ئىچكىرىدىكى سىتودېنتلارغا مۇراجەت!
ھازىرقى دەۋېر قانداق دەۋېر ؟ سىتودېنتلارنىڭ زىممىسىدە يەنە قانداق ۋەزىپىلەر بار؟مىللەت يەنە نىمىگە مۇھتاج؟مىللىتىمىز بىزنى نېمە ئىش قىلىشقا چاقىرىۋاتىدۇ؟ بىز نىمە ئۇچۇن ئوقۇيمىز؟بىز نىمە ئۇقۇشىمىز كىرەك؟........ مىنىڭ بۇ يەردە كۆپچىلىكنىڭ ئالدىدا ئاتىكاچچىلىق قىلىپ بۇ سۇئاللارغا جاۋاپ بىرىش ئىمتىيازىم يوق.پەقەت ھەممەيلەن بۇ توغۇرلۇق ئۇيلۇنۇپ باقساڭلار كۇپايە!
يېقىندا گۈلەن ئەپەندىنىڭ"ئىچكىرىدىكى ئۇيغۇلار: مەسىلە ۋە مۇلاھىزە "دىگەن ماقالىسىدە ئىچكىرىدىكى كۆپلىگەن ئالى مەكتەپلەردە شىنجاڭلىق ئوقۇغۇچىلارغا ئىمتىھان نۇمۇر سىزىقىنى 36نۇمۇر ،45 نۇمۇر ياكى50 نۇمۇر.... قىلىپ بىكىتىلگەنلىكى ئوتتۇرغا قويۇلغاندا ھەرخىل ئىنكاسلار ئوتتۇرغا چىققان ئىدى.بەزىلەر بۇنداق سىياسەتنى ئەمەلدىن قالدۇرۇش كىرەك دىسە ،يەنە بەزىلەر ئۆزىنى ئاقلاپ بۇنداق سىياسەت بولسىمۇ ھەممەيلەن ئاساسەن 60 تىن يۇقىرى ئالىدۇ دىدى. "تەكشۇرۇش قىلماي تۇرۇپ،پىكىر قىلىش ھوقۇقى بولمايدۇ"دىگەندەك.مەنمۇ مۇشۇ مەسىلەنى چۆرىدەپ مەلۇم بىر مەكتەپتە كىچىككىنە تەكشۇرۇش ئېلىپ بادىم.جەمى 70 نەپەر ئوقۇغۇچى قاتناشقان بولۇپ"سىز مەكتىپىڭىزدىكى بۇ خىل ئىمتھاندا نۇمۇر سىزىقىنى تۆۋەنلىتىدىغان سىياسەتكە قانداق قارايسىز؟" دىگەن سۇئالغا %30قوشۇلمايمەن،%29قوللايمەن،%41بەرىبىر دەپ جاۋاپ بەرگەن.
شۇ ئارقىلق بارلىق ئوقۇغۇچىلارنى ئۈچ تۈرگە بولدىم.1.تۈر:بۇ خىل ئېتبارغا قارشى تۇرغۇچىلار 2.تۈر:بۇ خىل ئىتبارنى قوللىغۇچىلار3.تۈر:بەرىبىر دىگۈچىلەر.بۇ ئۈچ تۈردىكى ئوقۇغۇچىلارنىڭ ئوتتۇرچە مۇزاكىرە قىلىش ۋاقتى،كەسىپىگە بولغان قىزىقىشى قاتارلىقلاردا كۆرۈنەرلىك پەرىق بارلىقنى بايقىدىم.
مەيلى ئۈگۈنۈشكە سەرىپ ئەتكەن ۋاقتى بولسۇن،مەيلى كەسىپكە بولغان قىزىقىشى بولسۇن،بۇ خىل ئېتبارغا قارشى تۇرغۇچىىلارنىڭ ئوتتۇرچە سەۋىيەسى يۇقىرى ئىكەن.ئەمما بۇ ئېتبارنى قوللىغۇچىلارنىڭ مەيلى ئۈگۈنۈشكە سەرىپ ئەتكەن ۋاقتى بولسۇن،ياكى كەسىپكە بولغان قىزىقىشى بولسۇن ھەممىدىن تۆۋەن.بۇ بەلكىم بۇ ئىتبارنى قوللىغۇچىلارنىڭ نىمىشقا بۇ خىل ئېتىبارغا مۇھتاج بوپقالغانلىقىغا بىر خىل جاۋاب بولىشى مومكىن.
ئەمدى ئۈگۈنۈش نەتىجىسى بىلەن ئۈگۈنۈشكە سەرىپ ئەتكەن ۋاقتى ۋە كەسىپكە بولغان قىزىقىشى ئوتتۇرسىدىكى مۇناسىۋەتنى كۆزەتكىنىمدە ئالدىنقى بىر مەۋسۇمدا ھەممە پەندىن 60 دىن يوقىرى ئالغاللارنىڭ ئۈگۈنۈشكە سەرىپ ئەتكەن ۋاقتى ۋە كەسىپكە بولغان قىزىقىشى يەنىلا يۇقىرى،بەزى پەنلەردە 60بىلەن ئىتبار نۇمۇرى سىزىقى ئوتتۇرسىدا ئالغانلار ۋە ئىتبار نۇمۇرى سىزىقىدىنمۇ تۇۋەن ئالغانلارنىڭ ئۈگۈنۈشكە سەرىپ ئەتكەن ۋاقتى ۋە كەسىپكە بولغان قىزىقىشى يەنىلا تۆۋەن .
بۇ خىل ئېتبار سىياسىتى ئەسلىدە ئاسىاسى ناچار بولغان ئوقۇغۇچىلارغا ئىلھام بولسا بولاتتى،ھازىر بۇ خىل ئېتبار تىرىشماسلىققا سەۋەپ بوپتۇ.بۇ خىل ھالەتنى كۆزدە تۇتۇپ مەن يۇقىرىقى دوكلاتنى شۇ مەكتەپ رەھبەرلىكىگە سۇندۇم.ھەمدە مەكتەپ رەھبەرلىكىدىن بۇ خىل ئېتبار سىياسىتىنى ئەمەلدىن قالدۇرۇش ياكى باشقىچە ئۆزگەرتىش كىرگۈزىشنى ،ئاساسى ناچار بولغان ئوقۇغۇچىلارغا ئايرىم سىنىپ تەشكىللەپ ئايرىم كۈچەيتىش مەشىقى ئېلىپ-بېرىشنى،ئۇقۇغۇچىلارنىڭ كەسىپكە بولغان قىزىقىشىنى يۇقىرى كۆتۇرىدىغان ھەرخىل پائالىيەت سەھنىلىرىنى ھازىرلاپ بىرىشنى(مەسىلەن :ئاز سانلىق مىللەت ئوقۇغۇچىلار ئۇيۇشمىسى قۇرۇش،ئۆزىمىزنىڭ داڭلىق شەخىسلىرىمىزنى تەكلىپ قىلىپ لىكسىيە ئورۇنلاستۇرۇش دىگەندەك) تەلەپ قىلدىم.ئەمما قىزىق يىرى مەكتەپ رەھبەرلىكى تېخى ئىنكاس قايتۇرماستا،شۇ مەكتەپتىكى ئۇيغۇر ئوقۇغۇچىلار ئارسىدا قاتتىق غۇلغۇلا قوزغالدى.بەزىلىرى بۇ خىل تەلەپكە قەتئىى قارشى ئىكەنلىكىنى ھەرخىل ئۇسۇللاردا ماڭا بىلدۇردى،ھەتتا مۇشۇ مەكتەپكە كىلىپ ئوقۇغۇسى بار تولۇق ئوتتۇرا مەكتەپ ئوقۇغۇچىلىرى (تەييارلىقتا ئوقۇۋاتقان ئوقۇغۇچىلار)مۇ ئۆز قارشىلىقىنى ئىپادىلەپ ئۈلگۈردى. بەزىلەرنىڭ دىيىشىچە ئەگەر بۇ خىل ئېتبار سىياسەت ئەمەلدىن قالدۇرۇلسا كەلگۈسىدە بۇ مەكتەپتە ئوقۇماقچى بولغانلارنىڭ يولىنى توسۇپ قويغانلىق بولارمىش،ئەگەر ئۇلار مۇشۇ سەۋەپتىن ئوقۇش پۇتتۇرەلمىسە ئاتا-ئانىسىغا يۇز كىلەلمەيمىش.يەنە بەزىلەرنىڭ دىيىشچە ھازىر ئالى مەكتەپتە ئۈگەنگەنلىرىنىڭ كەلگۈسىدە ھېچقانداق ئىشلىتىلىشى بولماسمىش.......
كۆپچىلىككە ئايان بۇ بىرلا مەكتەپنىڭلا ئىشى ئەمەس ،ئىچكىردىكى نۇرغۇن ئالى مەكتەپلەردە بۇ خىل ئوخشاش ھالەت مەۋجۇت.سىلەردىن سورايدىغىنىم،ھەممەيلەن ئۆزىڭلارنىڭ پىكىرىنى ئوتتۇرغا قويۇپ باقساڭلار،بۇ زادى ھەل قىلىشقا تېگىشلىك مەسىلىمۇ ئەمەسمۇ؟ ئەگەر ھەل قىلىشقا تېگىشلىك مەسىلە بولسا ئۇنداقتا قانداق ھەل قىلىمىز؟بىز قانداق قىلساق ئاتا-ئانىمىزغا يۇز كىلەلەيمىز؟قانداق قىلساق كەلگۇسى ئەۋلادلارنىڭ يولىنى توسۇپ قويمايمىز؟مۇنبەردىكى ئاتا -ئانىلار: ئۆز پەرزەنتىڭلارنىڭ قانداق ئوقۇشىنى ،قانداق ئۇقۇش پۇتتۇرىشىنى ئۈمىد قىلىسىلەر؟مۇنبەردىكى مائارىپچىلار سىلەرچە بۇ خىل ئىتبار ئوقۇغۇچىلارغا قانداق ئىجابى ۋە سەلبى تەسىرلەنى كۆرسىتىدۇ؟
مۇنبەردىكى دوستلار ئىچىدە ئىچكىرىدە ئوقۇپ باققان ياكى ئۇرۇق-تۇققان،دوستلىرىڭىلارنىڭ مەكتەپلىرىدىكى
(بولسا مەكتەپ نامىنى قالدۇرۇپ قۇيۇڭ)نۇمۇر ئۆلچەملىرىنى ۋە بۇجەھەتتىكى ئويلىرىڭلارنى دەپ باقساڭلار.
|