بۇ يازمىنى ئاخىرىدا polat315 تەھرىرلىگەن. ۋاقتى 2014-2-6 11:07
چاغاندا باشلىققا سوۋغا -سالام بەرمىسە بولماس
پولات تەرجىمىسى
مەركەزنىڭ بۇيرۇقى بولغاچقىمۇ ،بۇ يىل چاغاندا سوۋغا بېرىش شامىلى سەل چەكلىمىگە ئۇچىرىدى، پۇقرالار بۇيرۇق ئۈنۈمىنى كۆرسىتىپتۇ دېيىشىتى.لېكىن «جوڭگو تور ئىشلىرى» مۇخبىرى شەنشى،خۇنەن ،خەينەن قاتارلىق جايلاردا زىيارەت قىلىپ بايقىدىكى،سوۋغا -سالام بېرىش ئىستىلى تۈپتىن تۈزەلمەپتۇ،نۇرغۇن ئىدارە-ئورگان كادىرلىرى يەنىلا سوۋغا بېرىپتۇ،باشلىقلارمۇ يەنىلا قوبۇل قىلىۋېرىپتۇ.
خۇنەندىكى مەلۇم بىر چوڭ تىپتىكى زەنجىرسىمان تاللا بازىرى خوجايىنىنىڭ دېيىشىچە،بۇ يىل چاغاندا مال سېتىۋېلىش كارتىسى كەسپى ناھايىتى چوڭ تەسىرگە ئۇچىراپتۇ،نۇرغۇن كونا چۆپقەتلىرى زاكاسنى بىكار قىپتۇ،سېتىۋېلىش كۆلىمىمۇ ئازلاپتۇ.لېىن ئومۇمى جەھەتتىن ئېيتقاندا مال سېتىۋېلىش كارتىسى مۇلازىمىتى ئەجەللىك زەربىگە دۇچ كەلدى دېگىلى بولمايدۇ،نۇرغۇنلىغان ئىدارە-ئورگانلار بولۇپمۇ بىر قىسىم كارخانىلار سوۋغا بېرىپ«مىھىر- مۇھاببەت باغلاش»تا،مۇناسىۋەتنى راۋانلاشتۇرۇشتا يەنىلا مال سېتىۋېلىش كارتىسىغا ھاجىتى چۈشكەن.
«بىز ئەسلى مال سېتىۋېلىش كارتىسى تەييارلاپ سوۋغا بېرەيلى دەپ ئويلىغان ،لېكىن ھازىر باشلىقنىڭ كارتا ئىشلىتىشى قولايسىز بولغانلىقتىن ،قىزىل بولاق تەييارلىدۇق،قىزىل بولاق 500يۇەن،1000يۇەن،2000يۇەن قاتارلىق ئۈچ دەرىجە بويىچە بولۇپ،ئادەتتىكى مەمۇرلارغا 500يۇەن،رەھبىرى يولداشلارغا 1000يۇەن ياكى 2000يۇەن بېرىمىز.»چاڭشادىكى ئېسىل بىر بىنادا خىزمەت قىلىدىغان بىرسى مۇخبىرغا ئېيتىپ:«بىزدەك ئۆي-مۈلۈك ئېچىش بىلەن شۇغۇللىنىدىغانلار ،ھۆكۈمەت خىزمەتچىللىرى بىلەن مۇناسىۋەت ئورنىتىشى ناھايىتى موھىم،ئادەتتە،ئانچە-مۇنچە سۈڭگۈتۈپ تۇرمىساق،بىرەر ھالقىدا بىرەر ئاي ئارقىغا سۆرەپ تۇرۇۋالسا،ئاخىرىدا قىينىلىپ قالىدىغىنى ئۆزىمىز بولىمىز.»
شىياڭ تەن شەھەرلىك ھۆكۈمەت مەلۇم تارماقتىكى ئىسمىنى ئاشكارلاشنى خالىمايدىغان بىر مەمۇر مۇنداق دېدى :«دەرۋەقە ئۆتكەن يىللاردا بەزى مۇناسىۋەتلىك ئورۇنلارنىڭ مال سېتىۋېلىش كارتىسى، قىزىل بولاق دېگەندەك سوۋغاتلارنى قوبۇل قىلغان ئىدۇق،لېكىن ھازىر باشقۇرۇش قاتتىق،بىزدەك ئادەتتىكى كادىرلارغا ھېچنىمە يوق،لېكىن ھوقۇق تۇتقان رەھبىرى كادىرلارغا ئىش بىجىرىش ئۈچۈن كۆڭلىڭىزنى ئىپادىلىمىسىڭىز بولمايدۇ.»
بەزى مەمۇرلار مۇنداق دېگەن:بۇنداق سوۋغا-سالام بېرىش قانداقتۇر «مېھىر- مۇھاببەت باغلاش» ئەمەس،بەلكى ئەمەلىيەتتە «ھوقۇققا خۇشامەت قىلىش»تۇر،بۇ ئىستىلنى چەكلەپ تۈگىتىش ئۈچۈن ،چوقۇمكى تەستىق ھالقىللىرىنى ئازايتىپ،ئىش بىجىرىش ھوقۇق يۈرگۈزۈش مېخانىزىمىنى ئاشكارلاشتۇرۇپ،قانۇن-تۈزۈم ئارقىلىق نازارەتنى كۈچەيتىپ،ھوقۇقتىن پايدىلىنىپ كۆمىچىگە چوغ تارتىشنى قەتئىي يوقىتىش كېرەك.
بەزىلەر سوۋغا بېرىش بەرمەسلىكتە ئىككىلىنىپ قېلىش بولدى،بىر تەرەپتىن يۇقۇرنىڭ چەكلەش بۇيرۇقى ئەنسىرەتسە،يەنە بىر تەرەپتىن باشلىققا كۆڭۈل ئىپادىلىمىسە،رەھبەرنىڭ قوللىشىدىن ئايرىلىپ قالامەنمىكىن دەپ ئەنسىرەيدۇ،يەنىلا بايرام بولغاندىن كېيىن باشلىقنى يوقلىغاننىڭ يامىنى يوق دەپ سوۋغا- سالام ئېلىپ باشلىقنى يوقلىغانلارمۇ ئاز ئەمەس،بېرىش شەكلىدە ئۆزگىرىش بولۇپ يوشۇرۇنلاشتى ،ئىدارىدە سوۋغا- سالام بېرىش قولايسىز بولغاچقا ،ئۇچىرىشىشقا دېيىشىپ، سوۋغا -سالامنى ماشىنىنىڭ ئىچىدە بېرىشتى.
خۇنەن ئۆلكىلىك مەلۇم ناھىيەدىكى خىزمەتكە چىققىنىغا 10يىللارچە بولۇپ قالغان سودا-سانائەت ئىدارىسىنىڭ مەمۇرى جاڭ تاۋ(ياسالما ئىسىم)مۇنداق دېگەن:نەچچە مىڭ يىلدا شەكىللەنگەن بۇ ئادىتىمىزنى بىر ئىككى يىلدا ئۆزگەرتىپ بولغىلى بولمايدۇ.يۇقۇرنىڭ بېسىمى بولغانلىقتىن ،بۇ يىل يەپ- ئىچىش ،سوۋغا ئېلىش ھەقىقەتەن جىق ئازلىدى،لېكىن ئاللا بۇرۇن شەكىللەنگەن تۆمۈر مۇناسىۋەتتىكىلەر قانداقمۇ بېرىش -كېلىش قىلماي تۇرغىلى بولسۇن،جوڭگو جەمئىيەت ۋەزىيىتىدىن قارىغاندا ،بايرامدا سوۋغا بەرمەسلىك،قوبۇل قىلماسلىق دېگەننى بىر بۇيرۇق بىلەن ئەمەلگە ئاشۇرۇش مومكىن ئەمەس.ئۇ يەنە مۇنداق دېگەن: باشلىق بىلەن تۆۋەنگە خىزمەت تەكشۈرۈپ بېرىپ قالساق،ئىشتىن كېيىن يېقىن ئەتىراپتا تاماق ئورۇنلاشتۇرۇلىدۇ،«يەرلىك،ياۋا،يىڭىچە سەي ...ھەممىسى كەم ئەمەس.»
جاڭ تاۋ ئاشكارلاپ مۇنداق دېگەن :ئۆزەمنىڭ چۈشىنىشىمچە،40ياشتىن ئاشقان رەھبىرى كادىرلار يەپ -ئىچىشنى ئانچە ياقتۇرمايدۇ،ھازىر ئاساسلىق يەۋاتقىنى 30ياشتىن ئاشقان ياش رەھبىرى كادىرلار،ئەمدى ئۆسكەن ياكى ئۆسۈش ئالدىدىكى ئەمەلدارلار يەپ-ئىچىشتىكى «ئاساسى قوشۇن» بوپ قالدى.راستىنى ئېيتقاندا ،چوڭ ياشتىكى ئەمەلدارلار يەپ ئىچىپ تويۇپ قالدى،مەركەزنىڭ چەكلەش بۇيرۇقى چىقمىغان تەقدىردىمۇ ،ئۇلارئۆزىنى ئانچە ئۇرۇپ كەتمەيتى،تەن سالامەتلىكىمۇ يەپ ئىچىپ ئويناشقا يار بەرمەيدۇ،لېكىن بەزى «تەرەققى قىلغانلىرى» ياكى «ئەقىللىق»لىرى ئەتىراپىغا كىشىلەرنى توپلاپ نوپۇز تىكلەپ،خەلق قەلبىنى مايىل قىلىپ،نەپ ئالىدۇ.
مەنبە:http://politics.people.com.cn/n/2014/0203/c70731-24278728.html
|