قولاي تىزىملىك
ئىزدەش
بېكەت تەۋسىيەسى:
كۆرۈش: 3123|ئىنكاس: 48

ئامانىساخاننىڭ سەھرادىكى يۇرتى

[ئۇلانما كۆچۈرۈش]

10

تېما

2

دوست

4690

جۇغلانما

ئاكتىپ ئەزا

ئۆسۈش   89.67%

ئەزا ئۇچۇرى
تىزىم نۇمۇرى:  23987
يازما سانى: 323
نادىر تېمىسى: 0
مۇنبەر پۇلى: 25
تۆھپە : 1434
توردىكى ۋاقتى: 320
سائەت
ئاخىرقى: 2016-5-4
يوللىغان ۋاقتى 2014-2-22 16:03:51 |ھەممە قەۋەتنى كۆرۈش

ئامانىساخاننىڭ سەھرادىكى يۇرتى




     ئاماننىساخاننىڭ يۇرتى توغۇرلۇق ئۇيغۇر كىلاسىك ئەدەبىياتى ۋە مۇقام تەتقىقاتى ساھەسىدە ئوخشاش بولمىغان پىكىرلەر مەۋجۇت .  

    تەتقىقاتچىلار ئاماننىساخان مەكىت ناھىيەسىنىڭ غازكۆل يىزىسى قۇمۇش مەھەللە كەنتىدىن دېيىشمەكتە . بۇ قاراشنىڭ ئوتتۇرغا چىقىشىغا تۈرۈتكە بولغان سەۋەبلەر ؛  

   ( 1 ) << تەۋارىخىي مۇسىقىيۇن >> دىكى << سۇلتان ئۆز ۋەزىر ، ئەمىر ۋە لەشكەرلىرى بىلەن پايتەختى يەكەندىن ئاتلىنىپ ، تارىم دەرياسىنى بويلاپ تەرىك ماكان دەشتىگە شىكارغا يۈزلەندى ۋە نەچچە كۈن شۇ ئەتراپتا بولدى . سۇلتاننىڭ كېچىللىرى دېھقانچە ئاددى كىيىملەرنى كىيىپ قونۇچى ، مۇساپىر سۈپىتىدە سەھرا ياقىللىرىدىكى ئۆيلەردە غېرىبانە قونىدىغان ۋە شۇ يول بىلەن ئەمەلدارلارنىڭ رەئىيەلەرگە زۇلۇم - سەتەم قىلغانلىقىنى تەكشۈرىدىغان ئادىتى بار ئىدى . بۇ كۈنى سۇلتان شۇ يوسۇندا ئەكرەم ئاتلىق بىر مەھرىمى بىلەن بۇ خارابە ئۆيگە قونۇچى سۈپىتىدە كىردى . بۇ ئۆي مەھمۇت ئاتلىق ئوتۇنچىنىڭ ئۆيى ئىدى . ئاماننىساخان بولسا شۇ مەھمۇتنىڭ قىزى ئىدى . >>

     مەلۇم بولدىكى بۇنىڭدا تارىم ، تەرك ماكان ، مەھمۇت ئوتۇنچى ۋە ئەكرەم ئاتلىق ئابدۇرىشىتخاننىڭ مەھرىمى يىزىلغان ، بىراق ئاماننىساخاننىڭ يۇرتى توغۇرلۇق شەپىمۇ بىرىلمىگەن . يۇقۇرىقى ئىسىملار بويىچىلا ئاماننىساخاننىڭ مەھەللىسىنى بېكىتكىلى بولمايدۇ .  

    ئىككىنجى سەۋەب ؛ مەكىت ناھىيەسىدىكى خانكۆل ۋە خانناماز دېگەن يۇرت ئىسىملىرى سۇلتان ئابدۇرىشىتخان ئوۋ قىلىشقا كەلگەندە قويۇلغان ھەم ئاماننىساخان ياشىغان جاي << خانىمكۆل >> دەپ ئاتالدى ، دېيىلدى .

     بۇ توغرىدا مۇنداق ئىزاھ بېرىمىز ؛ مەكىت ناھىيەسىدە خانكۆل ( ھازىر بىر كەنىت ، بىر سۇ ئامبىرى شۇ نام بىلەن ئاتىلىدۇ  ) ، خانناماز ( ھازىر بىر كەنىت شۇ نام بىلەن ئاتىلىدۇ ) دىيىلىدىغان جايلار بار . بۇ ھەقتە قەشقەر ۋىلايەتنىڭ يەر جاي ناملىرى خەرىتىلىك تەركىزىسى >> دە ، خانكۆلگە << بۇندىن تەخمىنەن 100 يىل ئىلگىرى بىر ئەمەلدار بۇ يەردىكى زەيكۆل بويىدا بىر مەزگىل تۇرغانلىقتىن شۇ نام بىلەن ئاتالغان >> دەپ ، خانناماز توغرىسىدا ئېيتىشلارغا قارىغاندا << خان خوجا ئىسىملىك بىر باي ( خان خوجا ئاپپا خوجىنىڭ چوڭ ئوغلى خوجا يەھيانىڭ ۋە ئۇنىڭ نەۋرىسىنىڭ ھۆرمەت نامى ئىدى . شۇ بولۇشى مۇمكىن _ ئا ) بۇ يەردە ناماز ئوقۇغانلىقى ئۈچۈن شۇ نام بىلەن ئاتالغان >> دەپ چۈشەنچە بىرىلگەن . *  
     تارىخىي كىتابلاردا 1638 - يىلى ئابدۇللا خان تۇرپاندىن يەكەنگە شاھلىق تەختىدە ئولتۇرۇش ئۈچۈن كېلىۋىتىپ خانكۆلگە كىلىپ قونۇپ ئۆتكەن . خانناماز ئابدۇللاخان ياكى خان خوجىنىڭ ناماز ئوقۇپ ئۆتكەن جايى ، دىيىلگەن ، چۈنكى خانناماز ۋە خانكۆل بۇرۇنقى مارالبىشى يولىنىڭ جەنۇبىي تارمىقى ئۈستىدە ئىدى ( ھازىرمۇ شۇنداق ) . << تارىخىي رەشىدىي >> ( زەيلى ) نى ھازىرقى زامان ئۇيغۇر تىلىغا ئۆزلەشتۈرۈپ ئىشلىگۈچى كىشى ئاماننىساخاننى نەزەردە تۇتۇپ << خانكۆل >> نى << خانىمكۆل >> دەپ يازغاچقا ، بۇ ئىش تەتقىقاتچىلارنى قايمۇقتۇرۇپ قويغان بولۇشى مۇمكىن .

    ئۈچۈنجى سەۋەب ؛ 1934 - يىلى مەكىت ناھىيەسىدىكى بىر قۇملۇقتىكى توغراق تۈۋىدىن ئەر كىشىنىڭ قەدىمكى يازلىق چاپان ، كۆڭلىكى ، مىس پۇل ، ئوقيا ، ئوقدان . . . قاتارلىقلارنىڭ تىپىلغانلىقى ، << ئۇ نەرسىلەرنى سۇلتان ئابدۇرىشىتخاننىڭ >> دەپ ماتىرياللاردا ئېلان قىلىنىشى تەتقىقاتچىلارنىڭ يەنە بىر قىتىم يېنىكلىك بىلەن پىكىر قىلىشىغا سەۋەب بولدى .

     تېپىلغان ئۇ نەرسىلەردە ئۆزگىچە بەلگە ، ئىسىملار يوق بولۇپ ، ھاللىقراق تۇرمۇش سەۋىيەسىدىكى ھەر قانداق كىشى ئىشلەتسە بولىۋىرىدىغان نەرسىلەر ئىدى . نىزامىدىن ھۈسەيىننىڭ << كىيىنكى ئوتتۇرا ئەسىرلەر ئۇيغۇر مەدەنىيتىنىڭ تارىخىي ئوچىرىكلىرى >> ناملىق ماقالىسىدىكى << سەئىدنامە >> ناملىق كىتابدىن نەقىل كەلتۈرگەن << شاھ تاتارلىق چوكان سىكىلەك خاتۇن ئامەتلىرى ئاسمانغا ئۆرلەپ رەشىد ئەزەم بىلەن . . .>> ***  
دېگەن جۈملىدىن ئاماننىساخانننىڭ سەھرادىكى يۇرتىنى بىلىشكە مۇۋەپپەق بولدۇق .
   تاتار تارىم دەرياسى ( دەريانىڭ يەكەنگە تەۋە قىسمى ) نىڭ جەنۇبىي قۇملۇق ( تەرىك ماكان قۇملۇقى ) نىڭ غەربىنىڭ شىمالىي بۇرجىكى تەرىپى ئوتتۇرسىدىكى تۆۋەنكى بەش كەنىت ( ھازىرقى بەشكەن بازىرى ) نىڭ غەربىي يۇقۇرقى بەشكەنت ( ھازىرقى ئىگەرچى بازىرى ) ، تاتار ( ھازىرقى قارا سۇ يېزىسى ) قاتارلىق جايلارنىڭ جۇغراپىيلىك نامى بار بولۇپ ، بۇ يۇرىتتا يۇقۇرىقى تاتار ، تۆۋەنكى تاتار ، تاتارىساڭ ، قاتارلىق تاتار ئىسمىغا مەنىداش مەھەللە بار .

    شاھ تاتار ( شاخ تاتار ) بىر كەنىتنىڭ نامى . شۇ يۇرىتتىكىلەر بۇ يەرنى شاھلىق دەپ ئاتىشىدۇ . قوشنا يۇرت ، مەھەللىلەردىكى كىشىلەر << شاخ تاتار >> دېيىشىدۇ . قاغىلىق ناھىيەسىنىڭ جاڭگىل ئەسكى يېزا قارا دۆڭ كىنتى بىلەن يەكەن ناھىيەسىنىڭ قارا سۇ يىزىسى شاپتۇللۇق كەنتى تۇتاشقان جايدىكى ئىسمى يوقالغان شاخ تاتار مەھەللىسى ئاماننىساخاننىڭ سەھرادىكى يۇرتىدۇر .  
شاخ تاتار مەھەللىسى قاغىلىق ناھىيەسى ، يەكەن ناھىيەسى ، پوسكام ناھىيەسى چېگرىسىغا جايلاشقان .
    شاخ تاتارنىڭ ئەتراپىدىكى قۇملۇق سازلىق ۋە توغراقلىقلاردا توشقان ، ئۆردەك ، كىيىك ، تۈلكە ، قىرغاۋۇل ، ياۋا توڭگۇز ، كەكلىك ، ياۋا غاز ، ئۇقا ، تۇرنا ، بىلىقئالغۇچ قاتارلىق ھايۋان ۋە قۇشلار بار ، مەھەللىنىڭ شىمالىدا تىزناپ دەرياسى ، قىش ، ياز توختىماي ئېقىپ تۇرىدۇ .  
   شاھ تاتار ( شاخ تاتار ) مەھەللىسىنى ئاماننىساخاننىڭ سەھرادىكى يۇرتى دېيىشىمىزدىكى سەۋەب ؛
  1 . نىزامىدىن ھۈسەيىن << سەئىدنامە >> دىن نەقىل كەلتۈرگەن شاھ تاتار مەن ئوتتۇرغا قويغان جايىدۇر . ھازىرقى شاپتۇللۇقتا ياشاپ ئۆتكەن ئابدۇللا ناسىر ( يېقىندا ئۆلۈپ كەتتى ) ، تۇرسۇن تۇردى ۋاقىتلار بولۇشى ياكى سۇلتان ئابدۇرىشىتخان ساقلىغان 1919 - يىلى يىزىلغان بىر ھۆججەتتە << شاخ تاتار كەنتىدىن >> دەپ يىزىلغان ، مەلۇم بولدىكى شاخ تاتار يەكەن ناھىيەسىدىكى شاپتۇللۇق بىلەن قاغىلىق ناھىيەسىنىڭ قارا دۆڭ كەنتى ئوتتۇرسىدىكى قەدىمىي كەنىت .  
2 . شاپتۇللۇق كەنتى بىلەن شاخ تاتار كەنتى تۇتاشقان جايدا 300 كىۋادىرات مىتىرلىق بىر مەيدان بار ، مەيداننىڭ جەنۇبىي تەرپىدىرەك بەش تۈپ غۇژمەك قاپاق تېرەك بار ( بۇ تېرەكلەر بۇرۇنقى تېرەكنىڭ يىلتىزىدىن كۆكلىگەن ) تېرەكنىڭ شىمال تەرپىدە 7 مىتىر يىراقلىقتا ئاق يانتاق بىلەن چۈمكەلگەن ياغاچ رېشاتكا ئىچىگە ئىلىنغان بەش مىتىر دائىرىدىكى 0.50 مىتىر ئىگىزلىكتە توپا دۆۋىسى بار . بۇ دۆۋۈلۈك شىھىتلىك دىيىلىدۇ . بۇرۇننىسىدا تېرەك يۇمىلاق سۇپىسىنىڭ ئوتتۇرىسىغا ئېلىنغان بولۇپ ، بۇ سۇپىدا 70 يىل ئىلگىرى ھەر يىلى ھىجىرىينىڭ ھوشۇر ( مۇھەررەم ) ئېيىدا ( ھىجىرىيە يىلىنىڭ 1 - ئېيى ، يىل بىشى ) خوتەن ، قارىقاش ، قاغىلىق ، پوسكام ، يەكەن قەشقەر ، يېڭسار ، مەكىت ، مارالبىشى . . . . قاتارلىق جايلاردىن ئەر - ئايال مەشھۇر سازەندە ، ناخشىچى ، ئۇسۇلچىلار سازلىرىنى ئېلىپ كىلىشىپ ئۆگەنگەن ، ئىجاد قىلغان سەنئەت نومۇرلىرىنى بىر ئاي كۆرەك قىلىشقانئىكەن . بۇ پائالىيەت ھەر يىلى ھوشۇر ئېيىدىلا ئېلىپ بىرىلغان .  
   دېمەك ، بۇ سەنئەت ئالماشتۇرۇش پائالىيتىنىڭ قەرەللىك ، دائىم ئېلىپ بېرلىشىدىن قارىغاندا ، كۆرەكنىڭ دەسلەپكى شەكىللىنىشى دەۋرىدە ، ھەممە يۇرت سەنئەتكارلىرى بىردەك ئېتىراپ قىلغان كامالەتكە يەتكەن سەنئەتكارلار بۇ يۇرتتا تۇرغان ، مەشھۇر سەنئەتكار يۈسۈپ قىدىرخان ئوردىدىن كۆڭلى قېلىپ ( ئېھتىمال سۇلتان سەئىدخان 1525 - يىللىرى سوفى بولۇپ كەتكەن ۋاقىتلاردا بولۇشى ياكى سۇلتان ئابدۇرىشىتخان پادىشاھ بولغان ۋاقتىدىكى كۆڭۈلسىز ۋاقىتلار بولۇشى مۇمكىن ) سوفىزىمچىلار ۋە ئەمەلدارلارنىڭ كۆزىدىن يىراق ( پادىشاھ ئىنئام قىلىپ بەرگەن زېمىن تاتاردا ئىدى ) ئۆز قوۋمى ئورۇنلاشقان شاخ تاتارغا چىقىپ ئورۇنلاشقان ، ئۇنى شاگىرتلىرى تەرەپ - تەرەپتىن ئىزدەپ كىلىپ بۇ جاينى ناخشا - مۇقام ئوچىقىغا ئايلاندۇرغان .  

   ئاماننىساخاننىڭ يۇرتى ، ئاماننىساخاننىڭ ئىسمىنى بىلگىنىمىزدىن باشلاپلا ھەر ساھە كىشىللىرىنىڭ دىققىتىنى ئۆزىگە تارتتى ھەم تەتقىقاتچىلارنىڭ قىزقىدىغان تېمىسىغا ئايلاندى . << شاھ تاتار >> نىڭ پايتەخت يەكەندىن قانچىلىك يىراقلىقتا ئىكەنلىكىنى ئايدىڭلاشتۇرۇش ئۈچۈن ، شۇ زاماندىكى پادىشاھلارنىڭ قەيەرگە ئوۋغا چىقىدىغانلىقى تارىخ كىتابلاردىن ئىزدەشكە توغرا كىلىۋاتىدۇ . << سۇلتان ئەخمەتخان بەش كۈنلۈك ئوۋ قىلىش ئۈچۈن تاتارىستانغا بارغان ئىدىلەر ، نەزەر مىرزىنى تۇتۇپ ئۆلتۈردى . تاڭ ئاتتى ، بۇ خەۋەر خانغا ئاڭلاندى . >> بۇ سۆزلەردىكى << تاڭ ئاتتى ، بۇ خەۋەر خانغا ئاڭلاندى >> دېگەن جۈملە يەكەن شەھرى بىلەن تاتارىستاننىڭ ئارلىقىنىڭ يېقىنلىقىنى چۈشەندۈرىدۇ .
  << خانى شەھدىنىڭ شىكارغا بىسىيار مەيلىلارى بار ئىدى . ئوتۇنچىلىقنىڭ ئاياقىدا بار چۇچتا شاھ نەزەر مىراپ ، باقى قابالى مىراب شۇندا قونۇپ ئىدىلەر . >>  
    يەكەن شەھرىنڭ جەنۇبىدىكى چارىباغ يىزىسى ( بۇرۇن ئوتانچىلىق دىيىلەتتى ) نىڭ تەۋەسىدە بارچۇق ( بالچىق - پاتقاقلىق ) دەيدىغان ئوۋ قىلىشقا ئەپلىك جاي بولۇپ ، بۇ جايدا بالچۇق ئۆستەڭ دېگەن بىر ئېقىننىڭ بارلىقىنى ، يەنە بىر تەرىپى يەكەن شەھرىنىڭ جەنۇبىدىكى ماچاڭدىن باشلاپ دەرياغا تۇتاشقۇچە توغراقلىق ئىكەنلىكىنى پېشقەدەملەر بىلىشىدۇ ( بۇ يەردىكى بارچۇق - مارالبىشى ئەمەس ، ئەلۋەتتە ) .  
    يۇقۇرقىلاردىن بىلىۋىلىش مۇمكىنكى ، يەكەن خانلىقى ۋاقتىدا يەكەن شەھرىدىكى پادىشاھ ۋە ئەمەلدارلار ئوۋغا چىقسا تاتارغا ( يەكەن شەھرى بىلەن بولغان ئارلىقى 26 كېلومىتىر ) ياكى بارچۇق ( يەكەن شەھرى بىلەن ئارلىقى 9.5 كېلومىتىر ) قاتارلىق جايلارغا چىقاتتى .
    تەكشۈرۈش ئەھۋالى ۋە يازما ھۆججەتلەرگە ئاساسەن ، مۇقامشۇناس ، شائىرە ئاماننىساخاننىڭ يۇرتى قارا دۆڭ كەنتى بىلەن شاپتۇللۇق كەنتى ئوتتۇرسىدىكى نامى ئۇنتۇلغان << شاخ تاتار >> كەنتىدۇر ، دەپ قاراش پاكىتقا ئۇيغۇر ، خېلى ئىلمىي يەكۈندۇر .


    ئىزاھلار ؛


    * << قەشقەر ۋىلايىتىنىڭ يەر - جاي ناملىرى خەرىتىلىك تەزكىرىسى >> ، 360 ، 367 - بەتلەر .  

    ** مىرزا مەھمۇد جۇراس ؛ << تارىخىي رەشىدى >> ( زەيلى ) ، كۆچۈرۈلگەن نۇسخا .


   *** << شىنجاڭ مەدەنىيتى >> ، 1988 - يىلى 4 - سان .  

**** ئەرشىدىن ۋەلى تەزكىرىسىدىن .  

   ***** << چىڭگىزنامە >> ، قەشقەر ئۇيغۇر نەشىرياتى ، 128 - بەت .  

   ( ئاپتور يەكەن ناھىيەلىك مەدەنىيەت يۇرتىنىڭ پىنسىيونىرى ئابدۇقادىر داۋۇت ئەپەندى ) .

uyghuray

0

تېما

7

دوست

5233

جۇغلانما

تۆھپىكار ئەزا

ئۆسۈش   4.66%

ئەزا ئۇچۇرى
تىزىم نۇمۇرى:  21988
يازما سانى: 178
نادىر تېمىسى: 0
مۇنبەر پۇلى: 5
تۆھپە : 1670
توردىكى ۋاقتى: 270
سائەت
ئاخىرقى: 2016-4-8
يوللىغان ۋاقتى 2014-2-22 20:46:12 |ھەممە قەۋەتنى كۆرۈش
ئاماننىساخاننىڭ گېپى چىقىپ قالدى، بۇ تېمىڭىزغا سەنئەت ۋە سەنئەتكارلارغا قارشى ‹‹ئىنقىلابچىلار›› يەنە ھۇجۇمغا ئۆتمىسە بۇلاتتىغۇ
ئىناۋەتسىز قەۋەت،بۇ تېما ئۆچۈرۈلگەن

0

تېما

0

دوست

431

جۇغلانما

ئادەتتىكى ئەزا

ئۆسۈش   65.5%

ئەزا ئۇچۇرى
تىزىم نۇمۇرى:  25920
يازما سانى: 32
نادىر تېمىسى: 0
مۇنبەر پۇلى: 5
تۆھپە : 118
توردىكى ۋاقتى: 17
سائەت
ئاخىرقى: 2014-4-14
يوللىغان ۋاقتى 2014-2-22 21:34:01 |ھەممە قەۋەتنى كۆرۈش
گەپنى باشقا تەرەپكە بۇرىماي پايدىلانساڭ بولمىدىمۇ...مېنېڭچە ھېچكىم ئۆزسەنئىتىگە ئۆچ ئەمەس.  
uyghuray

2

تېما

0

دوست

1051

جۇغلانما

تىرىشچان ئەزا

ئۆسۈش   5.1%

ئەزا ئۇچۇرى
تىزىم نۇمۇرى:  13551
يازما سانى: 76
نادىر تېمىسى: 0
مۇنبەر پۇلى: 74
تۆھپە : 259
توردىكى ۋاقتى: 23
سائەت
ئاخىرقى: 2016-4-9
يوللىغان ۋاقتى 2014-2-22 22:57:44 |ھەممە قەۋەتنى كۆرۈش
بۇ يازمىنى ئاخىرىدا   sertlan تەھرىرلىگەن. ۋاقتى  2014-2-22 23:27  

سەنئەت ۋە سەنئەتكارلار دەڭ

11

تېما

2

دوست

4879

جۇغلانما

تەكلىپلىك ئەزا

ئۆسۈش   100%

ئەزا ئۇچۇرى
تىزىم نۇمۇرى:  1692
يازما سانى: 183
نادىر تېمىسى: 1
مۇنبەر پۇلى: 404
تۆھپە : 1284
توردىكى ۋاقتى: 308
سائەت
ئاخىرقى: 2016-2-25
يوللىغان ۋاقتى 2014-2-22 23:41:32 |ھەممە قەۋەتنى كۆرۈش
پاكىت ھامان مۇنازىرىدىن مۇتلەق ئۈستۈن  ئورۇندا تۇرىدۇ. ئاماننىساخان مەيلى قەيەردە تۇغۇلغان بولمىسۇن، ئۇ-مىللىتىمىزنىڭ پەخىرلىك قىزى. بۇ ھەقتىكى تالاش-تارتىشلارنىڭ  ھەل بولۇپ بولغىنىغا خېلى يىللار بولدى. ئەمما تەتقىقاتنىڭ چوڭقۇرلىشىشىغا ئەگىشىپ، يېڭىچە قاراشلارنىڭ مەيدانغا چىقىپ تۇرۇشى تەبىئىي ئەھۋال. ئەمما قاراشلار ئىلمىيلىق ئۈستىگە قويۇلسا، ئۇنىڭ ئۆمرى ئۇزاقراق بولالايدۇ.

0

تېما

2

دوست

5012

جۇغلانما

تۆھپىكار ئەزا

ئۆسۈش   0.24%

ئەزا ئۇچۇرى
تىزىم نۇمۇرى:  14973
يازما سانى: 368
نادىر تېمىسى: 0
مۇنبەر پۇلى: 25
تۆھپە : 1522
توردىكى ۋاقتى: 210
سائەت
ئاخىرقى: 2016-4-24
يوللىغان ۋاقتى 2014-2-22 23:48:12 |ھەممە قەۋەتنى كۆرۈش
ساياھەت ئورندىكىلەر خەۋەرسىز ئوخشىمامدۇ بۇجايدىن بولمىسامۇقامنى بارلىقا كەلتۇرگەن ئامانخانىڭ ئويى دەپلا،ساياھەت نۇقتىسىدىن بىرنى  قۇرۇپ ،ئامانخانىڭ ئىز باسارلىرى دەپ مۇقامچىدىن توتنى يىغۋىلىپ ئالا تاغىل ۋاقىرپ ساياھەتچى جەلىپ قىلىپ پۇل تېپىش پۇرستى قولدىن بەرمەيتى ئەمەسمۇ ئۇلار

0

تېما

2

دوست

5012

جۇغلانما

تۆھپىكار ئەزا

ئۆسۈش   0.24%

ئەزا ئۇچۇرى
تىزىم نۇمۇرى:  14973
يازما سانى: 368
نادىر تېمىسى: 0
مۇنبەر پۇلى: 25
تۆھپە : 1522
توردىكى ۋاقتى: 210
سائەت
ئاخىرقى: 2016-4-24
يوللىغان ۋاقتى 2014-2-22 23:48:38 |ھەممە قەۋەتنى كۆرۈش
ساياھەت ئورندىكىلەر خەۋەرسىز ئوخشىمامدۇ بۇجايدىن بولمىسامۇقامنى بارلىقا كەلتۇرگەن ئامانخانىڭ ئويى دەپلا،ساياھەت نۇقتىسىدىن بىرنى  قۇرۇپ ،ئامانخانىڭ ئىز باسارلىرى دەپ مۇقامچىدىن توتنى يىغۋىلىپ ئالا تاغىل ۋاقىرپ ساياھەتچى جەلىپ قىلىپ پۇل تېپىش پۇرستى قولدىن بەرمەيتى ئەمەسمۇ ئۇلار
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )