- تىزىملاتقان
- 2011-2-17
- ئاخىرقى قېتىم
- 2014-7-21
- ھوقۇقى
- 1
- جۇغلانما
- 1338
- نادىر
- 0
- يازما
- 42
ئۆسۈش
33.8%
|
يىڭى ناۋا ھەققىدە بەس مۇنازىرەلەر بەك كۆپ بولۇپ كەتكەچكە ماۋزۇنى ئۇدۇللا قويدۇم. خوش نەخ گەپكە كىلەي.
دۇنيادىكى ھەرقانداق بىر مۇسابىقە يىڭىش-يىڭىلىش بىلەن نەتىجىلىنىدۇ.ئۇتۇپ چىققۇچى يەنە بىر غالىپ پەيدا بولغىچە ئىرىشكەن نەتىجىنى ساقلاپ قالىدۇ.مەلۇم بىر كەسىپ تۈرىدە مۇسابىقىلەشكۈچى يىڭىلگەندىن كىيىن شۇ مۇسابىقەنىڭ ئەڭ ئاخىرقى نەتىجىسى چىقىپ بولغىچە قايتا مۇسابىقەگە چۈشۈش سالاھىيتى بولمايدۇ.مانا بۇ مۇسابىقەنىڭ ئەڭ ئاددى قائىدىسى!بۇ قائىدە ھەممە كەسىپتىكى مۇسابىقىلەشكۈچىلەرگە ئورتاق.ئەمما بىزنىڭ مۇنۈ يىڭى ناۋادا بولسا بۇ قائىدە ئۆزگۈرۈپ تولىمۇ كۈلكىلىك،چاكىنا بىر مۇسابىقە شەكلى بارلىققا كەلدى.
خوش،ئايلىق يۇلتۇزلارنى تاللايدىغان مۇسابىقىدىغۇ >>تاماشىبىنلارنىڭ كۈچلۈك تەلىپى>><<يوللانغان ئۇچۇر سانىنىڭ كۆپلىكى>> دىگەندەك چىرايلىق سەۋەپلەر بىلەن ئايلىق مۇسابىقىگە چۈشىدىغان ھەپتىلىك يۇلتۇزلارنىڭ ئارىسىغا بىرەردىن مەغلۇبىيەتچىنى قىتىپ كەلدى.بىر ھىساپتا ئىخلاسمەن كۆرۈرمەنلىرىنى بۇ چاكىنا مۇسابىقە قائىدىسىگە ئاستا ئاستا كۆندۈرىۋالدى.ئەمما يىللىق ھەل قىلغۇچ مۇسابىقەدە بۇنداق بولماس دەپ ئويلىغان ئىدىم.ئەپسۇس بۇ چاكىنا قائىدە تىخىمۇ ۋايىغا يەتتى.يىرىم ھەل قىلغۇچ مۇسابىقەدە شاللىنىپ كەتكەنلەر ھەل قىلغۇچ مۇسابىقەگە خاتىرجەم كىردى.ئەيھۇنناس!!! نەدىمۇ بۇنداق مۇسابىقە بولسۇن؟نەدىمۇ بۇنداق قائىدە بولسۇن،؟خوش مۇسابىقەنى ئۇيۇشتۇرغۇچى تەرەپ بۇنداق چاكىنىلىقنى قىلىمەن دىسىمۇ شىنجاڭ تېلېۋىزىيىسىدىن ئىبارەت نوپۇزلۇق تاراتقۇنىڭ قازان بىشىدىكى چۆمۈچ تۇتىدىغانلار ،ياق،ھەر ئىش قائىدە بويىچە بولسۇن دىيىشى كىرەك ئىدىغۇ؟يىللىق چولپانغا بىر ماشىنا سوۋغا قىلماقچى بولغان شىركەتمۇ مۇسابىقەنىڭ ئادىل،قائىدىلىك رىقابىتىنى تەكىتلىشى كىرەك ئىدىغۇ؟؟ نەخ مەيداندا 10 نومۇر بىرىش شەرىپىگە نائىل بولغان چولپانلىرىمىزمۇ مۇسابىقە قائىدىسىنى بىلمىگەنمىدۇ؟نەدىمۇ يىرىم ھەل قىلغۇچتا شاللىنىپ كەتلەنلەر،يىرىم ھەل قىلغۇچ مۇسابىقەگە كىرىش سالاھىيتىگە ئىرىشەلمىگەنلەر ھەل قىلغۇچ مۇسابىقەگە قاتنىشىدىغان قائىدە بار؟؟؟ مىنى ھەيران قالدۇرغىنى يىڭى ناۋانىڭ مۇشۇ كۈلكىلىك ھەل قىلغۇچ مۇسابىقىسى.ئەسلىدە مۇشۇ كۈلكىلىك قائىدە چىققاندىن كىيىن،ھەل كىلغۇچ مۇسابىقىگە شەرەپ بىلەن كىرگەن ئاۋۇ تۆت ماھىر بۇ ھەل قىلغۇچ مۇسابىقىنى بايقۇت قىلغان بولسا تامامەن بولاتتى،لىكىن ئۇلار ئۇنداق قىلماپتۇ.
مەن بۇ يەردە ھەل قىلغۇچ مۇسابىقەگە قىستۇرلىۋالغان ماھىرلارنىڭ ماھارىتىنى ئۇنداق مۇنداق دىمەكچى ئەمەسمەن،دىمەكچى بولغىنىم مۇسابىقە بولغانكىن مۇسابىقەدەك بولسا،يىڭىلگەنلەر ھەرقانچە تالانتلىق بولاپ كەتسۇن،يىڭىلگىنىگە تەن بىىرىپ يەنە بىر قىتىملىق پۇرسەتنى كۈتسە دىمەكچى،چۈنكى مۇسابىقە دىگەن ئاشۇنداق رەھىمسىز بولىدۇ! كۆرۈپ تۇرۇپتىمىز،بىرازىلىيەدە ئۆتكۈزىلىۋاتقان دۇنيا لوڭقىسى پۇتبول مۇسابىقىسىدىمۇ چىمپىيون بولۇش ئىھتىماللىقى بار دەپ قارالغان ئەنئەنىۋى ماھارىتى،كۈچ،تەسىرى بار كوماندىلار رەھىمسىزلەرچە شاللىنىپ كەتتى،بىز بۇنى مۇسابىقە مەيدانىدىكى رىپىرغىمۇ،شۇ كوماندىنىڭ باش تىرنىرىغىمۇ ئارتتۇق،پۇتبول مەيدانىدىكى ئاشۇ ئەزىمەتلەرنىڭ ئازاپلىق كۆز ياشلىرىغىمۇ گۇۋا بولدۇق،ھەم بولىۋاتىمىز،لىكىن ئۇلار يىڭىلگەندىن كىيىنلا مۇسابىقە مەيدانىدىن خوشلاشتى،يەنە تۆت يىلدىن كىيىنكى مۇسابىقە ئۈچۈن بەل باغلىماقچى بولدى،ھەرگىزمۇ ئاللاقانداق تۇترۇقسىز سەۋەپلەر بىلەن مۇسابىقە مەيدانىغا قايتا كىرىۋالمىدى،بەلكىم سىز مۇشۇ قۇرلارنى ئوقىۋىتىپ ئۇ دىگەن پۇتبول-تەنتەربىيە،بۇ دىگەن سەنئەت-ناخشا مۇسابىقىسى دىيىشىڭىز مومكىن،ئەمما قايسى كەسىپ بولۇشتىن قەتئى نەزەر مۇسابىقە شەكلىنى ئالغانكەن،مۇسابىقە قائىدىسى ئوخشاش بولىدۇ،مۇسابىقە قائىدىسىنى چاكىنالاشتۇرۇش ھەققىڭىز يوق!
لىكىن يىڭى ناۋانىڭ ھەققى باركەن،ھىلىمۇ ياخشى ئۇلار دۇنيا لوڭقىسىدەك كاتتا مۇسابىقەنىڭ تەشكىللىگۈچىسى بولۇپ قالماپتۇ،
|
|