شانئاللىقلار بوستۇندا قەيسەرمىجىت بىلەن بىللە

bagdax

     باغداش تورى خەۋىرى :
      دىيارىمىزدىكى زەپەر قۇچۇپ كېتىۋاتقان شانئال ئىگىلىك تىكلەش مەكتىپىنىڭ قۇرغۇچىسى ئايتۇرسۇن خانىم ۋە مەكتەپتىكى ئوقۇغۇچىلار ئامىرىكا بوستۇندا زىيارەتتە بولدى ، بوستۇندا تۇرۇشلۇق مىللىتىمىزنىڭ مۇنەۋەر ئوغلانى قەيسەر مىجىت ئەپەندىم شانئال مەكتىپى ئوقۇغۇچىلىرىنى قىزغىن كۈتىۋالدى ۋە شانئال مەكتىپىدىكى ئوقۇغۇچىلارغا <دۇنياۋى ئىقتىساد دولقۇنىدا ئۇيغۇر كارخانىچىلار > تېمىسىدا ئىككى سائەتتىن ئارتۇق لېكسىيە سۆزلىدى. ئارقىدىن قەيسەر مىجىت ئەپەندىمنىڭ ئورۇنلاشتۇرىشى بىلەن شانئال مەكتىپىنىڭ ئوقۇغۇچىلىرى خارۋاد ئۇنۋېرستىتىدا زىيارەتتە بولدى ، ئىگەللىشىمىزچە شانئال مەكتىپىنىڭ ئوقۇغۇچىلىرى بوستىندىن قايتىپ باشقا شىتاتلاردا زاۋۇت ۋە كارخانىلاردا زىيارەتتە بولىدىكەن .

  

         شانئال ئىگىلىك تىكلەش كەسپىي تەربىيلەش مەكتىپى ھەققىدە :
       شىنجاڭ شانئال ئىگىلىك تىكلەش كەسپىي تەربىيلەش مەكتىپى 2006-يىلى شىنجاڭ ئۇيغۇر ئاپتۇنۇم رايۇنلۇق ئادەم كۈچى بايلىقى ۋە ئىجتىمائىي كاپالەت نازارىتىنىڭ تەستىقى بىلەن قۇرۇلغان شىنجاڭدىكى تۇنجى مەخسۇس ئىگىلىك تىكلەش بۇيىچە تەربىيلەش ئېلىپ بارىدىغان مەكتەپ بولۇپ، ھازىرغىچە 10000دىن ئارتۇق ئادەمنى كارخانا باشقۇرۇش ۋە ئىگىلىك تىكلەش بويىچە،15000 دىن ئارتۇق ئادەمنى خادىملار مۇناسىۋىتىنى باشقۇرۇش بۇيىچە ، 8000دىن ئارتۇق ئادەمنى بەختىيار ھايات بويىچە تەربىيلەپ چىقتى ھەمدە بۇتۈرلەر بويىچە داۋاملىق ئوقۇغۇچى تەربىيىلەۋاتىدۇ..
   مەكتىپىمىز 2010-يىلى5-ئايدا چىڭخۇا ئۇنۋېرسىتىتىMBA تەربىيلەش مەركىزى ۋە ئۈرۈمچى EMBA كارخانىچىلار بىرلەشمىسى بىلەن ھەمكارلىشىپ،چىڭخۇا سودا باشقۇرۇش ماگىستىرلىق قوش تىللىق سىنىپىنى ئېچىپ،،ئاپتونوم رايونىمىزدىكى مىللى كارخانىلارنىڭ تەرەققىياتى ئۈچۈن يېڭى يول ئېچىپ بەردى، شۇنداقلا ئاپتۇنۇم رايۇنىمىزدىكى سەرخىل كارخانىچىلارنى بىر يەرگە توپلاپ بايلىقلاردىن ئورتاق مەنپەئەتلىنىدىغا سەھنە ياراتتى.
      مەكتەپ قۇرغۇچىسى ئايتۇرسۇن خانىم ئاپتونوم رايونلۇق ئايال كارخانىچىلار جەمئىيتىنىڭ مۇئاۋىن رەئىسى ، دۇنيا كۆزگە كۆرۈنگەن جۇڭگولۇقكارخانىچىلار  بىرلەشمىسنىڭ كېڭەش ئەزاسى ، ئاپتونوم رايون بويىچە كۆزگە كۆرۈنگەن ئايال كارخانىچى ، ئاپتونوم رايون بويىچە ئىگىلىك
تىكلەش باشلامچىسى ، چىڭخۇا سودا باشقۇرۇش ماگىستىرلىق سىنىپىنىڭ تەكلىپلىك ئوقۇتقۇچىسى .

akramjan99

بۇ ناھايتى ياخشى ئىش بوپتۇ، مۇشىنىڭغا ئوخشاش چەتئەلگە چىقىپ ئالماشتۇرۇش ئېلىپ بارغاندا ، زىيارەت قىلىپ نەزەر دائىرنى كىڭەيتىكەندە كارخانا تەرەقىياتىنى تىزلىتىشتە موھىم رول ئوينايدۇ.
بۇ ئۇيغۇر كارخانىچىلىرىغا ئۈلگە. كارخانىچىلىرىمىز موشۇ ھەقتە ئويلىنىپ كۆرسە بولغۇدەك.

زىرەك

پۇرسەت چىقسا شانئال ئىگىلىك مەكتىپىدە ئوقۇشنى ئارزۇ قىلىمەن.

mht88889999

بۇ ھەقىقەتەنمۇ ياخشى ئىش بوپتۇ

iltebir107

قەيسەر مىجىت ئۇستاز ئۆزى دىيارىمىزدا بولمىسىمۇ ،لېكىن يەنىلا دىيارىمىز كىشىلىرىنىڭ ئىگىلىك تىكلەش ئىشلىرى ۋە ئىقتىزاد ئىشلىرىغا كۆڭۈل بۆلۈپ مېڭىۋاتىدۇ. مۇمكىن بولسا قەيسەر مىجىت ئۇستاز قۇرغان بايبول شىركىتى بىلەن ھەمكارلىق ئورناتقان بولساق بەك ياخشى بۇلاتتى.

wajra

   بۇ قالتىس باشلىنىش بوپتۇ . قېرىنداشلىرىمىزنڭ  ئويۇن تاماشا  بىلەنلا  بۇلۇپ كەتمەي ،كوپرەك تەجىربە  ئوگىنىپ  كىلىشىنى  ئومۇت قىلىمىز . قەيسەر  مىجىت  مۇئەللىمگە  كوپ رەھمەت . بۇيىل كىرگەندىن بېرى  كوڭلىمىز  خوش بۇلىدىغان  ئىشلار ئۇزۇلمەي  مەيدانغا كىلىۋاتىدۇ .

iltebir107

ئامرىكىدا ئۇيغۇر يېزىقىنى كۆرسە ئادەم قانچىلىك خۇش بۇلۇپ كېتەر-ھە! ئايتۇرسۇن خانىم ئىشلىرى تېخىمۇ رۇناق تاپسۇن.شانئال تېخمۇ شان ئېلىپ ئۇيغۇر كارخانچىلىرىنىڭ تەرەققىياتى ئۈچۈن بىر كىشىلىك ھەسسە قوشقاي.

jim-jit

   بۇ   بىر    ياخش    ئىش   بولاپتۇ   .