قانۇن ئۈگۈنۈش ئادۇكاتنىڭلا ئىشىمۇ ؟

549317093

قانۇن ئۈگۈنۈش ئادۇكاتنىڭلا ئىشى ئەمەس

        بازار ئىگىلىكى  ئېنىق قىلىپ ئېيتقاندا پۇل ئىگىلىكى، پۇل تېپىش ئىگىلىكى، بارلىق ئىقتىسادى پائالىيەت پۇلنى، پۇل تېپىشنى مەركەز قىلغان بولىدۇ. ئىشلەپچىقىرىشنى مىسال ئالساق، نېمىدىن پۇل تاپقىلى بولسا، شۇ ئىشلەپچىقىرىلىدۇ، نېمىدىن ھەمىدىن بەك پۇل تاپقىلى بولسا، شۇ دەسلەپتە ئىشلەپچىقىرىلىدۇ، قانداق قىلىپ پۇل تاپقىلى بولسا شۇ ئۇسۇلدا ئىشلەپچىقىرىلىدۇ.  شۇ سەۋەبتىن جەمئىيەتتە ساختا، سۈپەتسىز مەخسۇلاتلار كۆپىيىپ كەتتى.   تىجارەتنى ئېلىپ ئېيتساق، نېمىدىن پۇل تاپقىلى بولسا، شۇ سېتىلىدۇ، نېمىدىن بەكرەك پۇل تاپقىلى بولسا، شۇ دەسلەپتە سېتىلىدۇ، قانداق ساتقاندا پۇل تاپقىلى بولسا، شۇ ئۇسۇلدا سېتىش ئەۋج ئالىدۇ. شۇ سەۋەبتىن جەمئىيەتتە ئالدامچىلىق ئەۋج ئېلىپ كەتتى. بۇ بازار ئىگىلىكىنىڭ خاتا يولغا ماڭغانلىقى، بازارلاشتۇرۇشنىڭ خاتا بولغانلىقى ئەمەس، بازار ئىگىلىكىنىڭ سەلبىي خىسلىتى ۋە ماھىيىتىنىڭ ئىپادىلىنىشىدۇر. بازار ئىگىلىكىنىڭ ئۆز ماھىيىتى بويىچە مېڭىشقا يول قويغاندا  مۇشۇنداق ئاقىۋەت كېلىپ چىقىدۇ.

         ئۇنداقتا، بازار ئىگىلىكىنىڭ مۇشۇنداق  ماھىيەت بويىچە داۋاملىق ئىلگىرىلىشىگە يول قويۇش كېرەكمۇ؟   ئەلۋەتتە بولمايدۇ.  ئۇنداق بولغاندا بازار ئىگىلىكى نابۇت بولىدۇ. بۇ چاغدا چوقۇم ھۆكۈمەت ئوتتۇرىغا چىقىپ بازارنى قاتتىق نازارەت قىلىپ باشقۇرۇشى، قانۇن ئوتتۇرىغا چىقىپ بازارنى قېلىپلاشتۇرۇشى، ئەخلاق ئوتتۇرىغا چىقىپ بازاردىكى ئەخلاقسىز قىلمىشلارنى چەكلىشى كېرەك. بۇ ئۈچى ئۆزئارا ماسلىشىپ بىرلەشكەندىلا، بازار ئىگىلىكىنىڭ خاتا يولغا مېڭىشىنى توسۇپ قالغىلى بولىدۇ.

      بۇنىڭ ئۈچۈن ھۆكۈمەت، قانۇن ۋە ئەخلاقنىڭ بازارلىشىپ كېتىشى، بازارلاشقان ھۆكۈمەت، بازارلاشقان قانۇن ۋە بازارلاشقان ئەخلاققا ئايلىنىپ، پۇل تېپىشنى ئاساسىي مەقسەت قىلىشتىن ساقلىنىش، ھەر بىرىنىڭ ئۆز رولىنى جارى قىلدۇرىشىغا سەھنە ھازىرلاپ بېرىشكە توغرا كېلىدۇ. بۇ ئۈچىنىڭ بازار ئىگىلىكىگە ئەگىشى دەۋر بىلەن تەڭ ئىلگىرلىشى ھاجەتسىز، يەنى بازار ئىگىلىكى بىلەن تەڭلا پۇل تېپىشنى مەركەر قىلماسلىقى، ئەكىسچە دەۋر بىلەن تەڭ ئىلگىرلەپ بازارنى قانۇن بويىچە نازارەت قىلىش، بازارنى قېلىپلاشتۇرۇش، بازارنى چەكلەشتە پىلانلىق ئىگىلىك مەزگىلىدىكىدىنمۇ بەكرەك ئۈنۈم يارتىشى كېرەك.

        يۇقىرىقى ئۈچى ئىچىدە ھۆكۈمەت ئەڭ مۇھىم ئورۇندا تۇرىدۇ، ھۆكۈمەت دېگەنلىك ھوقۇق دېگەنلىكتۇر. ئەلۋەتتە، قانۇنمۇ ئەڭ مۇھىم،  ھۆكۈمەتنىڭ  بازارنى قانۇن بويىچە نازارەت قىلىپ باشقۇرۇپ ـ باشقۇرالماسلىقى، بازار ئىگىلىكىنىڭ يۆلىنىشى، غەلىبە قىلىش ياكى مەغلۇپ بولۇشىنى بەلگىلەيدۇ. مەسىلە دەل مۇشۇ يەردىن چىقىدۇ. بازار ئىگىلىكىنىڭ تەرەققىي قىلىشىغا ئەگىشىپ، قىسمەن ھۆكۈمەت ۋە ئەمەلدارلار، قىسمەن ھوقۇقدارلار بازارلىشىپ كەتتى.  مەنپەئەت ئۈچۈن مەنبەئەت يەتكۈزگۈچىگە باش پاناھ بولدى،  ساختا، سۈپەتسىز مەھسۇلاتلارنىڭ بازارغا كىرىپ خەلق ئاممىسىنىڭ ھاياتى ۋە مال مۈلۈك بىخەتەرلىكىگە زىيان سېلىشىغا يېشىل چىراغ چىقىرىپ بەردى. بۇ خىل ئەھۋاللارنى كۆپ ئاڭلىدۇق ھەم كۆپ كۆردۇق. ئادىلسىزلىق نەدىن چىقىدۇ ؟ دەل بەزى كىشىلەرنىڭ قانۇن بىلمەسلىكى بىلەن ئۆز ھوقوق -مەنپەتىنى قوغدىيالمىغانلىقى ، كادىرلارنىڭ تولۇق بىلمەي پارىخورلۇققا مېڭىپ قېلىشى ، شۇنىڭ بىلەن ھەرخىل ناھەقچىلىكلەرنىڭ يامرىشىنى كەلتۈرۈپ چىقىرىشىدىن كىلىدۇ، بۇنىڭ ئۈچۈن قانۇن ئۈگۈنۈش ،ئادۇكاتنىڭلا ئىشى ئەمەس پۇقرا ۋە كادىرلارنىڭ ئۈگۈنۈشى ئىنتايىن زۆرۈر  .شۇندىلا ھۆكۈمىتىمىزنىڭ پاكلىقى ۋە تېخىمۇ تەرەققىي قىلىشى ئۈچۈن تۆھپە قوشقىلى بولىدۇ  .

panama

قانۇن دىگەن نېمە ؟يەرلىك سىياسەت دىگەن نىمە؟  بۇلار ئارىسىدا قانداق مۇناسىۋەت مەۋجۈت؟

wajra

     قانۇن دىگەن  ئەمەلدارنى قوغدايدىغان  خان يارلىقى  . پۇقرانى  بويسۇندۇردىغان  سىياسى كالدەك .

tapakkur

‹‹يۇقىرىقى ئۈچى ئىچىدە ھۆكۈمەت ئەڭ مۇھىم ئورۇندا تۇرىدۇ، ھۆكۈمەت دېگەنلىك ھوقۇق دېگەنلىكتۇر. ئەلۋەتتە، قانۇنمۇ ئەڭ مۇھىم››،زادى قايسىسى ئەڭ.

؟؟؟؟؟؟؟؟؟؟؟؟؟؟

Method

دۆلىتىمىزدە قانۇننىڭ ئورنى سەل تۆۋەن،سىياسەتنىڭ ئورنى يۇقۇرى،بۇنداق بولغاچقا قانۇن ئۈگۈنۈشنىڭ ئەھمىيىتى يوق دىسەك بولمايدۇ.ھازىرمۇ قانۇننىڭ خېلى ئادىل ۋاقىتلىرى بار(ھۆكۈمەت بىلەن ئېتىشىپ قالمىسىڭىزلا).قانۇننى ئادۋۇكاتتەك ئۆگۈنۈش ھاجەتسىز ئەمما قانۇن ئېڭى تۇرغۇزۇش،لازىم بولغاندا ئشلىتەلۈگۈدەك سەۋىيە ھازىرلاش زۆرۈر.

borabalisi

قانۇنچى دىگەن قانۇننى قوغدىغۇچى ئەمەس بەلكى قانۇندىن يۇچۇق تاپقۇچى ، مۇشۇ ئادۇۋكاتلار قانۇندىن يۇچۇق تاپالىغاچقا قارىنى ئاق قىلىۋىتەلەيدۇ ، ئاقنى قارا قىلىۋىتەلەيدۇ ! ئەگەر قانۇن ئەسلىدىلا ئاق قارىنى ئېنىق ئايرىيالىغان بولسا ئادۇۋكاتنىڭ نىمە قىمىتى ؟  شۇڭا بىزگە نىسبەتەن قانۇننى ئۆگىنىش ئادۇۋكاتتىنمۇ مۇھىم دەپ ئويلايمەن ، ئادۇۋكات كەپسى ۋە خىزمىتى بولغانلىقى ئۈچۈن ئۆگىنىدۇ، بىز بولساق ھاياتىمىزنى مەلۇم كاپالەتكە ئىگە قىلىش ئۈچۈن ئۆگىنىمىز ...
بىر خەنزۇ بىر چاغدا مەندىن سوراپ قالغانتى سىلەرنىڭ دىنىڭلار قالتىسمۇ ياكى قانۇنمۇ دەپ ، مەن دېدىم : قانۇن ئىسپات بولمىسا بىر تىيىنغا ئەرزىمىگەننىڭ ئۈستىگە ئاقنى قارا قىلىۋىتىدۇ ، ئەمما دىن ھىچنىمىگە مۇھتاج ئەمەس ، بىز ئۇنىڭغا شەرتسىز ئىتائەت قىلىمىز ، سېنىڭچە قايسىسى قالتىسكەن ؟ سىلەردەك بىر ئوبدان ئادىمىيلىكنى ئۆگىتىۋاتقان ، ئېڭىڭلاردىن تىزگىنلەپ تۇرىدىغان بۇددا دىنىنى تاشلىغان دىنسىزلار مەڭگۈ دىننىڭ ئەۋزەللىكىنى چۈشەنمەيدۇ !  بىزنىڭ ئەسكىمىز ئوغرى ، ئەمما يانچۇققا چىڭ بولساقلا ئۇلار ھېچنىمە ئەمەس ، سىلەرنىڭ ئەسكىڭلارچۇ ؟ بالاڭلار مەكتەپتىن ئۆزى كىلەلەمدۇ ؟ سىرتلاردا بۆرىكىڭلاردىن ئەنسىرىمەي خاتىرجەم  ئۇخلىيالامسىلەر ؟ يىمەكلىكنى خاتىرجەم يىيەلەمسىلەر ؟ باشقىلارغا  ئىشىنەمەلسىلەمسىلەر ؟ ھۆكۈمەتكە ئىشىنەلەمسىلەر ؟ بىلىمىڭلارغا يارىشا خىزمەت تاپالامسىلەر ؟ سىلەرنىڭ بالاڭلار نىمىشقا ئوقۇش پۈتتۈرسىلا سىلەردىن يىراق يەرلەرگە خىزمەت تېپىپ كىتىدۇ ؟ ئالىي مەكتەپتە ئۇقىۋاتقان بالاڭلار نىمىشقا ئايلاپ تىلفون قىلمايدۇ ؟ ئاتا -  ئانا ، بالا چاقىلار نىمىشقا ئاسانلا ياتلىشىپ كېتىدۇ ؟ نىمىشقا كوچىدا بىر توپ ئادەم بىر ئادەمنى ئۇرۇپ ئۆلتۈرىۋەتسىمۇ ياندىكى ساقچىلار گەپ قىلالمايدۇ ؟ نىمىشقا باشلىقنىڭ بالىسى تۈرمىدە ياتمايدۇ ؟ نىمىشقا تېلىۋىزوردىكى گەپ بىلەن كومپىيوتېردىكى گەپ بىر - بىرى بىلەن ئوخشىمايدۇ ؟  ................................  مانا مۇشۇ ئاتالمىش قانۇن ياراتقان جەمىئەت !