|
ھەقىقەت
(مەسەل)
پاۋلو كوئېلخو Paulo Coelho [برازىلىيە]
ئوغۇز تەرجىمىسى
شەيتان مۇرتلىرىنى باشلاپ دوزاخنى چارلاۋىتىپ،يولدا بىر توپ ئەرنىڭ ئېڭىشىپ بىر نەرسە ئىزدەۋاتقانلىقىنى،پات-پات بىلىنى ئىگىپ پارقىراق بىر نەرسىنى يانچۇقىغا ئاۋايلاپ سېلىۋاتقانلىقىنى كۆرۈپتۇ.
ئارىدىن بىر مۇرت تولىمۇ قىززىققان ھالدا سوراپتۇ:ــ ئۇلارنىڭ تېپىۋالغىنى قانداق ئەتىۋارلىق نەرسىدۇ؟
شەيتان ئىرەڭشىمىگەن ھالدا:ــ ھەقىقەتنىڭ بىر پارچىسى خالاس،ــ دەپتۇ.
مۇرتلار بۇ گەپنى ئاڭلىغاندىن كېيىن قاتتىق تەشۋىشلىنىپتۇ.ــ ھەقىقەتنىڭ بىر پارچىسى بىلەن بىر رۇھنى دوزاختىن قۇتۇلدۇرغىلى بولىدۇ،مۇشۇنداق داۋاملىشىۋەرسە،دوزاخ ھەقىقەت بىلەن توشۇپ كېتىپ بىرمۇ ئادەم قالماي قۇرۇقدىلىنىپ قالسا شەيتان ۋە ئۇنىڭ مۇرتلىرى خەتەرلىك ئەھۋالغا چۈشۈپ قالمامدۇ؟
شۇنىڭ بىلەن مۇرتلار بەس-بەستە پىكىر قىپتۇ:ــ بۇ ئادەملەر ھەقىقەتنى بايقاپ قاپتۇ،بۇ بەكلا قۇرقۇنچلۇق،ئۇلارنى تىزدىن تۇتۇپ،ھەقىقەتنى تارتىۋالايلى،يولدىكى ھەقىقەت پارچىلىرىنىمۇ سۈپۈرىۋىتەيلى.
بىراق،شەيتان ئۇلارنىڭ گېىپىگە پىسەنت قىلماپتۇ.
مۇرتلار ھەقىقەتنىڭ پارچىسىنى تېپىۋالغان ئادەملەرنىڭ خۇشلىقىدىن گۈلقەقەلىرىنىڭ ئېچىلىپ كەتكەنلىكىنى،ئەتراپتىكى كىشىلەرگە قولىدىكى ھەقىقەت پارچىسىنى داملىتىۋاتقانلىقىنى،ئەمما قارىشى تەرەپنىڭمۇ بوش كەلمەي،يانچۇقىدىن ھەقىقەتنىڭ بىر پارچىسىنى چىقىرىپ جېنىنىڭ بارىچە قارىشى تەرەپكە بىر نېمىلەرنى دەپ چۈشەندۈرىۋاتقانلىقىنى، ئارقىدىن ئىككى ئادەمنىڭ مۇشتلىشىپ پومداقلىشىپ كەتكەنلىكىنى كۆرۈپتۇ.
مۇرتلار بۇنى كۆرگەندىن كېيىن نېمە ئىش يۈز بەرگەنلىكىنى ئاڭقىرالماي گاڭگىرىغان ھالدا شەيتانغا قاراپتۇ.شەيتان ئۇلارغا چۈشەندۈرۈپ مۇنداق دەپتۇ:ــ مەن ھەقىقەتنىڭ پارچىلىرىنى ئەتەي يولغا چېچىۋەتتىم،ھەر بىر ئادەم ھەقىقەتنىڭ بىر پارچىسىنى بايقاپ،مەن پۈتكۈل ھەقىقەتكە ئىگە بولدۇم،دەپ قارايدۇ.ئۇلار قارىشى تەرەپنى قايىل قىلماقچى بولۇپ، بىر-بىرى بىلەن مۇنازىرە قىلىشىپ،ئۆز-ئارا جىدەللىشىدۇ، مۇشۇنداق بولغاندا ئۇلار ھەقىقەتتىن بارغانسىرى يىراقلايدۇ،مانا بۇ مەن كۆرۈشنى ئۈمىد قىلغان ئاقىۋەت،شۇنداقكەن بىز يەنە نېمىدىن ئەندىشە قىلىمىز؟
مەنبە:«ياشلار سالونى 青年文摘»ژۇرنىلىنىڭ 2013 –يىلى 8-ئايلىق (ئالدىنقى يېرىم ئايلىق) سانى
| 
يوللىغان ۋاقتى 2014-6-15 00:59:50
