نىيۇ باشلىقنىڭ دوكلاتى
张晓新
ناھىيگە يىڭى يۆتكۈلۈپ كەلگەن ھاكىم،يىغىن ئىچىپ ھەرقايسى ئىدارە-پونكىتلارنىڭ دوكلاتىنى ئاڭلىماقچى بۇپتۇ.
مالىيە ئىدارىسىنىڭ باشلىقى نىيۇ كاتىپىنى چاقىرتىپ:«مۇھىم ۋەزىپە!،بۇ بىزنىڭ يىڭى ھاكىم بىلەن تۇنجى يۈز كۈرۈشىشىمىز، ياخشى تەسىرات قالدۇرۇشىمىز ئۈچۈن ناھايتى ئسىل بىر دوكلات ماتىرىيالى تەييار قىلشىمىز كېرەك»دىدى.
كاتىپ يەنە كىچىچە ئىشلەيدىغانلىقىنى ھىس قىلىپ ،ئېغىر بىر ئۇھ،تارتتى.بىر قانچە كىچىلىك ئۆزگەرتىش،تۈزەشتىن كىيىن،بىر پارچە «ئىسىل دوكلات»نى تەييار قىلىدى.
نيۇ باشلىق،بۇرۇنقى ۋاقىتلىرىدىدا بولغان بولسا،دوكلات قەغىزىنى ئىلىپ سومكىغا سالاتتى-دە يىغىن مەيدانغا بارغاندىلا ئاندىن ئىچىپ ئوقۇيىتتى.ئەمما بۇقىتىم ئوخشىمايدۇ.ئۇ كۆز ئەينىكىنى تاقاپ،سىنچىلاپ ئوقۇشقا باشلىدى.ئالاھەزەل بىرەر سائەتتەك ۋاقىتتىن كىيىن،بىشنى كۈتۈرۈپ،كاتىپقا قارىدى ۋە تارتمىدىن بىر قاپ تاماكىنى ئىلىپ كاتىپقا سۇنغاچ:«بۇ سىنىڭ مۇكاپاتىڭ»دىدى.
يىغىن ئىچىلىشتىن بىر كۈن بۇرۇن،نيۇ ئىدارە باشلىقى ھاكىم ئىشخانىسىنىڭ مۇدىر ئاغىنىسىگە تېلغۇن ئۇرۇپ يىڭى ھاكىمىنىڭ «ئەھۋال»نى سۈرۈشتۈرۈپ كۆردى.ۋاڭ ئىشخانە مۇدىرى كۈڭۈل بۆلگەن قىياپەتتە،«دوكلاتنىڭ ئىشى قانداق بولدى؟»دەپ سوراپ قويدى. نيۇ باشلىق ئىچىدە بىر تىنۋالغاندىن كىيىن«سىز خاتىرجەم بۇلۇڭ،پۈتتۈرۈپ قويدۇق.بىزنىڭ كاتىپ ناھىيمىزدە بىر،دوكلاتىمىز چۇقۇم ھاكىمغا يارايدۇ!»دىدى.ۋاڭ مۇدىر قۇشۇمچە قىلىپ:« ئەڭ ياخشىسى دوكلات ۋاقتى بەك ئۇزۇن بۇلۇپ كەتمىسۇن،كۆپ بولغاندا 30مىنۇت ئىچىدە تۆگىسۇن،ھاكىم ئۇزۇن دوكلاتلاردىن بىزار»دىدى.
نيۇ باشلىق ئەنسىرەپ قالدى.ئۇ دوكلات قەغىزنى قولىغا ئېلىپ يەنە بىر كۆرۈپ چىقتى.ئاپلا 20بەت ئىكەن ،توختىماستىن ئوقىساممۇ بىرەر سائەت كېتىدىكەن ئەمەسمۇ؟-دىگەنلەر كۆڭلىدىن كەچتى.
دەرھال كاتىپقا خەۋەر قىلىپ،دوكلاتنى يەنىمۇ ئېخچاملاپ 30مىنۇت ئىچىدە تۈگىگىدەك ھالەتكە كەلتۈرۈشنى بۇيرىدى. ۋاقىت قىستاپ قالغاچقا،كاتىپ كەچتە يەنە ئىسمىنا قۇشۇپ ئىشلەپ،ئاخىر 30مىنۇتلۇق دوكلاتنى پۈتتۈرۈپ،سەھەردىلا نيۇ باشلىقنىڭ قۇلىغا تۇتقۇزدى.
نيۇ باشلىق 10 بەتنىڭ قىسقارغانلىقىنى، مەزموننىڭ تېخىمۇ بېيىتىلغانلىقىنى كۆرۈپ،باشمالتىقىنى چىقىرىپ:«ياخشى!،ئىسىل يېزىلىپتۇ،بۈگۈن ساڭا رۇخسەت،قانچىلىك ئالساڭ مەيلى ،بېرىپ پۇت يۇيۇش شەھەرچىسىدە ياخشىراق دەم ئېلۋالغىن،مەن كاسسىرغا دەپ قويدۇم»دىدى.
چۈش بۇلاي دىگەندە،نيۇ باشلىق ۋاڭ مۇدىردىن كەلگەن تېلفۇننى تاپشۇرىۋالدى:«نيۇ بۇرادەر،دىگىنىم تۇغرىكەن.ھاكىم بايا ھەرقايسى دوكلات بەرگۈچىلەرگە ۋاقىتنى10مىنۇت ئىچىدە كونتىرول قىلىشنى ئوقتۇرۇشۇمىنى ئېيىتتى»دىدى.
نيۇ باشلىق نىمە قىلارنى بىلەلمەيلا قالدى.ئۇ دەرھال كاتىپقا تىلغۇن بېرىپ:« تىز قايتىپ كەل!» دەپ بۇيرۇق قىلدى.كاتىپ ئالاھەزەل 10مىنۇتلاردىن كىيىن پەيدا بولدى.قارىماققا ئۇ ھىلىلا مونچىدىن چىققاندەك قىلاتتى.نيۇ باشلىق كاتىپقا يىغىن 2 سائەتتىن كىيىن باشلىندۇ،دوكلات ۋاقتىنى 10مىنۇتقا ئىخچاملاش بۇيرۇقىنى چۈشۈردى.كاتىپ باشلىقىنىڭ ئىشخانسىدىلا ئۆزگەرتىشنى باشلىدى.بىر ھازا ئۈچۈرۈش،سىزىشتىن كىيىن،كومپىيوتىرغا كىرگۈزۈشكە باشلىدى.بىر پەستىن كىيىن،پۈتكەن دوكلات قەغىزنى بىسىپ چىقىرىپ،نيۇ باشلىققا سۇندى.باشلىق دوكلاتنى كۆرۈپ چىققاندىن كىيىن،«ياخشى ،يەنە 5 بەت ئازلاپتۇ،سىنى ئايرىم رازى قىلىمەن!»دىدى-دە يىغىن مەيدانىغا قاراپ يول ئالدى.
يىغىن باشلاندى،ھاكىم ئاۋۋال سۆز باشلاپ ،دوكلات ۋاقتى 3مىنۇتتىن ئىشىپ كەتمەسلىكىنى ئوقتۇردى.
ئەمدى قانداق قىلىش كېرەك، نەس باسىقىنى شۇدە. قانداقمۇ 3مىنىۇت ئىچىدە ئوقۇپ بولغىلى بولسۇن؟.كۆپچىلىك ئۇيان-بۇيان قارىشىپ،غۇدۇرۇشۇپ كەتتى.
تۇنجى بۇلۇپ ناھىيلىك زىمىن ئىدارىسنىڭ باشلىقى سەھنىگە چىقتى.ئۇ دوكلاتنى تىزئوقۇشقا باشلىدى.ئەمدىلا دوكلاتنىڭ 3-بىتىگە كىلىشىگە ھاكىم قۇلىنى شىلتىپ:«بولدى،بولدى!چۈشۈپ كەت! ۋاقىت توشتى،سەن قايسى ئىدارىدىن كەلدىڭ؟»دىدى.
بۇيۇنلىرىغىچە قىزىرىپ كەتكەن بۇ باشلىق ئارانلا:«زىمىن ئىدارىسىدىن»دىيەلىدى.ئارقىدىكى بىر قانچە ئىدارىنىڭ تەقدىرىمۇ ئوخشاشلا قىسمەتكە دۇچ كەلدى.بۇلارنى كۆرگەن نيۇ باشلىقنى سۇغاق تەر باسىتى.ئۇ دەرھال كاتىپقا ئۇچۇر يوللاپ ۋاقىت 3مىنىۇتقا قىسقارتىلدى،قانداق قىلاي؟دىگەن مەزموندا ئۇچۇر يوللىدى.ناھايتى تىزلا كاتىپتىن جاۋاپ خەت كەلدى:«خاتىرجەم بۇلۇڭ،مەن ئالدىن تەييارلىق كۆرۈپ قويغان،دوكلاتنىڭ 3-بىتىنى ئېچىپ،2-ئابزاستىن باشلاپ ئوقۇپ 8-ئابزاستا ئاخىرلاشتۇرسىڭىزلا بۇلىدۇ.»دىيىلگەندى.
ئاخىرى،نۆۋەتمۇ كەلدى، نيۇ باشلىق دوكلاتنىڭ3-بىتىنى ئېچىپ،تىز ئوقۇشقا باشلىدى.ئوقۇپ 8-ئابزاسقا كەلگەندە،سائىتىگە قارىۋدى،ئارانلا 2مىنۇت ئۈتۈپتۇ،ئۇ كاتىپنىڭ ئەسكەرتمىسى بۇيىچە دەرھال توختاپ:«مىنىڭ دوكلاتىم تۈگدى»دىدى.
يىڭى ھاكىم خۇشاللىقىدىن،باش بۇلۇپ چاۋاك چىلىپ:«ياخشى،ياخشى ! دوكلات دىگەن مۇنداق بولمامدۇ،ئاز سۆز بىلەن كۆپ مەزمون ئىپادىلىنىپتۇ،ھەتتا دىيىشكە تىگىشلىك سۆزلەرنىڭ بىرەرىمۇ چۈشۈپ قالماپتۇ» دەپ ماختىدى.
نيۇ باشلىق كۈڭلىدە:«ھەي كاتىپ،سىنى بىر خۇش قىلمىسام! سەن مىنى بۈگۈن ناھايتى خۇشال قىلۋەتتىڭ،ساڭا بىر ھەپتە دەم ئىلىش بىېرىپ،ئۆتكەنكى ساڭا ۋەدە قىلغان ئايالىڭىنىڭ مائاش رەسمىيتىنى يۆتكەپ كىلىش ئىشنى پۈتتۈرۈپ بەرسەم بولغىدەك»دىگەنلەرنى ئويلىدى...
ساتتار ئىسمايىل تەرجىمىسى
يوللىغان ۋاقتى 2014-1-24 15:05:08
