- تىزىملاتقان
- 2011-8-13
- ئاخىرقى قېتىم
- 2014-5-21
- ھوقۇقى
- 1
- جۇغلانما
- 3747
- نادىر
- 0
- يازما
- 32
ئۆسۈش
58.23%
|
153 يوللىغان ۋاقتى 2014-5-19 01:57
ئەسسالامۇ ئەلەيكۇم قېرىندىشىم سىزنىڭچە ھەققانىيەتنى ...
ھەق ناھەق مەسىلىسىگە يولۇقۇپسىز،بۇنى بىلدۇق،ناھەقچىلىق دېگەنگە مەنلا يولۇقتىممىكىن دېمەڭ،تورغا يوللىغىنىڭىزغىمۇ ھېچقانداق پىكرىم يوق،رەھمىتىڭىزنى بىلدۈرگىنىڭىزمۇ بوپتۇ،بىراق ھەممە ئىش لايىقىدا بولغىنى ياخشى،مۇشۇ دەۋاغا مۇناسىۋەتلىك تېمىلىرىڭىز نۇرغۇن قېتىم يوللاندى،ھەر قېتىم سىزگە ھېسداشلىق قىلىپ،ئىچ ئاغرىتىپ كەلدۇق.سىزنى قانۇن بويىچە ھوقۇق مەنپەئىتىڭىزنى قوغداشقا ئۈندەپ كەلدۇق.مانا ھازىر سىزگە پايدىلىق ھۆكۈمگە ئېرىشىش ئالدىدا تۇرۇپسىز،ھۆكۈمەت خادىملىرىغا چېتىشلىق قىسمىغا بىر نەرسە دېگۈم يوق،بىراق ئىۋۇ رەقىپجان دوختۇر دېگىنىڭىزنىڭ قانداق ئادەملىكىنى بىز بىلمەيمىز،سىز ئۇنى بىر تىيىنگە ئەرزىمەس،كادىرلارنىڭ پايدىسىغا سىزگە خاتا ،يالغان دىئاگنوز قويغان،كادىرلار بىلەن تىل بېرىكتۈرگەن دەپ كېلىۋاتىسىز،يەنە ئۇنى دوختۇرلۇق قىلىش سالاھىيىتى يوق دەۋاتىسىز،بىلىشىمچە خوتەندە مىللى تىبابەت دوختۇرلىقى بىلەن شۇغۇللىنىدىغان دوختۇرلار بەك كۆپ،يەنە غەرپچە داۋالاش دوختۇرخانىسى ئېچىپ كېسەل كۆرۈۋاتقانلارمۇ ئاز ئەمەس،ھەممە دوختۇر دوختۇرلۇق كېنىشكىسى ئېلىپ دوختۇرلۇق قىلمىسىمۇ خەلقنىڭ ئېتىراپىغا ئېرىشىپ كېسەل كۆرۈۋاتقانلارمۇ كۆپ.مېنىڭ مەھەللەمدىمۇ ئائىلىسىدە ئوپىراتسىيە قىلىدىغان دوختۇر بار ئىدى.دوختۇر 20000 يۈەنگە ئوپىراتسىيە قىلمىغان كېسەلنى 3000 يۈەنگە ئوپىراتسىيە قىلغان،ئاللاھنىڭ سىپالىق بېرىشى بىلەن ساقايدى.شۇ كىسىنىڭمۇ دوختۇرلۇق كېنىشكىسى يوق.ئەلۋەتتە قانۇن كېنىشكىنى ئېتىراپ قىلىدۇ،دەۋادا ئۇ دوختۇرنىڭ كېنىشكىسى يوقلىقى چوڭ بپايدىلىنىدىغان يوچۇق بولىشى مۇمكىن،بىراق ئاشۇ دوختۇرنىڭ شەخسىيىتىگە قارا چاپلىغان بولسىڭىزچۇ؟ئىسمىنى ئوچۇق ئاشكارا ئاتاپ كىشىنىڭ نام ئابرويىغا دەخلى قىلىشنىڭمۇ قانۇنسىزلىق ئىكەنلىكىنى بىلەمسىز،(مەن ئەزەلدىن قانۇن توغرىلىق بىر نەرسە دەپ يۈرگۈم يوق،تېمىڭىز قانۇنغا مۇناسىۋەتلىك بولغاچقا دەپ قويدۇم،)تېخى سوتتىن دوختۇرنىڭ مەسئۇلىيىتى توغرىلىق ھېچقانداق ھۆكۈم چىقىرىلماپتۇ.بۇنداق ئەھۋالدا دوختۇرغا گۇناھ ئارتىش توغرا ئەمەس،مېنىڭغۇ بۇنداق ئىشلار بىلەن ئەزەلدىن كارىم يوق.قانۇن بىلەن بولىدىغان ئىشلاردىن ئۆزەمنى چەتكە ئېلىپ ياشايدىغىنى مەن،چۈنكى بۇ قانۇنننىڭ نۇرغۇن ئىشلاردا رولىنى يوقاتقانلىقىنى جىق كۆرگەنمەن.شۇنداقتىمۇ سىز خېلى ئىشلارنى قىلىپسىز،سىزگە ئۇتۇق يار بولسۇن.ئەمدى ئاۋۇ ‹‹شېئىر››غا كەلسەك راسلا بولدى قىلىڭ،شېئىرنى شائىرلار يازسۇن،سىزگە پايدىلىق ھۆكۈم چىقارغان بولسا قانۇن بويىچە چىقارغاندۇ؟دېمەك ئۇ شۇلارنىڭ مەجبۇرىيىتى.قانۇن بويىچە سىزنىڭ زىيىنىڭىزغا ھۆكۈم چىقىرىلسا ئۇلارنى تىللاپ ‹‹شېئىر›› يازامتىڭىز،تىللاش ياكى ماختاشتا ئادىللىقنى ئۆلچەم قىلماي مەنپەئەتنى ئۆلچەم قىلسا قايسى ئىشتا ئادىللىق بولسۇن.دېمەك بۇ رەھمەت ئېيتىش ئەمەس خۇشامەتكە ئوخشاپ قالمىسۇن.
ئۇيغۇر تىلىمىز ئىپادىلەش كۈچى كۈچلۈك،تىلى تولىمۇ گۈزەل تىل،ئۇنىڭدا يېزىلغان ئەسەرلەر بىزگە زوق بېغىشلايدۇ.شېئىر تېخىمۇ شۇنداق،شېئىر ژانىرى خېلىلا يۇقىرى سەۋىيە تەلەپ قىلىدىغان،ۋەزن،تۇراق،قاپىيە ،يانا مۇئەييەن مەنە ئىپادىلەش،ئاھاڭدارلىققا ئىگە بولۇشتەك تەرەپلىرى بىلەن ئاڭلىغۇچىلارغا ئېستىتىك زوق بېغىشلايدۇ،ھاياجانغا چۆمدۈرىدۇ.سىزنىڭ يازغانلىرىڭىزنى شېئىر دېيىشكە مەن راستىنلا قارشى.رەھمىتىڭىزنى نەسرىي شەكىلدە بايان قىلسىڭىز،ئۆزىڭىزنى زورلاپ قىلالمايدىغان ئىشنى قىلمىغىنىڭىز ياخشى ئىدى.بولدى،بۇ ئىشلارغا ئارلىشىپ يۈرگەن مەن ساراڭغا ھېساپ بولاي،لېكىن بىر ئىشنى دەپ قوياي،ھەممە يەردە،كۆرگەنلا كىشىگگ دەرت ئېيتىپ باشقىلارنىڭ ھېسداشلىقىغا ئېرىشىشنىلا ئويلايدىغانلارنىڭ نورمال ئادەملىكىدىن،كىشىلىك تۇرمۇشتا توغرا يول تۇتۇپ ماڭغانلىقىدىن گۇمانلىنىمەن.ھېسداشلىقمۇ جايىدا بولىشى كېرەك.سىز بىر ناھەقچىلىككە ئۇچراپ نەچچە يىلدىن بېرى يولىنى مېڭىۋاتىسىز،بىراق ناھەقچىلىككە ئائىلىسى بويىچە ئۇچراپ،ھەتتا ھاياتىدىن ئايرىلىپ،پۈتۈن مال بىساتىدىن ئايرىلىپ،ھاياتلىرى تۈرمىلەردە يېتىپمۇ بىراۋغا بويۇن قىسماي،يالۋۇرماي،دەردىنى ئاللاھقىلا ئېيتىپ ياشاۋاتقانلارمۇ ئىنسان،مۇسۇلمان،ئۇيغۇر،سىزنى دەرت ئېيتما دېمەكچى ئەمەس،لېكىن ئەر كىشىنىڭ باشقىلارنىڭ ھېسداشلىق قىلىشىنىلا ئويلىشى نورمال پىسخىكا ئەمەس.ئەرزىڭىزدىن خەۋەر تاپتۇق،نەتىجىسى چىققاندا يوللاپ قويسىڭىز،خەۋەردار بوپ قالساقلا بولدى.مۇنبەردىن سىزگە ئەمەلىي ياردەم قىلغۇدەك بىرەرسىنىڭ چىقىدىغانلىقىغا ئىشەنمەيمەن،نۇرغۇن ياردەم تېمىلار يوللاندى،قانچىلىك ياردەملەر قىلىندى،كىملەر ياردەم قىلدى بۇنى بىلمەيمىز.مۇنبەردە ئىش قىلىدىغانلاردىن شوئار توۋلايدىغانلار كۆپ،ياردەم قىلىدىغانلاردىن قۇرۇق ھېسداشلىق قىلىپ ئېمىزگە سالىدىغانلار كۆپ.شۇڭا ئەمەلىي بولغىنىمىز ياخشى.
كەچۈرۈڭ،سىز كۈتكەن ئىنكاسنى يازالماي قالدىم،بىراق سىزگە يامانلىق تىلەيدىغان،سىزنى ئەيىپلەيدىغانلار قاتارىدا مەن يوق.سىز ئەرز قىلىۋاتقانلاردىن بىرەر ئىككىسى بۇ تېمىغا كىرىپ ئىشنىڭ يەنە بىر تەرىپىنىمۇ بايان قىلغان بولسا،مۇنازىرە ئاندىن ئادىل داۋاملىشاتتى.قارشى تەرەپنىڭ ئىنكاسىنى كۆرمەي تۇرۇپ سىزگە بولۇشۇپ قارشى تەرەپنى ئەيىپلىيەلمىدىم.ئۆزرەمنى قۇبۇل قىلىڭ. |
|