ئانا -تىلمىزنى قەدىرلەيلى

akpar777

ھازىر خەلقئارادا مەدەنىيەتلەرنىڭ ئۇچۇرشىشى تىز ھەم قۇيۇق.ئوخشىمىغان دۆلەتلەردىكى ئوخشىمىغان مىللەتلەر ئۆز ئانا تىلىدىن باشقا يەنە باشقا نوپۇزلۇق تىللارنى ئۆگىنىپ شۇلارنى قورال قىلىپ تۇرۇپ،ئۆز ئانا تىلىنى باشقىلارغا تونۇشتۇرۇش،ئۇلارنىڭ قىزىقىشىنى قوزغاشقا توختىماي ھەركەت قىلىۋاتماقتا. مەسىلەن ئالايلى، خەنزۇ تىلىنى ئېلىپ ئېيتساقلا، بىرلەشكەن دۆلەتلەر تەشكىلاتىدا قوللىنىلدىغان 6 چوڭ تىلنىڭ بىرى بولىشىغا قارىماي، ھەر قايسى دۆلەتلەردە كۇڭزى نامى بىلەن مەكتەپ ۋە تەربىيلەش ئاپاراتلىرىنى ئېچىپ، تېخىمۇ كۆپ كىشىلەرنىڭ خەنزۇ تىلنى ئۆگىنىشىگە شارائىت ھازىرلاپ بەرمەكتە. باشقىلارغا ئۆز تىلىنى ئۆگىتىش ئۈچۈن ئۆگەنگۈچىلەرنى ئەڭ قولايلىق تىل ئۆگىنىش ماتىرىياللىرى ئۈسكۈنىلىرى ۋە شارائىتلىرى بىلەن تەمىنلەشكە  كۈچ سەرىپ قىلماقتا.تەشۋىقات ۋاستىلىرى بىلەن تەشۋىق قىلىشنى كۈچەيتمەكتە.
ئۇنىڭدىن باشقا، ئىنگىلىز تىلىنى ئالايلى، ھازىر ئوخشىمىغان دەرىجە ۋە سەۋىيەدە تۈزۈلگەن دەرسلىكلەر، بۇلارغا يانداشتۇرۇلغان مەشىقلەر، تۈزۈلگەن لۇغەتلەر، يۇمشاق دېتاللار ناھايىتى كۆپ. تونۇشتۇرۇلغان ئۆگىنىش ئۇسۇللىرىمۇ نۇرغۇن.شۇڭىلاشقا بىز بۇ تىل ھەققىدە قانداق ماتىرىيالنى ئىزدەپ تاپىمىز دېسەك شۇندىقىنى تاپالايمىز.ئەمدى ئۇيغۇر تىلىغان قاراپ باقايلى.ھازىر تىلىمىزنى ئۆگىنىۋاتقان باشقا مىللەتلەر يوقمۇ.ئەلۋەتتە بار .بارغانسىرى كۆپىيىۋاتىدۇ.لىكىن بىزنىڭ تۈزۈلگەن دەرىسلىكلىرىمىز خەلقئارالىق ئۆلچەملەرگە تازا چۈشۈپ كەتمەيدۇ. قوللانغان ئۇسۇللىرىمىز يەنىلا ئەنئەنىۋى، قوللىنىشچانلىقى تۆۋەن. سېتىمچانلىقى يوق.ھازىرغا كەلگۈچە نوپۇزلۇق ئۇيغۇر تىلى ئاڭلاش دەرسلىكى تۈزۈلگىنى يوق. ئېغىز تىلى كۈچەيتىش قوللانمىلىرىمىزنىڭ كۆپىنچىسىنى باشقا مىللەت كىشىلىرى تۈزۈپ بەرگەن. ئۇلارنىڭ دەرسلىكلىرىدە كۆرىلىۋاتقان خاتالىقلار نەزىرىمىزنىڭ سىرتىدا. بەلكىم نۇرغۇن يولداشلار قىزىل ئەتلەس تاشلىق“ئۇيغۇر تىلىدىن 300جۈملە ”دېگەن كىتاپنى كۆرگەن بولىشى مومكىن مەزكۇر كىتاپتا ئۇيغۇر تىلى تاۋۇشلىرى بىردىن خەنزۇچە خەت بىلەن ئىپادىلەنگەن. ھەر بىر جۈملە خالىغان بىر خەنزۇچە خەتلەرنىڭ ئاھاڭى بىلەن يېزىلغان . مەسىلەن“ياخشىمۇ سىز؟“دېگەن بىر جۈملە“ياكې شى مۇ سى زې“دېگەندەك تەلەپپۇز بىلەن بېرىلگەن. بۇ كىتاپنى ھازىرغا كەلگۈچە ئۇيغۇر تىلشۇناسلىرى ۋە زىيالىلىرى كۆرمىدىمۇ؟مېنىڭچە كىتاپخانلاردا ئۈن ئالغۇ لېنتىسى بىلەن قوشۇپ سېتىلىۋاتقان بۇ دەرسلىكنى نۇرغۇنلىرىمىز كۆردۇق. لىكىن بىرەرسىمىز چىقىپ بۇ خىل ئىپادىلەشنىڭ ئۇيغۇر تىلىغا بولغان ناچار تەسىرىنى ئوچۇق ئاشكارا تەنقىد قىلىپ باقمىدۇق.



http://v.youku.com/v_show/id_XMzk5MjIwMzI4.html

huxruy

ekil يوللىغان ۋاقتى  2014-2-16 21:47
ئالىم ئەھەت مۇئەللىمنىڭ ئۇيغۇرچە يۇمشاق دىتالنىڭ كەگۈ ...

نەقەدەر ئسىل سۆزلەر ، شۇنچە ئېغىر ۋەزنى بار . ئالىم ئەھەدتەك مىللەت سۆيەر ، ئىلىم سۆيەر كىشىلەر ھەقىقى ھۆرمەتكە سازاۋەر كىشىلەردۇر . ئۇلارغا چەكسىز تەشەككۈر !

huxruy

بۇ قانداق يېمەكلىك ؟ - دەپ سوراپتىمەن دۇكانداردىن يېمەكلىك قاچىلانغان خالتىغا تۈزۈك قارىماستىنلا .
_ بەرەڭگە قەلەمچىسى ،- دىدى دۇكاندار يىگىت كۈلۈمسىرەپ .

بۇ گەپتىن دىلىم شۇنداق سۆيۈندى ، ھەممىمىز  مانا شۇنداق ساپ ئۇيغۇرچە سۆزلۈكلەرنى ئىشلەتسەك  قانداق ياخشى !

kamsoz

ھەممىمىز ئۆزىمىزدىن باشلايلى .

kamsoz

ھەممىمىز ئۆزىمىزدىن باشلايلى .

ulughyar

huxruy يوللىغان ۋاقتى  2014-2-17 18:20
بۇ قانداق يېمەكلىك ؟ - دەپ سوراپتىمەن دۇكانداردىن يېمە ...

مەنمۇ سىز بىلەن ئوپمۇ- ئوخشاش قاراشتىمەن. شۇڭا مەنمۇ پەرزەنتلىرىمگە ھەر ۋاقىت ئۇيغۇرچە ئاتالغۇلارنى چوقۇم ئۆگىتىشنى باش تارتىپ بولمايدىغان بۇرچۇم دەپ كېلىۋاتىمەن ھەم قەتئىي ئەمەل قىلىپ كېلىۋاتىمەن.
بۇ ئىش چوڭ ئىش، ئەمما ھەر بىرىمىز مۇشۇ چوڭ ئىشنى بىر قەدەم- بىر قەدەمدىن بېسىشىمىزغا توغرا كېلىدۇ. شۇنىڭغا مۇتلەق ئىشەنچتىمەنكى، مەيلى قايسى ساھەدىكى قېرىنداشلار بولسۇن مۇشۇ بىرلا مەقسەت بىلەن ئۆز بۇرچىمىزنى مۇشۇنداق كىچىك ئىشلاردىن باشلاپ، ئىزچىل داۋام قىلىدىغانلا بولساق ئانا تىلىمىزنى قوغداش جەھەتتە چوقۇم تېخىمۇ ياخشى ۋەزىيەتنى بارلىققا كەلتۈرەلەيمىز دەپ قارايمەن.
مۇشۇ تېمام ئارقىلىق ئالىم ئەھەت مۇئەللىمنىڭ ئانا تىلىمىز ئۈچۈن كۆرسەتكەن ئەشۇ ئۇلۇغ ئىشلىرىغا يەنە بىر قېتىم تەشەككۈرۈمنى بىلدۈرىمەن!

Yaprak111

بىر كۈنى مەن بىر دوستۇمدىن تۇيۇقسىز سىلەرنىڭ بالاڭلار ئۆيىڭلاردا خەنزۇ تىلىدا سۆزلىشەمدۇ ؟ياكى ئۇيغۇر تىلىدىمۇ دەپ سۇراپ سالدىم ،سەۋەبى ئۇ دوستۇم ئەر ئايال ھەر ئىككىلىسىلا مىنكاۋخەن ئىدى.ئويلىمىغان يەردىن دوستۇم ماڭا بىزنىڭ ئۆيدە ئانا تىلدىن باشقا تىلدا سۆز قىلىش مەنئى قىلىنىلىدۇ،دەپ جاۋاپ بەردى. مەن بۇ جاۋاپتىن ھەم شۇنداق سۈيۈندىم،ھەم ئالدىراشلا گۇمان ئارلاش سۇرىغان سۇئالىمدىن تۇلىمۇ خىجىللىق ھىس قىلدىم.
باشقا قېرىنداشلىرىمىزنىڭ ئۆز ئۆيلىرىدىمۇ بولسا ئانا تىلنى خاتىرجەم سۆزلەپ ،بالىللىرىنى ياخشى تەربىيلىنىشىنى ئۈمۈت قىلدىغان بوپ قالدىم.