ئوغلانى: ئالتۇن ۋە سەبداش (مىكرو ھېكايە )

batur72

                                                     
                                                         ئالتۇن ۋە سەبداش
                                         
                                              مۇھەممەدتۇرسۇن ئابدۇرېھىم ئوغلانى
                                                      

                                                                (مىكرو ھېكايە)

     
        قاتتىق ئۇرۇش مەزگىلى ئىدى .ئەسكەرلەر ئۈچ كىچە -كۈندۈز جەڭ قىلىپ ھېرىپ كەتكەن بولۇپ ، ھەممىسىنىڭ كۆزىدە ئۇيقۇ ئەگىپ يۈرەتتى . لىكىن ئۇلار شۇنچىلىك جۇشقۇن ئېتىشىۋاتاتتى . چۈنكى ئۇلار تۈنۈگۈن ئۆلسەك تەڭ ئۆلىمىز ، ياشىساق تەڭ ياشايمىز دەپ ۋەدە بېرىشىۋالغان ئىدى ،
     ئەللىك ئەسكەر ، قىرىق ئەسكەر ، ئوتتۇز ئەسكەر ........ ئۇلارنىڭ سانى توختىماي ئازلاۋاتاتتى .
     بەش ئەسكەر ، تۆت ئەسكەر ، ئۈچ ئەسكەر ....
     ئاخىرى ئىككىسى قالدى ، بۇ چاغدا ئىككىسىنىڭ ئوقى تۈگەپ ئۆلگەن بولۇپ يېتىۋالدى .  شۇنىڭ بىلەن دۈشمەن تەرەپمۇ ھەددىدىن زىيادە چارچاپ كەتكەچكە  ئۇرۇش مەيدانىنى  ئەتىسى تازلىماقچى بولۇپ قايتىپ كىتىشتى .
     ئىككىسىنىڭ يېنىدا پەقەت بىردىن تاپانچا قالغان ئىدى .
    ئالدىدا ئاقساپ مېڭىۋاتقان ئەسكەر  بىر  ساندۇقتەك نەرسىنى كۆردى دە ، يۈگۈرۈپ بېرىپ قارىغاندىن كىيىن كەينىدىكى سەپدىشىغا قاراپ ۋارقىرىدى .
__ بۇ يەردە لىق ئالتۇن بار ئىكەن ،سەن تىز بېرىپ باش شىتاپقا مەلۇم قىل ،مەن بۇلارنى بىخەتەر يەرگە ئاپىرىپ تۇراي!
__ ياق ! مۇشۇ يەرگە كۆمۈپ قويۇپ كىيىن كىلىپ خەجلەيلى ! __ دېدى يەنە بىرسى .
__ تىز بول ، بولمىسا سېنى ئېتىۋىتىمەن ! __ ئۇ ۋارقىراپ تۇرۇپ سەبدىشىغا قۇرال تەڭلىدى .
    ئۇ بۇنى كۆرۈپ بۇرۇلۇپ ئىككى قەدەم ماڭدى ،  ئۇ كۆڭلىدە "ئۇ بۇ ساندۇقتىكى ئالتۇننى ئۆزى خەجلىمەكچى ،ياق مەن ئۇنى ئۆزۈم خەجلىشىم كىرەك" دەپ ئويلىدى -دە  ،دەرھال ئۆرۈلۈپ ساندۇقنىڭ ئۈستىدە تۇرغان سەبدىشىغا قارىتىپ ئوق چىقاردى .
     يۈگۈرۈپ بېرىپ قارىغىنىدا ساندۇقتىكى كىرەكسىز تۆمۈر -تەسەك ئىدى . ئۇ سەبدىشىنىڭ جەسىتىگە ھەيرانلىق بىلەن قارىغىنىدا ،ئۇنىڭ سول پۇتىنىڭ ئوق تەرىپىدىن ئۈزۈلۈپ كىتىپ كىيىمى بىلەن بىر ياغاچقا ئوراپ تېڭىۋالغانلىقىنى كۆردى .
   ئۇ بىلدى ، ئەسلىدە ھېلىقى سەبدىشى قانسىراپ كەتكەچكە ،ئۆزىنىڭ سەبدىشىغا ئېغىرچىلىقىنى سېلىپ  سەبدىشىنىڭ تېز قېچىپ كىتىشىگە توسالغۇ بولماسلىق ئۈچۈن شۇنداق «ئەخمەق »چارىنى ئويلاپ چىققان ئىكەن .
   ئۇنىڭ كۆزلىرىدىن ياشلار ئەگىشكە باشلىدى . تاپانچىنى ئۆزىنىڭ چىكىسىگە قاراتتى -دە ،تەپكىنى بېسىۋەتتى .
                                                                                                                                                                                          
     2013-12-28
       تىيەنجىن

tashtuz

بۇ ئەسەر خېلى ياخشى چىقىپتۇ.مەزمۇنىمۇ تېرەن،ئەمما تىلغا ئالغۇچىلىقى يوق بىر ئىملا خاتالىقى،يەنى،بىر يەردە(بەلكىم ئىھتىياتسىزلىقتىن بولسا كېرەك)چىكىتنى سانىماي قويىۋىتىش ئەھۋالى بار ئىكەن.(كۆپ چىكىت ئۈچ بولىدۇ، پەقەت بولمىسا ئالتە...)

batur72

tashtuz يوللىغان ۋاقتى  2013-12-28 02:22
بۇ ئەسەر خېلى ياخشى چىقىپتۇ.مەزمۇنىمۇ تېرەن،ئەمما تىل ...

كەچۈرۈڭ ،يېزىقچىلىققا تېخى  يېڭى  بولغاچقا دىققەت قىلماپتىمەن ،مەن بۇندىن كىيىن دىققەت قىلاي ، رەھمەت سىزگە .

altunt

يەنە بىر مەسىلە،ئەلۋەتتە مېنىڭ قارىشىم،ئۆلۈمدىن قورقماي شۇ ۋاقىتقا كەلگەن ئادەم بىر ساندۇق ئالتۇن ئۈچۈن سەبدىشىنى ئېتىۋېتىش سەل كاللامدىن ئۆتمىدى.شۇنچىلىك غەيرەت قىلالىغان ئادەم مېنىڭچە ئادەتتىكى ئادەم ئەمەس.ئەلۋەتتە ئادەتتىكى ئادەم بولمىغاچقا سەبدىشىنى ئېتىۋەتتى دەپمۇ چۇشىنىپ باقتىم.ئەمما يەنىلا كاللامدىن ئۆتمىدى.

graf

ياخشى يېزىلىپتۇ. يازمىلىرىڭىز ناھايىتى ياخشى چىقىۋاتىدۇ.