- تىزىملاتقان
- 2014-2-8
- ئاخىرقى قېتىم
- 2014-2-20
- ھوقۇقى
- 1
- جۇغلانما
- 87
- نادىر
- 0
- يازما
- 3
ئۆسۈش
29%
|
ئۇيغۇرنى سۆكمەيلى!ئىنسان ئۆزىنىڭ قايسى زىمىندا،قانداق مىللەت ئەزاسى بولۇپ دۇنياغا كېلىشىنى قارار قىلالمايدۇ.لېكىن قانداقلا بولمىسۇن ئۆزى تەۋە بولغان توپنى سۆيۈش،ئاللاھنىڭ تەقدىرىگە تەن بېرىش-ئىنسانىيلىق بۇرچتۇر.ھازىر ئۇيغۇر جەمئىيىتىدە قىسمەن كۆرۈلىۋاتقان ئۆز مىللىتىدىن چېنىش ھەتتا بىزار بولۇش،ئۆزىنىڭ قەۋمىگە مۇناسىۋەتلىك ئىللەتلەر سۆزلىنىپ قالسا خۇددى يۈتتۈرۈپ قويغان نىمىسىنى تېپىۋالغان كىشىدەك دەررۇ ئەيىپلەپ كېتىشلەر،ئۆزىنىڭ ئۇيغۇرلۇقىدىن شىكايەت قىلىدىغان ناچارخاھىشلار-ھەر بىر ۋىجدان ئىگىسىنىڭ قەلبىنى ئاچچىق قىلماي قالمايدۇ.بىر پۈتۈن مىللەتنىڭ ئومومىي گەۋدە بويىچە ئەسكى بولۇپ كېتىشى-لوگىكىغا چۈشمەيدۇ ھەم ئەقىل رەت قىلىدۇ.ئەمما ئەتراپىمىزدىكى بەزى نەزەر دائىرىسى تار،مىللەتچىلىك ئىدىيىسى كۈچلۈك كىشىلەر-ئۇيغۇرنى مىللەت بويىچە ئۆچ كۆرىدۇ،بۇ يەتمىگەندەك بىزلەردىنمۇ بىر بۆلۈك كىشىلەر ئۆزىنىڭ چاۋىسىنى ئۆزى(ھەتتا يات مىللەتنىڭ ئالدىدا)چىتقا يايىدىغان پەسكەشلىكلەر كۆرۈلىۋاتىدۇ.ئۇنداقتا ئۇيغۇر شۇنچە ناچار مىللەتمۇ؟ چەتئەللەردە ئۇزۇن يىل تۇرغان بىرەيلەننىڭ دىيىشىچە،دۇنيانىڭ ھىچقانداق يېرىدە ئۇيغۇردەك يىمەك-ئىچمەكنىڭ ھالاللىقىغا ئەھمىيەت بېرىدىغان مۇسۇلمان يوقكەن.مەسىلەن:يىۋۇ شەھرىدە تىجارەت قىلىۋاتقان ئەرەب،تۈرك،پاكىستانلىقلار ئۆزىنىڭ مۇساپىر يەنى ئۆزرىلىك بولغانلىقىنى باھانە قىلىپ چوشقا گۆشى سېلىنغان قورۇمىلارنى بىمالال يەپ يۈرگىنىنى كۆرگەن ئادەملەر بار.ئۇغۇ شۇنداقكەن ئەمما ئەرەب دۆلەتلىرىدا ئېچىلىۋاتقان جۇڭگوچە رېستۇرانلارغا قارىساقمۇ دۈم چۈشكىنى يەنىلا شۇ«مۇسۇلمانلار».ئاڭلاشلارغا قارىغاندا كونتاكىي(肯德基)دۇنيانى ڭ ھىچقانداق يېرىدە(ئەلۋەتتە ئەرەب-ئىسلام رايونلىرىمۇ شۇنىڭ ئىچىدە)«مۇسۇلمانچە»ۋىۋىسكا ئىلتىماس قىلماي ھارام توخۇلارنى مەززىلىك قىلىپ پىشۇرۇپ بازار ئىگەللەپتىكەن.مۇشۇ ئۇيغۇر دىيارىغا كەلگەندىلا شۇ خىل ۋىۋىسكىغا تۇنجى قېتىم ئېھتىياجى بارلىقىنى ھېس قىپتىكەن.ئوتتۇرا ئاسىيادىكى قېرىنداش تۈركى مىللەتلەر روسلارنىڭ ئازغىنا بېسىمىغا بەرداشلىق بېرەلمەي چوشقا گۆشى يىيىشكە كۆنۈپ كەتكەنلىكىمۇ سىر ئەمەس-ئەلبەتتە...يۇقارىقى پاكىتلاردىن ئۇيغۇرلىرىمىزنىڭ ھازىرغا قەدەر يىمەك-ئىچمەك پاكلىقى جەھەتتىن دۇنيا مۇسۇلمانلىرىغا قايسى دەرىجىدە ئۈلگە بولۇشقا لايىق كېلىدىغانلىقىنى بىلىۋالساق بولىدۇ. ئۇيغۇرلارنىڭ-دىنىي مەۋجۇتلۇقىنى ساقلاپ تۇرۇشى-بىر مۆجىزە.بۇنداق دىيىشتە جۇغراپىيىلىك جايلىشىشقا قارىغاندا خەلقىمىزنىڭ شەرق تەرىپىدە دۇنيا بويىچە نوپۇسى ئەڭ كۆپ ئاتىزىمچى(خۇداسىز)-خەنزۇ مىللىتى،شىمال تەرىپىدە ئىسلامنىڭ تارىخىي كۈشەندىسى-روس مىللىتى،جەنۇپ تەرىپىدە بىر مىليارتتىن ئارتۇق نوپۇسقا ئىگە بۇددىستلار بولمىش-ھىندىلار،پەقەت غەرپ تەرىپىدىلا تەبىئىي توساقلار تۈپەيلى ئالاقىلىشىشى مۈشكۈل بولغان دىنداشلىرى بىلەن قورشىلىپ تۇرغان ھالەتتە ياشايدۇ.يۇقارىقىدەك جۇغراپىيىلىك شارائىتتا تۇرۇپمۇ تىرىشىپ-تىرمىشىپ«لائىلاھە ئىللەللا»دەپ دىنىي-ئېتىقادىنى-مەۋجۇتلۇقىنى ساقلاۋاتقان بىرخەلق پۈتۈن دۇنيانىڭ قايىللىقىغا ئېرىشىشى كېرەك. پۈتۈن جۇڭگودىكى 56 مىللەتنىڭ ئىچىدە ئاممىۋى ئاپتوبۇسلاردا ئاجىزلارغا ئورۇن بېرىدىغان پەزىلەتلىك خەلقتىن پەقەت ئۇيغۇرلارلا قالدى دىگۈچىلەرمۇ بار.ھېيتتا سويغان قويىنىڭ گۆشىنى ئاجىز-ئورۇقلارغا يەتكۈزۈش ئۈچۈن ئۇرۇق-تۇغقانلىرىنى تاشلاپ قويۇپ ساۋابقا يۈگرەۋاتقان مىللەتتىن يەنە قانچىسى قالغاندۇ؟ئۈندىداردىن مۇراجىئەتنامىلەرنى كۆرۈپ،قىممەتلىك ۋاقتىنى ئاجرىتىپ شۇ بىچارىلەر ئۈچۈن چېپىۋاتقان قايسى مىللەتكىن-قاراپ بېقىڭ.كوچا-كويدا بىر ناھەقچىلىقنى كۆرسە ئۆزىنىڭ بىخەتەرلىكىنى قايرىپ قويۇپ ھەققانىيەت يولىدا پىداكارلىق كۆرسىتىۋاتقانلارغا قاراپ بېقىڭ!يەنىلا شۇ سىزنىڭ قېرىندىشىڭىز ئەمەسمۇ!ئەمانى يولدىن ئۆتكۈزۈپ قويۇۋاتقان،ھادىسىگە ئۇچرىغان ئادەمنى«ماڭا ئېسىلىۋالارمىكىن»دەپ قورقماي دوختۇرخانىغا ئېلىپ بېرىۋاتقان،ھەر قانداق جايدا خالىس ياردەم قىلىش ئارقىلىق كىشىلەردىن مىننەتدارلىق تاما قىلمايۋاتقان شۇ كىشىلەرگە قايتا-قايتا قاراپ بېقىڭ-كىمكەن؟يەنىلا ئۆز مىللىتىڭىز ئەمەسمۇ... ئەينى دەۋردە ئەختەم ئۆمەردەك ئوت يۈرەك ئوغلانلىرىمىزنىڭ مىللىتىمىز ئىللەتلىرىنى پاساھەت پىچىقى بىلەن ئوپىراتسىيە قىلغان يازمىلىرى ھەقىقەتەن شۇ دەۋرگە لايىق ئىجابىي رول ئوينىغان.ئەمما ھازىرقىدەك شارائىتتا خەلقىمىز ئۆز-ئارا غاجاشقا،كەمسىتىشكە،چەتكە قېقىشقا ئەمەس،مەدەتكە،ئىلھامغا رىغبەتلەندۈرۈشكە مۇھتاج.ئىنساپ بىلەن ئېيتىمىزكى،ئۇيغۇرلىرىمىز ھازىر مىسلى كۆرۈلمىگەن دەرىجىدە تۈزەلدى،ئىتتىپاقلاشتى،ئاق-قارىنى تونۇپ يەتتى.قىسقىغىنە ۋاقىتتا بۇ سەۋىيىگە يېتىش ئۈچۈن كۆپ غەيرەت قىلدى،ھىممەت كەمىرىنى بېلىگە مەھكەم باغلىدى.ئىنشائاللاھ يەنىمۇ چوڭ بىرلىشىشكە،ئىناق جەمئىيەت بەرپا قىلىشقا تىرىشىۋاتىدۇ.شۇنداق ئەھۋالدا يەنە مىللىتىمىزنىڭ كونا يۈرەك يارىلىرىنى تاتىلاپ زەھەرخەندىلەرچە سۆكسەك ئادىللىق بولارمۇ؟خەق نىمە دىسە دىسۇن ئەمما سىز بولسىڭىزمۇ مىللىتىڭىزنى سۆكمەڭ!شۇنداق تىرىشچان-ئېسىل قەۋمنىڭ پەرزەنتى بولغانلىقىڭىزدىن ئىپتىخار ئىلكىدە پەخىرلىنىڭ! ئەبۇ ھىدايەت |
|