قەيسەر مىجىت: ئۇندىدار خاتىرىلىرىم - مارت ئېيىنىڭ ئاخىرقى كۈنلىرى.....

qeyser-mijit

مارت ئېيىنىڭ ئاخىرقى كۈنلىرى

ئۇندىدار خاتىرىلىرىم - مارت ئېيىنىڭ ئاخىرقى كۈنلىرىدىكى ئىزنالىرىم

*****************************************************************
     قارلۇق شىركىتى ياساپ چىققان "خاتىرەم"  ئەمىلى قوللىنىىدىغان مەھسۇلاتقا رەخمەت. ئۇنىڭدىن پايدىلىنىپ ھەر كۇنى خىيالىمغا كىلىپ قالغان پىكىرلىرىمنى  يىزىپ قويىدىغان بوپ قالدىم ھەمدە ئۇدۇللۇق ئۇلارنى يىزىلغان كۈن تەرتىۋى بويىچە ئىجتىمائى ئالاقە تاراتقۇلىرىدا تارقىتىپ قويىدىغان بولدۇم. يازغانلىرىم - قىزىق بولسا كۈلۈپ، تەسىرلىك بولسا يىغلاپ، ياقمىسا تىللاپ (ئورۇنسىز  تىللىساڭلار گۇناھىمنى يەيسىلەر، ئارتۇق كەتسە يانىدۇ ئۆزەڭلىگە جۇمائائائا)، مەنىلىك بولسا ئويلاپ، بەك تەملىك بولسا، "يەنە بارمىدۇ؟" دەپ ئىز قوغلاپ...... قويارسىلەر! ۋاقتىڭلار بولمىسا ئوقۇمىساڭلارمۇ بولىدۇ، رەنجىمەيمەن يەنە كىلىپ!

(22-مارت)
      مەن مۇنداق ئۈچ خىل كىشىلەردىن بىزار: ئۆز ئىسمىنى ئۆزگەرتىۋالغانلار؛ بۇلاردىن پۇرسەتپەرەسلىك پۇراپ تۇرىدۇ. دادىسىنىڭ ئىسمىنى ئۆزگەرتىۋالغانلار؛ بۇلاردىن نومۇسسىزلىق ۋە غۇرۇرسىزلىق ماراپ تۇرىدۇ. ئۆز ئىتىقادىنى ئۆزگەرتىۋالغانلار؛ بۇلاردىن مۇناپىقلىق ۋە روھى گادايلىقنىڭ سېسىقلىرى تاراپ تۇرىدۇ.
(23-مارت)
مەلۇم بىر ئۇيغۇرچە توردا بىرسىنىڭ مۇنداق يازغىنىنى  كۆرگىنىم ئېسىمدە:
     "ئاز بىر تۈركۈم ئادەملەر بولىدىكەن، ئۇلار ھەق ئۈچۈن كۆپنىڭ بەختى ئۈچۈن ياشاپ ئۆزى ۋە ئائىلىسى بويىچە رىيازەت چىكىدىكەن. بۇ كىشىلەر تۈگەپ كەتكەندىن كىيىن ئۇلارنىڭ ئىش -ئىزلىرى روھى بايلىق بوپ قالىدىكەن.
     يەنە بىر تۈرلۈك ئادەملەر بولىدىكەن. ئۇلار ھەرقانداق شارائىتتا نىمە بولۇشىدىن قەتئى نەزەر راھەت قوغلىشىپ ياشايدىكەن ۋە ياشىيالايدىكەن!".
بۇنى ئوقۇپ ئويلىنىپ قالدىم، ئەمدى سىزمۇ ئوقۇدىڭىز، خوش قېنى....
(24-مارت سەھەر)
     يا پەرۋەردىگار، ماۋۇ بوستوننىڭ قىشى ھەجەپ ئۇزۇن بولدى-يا!
بۇ سەھەر: -
    قۇياش پارلاپ تۇرغىنى بىلەن، سوغۇق سۆڭەكتىن ئۆتىدۇ. ياكى مەن نىپىز كىيىندىم، ياشلىق ھەم بىپەرۋالىق قىلىپياكى سوغۇق راستىنلا قاتتىق، رەھىمسىزلىك قىلىپ!
(24-مارت، چۇشتىن كىيىن)
    نورۇز كىلىپ بەدەشقان قۇرۇپ بولغىلى خىلى بولدى-يۇ، ئەمما باھار ئىللىق چايمۇ قۇياي دىمەيدۇ. تەبىئەت ئانا، باھار قىزنى بەكلا خەسىس چوڭ قىپتا...؟ھەجەپ تەلپۇندى باھارغا كۆڭۈل، سىلەرمۇ تەلپۈندۈڭلارمۇ؟...ياكى پەرۋايىڭلار پەلەكمۇ؟...
(25-مارت سەھەر)
ماۋۇ گەپنى سوقرات دىگەنمىدى؟
   "ئايالىڭ مۇلايىم بولسا، بەختلىك بولىسەن!، ئايالىڭ بىشەم بولسا پەيلاسوپ!".
    ئۆز زامانىسىنىڭ ئاشقۇنى ئىكەنغۇ ئۇ زات!
    ئايال كىشى ئاز-تولا بىشەم بولمىسا ئەر كىشى ئايالىم يوق دەپ كوچىغا چىقىۋالمامدۇ؟
    ئەر كىشىدە ئاز-تولا پەيلاسوپلارچە پىكىر قىلىدىغان كاللا بولمىسا ئايال كىشى "كالىغا تەگدىممۇ نىمە؟" دەپ بۇرۇختۇم بوپ قالمامدۇ؟
     ماۋۇ سۈزۈم چەك باستىمۇ ياكى ئوسەيگە كەتتىمۇ؟
(25-مارت كەچ)
     سەن بار يەردە مەن يوق، ئەمما خىيالىڭدىمەن!
     خىيالىمدىسەن، چۈنكى "سىنىڭ خىيالىڭدىمەن" دەپ ئويلايمەن مەن!
     مانا بۇ مىنىڭ نەزىرىمدىكى دوستلۇق! سەن قانداق ئويلايسەن؟ خوش ئەمدى سىزچۇ؟
(26-مارت)
    ئامەتلىك چاغلىرىڭدا كەمتەر بول!
   تەلەيسىز چاغلىرىڭدا ئۈمىتۋار!
بۇ سۆز مىنىڭ ئەمەس، 96 ياشقا كىرىپمۇ ساغلام تۇرغان بىر ئامىرىكىلىق بوۋاينىڭ.
  "ئۆلۈمدىن باشقىسى تاماششا!
بۇ سۆزمۇ مىنىڭ ئەمەس، بۇ سۆز خەلقنىڭ!
    ياخشى-ياماننىڭ ئارىسىدا، ئاق بىلەن قارىنىڭ ئوتتۇرىسىدا يەنى كۈلرەڭلىكتە ياشاپ قالىمىز تولا چاغلاردا!
    "ھۇشيار بول ۋە قەتئى بول شۇنداق ۋاقىتلاردا!، يامانغا يانتاياق بولماا، ياخشىغا ئۇۋال قىلما!"
مانا بۇ ئەڭ ئاخىرىدىكى مىنىڭ سۆزۈم!
    ئەمدى ھەرقايسىلىرى بى دوسقانغا تۆكۈپ باقماملا غۇجۇلۇرۇرۇممم، خانلىرىم ئۆزلىرىڭ پەلسەپىۋى گەپلىرىنى!
(26-مارت چۇشتىن كىيىن)
     ئۈندىداردا دوست بولايلى دىدىڭ، ماقۇل دىدىم. توپقا قوشتۇم. نەچچە كۈن كۇتتۇم سالاملىرىڭنى!ياكى پاشىدەك پىجىلداپ قويمىدىڭ ياكى ئۆپكە توبىركلۇزدەك  يۆتۈلۈپ! بۇلبۇلدەك سايراپ بىرىشىڭنىغۇ كۈتمىگەن ئىدىم ۋە ياكى خورازدەك چىللاپ بىرىشىڭنى....سالامىڭ بولمىسىمۇ ئاۋازىڭ كۇپايە! دوستلار مەۋجۇتلۇغۇڭنى بىلسۈن. شۇنداق قىلىپ دوستلۇق دىگەن تەشەببۇسكارلىقتا ئىپادىلىنىدۇ. سەن بەرمىسەڭ مەن بىرەي ئۇ سالامنى:
  - ھە ھوشۇر قارىي تىج تۇردۇڭلىما، تىجلىقمائائا، تىج تۇدۇڭلا، تىجلىق؟
  - ھوي ھاشىگۇل با مىسىز يا؟ يوقاپ كەتمىسىلە دەيتمەن ماشىنيلىرى ئىيىققا چۈپ كەنكەنتمىتىيا!
  - ماڭەۋا جەرۇللا كۆيەنماي كەتتاڭ، نە ۋاداڭ!
(27 - مارت سەھەر)
ئىككى بىمار بار:
     بىرى - 70 ياشلىق دۇنياۋى ئالىم، يەنە بىرى 7 ياشلىق ئۆسمۈر. ئەمما بىر تاللا شىپالىق ئوكۇل بار. بىرسىنى قۇتقازسىڭىز يەنە بىرسى كىتىپ قالىدۇ. ئەگەر سىز شۇ ئوكۇلنىڭ ئىگىسى بولسىڭىز، كىمنى قۇتقۇزاتتىڭىز؟...
نېرۋاڭلارنى غىدىقلاپ قوياي دىدىمغۇ....
(28 - مارت كەچ)
   كۈلگەن چاغلىرىڭدا ئويلىما مىنى، ئىزدە لىكىن ياش تۆكۈپ قالساڭ....

wajra

   ھورمەتلىك  قەيسەر    ئەپەندىم  21مارتتىكى  خاتىرلىرى يوقمۇ  ؟  مەن شۇ كۇندىكى  خاتىرلەرگە  بەكرەك  قىزىقىمەن .

nahxibandiya

مەن ھىچ ئىكلەنمەي ئالىمغا ئۇرمەن..مېنىڭ بېشىمدىن ئۆتكەن ئىش..چۈنكى بىز ئۇ بالىنىڭ ئۇ ئالىمدەك بولۇپ چىقىشىنى ھىچ بىلمەيمىز...ھەزرىتى ئۆمەر رەزىيەللاھۇ ئەنھۇنىڭ 1000 ئابىتنىڭ كېچە -كۈندۈز بىر ئۆڭكۈردە ئىبادەت قىلىپ ياشىغىنىدىن،بىر ئالىمنىڭ كىشلەر ئارسىدا يۈرۈپ..ھالال-ھارامنى ئايرىپ بەرگىنى ئەۋزەل دىگەن .دىمەك بىر ئالىمنىڭ بىر پىكرى مىليون كىشلەرنىڭ ھاتلىقى ۋە رىسقى ئۈچۈن تەدبىر بولۇپ قېلىشى مۈمكىن.

ayding

24. مارتتىكى ئويلارغا،  باھارغا مۇشتاق بولدۇم دېگىنىڭىز كاللامغا   ئابدۇرېھىم ئۆتكۈرنىڭ « باھار چىللايمەن» نى چىللاپ كەلدى:
زېرىككەچ بۇ جانلار زىمستاندىن،
جانۇ جانىمدىن باھار چىللايمەن.
تۈنلەر كېچىسى ھۇۋلىغان شىردەك،
ئاھ- پىغانىمدىن باھار چىللايمەن.
...
25.مارتقا: كىنايىمۇ بۇ؟  مەنچە ئاياللارمۇ ئەرلىرىگە ئوخشاشلا ئەقىللىق بولسا ياخشى.  بىشەملىك مەسىلىنى ھەل قىلالامدۇ؟  قىسقىسى، بۇ دۇنيادا ئاللاھ ئىنسان ۋۇجۇدىغا سالغان ئەڭ گۈزەل، سەمىمىي تەرەپلەرنى ئىپادىلەپ ياشىغان ياخشى. چۈنكى كىم بىلەر،قەيەردە، قانچە يېشىمىزدا بىر نامازلىق سەلتەنىتىمىز بولۇپ قالىدۇ؟ !  پۇشايمان قىلمايدىغان ئىشنى قىلىپ ياشاپ قويسا بولىدۇ.

دوستلۇق ھەققىدە: مەنچە ئەل ئاغىنە بولۇشقان ئادەملەر ئاغىنىسىنىڭ ئارتۇقچىلىقى،ئۆزىگە قىلغان يېقىنچىلىقى بىلەن تەڭ ئۇلارنىڭ كەمتۈك، ناچار تەرەپلىرىنىمۇ تەڭ چۈشىنىشەلەيدىغان كىشىلەردۇر. ھاياتتا، سەن مېنىڭ ئاغىنەم، ئادىشىم تۇرۇپ، ماڭا يان باسمىدىڭ دېگەن گەپلەرنىمۇ ئاڭلاپ قالىمىز. دوستلۇق  يانداقچىلىرىنى توپلاش ئەمەس، كۆڭلىگە ياقىدىغان سەمىمىي ئادەملىرىنى توپلاش.  مەنچە دوستلۇق  دېمەك ياخشى تەرەپلىرىدىن ئازادە ھۇزۇرلىنىپ، كەم تەرەپلىرىنى قورۇنماي دېيىشىدىغان، بىر- بىرىگە تۈرتكە بولىدىغان ياخشى ئىش.

26. مارتتىكى ياخشىلىق،  يامانلىققا: قوشنا مەھەللىدىكى مەن تونۇيدىغان ياشقا چوڭ  ئايال  كىشىلەر ئارىسىدا يۈز بەرگەن بىر ئىشنى ئاڭلاپ،ئەتراپىمدىكى كىشىلەرنىڭ ئۇ ئىشىقا تۇتقان پوزىتسىيەسىنى كۆرۈپ شۇنداق ئويلىغانىدىم:
كىچىك چاغلىرىمدا ناھەق ئىشقا ھەرقانداق ئادەم چىدىمايدۇ، كۆكرەك كېرىپ چىقىدۇ، ياۋۇز كىشىلەر بىلەن ئادا- جۇدا بولۇشىدۇ دەپ ئويلىغان ئىكەنمەن. لېكىن تۇرمۇش دېگەن نۇرغۇن ناھەق ئىشلارنى سىغدۇردىكەن، ھەق كىشىلەرمۇ ناھەق ئىشنى قىلغان كىشىلەر بىلەن ئۇنداق ئالدىراپ ئادا- جۇدا بولۇپ كەتمەيدىكەن، بەزىلىرىنى كۆرمەسكە سالىدىكەن، بەزىلىرىنى كەچۈرۋىتىدىكەن، بەزىلىرىدىن ئاغرىنىدىكەن، تېخى بەزىلىرىگە ئارا تۇرىدىكەن.  ئۇلار مۇشۇنداق قىلىپ ياشاۋېرىدىكەن...

( پىكىرلىرىنى تۆكۈپ باقماملا غوجىلىرىم دەپتىكەنسىز، ئەسلى پىكىرىلىرىنى تۆكۈپ باقماملا مۆھتىرەم خېنىملاررررررر! دەپ قويسىڭىزمۇ بوپتىكەن، ( لېكىن بۇنداق دېيىلسىمۇ تازا قاملاشمىغۇدەك.)  ياكى مېنىڭ پىكىرىمنى يېزىشىم ئورۇنسىزمۇ؟!

27. مارتقا:
مەن  دورا ئوكۇلىنى7 ياشلىق بالىغا ئۇرۇشنى تاللايمەن.  مەن نەقشىبەدىيە دېگەن تورداشنىڭ پىكىرىنى چۈشەنسەممۇ، باشتا شۇنداق قىلىشىنى ئويلاشقان بولساممۇ،  يەنىلا  يەتتە ياشلىق شۇ سەبىي بالىنى قۇتقۇزماقنى خالايمەن. چۈنكى ئالىم ئۆزىنىڭ ياشاش  پۇرسىتىگە 70 يىلدىن بۇيان ئېرىشىپ كەلگەن.  ئەڭ  بولمىغاندىمۇ، بالا ئۇ كىشىىدەك ئالىم بولالمايدۇ دېيىلگەن تەقدىردىمۇ، ئۇ بالىغا ئالىم بولالاش پۇرسىتىنى بېرىش كېرەك. پۇرسەت جەھەتتىن ئالىم بىلەن باراۋەر  مۇئامىلە قىلىشىنى كېرەك.  شۇ مىسرالار يادىمغا كەلدى ئۇ ئالىم ئۈچۈن.

ھەي!
جاھاننى ياشاپ تۈگىتىپ قويدى،
ئەمدى مېھماندەك.  ( بۇغدا ئابدۇللا مىسرالىرى)
     

ئاچارى

(25-مارت سەھەر)
ماۋۇ گەپنى سوقرات دىگەنمىدى؟
   "ئايالىڭ مۇلايىم بولسا، بەختلىك بولىسەن!، ئايالىڭ بىشەم بولسا پەيلاسوپ!".
    ئۆز زامانىسىنىڭ ئاشقۇنى ئىكەنغۇ ئۇ زات!
    ئايال كىشى ئاز-تولا بىشەم بولمىسا ئەر كىشى ئايالىم يوق دەپ كوچىغا چىقىۋالمامدۇ؟
    ئەر كىشىدە ئاز-تولا پەيلاسوپلارچە پىكىر قىلىدىغان كاللا بولمىسا ئايال كىشى "كالىغا تەگدىممۇ نىمە؟" دەپ بۇرۇختۇم بوپ قالمامدۇ؟
     ماۋۇ سۈزۈم چەك باستىمۇ ياكى ئوسەيگە كەتتىمۇ؟
سوقرات دېگەن،بۇ سۆزلەر مېنىڭچە ئورونلۇق.

qaryabkok

ناھايىتى ياخشى بىر ئۇسلۇپ، كىشىلەرنى زېرىكتۇرۇپ قويماي چوڭقۇر ئوي-پىكىرگە يېتەكلەشنىڭ؛ مەنچە ئەمدى،   ياخشى يولىنى تاللاپسىز ئوزىڭىزنى ئىپادىلەش ۋە ئوزگىلەرنى يېتەكلەشنىڭ. مەنچە  بۇ ئۇسلۇپ ھەممە قەلەمكەشلەر  ئۇچۇن ھوسۇللۇق ئەمەس؛ سىزگە ئوخشاش تەپەككۇردا تېز شۇڭغۇپ بىر نەرسىلەرنى سۇزۇپ چىقالايدىغانلار ئۇچۇن شۇنداق. بۇ ئۇسلۇبىڭىزدا يىرھق-يىراق ئەسلىمىلەرگە، ئۇزۇن-ئۇزۇن ھېكايىلەرگە ھاجەت يوق. بىز  ئۇچۇنمۇ تورنى كەڭ يېيىپ ئاران بىر-ئىككى بېلىق تۇتۇش ئەمەس، تورغا كىچىك بىر ساپلىقنى كوتۇرۇپ چىقىپ بىر قانچە لەھەڭنى سۇزۇپ قايتىش پۇرسىتى؛ سۇزەلمىسەك، توردىن ئەمەس ساپلىقتىن كورۇش باھانىسى.

kuqalik

كۈلگەن چاغدا ئويلىما مىنى ،ئىزدە لىكىن ياش تۇكۇپ قالساڭ...
ما گەپ ماڭا بەك ياقتى ،كۇلگەن ۋاقتىمىز-بىزنىڭ بەختىيار ۋاقتىمىز ،ئەمما ياش تۇكۇش،دەرت تۈكۈشە ئەڭ يېقىن ئادىمىمىز بولمىسا ،بۇمۇ قىيىن ئىش ..
دەرتمەنلەرنىڭ دەردىگە دەرمان بۇلۇش -نىمە دىگەن ئالى جاناپلىق ،نىمە دىگەن خوشاللىنارلىق ئىش؟!