9-قېتىملىق «ئىلىم چېيى» ئۆزلۈك گىرۋەكلىرىدە (يېڭى فىلىم)

ziya

ئىلىم چىيى ئادەتكە ئايلانغۇسى.

alsuyer

kuxlan يوللىغان ۋاقتى  2014-4-24 21:52
تەكلىپىم: بۇ چايمۇ يىغىنمۇ؟ چاي دېگەن بىر قەدەر ئازادە ...

تورداش قۇشلاننىڭ ئىلىم چېيىمىزنى تەپسىلى كۆرۈپ چىقىپ، بىزگە مەسلىھەت كۆرسەتكىنىگە رەھمەت.
قۇشلان ئەپەندى، سىز ئىلىم چېيىمىزنىڭ نەق مەيدانىدا بولمىغاچقا، بىزنىڭ ئىلىم چېيى جامائىتىدىكىلەر ئىچىدىكى ئىناقلىق ۋە ئازادىلىكنى ھېس قىلالمايسىز، ئىلىم چېيىمىزدا كۈلكە - چاقچاق بولمايدۇ ئەمەس، ئەلۋەتتە بولىدۇ، قېرىنداشلار جەم بولغان سورۇندا ئىللىقلىق ھۆكۈم سۈرمەي، كۆڭۈللەر يايرىماي قالامدۇ دەمسىز، ئەمما ئويلاپ كۆرۈڭ، بىز فىلىمگە كۈلكە - چاقچاق قىلىشقان، ئۇيان - بۇيان قىيسايغان ھالەتلىرىمىزنى چىقارساق باشقىلار ئىلىم چېيىمىزغا قانداق باھا بېرەر؟ ئىلىم چېيىمىزنىڭ ئىلمىيلىكى قەيەرگە كېتەر؟ ئىلىم چېيىمىز تارىخنىڭ سىنىقىدىن قاچانغۇچە ئۆتەر؟
شۇڭا مەسلىلەرگە ئۆزىڭىزنىڭ نۇقتىسىدا ئەمەس، ئۆزگىلەرنىڭ نۇقتىسىدىنمۇ، ھازىرنىڭ نۇقتىسىدىنلا ئەمەس، كەلگۈسىنىڭ نۇقتىسىدىنمۇ باھا بېرىشىڭىزنى ئۈمىد قىلىمەن.

alsuyer

ziya يوللىغان ۋاقتى  2014-4-25 12:04
بۇئاتالغۇنى قانداق تەرجىمە قىلساق بولار؟
Sterile neutrino__ ما ...

دوستۇم، ئىلمىي پىكىر بولۇۋاتقان مۇنازىرە سورۇنىغا مۇناسىۋەتسىزلا بىر تېمىنى يوللاپ قويۇپسىز،  ئىمكان بولسا بۇنداق ئىشلارنى قىلمىساق، 9 - سان ئىلىم چېيىمىز ھەققىدە تېتىملىق، ئەتراپلىق ئىنكاسلار بولسا يېزىپ، تېمىنى ئاۋاتلاشتۇرساق دېگەن ئۈمىدتىمەن!

alsuyer

باغداش تورىدىكى دوستلارغا كەمىنە ماسلاشتۇرغۇچىدىن ئالىي ئېھتىرام، سەمىمىي سالام. بەلكىم سىز بۇ سان ئىلىم چېيىمىزنى كۆرۈۋاتقان دەملەردە قانداقتۇر كاللىڭىزدا بۇلار بىرلىكتە «ئۆزلۈك گىرۋەكلىرىدە» ناملىق كىتابنى مۇھاكىمە قىلىپ، زۇلپىقار بارات ئۆزباشنى ماختاپ ئۇچرىۋاتامدۇ نېمە؟ دېگەن پىكىر تۇغۇلۇپ قېلىشى مۇمكىن. ئەمما سىزگە دېسەم، بىز بۇ سان ئىلىم چېيىنى ئۆتكۈزۈشتىن بۇرۇنلا چايداشلارغا سورۇندا ئاپتۇرنى ماختىماسلىقنى، بىراق كىتاب ۋە ئاپتور ھەققىدە ئۆزلىرىگە چۇڭقۇر تەسىر كۆرسەتكەن نۇقتىلار بولسا، پەردازلىماي ئوتتۇرىغا قويۇشنى تەلەپ قىلغان، شۇڭا سورۇندىكىلەرنىڭ سۆزلىرى قانداقتۇر بىز ئۇلارغا ئۆگىتىپ قويغان ياكى يىگىت بېشى ئۇلارغا ئۆگىتىپ قويغان گەپلەر ئەمەس، بەلكى ئۇلارنىڭ چىن ھېسياتى.
بىز فىلىم كىرىشتۈرۈش جەريانىدا ئاپتورنى ماختاپ ئۇچۇرغان سۆزلەرنى ئاساسەن كېسىۋەتتۇق، ئەمما يىگىت بېشىنىڭ ئۇيغۇر جەمئىيىتىدە ھەقىقەتەن مۇئەييەنلەشتۈرۈشكە تېگىشلىك بىڭسى بولغاچقان، باشقىلار كۆپرەك مۇئەييەنلەشتۈردى. سىلەر بۇنى قانداقتۇر ماختاش دەپ چۈشىنىۋالماي، يىگىت بېشىدىن ئۆگەنگىدەك تەرەپلەرنى كەمتەرلىك ۋە كەڭ - قورساقلىق بىلەن ئۆگەنسەڭلار.
شۇ ئېسىڭلاردا بولسۇنكى : «ئۆسەر يۇرتنىڭ بالىلىرى بىر - بىرىنى پالۋان دەر، چۆكەر يۇرتنىڭ بالىلىرى بىر - بىرىنى گالۋاڭ دەر»
سىلەرنىڭ ئۆسەر يۇرتنىڭ بالىلىرى بولغۇڭلار بارمۇ ياكى چۆكەر يۇرتنىڭ بالىلىرى بولغۇڭلارمۇ؟

alsuyer

دوكتۇر زۇلپىقار بارات ئۆزباش ئىلىم چېيىمىزنىڭ يىگىت بېشى بولۇش سۈپىتى بىلەن 9 - سان ئىلىم چېيىمىزنىڭ ئۆتكۈزۈلىشىگە كۆپ ئەجىر سىڭدۈرگەن بولسىمۇ، ئەمما بۇ فىلىمنىڭ ئەڭ ئاخىرىدا ناھايىتى قىسقىلا سۆزلىدى، شۇنداقلا ئۆزىنى مۇئەييەنلەشتۈرۈش سۆزلىرىنى ئىشلەتمىدى، بىز بۇنىڭدىن يىگىت بېشىمىزنىڭ ئەخلاق مەسلىلىرىگە قانچىلىك دەرىجىدە ئىنچىكە دىققەت قىلىدىغانلىقىنى، ئۆزىنىڭ ئۇيغۇر جەمئىيتىدىكى مەسئۇلىيىتىنى ھەرۋاقىت ھېس قىلىپ تۇرالايدىغانلىقىنى بىلىۋالالايمىز!

Sidali

kuxlan يوللىغان ۋاقتى  2014-4-24 21:52
تەكلىپىم: بۇ چايمۇ يىغىنمۇ؟ چاي دېگەن بىر قەدەر ئازادە ...

بىر كۈنى نەسىردىن ئەپەندىم ،ئايالى،ئېشىكى ئۈچەيلەن سەپەرگە چىقىپتۇ،نەسىردىن ئەپەندىم ئايالىنى ئېشىكىگە مىندۈرۈپ، ئۆزى ئشىكىنى يىتلەپ ماڭغان ئىكەن،كىشلەر‹نەسىردىن ئەپەندىم خۇتۇنىدىن قورقىدىكەن،سايماخۇن›دەپ زاڭلىق قىپتۇ. ئۆزى ئېشىكىگە مىنىپ،خۇتۇنىغا يىتلىگۈزۈپ ماڭغان ئىكەن،‹خۇتۇنىغا ئىچى ئاغرمايدىكەن،خۇتۇنىغا زۇلۇم سالدىكەن›دەپتۇ.ئەر-خۇتۇن ھەر ئىككىلىسى ئېشىكىگە مىنۋالغان ئىكەن،‹نەسىدىن ئەپەندىم زالىمكەن،ئىشەك بولسىمۇ خۇدانىڭ جانۋېرى ئەمەسمۇ،شۇنداقمۇ جاپا سالغان بارمۇ›دەپتۇ.نەسىردىن ئەپەندىم ئېشىكىنى يىتلەپ،ئايالى كەينىدىن ھەيدەپ ماڭغان ئىكەن،كىشلەر نەسىردىن ئەپەندىنى زاڭلىق قىلىپ‹نەسىردىن ئەپەندىم ئەخمەقكەن،ھايۋاننى شۇنداقمۇ ئايىغان بارمۇ،ئىشەكنى مىنمەي نىمە قىلىدۇ›دەپتۇ.
شۇنداق، دەۋرىمىزدە شۇنداق بىر قىسىم ئادەملىرىمىز باركىن،ئۇخلاپ يېتىپ،ئويغاقلارنى تىللايدىغان،قىلىدىغان ۋە قىلالايدىغان ئىشلىرىنىڭ ھەممىسى ‹پۇتاق چىقىرىش›تىنلا ئىبارەت بولىدىغان،بىلمىدىم نۇرغۇن بەك نۇرغۇن ئادەملىرىمىز ياخشى كۆرۈپ كىلۋاتقان ئىلىم چېيىنىڭ نەرى بۇلارنىڭ كۆزىگە سىغمىدىكىن؟ئەجىبا مۇشۇ ئىلىم چېيى ئۆتكۈزۈپ كىلۋاتقان زىيالىيلارنىڭ مۇشۇ تور ئەھلى ئويلىغاننى ئويلىغىدەك كاللىسى يوقمىدۇ؟؟؟ماختاشقا كەلسەك كىشلەر زۇلپىقار بارات ئۆزباشنى ماختىسا نىمە بوپتۇ،ئىلىمى،بىلىمى،بىڭسى بولغاچقا ھەممەئادەم قايىل بولىدۇ، ھۆرمەتلەيدۇ،ماختايدۇ ،بۇ نۇرمال ئەھۋالغۇ.ھېلىمۇ مۇشۇ ئىلىم چېيىدىن ئىبارەت يېڭى ھادىسە ئۈچۈن بەك كۈچ چىقىرۋاتىدۇ ئۆزباش ئەپەندىم!

orkex

بۇ ناھايىتى ئەھمىيەتلىك پائالىيات بولماقتا .

qusuri

kuxlan يوللىغان ۋاقتى  2014-4-24 21:52
تەكلىپىم: بۇ چايمۇ يىغىنمۇ؟ چاي دېگەن بىر قەدەر ئازادە ...

بۇ سىزنىڭ ئۆزىڭزىنىڭ قارىشى، ئەگەر شۇنداق كۈلكە-چاقچاق يىغىپ تۇرىدىغان سورون، چايغا قاتنىشقىڭىز بولسا، ئۇنداق چايلار ھەممە يەردە بار.  ئەمما لېكىن بۇ ئىلىم چېيى. مۇشۇ تەرەپلىرىمۇ بۇ چاينىڭ خاسلىقى.  يەنە بىر گەپ سىزنىڭ مەنتىقىگە ئۇيغۇن كەلمەيدىغان تەكلىپىڭىزنى قۇبۇل قىلىشنىڭ ئورنى يوق.