بىز نېمە ئويدا، ياشلار نېمە كويدا؟

amanyol

  مۇشۇنداق گەپلەرنى ئاڭلىسام يېزىدا چېنىقىشقا چۈشكەن كۈنلەرنى ئەسلەپ قالىمەن،يېزىدا چېنىقىش بالىلارنى تاۋلايدىغان ئەڭ ياخشى مەكتەپكەنتۇق.

ROCK

سىلەر بىر ئەۋلاد يىراق سەھرالاردا جاپا - مۇشەققەتتە ئۆتۈپ كەتتىڭلا ، باللىرىڭلا بولسىمۇ شەھەردە ، راھەتتە ياشىسۇن ، ئۇيغۇرلاريېزىلاردا ياشاۋەرمەي شەھەرلەردە ياشىشى كېرەك ، ، ، شەھەردە ياشىغان بىلەن يېزىدا ياشىغاننىڭ ئاسمان - زېمىن پەرقى بار ، ، ،

begir

يەر ناملىرى ئىدارىسىدا ئىشلىگەنكىن سىزمۇ ئۆزىڭىزگە مۇناسىپ مەسئۇلىيەتلەرنى ئادا قىلىڭ . مەسىلەن : بۇرۇنقى مەھەللىمىز ئورنىغا سېلىنغان ئولتۇراق رايونلارغا شۇ بۇرۇنقى مەھەللىمىزنىڭ نامىنى قويۇلىشىغا ياردەمدە بولۇڭ . ھېچ بولمىغاندا يوقىرى دەرىجىلىك ئورۇنلارغا بۇ ئىشنى ئەسكەرتىپ قويۇڭ .
ياشلار نىمە كويدا ؟ سىز نىمە كويدا ؟

kuhun

سىز بالىڭىزغا  : مەن بۇرۇن مۇنداق جاپالىق كۈنلەردە ماندا ئىش قىلغان دىسىڭىز ، بالىڭىز سىزگە : كىم سىنى ئۇ زاماندا ياشىسۇن دەپتۇ دەيدۇ .

ulughyar

tewelgha يوللىغان ۋاقتى  2014-5-17 18:29
مەنمۇ بالام بىلەن ئارلىغىمدا قانداقتۇر  بىر ھاڭنىڭ پەي ...

پىكىرىڭىزگە تامامەن قوشۇلىمەن!
مەنمۇ 70- يىللارنىڭ ئاخىرىدا توغۇلغان، ئەشۇ گۈزەل 80- يىللاردا بالىلىق دەۋرىمنى باشتىن ئۆتكۈزگەن. ئويلاپ باقسام شۇ ۋاقىتلاردىكى ناخشا- مۇزىكا، كىنو- تېلېۋىزىيە فىلىملىرىنىڭ مەزمۇنى بىلەن ھازىرقىلارنىڭ مەزمۇنىدا ئاسمان- زېمىن پەرق بار ئىكەن. كىچىك ۋاقىتلىرىمدا مودا بولۇپ ئېيتىلىۋاتقان ناخشىلارنىڭ مەزمۇنى ئاساسەن دېگۈدەك زامان ۋە ياشلىقنىڭ قەدرىگە يېتىش، ئاتا- ئانا، يۇرت- ۋەتەننى مەدھىيەلەش، جاپالىق ئەمگەك ئارقىلىق بەخت يارىتىش، پاك- غۇبارسىز مۇھەببەتنى ئالقىشلاش قاتارلىقلاردىن تەركىپ تاپقان بولسا ھازىر مودا بولۇۋاتقان ناخشىلارنىڭ تىلى ئۇدۇلمۇ- ئۇدۇل ھالدا كۆيدۈم- پىشتىم بىلەن باشلىنىپ، يەنە شۇنىڭ بىلەن ئاخىرلىشىدىكەن، بۇرۇنقى ناخشىلارنىڭ مەزمۇنى بار دېيىلگەندىمۇ ئۇنچىلىك ساپ ۋە تەبئىي رەۋىشتە ئەمەس، يەنە كېلىپ سان جەھەتتە ئاز، بار دېيىلگەندىمۇ ھازىرقى ياشلار ئۇنى چۈشەنمەيدۇ، ياقتۇرمايدۇ. چۈنكى، ئۇلار تۇرمۇشتا ھەقىقى جاپانى ھېس قىلىپ باقمىغان، قىز- يىگىتلەر ئوتتۇرىسىدىكى ھەقىقىي ساپ مۇھەببەتنىڭ قانداق پەيدا بولىدىغانلىقىنى ئەسلا ھېس قىلالمايدۇ.
ئەمدى، سىز ھەم مىنىڭ بۈگۈنكى ياشلىرىمىزغا بۇنداق دېگىنىمىز، ھەرگىزمۇ بىز ئەينى چاغدا مۇنداق جاپا تارتقان، سىلەرمۇ مۇشۇنداق جاپا تارتىشىڭلار كېرەك دەپ جاپانى زورمۇ- زور ئۇلارغا تېڭىش ئەمەس، بىراق ھەممە ئىشنىڭ تەبئىي بولغىنى ياخشى، تەر تۆكمەي كەلگەن ئامەت ھامان بىزگە تەۋە نەرسە ئەمەس. شۇڭا ھازىر مەكتەپ پۈتكۈزگەن ياشلىرىمىزنىڭ يېزىلاردا ئانچە- مۇنچە چېنىقىپ، ئىسسىق- سوغۇقنى باشتىن ئۆتكۈزگىنىمۇ يامان ئىش ئەمەسقۇ.
دەۋر- زامان بىزگە مەسئۇلىيەتنى يۈكلىگەن ئىكەن ھامان بىز بۇ مەجبۇرىيەتنى ئادا قىلمىساق بولمايدۇ، ئۇنىڭدىن بۈگۈن قېچىپ قۇتۇلغان ئىكەنمىز ئەتە ھامان سورىقى بولماي قالمايدۇ. شۇڭا بۈگۈنكى ياشلىرىمىز دەۋرىمىزنىڭ قەدرىگە يېتىشى، ئويۇن- تاماشىغا بەرگەن زېھنىنىڭ يېرىمىنى بولسىمۇ ئۆگىنىشكە سەرپ ئېتىشى كېرەك. ياش چوڭايغان چاغدا ئۆگىنىمەن دېيىش ئاقمايدىغان ئىش ئىكەن.

ulughyar

ROCK يوللىغان ۋاقتى  2014-5-18 00:24
سىلەر بىر ئەۋلاد يىراق سەھرالاردا جاپا - مۇشەققەتتە ئۆ ...

شەھەردە ياشىغان بىلەن يېزىدا ياشىغاننىڭ قانداق ئاسمان- زېمىن پەرقى بار ئىكەن دەڭە قېنى؟!
مانا مەنمۇ يېزىدا توغۇلغان، يېزىدا ياشاۋاتىمەن، يېزىدا ياشىغانلىقىم، يېزىلىق بولغانلىقىم ئۈچۈن مەڭگۈ پەخىرلىنىمەن. مىنىڭمۇ شەھەردە ئۇرۇق- تۇغقانلىرىم، ئەل- ئاغىينىلىرىم بار، بەش قول ئوخشاش بولمايدۇ بۇرادەر!
نوقۇل ھالدا شەھەرلىك بولىمەن، شەھەردە ياشايمەن دەپ يېزىدىكى ساپ ھاۋا، تەبئىي، رىتىملىق تۇرمۇشتىن ۋاز كېچىپ، شەھەردە تېشىدا روزا تۇتۇپ، ئىچىدە ھېيت ئويناپ، كوچا- كويلاردا تازىلىق ئىشچىسى بولۇش كېرەكمىكەن؟ (ئەلۋەتتە مەن جاپاكەش مۇھىت تازىلىق ئىشچىلىرىنى كەمسىتكىنىم ئەمەس).

ulughyar

begir يوللىغان ۋاقتى  2014-5-18 10:00
يەر ناملىرى ئىدارىسىدا ئىشلىگەنكىن سىزمۇ ئۆزىڭىزگە مۇ ...

شۇنداق ئوي، شۇنداق كوي بولغاچقا بۇ تېما پۈتۈپ چىقىلغان.

Method

كۆپۈنچە ئەھۋالدا بالا ئاتا-ئانىسىنىڭ كەسپى بىلەن شۇغۇللۇنۇشنى خالىمايدىكەن(ئەمەلدارنىڭ باللىرى بۇنىڭ سىرتىدا)،چۈنكى ھازىر خىزمەتتىن قاقشاش بەك ئېغىر، بولۇپمۇ ھۆكۈمەتنىڭ خىزمىتىدىن،تۆت ئادەم بىر يەرگە كەلسە خىزمەتتىن قاقشاش.كىچىكىدىن بۇلارنى ئاڭلاپ چوڭ بولغان باللا خىزمەتكە قىزىقمايدۇ.دىمىسىمۇ تۈمۈر تاۋاقنىڭ تايىنى قالمىدى،مائاش تۆۋەن،ئەمەلدارنىڭ ئىمتىيازى كىچىكلەۋاتىدۇ،پارىخورلىق قىلسا يۈرەك پوك-پوك.ئەتىدىن كەچكىچە ئىشىك بېقىش(مۇقۇملۇق)،ئىدىيەنى بىرلىككە كەلتۈرۈش(سىياسى ئۈگۈنۈش)
مۇشۇ خىئوداللىقتىن بالدۇرراق قۇتۇلساق بوپتىكەن.