھەقىقەتەن توغرا

xajarim

    توخوتۇر ئۇسلۇبى ..

nijat0220

       ئاممىۋىي ئەسلىھەلەرنى ئاسرىماسلىق،  تىپىك مەدەنىيەتسىز قىلمىش....

sardar

ئەسلى يىتەرلىك سۇ بار لېكىن ئۇسۇنى ئەشۇ مۇھىت بۇلغاۋاتقان زاۋۇت، كان، كارخانىلار پايدىلىنىپ قۇرۇتىدۇ........

kaplan521

مەدىنيەتلىك شەھەر بەرپا قىلماق ئوڭاي، لىكىن مەدىنيەتلىك شەھەر ئاھالىسى بەرپا قىلماق تەس ،خەلىققە قولايلىق سۇ ئىچىدىغان يەرگە، تاماكا قالدۇغى تاشىلىغانلىق مەدىنيەتسىز شەھەر ئاھالىسىنىڭ سىماسىكەن .

سەدەف

ئىستانبولدا ئىشىت-مۆشۈكلەر   سۇ ئىچىدىغان مەخسۇس سۇ جۈمەكلىرىنى ياكى كوچا دوقمۇشلىرىدا پاكىزە  قاچىلارغا قۇيۇلغان،پات-پات كىملەردۇر يەڭگۈشلەپ قويىدىغان سۈزۈك سۇلارنى كورىسىز. ئۇ يەرلەردە ئەخلەت،تاماكا قالدۇغى،شاپاق-شالتاق ...كۆرمەيسىز.دېمەكچىمەنكى،بىز ئاڭ-ساپاسى يۇقۇرى، مەدەنىيەتلىك شەھەر ئاھالىلىرىنىڭ ئاساسىي سالماقنى ئىگىلىشىگە مۆھتاج.  بۇ -- سۇ جۈمەكلىرى ئەتراپىنىڭ مۇھىتىنىلا ئاسراش دېگەنلىك ئەمەس--ئەلۋەتتە!

generall

‹‹ ئاممىۋى سۇ ئىچىش ئۈسكۈنىسى›› دېگەن خەتنى كۆرۈپ بەكمۇ كۈلگۈم كەلدى،
‹‹ ئاممىۋى تۇرۇبا›› دېسەك بولدىغۇ!

تېمىدىكى رەسىمنى كۆرۈپ سۆزلىگۈم كېلىپ قالدى.
يەنە ھېلىقى بىر ۋېۋىسكىلار بار‹‹ چاپار ئات›› ،‹‹ ئۇچار قۇش›› ئۈن-سىن مەركەزلىرى دەپ. مۇشۇنىڭغا ھازىرمۇ كۈلۈپ كېتىمەن، قۇش دېگەن ئۇچىدۇ، ئات دېگەن چاپىدۇ شۇ.(ئۇچار قۇش...دېيىشنىڭ نېمە ھاجىتى؟ )
ئۆتكەن بىر چاغدا تېكەسكە بارغىنىمدا كۆكتات بازىرىدىكى ‹‹ مۇسۇلمانچە توخۇ بار››(تېخى يەنە بىر ۋېۋىسكىغا قازاقچە‹مۇسۇلمان توخۇ بار› دەپ يېزىپ قويۇپتىكەن)دېگەن ۋېۋىسكىنى كۆرۈپ شۇ يەردىكى تېكەسلىك بۇرادەرلەرگە كۆرسەتسەم، ئۇلارمۇ كۈلۈپ كەتكەن ئىدى.
‹‹ھالال توخۇ›› دېسىلا بولدى ئەمەسما!