شۆھرەت مۇتەللىپ بىلەن سۆھبەت

bilgejan

                        

شۆھرەت مۇتەللىپ بىلەن سۆھبەت

ئەسسالامۇ ئەلەيكۇم قەدىرلىك ئوقۇرمەنلەر:
             يېڭى يىلىڭلار قۇتلۇق بولسۇن! 2013-يىلنىڭ ئەڭ ئاخىرقى ئېيىدا بىز ئاتاقلىق ئۇيغۇر ئالىمىمىز دوكتۇر شۆھرەت مۇتەللىپتىن ئۈزۈلدۈرمەي خۇش خەۋەرلەرنى ئاڭلاپ تۇردۇق. ئالدى بىلەن 2013-يىلى 12-ئاينىڭ بېشىدا دۇنيادىكى تەسىرى ئەڭ زور ئۇنىۋىرسال ژورناللارنىڭ بىرى بولغان «دەۋىر» ژورنىلى دوكتۇر شۆھرەت مۇتەللىپنىڭ ئىنسان تۆرەلمە غول ھۆجەيرىسى ئۈستىدىكى بۆسۈش خاراكتىرلىك تەتقىقات نەتىجىسىنى «2013-يىللىق مىدىتسىنادىكى 10 چوڭ بۆسۈش» نىڭ بىرى دەپ ئېلان قىلدى. ئارقىدىنلا ئەنگىلىيەدىن چىقىدىغان دۇنياغا داڭلىق تەبىئي پەن ئىلمىي ژورنىلى «تەبىئەت» دوكتۇر شۆھرەت مۇتەللپنى «بۇ يىللىق تەسىرى ئەڭ زور 10 ئالىم» نىڭ بىرى، دەپ باھالىدى. شۇندىن كىيىن يەنە ئىلگىرى-كېيىن بولۇپ، ئامېرىكىدىن چىقىدىغان ئەڭ نوپۇزلۇق ئىلمىي ژورنال «ئىلىم-پەن» ژورنىلى، داڭلىق ئۇنىۋىرسال ژورنال «بايقاش» ۋە «دۆلەت جۇغراپىيىسى» قاتارلىقلار بەس-بەستە دوكتۇر شۆھرەت مۇتەللىپنىڭ نەتىجىسىنى بۇ يىللىق «ئىلىم-پەندىكى 10 زور بۆسۈش» نىڭ بىرى، دەپ ئېلان قىلدى. مۇشۇنداق خۇشاللىنارلىق مېنۇتلاردا، بىز ئالىمىمىزنىڭ شانلىق نەتىجىلىرىدىن پەخىرلەنمەي تۇرالمىدۇق، ئەلۋەتتە. دوكتۇر شۆھرەت مۇتەللىپنىڭ بۇ نەتىجىلىرىنى بىز ئۇيغۇر تور بىكەتلىرىدە تونۇشتۇرغاندىن كېيىن، نۇرغۇنلىغان كىشىلىرىمىز ئالىمغا زور ئۇتۇقلارنى تىلەش بىلەن بىرگە، ئۇنىڭ بىلەن بىر دىدارلىشىش ئىستىكىدە ئىكەنلىكىنى بىلدۈرۈشتى.
http://v.youku.com/v_show/id_XNjU1Nzg4NTg4.html
دوكتۇر شۆھرەت مۇتەللىپنىڭ تەتقىقاتلىرىنى مەن يازغان تۆۋەندىكى تېمىدىن چۈشىنەلەيسىز:

./thread-19677-1-1.html

ئىشنىڭ ئوڭدىن كەلگىنى شۇكى، جامائەتكە تونۇش بولغان ئامېرىكا كالىفورنىيە شىتاتىدىكى دوكتۇر تاشپولات روزى ئاكام 8-ئايدىلا ماڭا دوكتۇر شۆھرەت مۇتەللىپنى يوقلاپ كىلىش تەكلىپىنى بەرگەن ئىدى ۋە بىز 10-ئايدا شۆھرەتكام بىلەن مەسلىھەتلىشىش ئارقىلىق 12-ئايدىكى بايرام مەزگىلىدە ئۇنىڭ ئۆيىگە مېھمانغا بارىدىغانغا پۈتۈشكەن ئىدۇق. شۇنداق قىلىپ 12-ئاينىڭ 25-كۈنى مەن تېكساس شىتاتىدىن، تاشپولاتكام كالىفورنىيە شىتاتىدىن يولغا چىقىپ شۇ كۈنى چۈشتىن كېيىن شۆھرەتكام تۇرۋاتقان ئورىگون شىتاتىنىڭ پورتلاند شەھرىگە يىتىپ كەلدۇق ۋە 3 كۈنلۈك كۆڭۈللۈك ۋە ئەھمىيەتلىك سەپىرىمىزنى باشلىدۇق. مۇشۇ يەردە مېنى بۇ سەپەرگە تەكلىپ قىلغان تاشپولاتكامغا ۋە بىزنى قىممەتلىك ۋاقىتىنى ئاجىرىتىپ كۈتۈۋالغان دوكتۇر شۆھرەت مۇتەللىپ ۋە ئۇنىڭ ئائىلىسىگە تەشەككۈرۈمنى بىلدۈرىمەن.

بۇ جەرياندا تاشپولاتكام ئىككىمىز دوكتۇر شۆھرەت مۇتەللىپ بىلەن ئۇزۇن سۆھبەتلەرنى ئىلىپ باردۇق. دوكتۇر شۆھرەت مۇتەللىپ بىلەن ئۆتكۈزگەن سۆھبەتلىرىمىز ۋە ئۇ توغۇرلۇق بىلگەن ناھايتى قىزىقارلىق ۋە ئەھمىيەتلىك مەزمۇنلارنى مەن پات ئارىدا بىر خاتىرە سۈپىتىدە يېزىپ چىقىپ تورداشلارغا سۇنىمەن. ھازىرچە ۋاقىت ئىتبارى بىلەن سۆھبىتىمىزنىڭ بىر كىچىككىنە كارتىنىسىنى سېنغا ئىلىپ تور يۈزىدە ئۇيغۇر جامائىتىگە يېڭى يىللىق سوۋغا سۈپىتىدە سۇنۇشنى لايىق تاپتۇق. بىز دوكتۇر شۆھرەت مۇتەللىپكە بارچە تور جامائىتىنىڭ قىزغىن سالاملىرىنى يەتكۈزدۇق ۋە دوكتۇر شۆھرەت مۇتەللىپمۇ ئۆزى توغۇرلۇق ئۇيغۇر تور بەتلىرىدە ئېلان قىلىنغان خەۋەرلەرنى كۆرۈپ بارچە تورداشلارغا يېڭى يىللىق سالام يوللىدى. تۆۋەندە زىيارەت جەريانىدىكى بىر نەچچە سۈرەت ھوزۇرۇڭلاردا:

1. دوكتۇر شۆھرەت مۇتەللىپ (ئوتتۇرىدا) پورتلاند ئايرودۇرۇمىدا بىزنى ناھايتى قىزغىن كۈتۈۋالىدى. (ئوڭدا: دوكتۇر تاشپولات روزى؛ سولدا: تۇرسۇنجان نۇرمەمەت بىلگە (مەن)

2. بىز دوكتۇر شۆھرەت مۇتەللىپنىڭ ئۆيىدە

3. دوكتۇر شۆھرەت مۇتەللىپنىڭ ئىشخانىسىدا

4. دوكتۇر شۆھرەت مۇتەللىپنىڭ يەنە بىر ئىشخانىسىدا

5. گۈزەل پورتلاند شەھرىدىن بىر كۆرۈنۈش

ئەمدى ھوزۇرۇڭلارغا دوكتۇر شۆھرەت مۇتەللىپ بىلەن ئۆتكۈزگەن سۆھبىتىمىزنى سۇنىمىز. بۇ فىلىم تاشپولاتكام  ۋە مېنىڭ  تورداشلارغا يېڭى يىللىق سوۋغىتى بولۇپ، بىز بارچە ئۇيغۇر قېرىنداشلارنىڭ يېڭى يىلىنى قىزغىن تەبرىكلەيمىز!

فىلىم ئىشلىگۈچىلەر: تۇرسۇنجان نۇرمەمەت بىلگە (بىلگەجان) ۋە تاشپولات روزى
تېخنىكىلىق ياردەم: مۇختار ماخمۇت

http://v.youku.com/v_show/id_XNjU1Nzg4NTg4.html

ئەسكەرتىش: بۇ فىلىمنى تارقىتىش ۋە ئىچىدىكى مەزمۇنلارنى چۈشەندۈرۈش ھوقۇقى پەقەت بىلگەجان ۋە تاشپولات روزىغا مەنسۇپ. بۇ فىلىمنى خالىغانچە تارقىتىشقا ۋە مەزمۇنىنى ئۆزگەرتىشكە، خالىغانچە كېسىشكە بولمايدۇ.


بىلگەجان
2014-يىلى 1-ئاينىڭ 1-كۈنى (سان ئانتونىيو، ئامېرىكا)

apandim111

ئالىملىرىمىزنىڭ يېڭى يىلىغا مۇبارەك بولسۇن!ناھايىتى ئەھمىيەتلىك ئىش قىپسىلەر.رەھمەت سىلەرگە.يېڭى يىلدىكى ئەڭ قۇتلۇق ئىش بولدى.شۆھرەت مۇتەللىپ ئاكىمىزنىڭ 2014-يىلدىكى ئىشلىرى ئۇتۇقلۇق بولسۇن!

matimatika

ئالىملىرىمىزنىڭ كۆڭۇللۇك ئۇچرۇشۇپ پەن -تىخنىكا ۋە ئۇيغۇر جەمئىيىتى ھەققىدە ئەھمىيەتلىك سۆھبەتتە بولغىنىدىن تولىمۇ خۇشال بولدۇق.

بىلگەجاننىڭ سەپەرنى ئىغىر كۆرمەي تىكساستىن ئورىگونغا  بىرىپ ئالىملىرىمىز بىلەن كۆرۇشۇپ بۇ نادىر ۋە ئەھمىيەتلىك ئۇچۇرنى يۆتكۇزگىنىدىن سيۇندۇق.

alsar

ئالىملىرىمىزنىڭ يېڭى يىلىغا مۇبارەك بولسۇن!ئالىملىرىمىزنىڭ بۇندىن كىيىنكى ئىشلىرىغا ئۇتۇق،تۇرمۇشىغا بەخىت تىلەش بىلەن بىرگە ئاللادىن ئالىملىرىمىزنىڭ ئامانلىقىنى ،مۇشۇنداق ئالىملاردىن ئۇيغۇرۇمدىن مىڭلاپ،تۇمەنلەپ چىقىشىنى تىلەيمەن..!!!!گۇللەپ ياشناڭلار ئۇيغۇرۇمنىڭ گۈلتاجلىرى.....

jagda

شۆھرەت مۇتەللىپ ۋە چەت ئەلدىكىې ئۇيغۇر ئۇچۇن تۆھبە قۇشۋاتقان سۆيۇملىك قىرنداشلىمنىڭ تىنڭ سالامەت ئائىلسنىڭ بەختلىك خىزمىتنىڭ  دەرجىدىن تاشقىرى ئۇتۇقلىق بۇلسۇن   يڭى يىلىڭلارغا مۇبارەك بۇلسۇن  

aqqikogli

كىمنىڭ با مۇشىنداق ئالىمى قېننى پەخرلەن دۇنياغا مەخمۇد ۋەتىننى  ،ۋەتەن ئىچى ۋە يات ئەللەدىكى بارلىق ئۇيغۇر قېرىنداشلارنىڭ يېڭى يلغا يېڭچە ئۇتۇقلار بولسۇن .                                                                                                                                                                                                                                    

aboway

بۇ يېڭى يىلنىڭ 1-كۈنى كۆڭلۈم ئەجەپ تاتلىق بىرخىل بولۇپ قالدىيا.

Atax-Yurak

ئۇيغۇر ئالىمىمىز شۆھرەت مۇتەللىپ ئاكامنىڭ كىيىنكى نەتىجىلىرىگە ئۇتۇق تىلەيمىز . ناھايىتى ئەھمىيەتلىك ئۇچرىشىش بوپتۇ . مەندە فىلىمنى كۆرگەندىن كىيىنكى ئەڭ تەسىر قىلغىنى ئۇيغۇر تىلىنى راۋان سۆزلەش بىلەن بىرگە كەمسۆز كىچىكپېئېل چېھرىدىكى تەبەسسۇم بولدى .