ئوغلانى : ئەر ،نادان ۋە ئىشەككە كەلىمىلەر

batur72

ئەر ،نادان ۋە ئىشەككە كەلىمىلەر

مەمەتتۇرسۇن ئابدىريىم ئوغلانى

ئەركەككە:

كۆل دىمە كۆلچەكنى سۈيى تولسىلا ،

ئەر دىمە يىگىتنى سۆزى بولسىلا .

ئەر ئەمەس ئەقىلسىز ياشىغان كىشى ،

تەر ئەمەس چىدامسىز ئاققۇزغان يېشى .

ئۈمىدنى تاشلىما يەلكەڭدىن ئېلىپ ،

ئۇ سېنى كۆتۈرەر قاناتلار سېلىپ  .

كۆڭلۈڭگە بەرگىنىڭ ئازادە ماكان ،

ئاتقىنىڭ مەنزىلگە ئۆزۈڭنى تامان .

ئاتلانما ئالدىراپ سەپەرگە ھۆددەس ،

ئاتلانساڭ ئۇ بولسۇن نىشان مۇقەددەس .

ئىزدەنگىن ھاياتنىڭ توساقلىرىدا ،

كۆيمەسچۈن پۇشايمان ئوچاقلىرىدا .

ئىشەك ۋە نادانغا كەلىمىلەر

ئىشەككە :

ئارقىدا قالدىڭ ئىشەك ، تۇرمىدىڭ ھەيرانىمەن .

كەينىدىن چاپتىڭ ئىشەك ، ئۆلمىدىڭ ھەيرانىمەن .

ئىشلىدىڭ ،جاھىل ئىدىڭ يانمىدىڭ ئارقاڭغا ھېچ،

ياتمىدىڭ جىمجىت ئىشەك ، ھاڭرىدىڭ ھەيرانىمەن .

كۆر نادان بەزى كىشى ، ياشايدۇ شەمشاد ئۆزى ،

تەنلىرى ئادەم كەبى روھلىرى ئىبلىس كۆزى .

ئارزۇسىنى تۆت كالا سۆرىيەلمەس قىينىلىپ ،

قىلغىنى راھەت سۈرۈش ، شۇنچىلىك چوڭ-چوڭ سۆزى .

ئويلانغىن ئىشەك قاراپ ،ئۇ كىشى قانداق كىشى ؟

دورىغان سېنى دېسەم تۆكۈلەر كۆڭلۈڭ يېشى .

سەندىمۇ بار غەيرىتىڭ ، شۇنىڭغا ماس ھەيۋىتىڭ .

سەن دىگەن نەچچە ئەسىر ئەجدادنىڭ ئالتۇن تېشى .

نادانغا :

كۆر ! ئىشەكمۇ بەزىدە سەن توغۇرلۇق سۆزلىمەس ،

بولساڭ ئەگەر ھاياتتا ھېچ نىشاننى كۆزلىمەس .

روھ دىگەن جەۋھەر داۋام ، روھى يوق ئەبجاخ تامام .

روھ گۈزەل - ئىنسان گۈزەل ، نادانلىق ھەم ئۆرلىمەس .

تىيەنجىن

  2014-05-19

kadirsiz

سالمىقى بار شېئېركەن...ئۇتۇق تىلەيمەن

batur72

ئەسسالامۇ ئەلەيكۇم ،ھۆرمەتلىك ئوقۇرمەن ، تېمىغا ئازىراق تۈزىتىش كىرگۈزۈپ،پۈتۈنلۈككە ئىگە قىلىپ  ماۋزۇسىنى ئۆزگەرتىپ قويدۇم ،چۈشىنىشڭىزنى ئۈمىد قىلىمەن .

uyhurya

ياخىشى تۈزۈتىپسىز!

satuk

ئاللا زىھنىڭىزنى، قەلىمىڭىزنى تىخىمۇ ئوتكۇر قىلىپ بەرسۇن،  ھەر قىتىم مۇنبەردە پىتنە تۇغۇلسا دەرھاللا بىر نادىر شىئىرىڭىزدىن بىرسى ئوتتۇرغا چىقىدۇ .

MSM

توۋا، ھازىرغا قەدەر بىرەر تېمامنىڭ تەستىقلانغىنىنى بىلمەيمەن. بىر نەچچە پارچە شېئىرىم باشقا مۇنبەرلەردە تەستىقلىنىدۇ يۇ بۇ مۇنبەردە.....
ئىلگىرى باشقا تېمىلارنىمۇ يوللاپ باققان بولمىسا، لېكىن ھازىرغىچە بىرسىمۇ.....

Abral12

    مەنمۇ بىر شېئىر يوللىسام تەستىقلىماپتۇ ، تىخى « بۇ مۇنبەردە شېئىر قارشى ئىىلىنمايدۇ ، باشقا مۇنبەرگە يوللاڭ » دەپ ئۇچۇريوللاپ قوياپتۇ . نىمە دىگۈلۈك . ھەقىقە  مۇدداسى دەپ ئۇچۇر قىلغان بولسىمۇ مەيلىتى ،توغرا چۈشىنىتىم .