NASA: مارسقا 2030-يىللىرى ئادەم چىقىرىش پىلانىنى ئوتتۇرىغا قويدى

bilimhumar

ناسا 2030-يىللىرى مارسقا ئادەم چىقىرىش پىلانىنى ئوتتۇرىغا قويدى

بىلىمخۇمار

2014-يىلى 7-ماي

ناسا 2014-يىلى 30-ئاپرېل كۈنى ئېچىلغان بىر يىغىندا ئۆزىنىڭ 2030-يىللىرى مارسقا ئادەم چىقىرىش پىلانى بىلەن بىر «ئۇچۇر خەرىتىسى» (infographic) نى دۇنياغا ئېلان قىلدى.  بۇ ئۇچۇر خەرىتىسى تۆۋەندىكى 1-رەسىمدە بېرىلدى.  ناسا نىڭ بۇ قېتىم ئېلان قىلغان يېڭى پىلانى تۆۋەندىكى قەدەم-باسقۇچلارنى ئۆز ئىچىگە ئالىدۇ:

(1)خەلقئارا ئالەم پونكىتىدىكى تەتقىقاتنى داۋاملاشتۇرۇش.

(2) ئادەم ئولتۇرىدىغان «ئورىئون» (Orion) ناملىق بىر ئالەم ئۇچقۇرى بىلەن ئۇنى ئالەم بوشلىقىغا چىقىرىدىغان راكېتادىن تەشكىل تاپقان بىر يېڭى تىپتىكى «ئالەم بوشلۇقىغا چىقىرىش سىستېمىسى» (Space Launch System) نى ياساش.  

(3) 2020-يىللىرى ماشىنىدىن ياسالغان ئالەم ئۇچقۇچىلىرى بىر ئاستېرويد (asteroid) ياكى كائىنات ئۇچار تېشىنىڭ يېنىغا ئۇچۇپ بېرىپ، ئۇ تاشنى تۇتۇپ، ئۇنى ئاي شارىنىڭ ئوربىتىسىغا سۆرەپ ئەكىلىش، ئاندىن رەسمىي ئادەملەردىن تەركىپ تاپقان ئالەم ئۇچقۇچىلىرى ئۇ تاشنىڭ قېشىغا «ئورىئون» بىلەن ئۇچۇپ بېرىپ، ئۇنىڭ ئۈستىدە تەكشۈرۈش ئېلىپ بېرىش.  شۇنداقلا ئۇ تاشنىڭ نۇسخىلىرىنى يەر يۈزىگە ئېلىپ چۈشۈش.

(4) تەتقىقات ۋە تەييارلىقلار ئاساسىدا 2030-يىللىرى مارس ۋە ئۇنىڭ ھەمرايىغا ئادەم چىقىرىش.

ھازىر ئامېرىكا ھۆكۈمىتىنىڭ ناسا ئۈچۈن ئاجراتقان يىللىق پۇلى 17.65 مىليارد دوللار بولۇپ، بۇ ئامېرىكا ھۆكۈمىتى يىللىق خام چوتىنىڭ 0.5 پىرسەنتىنى ئىگىلەيدۇ.  ئامېرىكا 1969-يىلى ئايغا ئادەم چىقارغاندا ئامېرىكا ھۆكۈمىتى يىللىق خام چوتىنىڭ 4 پىرسەنتىنى سەرپ قىلغانىدى.

پايدىلىنىش ماتېرىيالى:

[1] First, capture an asteroid: NASA's wild path to Mars revealed for 2030 landing

http://www.pocket-لىنت.كوم/news/128669-first-capture-an-asteroid-nasa-s-wild-path-to-mars-revealed-for-2030-landing

[2] NASA’s human path to Mars

http://www.nasa.gov/content/nasa ... -mars/#.U2lmpvldU1I

رەسىم:
http://www.nasa.gov/content/nasa ... -mars/#.U2lmOvldU1I

ilim-pen

ھازىر ئامېرىكا ھۆكۈمىتىنىڭ ناسا ئۈچۈن ئاجراتقان يىللىق پۇلى 17.65 مىليارد دوللار بولۇپ، بۇ ئامېرىكا ھۆكۈمىتى يىللىق خام چوتىنىڭ 0.5 پىرسەنتىنى ئىگىلەيدۇ.  ئامېرىكا 1969-يىلى ئايغا ئادەم چىقارغاندا ئامېرىكا ھۆكۈمىتى يىللىق خام چوتىنىڭ 4 پىرسەنتىنى سەرپ قىلغانىدى.
______--
ئامىركىنىڭ ناساغا ئاجراتقان مەبلىغى ئىزچىللىققا ئىگىكەن. ئالەم تەتقىقاتى خىراجەت ئەڭ كۆپ كېتىدىغان تۇر.
ئامىركا ئەمدى يەنە «تۇنجى مارىسقا ئادەم چىقارغان دۆلەت»لىك كۇرسىغا ئولتۇردىغان بوپتۇ.

ablimitt

بىز كەڭتاشا زىمىندا خاتىرجەملىك ئىزدەپ ئاۋارە، ئەركىن ئاكام مارىس ساياھىتى بىلەن...

ئېيتقاندا ئۇچقۇلارنى ھازىرقىدىن بەك تەرەققى قىلدۇرۇش خەتەرلىك ئىش بۇپ قىلىۋاتىدۇ، كىيىن ئىشلىتىدىغان يىقىلغۇ رادىئاكتىپلىقى كۈچلۈك ماددىلار بۇپ قالسا خەتەرلىك دىمەكچىمەن.

gullen

مەيلى قايسى دۆلەت ياكى قايسى خەلىق بولىشىدىن قەتئى نەزەر ئىلىم پەنگە مۇشۇنداق ئىشتىياق ۋە مەبلەغلا سىلىنىپ تۇرىدىكەن ئۇ دۆلەت ياكى خەلىق ھامان ئۇتۇپ چىقىدۇ. ئامرىكا ۋە باشقا غەرىپ دۆلەتلىرى مۇشۇنىڭ تىپىك مىسالى.

نارات

رەھمەت

gulamay

رەخمەت دوكتۇر ئەپەندىم.يىڭى بىلىم يىڭى ئۇچۇرلار بىلەن تەمىنلىگەنلىگىڭىز ئۈچۈن.ئامىرىكا ھۆكۈمىتى يىللىق خام چوتىنىڭ 0.5 پىرسەنتىنى چىقىرىپ ئالەم قاتنىشىغا ئىشلەتسە،يەنە بىر قىسىم دۆلەتلەر GDPدىن چىقىرىدۇ.چىقارغان نىسبىتى مائارىپقا سالغان سىلىنمىسىدىنمۇ يۇقۇرى.ئاپىرىن دۇنيادا يەنە بىر قىتىم ‹‹ئەڭ››نىڭ ئالدىغا تىزىلىپتۇ.
ئۆتكەندە بىر خەۋەردە يەر شارىغا ئۇخشاش پىلانىتا تىپىلدى دەپ ئاڭلىغانتىم،ئامىرىكىلىق شۇيەرگە چىقارمۇ؟

borabalisi

قارىغاندا مەن قېرىغىچە خېلى كۈنلەرنى كۆرىمەنمۇ نىمە ؟  ئەتىگە ھېچنىمە دىگىلى بولمايدۇ ... بەلكىم مارىسقا چىقىش پىلانى تېخىمۇ بالدۇر بولىشى مۇمكىن ، چۈنكى بەزى يىڭى تېخنىكىلار چىقىشى ئېنىق ، ئامرىكا ھەرقانچە بولسىمۇ كىيىن يەنە قانداق تېخنىكىلارنىڭ چىقىدىغىنىنى تۇلۇق بىلىپ بۇلالماس ، ئۇلار بەلكىم ھازىرقى تېخنىكا شارائىتىغا ئاساسەن مۆلچەرلىگەندۇ !

nijat0220

     تېما ئىگىسىگە رەھمەت!