ئۇيغۇر تىبابىتىمىزمۇ زامانىۋىلاشماقتا

zaboy

ئۇيغۇر تىبابىتىمىزمۇ زامانىۋىلاشماقتا

         ئۇيغۇر تېبابىتى ئەجداتلىرىمىزدىن قالغان ئۇلۇغ مەدەنىيەت مىراسى، ئۇنى تەرەققىي قىلدۇرۇش، زامانغا ماس ھالەتتە تەرەققىيات يولىنى ئېچىپ راۋاجلاندۇرۇش ھەممىمىزگە، بولۇپمۇ بىزگە ئوخشاش بۇ ساھەنىڭ نېنىنى يەۋاتقان كىشىلەرگە مەجبۇرىيەت.
         يېقىندا شىنجاڭ تېبببي جەۋھەر ئۇيغۇر تېبابىتى دورىگەرلىك چەكلىك شىركىتىنىڭ مەبلەغ سېلىشى ۋە يېڭىدىن تەشكىللەنگەن ئېلان بۆلۈم خادىملىرىنىڭ ئۈچ ئايلىق زور تىرىشچانلىقى نەتىجىسىدە ئۇيغۇر تېبابەت نەزىرىيىسى، دورىگەرلىك ئىلمى، داۋالاش ئۇسۇللىرى، رېتسىپ- تەجرىبىلىرى، تەتقىقات ۋە تەجرىبىلىرى، كېسەللىك ئىلمى، مەزمۇن، رەسىم ۋە فىلىم شەكىلدە تۈرلەش ئارقىلىق تۈزۈپ ئېلان قىلىندى. بۇ تۇنجى نەشرى ۋە تۇنجى قېتىملىق ئەمگىكىمىز بولغاچ خاتالىق ۋە كەمتۈكلەردىن خالىي ئەمەس. باغداشتىكى ئاقىل دوستلارنىڭ تەكلىپ- پىكىر بىرىپ، كېيىنكى نەشرىنىڭ تېخىمۇ مۇكەممەل بولۇپ كېتىشى ئۈچۈن بىر كىشىلىك ھەسسە قوشۇپ بىرىشىنى ئۈمىد قىلىمەن.

https://itunes.apple.com/cn/app/tibbiyjawhar/id827710780?l=en&mt=8

   

     باغداش تورى ئەپنىڭ دوستانە ئۇلىنىشىغا قوشۇلدى. ئۇيغۇرچە تونۇتۇلمىغان يانفۇنلاردا ئەپ ئارقىلىق زىيارەت قىلسىڭىز، فونتلىرى نورمال تۇنىغان ھالەتتە باغداش تورىنى كۆرەلەيسىز.

zaboy

ئاندىروئىد نۇسخىلىرىمۇ ئېلان قىلىندى.

ئاندىروئىدفون

http://appdown.tibbiyjawhar.com/app/TibbiyJawharPhone1.0.1.apk

ئاندىروئىدپەد

http://appdown.tibbiyjawhar.com/app/TibbiyJawharTablet1.0.1.apk

qutat

ناھايتى ئەھمىيەتلىك بىر ئىش بوپتۇ...باسقان ئىزىڭلاردىن گۈل ئۈنسۇن...

ArpatKurban

ئاندرويىد نۇسخىسى يوقمىكىن دەپ كۆڭلىم بەك يېرىم بولغان، ھەجەپ ياخشى بولدى…

زىرەك

ئالمىنى تۈرمىدىن قاچۇرۇش ھاجەتسىزمۇ؟

karavan

ئالما نۇسخىسى قايسى؟

sumurgh

دەرھەقىقەت «ئۇيغۇر تىبابىتى» ئەجدادلىرىمىزنىڭ نەچچە مىڭ يىللىق تۇرمۇش ۋە ئىزدىنىشىنىڭ مۇقەررەر مەھسۇلى، توغرا بولغان يەكۈنى. ئەجدادلىرىمىز بىزگە قالدۇرۇپ كەتكەن بۇ گۆھەر ئەجدادى ياراتقان تىبابىتىنى ئۇنۇتقان بىر قىسىم كىشىلەر تەرىپىدىن مەسخىرە قىلىنىشقا ئۇچرىغان ئىدى. ھەتتا، ئۇيغۇر تىبابىتى ئۇيغۇر ئاپتونوم رايونىمىزدىكى چوڭ دوختۇرخانىلاردىنمۇ سىقىپ چىقىرىلىپ يېتەرلىك قوللاشقا ۋە مەبلەغكە ئېرىشەلمىگەن ئىدى. شۇنداقتىمۇ ئۇيغۇر تىبابىتى ئۈستىدە ئۈزلۈكسىز ئىزدەنگۈچى كىشىلىرىمىزنىڭ بوشاشماي تىرىشچانلىقى نەتىجىسىدە ئۇيغۇر تىبابىتى خەلقئارادا ھەقىقىي ئېتىراپ قىلىنىشقا ئېرىشىپ زور داغداغا قوزغىدى. بۇنىڭغا مىسالەن، ئۇيغۇر تىبابىتى دورىلىرىدىن «شىپايى زۇكام جەۋھىرى»، «مۇللەيىن»، «قۇرسى شاھتارە» ... قاتارلىقلار نۆۋەتتە خەلقئارادا زور ئالقىشقا ئېرىشىۋاتىدۇ. ئۇنىڭدىن سىرت، غەربچە، جۇڭيىچە چوڭ دوختۇرخانىلاردا شۇنچە ئۇزاق داۋالىنىپ سەللىمازا ساقىيالماي، ئاخىرىدا دوختۇرخانىدىن چىقىرىۋېتىلگەن بىر قىسىم بىمارلار ئۆلۈم كۆزىگە كۆرۈنگەندە ئەجدادلىرىمىز قالدۇرۇپ كەتكەن گۆھەرنى ئىزدەپ كېلىشتى ۋە كۆپ قىسىملىرى ساقىيىپ چىقتى.
بۇ نۇقتىلاردىن ئېلىپ ئېيتقاندا ئۇيغۇر تىبابىتى زامانىۋىلاشسۇن، تېخىمۇ كۆكلەپ ياشنىسۇن!

agar

بەك ياخشى بوپتۇ