مۇئەللىمنى تىللىماڭ

mahatjan

ئۇقۇتقۇچى مۇقەددەس قۇياش

     توردا  ئىلان قىلىنغان ئوقۇتقۇچىلار توغرىسىدىكى ئىلان قىلىنغان،مەسلەن:بىزگە قانداق ئۇقۇتقۇچىلار كىرەك.بىر ئوقۇتقۇچىنىڭ ئاھۇ زارى.شەرەپ ئىگىسى ئۇستاز. ...قاتارلىق ماقالىلەرنى ئوقۇغاندىن كىيىن،ئوقۇتقۇچىنىڭ مەسئۇلىيەت ۋە مەجبۇرىتى ھەققىدە كۆپ ئويلىنىپ تۆۋەندىكى قاراشلىرىمنى تورداشلار ۋە ئوقۇرمەنلەر بىلەن ئورتاقلاشماقچى بولدۇم.
    دانالارنىڭ ھكمەت خاترلىردىكى:ئوقۇتقۇچى ئىنسان روھىينىڭ ئېنژىنىرى.ئوقۇتقۇچى كۈيۋاتقان شام.ئوقۇتقۇچى باغۋەن.ئوقۇغۇچىغا بىر ئىستىكان سۇ بىرىش ئۈچۈن ئوقۇتقۇچىدا بىر چىلەك سۇ بۇلۇش كىرەك.دىگەن ھىكمەتلەرنىڭ مەزمۇنلىرى ھەققىدىكى قاراشلىرىم مۇنداق:
     مۇئەييەن بىر قۇرلۇشنى لاھىيلەش بىلەن،ئادەمنىڭ روھى قۇرۇلمىسنى لاھىيلەشنىڭ قانۇنيەتلىرى ئوخشايدۇ،يەنى قۇرلۇشنى شەكىللەندۈرۈشكە مۇناسىۋەتلىك بولغان فونكىسيىلىك ئامىللار ۋە ئۇنى ماسلاشتۇرۇش جەھەتتە ئوخشاش.ئۇنى ئپادىلەش ئۇسسۇللىرى ۋە جەريانى ئوخشىمايدۇ.
     مۇئەييەن بىر شامنىڭ يورۇقلۇق تارقىتىشى بىلەن ئوقۇتقۇچىنىڭ بىلىم بىرشى ۋە بەدەل تۆلەش مەقسەت مۇدداسى ئوخشايدۇ، ئەمما شام كۈيۈپ-كۈيۈپ يورۇقلىق تارقىتىپ بولۇپ ئۆچىدۇ.ئەمما ئوقۇتقۇچىنىڭ تارقاتقان بىلىمى بىر ئوقۇغۇچىغا،ئون ئوقۇغۇچىغا تارقىلىپ ئىنسانلار ئەقلىنى يورىتىدىغان مەشئەلگە ئايلىنىدۇ.
     باغۋەننىڭ مۇئەييەن بىر كۈچەتنى ئۆستۈرۈش جەريانىدىكى قانۇنيەتلەر بىلەن ئوقۇتقۇچىنىڭ بىر ئوقۇغۇچىنى تەربىيلەپ يىتىشتۈرۈش جەريانىدىكى قانۇنيەتلەر ئوخشايدۇ.ئەمما كۈچەت يىتىلدۈرۈش بىلەن ئوقۇغۇچىنى تەربىيلەشتىكى ئۇسسۇل ۋە تەلەپلەر ئوخشىمايدۇ. يەنى باغۋەن ئۆستۈرۋاتقان كۈچەتلىرىدە مەلۇم ياۋا شاخلار كۆرۈلسە ياكى مىۋىسى سورىتلۇق بولماي قالسا شۇ ياۋا شاخلارنى كەكە-پالتىلاردا كىسىپ چاتاپ ئۆلچەملىك ئۆستۈرەلەيدۇ.ئەمما ئوقۇتقۇچى باغۋەن قوللانغان ئۇسسۇللارنى قوللىنىشقا بولمايدۇ.
     ئوقۇغۇچىغا بىر ئستىكان سۇ بىرىش ئۈچۈن ئوقۇتقۇچىدا بىر چىلەك سۇ بولۇش كىرەك.بۇ دىگەن گەپ ئوقۇتقۇچىدا بىلىم كۆپ بولمىسا ئوقۇغۇچىنىڭ بىلىمگە بولغان ئىھتىياجىنى قاندۇرالمايدۇ دىگەن گەپ.سۇغا بولغان ئىھتىياج بىلەن بىلىمگە بولغان ئىھتىياجىنىڭ قانۇنيەتلىرى ئوخشايدۇ.ئەمما:ئوقۇتقۇچى ئوقۇغۇچىغا بىلىمنى بىرىۋەرسە بىلىم تۈگەپ كىتىپ تاراڭلاپ قالدىغان چىلەككە ئوخشىمايدۇ.ئوقۇتقۇچى ئوقۇغۇچىغا بىر ئىستىكان بىلىم بەرسە،ئۆزىدە ئون ئىستىكان بىلىم پەيدا بولدىغان بۇلاققا ئوخشايدۇ....
............................................................................................
        ئوقۇتقۇچى مۇقەددەس قۇياشقا ئوخشايدۇ.قۇياشنىڭ ماھىيتى ۋە مەقسەت نىشانى بىلەن ئوقۇتقۇچىنىڭ ماھىيتى ۋە مەقسەت نىشانى ئوخشايدۇ.
    قۇياش پۈتۈن كائىيناتقا تەركىپ ئايرىماي،يورۇقلىق ۋە ئىسسىقلىق تارقىتىدۇ،تارقاتقان يورۇقلىق ۋە ئىسسىقلىقىنىڭ كۈچ قۇدۇرىتى بىلەن ماۋجۇداتلار ھاياتلىققا ئىرىشىپ گۈل-چىچەكلەرگە پۈركۈنىدۇ.قۇياشنىڭ ئىسسىقلىق ۋە يورۇقلىق تارقىتىدىغان دائىرسى ئىنتايىن كەڭ بولغاچقا،دەقىقە توختىماي شۇ ئىسسىقلىق ۋە يورۇقلىق تارقىتىدۇ.ئەمما ھەق-تەلەپ قىلمايدۇ.قۇياشنىڭ بۇ خىسلىتى دۇنيادا مۇقەددەس خىسلەت.
      ئوقۇتقۇچىنىڭ ئۆز ئۈستىگە ئالىدىغان مەسئۇلىيەت ۋە مەجبۇريەتلىرگە،ۋە شۇ مەسئۇليەت مەجبۇريەتلىرنى ئىپادىلگەن ئەمىليىتىگەئاساسەن ئوقۇتقۇچىنى موقەددەس قۇياشقا ئوخۇشتۇش بەكمۇ توغرا ھۆكۈم. ئوقۇتقۇچىمۇ ئوقوغۇچىغا خۇددى قۇياش كائىيناتقا تەركىپ ئارىماي ئىسسىقلىق بىلەن يورۇق تارقاتقىنغا ئوخشاش جىنىس ئارىماي،مىللەت ئارىماي،قېرى-ياش ئارىماي بىلىم تارقىتىدۇ. ئوقۇتقۇچىنىڭ مۇقەددەس قۇياشقا ئوخشايدىغان ئوبرازىنى ئالىي جاناپ خىسلىتى ئىپادىلگەن.شۇڭا ئوقۇتقۇچىلار قۇياشقا ئوخشاش بىلىمگە ئىھتىياجلىق بالىلار ئوربىتىسنى ئايلىنىپ،بالىلارنىڭ بىلىم تەشنالىقىنى قاندۇرۇپ،بالىلارنى ياراملىق ئىزباسارلاردىن قىلىپ تەربىيلەيلى!
     ئوقۇتقۇچىلارنىڭ ئوبرازى ئوقۇغۇچىلارنىڭ تەپەككۇرىدا مەڭگۈ ساقلىندىغان بولسۇن. مەسىلەن:ئۇستاز روھىي دىگەن ئەسەردىكى،
ئوقۇتقۇچى بولغۇم يوق پەقەت،
بولدۇممۇ چىكىمەن جاپا مۇشاقەت.
ۋە لىكىن ئوقۇتقۇچىنىڭ ھىمايسىدە،
                      ئوقۇغۇچى بولۇپ ئۆتسەم تا ئەبەت.       دىگەندەك.

                      ئاپتۇرى :مەخەت ئابدۇرېھيىم

hayat

ئەجرىڭىزگە كۆپ رەھمەت. بىر ئوقۇتقۇچى بولۇش سۈپىتىم بىلەن ئوقۇتقۇچىنى شۇنچە قوللىغىنىڭىز ئۈچۈن خوشال بولدۇم.

huxruy

پەقەت نادان ، مەدىنىيەتسىز كىشىلەرلا ئوقۇتقۇچىلارنى ھاقارەتلەيدۇ ، بىر مىللەتنىڭ تەرەققىياتىدا مائارىپنىڭ رولى ئەڭ چوڭ دەيمىز ، ئوقۇتقۇچىسىز مائارىپ  مەۋجۇتمۇ ؟
بىزنىڭ ئەجدادلىرىمىزدا ئوقۇتقۇچىنى ئۇلۇغلايدىغان ، ئۇلارنى ھۆرمەتلەيدىغان ئېسىل ئەنئەنە بار ئىدى ، ھەتتا ئوقۇتقۇچىنىڭ ئالدىدىن توغرا ئۆتمەيتتى ، لېكىن ھازىرچۇ ؟ بەزى كىشىلەر نەدىكى بىر ئىشلارنى باھانە قىلىپ ، ئوقۇتقۇچىلارنى ھاقارەتلەيدۇ ، بۇنداق ناچار ئىللەت كىشىنىڭ غەزىپىنى قوزغايدۇ .   
ھازىر بەزى كىشىلەر باشقىلارنى تىللاشنى ، ھاقارەتلەشنى كەسپ قىلىۋالغاندەكلا كۆرۈنىدۇ كىشىگە .
بىر چاغدا تاغام بىزگە شۇنداق ھېكايە سۆزلەپ بەرگەن ئىدى :
  ھەممىنىڭ ھۆرمىتىگە سازاۋەر بىر ئۆلىما كىشى بار ئىكەن ، بىر كۈنى ئۇ زات جامائەت بىلەن  مەسچىتتىن يانغاندا ، ئۈستى بېشى تولىمۇ  ۋەيرانە بىر كىشى   ئۇچراپتۇ ، ھېلىقى ئۆلىما دەررۇ ئۇ كىشىنىڭ ئالدىغا بېرىپ ،قوللىرىنى سۆيۈپ ، ناھايىتى قىزغىن سالاملىشىپتۇ ، بۇنى كۆرگەن جامائەت ھەيران بولۇشۇپتۇ ، ئارىدىن بىرى ھەيرانلىقىنى يوشۇرالماي :
  تەقسىر ، ئۆزلىرى  شۇنچە ھۆرمەتكە  سازاۋەر كىشى تۇرۇپ ، بۇ دېۋانىغا تولىمۇ قىزغىن مۇئامىلە قىلىپ كەتتىلە ، بۇ نىمە قىلغانلىرى ؟ - دەپتۇ .
  -ئۆلىما ئۇ كىشىنىڭ سوئالىغا جاۋاپ بەرمەستىن ياندۇرۇپ جامائەتتىن شۇنداق سوئال سوراپتۇ :
  - ئەركەك كۈچۈك قانداق تەرەت قىلىدۇ ؟ قېنى كىم بۇ سوئالغا جاۋاپ بېرەلەيدۇ ؟-
جامائەت ئارىسىدىن ھېچكىم بۇ سوئالغا جاۋاپ بېرەلمەپتۇ .
  - بۇنىڭغا مەنمۇ جاۋاپ بېرەلمەيتتىم - دەپتۇ ئۆلىما - بۇ سوئالنىڭ جاۋابىنى ماڭا دەل مۇشۇ كىشى ئۆگەتكەن ، شۇڭا مەن بۇ كىشىنى ئۇستازىم دەپ قاراپ مەڭگۈ ھۆرمەتلەيمەن ، ھەرقانداق ئادەم ئۆزىگە زەررىچىلىك بىلىم بەرگەن كىشىنىمۇ ھۆرمەتلىشى كېرەك ، بۇ ئەخلاق جۈملىسىدىندۇر  .
بۇ گەپنى ئاڭلىغان جامائەت ناھايىتى تەسىرلىنىپتۇ ، ئۆزلىرىنىڭ خاتا ئويلىغانلىقىدىن خىجىللىققا چۆمۈپتۇ .   

0902aliya

mahatjan يوللىغان ۋاقتى  2014-6-21 07:44
ئۇقۇتقۇچى مۇقەددەس قۇياش

     توردا  ئىلان قىلىنغان ئوق ...

پىكىرىڭىزغا قايىلمەن قېرىندىشىم نەقلا شۇ مېنىڭ ئويلىغىنىمغا ئوخشاش گەپ قىپسىز مائارىپنىڭ ئالدىنقى باشلامچىلىرى شۇ ئوقۇتقۇچىلار ئۇلار بولمىسا مىللەت تەرەقىي قىلمايدۇ مائارىپى تەرەقىي قىلمىغان ئەلنىڭ كەلگۈسىدىن ئېغىز ئېچىش ئەسلا مۇمكىن ئەمەس

karluk007

anatil8 يوللىغان ۋاقتى  2014-6-20 22:07
مۇئەللىمنى تىللىماڭ دىگەن بىلەن بەزى مۇئەللىملەر تىلل ...

ئۇنداقلارنى تىللاش كېرەك،ئەمما توردا،گېزىت ژۇرناللاردا تىللىساق مۇۋاپىق بولمايدۇ،بۇنداق بۇلىندا بارلىق ئۇقۇتقۇچىلارنىڭ شەنىگە داغ يىتىدۇ.بولسا يۈز تۇرانە تۇرۇپ يۈزىگە تۈكۈرۈپ مىشىقىرىپ سەت تىللار بىلەن تىللىسا ئۈنۈمى قالتىس بۇلىدۇ دەڭە

karluk007

anatil8 يوللىغان ۋاقتى  2014-6-20 22:07
مۇئەللىمنى تىللىماڭ دىگەن بىلەن بەزى مۇئەللىملەر تىلل ...

ئۇنداقلارنى تىللاش كېرەك،ئەمما توردا،گېزىت ژۇرناللاردا تىللىساق مۇۋاپىق بولمايدۇ،بۇنداق بۇلىنسا بارلىق ئۇقۇتقۇچىلارنىڭ شەنىگە داغ يىتىدۇ.بولسا يۈز تۇرانە تۇرۇپ يۈزىگە تۈكۈرۈپ مىشىقىرىپ سەت تىللار بىلەن تىللىسا ئۈنۈمى قالتىس بۇلىدۇ دەڭە!

karluk007

huxruy يوللىغان ۋاقتى  2014-6-21 17:20
پەقەت نادان ، مەدىنىيەتسىز كىشىلەرلا ئوقۇتقۇچىلارنى ھ ...

نادىر ئىنكاس بۇپتۇ،ئۇقۇتقۇچىنى تىللاش ئەمەس ئۇلۇغلاش كېرەك.