رەھبەرلەر خەنزۇتىلىغىمۇ ھۆرمەت قىلىشى كېرەك
مەن بىر پۇخرا كادىر بولغاچقا ئانچى-مۇنچى ئىدارە جەمئىيەت رەھبەرلىرى ئاچقان يىغىنلارغا قاتنىشىپ قالىمەن. ئەلۋەتتە ئۇ يىغىندا 3-4 پېرسەنت خەنزۇ ئىشچى- خىزمەتچىلەربار.
بىر كۈنى بىر يىغىننى بىر ئۇيغۇر رەھبەر ئۆزى يالغۇز ئاچتى. ئاۋال دىمەكچى بولغانلىرىنى ئۇيغۇرچە سۆزلىدى( بۇنىڭغا شۇكرى ئەلۋەتتە) . ئەمما ئارقىدىنلا سۆزلىگىنىنى خەنزۇچىدا نامايەن قىلىشقا باشلاپ كەتتى:
گاڭسەي ۋوشودې زىگېياڭزا ...... دەپ كېلىپ خېلى بىر گەپلەرنى قىلغاندىن كېيىن ( ئارىلىقتا خەنزۇ يولداشلار بىر نەچچە قېتىم پىخلداپ كېتىشتى) . يېنىمدىكى بىر خەنزۇچىنى زادىلا بىلمەيدىغان بىر يىگىت قىزىقچىلىق قىلىپ: ما ئەدەم خەنزۇچە گەپ قىلسا مەنمۇ چۈشۈنەلەيدىكەن مەن، دەپتى قاپلاپ كەلگەن كۈلكىنى يۇتىۋېتەلمەي ئاۋازىمىز چىقىپ كېتىپ قالدى...
ئۇ كىشى ئۇيغۇرچىدا مۇنداق بىر گەپنى قىلغان ئىدى : يۇقارقى دىگەنلىرىمىزگە ئەمەل قىلماي، بويسۇنماي، ئېتىبارغا ئالماي ئۆزۈڭلارنىڭ ئەمىلى بىلەن شوغۇللىنىۋەرسەڭلا ، ئۇ چاغدا بىزنىڭ كارىمىزيوق، پۈتۈن مەسئۇلىيەتكە ئۆزۈڭلا ئىگە بولىسىلەر، يامىنى كەلسە قانۇنىي جازاغا تارتىلىسىلەر، ھىچ بولمىغاندا جەرىمانە تۆلەپ قالىسىلەر، بىز دەيدىغاننى دەپ قويدۇق.....
مانا بۇ گەپنىڭ خەنزۇچىسىغا كەلگەندە گەپ تولىمۇ چولتا دىيىلىپ قالدى « 我上面说的吗不服从,不听我们的话,啊… 啊…啊公安局人来罚款,抓走……
ئۇيغۇرچىدا دەپ ئۆتكەن ئۇ يارقىن راۋان سۆزلەر قېنى ئەمدى؟؛
بۇلارنى ئاڭلاپ مەن خىجىل بولۇپ، ھەدىدى خەنزۇ يولداشلارغا قاراپ كەتتىم، ئۇلار يەرگە كىرىپ كېتەي دىگۈدەك باشلىرىنى تۆۋەن قىلىشىپ ، كۆز قۇيرۇقىدا قارىشىپ كۇسۇرلىشىپ كېتىۋاتاتتى.
ئەلۋەتتە 50-60 ئادەم بار يەردە باشقا بىر تىلدا ئۆز مەخسىتىنى راۋان سۆزلىمەك ئاسان ئەمەس ( بولۇپمۇ كېيىن ئاڭلاپ ئۆگۈنىۋالغان ئالدىمىزدىكى رەھبەرلەردەكلەرگە نىسبەتەن تېخىمۇ شۇنداق)
ئەمما ئىش شۇنداق بولغىنى بىلەن ئۆزگە تىلدىكىلەرنى؛ئۇيغۇر دىگەن مۇشۇنداق سۈپەتسىز سۆز قىلىدىغان، گىراماتىكىسى يوق خەقمىدۇ ... دەپ قالمايدۇ دىگىلى بولمايدۇ.
يەنە بىرسى؛ باشقا تىلغا قىلىنغان ھۆرمەتسىزلىك بوپ قېلىشىمۇ مۇمكىن .
دىمەكچى بولغۇنۇم بۇ يەردە ئۇنچىلا قىيلىنىپ ئۇ تىلدا سۆزلىگۈدەك مەجبۇرىيەتمۇ يوق ئىدى. بار دىگەندىمۇ قول ئاستىدا ئىشلەيدىغان بەزى ئېغىزچە تەرجىمە پائاىيەتلىرىگە قاتناشقان بىر ئوبدان تەرجىمە قىلالايدىغان ئەزالىرىمۇ بار ئىدى، نىمىشكە ئۇنى سەن ماۋۇ گەپنى دىۋەتكىن دىيىشكە رايى بارمايدۇ. بۇ يەردىكى ئەنسىرەش چوڭ باشلىقلار ئۆزىنى خەنزۇچىنى بىلمەيدىكەن دەپ قېلىشىدىن ئەنسىرەۋاتقان گەپمۇ ، بۇنى بىلمىدىم. ئەمما بىلمەيدىغانلىقىنى مانا ھازىر رەسمى ئاشكارىلاپ قويىۋاتاتتى.
مەخسەت: ھەرمىللىت خەلقىنىڭ ئۆز ئارا بىر-بىرىنىڭ تىلىغا ھۆرمەت قىلىشىنى تەۋسىيە قىلماقچىمەن.
|