خەنزۇتىلى ئەدەبىياتى ئوقۇتقۇچىلىرىنىڭ ئاھۇ -زارى
ئەسلىدە ئوقۇتقۇچى بولمىش بىزلەرگە نىسبەتەن،مەۋسۈملۈك ئىمتىھانلار ئاياقلىشىپ،تەتىلنىڭ يېقىنلىشىشى ھەممەيلەننى خۇشھال قىلسا توغرا بولاتتى،ئەمما سىياسىي ئۆگىنىش ۋاقتىدىن پايدىلىنىپ،ئەتە ئېچىلىدىغان ئوقۇتقۇچىلار قۇرۇلتىيىدا ماقۇللىنىدىغان قائىدە-تۈزۇملەرنى بېكىتىشتە بىرلىككە كېلەلمەي،تالىشىپ قورساق كۆپۈكلىرىمنى مۇنبەردىكىلەرگە تۆكۈشنى مۇۋاپىق كۆردۈم.چۈنكى،مەكتەپ مۇدىر،شۇجى ،ئوتتۇرا قاتلامباشلىقلىرى ئۇنى ئاڭلىمايدۇ،خىزمەتداشلىرىم بىلەن دېيىشكەنچە كەيپىياتىم تېخىمۇ ناچارلاپ،قورساق كۆپۈكۈم تېخىمۇ جىقلاپ كېتىدىغىنى ئېنىق،شۇڭا......
كىچىكلىرىنى دەپ مۇنبەرداشلىرىمنىڭ ۋاقتىنى ئالماي،باشلەنغۇچ مەكتەپ خەنزۇتىلى ئەدەبىياتى دەرسىنى يېزىدىكى ئوقۇغۇچىلارغا ئۆتۈپ،دەرس ئۆزلەشتۈرمەكنىڭ تەسلىكىنى دېمىسەممۇ ھەممىڭلارغا مەلۇم بولسا كېرەك،ئەمدىكى مەسىلە شۇ دەرسنىڭ ئۆزلىشىش نىسبىتىنى %85 يەتكۈزىشىمىز كېرەككەن،ئەگەر يەتكۈزەلمىسەك،
%1كە :
85%~80% لەرنىڭ كەملىگەن بىر پىرسەنتىگە 0.1 نومۇر تارتىلىدۇ.
80%~75% لەرنىڭكەملىگەن بىر پىرسەنتىگە 0.2نومۇر تارتىلىدۇ.
75%~ 70%لەرنىڭ كەملىگەن بىر پىرسەنتىگە 0.3 نومۇر تارتىلىدۇ.
70%~65% لەرنىڭ كەملىگەن بىر پىرسەنتىگە 0.4 نومۇر تارتىلىدۇ.
65%تىن چۈشۈپ كەتكەنلەرنىڭ كەملىگەن بىر پىرسەنتىگە 0.5 نومۇر تارتىلىدۇ.
تارتىلغان بىر نومۇرغا 100 يۈەن جەرىمانە تۆلەيمىز.
مەن ئۆزۈمنى مىسال ئېلىپ چۈشەندۈرەي:
مەن ناھىيىدىن 80كلومېتىر يىراقلىقتىكى يېزىدىكى باشلانغۇچ 3-يىللىقنىڭ خەنزۇتىل ئەدەبىياتى دەرسىنى ،ئىدىيە -ئەخلاق دەرسىنى بېرىمەن،سىنىپ مەسئۇلى،سىنىپىمدا 49نەپەر ئوقۇغۇچى بار.بۇ قېتىم خەنزۇتىل ئەدەبىياتى دەرسىنىىڭ ئۆزلىشىش نىسبىتى(60 نومۇر ئېلىپ ئىمتىھانلاردىن ئۆتكەنلەرنىڭ نىسبىتى) %21 چىقتى،ئىدىيە ئەخلاق %32 (دەرسلىك پۈتۈنلەي خەنزۇچە) مۇشۇ بويىچە ھېسابلىغاندا،خەنزۇتىلى ئەدەبىياتىغا
(يۈەن)3200=100*0.5*(%21-%85)،
خەنزۇچە ئىدىيە -ئەخلاققا:
2650=100*0.5*(85%-32%) جەمئىي 5850 تۆلەيدىكەنمەن.ئوقۇتۇش سۈپىتىگە قاراپ ،تازىمۇ مەسئۇلىيەتسىز،ساپاسىز ئوقۇتقۇچىكەن،بالىلارنى ئاران شۇ نەتىجىگە ئېرىشتۈرۈپ خىجىل بولماي،پۇلدىن سۆز ئېچىپ قاخشىغىنىنى كۆرەي دەپ دىمىغىڭىزنى قېقىشىڭىز مۇمكىن.پۇتۈن ناھىيە بويىچە ، 3-يىللىقلار ئارا قوش تىل سىنىپ خەنزۇتىلى ئەدەبىياتىنىڭئۆتۈش نىسبىتى %60 كە يەتكەنلەر يوق. مەكتىپىمىزدە باشقا سىنىپلارنىڭ تېخىمۇ ناچار.مەكتىپىمىزدە قىسمەن ئاناتىل ئەدەبىياتى ۋە ئېنگىلىزتىلىدىن باشقا بۇ ئۆلچەمگە يەتكەنلەر يوق. بىزگە ناھىيە مالىيىسىدىن ئايرىغان ئۈنۈم ئىش ھەققىي ئاران ئېيىغا 150يۈەن،بىر مەۋسۈملۈك نەتىجىگە ئاساسەن تۆلەيدىغان جەرىمانە بۇنچىلىك،بىزنىڭ ئاھۇ زارىمىزنى ئاڭلايدىغانلار يوقمۇ؟
|