ئۇيغۇرلارلا نۇمۇسسىز قاۋاقلارغا كىرىۋىرەمدۇق ؟

thznap

           

                  ئۇيغۇرلارلا نۇمۇسسىز قاۋاقلارغا كېرىۋىرەمدۇق؟

    تىمىدا تىلغا ئىلىنغان ئىشلار جەنۇبى شىنجاڭنىڭ مەلۇم بىر ناھىيىسىدە يۈز بىرىۋاتقان ، بىر خىل ئىقىمغا ئايلىنىۋاتقان ئىشلار. بەلكىم بۇنداق ئىشلار دىيارىمىزنىڭ باشقا  جايلىرىدىمىۇ بولۇشى  مۇمكىن. ...
    ھاراقنىڭ قايسى زامانلاردىن باشلاپ مىللىتىمىز كىشىلىرىنىڭ ئىستىمال سورۇنىدا پەيدا بولغانلىقىنى بىلمەيمەن. لىكىن مىللىتىمىز كىشىلىرىنىڭ ھاراق سورۇنىنىڭ ئورنى ھەققىدە ئۈزلىكسىز ئىزدىنىپ  نەچچە يىلدا بىر يىڭىلىق يارىتۋاتقانلىقىنى  كۆرۈپ تۇرۇپتىمەن. بىر يىللاردا يۇرتىمىزدا رىستوران قىزغىنلىقى كۆتۈرلۈپ، رىستورانلاردا ھاراق ئىچىش مودا بولغان ئىدى. مەلۇم مەزگىل ئۆتكەندىن كىيىن ساماۋەر شورپىخانىسىدا  ھاراق ئىچىش مودا بولۇپ رىستورانلا تاقىلىپ قالدى. مانا ئەمدى قاۋاقلاردا ھاراق ئىچىش مودا بولاپتۇ. بۇ يەردە ئېيتىلۋاتقان قاۋاق بىر ئىغىز ئۆينى ياغاچ بىلەن توسۇپ بىر نەچچە ئايرىمخانىلارنى چىقىرىپ، جۇللىقى چىقىپ كەتكەن ئورۇندۇق ،ئۈستەللەرنى قويۇپ قويغان يەر بولۇپ، بۇيەرگە كادىرمۇ، دىھقانمۇ كىرىدىكەن، ھەتتا بىر قىسىم ئۇششاق ئۇيغۇر ئەمەلدارلامۇ كىرىدىكەن. لىكىن شۇ  قاۋاقلارنى خەنزۇلار ئاچقان بىلەن بىرمۇ خەنزۇ  ھاراق ئىچكىلى بۇ يەرگە كىرمەيدىكەن.  بىزنىڭ مەھەللىدە ئۆيى بار بىر خەنزۇ بولىدىغان، بىر كۈنى ئۇچىرشىپ قىلىپ بىر نەچچە ئىغىز پاراڭلىشىپ قالدۇق. ئۇنىڭدىن،- ھازىر نىمە ئىش قىلۋاتىسەن ؟ -دەپ سورىسام << قاۋاقخانا ئىچىۋاتىمەن>> -دەيدۇ.
      - بىر چاغلاردا ساماۋەر شورپىخانىسى ئچىۋاتاتىڭغۇ؟
-تاقىۋەتتىم، ھازىر قاۋاقخانا ئچىۋاتىمەن؟
- نىمىشقا ئەمدى؟
- ھازىر قاۋاقلارنىڭ سودىسى ياخشى. ئويلاپ باقمامسەن، قاۋاق ئاچسا ھىچقانچە مەبلەغ كەتمەيدۇ، بىرمۇنچە ئادەمگە مۇئاش بىرىپ يۈرمەيمەن، 30-40 سوملۇق ھاراقنى 80-90 سومدىن ساتىمەن....
-شۇنداق قىممەت ساتساڭمۇ ئادەم كىرەمدۇ؟
    -كىرىدۇ، ئۇ ئاخماقلارغا بىر قول قارت بولسىلا كەچ بولغىچە قارت ئويناپ ئادەم بىشىغا بىرە بوتۇلكىدىن بىكارلاپ چىقىپ كىتىدۇ......
       كۈزۈتىشىمچە مۇشۇنداق قاۋاقلارنىڭ سانى ناھىيىمىزدە 300دىن ئاشىدىكەن. ئۇنۇڭدىن سىرىت ناھىيىمىزدە بىر قىزىل چىراق رايونى بولۇپ  بۇيەردىمۇ بىرە ئىككىيۈزدەك قاۋاق بار ئىكەن. بۇلارنىڭ 60% شەكلى ئۆزگەرگەن پاھىشەخانا بولۇپ  بۇلارغىمۇ كىرىدىغانلا ئۇيغۇر ئىكەن. بىر نەچچە يىلنىڭ ئالدىدا ناھىيىمىزدە بىرقانچە ئويۇنچۇقخانىلار بولۇپ ،( كىيىن ھۆكۈمەت تاقىۋەتكەن) بۇيەرگە كىرىدىغانلارنىڭمۇ 95% ئۇيغۇر ئىدى.
     مۇشۇ قۇرلارنى يىزىۋىتىپ ئابدۇكىرىم ئابلىزنىڭ بىر ئىتوتىكى مۇنۇ گەپلىرى ئىسىمگە كىلىپ قالدى  << ئىلىشىمىز تۆۋەن تۇرمۇش كاپالىتى، ئىچىشىمىز <قەھرىماننىڭ جاسارىتى>>...
     توۋا،،،،،، بىز ئويۇن -تاماششاغا شۈنچە ئامىراق خەقمۇ؟ ھاراققا شۇنچە ئامراقمۇ؟ خەقلەر ئۆزى ئاچىدىكەنۇ ئۆزى كىرمەيدىكەن.  بىز نىمىشقا پوققا ئولاشقان چىۋىندەك ئۆزىمىزنى ئاتىمىز؟ ساختا ھاراقلارنى ئىچىپ ئۆلگەنلەرنىمۇ ئاڭلاۋاتمىزغۇ؟ شۇ ھاراق بىلەن تىنىمىزنى روھىمىزنى زەئىپلەشتۈرۈشتىن باشقا ئىشىمىز يوقمۇ؟ بىز شۈنچىۋالا دۆتمۇ؟
      شۇڭا ئويلىنايلى دوسلار، ئەتىراپىمىزدىكى  بىز بىلەن مىللەتداش بولمىش شۇكىشىلەرگە كۆڭۈل بۆلۈپ قويايلى. سىزمۇ دىسىڭىز،مەنمۇ دىسەم بەلكىم  كۈنلەرنىڭ بىرىدە شۇلار ئاشۇ قارا ئۇۋىلاردىن ئۆزىنى تارتىشى مۇمكىن. بىرسى ئازلىسىمۇ ھىساپ......

faeza

قېرىندىشىم ، تىمىڭىزغا رەھمەت . سىز دىگەن مەسىلىلەر سىزنىڭ ناھىيىڭىزدىلا ئەمەس ، بىزنىڭ ناھىيىمىزدىمۇ ئېغىر . سىز دىگەندەك ئۇيغۇردىن باشقىسى بۇنداق يەرلەرگە كىرمەيدۇ . بۇنداقلارنى قانداق قىلسا تۈزىگىلى بۇلىدۇ ؟ بۇنى ھەممىمىز ئويلىشىشىمىز كېرەك . ساپاسىز ئەرلىرىمىز مۇشۇنداق يەرلەرگە بېرىپ پۇلىنى ئىسراپ قىلىپ يۈرۈۋاتىدۇ . ھازىر تېخى ئەيدىز ئىسىملىك ساقچىدىنمۇ قورقمايۋاتىدۇ . ئەتراپىمىزدا خېلى ياش ئەرلىرىمىز تۇيۇقسىز ئۈلۈپ كىتىۋاتىدۇ . بىز ئۇلارنى يۈرەك كېسەك ۋە ياكى باشقا كېسەللەر بىلەن ئۆلدى دەپ ئاڭلايمىز . ئەمەلىيەتتە ئۇلارنىڭ كۆپ قىسمى مۇشۇ نىجىس كېسەل سەۋەبىدىن ئۈلۈۋاتىدۇ .

shekerim

بىزنىڭ يۇرتتىمۇ شۇ ، نەگە يېڭى بىنا سېلىنسا شۇيەرنىڭ بىرىنجى قەۋىتىنىڭ يېرىمى دىگۈدەك قاۋاق ؛ يېنىدىن ئۆتسەم مىڭنى لەنەت ئوقۇپ ئۆتۈپ كېتىمەن ؛

amirsahip

faeza يوللىغان ۋاقتى  2014-2-6 12:46
قېرىندىشىم ، تىمىڭىزغا رەھمەت . سىز دىگەن مەسىلىلەر سى ...

ئۇنداق يەرلەرگە ياشتىن بەكرەك قېرىلار كىرىدىكەن.بىر كۈنى ئككى باچكا ئالاي دەپ تۇخۇ كەپتەر بازىرىغا بىر ئاغىنەم بىلەن كىرىپ تۇرساق بۇيەرگە20-30مىتىر يەردىلام شۇنداق ئەسكى خانا بار ئكەن بىر60-70لەردەبىر كىشى ئۇيان -بۇيان مىڭىپ دۇكانمۇ-دۇكان مارىلىغىلى تۇردى،ئاغىنەم ماڭا قارا ئاۋۇ ئادەمگە نۇمۇس قىلماي ماراپ يۈرگىننى دەپتى ،بىز كەپتىرىنى كۈرەۋاتقان ياش؛ بالادارىسىنى سڭدۈگىلى مېڭىپ يۈرگەن ئۇغرى بۇ،ھەربازار كۈنلىكى باشقا يەرلەردىن كىلىپ شۇخ-شۇخ دارىسىنى ئات قۇناق يىگەندەك يەپ نەچچىسىنڭ جەسىدى چىقتى يەنىلام كىرىدىكەن بۇ ئاغزى مۇسۇلمان قۇڭى كاپىر بۇزۇقلار مۇسۇلماننڭ شەنىگە چىچىپ..دىدى.ئاڭغىچەھېلىقى باشتا كۆرگەن كىشى كىرىپ ئىشىنى تۈگىتىپ چىقىپ يەرگە تۈكۈرگەنچە ۋاختىنچە تۆۋە قىلىپ تۇمشىقىنى يۆگەپ كەتتى،بىزمۇ ئىشىمىزنى تۈگىتپ تۆۋە قىلىپ لوقمان ھېكىمنىڭ باشقىلارغا؛ بۇنچىلا ئەخلاقنى نەدىن ئۈگەندىڭز دىسە؛ئەخلاقسىزنىڭ قىلىقىغا قاراپ دىگىنى يادىمغاكىلىپ ئۇيلاپ قالدىم پاھىشە ۋازلىقنىڭ زىيىنى مللتىمىزگە ئاق تاماكىدىن ئاز ئەمەسكەن..... ئاھ ئىمانسىزلىق....ئاھ بىلىمسىزلىك

WART

قاۋاق-ھاراقخانا،قىمارخانا،تورخانا،سەتىراش-پاھىشىخانالار ئاساسەن ھەرقايسى يۇرتلاردىكى ئۇيغۇر مەھەلىللىرىگە يېقىن ۋە شۇ مەھەلىلەرگە قارىتىۋراق ئورۇنلارنى ئىگەللەپ ئېچىلغان...ئاللا مىللىتىمنى بۇ پاسكىنىچىلىقتىن ساقلىغىن...!!!

boran0998

ھاراق ئىچىش بىزگە قەتئىي ياراشمايدۇ. بۇنى چۈشەنگۈدەك ئۇيغۇر بەك ئاز. يا گەپنى ئوچۇق دىگىلى بولمىغان...

edrek

ئىمان بولمىغان ئادەم ھەممە ھارام ئىشنى قىلىدۇ،ئىمان بىر ئادەمنى ئەدەبلىك ئەخلاقلىق ساپالىق قىلىپ تەربىيلەيدۇ،لىكىن   مۇشۇ توردىمۇ دىنسىزلىقنى تەشەببۇس قىلىدىغان،ئاتالمىش مىللەتنى سۆيىمەن دەپ قويۇپ ئاستىرتتىن مىللەتنى دىنسىزلاشتۇرۇپ يولدىن چىقىرىشقا كۈچەيدىغان ،كاپىرنىڭ قول چوماقلىرى،يەھۇدى ناسارا كۈچۈكلىرى بار،ئۇلارغا ھىلىمۇ ياخشى ئىمانلىق كىشىلەرگە ،مۇسۇلمانلارغا جاسۇسلۇق قىلىپ كىچىككىنە كەمچىلىكى بولسىمۇ خەلقى ئالەمگە ياي،ئىتقاتنى سۇسلاشتۇرۇپ ئاتالمىش ئەرەبىزىم دەپ ئىماننى ئۆلتۈر،مەدەنىيلىشىش دەپ پاسىق ئىشلارنى باشقىلارغا چىرايلىق كۆرسەت دەپ بىرەر يەردىن بۇيرۇق مائاش كەلمەيدۇ！ئۆزى پۇل تۆلەپ تورغا چىقىپ باشقىلارنى خاتاغا ئۈندەيدىغانلارغا دوزاقنىڭ قەرى بولسۇن！

rajab

مىنىڭچە ئۇنداق يەرلەرگە كۆپىنچە ئەمدى قورامىغا يەتكەن بالىلار ۋە قېرى ئادەملەر كىرىدۇ