مۇقام خانىشى ئاماننىساخاننى قايتىدىن بايقاش

musapirman

ئۇيغۇرلارنى ناخشا ئۇسۇل مىللىتى دىگۈزىۋاتقان ھازىرقى سەنئەت بىزنىڭ ئەسلى سەنئىتىمىزمۇ؟، ئۇيغۇر سەنئىتىدە سوتسىيالىستىك دەۋىردىن بۇرۇن ھازىرقىدەك ئەر-ئايال ئارلاشمىتى؟ ، ئۇيغۇر سەنئىتىدە قايسى دەۋىر ، قايسى ۋاقىتتىن بۇيان ئەر ئايال ئارلاش ئۇسۇل ئوينايدىغان ئىشلار بارلىققا كەلدى ؟ . بىزنىڭ مۇقام ، خەلىق ناخشىللىرىمىز تارىختىن بۇيانقى مىللىتىمىزنىڭ بېشىدىن ئۆتكەن ئىسسىق-سوغاقلارنى بايان قىلىدىغان بىر قامۇستى . يېقىن زاماندىن تېكىستلەر كۆپلەپ ئۆزگەرتىلدى ، خەلىق ناخشىللىرىنىڭ تېكستلىرىمۇ ئۆزگۈرۈپ كەتتى .
ئەجداتلىرىمىز مەشرەپ سورۇنلىرىدا ھەق-ناھەقنى ئايرىپ ، ئەل ئىچىدىكى ناشايان ئىشلارنى قامچىلاپ . ياشلارغا ئەدەپ-ئەخلاق ئەل-ۋەتەننى سۆيۈش ، ئاتا-ئانىغا ھۆرمەت قىلىش ، خوشنا مەھەللە كويلار بىلەن ئەپ ئۆتۈش ، بىر-بىرىگە ياردەم قىلىش ...دىگەندەك كۆپ نەرسىلەرنى ئۈگۈنۈش پۇرسىتى يارىتىپ كەلگەن. مۇقاملىرىمىز مانا مۇشۇنداق مەشرەپ سورۇنلۇرىدا ئوقۇلۇپ كەلگەن . ئۇ پەقەت ناخشا بولماستىن يۇقۇردىكى تېكىستتەك ئاللاھقا مۇناجات ئېيتاتتىكەن . ھازىرقى سورۇنلىرىمىز ئاساسەن ھاراق-شاراپ ئاساس بولغان سورۇنلارغا ئايلاندى . كىم جىق ئىچەلىسە شۇ سورۇندا باشقىچە قىساپلىندىغان بولدى . ( ئەمما يېقىندىن ئىچىدىغان قېرىنداشلىرىمىزمۇ ئازلىغاندەك  قىلىدۇ)
ئەگەر ئاغرىنىشقا توغرا كەلسە ، مۇقامدىن ئاغرىنماي ، ھازىرقى زامان ئۇيغۇر مودا ناخشىللىرىدىن ، ئۇيغۇرچە پۇراقتىن ئەسەرمۇ يوق . ياۋرۇپانىڭ ، روسنىڭ ، كورىيەنىڭ ، ھىندىستاننىڭ ..... دىگەندەك ھەرخىل مىللەتلەرنىڭ ئاھاڭلىرىنى ئانچە-مۇنچە ئۆزگەرتىپ، پەدازلاپ  جان بېقىۋاتقان ، ئادەمنى غىدىغلايدىغان شەھۋانى ناخشىلارنى ئېيتىپ سەھنىلەردە چولپان ئاتىلىۋاتقان ، ناخشىچى ۋە ناخشىلارنى ئەۋۋەل ئويلۇشۇپ باقساق ، ئۇنىڭدىن كىيىن مۇقاملىرىمىزنى ئويلاشساقمىكىن دەيمەن .

musapirman

yamgur. يوللىغان ۋاقتى  2014-4-28 16:16
ئەلۋەتتە، رەھمەت سىزگە.....ئاۋارە قىلىدىغان بولدۇم ....

ئوشاق مۇقامى
سانايۇ ھەمدە بىھەت ئول خۇدايا خالىقۇل ئالەم،ياراتىپ ئالەمۇ تۇفراقىدىن ھەم خەلقىتىپ ئادەم.
ياراتىپ يەرۇ –ئاسماننى سەن ئۇنىڭ سۇنئىن تاماشا قىل،
ياراتىپ لەۋھىنى كۇرسى قەلەمنى ئەرشىنى ئەزەم.
ياراتىپ قۇدرەتىڭدىن ئەمبىياۋۇ- ئەۋلىيالەرنى،
دېدى دوستۇم ئۇلارنى ئەيلىبان ئۆز سىرلىرىغا مەھرەم.
ياراتىپ ئۇشبۇ ئالەمنى ئۆزىگە جىلۋىگەر ئەتتى،
ئەزىز ئەيلەپ مۇھەممەدنى قىلىپ پەيغەمبەرى خاتەم،
خۇدايا شۇكرىكىم بىزنى مۇھەممەد ئۈممىتى قىلدى.
مۇھەممەتنى قىلىبان بارچە پەيغەمبەرلىرى ئەزەم.
خۇدانىڭ دوستىنى ھەم دوست تۇتۇڭلار ئەي مۇسۇلمانلار.
شاپائەت ئەيلىگەي مەھشەر كۈنى ھەم پىرىڭ بولۇپ ھەمدەم،
ئىلاھا مەغفىرەت قىلغىن رەھمىتىپ قىلغان گۈناھىمنى،
كىلىپتۇ دەرگاھىڭگەبۇ ھۈۋەيدا بارچىدىن كەم –كەم.
تەرەھھۇم ئەتمىدى ئول گۈل مېنى شىكەستىگە زىنھار.
ۋىسالىڭ بادەسىدىن ئەل چەكتى مەن غېمىگە سازاۋەر،
سۇجۇدى كەبىئىي  دەۋىر ئەيلىسەم  ياھۇ تاڭ ئەرمەسكىم.
قولۇمدا ساغىرى سەربان دىلىمدە رىشتەئىي زۇننار،
جۇنۇن يولىگىچە چۈشتۈم يەتمىدى مەڭا مەجنۇن.
نى مۇلكى – مالىنى دېدىم كې ياھۇ يارىنى ئەغيار.
ۋاي سەبۇرى يا قەدەھ ئىچ بول بولما پاي مالى مالامات،
نەپەس غەنىمەتى ئايا زامانە تاڭلا نە ئوينار.
يار  ئىشىكىنى ئاچمىدى كاكۇلىنى قارا قىلۇر،
قاشلىرىنى قىلىچ ئېتىپ زۇلفىنى ئەجداھا قىلۇر،
ئول ساڭا بۇ سىياقىنى ئەيلىمەس ئەقلىڭ نادان،
بۇ ئەجەل ئۆلتۇرەلمىگەي ھەر نە قىلۇر خۇدا قىلۇر.
ئەھلى دىيارىدىن كېچىپ ئىشىقنىڭ يولىغا  يۈز قويۇپ،
ئەۋۋەلى گەدا قىلىپ ئاخىرى پادىشاھ قىلۇر
نەفسى ئىشىگە تويمىدى يەتتى بۇ كۆڭۈل سىرىنى ۋەج،
بەرگى دەرەختىن ئۆمرىنى بىر –بىرىدىن جۇدا قىلۇر.
ئەيلىمەس مۇخلىس تەجەللىي ئۇشبۇ دۇئانى مۇستەجىپ،
تەلۋە زەلىلىي يالۋىرىپ ھاجىتىنى ئىلتىجا قىلۇر.
دوست ئىگەم ئاللا بى بى ئاللا ۋايەي رەھمان كەرەم بار.

مۇشۇ تېمىغا ئىنكاس شەكىلدە يوللاپ بېرەي .

kokla0998

شۇنداق بىر كۈنلەر كەلسە
مۇشۇ تېلۋىزوردا بېرىلىۋاتقان «ناۋا» « گۈزەللىك سىزدە» .... دىگەندەك «ئەزىز» پىروگىراممىلارنىڭ  سەھنىسىگە ئارىمىزدىن چىقىۋاتقان ئىلىم- پەن ئالىملىرى چىقىپ، « ئىلىم-پەن نىمە؟» « ئىمان سىزدە» « شەرمىي-ھايا سىزدە» «ئىلىم - ئېرپان سىزدە» دىگەندەك تىمىلاردا سۆزلەپ روھىيىتىمىزنى قاپلىغان غاپىللىق، مەھكۇملۇق، خۈنۈكلۈكلەرنى چىقىرىپ تاشلىۋەتسە، ئەلۋەتتە بىزمۇ ئايىغى چىقسا مەسچىتكە بارالايدىغان، تىلى چىقسا كىتاپ ئوقۇيالايدىغان دىگەن ناملارغا ئېرىشسەك، شۇ ناملاردىن يەھۇدىيلارنىڭ پەرزەنت تەربىيەسىنى ئىلغار دەپ بىلگەندەك بىزنىڭمۇ مەدەنيىتىمىزنى پۈتۈن دۇنيا ئىلغار دەپ ئىتىراپ قىلسا، (دىىمىسىمۇ شۇنداق بولمىسا)  شۇ سەنئەتچى مىللەت، كاۋاپچى، يانچۇقچى مىللەت، .... مىللەت دىگەن ناملاردىن قۇتۇلۇپ ئىلىم سۆيەر مىللەت، تەتقىقاتچى مىللەت .....  دىگەندەك ناملاردا ئاتالساق، مەھمۇد، يۈسۈپ بوۋىلىرىمىزنىڭ ئىزىدىن مېڭىپ يېڭى-يېڭى « دىۋانۇ لۇغەتىت تۈرك» لەرنى، « قۇتادغۇبىلىك» لەرنى دۇنياغا جاكارلىساق........
ئىشقىلىپ شۇنداق بىر كۈنلەرنىڭ كىلىشىنى كۈتمەكتىمەن.

yamgur.

musapirman يوللىغان ۋاقتى  2014-4-28 17:12
ئوشاق مۇقامى
سانايۇ ھەمدە بىھەت ئول خۇدايا خالىقۇل ئا ...

ھە، دەل مەن دەۋاتقان مۇقام تېكىستلىرى مۇشۇ ئىدى، ئەپسۇس، دىننى تۈس ئالدى دىدىمىكىن مۇشۇنىمۇ ئۆزگەرتىپ باشقىچە بىر مۇقامنى تىكلەپ قويدى......ھەي ئىسىت،
رەھمەت سىزگە يوللاپ بەرسىڭىز داۋامىنى بەكمۇ خۇش بولاتتىم سىزدىن

yamgur.

musapirman يوللىغان ۋاقتى  2014-4-28 16:51
ئۇيغۇرلارنى ناخشا ئۇسۇل مىللىتى دىگۈزىۋاتقان ھازىرقى ...

بەك ياخشى ئىنكاس بوپتۇ بۇ، توغرا، كىچىك ۋاقىتلىرىم بولسىمۇ دادام رەھمەتلىك بىلەن ئاڭلىغان مۇقاملاردا تەسۋىرلەنگەن بۇ رەببىمگە شۇنداق ئاشىقلىقىم، سېغىنىشىم قوزغىلىپ كېتەتتى، مۇقامنى ئاڭلاۋىتىپ كۆزلىرىمگە ياش كېلەتتى، ھەتتا پەنجىگاھ مۇقامىنىڭ داستانلىرى ئېيتىلغاندىكى ۋەقەلىكلەر ئېيتىلىدىغان بولسا كۆزلىرىمدىن تاراملاپ ياش قۇيۇلۇپ ناخشىدا تەسۋىرلىنىۋاتقان پەيغەمبەرلەرگە ئىچىلىرىم سىيرىلىپ كېتەتتى.
بىر سېخى ئالەم بىنا قىلغاندىمەن بىللە ئىدىم.......
.......
...
..
زىكرىيارنىڭ باشىغە ھەرە قويۇپ پار ئەيلىدى ......دەيدىغان تېكىستىمۇ بارمۇ سىزدە ؟ شۇنى بىر تولۇقى بىلەن ئەۋەتىپ بەرسىڭىز سىزدىن بەكمۇ مەمنۇن بولاتتىم....

tamagar

yamgur. يوللىغان ۋاقتى  2014-4-27 16:49
ئامىركىنىڭ نىمە سۈيقەستى بارلىقىنى بىلمەيدىغان ئوخش ...

ھېچ قاچان ھېچ بىر مەملىكەت يات بىر قەۋىمگە مۇدئاسىز ، مەقسەتسىزلا ياردەم قىلغان ئەمەس ، ھەم ياردەممۇ قىلمايدۇ ، ئىسىڭىزدە بولسۇن ھەرقانداق ئىشتا بايدا زىيان توقۇنىشى ھەم باردۇر ،  ئامىركا بولمىغان كۈننى تەسەۋۇر قىلىپمۇ بۇلالايسىز ، ياخشىلىقلىرىنى ئۆزىڭىز ماتىريال كۆرۈپ ئىزدىنىپ بىلۋالاسىز ......  ھېچ بولمىسا مۇشۇ كۈنلەرنى ئويلاپ بولسىمۇ چۈشۈنۋالاسىز ....

ixtningkuqigi

يۇقۇردىكى   تاماگەرنىڭ   ئىنكاسىنى    قۇۋۋەتلىدىم.....ئامىرىكا  بولمىسا   نۆۋەتتە  مېنىڭ  پەمىلەم  ۋاڭ  سېنىڭ  پەمىلەڭ  جاڭ  بولۇپ  كېتەتتىمىكىنتاڭ.....

musapirman

yamgur. يوللىغان ۋاقتى  2014-4-28 17:50
ھە، دەل مەن دەۋاتقان مۇقام تېكىستلىرى مۇشۇ ئىدى، ئەپس ...

نەچچە كۈن ئالدىراش بوپقېلىپ مۇنبەرگە كىرەلمىدىم ، بۈگۈن پۇرسەت بوپتۇ مۇنبەرگە كىرىشكە . ۋاختىم بولسىلام ياخشى مۇقەددىمە - داستانلارنىڭ تېكىستىنى يوللاپ بېرەي .  

پەنجىگاھ مۇقامىنىڭ مۇقەددىمىسى

يۈزۈڭگە بىخۇتانە سەجدە قىلدىم بىرىيا دەرلەر،
ئۇلۇغلۇق ھۆرمىتىدىن  ئاستانە  كىبرىيا دەرلەر.

پەرىزادى ئىرەمدىن زىيادە جىلۋە ئەيلەپسەن،
سېنى لەيلى رەنادەك ئاجايىپ دىل رەبا دەرلەر.

قۇياشنىڭ شۆھلەسى يەڭلىغ ئىشىق ئوتىدا كۆيدۈردۈڭ،
مېنى مەجنۇنى ھەيراندەك كويۇڭدا بىر گەدا دەرلەر.

ئەجەبدۇر ئەي شەھى خۇبان كېچە كۈندۈز ئىشىگىڭدە،
ھەمىشە مەن نەۋا قىلسام يەنە سەن بىنەۋا دەرلەر.

تەبەسسۇم ئەيلىبان تاكى نەزەر قىلساڭ گۆرۈستانغا،
قوپۇپ گۆردىن بارى مۇردە ھەمە ۋا ھەسرەتا دەرلەر.

چىمەنزارۇ كۆڭۈلنى غۇنچە يەڭلىغ داغى ئەيلەپسەن،
تاماشا ئەيلىگەن گوياكى دەشتى كەربالا دەرلەر.

لەبى لەئىلىڭدە كۆرگەچ نۇقتەئى خالىڭنى ھەيرەتتىن،
غۇلامى ھىندۇۋى شەككەر پۇرۇچى بىباھا دەرلەر.

كۆڭۈلدە بۇ ھەسرەتتىن بېلەكچە داغ ئەلەم يوقتۇر،
تېنىم كۆرگەچ بۇ تۇپراق ئۆزرە نەقشى بورىيا دەرلەر.

يۈرۈپ سوردۇم تېبىبلەردىن نەدۇر بۇ دەردىما دەرمان،
تېبىب ئېيتۇركى ئەي نادان بۇ دەردى بىداۋا دەرلەر.

ئېتىڭنىڭ  خاكىپايىغا  زەلىلى  كۆزىنى  سۈردى،
نەدا كەلدىكى قەسىرىڭدىن كۆزۈڭ سۈر تۇتىيا دەرلەر.