NASA: تاشقى پلانېتىنىڭ ئاي شارى

bilimhumar

تاشقى پلانېتىنىڭ ئاي شارى

(بىلىمخۇمار)

2014-يىلى 16-ئاپرېل

ناسا مەركىزى ج پ ل نىڭ تور بېتىدە 2014-يىلى 15-ئاپرېل كۈنى ئېلان قىلىنغان، «خەلقئارا ئىگىلىك دەۋرى گېزىتى» (International Business Daily) گە  بېسىلغان بىر پارچە ماقالىگە ئاساسلانغاندا، ئالىملار يېقىندا قۇياش سىستېمىسىنىڭ سىرتىدىكى بىر جىسىمنى بايقىغان بولۇپ، بۇ جىسىم تۆۋەندىكى ئىككى نەرسىنىڭ بىرسى بولىشى مۇمكىن ئىكەن: (1) بىرەر ئانا يۇلتۇزىنى ئايلانماي، ئۆز ئالدىغا مۇستەقىل مەۋجۇت بولۇپ تۇرىۋاتقان بىر يالغۇز پلانېتىنى ئايلىنىدىغان بىر ئاي شارى، ياكى (2) بىر يۇلتۇزنى ئايلىنىدىغان تاشقىي پلانېتا.  

بۇ پەرەز بۇرۇن يىغىلغان، كائىناتنى كۈزىتىشتىن ھاسىل قىلغان ئۇچۇرلىرىغا ئاساسەن ئوتتۇرىغا قويۇلغان بولۇپ، ھازىر ئۇ جىسىمنى قايتا تەكشۈرۈش ئىمكانىيىتى يوق ئىكەن.

ئەگەر يۇقىرىدىكى 1-ئېھتىماللىق راس بولۇپ قالسا، بۇ قېتىمقى بايقاش بىر يېڭى تاشقىي پلانېتا سىستېمىسىنىڭ، يەنى بىر ئانا يۇلتۇزنى ئايلانماي، ئۆز ئالدىغا مۇستەقىل مەۋجۇت بولۇپ تۇرىدىغان پلانېتا سىستېمىسىنىڭ، بايقالغانلىقى بولۇپ ھېسابلىنىدىكەن.

بۇ بايقاش ئامېرىكىدا چىقىدىغان ئىلمىي تەتقىقات ژورنىلى «ئاسترونومىيە-فىزىكا ژورنىلى» نىڭ ئەڭ يېقىنقى سانىدا ئېلان قىلىنغان.

تۆۋەندىكى پايدىلىنىش ماتېرىيالىدا ج پ ل دىكى ئالىي دەرىجىلىك ئالىم ۋەس ترائۇب (Wes Traub) نىڭ بۇ بايقاشنىڭ ناھايىتى مۇھىملىقى ھەققىدىكى سۆزى نەقىل كەلتۈرۈلگەن بولۇپ، مەن ھازىر قىلىۋاتقان ئىشلارنىڭ ئاساسلىق قىسمى ۋەس ترائۇبنىڭ مەسئۇللىقىدىكى تەتقىقات تۈرلىرىگە تەۋە.

پايدىلىنىش ماتېرىيالى ۋە رەسىم:

First Exomoon Spotted: Is It The Real Deal, Or Just A Planét Orbiting A Star?
http://www.ibtimes.com/first-exo ... l-deal-or-just-planét-orbiting-star-1570939 <http://www.ibtimes.com/first-exo ... ng-star-1570939>

ئەسكەرتىش: بۇ يەردە بېرىلگىنى سىزىلغان رەسىم بولۇپ، كامېرا بىلەن تارتىلغان رەسىم ئەمەس.

kuyak

كۆپتىن كۆپ رەخىمەت ئاكا  ئىسىل نادىر تېملار بىلەن تەملىپ كەلگىنىڭىزگە

ziya

سەرگەردان يۇلتۇزلار ھېچقانداق ئانا يۇلتۇزنى ئايلىنىپ ھەركەت قىلمايدۇ،دەۋاتاتى.بۇ "سەرگەردان يۇلتۇز"ئەمەسكەندە؟.

borabalisi

نىمىنى ئايلىنىۋاتقانلىقىنىمۇ تېخى بىلمەي تۇرۇپ بىرىنچى خىل يەكۈننى چىقارغىلى بولماس ؟ ئۇ ئېھتىماللىق مەۋجۇت دەپ قارالغاندىمۇ پىلانىتا سېستىمىسىنىڭ مەلۇم بىر يۇلتۇزنى مەركەز قىلىپ ئايلانمايۋاتقانلىقىنى ئىسپاتلىشى كېرەك ... بۇ ھازىرچە بىرخىل پەرەز شۇنداقمۇ ؟

matimatika

ئۇيغۇر تىلىنىڭ ئېزاھلىق لۇغىتىدە« ئاي ‹ئاستىر› يەر شارىنى ئايلىنىدىغان سەييارە، يۈزى ئوڭغۇل-دوڭغۇل بولۇپ تەكشى ئەمەس، ئۆزى نۇر چىقارماي ، قۇياش نۇرىنى قايتۇرىدۇ . دىئامېتىرى يەر شارى دېئامىتىرىنىڭ تۆتتىن بىرىگە ، تارتىش كۈچى يەر شارى تارتىش كۈچىنىڭ ئالتىدىن بىرگە توغرا كىلىدۇ» (شۇ لۇغەت، بىر توملۇق نۇسخا ، 61-بەت) دەپ تەبىر بىرىلگەن . بۇ ئىنىقكى يەر شارىنىڭ ھەمرىيىنىڭ خاس ئىسمى دېگەنلىك بولىدۇ.
شۇڭا ، بۇ تىمىدىكىنى يەنىلا «ھەمرا»دەپ ئالساق مۇۋاپىقمىكىن دەپ ئويلىدىم.
مەن يەنە« ئىنگىلىزچە - ئۇيغۇرچە ئاستېرونومىيە لوغىتى »گە قاراپ باقاي.

ziya

borabalisi يوللىغان ۋاقتى  2014-4-16 12:42
نىمىنى ئايلىنىۋاتقانلىقىنىمۇ تېخى بىلمەي تۇرۇپ بىرىن ...

سەرگەردان يۇلتۇز بولۇش ئېھتىماللىغى بولۇشىمۇ مۆمكىن.ئانا يۇلتۇز بايقالمىغان ئەھۋالدا مۇشۇنداق خىيالنىڭ كېلىپ چىقىشىدىن ساقلانماق قىيىن.

Rogue planet - Wikipedia, the free encyclopedia

http://en.wikipedia.org/wiki/Rogue_Planet

ziya

matimatika يوللىغان ۋاقتى  2014-4-16 12:52
ئۇيغۇر تىلىنىڭ ئېزاھلىق لۇغىتىدە« ئاي ‹ئاستىر› يەر شا ...

نىمىنى ئايلىنىۋاتقىنى ئىنىق بولمىسا «ھەمرا»دېيىشكە ئەتىگەنمىكىن.
بۇ تېمىدىكى تەتقىقاتچى ۋەس ترائۇب (Wes Traub) پەقەت بىر ئانا يۇلتۇز بار دەپ پەرەز قىلغان،لىكىن ئۇ ئانا يۇلتۇزنى كۆزەتمىگەندەك قىلىدۇ.بۇ ھالدا بۇ يۇلتۇز ھېچقانداق بىر ئانا يۇلتۇزنى ئايلانمايدىغان سەرگەردان يۇلتۇز بولۇشى مۆمكىن،دەپ پەرەز قىلساقمۇ ئورۇنلۇق بولىۋىرىدۇ.

ALKUT15

سىزنىڭ قىممەتلىك ۋاقتىڭىزنى ئاجىرتىپ  بىزگە مۇشۇنداق  ئىلىم پەن يېڭىلىقلىردىن خەۋەردار قىلىپ تۇرۋاتقانلىقىڭىزغا  كۆپ مىننەتتارمىز