ئوقۇغۇچىلاردىكى تاماكا ساراڭلىقى
يېقىندا مەلۇم بىر ئوتتۇرا مەكتەپنىڭ ئوقۇتقۇچىسى توردا ئۆزىنىڭ مەكتەپ ئەتراپىدىكى بىر نەچچە دۇكان خوجايىنلىرىنىڭ ئوقۇغۇچىلارغا يوشۇرۇنچە تاماكا ساتىدىغانلىقىنى ،ھەتتا ئوقۇغۇچىلارنى تاماكاچېكىدىغان سورۇن بىلەن تەمىنلەيدىغانلىقىنى، شۇنداقلا ئالاقىغار تارماقلارنىڭ بۇئەھۋالنى باشقۇرشىنى ئىنكاس قىلدى .شۇنىڭ بىلەن مۇخبىرىمىز شەھىرىمىزدىكى بىرنەچچە دۇكاننى زىيارەت قىلىش ئارقىلىق ھەقىقەتەن بۇنداق ئەھۋالنىڭ بارلىقىنى بايقىدى . 5- مارىت چۈشتە ،ئۇچىسىغا مەكتەپ فورمىسى كىيگەن بىر ئوغۇل ئوقۇغۇچى مەكتەپنىڭ يېنىدىكى دۇكاندىن 10 يۈەنلىك تاماكىدىن بىرقاپ سېتىۋالدى .شۇ ۋاقىتتا مۇخبىرىمىز دۇكان خوجايىنىدىن:« ئوقۇغۇچىلار دائىم كېلىپ تاماكا سېتىۋالامدۇ»؟ دەپ سورىدى.خوجايىن ئۇنىڭغا «چۈشتىن كېيىن دەرىستىن چۈشكەندە ،تاماكا سېتىۋالىدىغان ئوقۇغۇچىلار تېخىمۇ كۆپ »دېدى.مۇخبىر خۇجايىنغادۇكىنىدا نىمىشقا قۇرامىغا يەتمىگەنلەرنىڭ تاماكا چېكىشنى مەنئى قىلىش چاپلانمىسىنىڭ يوقلۇقىنى سورىغاندا ،ئۇ جىم تۇرىۋالغان . ئىگىلىنىشىچە بىر قىسىم چوڭ سودا ساراي،تاللا بازارلىرىدا قۇرامىغا يەتمىگەنلەرگە تاماكا چېكىشنى مەنئى قىلىش چاپلانمىسى بولسىمۇ ،كۆپ قىسم دۇكانلاردا قۇرامىغا يەتمىگەنلەرگە تاماكا سېتىۋېرىدىكەن ھەم تاماكىنى مەنئى قىلىش توغرىسىدا ھېچقانداق ئاگاھلاندۇرۇش چاپلانمايدىكەن مەكتەپلەر بۇ ئىشنى ساقچىخانا ۋە تاماكا شېركىتىگە ئىنكاس قىلغان بولسىمۇ دۇكانلاردا ئوقۇغۇچىلارغا تاماكا سېتىش پەسەيمىگەن . ئىسمىنى ئاشكارلاشنى خالىمىغان بىر دۇكان خۇجايىنىنىڭ ئېيتىشىچە ،تاماكا ئىدارىسى ئۇلارغا قۇرامىغا يەتمىگەنلەرنىڭ تاماكاچېكىشىنىڭ قانۇنغا خىلاپ قىلمىش ئىكەنلىكىنى ئۇلارغا تەشۋىق قىلغان بولسىمۇ ،بىرقىسىم ئوقۇغۇچىلار دادىلىرىنىڭ تاماكىغا بۇيرۇغانلىقىنى باھانە قىلىپ ،تاماكاسېتىۋالىدىغانلىقنى ئېيىتقان .شۇڭا ئاتا –ئانىلار بالىلىرىنى ياخشى باشقۇرىشى كېرەك ئىكەن . تاماكا ئىدارىسىدىكى بىر مەسئۇل خادىم مۇنداق دېدى :« قانۇندا قۇرامىغا يەتمىگەنلەرنىڭ تاماكا چېكىشى قانۇنغا خىلاپ ئىكەنلىكى ئىنىق بەلگىلەنگەن بولسىمۇ ،ياخشى ئىجرا قىلىنمىدى ،قۇرامىغايەتمىگەنلەرگە تاماكا ساتقان دۇكان خوجايىنلىرىغىمۇ ئۈنۈملۈك تەدبىر قوللىنىشى كېرەك ،ئاھالىلەر قۇرامىغا يەتمىگەنلەرگە تاماكا ساتقان تىجارەتچىلەرنى بايقىسا،سۈرئەتكە تارتىۋىلىپ ئىسپات قالدۇرغاندىن كېيىن ،‹8812313› گە تېلفون قىلىپ ئىنكاس قالدۇرسا بولىدۇ».
مەنبە: «كەچلىك گېزىت »
|