ۋاز كېچىشنى ئۈگىنىۋېلىڭ

oguzhan

                                   ۋاز  كېچىشنى  ئۈگىنىۋېلىڭ

      سۆيگۈ - مۇھەببەت  ھەرقانداق  لەززەتلىك  ۋە  كىشىنى  مەھلىيا  قىلىدىغان  بولسىمۇ  ،  ئەمما  ئۇنى  ۋاقتى - ۋاقتىدا  پەرۋىش  قىلىپ  تۇرمىغاندا  ۋە  ئىككىلا  تەرەپ  تەڭ  ئەھمىيەت  بەرمىگەندە  ،  ئارىدىكى  ھېسىيات  سۇسلىشىپ  ياكى  باشقا  ياققا  بۇرۇلۇپ  كېتىشى  مۇمكىن  .   ياكى  مۇھەببىتىڭىز  سىزگە  تۇيۇقسىزلا  بىۋاپالىق  قىلىپ  ،  باشقا  بىرىنى  تېپىۋېلىشى  مۇمكىن  .   بۇنداق  چاغدا  ،  سىز  بىر  ئادەم  ھەرقانچە  تىرىشچانلىق  كۆرسەتكەن  تەقدىردىمۇ  ،  مۇھەببەتنى  قۇتقۇزۇپ  قالالىشىڭىز  ناتايىن  .  شۇڭا ،  بۇنداق  چاغدا  ئەڭ  ياخشىسى  مۇھەببەتتىن  دادىللىق  بىلەن  ۋاز  كېچىڭ  .
     بەزى  چاغلاردا  سىزنىڭ  ياكى  ئوبىكتىڭىزنىڭ  سەۋەنلىكلى  تۈپەيلىدىن  ،  سۆيگۈ - مۇھەببەت  سىزدىن  بەكلا  يىراقلىشىپ  كېتىشى  مۇمكىن  .  بۇنداق  چاغدا  ،  سىز  ئۇنى  ھەرقانچە  قوغلاشقان  بىلەنمۇ  يېتەلمەي  ئارماندا  قېلىشىڭىز  مۈمكىن  .  شۇڭا ،  ئەڭ  ياخشىسى  بۇنداق  مۇھەببەتتىن  ۋاز  كېچىشىڭىزگە  توغرا  كېلىدۇ  .  ئەگەر  ۋاقتىدا  ۋاز  كەچمىسىڭىز  ،  سىزگە  ئاز  بولمىغان  ئاۋارىچىلىقلارنى  كەلتۈرۈپ  قويىشىمۇ  مۇمكىن  . 
     مەلۇم  بىر  تېخنىكوم  مەكتەپتە  ئوقۇيدىغان  قىز - يىگىت  قىزىقىشىنىڭ  ئوخشاشلىقى  ،  بىر - بىرىگە  كۆيۈنىدىغانلىقى  بىلەن  بىر -  بىرىگە  كۆڭۈل  بېرىشتى  .  ئۇلار  مەكتەپنى  شېئىردەك  گۈزەل  مەنىلەرگە  تولدۇرۇپ  ئۈچ  يىلنى  توشقۇزدى  .  مەكتەپ  پۈتكۈزگەندىن  كېيىن  قىز  بىلەن  يىگىت   ئايرىم -  ئايرىم  مەكتەپلەرگە  تەقسىم  قىلىندى  .  شۇنداقتىمۇ  ئۇلارنىڭ  مۇناسىۋىتى  ئىنتايىن  يېقىن  ئىدى  .  ئۇلار  كەلگۈسى  بىر  ئىككى  يىل  ئىچىدە  توي  قىلىشقا  پۈتۈشتى  .  شۇ  ئەسنادا  قىز  بىلىم  ئاشۇرۇشقا  بارىدىغان  بولۇپ  قالدى  .  ئۇلار  مەسلىھەتلىشىپ  ،  بۇ  قىممەتلىك  پۇرسەتنى  قەدىرلەشنى  ،  توينى  قىز  ئوقۇش  پۈتكۈزۈپ  كەلگەندىن  كېيىن  قىلىشنى   پۈتۈشتى  ،  شۇنداق  قىلىپ  قىز  ئوقۇشقا  كەتتى  .  بىر  مەۋسۈمگىچە  سۆيگۈگە  تولغان  خەتلەر  ئارىدا  ئۈزۈلمىدى  .  ئەمما  بىر  مەۋسۈمدىن  كېيىن  قىزدىن  خەت - خەۋەرمۇ  بولمىدى  .  يىگىت  ئۇنى  ئىزدەپ  چىققان  بولسىمۇ  ،  قىزنىڭ  ئىدىيە  جەھەتتىن  بەك  ئۆزگىرىپ  كەتكەنلىكىنى  ،  غەيرى  كىشىلەر  بىلەن  قويۇق   ئارىلىشىدىغانلىقىنى  بىلىپ  قالدى  ۋە  ھەسرەتلەنگەن  ھالدا  قايتىپ  كەلدى  .  شۇنىڭدىن  كېيىن  يىگىت  كۈنلىرىنى  ھاراق  ئىچىش  ،  قايغۇلۇق  ناخشىلارنى  ئېيتىش  بىلەن  ئۆتكۈزىدىغان  بولۇپ  قالدى  .  بىر  نەچچە  يىل  ئۆتكەندە  ،   يىگىت  نېرۋىسىدىن  ئادىشىدىغان  بولۇپ  قالدى  .  ئۇ  بالىلارغا  ياخشى  دەرس  بېرەلمىگەچكە  ،  مەكتەپتىنمۇ  توختۇتۇپ  قويۇلدى  .  ئەمدى  ئۇ  بىر  كېرەكسىز  ئادەمگە  ئايلىنىپ  قالغانىدى  .........
       يۇقىرىدىكى  ۋەقەلىكتە  ،  يىگىت  قىز  بىلەن  بولغان  مۇھەببىتىنىڭ  ئەمدى   داۋاملاشمايدىغانلىقىنى  بىلىپ  يەتكەن  بولسىمۇ  ،  ئۇنىڭدىن  ۋاقتىدا   ۋاز  كېچەلمىگەن  ،  ھەسىرەت  چەككەن  ،  دەردىنى  ھاراقتىن  ئالماقچى  بولغان   ،  ئەمما  ئاخىرىدا  ئۆزىنى  تۈگەشتۈرىۋالغان   .
      شۇڭا  ،  بۇ  قىسقىغىنە  ھاياتلىقتا  ،  قانداق  قىيىنچىلىققا  يولۇقماڭ  ،  ئۆزىڭىزگە  پۇختا  بولۇشنى  ئۇنتۇماڭ  ،  بولۇپمۇ  مۇھەببەت  ئەيۋەشكە  كەلمىگۈدەك  ھالغا  كېلىپ  قالغاندا  ،  ئۇنىڭدىن  دادىللىق  بىلەن  ۋاز  كېچىشنى   ئۈگىنىۋېلىڭ  . 
     
                  مەنبە  :    ئازاپ   دېڭىزىدىن  قۇتۇلۇڭ  دىگەن  كىتاپتىن   .

zarbidar

شۇڭا جىياڭ جېيېشىنىڭ بىر تاكتىكىسى بارغۇ«ئىلگىرلەش ئۈچۈن چېكىنىش» دەپ.

tarati

ۋاز كىچىش يېڭى پۇرسەتلەردىن دېرەك بىرىدۇ. مەن ۋاز كىچىشنى بىر خىل ئىقتىدار دەپ بىلىمەن.

oyganganzimn

ۋاز  كېچىش  ھۆكۈم  ئىقتىدارىنىڭ  يۇقىرلىقىدىن  بولىدۇ،شۇڭا  ئىككىلىنىشكە  قارىغاندا  ۋاز   كېچىش   كۈچلۈكرەك...

xayda

ۋاز كېچىش بىرخىل پاراسەت،يىتەرسىزلىك بىر خىل شاپائەت .

karlailisi

ياخشى كۆرۈشنى ،ئېرىشىشنى بىلىپ ،قەدىرلەشنى بىلمىگەن ئادەم ئۈچۈن ئۆزىنى ئۇنچىۋالا تۈگەشتۈرىۋېلىشقا ھەرگىز ئەرزىمەيدۇ ،نېمە قىلىدۇ ئىككى كۈنلۈك ئالەمدە ئۆزىنى ئۇنداق قىيناپ ؟ ئادەم  دېگەننىڭ  بېشىغا  نىمە كۈنلەر كەلمەيدۇ ، بىر ئادەم ئۈچۈن مۇھەببەتتىن ئايرىلىپ قېلىش كىشىلىك ھاياتتىكى نۇرغۇنلىغان سىناقلار ، بوران -چاپقۇنلار  ئىچىدىكى ئىنتايىن ،ئنتايىن كىچىك بىرقىسىمى خالاس .  قەيسەررەك بولۇش كېرەك . يىغلاڭغۇلۇقتىن ھېچنەرسىگە ئېرىشكىلى بولمايدىكەن .

narmi32

ۋاز كىچىشنى بىلمىگەن كىشىلەر بىر ئۇمۇر ئازاپ ئىچىىدە ۋەياكى پۇشايمان ئىچىدە ئۇتىدۇ.

korkom

يۇقىرقى ئىنكاس ناھايتى ئۇرۇنلۇق ،ئەگەشتىم !