پاتقاق گازى كۆلچىكى

ablimitt

خېلى بۇرۇنلا بىر قىسىم تورداشلار بۇنى سورىغان، شۇڭا تورداشلارنىڭ تەلۋى بىلەن يازدىم. تۇلۇقسىزنىڭ خىمىيە دەرىسلىكىدە مىتان گازى تۇغرىلىق تەپسىلى تۇختالغان بۇلۇپ، بۇ يەردە قىسقىچە پاتقاق گازى كۆلچىگى ياساش تۇغرىلىقلا تۇختىلاي.
ئادەتتە 3 كىلو قاتتىق ئۇتۇننىڭ چىقىرىدىغان ئىسسىقلىقى بىر كىلو كۈمۈرگە تەڭ بۇلىدىغىنىنى بىلىمىز، بۇ خىل ئۇسولدا پايدىلانغاندا بولسا بىر كىلو ئۇغوتتىن تەخمىنەن 2 كىلو كۈمۈرنىڭ ئىسسىقلىقىغا ئېرىشىپلا قالماي يەنە قالدۇقى يۇقىرى سۈپەتلىك ئۇغوتقا ئايلىنىدۇ، تەركىبى ئۇخشىمىغان ماتىريالغا ئاساسەن ئۇخشاش بولمىسىمۇ ئەمما سۇغا سىڭدۈرۈلگەن ئازوتنىڭ خىمىيۋى ئۇغوتتىكى ئازوتتىن چوڭ پەرقى ،يەرنى قاتتىقلاشتۇرۋەتمەيدۇ، ھەم باشقا تەركىپلەرنىڭ ئۈسۈملۈككە پايدىسى ئىنتايىن يۇقىرى. تەركىبلېرىنى ئىسىمدە تۇتىۋالماپتىمەن، ‹‹ئۈسۈملۈكنىڭ ئاجايىپ شىپالىق دورىسى›› دەپ تۇرايلى.

بۇرۇنلاردا خىش ۋە سىمونىتتىن كۆلچەك ياساپ ، ئىچ تەرپىگە شام(موم) نى يالىتىپ سۇ سىڭمەسلەشتۈرىدۇ، يەنى كۆلچەك تىمىنى ئوت بىلەن قىزدۇرۇپ(ماشنىلارنى قىزىتىشتا ئىشلىتىدىغان پۈركىگۈچلۈك قىزىتقۇچ بىلەن)، مومنى تامغا سۈركىسە سىمونىت سۇۋاقنىڭ يۈزىگە شام ئېرىتمىسى سىڭىپ، بىر قەۋەت سۇ ئۈتكۈزمەس قەۋەت پەيدا بۇلىدۇ. ئاندىن ئۈستى قىسمىغا ھىم ئىتىلىدىغان قاپقاق ئورنىتىمىز، نەيچە ئارقىلىق ئىشلىتىدىغان ئەسۋاپلارغا ئىچىدىكى گازنى يەتكۈزىدىغان لىنىيە تەييارلاپ،  ئاندىن ئىچىگە %70 سۇ تولدۇرۇپ، دەرەخ يۇپۇرماقلېرى، ئوت-چۆپلەرنى ياكى قوي-كالا ئۇغوتلېرىنى سىلىپ بىر مەزگىل(15كۈندىن 1 ئايغىچە) تۇرغۇزسا مىتان گازى ھاسىل بۇلىدۇ. بىز بۇ يەردە يەنە زىيادە گازنى بىسىملىق قىلىپ ساقلاش ۋە كەڭلىكى 8 مىتىرلىق قىلىنراق سۇلياۋنى ئۇتتۇردىن يارمايلا ئىككى بىشىنى پۇختا ،ھىم قىلىپ يىپىشتۇرۇپ، نەيچىنى ئۇلاپ قويساق، شۇ خالتا ئىچىگە كىرىپ، ساقلىنىدۇ، ئەتراپىنى ياخشى تۇسۇش، بىخەتەرلىككە دىققەت قىلىش لازىم）يەنە مۇشۇ ئاددى سۇلياۋنىڭ ئىچى-تىشىنى باشقا نەرسە بىلەن قاپلاپ پاتقاق گازى كۆلچىكى ياسىسىمۇ بۇلىدۇ).

قىش-ياز پەسىللېرىدە مىتانغا ئايلىنىش ئۈنىمى ئۇخشاش بولمايدۇ، بۇ بولدۇرىدىغان خىمىرنى ئىسسىق يەرگە قويسىڭىز تىز بولغىنىدەك ئىش.
بىز لاھىيەلەشتە ئېھتىياجىمىزغا كىتەرلىك كۆلچەكنى قىش پەسلىدىكى ۋاقىتنى ئۆلچەم قىلىپ گاز ئاز ھاسىل بولغاندا يەنىلا ئېھتىياجىمىزنى قامدايدىغان قىلىپ بىكىتىمىز، نەچچە يىل بۇرۇن بۇنىڭ فورمۇلالېرىنى بىر زاۋۇت ماڭا ئەۋەتكەن، قاتتىق دېسكىنى نەچچىنى ئالماشتۇرۇپ كەتكەچ ساقلىۋالغىنىممۇ ھازىر يوق، ناۋادا بىر ماتور بىلەن ھەم توك چىقىرىپ، ھەم ماتورنىڭ ئاۋازىنى ئۈتكۈزمەي ئىسسىقلىقىدىن پايدىلىنىدىغان قۇرۇلما تەييارلىۋالساق،بىر ۋاقىتتىلا ئىسسىنىشنىمۇ ئەمەلگە ئاشۇرىمىز دىسەكمۇ ئىككى يۈز كۇۋادىرات كۆلچەك تەييارلىساق يىتىدۇ. كۆلچەك چوڭقۇرلىقى 3 مىتىر بۇلىدۇ، ماتىريال تاشلىغاندا بىر قىتىمدا بەك كۆپ تاشلىۋەتمەي، دەسلەپتە بىر مىتىر قىلىنلىقتا تاشلاپ، ئۈستىدىن بىسىپ سۇغا چۈكتۈرۈپ تۇرىمىز، ھەم بىسىپ تۇرىدىغان تاختاينى ھەر كۈندە ئىككى-ئۈچ قىتىم سىلكىنىپ تۇرىدىغان قىلىپ قويساق، ماتىريال ئارلىقلېرىدا گاز قاپلىشىۋالغان بولسا ۋاقتىدا بوشلۇققا لەيلەپ چىقىدۇ، گاز قاپلىشىۋىلىپ سۇدىن ئايرىلغان ماتىريالمۇ قايتا سۇ بىلەن ئۇچرىشىپ، داۋاملىق گاز ھاسىل بۇلۇپ تۇرىشى كاپالەتلەندۈرىلىدۇ.
نەچچە يىللاردىنلا بىر خىل يۇپۇق يوللۇق يۇمشاق خالتىلىق گاز كۆلچەكلېرى ئۇيغۇر سودىگەرلېرىمىز تەرپىدىن تورلاردا ئېلان قىلىنىپ سىتىلىۋاتقان ئىدى. ئېھتىياجىمىزغا ماس كەلسە شۇنى سىتىۋىلىپ ئىشلەتسەكمۇ بۇلىدۇ.

tikan

رەھمەت ئابلىمىت ئاكا!
قايسىڭلار بۇ پاتقاق گازىنى ئىشلىتىپ باققان،بىر قانچە يىل ئىلگىرى تېلىۋىزوردا
شۇنداق تەشۋىق قىلىپ كەتكەن بۇنى.ھازىر دېھقانلار راستىنلا ئىشلىتىۋاتامدۇ؟

ahkiqa

ھەقىقەتەن ياخشى بولسا مەنمۇ قىلدۇرسەم بۇلاتتى بۇنى

tapakkur

مۇشۇ خىلدىكى قۇرۇلمىلارنىڭ ئىچىگە تۇرۇبا يولى ئورنىتىپ بىئولوگىيىلىك ئۆزگۈرۈش ۋە خىمىيىلىك رېئاكسىيىدىن پەيدا بولغان ئىسسىقلىقتىن پايدىلانسىمۇ بولىدۇ،بىزدە مۇشۇلار توغرىلىق تەجرىبە ئەمىلىيىتى ۋە سانلىق مەلۇمات يوق.

kitabhumar

نەچچە يىل ئالدىدا ھۆكىمەتتىن بىر تۇتاش ياسىغان بىزنىڭ يىزىلاردا ،لىكىن ئۈنۈملۈك بولمىدى

dolanogli

دولەتنىڭ نۇرغۇن مەبلەغ سېلىپ داغدۇغا بىلەن ئېلىپ بېرۋاتقان كولچەكنى سىمنۇت بىلەن قۇيۇپ تەييارقىلىپ قۇيۇپ ئوچاقنى تەييارلاپ ئولايدىغان ۋاقىتتا  تېىخىكىسى يىتىشمىدىمۇ  يوقاپ كەتتىغۇ ئۇلار  ياكى شاخ شۇمبا قىغلاردىن گازنى ئايرىردىغان بىرە خىل تەركىپ ماددا بولسا شۇنى ياساپ بولالماي يۇرمدىكىن 3يىلدىن بويان
دىھقانلار سەي ساقلايدىغان ئامبار قىلىۋالدىغۇ ئۇنى

pomiqik

   رەھمەت سىزگە ئابلىمىت ئاكا تىمىڭىزنى ئىنكاسىم بىلەن ساقلىۋالاي مۇشۇكەمدە پەرىدە دىگەن يىرىتقۇچ قولوڭدىن پوقكەلمەيدۇ دەپ تىللاپ تاس قالىدۇ تاماقمۇ بەرمىگىلى خۇدايىم بۇيرىسا مەنمۇ مۇشۇنداق پاتقاق گاز كولچىكى ياساپ قولومدىن ئىش كىلىدىغانلىقىنى كورسىتىپ قويايمىكىن سەيمەن

zarbidar

بىزنىڭ مەھەللىگە ھەربىر ئائىلىگە ھۆكۆمەت مەبلەغ ئاجرىتىپ پاتقاق گازى كۆلچىكى قىلىپ بەرگەن (بىز پەقەت 3مېتىر چوڭقۇرلۇقتىكى ئازگالنىلا كولاپ باردۇق ). يەنە كۆلچەك يېنىغا بىر ھاجەتخانىمۇ سەپ بەرگەن. بىرىنچى يىلى ھەممە ئادەم ئىشلەتتى ئىككىنچى يىلى بىر نەچچە ئادەملا ئىشلەتتى.ھازىر ھېچكىم ئىشلەتمەيۋاتىدۇ. سەۋەبىنى مانداق يىغىنچاقلاپ باقتىم:
1.ئىچىگەن تۆكىدىغان مال ئوغۇتىنىڭ مىقدارى بەك كۆپ بولۇپ ،شۇنىڭ بىلەن دېھقانلار ھېساپ سوققان، ئۇنچىلىك چوڭ ئازگالنى توشقۇزۇش ئۈچۈن كەتكەن ئوغۇتنىڭ  باھاسى يەتكۈزگەن پايدىسىدىن ئېشىپ كەتكەن. شۇنداق قىلىپ يەنىلا تۇڭلۇق گازنى سېتىۋېلىپ ئىشلەتكەن.
2.گاز بەك كۈچلۈك چىقمىغان ،چىقسىمۇ ئاش پىشاي دېگەندە ئوت سۇسلاپ كېتىش ئەھۋالى كۆرۈگەن، بوغۇز يېگەن مالنىڭ قىغىنى تۆككەندە ياخشىراق گاز چىققان.
3.كۆلچەكتىكى قالدۇق ئوغۇتنى ئىشىلتىش سەل تەسكە چۈشكەن، ئۇ سۇيۇق نەسىنى چېلەك بىلەن تارتىپ چىقىپ ئېتىزغا تۆكىدىغان گەپكەن دەپ جىق دېھقانلارغا خوشاقمىغان.
مېنىڭچە بۇ خىل پاتقاق گازى بەك قولايلىق ئىدى. لېكىن يەنىلا تازا قوللاشقا ئېرىشەلمىدى، سەۋەبى يۇقۇرقىدەك. ئوتۇن ئازچىقىدىغان مەھەللىلەرگە قىلسا مۇھاپىقمىكىن دىدىم باغۋەنچىلىك بىلەن شوغۇللىنىدىغان ئائىلىلەر ئوتۇندىن غەم يېمەيدۇ شۇڭا ئۇلارغا خوشاخمايدىكەن، كۆمۈر باھاسى يۇقىرى بولغان رايونلارغىمۇ ماس كېلىدۇ.