دېھقانلارنىڭ نامرات بولىشى مۇقەررەر

nijat0220

    دېھقانچىلىق مەھسۇلاتلىرىنى ئۆز جايىدا پىششىقلاپ ئىشلەيدىغان كارخانىلارنى كۆپرەك قۇرۇش كېرەك دەپ ئويلايمەن. ھازىرقى شارائىتتا، بىرەر كەنتنىڭ زاۋۇت قۇرمىقى ئۇنچىۋالا تەسمۇ ئەمەس....

okyan6

ئەسسالامۇ ئەلەيكۇم تورداشلار ! يۇقىرىدا قېرىنداشلىرىمىز ئېيىتقاندەك ھەقىقەتەن دېھقانچىلىق قىلىپ باي بولغىلى بولمايدۇ . چۈنكى يېزائىگىىلىك قۇرۇلمىسىدا مەسىلە بار . 1 . بىر يېزىنى ئېلىپ ئېيىتساق بازار ئېھتىياجىنى ئويلاشمايلا پىلان چۈشىرىدۇ . مەسلەن : بىر كەنىت بىر خىل زىرائەتنى تېرىسا يەنە بىر كەنىت يەنە باشقا زىرائەتنى تېرىشى كېرەك .
2 . دېھقانلار قىشلىقى ئەمگەكنىڭ سىجىل ۋاقتىدىن پايدىلنىپ ، سىياسى ئۈگۈنۈشنى ئازىراق قىلىشى ، ئەمەلىي ئۈنۈم بېرىدىغان تېخنىكا ( شۇ جاينىڭ ئەھۋالىغا ماس ھالاتتىكى ) كېڭەيتىلمە پائالىيەتلىرىنى كۆپرەك ئۆتكۈزىشى .
3 . تېخنىكا پائالىيەتلىرىدە چۈشكەن پىكىر - تەكلىپكە ئاساسەن ئەتىيازلىق تېرىلغۇنى ئۇرۇنلاشتۇرۇش . ( ئەتىيازلىق تېرىلغۇدا كادىرلارنىڭ قىشلىقى چۈشكەن تەكلىپ - پىكىرگە ئەھمىيەت بەرمەسلىك قىلمىشى بەك ئېغىر ) .
4 . شۇ جاينىڭ ئەمەلىي ئەھۋالىغا ، ھاۋا ، سۇ شارئىتلىرىغا قارىتا تېرىقچىلىق ئۇرۇنلاشتۇرۇش كېرەك .
5 . يەنە شۇ بوران ئەپەندىمنىڭ ئېيىتقىنىدەك .

ArpatKurban

دېھقان بولماق تەس

turahun

ناھايىتى ياخشى تېما بۇلۇپتۇ، بۇلۇپمۇ مۇلاھىزە باشتىمىسى رىئالنى ئەھۋالنى چىقىش قىلغان .

jim

دېھقانچىلىقتىن باي بولغىلى بولىدۇ لېكىن مۇشۇ بەزى بىر يېزا ،كەنىت كادىرلىرى باي بولغىلى قويمايدىكەن ئەمەسمۇ؟!! بۇلارغىمۇ ئۈزەڭنىلا ئەمەس مانچە يىلدا مانچە پىرسەنت دىھقاننى بېيىتىسەن ،خىزمەت دەۋرىڭدە بېيىغان دېھقانلار مانچە پىرسەنتكە يېتىشى شەرت .بولمىسا ھوقۇقنى ئۆكۈزىسەن دەپ بىلىملىك يېزا ئىگىلىكىنى چۈشىنىدىغان ئاق قۇرساقلارنى ئىشلەتسە دەيمەن نى بىلىملىك كىشىلىرىمىز ئىش يوق بۇلار كۆپۈنچىسى ......................ئۇزۇن مۇددەتلىك ،مىراسلىق ھوقۇق تۇتۇپ ئىشلەشنى ئۆزگەرتسە بولىتتى بۇلار .......

WWW.UYHQT.COM

زامانىۋىي شەھەردىكى دېھقان يىگىت

گۇاڭدوڭ ئۆلكىسىنىڭ جۇخەي شەھىرى دۆلىتىمىزنىڭ دېڭىز بويى رايۇنىدىكى ئەڭ تەرەققىي قىلغان زامانىۋىي شەھەرلەرنىڭ بىرسى بولۇپ خەلقئارالىق پورت شەھىرى ئاۋمىن بىلەن تۇتاش.يۇقارقى سۈرەتتىكى مەنزىرە جۇخەي شەھىرى بىلەن ئاۋمىن شەھىرىنى تۇتاشتۇرۇپ تۇرىدىغان گوڭ بېي پورتىدا تارتىلغان.

يۇرتىمىزنىڭ ئۆزگىچە ئەۋزەللىككە ئىگە قۇرۇق مېۋىلىرى جاھانغا مەشھۇر بولۇپ ،ئىچكىرى-ئۆلكە ۋە چەتئەللەردە ناھايىتى ياخشى ئابرويغا ۋە جەلپ قىلىش كۈچىگە ئىگە.قۇرۇق مېۋىلىرىمىز تەبىئەت بىزگە ئاتا قىلغان ئەڭ ياخشى،ئۆزگىچە ،باشقىلار دورىيالمايدىغان بازار ئىستىقبالى چەكسىز بولغان،بىزنىڭ بازىرىنى ئېچىشىمىزنى كۈتۈپ تۇرغان كوزۇر مەھسۇلاتتۇر.ئۆزىمىزدىكى بۇ بايلىق ئەۋزەللىكىنى تېز سۈرئەت ئىچىدە ئىقتىسادىي ئەۋزەللىككە ئۆزگەرتىش بىز ئۈچۈن ئېيتقاندا تەخىرسىز سودا پۇرسىتىدۇر.

يۇقارقى پۇرسەتنى سەزگۈرلۈك بىلەن تۇنۇپ يەتكەن ھەم ئۆز ئەمەلىيىتىدە كۆرسەتكەن بۇ دېھقان يىگىتنىڭ ئىسمى ئوبۇل ئاخۇن.بۇ يىل 34 ياش.خوتەن شەھىرى ئىسلام ئابات يېزىسىدىن ، جۇخەي شەھىرىگە كېلىپ سودا قىلىۋاتقىنىغا 10 يىل بولۇپ قالغان.ئۇ ئالدى بىلەن ئۆزىنىڭ بېغىدىن چىققان مېۋىلىرىنى ساتقان.ئارقىدىن دىيارىمىزدىن تۈركۈملەپ مال كىرگۈزۈپ سېتىشقا باشلىغان.ئۇلار جەمىئي 28 ئادەم بولۇپ ھەر يىلى 10-ئاينىڭ بېشىدىن كېيىنكى يىلى 2-ئاينىڭ ئاخىرىغىچە قۇرۇق مېۋە ساتىدۇ.يەرلىك ھۆكۈمەتنىڭ قوللىشىغا ئېرىشكەن بۇ بىر توپ دېھقان ياشلار كۈنىگە ئوتتۇرا ھېساب بىلەن 1000 يۈەندىن سودا قىلىدۇ.

دېھقانلىرىمىزنىڭ نورمال تۇرمۇش ۋە دېھقانچىلىق ئىشلىرىغا تەسىر يەتكۈزمەي يەرلىك مەھسۇلاتلارنى ئىچكىرى ئۆلكىلەرگە ئەكىلىپ سېتىپ پۇل تېپىشى قوللاشقا، مەدھىيلەشكە تىگىشلىك بىر ئىش.بىز تېخىمۇ كۆپ دېھقان ياشلارنىڭ بۇ يىگىتنى ئۈلگە قىلىپ يۇرتىمىز مېۋىلىرىنى ئۆز ئورنىدا سېتىشتىن تەرەققىي قىلغان ،ئىقتىسادىي گۈللەنگەن چوڭ شەھەرلەرگە ئەكىلىپ سېتىشىنى  سەمىمىي ئۈمۈد قىلىمىز.

بىز ئىگىلىك تىكلەش يۇلىنى ئىزدەۋاتقان قېرىنداشلىرىمىزنىڭ بۇلۇپمۇ ئالىي مەكتەپنى پۈتتۈرۈپ ئىش تاپالماي تۇرۇپ قالغان ياشلىرىمىزنىڭ يۇرتىمىز قۇرۇق مېۋىلىرىنى تەرەققىي قىلغان چوڭ شەھەرلەردە توپ-پارچە سېتىشتىن ئىبارەت بۇ مەڭگۈلۈك تىجارەت يۇلىغا قەدەم بېسىشىنى،مۇمكىن بولغىنىدا ئىقتىسادىي گەۋدىلەرنى قۇرۇپ قۇرۇق مىۋىلەرنىڭ تازلىق سۈپىتىنى تېخىمۇ ياخشىلاپ،ئۆلچەملىك ئوراپ-قاچىلانغان  مەھسۇلاتقا ئۆزگەرتىپ تاللا بازارلىرى ۋە تېخىمۇ كۆپ ساياھەت نۇقتىلىرىغا يەتكۈزىشىنى ، توغرا يول،ھالال تىجارەت بىلەن ئۆزى ۋە خەلقى ئۈچۈن كەڭ تىجارەت پۇرسىتى ۋە ياخشى ئىقتىسادىي ئۈنۈم يارىتىشىنى ئۈمۈد قىلىمىز.

ئاپتۇر:ئۇيغۇر قاشتېشى تورى-ئەقىدە قاشتېشى دۇكىنى

مەزكۇر ماقالىنى ئەسلى مەنبەسىنى ئەسكەرتكەن ئاساستا ھەر قانداق جايدا ئىشلەتسىڭىز بولىدۇ.

yaprak18

ھا...ھا...ھا... ، بىزنىڭ دىھقانلىرىمىز ئەمدى بارغانسىرى كەينىگە دەسسەيدۇكى باي بولالمايدۇ .بىزنىڭ يۇرتىمىزدا يالغۇز جېنىغا 400 مودىن تارتىپ 2-3 مىڭ مو يەر تېرۋاتقان يولداشلارنىمۇ كۆردۈم . ئۇلارنى ياكى بىركىشى مەجبۇرى ئەمگەككە ھەيدىمەيدۇ . ياكى كەنىتتە يىغىن بار دەپ ھەپتىدە 6 قېتىم چاقىرىپ تۇرمايدۇ . قولدىكى يەرگە نىمە تېرسا ،قانداق ئۇسسۇلدا تېرىقچىلىق قىلسا ھېچكىمنىڭ كارى يوق . ئەممە بىز ئۇنداق ئەمەس ، مەنمۇ بىر دىھقان ، بىزنىڭ تېرىقچىلقىمىزدىن تارتىپ يىغۋېلىنغان ھوسۇلنى سېتىپ چىقرىشقىچە ھەممىسى بىر تۇتاش ! بۇلتۇر ئەتىيازدا بىر ئۇرۇقچىلىق شىركىتىدىكى تونشۇمدىن ھاۋالە قىلىپ 40 كلو گىراملىق بىر خالتا ئاخسۇ تەرەپلەردە بەك ئالقىشقا ئىرىشكەن كىۋەز  ئۇرۇقنى سېتۋېلىپ  پىلان چۈشكەن 5مو 6 پۇڭ يەرگە تېرۋالدىم ، ئەممە قولۇمدىمۇ يىزىدىن بىرتۇتاش تارقاتقان كىۋەز ئۇرقىمۇ بار . ئۇ بىر تۇتاش تارقىتىلدىغان ئۇرۇق زادى ئېلشىمىز شەرت . نىمىشقا دىگەندە دىھقانلارنىڭ يېزا ئېگلىك ماددى ئەشيالىرىنىڭ ساختىسنى ساتىدىغان سودىگەرلەرنىڭ دامىغا چۈشۈپ كىتشىدىن ساقلىنىش ئۈچۈن يزىلىق ھۆكمەتنىڭ دىھقانلارنى ئىشەنچىلىك ماددى ئەشيالار بىلەن بىر تۇتاش تەمىنلەش دەيدىغان چىرايلىق ئىسمى بار . ئەممە بۇمۇ كۆپىنچە يانچۇق سودىسى ئارلىشۋېلىپ ئىشەنچىسىز چىقىپ قالدۇ ، ئۇنى يەنىلا دىھقانلار پەرۋىشنى ياخشى قىلمىغان دىگەندەك چىرايلىق پەردە بىلەن يېپىپ قويدۇ . شۇكۈنى ئېتىز بېشدا ئۇرۇق سېلىپ بولۇپ كۆمۋاتساق بىزنىڭ كەنىتكە تېخنىك خادىمى بولغان يولداش تېخى كۆمۈلمىگەن يەردى ئۇرۇقنى كۆلاپ ئېلىپلا بىلىپ قالدى بولغاي قايتا ئاغدۇرۇپ ئاشۇ بىر تۇتاش تارقاتقان ئۇرۇقنى قايتا تېرىشقا بۇيرىدى ، شۇنىڭ بىلەن بۇ كادىر يولداشلارغا ئازراق سەكرەپ ھەيۋە كۆرسۈتۈپ يۈرۈپ بۇزماسلىققا ماقۇلغا  كەلتۈردۈم . ئاردىن 3 كۈن ئۆتۈپ باغنىڭ ئىشلىرى بىلەن يۈرسەم قوشنام كىرىپ كەلدى ۋە دەرھال كىۋەزلىككە چۈششىمنى ئېتتى .  ئېتىز بېشىغا بارسام ، بىر چىرايلىق تېرلىپ بولغان كىۋەزنى ئاغدۇرۇپ ئېتىز ئىچىنى كۆرگۈسىز قىلۋىتىپتۇ . ئېتىز بېشىدا يىزىلىق ھۆكمەتتىن ، يىزىلىق ساخچىخانىدىن ...................... ھەي بولدىلا شۇتاپتىلا نىرۋام ئۆرلەپ قالدۇ . يەرنى ئاغدۇرۋەتىپ قايتا تېرغان بىلەن ئېتزىمدا ئىككى خىل كىۋەز بوپ قالدى . دىمسىمۇ كىۋەزنىڭ غوزلىشى ھەم ئېچلىشى پەرىقلىق . شۇلارنىمۇ ئوتاپ- تاقلاپ يۈرۈپ كىۋەز قىلدىم . كىۋەزلىرمىزنى سېتىشتىمۇ يەنىلا شۇ بىر تۇتاش . كىۋەز سودىسى قىلۋاتقان شەخىسلەر 6 يۈەندىن ئالدى ، ئەممە بىزنىڭ يىزىنىڭ شەھەرگە تۇتشدىغان يوللىرىدا توساق . 6-5 تىن پوستا تۇرۋاتقان قوڭالتاق . مەخسەت يىزىڭ بارلىق كىۋەزلىرىنى يېزىلىق پاختا زاۋۇتىغا بىرتۇتاش ساتىمىز . ئۇ يىزىلىق پاختا زاۋۇتىمۇ خېلى يىللار بولدى يولداشلار شەخسى قىلۋالغىلى . كىۋزىمىزنىڭ ئالدى 5 يۈەندىن ئاخىرسى 4 يۈەن دىگەندەك ساتىمىز . گاھىمىز ئامال يوق ئىشەك ھارۋۇ بىلەن كىچلىرى سۆرەپ يۈرۈپ ئادەم ماڭغىدەكلا يول بولسا ئۆزمىزنىڭ كىۋزىنى ئۆزىمىز ئوغۇرلىقچە ساتىمىز . ئەھۋال مۇشۇ . بۇ يىل ھەممەيلەنگە كەرەپشە تېرىتقان ئىدى بازار يوق ، پۇلغا ئالماۋاتقان . ھېلقى بىر تۇتاش سېتىپ بىردىغانلار تېخى يوق . مۇشنداق بولىۋەرسە نىمىش قىلشامىزكى . ئەرىز قىلساق سورايدىغان ئادەم ياكى ئورۇن يوق چىڭراق تۇرغانلارنىڭ تېخى ئىز-دېركى يوق دىگەندەك . دىگەننى تېرمىسا گەپ يوق ،يەرنى قوي تېرىيدىغانلار بار دەپ . ئىشقىلىپ ھەممە ئىشلار چېكىدىن ئېشىپمۇ بىريەرگە  باردى تۈزەيدىغان ئىشلارمۇ بوپ قالرمىكىن تاڭ !

uqkun0908

WWW.UYHQT.COM يوللىغان ۋاقتى  2014-2-6 18:02
زامانىۋىي شەھەردىكى دېھقان يىگىت

خوتەندە ئىسلام ئابات دەپ يۇرت بارما؟