مەجبۇرى مائارىپتىكى مەجبۇرلاشلار
قېرىنداشلار ، مائارىپقا مۇناسىۋەتلىك تىمىلار جىقلاۋاتىدۇ . شۇڭا مەنمۇ ئازراق سۆزلىگىم كەپ قالدى . لېكىن مەن گەپنى ئۇدۇللا قىلىمەن . كىتاۋى سۆزلەرنى قىلماي ئىپادىلەيمەن .
ھازىر مەكتەپلەردە خوشاللىق مائارىپى يولغا قۇيۇلۇۋاتىدۇ ، خوشاللىق مائارىپى دىگىنىمىز ، مەكتەپ ئىچىدە ئوقۇغۇچىلارغا خوشاللىق ھىس قىلدۇرۇش ، ئوقۇغۇچىلارنى مەكتەپكە بېرىشقا ئىنتىلدۇرۇش ، سىرتتا قېلىۋاتقان ، مەكتەپكە قەستەن بارمايۋاتقان ئوقۇغۇچىلارنى مەكتەپ قوينىغا ئەكىلىش ئۈچۈن قىلىنغان بىر چوڭ ھەرىكەت .
مەكتەپلەردە 54321پائالىيىتى ئېلىپ بېرىلىۋاتىدۇ .
5دىگىنىمىز ، مەيلى ئوقۇتقۇچى ياكى ئوقۇغۇچى بولسۇن ھەر مەۋسۈمدە 5 كىتاپ ئوقۇش .
4 دىگىنىمىز ، تۆت خىل قىياپەت ، يەنى ئۆلچەملىك ئولتۇرۇش قىياپىتى ، ئۆلچەملىك مېڭىش قىياپىتى ، ئۆلچەملىك يېزىش قىياپىتى ، ئۆلچەملىك تۇرۇش قىياپىتىنى ئۆز ئىچىگە ئالىدۇ .
3 دىگىنىمىز ، ئۈچ ئاۋاز ، يەنى كىتاپ ئوقۇش ئاۋازى ، مەكتەپ ئىچىدىكى يېقىملىق ناخشا ئاۋازى ، تەنتەربىيە مەيدانىدىكى ئۈنلۈك توۋلىغان ئاۋاز (1،2،3دىگەندەك ئاۋازلار).
2 دىگىنىمىز ، 2 خىل گىمناستىكا ، كۆز گىمناستىكا ، دەرس ئارىلىقىدىكى گىمناستىكا .
1 دىگىنىمىز ، بىر پائالىيەت ، يەنى دەرستىن سىرتقى قىزىقارلىق پائالىيەت گۇرۇپپىسى تەشكىللەش ، يەنى قۇياش نۇرى پائالىيىتى .
قەدىرلىك قېرىنداشلىرىم ، سىلەرگە يۇقارقىلارنى دىيىشتىكى مەقسىتىم ، ھازىر نۇرغۇن ئوقۇش يېشىدىكى بالىلار مەكتەپكە بارمايۋاتىدۇ . ئۇلارنى ئىزدەپ ئوقۇتقۇچىلار ئاۋارە . بۇلۇپمۇ جەنۇپتىكى ئوقۇتقۇچىلار بۇ جەھەتتە بەكرەك جاپا تارتىۋاتىدۇ . شۇلارنى مەكتەپ قوينىغا ئەكىلىش ئۈچۈن ، مائارىپ نۇرغۇن مەبلەغ سالدى . يۇقىرىدىن مەكتەپلەرگە ئوقۇغۇچىلار ئوينايدىغان ھەرخىل ئۇيۇنچۇق ، توپ ، تەپكۈش قاتارلىقلاردىن تارتىپ ، ياش ئۆسمۈرلەر سارىيىغىمۇ نۇرغۇن مەبلەغ سالدى . ياش ئۆسمۈرلەر سارىيىدا ئۇچۇر تېخنىكا ، رەسساملىق ، خەتتاتلىق ، ناخشا ئۇسسۇل ، مۇزىكا ، ۋېلىسپىت مىنىش ، سىيرىلغۇچ ، قىزلار ئۈچۈن كەشتە تىكىش ، توقۇمىچىلىق ، مودىل ياساش دىگەندەك نۇرغۇن كەسىپلەر بار . ئوقۇغۇچىلار شەنبە يەكشەنبە ، تەتىللەردە ھەقسىز ئۆگىنىدۇ . مەكتەپ مەيدانلىرىدا نۇرغۇن تەنتەربىيە سايمانلىرى سەپلەندى . ھەركۈنى ئەڭ ئاخىرقى بىر سائەتتە ئوقۇغۇچىلار مەيداندا خالىغانچە ھەرىكەت قىلىدۇ . قانغۇچە ئوينايدۇ . بۇرۇنقىدەك كۈندە 8 سائەت دەرس ئۈتىدىغان ئىشلار يوق ، مەكتەپتىن بىزار بۇلىدىغان ئىشلار ئەمدى تۈگىشى مۇمكىن . ئوقۇغۇچىلارنىڭ مەكتەپتىن قاچماسلىقى ئۈچۈن ئۇلارنى تەنقىدلەشكە بولمايدۇ . ئۇلارغا ئوقۇتقۇچىلار يېلىنىپ تۇرۇپ تەربىيە قىلىدۇ . بولمىسا ئۇلار ئاتا ئانىلىرىغا تىللىغاننى ئۇردى دەپ ئاشۇرۇپ ئېيتىدۇ . ئىشقىلىپ ھازىر ئوقۇتۇشتىن بەكرەك ئوقۇغۇچىلارنىڭ مەكتەپكە كىلىپ كىتىشى مۇھىم بۇلۇۋاتىدۇ . ھازىر جەمئىيەت تەرتىپىنى قالايمىقان قىلىۋاتقانلار مەكتەپ يېشىدىكى مەكتەپكە بارمايۋاتقانلار ، شۇڭلاشقا ھازىرقى ۋەزىيەتتە مائارىپ يۇقارقىدەك تەدبىرلەرنى قوللىنىشقا مەجبۇر بۇلۇۋاتىدۇ ، دىيىشكە بولىدۇ .
بۇنىڭدا ئەسلىدە ئوقۇتۇش سۈپىتىگە ئەھمىيەت بېرىلسە بولاتتى، بۇ ئىشلارنى قانداق ھەل قىلساق مۇۋاپىق بولاركىن ؟ | 
يوللىغان ۋاقتى 2014-2-28 18:06:52
