ياڭ زېڭشىننى كىم ئۆلتۈرگەن ؟

elrexid

ﻣﻪﺳﺌﯘﺕ ﺧﺎﻟﯩﺖ

   ﺩﻩﻡ ﺋﯧﻠﯩﺸﻘﺎ ﭼﯩﻘﻘﯩﻨﯩﻤﺪﯨﻦ ﺑﯘﻳﺎﻥ، ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺧﻪﻧﺰﯗ ﺗﯩﻠﯩﺪﺍ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ «ﭘﺎﻳﺪﯨﻠﯩﻨﯩﺶ ﺋﺎﺭﺧﯩﭙﻠﯩﺮﻯ» (档案参考)، «ﻛﻮﻧﺎ ﺧﻪﯞﻩﺭﻟﻪﺭ» (旧闻)، «ﻛﻮﻧﺎ ﺭﻩﺳﯩﻤﻠﻪﺭ» (老照片)، «ﻛﻼﺳﺴﯩﻚ ﻛﻮﻧﺎ ﺧﻪﯞﻩﺭﻟﻪﺭ» (经典旧闻)، «ﻛﻼﺳﺴﯩﻚ ﺋﻪﺳﻠﯩﻤﯩﻠﻪﺭ» (经典回顾) ﻗﺎﺗﺎﺭﻟﯩﻖ ﮔﯧﺰﯨﺘﻠﻪﺭ ﺩﯨﻘﻘﯩﺘﯩﻤﻨﻰ ﺗﻮﻟﯩﺮﺍﻕ ﺗﺎﺭﺗﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ. ﭼﯜﻧﻜﻰ ﺑﯘ ﮔﯧﺰﯨﺘﻠﻪﺭﺩﻩ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﯨﻜﻰ ﻣﯩﻠﻠﯩﻲ ﺋﻮﻗﯘﺭﻣﻪﻧﻠﻪﺭ ﺯﺍﺩﯨﻼ ﺋﺎﯕﻼﭖ ﺑﺎﻗﻤﯩﻐﺎﻥ ﺋﯩﺸﻼﺭ ﺟﯜﻣﻠﯩﺪﯨﻦ ﺟﯘﯕﮕﻮ ﯞﻩ ﺩﯗﻧﻴﺎﻧﯩﯔ ﻳﯧﻘﯩﻨﻘﻰ ﯞﻩ ﮪﺎﺯﯨﺮﻗﻰ ﺯﺍﻣﺎﻥ ﺗﺎﺭﯨﺨﯩﻐﺎ ﺋﺎﺋﯩﺖ ﺧﯩﻠﻤﯘﺧﯩﻞ ﯞﻩﻗﻪﻟﻪﺭ، ﺟﯘﯕﮕﻮ ﯞﻩ ﺩﯗﻧﻴﺎﺩﯨﻜﻰ ﺋﯩﺠﺎﺑﯩﻲ-ﺳﻪﻟﺒﯩﻲ ﺷﻪﺧﺴﻠﻪﺭ ﮪﻪﻗﻘﯩﺪﻩ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ ﺋﯩﺸﻼﺭ… ﻗﺎﺗﺎﺭﻟﯩﻖ ﺗﻮﻟﯩﻤﯘ ﻗﯩﺰﯨﻘﺎﺭﻟﯩﻖ ﻣﺎﻗﺎﻟﯩﻠﻪﺭ، ﺋﻪﺳﻠﯩﻤﯩﻠﻪﺭ ﺋﯧﻼﻥ ﻗﯩﻠﯩﻨﺎﺗﺘﻰ.
  2007-ﻳﯩﻠﯩﻨﯩﯔ ﺋﺎﺧﯩﺮﻗﻰ ﻛﯜﻧﻠﯩﺮﯨﻨﯩﯔ ﺑﯩﺮﻯ، ﻣﻪﻥ «ﻛﻮﻧﺎ ﺧﻪﯞﻩﺭﻟﻪﺭ» ﮔﯧﺰﯨﺘﯩﻨﯩﯔ 2007-ﻳﯩﻠﻰ 12-ﺋﺎﻳﻨﯩﯔ 6-ﻛﯜﻧﯩﺪﯨﻜﻰ ﺳﺎﻧﯩﻐﺎ ﺑﯧﺴﯩﻠﻐﺎﻥ «ﺷﯩﻨﺠﺎﯕﺪﺍ ﻳﯜﺯ ﺑﻪﺭﮔﻪﻥ ‹7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ›» («发生在新疆的七七政变» − ﺗﯚﯞﻩﻧﺪﻩ ﻗﯩﺴﻘﺎﺭﺗﯩﻠﯩﭗ «ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﻧﺎﻣﻠﯩﻖ ﻣﺎﻗﺎﻟﻪ» ﺩﻩﭖ ﺋﯧﻠﯩﻨﯩﺪﯗ) ﺳﻪﺭﻟﻪﯞﮪﯩﻠﯩﻚ ﻣﺎﻗﺎﻟﯩﻨﻰ ﺋﯘﭼﺮﯨﺘﯩﭗ ﺗﻮﻟﯩﻤﯘ ﮪﻪﻳﺮﺍﻥ ﺑﻮﻟﺪﯗﻡ. ﻣﺎﻗﺎﻟﯩﺪﺍ 1911-ﻳﯩﻠﯩﺪﯨﻦ 1928-ﻳﯩﻠﯩﻐﯩﭽﻪ ﺷﯩﻨﺠﺎﯕﻐﺎ ﮪﯚﻛﯜﻣﺮﺍﻧﻠﯩﻖ ﻗﯩﻠﻐﺎﻥ ﻳﺎﯓ ﺯﯦﯖﺸﯩﻨﻨﯩﯔ ﻗﻪﺗﻞ ﻗﯩﻠﯩﻨﯩﺶ ﺋﻪﮪﯟﺍﻟﻰ ﺑﺎﻳﺎﻥ ﻗﯩﻠﯩﻨﻐﺎﻧﯩﺪﻯ. ﺷﯘﻏﯩﻨﯩﺴﻰ، ﺑﯘ ﯞﻩﻗﻪﻧﯩﯔ ﺋﺎﺭﻗﺎ ﻛﯚﺭﯛﻧﯜﺷﻰ، ﭘﯩﻼﻧﻠﯩﻐﯘﭼﯩﺴﻰ، ﺋﯩﺠﺮﺍ ﻗﯩﻠﻐﯘﭼﯩﺴﻰ ﻗﺎﺗﺎﺭﻟﯩﻘﻼﺭ ﻣﻪﻥ ﺑﯘ ﮪﻪﻗﺘﻪ ﺋﯩﻠﮕﯩﺮﻯ ﺋﻮﻗﯘﻏﺎﻥ ﺋﻪﺩﻩﺑﯩﻲ ﯞﻩ ﺗﺎﺭﯨﺨﯩﻲ ﺋﻪﺳﻪﺭﻟﻪﺭﺩﯨﻜﯩﺪﯨﻦ ﺧﯧﻠﯩﻼ ﭘﻪﺭﻗﻠﯩﻨﻪﺗﺘﻰ.
    20-ﺋﻪﺳﯩﺮﻧﯩﯔ ﺋﺎﻟﺪﯨﻨﻘﻰ ﭼﺎﺭﯨﻜﯩﺪﻩ ﺷﯩﻨﺠﺎﯕﻐﺎ ﮪﯚﻛﯜﻣﺮﺍﻧﻠﯩﻖ ﻗﯩﻠﻐﺎﻥ ﻳﺎﯓ ﺯﯦﯖﺸﯩﻨﻨﯩﯔ ﻗﻪﺗﻞ ﻗﯩﻠﯩﻨﯩﺸﻰ 80-ﻳﯩﻠﻼﺭﺩﯨﻦ ﺑﺎﺷﻼﭖ ﺋﯘﻳﻐﯘﺭ ﺗﯩﻠﯩﺪﺍ ﻧﻪﺷﺮ ﻗﯩﻠﯩﻨﻐﺎﻥ ﺋﻪﺩﻩﺑﯩﻲ-ﺗﺎﺭﯨﺨﯩﻲ ﺋﻪﺳﻪﺭﻟﻪﺭﻧﻰ ﺋﻮﻗﯘﭖ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﺋﻮﻗﯘﺭﻣﻪﻧﻠﯩﺮﻯ ﺋﯜﭼﯜﻥ ﻧﺎﺗﻮﻧﯘﺵ ﯞﻩﻗﻪ ﺋﻪﻣﻪﺱ. ﺑﯘ ﯞﻩﻗﻪ ﺋﻪﯓ ﺩﻩﺳﻠﻪﭖ 80-ﻳﯩﻠﻼﺭﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺷﯩﻨﺠﺎﯓ ﺧﻪﻟﻖ ﻧﻪﺷﺮﯨﻴﺎﺗﻰ ﺋﯘﻳﻐﯘﺭ ﺗﻪﮪﺮﯨﺮ ﺑﯚﻟﯜﻣﻰ ﺋﻪﺩﻩﺑﯩﻲ ﺋﯩﺠﺎﺩﯨﻴﻪﺕ ﺋﻪﺳﻪﺭﻟﯩﺮﻯ ﺗﻪﮪﺮﯨﺮﻟﯩﻚ ﺋﯩﺸﺨﺎﻧﯩﺴﻰ ﺗﻪﺭﯨﭙﯩﺪﯨﻦ ﻧﻪﺷﺮ ﻗﯩﻠﯩﻨﻐﺎﻥ ﻗﻪﺭﻩﻟﺴﯩﺰ ﺋﻪﺩﻩﺑﯩﻲ ﮊﯗﺭﻧﺎﻝ − «ﭼﻮﻟﭙﺎﻥ» ﺩﺍ «ﻳﺎﯓ ﺯﯦﯖﺸﯩﻨﻨﯩﯔ ﺋﯚﻟﯜﻣﻰ» ﺩﯦﮕﻪﻥ ﻣﺎﯞﺯﯗ ﺑﯩﻠﻪﻥ ﺋﯧﻼﻥ ﻗﯩﻠﯩﻨﻐﺎﻥ (ﺋﯧﺴﯩﻤﺪﻩ ﻗﯧﻠﯩﺸﯩﭽﻪ، ﮊﯗﺭﻧﺎﻟﻐﺎ ﻳﺎﺯﻏﯘﭼﻰ ﺋﺎﺑﺪﯗﺭﯦﮭﯩﻢ ﺋﯚﺗﻜﯜﺭﻧﯩﯔ «ﺋﻮﻳﻐﺎﻧﻐﺎﻥ ﺯﯦﻤﯩﻦ» ﺭﻭﻣﺎﻧﯩﺪﯨﻦ ﭘﺎﺭﭼﻪ ﺑﯧﺮﯨﻠﮕﻪﻥ). ﺋﻪﺳﻪﺭﺩﻩ «ﺋﯜﺭﯛﻣﭽﻰ ﯞﯨﻼﻳﯩﺘﯩﻨﯩﯔ ﯞﺍﻟﯩﻴﺴﻰ، ﻗﻮﺷﯘﻣﭽﻪ ﺟﺎﯕﺠﯘﯓ ﻳﺎﻣﯘﻟﯩﻨﯩﯔ ﮪﻪﺭﺑﯩﻲ ﯞﻩ ﺧﺎﺭﺟﻰ ﺋﯩﺸﻼﺭ ﻣﻪﮪﻜﯩﻤﻪ ﺑﺎﺷﻠﯩﻘﻰ (ﺋﻪﺳﻪﺭﺩﻩ ﺷﯘﻧﺪﺍﻕ ﺋﯧﻠﯩﻨﻐﺎﻥ) ﻓﻪﻥ ﻳﺎﯞﻧﻪﻧﻨﯩﯔ ﺋﺎﻟﺪﯨﻨﺌﺎﻻ ﭘﯩﻼﻧﻼﺵ ﺋﺎﺭﻗﯩﻠﯩﻖ ﻳﺎﯓ ﺯﯦﯖﺸﯩﻨﻨﻰ ﺋﯚﻟﺘﯜﺭﯛﺭﯛﭖ، ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﭘﻪﻳﺪﺍ ﻗﯩﻠﻐﺎﻧﻠﯩﻘﻰ، ﺗﻪﻟﯩﻴﻰ ﺋﻮﯕﺪﯨﻦ ﻛﯧﻠﯩﭗ ﺗﺎﺳﺎﺩﯨﭙﯩﻲ ﮪﺎﻟﺪﺍ ﺗﻪﻳﻴﺎﺭﻏﺎ ﮪﻪﻳﻴﺎﺭ ﺑﻮﻟﻐﺎﻥ ﻣﻪﻣﯘﺭﯨﻲ ﺋﯩﺸﻼﺭ ﻧﺎﺯﯨﺮﻯ ﺟﯩﻦ ﺷﯘﺭﯦﻨﻨﯩﯔ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻨﻰ ﺑﯚﺷﯜﻛﯩﺪﯨﻼ ﻳﯩﻐﯩﺸﺘﯘﺭﯗﭖ ﺷﯩﻨﺠﺎﯓ ﺋﯚﻟﻜﯩﻠﯩﻚ ﮪﯚﻛﯜﻣﻪﺗﻨﯩﯔ ﯞﺍﻗﯩﺘﻠﯩﻖ ﺭﻩﺋﯩﺴﻰ ﯞﻩ ﻗﻮﻣﺎﻧﺪﺍﻧﻰ ﺑﻮﻟﯘﯞﺍﻟﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ. ﺋﻪﺳﻪﺭﺩﻩ ﻳﻪﻧﻪ ﻓﻪﻥ ﻳﺎﯞﻧﻪﻧﻨﯩﯔ ﺋﯩﻠﻐﺎﺭ ﭘﯩﻜﯩﺮﻟﯩﻚ ﺗﻪﺭﻩﻗﻘﯩﻴﭙﻪﺭﯞﻩﺭ ﺯﺍﺕ ﺋﯩﻜﻪﻧﻠﯩﻜﻰ، ﺋﯘﻧﯩﯔ ﺋﯩﻠﻐﺎﺭ ﺋﯩﺪﯨﻴﻪﺳﯩﻨﯩﯔ ﻳﺎﯓ ﺯﯦﯖﺸﯩﻨﻨﯩﯔ ﻣﯘﺳﺘﻪﺑﯩﺖ ﯞﻩ ﻗﺎﻻﻕ ﺋﯩﺪﯨﻴﻪﺳﻰ ﺑﯩﻠﻪﻥ ﺯﺍﺩﯨﻼ ﺳﯩﻐﯩﺸﺎﻟﻤﯩﻐﺎﻧﻠﯩﻘﻰ ﺳﯚﺯﻟﻪﻧﮕﻪﻥ. ﺑﯘ ﺋﯘﻧﯩﯔ «ﺷﯩﻨﺠﺎﯕﻐﺎ ﺟﯘﻣﮭﯘﺭﯨﻴﻪﺕ ﻧﯘﺭﻯ ﻳﯧﺘﯩﭗ ﻛﻪﻟﻤﻪﭘﺘﯘ. ﻣﺎﻧﺠﯘ ﺧﺎﻥ ﺋﺎﻏﺪﯗﺭﯗﻟﻐﺎﻥ ﺑﯩﻠﻪﻥ ﺋﯘﻧﯩﯔ ﺧﯘﻧﯜﻙ ﺋﻪﺭﯞﺍﮪﻰ ﺷﯩﻨﺠﺎﯕﻨﻰ ﻗﺎﺭﺍﯕﻐﯘ ﺟﺎﯕﮕﺎﻟﻐﺎ ﺋﺎﻳﻼﻧﺪﯗﺭﯗﭖ ﻗﻮﻳﯘﭘﺘﯘ. ﺑﯘ ﻳﻪﺭﺩﻩ ﻧﻪ ﻣﺎﺋﺎﺭﯨﭗ، ﻧﻪ ﻣﻪﺩﻩﻧﯩﻴﻪﺕ، ﻧﻪ ﺧﻪﻟﻘﭽﯩﻠﻠﯩﻘﻨﯩﯔ ﻗﯩﻠﭽﻪ ﺋﻪﺳﯩﺮﻯ ﻳﻮﻕ ﺋﯩﻜﻪﻥ. ﺋﯩﭽﻜﯩﺮﯨﺪﯨﻦ ﭼﯩﻘﻘﺎﻥ ﺋﻪﻣﻪﻟﺪﺍﺭﻻﺭ ﺷﯩﻨﺠﺎﯕﻐﺎ ﭼﯚﻧﺘﻪﻙ ﺗﻮﺷﻘﯘﺯﯗﺷﻘﯩﻼ ﻛﯧﻠﯩﺪﯨﻜﻪﻥ. ﺋﯘﻻﺭ ﺧﯘﺩﺩﻯ ﺩﯦﮭﻘﺎﻧﻼﺭﻧﯩﯔ ﺗﯧﺮﯨﻠﻐﯘ ﯞﻩ ﺑﺎﻏﯟﺍﺭﺍﻧﻠﯩﺮﯨﻨﻰ ﯞﻩﻳﺮﺍﻥ ﻗﯩﻠﯩﭗ، ﻗﻮﺭﺳﯩﻘﻰ ﺗﻮﻳﻐﺎﻧﺪﯨﻦ ﻛﯧﻴﯩﻦ ﻗﻮﻣﯘﺷﻠﯘﻗﻘﺎ ﻛﯩﺮﯨﭗ ﻛﯧﺘﯩﺪﯨﻐﺎﻥ ﻳﺎﯞﺍ ﺗﻮﯕﮕﯘﺯﻻﺭﻏﺎ ﺋﻮﺧﺸﺎﻳﺪﯨﻜﻪﻥ» ﺩﯦﮕﻪﻥ ﺳﯚﺯﻟﯩﺮﯨﺪﻩ ﺋﯩﭙﺎﺩﯨﻠﯩﻨﯩﺪﯗ.①

ﻓﻪﻥ ﻳﺎﯞﻧﻪﻧﻨﯩﯔ ﻳﺎﯓ ﺷﯧﯖﺸﯩﻨﻨﻰ ﻳﻮﻗﯩﺘﯩﭗ ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﻗﯩﻠﻤﺎﻗﭽﻰ ﺑﻮﻟﻐﺎﻧﻠﯩﻘﯩﻐﺎ ﺋﺎﺋﯩﺖ ﻣﻪﺯﻣﯘﻧﻼﺭ ﺑﯘﺭﮪﺎﻥ ﺷﻪﮪﯩﺪﯨﻨﯩﯔ «ﺷﯩﻨﺠﺎﯕﻨﯩﯔ 50 ﻳﯩﻠﻰ» ﺩﯦﮕﻪﻥ ﻳﯩﺮﯨﻚ ﺋﻪﺳﻠﯩﻤﯩﺴﯩﺪﯨﻤﯘ ﺋﯘﭼﺮﺍﻳﺪﯗ. ﺑﯘ ﺋﻪﺳﯩﻠﯩﻤﯩﺪﯨﻤﯘ ﻳﺎﯓ ﺯﯦﯖﺸﯩﻨﻨﯩﯔ ﺋﯩﺴﺘﯩﺒﺪﺍﺗﻠﯩﻘﻰ، ﺯﺍﻟﯩﻤﻠﯩﻘﻰ، ﺧﻪﻟﻘﻨﻰ ﻧﺎﺩﺍﻧﻼﺷﺘﯘﺭﯗﺵ ﺋﺎﺭﻗﯩﻠﯩﻖ ﺟﻪﻣﺌﯩﻴﻪﺗﻨﻰ ﺋﻪﻣﯩﻦ ﺗﯘﺗﯘﺷﻘﺎ ﺋﯘﺭﯗﻧﻐﺎﻧﻠﯩﻘﻰ، ﺋﯩﻠﻐﺎﺭ ﺋﯩﺪﯨﻴﻪﻧﻰ، ﺗﻪﺭﻩﻗﻘﯩﻴﭙﻪﺭﯞﻩﺭ ﻛﯩﺸﯩﻠﻪﺭﻧﻰ ﺑﺎﺳﯩﺪﯨﻐﺎﻧﻠﯩﻘﻰ، ﭼﻪﻛﻠﻪﻳﺪﯨﻐﺎﻧﻠﯩﻘﻰ، ﺷﯘ ﺗﯜﭘﻪﻳﻠﻰ ﻓﻪﻥ ﻳﺎﯞﻧﻪﻥ ﺑﺎﺷﭽﯩﻠﯩﻘﯩﺪﺍ ﻣﯘﯞﻩﭘﭙﯩﻴﻪﺗﺴﯩﺰ ﺑﻮﻟﻐﺎﻥ 7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ ﺑﺎﺭﻟﯩﻘﻘﺎ ﻛﻪﻟﮕﻪﻧﻠﯩﻜﻰ ﺳﯚﺯﻟﯩﻨﯩﺪﯗ.

ﻳﯘﻗﯩﺮﯨﻘﻰ ﻣﻪﺯﻣﯘﻧﻼﺭ ﺑﯘ ﺋﯩﻜﻜﻰ ﻛﯩﺘﺎﺑﺘﯩﻼ ﺋﻪﻣﻪﺱ، ﺳﻪﻳﭙﯩﺪﯨﻦ ﺋﻪﺯﯨﺰﯨﻨﯩﯔ «ﺋﯚﻣﯜﺭ ﺩﺍﺳﺘﺎﻧﻠﯩﺮﻯ» ﻧﺎﻣﻠﯩﻖ ﺋﻪﺳﻠﯩﻤﯩﺴﯩﻨﯩﯔ 1-ﻛﯩﺘﺎﺑﻰ «ﺯﯗﻟﯘﻡ ﺯﯨﻨﺪﺍﻧﻠﯩﺮﯨﺪﺍ»، ﻟﻴﯘ ﺯﯨﺸﻴﺎﯞ ﻳﺎﺯﻏﺎﻥ «ﺋﯘﻳﻐﯘﺭ ﺗﺎﺭﯨﺨﻰ» (ﺋﯩﻜﻜﯩﻨﭽﻰ ﻗﯩﺴﯩﻢ ‹2›)، ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﻪﺳﻰ ﺗﻪﺭﯨﭙﯩﺪﯨﻦ ﺗﯜﺯﯛﻟﮕﻪﻥ «ﺷﯩﻨﺠﺎﯕﻨﯩﯔ ﻗﯩﺴﻘﯩﭽﻪ ﺗﺎﺭﯨﺨﻰ» (3)… ﻗﺎﺗﺎﺭﻟﯩﻖ ﻛﯩﺘﺎﺑﻼﺭﺩﯨﻤﯘ ﺋﯘﭼﺮﺍﻳﺪﯗ. ﻟﯧﻜﯩﻦ ﮪﻪﻣﻤﯩﺴﯩﺪﯨﻼ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻨﻰ ﻓﻪﻥ ﻳﺎﯞﻧﻪﻧﻨﯩﯔ ﭘﯩﻼﻧﻠﯩﻐﺎﻧﻠﯩﻘﻰ، ﺩﯨﺨﯘﺍ ﺭﯗﺳﭽﻪ ﻗﺎﻧﯘﻥ-ﺳﯩﻴﺎﺳﯩﻲ ﻣﻪﻛﺘﯩﭙﯩﻨﯩﯔ ﺋﯩﻠﻤﯩﻲ ﻣﯘﺩﯨﺮﻯ ﺟﺎﯓ ﭼﯜﻧﺸﯩﻨﯩﯔ ﺑﯘ ﺋﯩﺸﺘﺎ ﻓﻪﻥ ﻳﺎﯞﻧﻪﻧﮕﻪ ﮪﻪﻣﻜﺎﺭﻻﺷﻘﺎﻧﻠﯩﻘﻰ… ﻗﻪﻳﺖ ﻗﯩﻠﯩﻨﯩﺪﯗ. ﺑﻪﺯﻯ ﻛﯩﺘﺎﺑﻼﺭﺩﺍ ﮪﻪﺗﺘﺎ «ﻓﻪﻥ ﻳﺎﯞﻧﻪﻧﻨﯩﯔ ﻛﯚﺭﺳﻪﺗﻤﯩﺴﻰ ﺑﻮﻳﯩﭽﻪ ﺯﯨﻴﺎﭘﻪﺕ ﺋﻪﻣﺪﻯ ﺑﺎﺷﻼﻧﻐﺎﻥ ﭼﺎﻏﺪﺍ ﺋﯘﻧﯩﯔ ﺑﯩﺮ ﺋﺎﺩﯨﻤﻰ ﻳﺎﯓ ﺯﯦﯖﺸﯩﻨﻐﺎ ﺋﻮﻕ ﭼﯩﻘﺎﺭﻏﺎﻧﻠﯩﻘﻰ، ﺷﯘﻧﯩﯖﺪﯨﻦ ﻛﯧﻴﯩﻦ ﺑﯩﺮﻧﻪﭼﭽﻪ ﺋﺎﺩﻩﻡ ﺋﯘﻧﯩﯖﻐﺎ ﺩﺍﯞﺍﻣﻠﯩﻖ ﺋﻮﻕ ﺋﺎﺗﻘﺎﻧﻠﯩﻘﻰ، ﻳﯩﻘﯩﻠﯩﭗ ﺋﯚﻟﮕﻪﻥ ﻳﺎﯓ ﺯﯦﯖﺸﯩﻨﻨﻰ ﺋﯚﻟﻤﻪﻱ ﻗﺎﻟﻤﯩﺴﯘﻥ ﺩﻩﭖ ﻓﻪﻥ ﻳﺎﯞﻧﻪﻧﻨﯩﯔ ﺋﯚﺯﻯ ﺗﯚﭘﯩﻠﻪﭖ ﺋﯩﻜﻜﻰ ﭘﺎﻱ ﺋﻮﻕ ﺋﺎﺗﻘﺎﻧﻠﯩﻘﻰ»② ﺳﯚﺯﻟﯩﻨﯩﺪﯗ.

ﻗﯩﺴﻘﯩﺴﻰ، ﻳﯘﻗﯩﺮﯨﻘﻰ ﻛﯩﺘﺎﺑﻼﺭﻧﯩﯔ ﮪﻪﻣﻤﯩﺴﯩﺪﯨﻼ ﺋﯩﻠﻐﺎﺭ ﭘﯩﻜﯩﺮﻟﯩﻚ ﻓﻪﻥ ﻳﺎﯞﻧﻪﻧﻨﯩﯔ ﻣﯘﺳﺘﻪﺑﯩﺖ ﻳﺎﯓ ﺯﯦﯖﺸﯩﻦ ﺑﯩﻠﻪﻥ ﭼﯩﻘﯩﺸﺎﻟﻤﯩﻐﺎﻧﻠﯩﻘﻰ، ﻓﻪﻥ ﻳﺎﯞﻧﻪﻥ ﺷﯩﻨﺠﺎﯕﺪﺍ ﺋﯩﺴﻼﮪﺎﺕ ﺋﯧﻠﯩﭗ ﺑﯧﺮﯨﭗ ﺧﻪﻟﻘﻨﻰ ﺑﻪﺧﺘﻜﻪ ﺋﯧﺮﯨﺸﺘﯜﺭﯛﺵ ﺋﯜﭼﯜﻥ ﻳﺎﯓ ﺯﯦﯖﺸﯩﻨﻨﻰ ﻳﻮﻗﯩﺘﯩﭗ ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﻗﻮﺯﻏﺎﺷﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﻣﻪﺯﻣﯘﻥ ﺗﯜﺭﻟﯜﻙ ﺷﻪﻛﯩﻠﻠﻪﺭﺩﻩ ﺑﺎﻳﺎﻥ ﻗﯩﻠﯩﻨﯩﺪﯗ. ﺧﯘﻻﺳﻪ ﻛﺎﻻﻡ، ﻣﻪﻣﻠﯩﻜﯩﺘﯩﻤﯩﺰﻧﯩﯔ ﺋﯩﭽﻰ-ﺳﯩﺮﺗﯩﺪﯨﻜﻰ ﺋﯘﻳﻐﯘﺭ ﺋﻮﻗﯘﺭﻣﻪﻧﻠﯩﺮﻯ ﺑﯘ ﯞﻩﻗﻪﻧﯩﯔ ﺗﯧﮕﻰ-ﺗﻪﻛﺘﯩﺪﯨﻦ ﺷﯘﻧﭽﯩﻠﯩﻜﻼ ﺧﻪﯞﻩﺭﺩﺍﺭ، ﺧﺎﻻﺱ.

ﺷﯘﻧﻰ ﺗﻪﻛﯩﺘﻠﻪﺵ ﺯﯙﺭﯛﺭﻛﻰ، ﻣﻪﻥ ﻳﯘﻗﯩﺮﯨﺪﺍ ﻧﺎﻣﻰ ﺗﯩﻠﻐﺎ ﺋﯧﻠﯩﻨﻐﺎﻥ ﻧﻮﭘﯘﺯﻟﯘﻕ ﻛﯩﺘﺎﺑﻼﺭﺩﯨﻦ ﻗﯘﺳﯘﺭ ﺗﺎﭘﻤﺎﻗﭽﻰ ﺋﻪﻣﻪﺱ. ﻣﯧﻨﻰ ﺗﻪﺋﻪﺟﺠﯜﭘﻜﻪ ﺳﺎﻟﻐﯩﻨﻰ ﺷﯜﻛﻰ «ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﻧﺎﻣﻠﯩﻖ ﻣﺎﻗﺎﻟﯩﺪﻩ ﻓﻪﻥ ﻳﺎﯞﻧﻪﻧﻨﯩﯔ ﺑﯘ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﺘﯩﻦ ﻗﯩﻠﭽﻪ ﺧﻪﯞﯨﺮﯨﻨﯩﯔ ﻳﻮﻗﻠﯘﻗﻰ، ﺋﻪﻣﻪﻟﯩﻴﻪﺗﺘﻪ ﻳﺎﯓ ﺯﯦﯖﺸﯩﻨﻨﯩﯔ ﺋﯘﻧﻰ ﺋﻪﺗﯩﯟﺍﺭﻻﭖ ﺋﯩﺸﻠﻪﺗﻜﻪﻧﻠﯩﻜﻰ ﮪﻪﺗﺘﺎ ﺋﯚﺯﯨﻨﯩﯔ ﺋﯩﺰﺑﺎﺳﺎﺭﻯ ﻗﯩﻠﯩﺶ ﺋﯧﮭﺘﯩﻤﺎﻟﯩﻤﯘ ﺑﻮﻟﻐﺎﻧﻠﯩﻘﻰ.

ﻣﺎﻗﺎﻟﯩﺪﺍ ﻣﯘﻧﺪﺍﻕ ﺩﯦﻴﯩﻠﮕﻪﻥ: «ﻓﻪﻥ ﻳﺎﯞﻧﻪﻥ ﻳﺎﺭﯨﻼﻧﻤﯩﻐﺎﻥ ﺑﻮﻟﺴﯩﻤﯘ، ﺗﻮﺳﺎﺗﺘﯩﻦ ﭘﻪﻳﺪﺍ ﺑﻮﻟﻐﺎﻥ ﺋﯚﺯﮔﯩﺮﯨﺸﻠﻪﺭﺩﯨﻦ ﺋﯧﺴﯩﻨﻰ ﻳﻮﻗﯩﺘﯩﭗ ﻧﯧﻤﻪ ﻗﯩﻼﺭﯨﻨﻰ ﺑﯩﻠﻪﻟﻤﻪﻱ ﻗﺎﻟﺪﻯ. ﺋﯘ ﺋﯧﺴﯩﻨﻰ ﻳﯩﻐﻘﺎﻧﺪﺍ ﻣﯘﮪﺎﭘﯩﺰﻩﺗﭽﯩﻠﻪﺭﻧﯩﯔ ﺗﻪﯕﺪﯨﻦ ﺗﻮﻟﯩﺴﻰ ﻗﯧﭽﯩﭗ ﻛﯧﺘﯩﭗ، ﺗﯚﺕ-ﺑﻪﺷﻼ ﺋﺎﺩﻩﻡ ﻗﺎﻟﻐﺎﻧﯩﺪﻯ. ﻓﻪﻥ ﻳﺎﯞﻧﻪﻥ ﮪﻪﺭﮪﺎﻟﺪﺍ ﮪﻪﺭﺑﯩﻲ ﺋﯩﺸﻼﺭ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﺑﻮﻟﻐﺎﭼﻘﺎ، ﻗﯧﭙﻘﺎﻟﻐﺎﻥ ﻣﯘﮪﺎﭘﯩﺰﻩﺗﭽﯩﻠﻪﺭﻧﻰ ﻗﻮﺭﺍﻟﻼﻧﺪﯗﺭﯗﭖ ﻧﻪﻕ ﻣﻪﻳﺪﺍﻧﻨﻰ ﻗﻮﻏﺪﺍﺷﻘﺎ ﺑﺎﺷﻠﯩﺪﻯ…»

ﻣﺎﻗﺎﻟﯩﺪﺍ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﯩﺪﯗ: «ﻓﻪﻥ ﻳﺎﯞﻧﻪﻥ ﺋﯩﻜﻜﻰ ﺋﺎﺩﻩﻣﻨﻰ ﻧﻪﻕ ﻣﻪﻳﺪﺍﻧﻨﻰ ﺳﺎﻗﻼﺷﻘﺎﻥ ﻗﺎﻟﺪﯗﺭﺩﻯ-ﺩﻩ، ﻗﺎﻟﻐﺎﻧﻼﺭﻧﻰ ﺑﺎﺷﻼﭖ ﺟﯩﻦ ﺷﯘﺭﯦﻦ ﺑﯩﻠﻪﻥ ﻛﯧﻴﯩﻨﻜﻰ ﺋﯩﺸﻼﺭﻧﻰ ﻣﻪﺳﻠﯩﮭﻪﺗﻠﯩﺸﯩﺶ ﺋﯜﭼﯜﻥ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﻗﺎﺭﺍﭖ ﻳﯜﮔﯜﺭﺩﻯ. ﺑﯘ ﭼﺎﻏﺪﺍ ﺟﯩﻦ ﺷﯘﺭﯦﻦ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﺋﯩﻜﻜﻰ ﺑﺎﺗﺎﻟﻴﻮﻥ ﺋﻪﺳﻜﻪﺭ ﺋﻮﺭﯗﻧﻼﺷﺘﯘﺭﻏﺎﻧﯩﺪﻯ. ﻓﻪﻥ ﻳﺎﯞﻧﻪﻥ ﺋﯘ ﻳﻪﺭﮔﻪ ﺑﺎﺭﺳﺎ ﻗﻮﻟﻐﺎ ﭼﯜﺷﻤﻪﻱ ﻗﺎﻟﻤﺎﻳﺘﺘﻰ.»

ﻣﺎﻗﺎﻟﯩﺪﻩ ﻳﻪﻧﻪ ﻓﻪﻥ ﻳﺎﯞﻧﻪﻧﻨﯩﯔ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﺑﯧﺮﯨﭗ ﺟﯩﻦ ﺷﯘﺭﯦﻨﻨﻰ ﺗﺎﭘﺎﻟﻤﯩﻐﺎﻧﻠﯩﻘﻰ ﻣﻪﮪﻜﯩﻤﻪ ﻗﻮﺭﯗﺳﯩﺪﺍ ﺟﯩﻦ ﺷﯘﺭﯦﻨﻨﻰ ﭼﺎﻗﯩﺮﯨﭗ ﺗﻮﯞﻟﯩﻐﺎﻧﻠﯩﻘﻰ، ﺋﯘﻧﯩﯖﻐﺎ ﮪﯧﭽﻜﯩﻢ ﺟﺎﯞﺍﺏ ﺑﻪﺭﻣﯩﮕﻪﻧﻠﯩﻜﻰ، ﻟﯧﻜﯩﻦ ﺋﯘ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﻛﯩﺮﯨﺸﯩﮕﯩﻼ ﺟﯩﻦ ﺷﯘﺭﯦﻨﻨﯩﯔ ﺋﺎﺩﻩﻣﻠﯩﺮﻯ ﺋﯩﺸﯩﻜﻨﻰ ﺋﯩﭽﯩﺪﯨﻦ ﻗﯘﻟﯘﭘﻠﯩﯟﺍﻟﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ.

ﺷﯘ ﺋﻪﺳﻨﺎﺩﺍ ﺟﯩﻦ ﺷﯘﺭﯦﻦ ﭘﻪﻳﺪﺍ ﺑﻮﻟﯘﭖ، ﻓﻪﻥ ﻳﺎﯞﻧﻪﻧﻨﻰ ﺳﻮﺭﺍﻗﻘﺎ ﺗﺎﺭﺗﯩﺪﯗ. ﻓﻪﻥ ﻳﺎﯞﻧﻪﻥ ﮔﻪﺭﭼﻪ ﮔﯘﻣﺎﻧﻠﯩﻖ ﺋﯩﺶ-ﮪﻪﺭﯨﻜﻪﺗﺘﻪ ﺑﻮﻟﻤﯩﻐﺎﻥ، ﺟﯩﻦ ﺷﯘﺭﯦﻨﻨﯩﯔ ﺳﻮﺭﺍﻗﻠﯩﺮﯨﻐﺎ ﺋﻮﺭﯗﻧﻠﯘﻕ ﺟﺎﯞﺍﺏ ﺑﻪﺭﮔﻪﻥ ﺑﻮﻟﺴﯩﻤﯘ، ﺟﯩﻦ ﺷﯘﺭﯦﻦ ﻗﺎﻳﯩﻞ ﺑﻮﻟﻤﺎﻱ ﺋﯘﻧﻰ ﻗﻮﻟﻐﺎ ﺋﺎﻟﯩﺪﯗ. ﻓﻪﻥ ﻳﺎﯞﻧﻪﻥ ﻗﺎﺗﺘﯩﻖ ﻗﯩﻴﯩﻦ-ﻗﯩﺴﺘﺎﻗﻘﺎ ﺋﯘﭼﺮﺍﻳﺪﯗ، ﺋﺎﺧﯩﺮﯨﺪﺍ ﺟﯩﻦ ﺷﯘﺭﯦﻦ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﯩﺪﯗ.

ﻣﺎﻗﺎﻟﯩﻨﯩﯔ ﻣﻪﺯﻣﯘﻧﯩﺪﯨﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﻓﻪﻥ ﻳﺎﯞﻧﻪﻥ ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﻗﻮﺯﻏﺎﺵ ﻗﻪﺳﺘﯩﺪﻩ ﺑﻮﻟﻤﺎﺳﺘﯩﻦ ﻳﺎﯓ ﺯﯦﯖﺸﯩﻦ ﺑﯩﻠﻪﻥ ﺋﻪﭖ ﺋﯚﺗﻜﻪﻥ. ﻳﺎﯓ ﺯﯦﯖﺸﯩﻦ ﺋﯘﻧﻰ ﺋﻪﺗﯩﯟﺍﺭﻻﭖ ﺋﯩﺸﻠﯩﺘﯩﭗ، ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﮪﻪﺭﺑﯩﻲ ﺋﯩﺸﻼﺭ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻟﯩﻘﯩﻐﺎ، ﮪﯚﻛﯜﻣﻪﺕ ﺋﻪﺯﺍﻟﯩﻘﯩﻐﺎ ﮪﻪﻣﺪﻩ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻘﻰ ﺷﯩﻨﺠﺎﯕﺪﺍ ﺗﯘﺭﯗﺷﻠﯘﻕ ﻣﻪﮪﻜﯩﻤﯩﺴﯩﻨﯩﯔ ﺋﺎﻻﮪﯩﺪﻩ ﺧﺎﺩﯨﻤﻠﯩﻘﯩﻐﺎ ﺗﻪﻳﯩﻨﻠﯩﮕﻪﻥ.

ﺧﻮﺵ، ﺋﻪﻣﯩﺴﻪ ﺑﯘ ﯞﻩﻗﻪﻧﻰ ﻛﯩﻢ ﭘﻪﻳﺪﺍ ﻗﯩﻠﺪﻯ؟ ﺋﯘﻧﯩﯔ ﻳﯩﻠﺘﯩﺰﻯ ﺯﺍﺩﻯ ﻧﻪﺩﻩ؟ ﻣﺎﻗﺎﻟﯩﺪﺍ «7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ» ﻧﯩﯔ ﺷﯩﻨﺠﺎﯕﺪﯨﻜﻰ ﻛﯩﺸﯩﻠﻪﺭ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻧﻠﻪﻱ ﺳﯩﺮﺕ ﺋﯚﻟﻜﯩﻠﻪﺭﺩﯨﻜﻰ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﭘﯩﻼﻧﻼﻧﻐﺎﻥ ﮪﻪﺭﯨﻜﻪﺕ ﺋﯩﻜﻪﻧﻠﯩﻜﻰ ﺳﯚﺯﻟﯩﻨﯩﺪﯗ. ﻣﺎﻗﺎﻟﯩﺪﻩ ﻣﯘﻧﺪﺍﻕ ﺩﯦﻴﯩﻠﯩﺪﯗ: «ﺷﯩﻨﺠﺎﯕﺪﺍ ‹7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ› ﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﻰ ﻗﺎﺭﯨﻤﺎﻗﻘﺎ ﺟﯩﻦ ﺷﯘﺭﯦﻦ ﺷﯩﻨﺠﺎﯕﻨﯩﯔ ﺋﺎﺳﺎﺳﻠﯩﻖ ﮪﻮﻗﯘﻗﯩﻨﻰ ﻗﻮﻟﻐﺎ ﻛﯩﺮﮔﯜﺯﯛﺵ ﺋﯜﭼﯜﻥ ﭘﯩﻼﻧﻠﯩﻐﺎﻥ ﺋﯩﺸﺘﻪﻙ ﺑﯩﻠﯩﻨﯩﺪﯗ. ﺋﻪﻣﻪﻟﯩﻴﻪﺗﺘﻪ ﺑﯘ ﯞﻩﻗﻪﻧﯩﯔ ﻛﻪﻳﻨﯩﮕﻪ ﮪﻪﺭﻗﺎﻳﺴﻰ ﮔﯘﺭﯗﮪ ﻣﯩﻠﻠﯩﺘﺎﺭﯨﺴﺘﻠﯩﺮﯨﻨﯩﯔ ﺷﯩﻨﺠﺎﯕﻨﻰ ﺗﯩﺰﮔﯩﻨﻠﻪﺵ ﮪﻮﻗﯘﻗﯩﻨﻰ ﻗﻮﻟﻐﺎ ﻛﯩﺮﮔﯜﺯﯛﺵ ﻳﻮﻟﯩﺪﯨﻜﻰ ﺗﯜﺭﻟﯜﻙ ﺯﯨﺪﺩﯨﻴﻪﺗﻠﯩﺮﻯ ﻳﻮﺷﯘﺭﯗﻧﻐﺎﻥ.» ﻣﺎﻗﺎﻟﯩﺪﻩ ﺋﯧﻴﺘﯩﻠﯩﺸﯩﭽﻪ، ﮔﻮﻣﯩﻨﺪﺍﯓ 2-ﮔﯘﺭﯗﭘﭙﯩﯟﻭﻱ ﺋﺎﺭﻣﯩﻴﯩﺴﯩﻨﯩﯔ ﺑﺎﺵ ﻗﻮﻣﺎﻧﺪﺍﻧﻰ، ﻏﻪﺭﺑﯩﻲ ﺷﯩﻤﺎﻝ ﭼﯧﮕﺮﺍ ﻣﯘﺩﺍﭘﯩﺌﻪ ﺩﯗﺑﻪﻧﻰ ﻓﯧﯔ ﻳﯜﺷﻴﺎﯓ ﺷﯩﻨﺠﺎﯕﻐﺎ ﺧﯧﻠﻰ ﺑﯘﺭﯗﻧﻼ ﻛﯚﺯ ﺗﯩﻜﯩﺪﯗ، ﺟﯜﻣﻠﯩﺪﯨﻦ ﻳﺎﯓ ﺯﯦﯖﺸﯩﻨﻨﻰ ﻳﻮﺷﯘﺭﯗﻥ ﻳﻮﻗﯩﺘﯩﭗ ﺷﯩﻨﺠﺎﯕﻨﻰ ﺋﯚﺯﯨﻨﯩﯔ ﮪﻮﻗﯘﻕ ﺩﺍﺋﯩﺮﯨﺴﻰ ﺋﯩﭽﯩﮕﻪ ﻛﯩﺮﮔﯜﺯﯛﺵ ﻗﻪﺳﺘﯩﺪﻩ ﺑﻮﻟﯩﺪﯗ. ﺋﯘ ﺷﯘ ﻣﻪﻗﺴﻪﺗﺘﻪ 1923-ﻳﯩﻠﯩﻼ ﻳﻮﺷﯘﺭﯗﻥ ﮪﻪﺭﯨﻜﻪﺕ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺷﯩﻨﺠﺎﯕﻐﺎ ﺋﺎﺩﻩﻡ ﻛﯩﺮﮔﯜﺯﯨﺪﯗ. 1928-ﻳﯩﻠﻰ 2-ﺋﺎﻳﺪﺍ ﺷﯩﻨﺠﺎﯕﻐﺎ ﺋﻪﯞﻩﺗﻜﻪﻥ ﺋﯩﻜﻜﻰ ﺋﺎﺩﯨﻤﯩﻨﯩﯔ ﻳﺎﯓ ﺯﯦﯖﺸﯩﻨﻨﯩﯔ ﻗﻮﻟﯩﻐﺎ ﭼﯜﺷﯜﭖ ﺋﯧﭽﯩﻨﺎﺭﻟﯩﻖ ﺋﻪﮪﯟﺍﻟﻐﺎ ﻗﺎﻟﻐﺎﻧﻠﯩﻘﻰ، ﺋﯘﻻﺭﻧﯩﯔ ﺑﯩﺮﯨﻨﯩﯔ ﺋﯚﻟﯜﭖ، ﺑﯩﺮﯨﻨﯩﯔ ﺷﯩﻨﺠﺎﯕﺪﯨﻦ ﻗﻮﻏﻼﻧﻐﺎﻧﻠﯩﻘﻰ③ ﻓﯧﯔ ﻳﯜﺷﻴﺎﯕﻨﯩﯔ ﻳﺎﯓ ﺯﯦﯖﺸﯩﻨﻨﻰ ﻳﻮﻗﯩﺘﯩﺸﺘﯩﻜﻰ ﺋﺎﺳﺎﺳﻠﯩﻖ ﺑﺎﮪﺎﻧﯩﺴﻰ ﺑﻮﻟﯘﭖ ﻗﺎﻟﯩﺪﯗ. ﻧﻪﺗﯩﺠﯩﺪﻩ، ﻓﯧﯔ ﻳﯜﺷﻴﺎﯕﻨﯩﯔ ﺷﯩﻨﺠﺎﯕﻐﺎ ﻳﻮﺷﯘﺭﯗﻥ ﻛﯩﺮﮔﯜﺯﮔﻪﻥ ﺋﺎﺩﯨﻤﻰ، ﺩﯨﺨﯘﺍ ﺭﯗﺳﭽﻪ ﻗﺎﻧﯘﻥ-ﺳﯩﻴﺎﺳﯩﻲ ﻣﻪﻛﺘﯩﭙﯩﻨﯩﯔ ﺋﯩﻠﻤﯩﻲ ﻣﯘﺩﯨﺮﻯ ﺟﺎﯓ ﭼﯜﻧﺸﻰ ﻳﺎﯓ ﺯﯦﯖﺸﯩﻨﻨﻰ ﻳﻮﺷﯘﺭﯗﻥ ﻳﻮﻗﯩﺘﯩﺶ ﺋﯜﭼﯜﻥ ﭘﺎﺋﺎﻝ ﮪﻪﺭﯨﻜﻪﺗﻜﻪ ﻛﯧﻠﯩﺪﯗ. ﺋﯘ ﺑﯘ ﺋﯩﺸﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﺘﺎ ﺧﻪﻟﻖ ﺋﯩﺸﻼﺭ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﺟﯩﻦ ﺷﯘﺭﯦﻦ ﺑﯩﻠﻪﻥ ﮪﻪﻣﻜﺎﺭﻟﯩﺸﯩﺪﯗ. ﻟﯧﻜﯩﻦ ﮪﯩﻴﻠﯩﮕﻪﺭ ﺟﯩﻦ ﺷﯘﺭﯦﻦ ﮪﻪﺭﯨﻜﻪﺗﻜﻪ ﺑﯩﯟﺍﺳﯩﺘﻪ ﻗﺎﺗﻨﺎﺷﻤﺎﻱ، ﺟﺎﯓ ﭼﯜﻧﺸﯩﻨﻰ ﺋﺎﺳﺘﯩﺮﺗﺘﯩﻦ ﻗﻮﻟﻼﺵ ﺑﯩﻠﻪﻧﻼ ﭼﻪﻛﻠﯩﻨﯩﺪﯗ. ﮪﻪﺗﺘﺎ ﯞﻩﻗﻪ ﻳﯜﺯ ﺑﯧﺮﯨﺪﯨﻐﺎﻥ ﺯﯨﻴﺎﭘﻪﺕ ﺋﯜﺳﺘﯩﺪﯨﻤﯘ «ﮪﯚﻛﯜﻣﻪﺕ ﺋﯩﺸﻰ ﭼﯩﻘﯩﭗ ﻗﺎﻟﻐﺎﻧﻠﯩﻘﻰ» ﻧﻰ ﺑﺎﮪﺎﻧﻪ ﻗﯩﻠﯩﭗ ﺳﻮﺭﯗﻧﺪﯨﻦ ﻛﯧﺘﯩﭗ ﻗﺎﻟﯩﺪﯗ. ﻛﯧﻴﯩﻨﭽﻪ ﯞﻩﻗﻪﻧﻰ ﺑﯧﺴﯩﻘﺘﯘﺭﻏﯘﭼﻰ ﺳﯜﭘﯩﺘﯩﺪﻩ ﺋﻮﺗﺘﯘﺭﯨﻐﺎ ﭼﯩﻘﯩﭗ ﻓﻪﻥ ﻳﺎﯞﻧﻪﻥ، ﺟﺎﯓ ﭼﯜﻧﺸﻰ ﻗﺎﺗﺎﺭﻟﯩﻘﻼﺭﻧﻰ ﺋﯚﻟﺘﯜﺭﯨﺪﯗ ﮪﻪﻣﺪﻩ ﺷﯩﻨﺠﺎﯕﻨﯩﯔ ﺭﻩﺋﯩﺴﻰ، ﻗﻮﺷﯘﻣﭽﻪ ﻗﻮﻣﺎﻧﺪﺍﻧﻰ ﺑﻮﻟﯘﯞﺍﻟﯩﺪﯗ. ﺑﯘ ﺟﻪﺭﻳﺎﻧﺪﺍ ﺟﺎﯓ ﭼﯜﻧﺸﻰ ﺟﯩﻨﺎﻳﻪﺗﭽﻰ ﺳﯜﭘﯩﺘﯩﺪﻩ ﺟﺎﺯﺍﻏﺎ ﺗﺎﺭﺗﯩﻠﻐﺎﻥ ﺑﻮﻟﺴﯩﻤﯘ، ﮔﯘﻧﺎﮪﺴﯩﺰ ﻓﻪﻥ ﻳﺎﯞﻧﻪﻥ ﺋﻪﺧﻤﻪﻕ ﻗﯩﻠﯩﻨﯩﺪﯗ، ﺗﯚﮪﻤﻪﺗﻨﯩﯔ ﻗﯘﺭﺑﺎﻧﻰ ﺑﻮﻟﯩﺪﯗ.

ﯞﻩﻗﻪ 7-ﺋﺎﻳﻨﯩﯔ 7-ﻛﯜﻧﻰ ﻳﯜﺯ ﺑﯧﺮﯨﺪﯗ، ﻓﻪﻥ ﻳﺎﯞﻧﻪﻧﻤﯘ ﺷﯘ ﻛﯜﻧﻰ ﻛﯜﻧﺪﯛﺯﻯ ﻗﻮﻟﻐﺎ ﺋﯧﻠﯩﻨﯩﭗ ﻛﯧﭽﯩﺴﻰ ﺋﯚﻟﺘﯜﺭﯛﻟﯩﺪﯗ. ﻟﯧﻜﯩﻦ ﺟﺎﯓ ﭼﯜﻧﺸﻰ ﮔﻪﺭﭼﻪ ﮪﯧﭻ ﻧﻪﮔﻪ ﻗﯧﭽﯩﭗ ﻛﻪﺗﻤﻪﻱ ﺑﻪﺧﯩﺮﺍﻣﺎﻥ ﻳﯜﺭﮔﻪﻥ ﺑﻮﻟﺴﯩﻤﯘ ﯞﻩﻗﻪ ﻳﯜﺯ ﺑﻪﺭﮔﻪﻥ ﻛﯜﻧﻰ ﻗﻮﻟﻐﺎ ﺋﯧﻠﯩﻨﻤﺎﻱ 7-ﺋﺎﻳﻨﯩﯔ 9-ﻛﯜﻧﻰ ﻗﻮﻟﻐﺎ ﺋﯧﻠﯩﻨﯩﺪﯗ، 13-ﻛﯜﻧﻰ ﺋﯚﻟﺘﯜﺭﯛﻟﯩﺪﯗ. ﺑﯘ ﻧﯧﻤﻪ ﺋﯜﭼﯜﻥ؟ ﭼﯜﻧﻜﻰ ﺟﯩﻦ ﺷﯘﺭﯦﻦ ﺟﺎﯓ ﭼﯜﻧﺸﻰ ﺑﯩﻠﻪﻥ ﺷﯧﺮﯨﻚ ﺑﻮﻟﻐﺎﭼﻘﺎ ﺩﻩﺳﻠﻪﭘﺘﻪ ﺋﯘﻧﻰ ﻗﻮﻟﻐﺎ ﺋﺎﻟﻤﺎﻳﺪﯗ، ﮪﻪﺗﺘﺎ ﺋﯚﻟﺘﯜﺭﻣﻪﻳﺪﯗ. ﺑﯘ ﺋﯘﻧﯩﯔ ﻓﯧﯔ ﻳﯜﺷﻴﺎﯓ ﺳﯩﺴﺘﯧﻤﯩﺴﯩﻐﺎ ﺑﻪﻳﺌﻪﺕ ﻗﯩﻠﯩﺶ ﻳﺎﻛﻰ ﻧﻪﻧﺠﯩﯖﻐﺎ ﺑﻮﻳﺴﯘﻧﯘﺵ ﺋﻮﺗﺘﯘﺭﯨﺴﯩﺪﺍ ﺋﯩﻜﻜﯩﻠﯩﻨﯩﭗ ﻗﺎﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ. ﺋﺎﺭﯨﺪﯨﻦ ﻧﻪﭼﭽﻪ ﻛﯜﻥ ﺋﯚﺗﯜﭖ ﻧﻪﻧﺠﯩﯔ ﺗﻪﺭﻩﭖ ﺑﯘ ﯞﻩﻗﻪﮔﻪ ﻗﺎﺭﯨﺘﺎ ﺋﺎﺷﻜﺎﺭﺍ ﭘﻮﺯﯨﺘﺴﯩﻴﻪ ﺑﯩﻠﺪﯛﺭﯨﺪﯗ. ﺟﯩﻦ ﺷﯘﺭﯦﻦ ﺷﯘ ﭼﺎﻏﺪﯨﻼ ﺋﺎﯞﯞﺍﻟﻘﻰ ﺧﻮﺟﺎﻳﯩﻨﻰ ﻓﯧﯔ ﻳﯜﺷﻴﺎﯕﺪﯨﻦ ﻳﯜﺯ ﺋﯚﺭﯛﭖ ﺟﺎﯓ ﭼﯜﻧﺸﯩﻨﻰ ﻗﻪﺗﻞ ﻗﯩﻠﯩﺪﯗ..

ﯞﻩﻗﻪﺩﯨﻦ ﻛﯧﻴﯩﻦ ﺟﯩﻦ ﺷﯘﺭﯦﻦ ﺷﯩﻨﺠﺎﯕﻨﯩﯔ ﺭﻩﺋﯩﺴﻰ ﯞﻩ ﺑﺎﺵ ﻗﻮﻣﺎﻧﺪﺍﻧﻰ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺗﻪﺷﯟﯨﻘﺎﺕ ﯞﺍﺳﯩﺘﯩﻠﯩﺮﯨﻨﻰ ﻛﻪﯓ ﺗﯜﺭﺩﻩ ﺋﯩﺸﻘﺎ ﺳﯧﻠﯩﭗ ﺟﺎﻣﺎﺋﻪﺕ ﭘﯩﻜﺮﻯ ﺗﻮﭘﻼﻳﺪﯗ ﯞﻩ ﺟﯜﻣﻠﯩﺪﯨﻦ «ﻓﻪﻧﻴﺎﯞﻧﻪﻥ ﺳﯩﻴﺎﺳﯩﻲ ﺋﯚﺯﮔﯩﺮﯨﺶ ﻗﻮﺯﻏﺎﭖ ﻳﺎﯓ ﺟﻴﺎﯕﺠﯜﻧﻨﻰ ﺋﯚﻟﺘﯜﺭﺩﻯ» ﺩﯦﮕﻪﻥ ﺧﻪﯞﻩﺭﻧﻰ ﭘﯜﺗﯜﻥ ﻣﻪﻣﻠﯩﻜﻪﺗﻜﻪ ﺗﺎﺭﻗﯩﺘﯩﺪﯗ. ﺑﯘ ﺧﻪﯞﻩﺭ ﺋﻪﻳﻨﻰ ﺯﺍﻣﺎﻧﺪﺍ ﻧﯘﺭﻏﯘﻥ ﻣﻪﺗﺒﯘﺋﺎﺗﻼﺭﺩﺍ ﺋﯧﻼﻥ ﻗﯩﻠﯩﻨﯩﺪﯗ، ﺗﯜﺭﻟﯜﻙ ﺋﺎﺭﺧﯩﭗ ﻣﺎﺗﯧﺮﯨﻴﺎﻟﻠﯩﺮﻯ ﮪﻪﻣﺪﻩ ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻼﺭﺩﯨﻦ ﺋﻮﺭﯗﻥ ﺋﺎﻟﯩﺪﯗ، ﺋﯧﻐﯩﺰﺩﯨﻦ ﺋﯧﻐﯩﺰﻏﺎ ﻛﯚﭼﯜﺵ ﺟﻪﺭﻳﺎﻧﯩﺪﺍ ﻛﯩﺸﯩﻠﻪﺭﻧﯩﯔ ﺋﯧﯖﯩﻐﺎ ﭼﻮﯕﻘﯘﺭ ﺳﯩﯖﯩﺪﯗ. ﺋﻪﻧﻪ ﺷﯘ ﺗﻪﺭﺯﺩﻩ ﺑﯩﺰﻧﯩﯔ ﺩﻩﯞﺭﯨﻤﯩﺰﮔﯩﭽﻪ ﻳﯧﺘﯩﭗ ﻛﯧﻠﯩﺪﯗ.

ﻣﻪﻥ ﺑﯘ ﻣﺎﻗﺎﻟﯩﻨﻰ ﺋﻮﻗﯘﻏﺎﻧﺪﯨﻦ ﻛﯧﻴﯩﻦ ﭼﻮﯕﻘﯘﺭ ﺋﻮﻳﻐﺎ ﭼﯚﻣﺪﯛﻡ: ﮪﻪﻗﯩﻘﻪﺗﻪﻧﻤﯘ «7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ» ﻧﯩﯔ ﺑﺎﺵ ﭘﯩﻼﻧﻠﯩﻐﯘﭼﯩﺴﻰ ﻓﻪﻥ ﻳﺎﯞﻧﻪﻥ ﺑﻮﻟﻤﺎﺳﺘﯩﻦ ﻓﯧﯔ ﻳﯜﺷﻴﺎﯕﻤﯩﺪﯗ؟ «7-ﺋﯩﻴﯩﻞ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ» ﻧﺎﻣﻠﯩﻖ ﻣﺎﻗﺎﻟﯩﺪﻩ ﺗﯩﻠﻐﺎ ﺋﯧﻠﯩﻨﻐﺎﻧﺪﻩﻙ، ﮪﻪﻗﯩﻘﯩﻲ ﺋﻪﮪﯟﺍﻝ ﭘﯘﺭﺳﻪﺗﭙﻪﺭﻩﺳﺖ، ﮪﯩﻴﻠﯩﮕﻪﺭ ﺟﯩﻦ ﺷﯘﺭﯦﻦ ﺗﻪﺭﯨﭙﯩﺪﯨﻦ ﺑﯘﺭﻣﯩﻠﯩﻨﯩﭗ ﻛﻪﺗﻜﻪﻧﻤﯩﺪﯗ؟ ﭼﯜﻧﻜﻰ، ﺟﯩﻦ ﺷﯘﺭﯦﻦ ﮪﺎﻛﯩﻤﯩﻴﻪﺕ ﺋﯜﺳﺘﯩﺪﻩ ﺑﻮﻟﻐﺎﻧﻠﯩﻘﺘﯩﻦ ﮪﻪﻗﯩﻘﻪﺗﻨﻰ ﺋﺎﺳﺘﯩﻦ-ﺋﯜﺳﺘﯜﻥ ﻗﯩﻠﯩﯟﯦﺘﻪﻟﻪﻳﺪﯨﻐﺎﻥ ﺋﯩﻘﺘﯩﺪﺍﺭﻏﺎ ﺋﯩﮕﻪ. ﺋﯘ ﻛﺎﺗﺘﺎ ﮪﻮﻗﯘﻕ ﯞﻩ ﺋﻪﻣﻪﻟﯩﻲ ﻛﯜﭺ ﺋﺎﺭﻗﯩﻠﯩﻖ ﺋﺎﻗﻨﻰ ﻗﺎﺭﺍ، ﻗﺎﺭﯨﻨﻰ ﺋﺎﻕ ﻗﯩﻠﯩﯟﯦﺘﻪﻟﻪﻳﺪﯗ. ﻗﻪﺩﯨﻤﺪﯨﻦ ﺗﺎﺭﺗﯩﭗ «ﺗﺎﺭﯨﺨﻨﻰ ﻣﻪﻏﻠﯘﭘﻼﺭ ﺋﻪﻣﻪﺱ، ﻏﺎﻟﯩﭙﻼﺭ ﻳﺎﺯﯨﺪﯗ» ﺩﯦﮕﻪﻥ ﮔﻪﭘﻤﯘ ﺑﺎﺭﻏﯘ؟

ﺋﻪﻣﻪﻟﯩﻴﻪﺗﺘﻪ، «ﺋﻮﻳﻐﺎﻧﻐﺎﻥ ﺯﯦﻤﯩﻦ» ﺭﻭﻣﺎﻧﻰ ﻳﺎﻛﻰ «ﺷﯩﻨﺠﺎﯕﻨﯩﯔ 50 ﻳﯩﻠﻰ»، «ﺋﯚﻣﯜﺭ ﺩﺍﺳﺘﺎﻧﻰ»، «ﺋﯘﻳﻐﯘﺭ ﺗﺎﺭﯨﺨﻰ» ﻗﺎﺗﺎﺭﻟﯩﻖ ﻛﯩﺘﺎﺑﻼﺭ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﮪﻪﻣﻤﯩﺴﯩﺪﯨﻼ ﻓﻪﻥ ﻳﺎﯞﻧﻪﻥ ﺋﯩﻠﻐﺎﺭ ﭘﯩﻜﯩﺮﻟﯩﻚ ﺗﻪﺭﻩﻗﻘﯩﻴﭙﻪﺭﯞﻩﺭ ﻛﯩﺸﻰ ﺳﯜﭘﯩﺘﯩﺪﯨﻼ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ. ﺷﯘﻏﯩﻨﯩﺴﻰ ﺑﯘ ﻛﯩﺘﺎﺑﻼﺭﻧﯩﯔ ﮪﯧﭽﻘﺎﻳﺴﯩﺴﯩﺪﺍ ﺋﯘﻧﯩﯔ ﻳﺎﯓ ﺯﯦﯖﺸﯩﻨﻨﻰ ﺋﯚﻟﺘﯜﺭﯛﺷﻜﻪ ﺋﺎﻻﻗﯩﺪﺍﺭ ﻛﻮﻧﻜﺮﯦﺖ ﺗﻪﻳﻴﺎﺭﻟﯩﻘﻰ ﻳﺎﻛﻰ ﺑﯩﺮﻩﺭ ﺋﯧﻐﯩﺰ ﮔﻪﭖ –ﺳﯚﺯﻯ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ.

ﺋﯧﮭﺘﯩﻤﺎﻝ ﺋﯘ ﺋﻪﺳﻠﯩﺪﯨﻜﻰ ﺋﺎﭘﺘﻮﺭﻧﯩﯔ ﺟﯩﻦ ﺷﯘﺭﯦﻨﻨﯩﯔ ﺗﻪﺷﯟﯨﻘﺎﺗﯩﻨﻰ ﺑﻮﻳﻼﭖ ﻗﺎﻧﺎﺗﻼﻧﺪﯗﺭﻏﺎﻥ ﺋﻮﻱ-ﺧﯩﻴﺎﻟﯩﺪﯗ ﻳﺎﻛﻰ ﻗﯩﻴﺎﺳﯩﺪﯗ؟ ﻧﯚﯞﻩﺗﺘﻪ ﺑﯘﻧﻰ ﻳﻪﻧﯩﻤﯘ ﺩﻩﻟﯩﻠﻠﻪﭖ ﺑﯧﺮﯨﺪﯨﻐﺎﻥ ﺋﯩﺴﭙﺎﺕ ﺗﯧﭙﯩﻠﻤﯩﺪﻯ. ﺑﯘﻧﻰ ﺋﯧﻨﯩﻘﻼﺵ ﺋﯜﭼﯜﻥ ﺷﯘ ﺩﻩﯞﺭﺩﯨﻜﻰ ﺗﻪﭘﺴﯩﻼﺗﻼﺭﻧﻰ ﺧﯧﻠﻰ ﺋﯘﺯﺍﻕ ﺋﯚﮔﯩﻨﯩﺶ-ﺗﻪﺗﻘﯩﻖ ﻗﯩﻠﯩﺶ ﯞﻩ ﺑﺎﺵ ﭼﯚﻛﯜﺭﯛﭖ ﺋﯩﺰﺩﯨﻨﯩﺸﻜﻪ ﺗﻮﻏﺮﺍ ﻛﯧﻠﯩﺪﯗ.

ﺷﯩﻨﺠﺎﯕﺪﺍ ﻳﯜﺯ ﺑﻪﺭﮔﻪﻥ «7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ»
ﻣﯧﯔ ﺩﯗﯓ
(«ﻛﻮﻧﺎ ﺧﻪﯞﻩﺭﻟﻪﺭ» ﮔﯧﺰﯨﺘﯩﻨﯩﯔ 2007-ﻳﯩﻠﻰ 12-ﺋﺎﻳﻨﯩﯔ 6-ﻛﯜﻧﯩﺪﯨﻜﻰ ﺳﺎﻧﯩﺪﯨﻦ ﻣﻪﺳﺌﯘﺕ ﺧﺎﻟﯩﺖ ﺗﻪﺭﺟﯩﻤﯩﺴﻰ)

1928-ﻳﯩﻠﻰ (ﻣﯩﻨﮕﻮﻧﯩﯔ 17-ﻳﯩﻠﻰ) 7-ﺋﺎﻳﻨﯩﯔ 6-ﻛﯜﻧﻰ ﻣﯩﻠﻠﯩﻲ ﺋﯩﻨﻘﯩﻼﺑﯩﻲ ﺋﺎﺭﻣﯩﻴﻪﻧﯩﯔ ﺑﺎﺵ ﻗﻮﻣﺎﻧﺪﺍﻧﻰ ﺟﻴﺎﯓ ﺟﻴﯧﺸﻰ، ﮪﻪﺭﻗﺎﻳﺴﻰ ﮔﯘﺭﯗﭘﭙﯩﯟﻭﻱ ﺋﺎﺭﻣﯩﻴﻪ ﻗﻮﻣﺎﻧﺪﺍﻧﻠﯩﺮﯨﺪﯨﻦ ﻓﯧﯔ ﻳﯜﺷﻴﺎﯓ، ﻟﻰ ﺯﯗﯕﺮﯦﻦ، ﻳﻪﻥ ﺷﯩﺸﻪﻥ ﮪﻪﻣﺪﻩ ﮪﻪﺭﻗﺎﻳﺴﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻗﻮﻣﺎﻧﺪﺍﻧﻼﺭ ﺑﯧﻴﺠﯩﯖﻨﯩﯔ ﺷﻴﺎﯕﺸﻪﻥ ﺩﯦﮕﻪﻥ ﻳﯧﺮﯨﺪﯨﻜﻰ ﺑﯩﻴﯜﻥ ﺋﯩﺒﺎﺩﻩﺗﺨﺎﻧﯩﺴﯩﻐﺎ ﻳﯩﻐﯩﻠﯩﭗ ﻣﻪﺭﮪﯘﻡ ﺯﯗﯕﻠﻰ ﺳﯘﻥ ﺟﯘﯕﺸﻪﻥ ﺋﯜﭼﯜﻥ ﺩﯗﺋﺎ-ﺗﯩﻼﯞﻩﺕ ﺋﯚﺗﻜﯜﺯﺩﻯ. ﺋﺎﺷﻜﺎﺭﺍ ﺋﯧﻼﻥ ﻗﯩﻠﯩﻨﻐﺎﻥ ﺩﯗﺋﺎ-ﺗﯩﻼﯞﻩﺕ ﺋﺎﺧﺒﺎﺭﺍﺗﯩﺪﺍ «ﻣﯩﻠﻠﯩﺘﺎﺭﯨﺴﺘﻼﺭﻧﻰ ﻳﻮﻗﯩﺘﯩﭗ، ﺷﯩﻤﺎﻟﻐﺎ ﻳﯜﺭﯛﺵ ﻗﯩﻠﯩﺸﻨﻰ ﺋﻮﺭﯗﻧﺪﺍﻳﻠﻰ» ﺩﯦﮕﻪﻥ ﺷﻮﺋﺎﺭ ﻳﯜﻛﺴﻪﻙ ﺩﻩﺭﯨﺠﯩﺪﻩ ﺗﻪﻛﯩﺘﻠﻪﻧﺪﻯ.

ﺩﯗﺋﺎ-ﺗﯩﻼﯞﻩﺕ ﺋﺎﺧﺒﺎﺭﺍﺗﯩﻨﯩﯔ ﺳﯩﻴﺎﺳﻰ ﻗﯘﺭﯗﻣﺎﻱ ﺗﯘﺭﯗﭘﻼ ﻗﺎﻧﻠﯩﻖ ﯞﻩﻗﻪ ﺋﻮﺗﺘﯘﺭﯨﻐﺎ ﭼﯩﻘﺘﻰ. ﺑﯘ ﯞﻩﻗﻪ ﺷﯘ ﻛﯜﻧﻨﯩﯔ ﺋﻪﺗﯩﺴﻰ ﻳﻪﻧﻰ 7-ﺋﺎﻳﻨﯩﯔ 7-ﻛﯜﻧﻰ ﻳﯜﺯ ﺑﻪﺭﺩﻯ. ﯞﻩﺯﯨﭙﯩﮕﻪ ﺋﻮﻟﺘﯘﺭﻏﯩﻠﻰ ﺋﻪﻣﯩﺪﯨﻼ ﻳﻪﺗﺘﻪ ﻛﯜﻥ ﺑﻮﻟﻐﺎﻥ ﻣﯩﻠﻠﯩﻲ ﮪﯚﻛﯜﻣﻪﺕ ﺷﯩﻨﺠﺎﯓ ﺋﯚﻟﻜﯩﻠﯩﻚ ﮪﯚﻛﯜﻣﯩﺘﯩﻨﯩﯔ ﺭﻩﺋﯩﺴﻰ ﻳﺎﯓ ﺯﯦﯖﺸﯩﻦ ﮪﻪﻣﺪﻩ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻘﻰ ﺷﯩﻨﺠﺎﯕﻐﺎ ﺋﺎﻻﮪﯩﺪﻩ ﺧﺎﺩﯨﻢ ﻗﯩﻠﯩﭗ ﺋﻪﯞﻩﺗﻜﻪﻥ ﻓﻪﻥ ﻳﺎﯞﻧﻪﻥ ﻗﺎﺗﺎﺭﻟﯩﻘﻼﺭ ﺷﯩﻨﺠﺎﯓ ﺧﻪﻟﻖ ﺋﯩﺸﻠﯩﺮﻯ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﺟﯩﻦ ﺷﯘﺭﯦﻦ ﺗﻪﺭﯨﭙﯩﺪﯨﻦ ﻗﻪﺳﺘﻠﻪﭖ ﺋﯚﻟﺘﯜﺭﯛﻟﺪﻯ. ﻏﻪﺭﺑﯩﻲ ﺷﯩﻤﺎﻟﺪﯨﻦ ﺗﺎﺭﻗﺎﻟﻐﺎﻥ ﺑﯘ ﺧﻪﯞﻩﺭ ﭘﯜﺗﻜﯜﻝ ﺩﯙﻟﻪﺗﻨﻰ ﺯﯨﻠﺰﯨﻠﯩﮕﻪ ﺳﯧﻠﯩﭗ «7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ» ﺩﻩﭖ ﺋﺎﺗﺎﻟﺪﻯ. ﺑﯘ ﯞﻩﻗﻪ ﻣﯩﻨﮕﻮﻧﯩﯔ 17-ﻳﯩﻠﻰ 7-ﺋﺎﻳﻨﯩﯔ 7-ﻛﯜﻧﻰ ﻳﯜﺯ ﺑﻪﺭﮔﻪﭼﻜﻪ «3.7 ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ» ﺩﻩﭘﻤﯘ ﺋﺎﺗﯩﻠﯩﺪﯗ.

ﺑﯘ ﯞﻩﻗﻪ ﮪﻪﻗﻘﯩﺪﻩ ﺷﯩﻨﺠﺎﯓ ﺩﺍﺋﯩﺮﯨﻠﯩﺮﻯ: «ﺩﯨﭙﻠﻮﻣﺎﺗﯩﻴﻪ ﺋﺎﻻﮪﯩﺪﻩ ﺧﺎﺩﯨﻤﻰ ﻓﻪﻥ ﻳﺎﯞﻧﻪﻥ ﻳﺎﯓ ﺯﯦﯖﺸﯩﻨﻨﻰ ﺋﯚﻟﺘﯜﺭﺩﻯ» ﺩﯦﺪﻯ؛ ﺑﯧﻴﺠﯩﯔ، ﺗﻴﻪﻧﺠﯩﻦ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ: «ﺧﻪﻟﻖ ﺋﯩﺸﻠﯩﺮﻯ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﺟﯩﻦ ﺷﯘﺭﯦﻦ ﻗﺎﻧﻠﯩﻖ ﯞﻩﻗﻪ ﭘﻪﻳﺪﺍ ﻗﯩﻠﯩﭙﺘﯘ»، «ﺟﯩﻦ ﺷﯘﺭﯦﻦ ﻓﻪﻥ ﻳﺎﯞﻧﻪﻧﻨﻰ ﺋﯚﻟﺘﯜﺭﯛﭘﺘﯘ» ﺩﯦﮕﻪﻥ ﮔﻪﭘﻠﻪﺭ ﺗﺎﺭﻗﺎﻟﺪﻯ. ﻗﯩﺴﻘﯩﺴﻰ، ﺑﯩﺮ-ﺑﯩﺮﯨﮕﻪ ﺯﯨﺖ ﺧﯩﻠﻤﯘ ﺧﯩﻞ ﮔﻪﭘﻠﻪﺭ ﺋﻮﺗﺘﯘﺭﯨﻐﺎ ﭼﯩﻘﺘﻰ. ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻨﯩﯔ ﮪﻪﻗﯩﻘﯩﻲ ﻗﯩﻴﺎﭘﯩﺘﯩﻨﻰ ﻗﺎﺗﻤﯘﻗﺎﺕ ﺗﯘﻣﺎﻧﻼﺭ ﻗﺎﭘﻠﯩﯟﺍﻟﺪﻯ.

ﺷﯘ ﻳﯩﻠﻰ 6-ﺋﺎﻳﺪﺍ ﺷﯩﻤﺎﻟﻐﺎ ﻳﯜﺭﯛﺵ ﺋﺎﺧﯩﺮﻟﯩﺸﯩﭗ، ﺟﯘﯕﮕﻮ ﯞﻩﺯﯨﻴﯩﺘﯩﺪﻩ ﻗﺎﻳﺘﯩﺪﯨﻦ ﺑﯩﺮﻟﯩﻜﻜﻪ ﻛﯧﻠﯩﺶ ﺑﺎﺭﻟﯩﻘﻘﺎ ﻛﻪﻟﺪﻯ. ﺳﺎﺑﯩﻖ ﺷﯩﻤﺎﻟﯩﻲ ﻣﯩﻠﯩﺘﺎﺭﯨﺴﺘﻼﺭ ﮪﯚﻛﯜﻣﯩﺘﻰ ﺷﯩﻨﺠﺎﯓ ﮪﯚﻛﯜﻣﯩﺘﯩﻨﯩﯔ ﺭﻩﺋﯩﺴﻰ ﻳﺎﯓ ﺯﯦﯖﺸﯩﻦ ﺷﯘ ﺋﺎﻳﻨﯩﯔ 6-، 10-، 16-ﻛﯜﻧﻠﯩﺮﻯ ﻧﻪﻧﺠﯩﯖﻐﺎ ﺋﺎﺭﻗﯩﻤﯘ ﺋﺎﺭﻗﺎ ﺗﯧﻠﯧﮕﺮﺍﻣﻤﺎ ﺋﻪﯞﻩﺗﯩﭗ ﻣﯩﻠﻠﯩﻲ ﮪﯚﻛﯜﻣﻪﺗﻜﻪ ﺑﻮﻳﺴﯘﻧﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﻪﺳﻠﯩﺪﻩ، ﻳﺎﯓ ﺯﯦﯖﺸﯩﻦ ﺋﺎﻧﭽﯩﻤﯘ ﻛﯚﭖ ﺗﯩﻠﻐﺎ ﺋﯧﻠﯩﻨﻤﺎﻳﺪﯨﻐﺎﻥ ﺷﻪﺧﺲ ﺋﯩﺪﻯ. ﺷﯘﻏﯩﻨﯩﺴﻰ، ﻣﯩﻨﮕﻮﻧﯩﯔ ﺩﻩﺳﻠﻪﭘﻜﻰ ﻳﯩﻠﻠﯩﺮﯨﺪﺍ ﺗﺎﺭﻗﺎﻟﻐﺎﻥ «ﺷﻪﺭﻗﺘﻪ ﻳﯜﻩﻥ (ﺷﯩﻜﻪﻱ)، ﻏﻪﺭﺑﺘﻪ ﻳﺎﯓ (ﺯﯦﯖﺸﯩﻦ) ﺩﯨﻦ ﺋﯩﺒﺎﺭﻩﺕ ﺋﯩﻜﻜﻰ ﻧﻮﭼﻰ ﺑﺎﺭ» ﺩﯦﮕﻪﻥ ﮔﻪﭘﺘﯩﻦ ﺋﯘﻧﯩﯔ ﺋﻪﻳﻨﻰ ﺯﺍﻣﺎﻧﺪﺍ ﺧﯧﻠﻰ ﻧﺎﻣﻰ ﭼﯩﻘﻘﺎﻧﻠﯩﻘﯩﻨﻰ ﺑﯩﻠﮕﯩﻠﻰ ﺑﻮﻻﺗﺘﻰ. 6-ﺋﺎﻳﻨﯩﯔ 20-ﻛﯜﻧﻰ ﺷﯩﻨﺠﺎﯕﺪﺍ ﻳﯧﯖﻰ ﺗﯜﺯﯛﻡ ﻳﻮﻟﻐﺎ ﻗﻮﻳﯘﻟﺪﻯ، ﻳﺎﯓ ﺯﯦﯖﺸﯩﻦ ﻳﻪﻧﯩﻼ ﺷﯩﻨﺠﺎﯕﻨﯩﯔ ﺭﻩﺋﯩﺴﻰ ﺑﻮﻟﺪﻯ. ﺋﻪﺳﻠﯩﺪﯨﻜﻰ ﮪﻪﺭﺑﯩﻲ ﺋﯩﺸﻼﺭ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﻓﻪﻥ ﻳﺎﯞﻧﻪﻥ ﻳﺎﯓ ﺯﯦﯖﺸﯩﻦ ﺗﻪﺭﯨﭙﯩﺪﯨﻦ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﺋﻪﺯﺍﻟﯩﻘﯩﻐﺎ ﮪﻪﻣﺪﻩ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻘﻰ ﺷﯩﻨﺠﺎﯕﺪﺍ ﺗﯘﺭﯗﺷﻠﯘﻕ ﻣﻪﮪﻜﯩﻤﯩﺴﯩﻨﯩﯔ ﺋﺎﻻﮪﯩﺪﻩ ﺧﺎﺩﯨﻤﻠﯩﻘﯩﻐﺎ ﺗﻪﻳﯩﻨﻠﻪﻧﺪﻯ. ﻓﻪﻥ ﻳﺎﯞﻧﻪﻥ ﻛﯚﭘﺘﯩﻦ ﺑﯘﻳﺎﻥ ﺑﯧﻴﺠﯩﯖﻐﺎ ﻗﺎﻳﺘﯩﭗ ﺋﺎﺋﯩﻠﯩﺴﯩﺪﯨﻜﯩﻠﻪﺭ ﺑﯩﻠﻪﻥ ﺟﻪﻡ ﺑﻮﻟﯘﺷﻨﻰ ﺋﻮﻳﻼﻳﺘﺘﻰ. ﺷﯘﯕﺎ ﻳﺎﯓ ﺯﯦﯖﺸﯩﻦ ﺋﯘﻧﯩﯔ ﺧﺎﻟﯩﻐﺎﻥ ﭼﺎﻏﺪﺍ ﺋﻪﻣﯩﻠﯩﺪﯨﻦ ﺋﯩﺴﺘﯧﭙﺎ ﺑﯧﺮﯨﭗ ﻗﺎﻳﺘﯩﺸﯩﻐﺎ ﻗﻮﺷﯘﻟﻐﺎﻧﯩﺪﻯ. ﺋﻪﻳﻨﻰ ﺯﺍﻣﺎﻧﺪﺍ ﺷﯩﻨﺠﺎﯕﺪﯨﻜﻰ ﻗﻮﺭﺍﻟﻠﯩﻖ ﻛﯜﭺ ﺋﻮﻥ ﻣﯩﯖﺪﯨﻦ ﺋﺎﺷﻤﺎﻳﺘﺘﻰ. ﺷﯘﯕﺎ ﮪﻪﺭﺑﯩﻲ ﺋﯩﺸﻼﺭ ﻧﺎﺯﺍﺭﯨﺘﻰ ﺑﯚﻟﯜﻡ ﺩﻩﺭﯨﺠﯩﺴﯩﮕﻪ ﭼﯜﺷﯜﺭﯛﻟﯜﭖ ﺧﻪﻟﻖ ﺋﯩﺸﻼﺭ ﻧﺎﺯﺍﺭﯨﺘﯩﻨﯩﯔ ﺋﯩﺨﺘﯩﻴﺎﺭﯨﻐﺎ ﺗﺎﭘﺸﯘﺭﯗﻟﻐﺎﻧﯩﺪﻯ. ﺋﯘﻧﻰ ﺟﯩﻦ ﺷﯘﺭﯦﻦ ﺑﺎﺷﻘﯘﺭﺍﺗﺘﻰ. ﻳﺎﯓ ﺯﯦﯖﺸﯩﻦ ﺑﯘ ﮪﻪﻗﯘﻗﻨﯩﯔ ﺋﯚﺯﯨﻨﯩﯔ ﺟﯧﻨﯩﻐﺎ ﺯﺍﻣﯩﻦ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺧﯩﻴﺎﻟﯩﻐﯩﻤﯘ ﻛﻪﻟﺘﯜﺭﻣﯩﮕﻪﻧﯩﺪﻯ.

7-ﺋﺎﻳﻨﯩﯔ 1-ﻛﯜﻧﻰ، ﻳﯧﯖﻰ ﮪﯚﻛﯜﻣﻪﺕ ﻗﯘﺭﯗﻟﻐﺎﻧﻠﯩﻘﻰ ﺭﻩﺳﻤﯩﻲ ﺟﺎﻛﺎﺭﻻﻧﺪﻯ، «ﻗﯩﺰﯨﻞ، ﺳﯧﺮﯨﻖ، ﻛﯚﻙ، ﺋﺎﻕ، ﻗﺎﺭﺍ» ﺭﻩﯕﻠﯩﻚ ﺑﺎﻳﺮﺍﻕ ﭼﯜﺷﯜﺭﯛﻟﯜﭖ، ﻛﯚﻙ ﺋﺎﺳﻤﺎﻥ، ﺋﺎﻕ ﻛﯜﻥ، ﻗﯩﺰﯨﻞ ﻳﻪﺭ ﺑﻪﻟﮕﻪ ﻗﯩﻠﯩﻨﻐﺎﻥ ﺑﺎﻳﺮﺍﻕ ﭼﯩﻘﯩﺮﯨﻠﺪﻯ. ﺷﯘ ﺋﺎﻳﻨﯩﯔ 7-ﻛﯜﻧﻰ ﻗﺎﻧﻠﯩﻖ ﯞﻩﻗﻪ ﻳﯜﺯ ﺑﻪﺭﺩﻯ. ﺟﯩﻦ ﺷﯘﺭﯦﻦ ﻧﻪﻧﺠﯩﯖﻐﺎ ﺗﯧﻠﯧﮕﺮﺍﻣﻤﺎ ﻳﻮﻟﻼﭖ ﺋﯚﺯﯨﻨﯩﯔ ﺭﻩﺋﯩﺲ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺗﯧﻠﯧﮕﺮﺍﻣﻤﯩﺪﺍ ﻓﻪﻥ ﻳﺎﯞﻧﻪﻧﻨﯩﯔ ﻳﺎﯓ ﺯﯦﯖﺸﯩﻨﻨﻰ ﺋﯚﻟﺘﯜﺭﯛﭖ ﭘﺎﺭﺗﯩﻴﻪﮔﻪ ﺋﺎﺳﯩﻴﻠﯩﻖ ﻗﯩﻠﻐﺎﻧﻠﯩﻘﯩﻤﯘ ﺗﯩﻠﻐﺎ ﺋﯧﻠﯩﻨﺪﻯ.

ﭘﻪﺭﺩﻩ ﺋﺎﺭﻗﯩﺴﯩﺪﯨﻜﻰ ﻗﻮﻣﺎﻧﺪﺍﻥ ﻛﯩﻢ؟

ﺷﯩﻨﺠﺎﯕﺪﺍ «7-ﺋﯩﻴﯘﻝ ﺳﯩﻴﺎﺳﯩﻲ ﺋﯚﺯﮔﯩﺮﯨﺸﻰ» ﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﻰ ﻗﺎﺭﯨﻤﺎﻗﻘﺎ ﺟﯩﻦ ﺷﯘﺭﯦﻦ ﺷﯩﻨﺠﺎﯕﻨﯩﯔ ﺋﺎﺳﺎﺳﻠﯩﻖ ﮪﻮﻗﯘﻗﯩﻨﻰ ﻗﻮﻟﻐﺎ ﻛﯩﺮﮔﯜﺯﯛﺵ ﺋﯜﭼﯜﻥ ﭘﯩﻼﻧﻠﯩﻐﺎﻥ ﺋﯩﺸﺘﻪﻙ ﺑﯩﻠﯩﻨﯩﺪﯗ. ﺋﻪﻣﻪﻟﯩﻴﻪﺗﺘﻪ ﺑﯘ ﯞﻩﻗﻪﻧﯩﯔ ﻛﻪﻳﻨﯩﮕﻪ ﮪﻪﺭﻗﺎﻳﺴﻰ ﮔﯘﺭﯗﮪ ﻣﯩﻠﯩﺘﺎﺭﯨﺴﺘﻼﺭﻧﯩﯔ ﺷﯩﻨﺠﺎﯕﻨﻰ ﺗﯩﺰﮔﯩﻨﻠﻪﺵ ﮪﻮﻗﯘﻗﯩﻨﻰ ﻗﻮﻟﻐﺎ ﻛﯩﺮﮔﯜﺯﯛﺵ ﻳﻮﻟﯩﺪﯨﻜﻰ ﺗﯜﺭﻟﯜﻙ ﺯﯨﺪﺩﯨﻴﻪﺗﻠﯩﺮﻯ ﻳﻮﺷﯘﺭﯗﻧﻐﺎﻥ.

1926-ﻳﯩﻠﻰ 7-ﺋﺎﻳﺪﺍ «ﻏﻪﺭﺑﯩﻲ ﺷﯩﻤﺎﻝ ﭼﯧﮕﺮﺍ ﻣﯘﺩﺍﭘﯩﺌﻪ ﺩﯗﺑﻪﻧﻰ» ﻓﯧﯔ ﻳﯜﺷﻴﺎﯓ ﺗﯧﻠﯧﮕﺮﺍﻣﻤﺎ ﻳﻮﻟﻼﭖ ﺷﯩﻤﺎﻟﻐﺎ ﻳﯜﺭﯛﺵ ﻗﯩﻠﯩﺸﻘﺎ ﺋﺎﯞﺍﺯ ﻗﻮﺷﺘﻰ. ﻣﯩﻠﻠﯩﻲ ﮪﯚﻛﯜﻣﻪﺕ ﺋﯘﻧﻰ ﻣﯩﻠﻠﯩﻲ ﺋﯩﻨﻘﯩﻼﺑﯩﻲ ﺋﺎﺭﻣﯩﻴﻪ 2-ﮔﯘﺭﯗﭘﭙﯩﯟﻭﻱ ﺋﺎﺭﻣﯩﻴﻪﺳﯩﻨﯩﯔ ﻗﻮﻣﺎﻧﺪﺍﻧﻰ، ﮪﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﻰ ﺋﻪﺯﺍﺳﻰ، ﻣﯩﻠﻠﯩﻲ ﮪﯚﻛﯜﻣﻪﺕ ﺋﻪﺯﺍﺳﻰ ﻗﺎﺗﺎﺭﻟﯩﻖ ﻣﯘﮪﯩﻢ ﯞﻩﺯﯨﭙﯩﻠﻪﺭﮔﻪ ﺗﻪﻳﯩﻨﻠﯩﺪﻯ. ﻛﯧﻴﯩﻨﭽﻪ، ﻓﯧﯔ ﻳﯜﺷﻴﺎﯓ ﺟﻴﺎﯓ ﺟﻴﯧﺸﯩﻐﺎ ﺷﯩﻨﺠﺎﯓ ﺋﯘﻧﯩﯔ ﻗﻮﻝ ﺋﺎﺳﺘﯩﺪﯨﻜﻰ 2-ﮔﯘﺭﯗﭘﭙﯩﯟﻭﺭ ﺋﺎﺭﻣﯩﻴﻪﺳﯩﻨﯩﯔ ﻗﺎﺗﺎﺭﯨﺪﯨﻦ ﺋﻮﺭﯗﻥ ﺋﯧﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﺍ ﯞﻩ ﻳﻮﺷﯘﺭﯗﻥ ﺋﯧﻴﺘﺘﻰ. ﺟﻴﺎﯓ ﺟﻴﯧﺸﻰ ﻓﯧﯔ ﻳﯜﺷﻴﺎﯕﻨﯩﯔ ﻛﯜﻧﺴﯧﺮﻯ ﺯﻭﺭﯨﻴﯩﯟﺍﺗﻘﺎﻥ ﻛﯜﭼﯩﺪﯨﻦ ﻗﻮﺭﻗﺎﺗﺘﻰ. ﺷﯘﯕﺎ ﺋﯘ ﻓﯧﯔ ﻳﯜﺷﻴﺎﯕﻐﺎ ﺷﯩﻨﺠﺎﯕﻨﻰ ﺋﯩﻜﻜﻰ ﻳﺎﻛﻰ ﺋﯜﭺ ﺋﯚﻟﻜﯩﮕﻪ ﺑﯚﻟﻤﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ، ﺟﻪﻧﯘﺑﯩﻲ ﺷﯩﻨﺠﺎﯕﻨﻰ ﻓﯧﯔ ﻳﯜﺷﻴﺎﯕﻐﺎ ﺑﯧﺮﯨﺸﻜﻪ ﻗﻮﺷﯘﻟﯩﺪﯨﻐﺎﻧﻠﯩﻘﻰ، ﺑﯩﺮﺍﻕ ﺋﯘﻧﯩﯔ ﻳﻪﻥ ﺷﯩﺸﻪﻧﻨﯩﯔ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻓﯧﯔ ﻳﯜﺷﻴﺎﯕﻨﯩﯔ ﻏﻪﺭﯨﺰﻯ ﺋﻮﺗﺘﯘﺭﺍ ﺗﯜﺯﻟﻪﯕﻠﯩﻜﻨﻰ ﻗﻮﻟﻐﺎ ﻛﯩﺮﮔﯜﺯﯛﺵ ﺋﯩﺪﻯ. ﺋﻪﻟﯟﻩﺗﺘﻪ، ﺋﯘ ﺷﯩﻨﺠﺎﯕﻐﺎ ﺋﯩﮕﻪ ﺑﻮﻟﯘﺷﺘﺎ «ﺋﯘﺭﯗﺵ ﻗﯩﻠﻤﺎﻱ ﺋﺎﺩﻩﻣﻨﻰ ﺗﯩﺰ ﭘﯜﻛﺘﯜﺭﯛﺵ» ﺋﯚﺯﯨﻨﯩﯔ ﺳﯚﺯﻯ ﺑﻮﻳﯩﭽﻪ ﺋﯧﻴﺘﻘﺎﻧﺪﺍ، «ﻳﺎﯓ ﺯﯦﯖﺸﯩﻦ ﺑﯩﻠﻪﻥ ﺋﯘﺭﯗﺵ ﻗﯩﻠﻤﺎﻱ، ﺑﻪﻟﻜﻰ ﺋﯘﻧﻰ ﻳﻮﻗﯩﺘﯩﺶ ﮪﯧﻴﻠﯩﺴﯩﺪﯨﻦ ﭘﺎﻳﺪﯨﻼﻧﻤﺎﻗﭽﻰ ﺑﻮﻟﯘﯞﺍﺗﺎﺗﺘﻰ. ﻳﺎﯓ ﺯﯦﯖﺸﯩﻦ ﻓﯧﯔ ﻳﯜﺷﻴﺎﯕﻨﯩﯔ ﻗﻪﺳﺘﯩﺪﯨﻦ ﺧﻪﯞﻩﺭﺩﺍﺭ ﺋﯩﺪﻯ. ﺷﯩﻨﺠﺎﯕﻨﯩﯔ ﺋﻪﺳﻜﯩﺮﯨﻲ ﻛﯜﭼﻰ ﺋﺎﺟﯩﺰ ﺑﻮﻟﯘﭖ، ﺩﯛﺷﻤﻪﻧﮕﻪ ﺗﺎﻗﺎﺑﯩﻞ ﺗﯘﺭﺍﻟﻤﺎﻳﺘﺘﻰ. ﺷﯘﯕﺎ ﻳﺎﯓ ﺯﯦﯖﺸﯩﻦ ﺋﯚﺯﯨﻨﻰ ﻗﺎﭼﯘﺭﯗﺵ ﺗﺎﻛﺘﯩﻜﯩﺴﯩﺪﯨﻦ ﭘﺎﻳﺪﯨﻠﯩﻨﯩﭗ، ﻛﯜﭼﻠﯜﻙ ﺩﯛﺷﻤﻪﻧﺪﯨﻦ ﺋﺎﻣﺎﻥ ﻗﯧﻠﯩﺸﻨﻰ ﺋﻮﻳﻼﻳﺘﺘﻰ.

1928-ﻳﯩﻠﻰ 2-ﺋﺎﻳﺪﺍ، ﻓﯧﯔ ﻳﯜﺷﻴﺎﯕﻨﯩﯔ ﻗﻮﻝ ﺋﺎﺳﺘﯩﺪﯨﻜﻰ ﺟﺎﯞ ﻣﯩﻴﺎﯞﭼﯜﻩﻥ، ﺷﯘ ﺟﯩﺰﻩﻧﻠﻪﺭ ﮔﻪﻧﺴﯘﺩﯨﻦ ﺷﯩﻨﺠﺎﯕﻐﺎ ﻗﺎﺭﺍﭖ ﻣﺎﯕﺪﻯ. ﺋﯘﻻﺭ ﺋﺎﺭﺍﻳﯘﻟﺘﯘﺯ (ﺷﯩﯖﺸﯩﯖﺸﻴﺎ) ﻏﺎ ﻛﻪﻟﮕﻪﻧﺪﻩ ﻗﻮﻟﻐﺎ ﭼﯜﺷﯜﭖ، ﺩﯨﺨﯘﺍ (ﺋﯜﺭﯛﻣﭽﻰ) ﻏﺎ ﺋﯧﻠﯩﭗ ﺑﯧﺮﯨﻠﺪﻯ. ﻳﺎﯓ ﺯﯦﯖﺸﯩﻦ ﺋﯘﻻﺭﻧﻰ ﻗﯩﺰﻏﯩﻦ ﻛﯜﺗﯜﯞﺍﻟﺪﻯ. ﺋﯩﻜﻜﯩﻴﻠﻪﻥ ﺩﯗﺑﻪﻥ ﻣﻪﮪﻜﯩﻤﯩﺴﯩﻨﯩﯔ ﻛﯘﺗﯘﭘﺨﺎﻧﯩﺴﯩﻐﺎ ﺋﻮﺭﯗﻧﻼﺷﺘﯘﺭﯗﻟﺪﻯ. ﺋﯘﻻﺭﻧﯩﯔ ﺳﯩﺮﺗﻘﺎ ﭼﯩﻘﯩﺸﯩﻐﺎ ﻳﻮﻝ ﻗﻮﻳﯘﻟﻤﺎﻳﺘﺘﻰ، ﺋﻪﻣﻪﻟﯩﻴﻪﺗﺘﻪ، ﻧﻪﺯﻩﺭﺑﻪﻧﺪﺗﻪ ﺋﯩﺪﻯ. 3-ﺋﺎﻳﻨﯩﯔ 3-ﻛﯜﻧﻰ ﺋﯩﻜﻜﯩﻴﻠﻪﻥ ﺋﻮﺕ ﻗﻮﻳﯘﭖ ﻗﺎﭼﻤﺎﻗﭽﻰ ﺑﻮﻟﺪﯨﻴﯘ، ﺋﯩﺶ ﺋﻪﭘﻠﻪﺷﻤﯩﺪﻯ. ﻧﻪﺗﯩﺠﯩﺪﻩ، ﺋﯘﻻﺭ ﺩﯨﺨﯘﺍ ﺳﻮﻻﻗﺨﺎﻧﯩﺴﯩﻐﺎ ﻳﯚﺗﻜﯩﯟﯦﺘﯩﻠﺪﻯ. ﺑﯘ ﭼﺎﻏﺪﺍ، ﻓﯧﯔ ﻳﯜﺷﻴﺎﯕﻨﯩﯔ ﻗﯩﺴﻤﻰ ﺷﻪﻧﺪﯗﯓ ﺋﯚﻟﻜﯩﺴﯩﻨﯩﯔ ﺟﯩﻨﻪﻥ ﺷﻪﮪﯩﺮﯨﮕﻪ ﻳﯧﺘﯩﭗ ﻛﻪﻟﮕﻪﻧﯩﺪﻯ. ﻓﯧﯔ ﻳﯜﺷﻴﺎﯓ ﻗﻮﻝ ﺋﺎﺳﺘﯩﺪﯨﻜﻰ ﺋﺎﺩﻩﻣﻠﯩﺮﯨﻨﯩﯔ ﻗﺎﻣﺎﭖ ﻗﻮﻳﯘﻟﻐﺎﻧﻠﯩﻘﯩﻐﺎ ﺋﺎﺷﻜﺎﺭﺍ ﭘﻮﺯﯨﺘﺴﯩﻴﻪ ﺑﯩﻠﺪﯛﺭﻣﯩﺪﻯ. ﻟﯧﻜﯩﻦ ﺋﯘﻧﯩﯔ ﺑﻪﺵ ﻳﯩﻞ ﺋﯩﻠﮕﯩﺮﻯ ﺷﯩﻨﺠﺎﯕﻐﺎ ﻳﻮﺷﯘﺭﯗﻥ ﻛﯩﺮﮔﻪﻥ ﺋﺎﺩﯨﻤﻰ ﺟﺎﯓ ﭼﯜﻧﺸﻰ ﺑﯩﻠﻪﻥ ﻣﻪﺧﭙﯩﻲ ﺋﺎﻻﻗﯩﺴﻰ ﺑﺎﺭ ﺋﯩﺪﻯ. ﺷﯘﻧﯩﯖﺪﯨﻦ ﺋﯧﺘﯩﺒﺎﺭﻩﻥ، ﺟﺎﯓ ﭼﯜﻧﺸﻰ «ﻳﺎﯓ ﺯﯦﯖﺸﯩﻨﻨﻰ ﻳﻮﻗﯩﺘﯩﺶ» ﻣﻪﺧﭙﯩﻲ ﮪﻪﺭﯨﻜﯩﺘﯩﻨﻰ ﻛﯜﭼﻪﻳﺘﯩﺸﻜﻪ ﺑﺎﺷﻠﯩﺪﻯ. ﺷﯘ ﭼﺎﻏﺪﺍ، ﺟﺎﯓ ﭼﯜﻧﺸﻰ ﺩﯨﺨﯘﺍ ﺭﯗﺳﭽﻪ ﻗﺎﻧﯘﻥ-ﺳﯩﻴﺎﺳﯩﻲ ﻣﻪﻛﺘﯩﭙﯩﻨﯩﯔ ﺋﯩﻠﻤﯩﻲ ﻣﯘﺩﯨﺮﻯ ﺋﯩﺪﻯ. ﺟﺎﯓ ﭼﯜﻧﺸﻰ ﺋﯚﺯﻯ ﺑﯩﻠﻪﻥ ﮪﻪﻣﻜﺎﺭﻟﯩﺸﯩﺸﻘﺎ ﺟﯩﻦ ﺷﯘﺭﯦﻨﻨﻰ ﺗﺎﻟﻠﯩﺪﻯ. ﺟﯩﻦ ﺷﯘﺭﯦﻦ ﻳﺎﯓ ﺯﯦﯖﺸﯩﻨﻨﯩﯔ ﻣﯘﺭﯨﺘﻰ ﺑﻮﻟﺴﯩﻤﯘ، ﻛﻪﻳﭗ-ﺳﺎﭘﺎ، ﻗﺎﻧﯘﻧﺴﯩﺰﻟﯩﻖ ﯞﻩ ﭘﺎﺭﯨﺨﻮﺭﻟﯘﻗﺘﺎ ﺋﯘﭼﯩﻐﺎ ﭼﯩﻘﻘﺎﻧﯩﺪﻯ. ﺷﯘﻏﯩﻨﯩﺴﻰ، ﻳﺎﯓ ﺯﯦﯖﺸﯩﻦ ﺟﯩﻦ ﺷﯘﺭﯦﻨﻨﻰ ﮪﺎﻣﺎﻥ ﻗﺎﻧﺎﺕ ﺋﺎﺳﺘﯩﻐﺎ ﺋﺎﻻﺗﺘﻰ. ﺋﻪﺳﻠﯩﺪﻩ، ﺟﯩﻦ ﺷﯘﺭﯦﻨﻨﯩﯔ ﻳﺎﯓ ﺯﯦﯖﺸﯩﻨﻨﻰ ﺋﯚﻟﺘﯜﺭﯛﺷﻰ ﺋﻪﻗﯩﻠﮕﻪ ﺳﯩﻐﻤﺎﻳﺪﯨﻐﺎﻥ ﺋﯩﺶ ﺋﯩﺪﻯ. ﻳﺎﯓ ﺯﯦﯖﺸﯩﻦ ﺋﯩﺴﺘﯧﭙﺎ ﺑﻪﺭﮔﯜﺩﻩﻙ ﺑﻮﻟﺴﺎ، ﺟﯩﻦ ﺷﯘﺭﯦﻦ ﺋﯚﺯﯨﻨﻰ ﺗﻮﻟﯘﻕ ﮪﻮﻗﯘﻗﻠﯘﻕ ﯞﺍﺭﯨﺲ ﮪﯧﺴﺎﺑﻼﻳﺘﺘﻰ. ﮪﺎﻟﺒﯘﻛﻰ، ﻳﺎﯓ ﺯﯦﯖﺸﯩﻦ ﺋﯚﺯﯨﮕﻪ ﯞﺍﺭﯨﺲ ﺗﺎﻟﻼﺷﺘﺎ ﺟﯩﻦ ﺷﯘﺭﯦﻨﻨﻰ ﺋﻮﻳﻼﺷﻤﯩﻐﺎﻧﯩﺪﻯ. ﻣﯘﺑﺎﺩﺍ ﻳﺎﯓ ﺯﯦﯖﺸﯩﻦ ﺷﯩﻨﺠﺎﯕﺪﯨﻦ ﻛﯧﺘﯩﭗ ﻗﺎﻟﻐﯘﺩﻩﻙ ﺑﻮﻟﺴﺎ ﺋﯘﻧﯩﯔ ﺋﻮﺭﻧﯩﻐﺎ ﺑﺎﺷﻘﯩﻼﺭ ﺋﻮﻟﺘﯘﺭﺍﺗﺘﻰ. ﺑﯘﻧﺪﺍﻕ ﺑﻮﻟﻐﺎﻧﺪﺍ ﺟﯩﻦ ﺷﯘﺭﯦﻨﻐﺎ ﻳﺎﺧﺸﻰ ﻛﯜﻥ ﻳﻮﻕ ﺋﯩﺪﻯ. ﺟﯩﻦ ﺷﯘﺭﯦﻦ ﺋﯚﺯﯨﻨﯩﯔ ﻏﯧﻤﯩﻨﻰ ﻳﯧﻴﯩﺶ ﺋﯜﭼﯜﻥ ﺧﻪﺗﻪﺭﮔﻪ ﺗﻪﯞﻩﻛﻜﯜﻝ ﻗﯩﻠﯩﺸﻨﻰ ﻗﺎﺭﺍﺭ ﻗﯩﻠﺪﻯ. ﺋﯘ ﻳﺎﯓ ﺯﯦﯖﺸﯩﻨﻨﯩﯔ ﯞﺍﺭﯨﺴﻰ ﺩﻩﭖ ﮪﯧﺴﺎﺑﻼﻧﻐﺎﻥ ﻓﻪﻥ ﻳﺎﯞﻧﻪﻧﻨﯩﻤﯘ ﻳﻮﻗﯩﺘﯩﻠﯩﺪﯨﻐﺎﻥ ﺋﻮﺑﻴﯧﻜﺖ ﺩﻩﭖ ﻗﺎﺭﯨﺪﻯ. ﺷﯘ ﯞﻩﺟﯩﺪﯨﻦ، ﺋﯘ ﺟﺎﯓ ﭼﯜﻧﺸﯩﻨﯩﯔ ﭘﯩﻼﻧﯩﻨﻰ ﺗﻪﺑﯩﺌﯩﻲ ﻗﻮﻟﻼﭖ ﻗﯘﯞﯞﻩﺗﻠﯩﺪﻯ. ﺟﯩﻦ ﺷﯘﺭﯦﻦ ﭘﯘﺭﺳﻪﺕ ﭘﯩﺸﯩﭗ ﻳﯧﺘﯩﻠﮕﻪﻧﺪﻩ ﺟﺎﯓ ﭼﯜﻧﺸﻰ ﺋﯚﺯ ﺋﺎﻟﺪﯨﻐﺎ ﮪﻪﺭﯨﻜﻪﺕ ﻗﯩﻠﺴﺎ ﺑﻮﻟﯩﺪﯗ، ﺋﺎﺩﻩﻡ ﻗﺎﻧﭽﻪ ﻛﯚﭖ ﻗﺎﺗﻨﺎﺷﺴﺎ ﻣﻪﺧﭙﯩﻴﻪﺗﻠﯩﻚ ﺷﯘﻧﭽﻪ ﺋﺎﺳﺎﻥ ﺋﺎﺷﻜﺎﺭﯨﻠﯩﻨﯩﺪﯗ ﺩﻩﭖ ﻗﺎﺭﯨﺪﻯ. ﻟﯧﻜﯩﻦ ﭘﯘﺭﺳﻪﺗﻨﻰ ﺗﯧﭙﯩﺶ ﺗﻮﻟﯩﻤﯘ ﺗﻪﺱ ﺑﻮﻟﯘﯞﺍﺗﺎﺗﺘﻰ. ﭼﯜﻧﻜﻰ ﺟﯩﻦ ﺷﯘﺭﯦﻦ ﺑﯩﯟﺍﺳﯩﺘﻪ ﻗﺎﺗﻨﯩﺸﯩﺸﻨﻰ ﺭﻩﺕ ﻗﯩﻠﯩﭗ، ﺟﺎﯓ ﭼﯜﻧﺸﯩﻨﻰ ﺋﺎﺳﺘﯩﺮﺗﺘﯩﻦ ﻗﻮﻟﻼﺷﻨﻰ ﺧﺎﻻﻳﺘﺘﻰ. ﺟﺎﯓ ﭼﯜﻧﺸﻰ ﮪﻪﺩﻩﭖ ﭘﯘﺭﺳﻪﺕ ﺋﯩﺰﺩﻩﻳﺘﺘﻰ. ﻟﯧﻜﯩﻦ ﭘﯩﻼﻧﻼﻧﻐﺎﻥ ﺋﯩﺶ ﻳﻪﻧﯩﻼ ﺳﯚﺭﯨﻠﯩﭗ ﻛﯧﺘﯩﯟﺍﺗﺎﺗﺘﻰ. 6-ﺋﺎﻳﻨﯩﯔ ﺋﺎﺧﯩﺮﯨﺪﺍ، ﺟﺎﯓ ﭼﯜﻧﺸﻰ ﺟﯩﻦ ﺷﯘﺭﯦﻨﻐﺎ ﺭﯗﺳﭽﻪ ﻗﺎﻧﯘﻥ-ﺳﯩﻴﺎﺳﯩﻲ ﻣﻪﻛﺘﯩﭙﻰ 7-ﺋﺎﻳﻨﯩﯔ ﺑﺎﺷﻠﯩﺮﯨﺪﺍ ﺋﻮﻗﯘﺵ ﭘﯜﺗﺘﯜﺭﯛﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺋﯘﻻﺭ ﺗﯘﻧﺠﻰ ﻗﺎﺭﺍﺭﻟﯩﻖ ﺋﻮﻗﯘﻏﯘﭼﯩﻼﺭ ﺑﻮﻟﻐﺎﭼﻘﺎ، ﻳﺎﯓ ﺯﯦﯖﺸﯩﻦ ﺋﺎﺩﻩﺗﺘﻪ ﻣﻪﻛﺘﻪﭘﻜﻪ ﺑﻪﻛﻤﯘ ﻛﯚﯕﯜﻝ ﺑﯚﻟﻪﺗﺘﻰ. ﺷﯘ ﻗﯧﺘﯩﻢ ﺋﯘﻧﯩﯔ ﺋﻮﻗﯘﺵ ﭘﯜﺗﺘﯜﺭﯛﺵ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺋﯧﮭﺘﯩﻤﺎﻟﻰ ﺗﻮﻟﯩﻤﯘ ﺯﻭﺭ ﺋﯩﺪﻯ. ﺟﺎﯓ ﭼﯜﻧﺸﻰ ﺑﯘﻧﻰ ﺗﺎﭘﻘﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯩﺮ ﭘﯘﺭﺳﻪﺕ ﺩﻩﭖ ﻗﺎﺭﯨﺪﻯ، ﺟﯩﻦ ﺷﯘﺭﯦﻦ ﺟﺎﯓ ﭼﯜﻧﺸﯩﻨﯩﯔ ﮪﻪﺭﯨﻜﻪﺕ ﭘﯩﻼﻧﯩﻐﺎ ﻗﻮﺷﯘﻟﺪﻯ. ﺟﺎﯓ ﭼﯜﻧﺸﻰ ﺷﻪﺧﺴﻪﻥ ﺋﯚﺯﻯ ﮪﻪﺭﯨﻜﻪﺕ ﻗﯩﻠﻤﺎﻗﭽﻰ ﺑﻮﻟﻐﯩﻨﯩﻨﯩﯔ ﺳﻪﯞﻩﺑﻰ ﺷﯘﻛﻰ، ﺑﺎﺷﻠﯩﻘﻨﯩﯔ ﻳﻮﻟﻴﻮﺭﯗﻗﯩﺪﯨﻦ ﺗﺎﺷﻘﯩﺮﻯ، ﺑﻪﺵ ﻳﯩﻠﺪﯨﻦ ﺑﯘﻳﺎﻥ ﺋﯘﻧﯩﯔ ﺷﯩﻨﺠﺎﯕﺪﺍ ﺯﺍﺩﯨﻼ ﺗﻪﻟﯩﻴﻰ ﺋﻮﯓ ﻛﻪﻟﻤﻪﻳﯟﺍﺗﺎﺗﺘﻰ. ﺷﯘﯕﺎ ﺋﯘ ﺋﯚﺯﯨﻨﯩﯔ ﺷﺎﺭﺍﺋﯩﺘﯩﻨﻰ ﺋﯚﺯﮔﻪﺭﺗﯩﺪﯨﻐﺎﻥ ﮪﻪﺭﯨﻜﻪﺕ ﻗﻮﻟﻠﯩﻨﯩﺶ ﺋﯜﭼﯜﻥ ﺋﯘﺭﯗﻧﯘﭖ ﺑﺎﻗﻤﺎﻗﭽﻰ ﺑﻮﻟﺪﻯ.

ﻗﺎﻧﻠﯩﻖ ﯞﻩﻗﻪ ﻳﯜﺯ ﺑﻪﺭﮔﻪﻥ ﭼﺎﻏﺪﯨﻜﻰ ﮪﻪﻗﯩﻘﯩﻲ ﺋﻪﮪﯟﺍﻝ

7-ﺋﺎﻳﻨﯩﯔ 7-ﻛﯜﻧﻰ ﺩﯨﺨﯘﺍ ﺭﯗﺳﭽﻪ ﻗﺎﻧﯘﻥ-ﺳﯩﻴﺎﺳﯩﻲ ﻣﻪﻛﺘﯩﭙﻰ ﺗﯘﻧﺠﻰ ﻗﺎﺭﺍﺭ ﺋﻮﻗﯘﻏﯘﭼﯩﻼﺭ ﺋﯜﭼﯜﻥ ﺋﻮﻗﯘﺵ ﭘﯜﺗﺘﯜﺭﯛﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﺩﻯ. ﻣﺎﺋﺎﺭﯨﭗ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﻟﻴﯘ ﯞﯦﻨﻠﻮﯓ ﻳﺎﯓ ﺯﯦﯖﺸﯩﻨﻐﺎ ﯞﺍﻛﺎﻟﯩﺘﻪﻥ ﺧﯩﺰﻣﻪﺗﻠﻪﺭﺩﯨﻦ ﺩﻭﻛﻼﺕ ﺑﯧﺮﯨﺶ ﺋﯜﭼﯜﻥ ﺑﯧﻴﺠﯩﯖﻐﺎ ﻛﻪﺗﻜﻪﭼﻜﻪ، ﺟﯩﻦ ﺷﯘﺭﯦﻦ ﻣﺎﺋﺎﺭﯨﭗ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﯨﻐﺎ ﯞﺍﻛﺎﻟﯩﺘﻪﻥ ﻳﺎﯓ ﺯﯦﯖﺸﯩﻨﻨﻰ ﻣﯘﺭﺍﺳﯩﻤﻐﺎ ﺗﻪﻛﻠﯩﭗ ﻗﯩﻠﺪﻯ. ﻳﺎﯓ ﺯﯦﯖﺸﯩﻦ ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﺳﻮﺭﯗﻧﻐﺎ ﻳﯧﺘﯩﭗ ﻛﻪﻟﺪﻯ. ﻣﯘﺭﺍﺳﯩﻢ ﺋﺎﻳﺎﻏﻼﺷﻘﺎﻧﺪﯨﻦ ﻛﯧﻴﯩﻦ ﻛﯚﭘﭽﯩﻠﯩﻚ ﺑﯩﺮﻟﯩﻜﺘﻪ ﺧﺎﺗﯩﺮﻩ ﺋﯜﭼﯜﻥ ﺳﯜﺭﻩﺗﻜﻪ ﭼﯜﺷﺘﻰ. ﺋﺎﻧﺪﯨﻦ ﻛﯚﭘﭽﯩﻠﯩﻚ ﺧﯘﺷﺎﻝ-ﺧﯘﺭﺍﻡ ﮪﺎﻟﺪﺍ ﺳﯩﻨﯩﭙﻘﺎ ﻛﯩﺮﯨﭗ ﺗﺎﻣﺎﻗﻘﺎ ﺗﯘﺗﯘﺵ ﻗﯩﻠﺪﻯ. ﺟﯩﻦ ﺷﯘﺭﯦﻦ ﻳﺎﯓ ﺯﯦﯖﺸﯩﻦ ﺑﯩﻠﻪﻥ ﺑﯩﺮ ﺋﯜﺳﺘﻪﻟﺪﻩ ﺋﻮﻟﺘﯘﺭﺩﻯ. ﺯﯨﻴﺎﭘﻪﺕ ﺩﺍﯞﺍﻣﻠﯩﺸﯩﯟﺍﺗﻘﺎﻧﺪﺍ ﺟﯩﻦ ﺷﯘﺭﯦﻦ «ﮪﯚﻛﯜﻣﻪﺕ ﺋﯩﺸﻰ ﭼﯩﻘﯩﭗ ﻗﺎﻟﺪﻯ» ﺩﻩﭖ ﺳﻮﺭﯗﻧﺪﯨﻦ ﺋﺎﻳﺮﯨﻠﺪﻯ. ﻳﺎﯓ ﺯﯦﯖﺸﯩﻦ ﺋﯘﻧﯩﯖﻐﺎ ﺩﯨﻘﻘﻪﺕ ﻗﯩﻠﯩﭙﻤﯘ ﻛﻪﺗﻤﯩﺪﻯ. ﺗﺎﻣﺎﻗﻘﺎ ﺋﻮﻟﺘﯘﺭﻏﺎﻧﻼﺭﻧﯩﯔ ﮪﻪﻣﻤﯩﺴﻰ ﺋﯚﺯﺋﺎﺭﺍ ﺗﻮﻧﯘﺵ ﺑﻮﻟﻐﺎﭼﻘﺎ، ﻳﺎﯓ ﺯﯦﯖﺸﯩﻨﻨﯩﯔ ﻣﯘﮪﺎﭘﯩﺰﻩﺗﭽﯩﻠﯩﺮﻯ ﻗﻮﺷﻨﺎ ﺧﺎﻧﯩﻐﺎ ﺗﻮﭘﻠﯩﺸﯩﭗ ﮪﺎﺭﺍﻕ ﺋﯩﭽﯩﺸﻜﻪ ﺑﺎﺷﻠﯩﺪﻯ. ﮪﺎﯞﺍ ﺗﻮﻟﯩﻤﯘ ﺋﯩﺴﺴﯩﻖ ﺋﯩﺪﻯ. ﻗﻪﺩﻩﮪ ﺋﯜﭺ ﺋﺎﻳﻼﻧﻐﺎﻧﺪﯨﻦ ﻛﯧﻴﯩﻦ ﻣﯘﮪﺎﭘﯩﺰﻩﺗﭽﯩﻠﻪﺭ ﻗﻮﺭﺍﻟﻠﯩﺮﯨﻨﻰ ﻳﺎﻧﻐﺎ ﻗﻮﻳﯘﭖ، ﭼﺎﭘﺎﻧﻠﯩﺮﯨﻨﯩﯔ ﺋﺎﻟﺪﯨﻨﻰ ﺋﯧﭽﯩﯟﻩﺗﺘﻰ. ﺟﺎﯓ ﭼﯜﻧﺸﻰ ﺳﺎﮪﯩﭙﺨﺎﻥ ﺳﯜﭘﯩﺘﯩﺪﻩ ﻣﯧﮭﻤﺎﻧﻼﺭﻏﺎ ﮪﺎﺭﺍﻕ ﺗﯘﺗﺘﻰ. ﺋﯘ ﻳﺎﯓ ﺯﯦﯖﺸﯩﻨﻨﯩﯔ ﺋﺎﻟﺪﯨﻐﺎ ﻛﻪﻟﮕﻪﻧﺪﻩ ﺗﻮﺳﺎﺗﺘﯩﻦ ﮪﺎﺭﺍﻕ ﺑﻮﺗﯘﻟﻜﯩﺴﯩﻨﻰ ﺋﯜﺳﺘﻪﻟﮕﻪ ﻗﻮﻳﺪﻯ. ﺷﯘ ﮪﺎﻣﺎﻥ ﺋﻮﻕ ﺋﺎﯞﺍﺯﻯ ﻳﺎﯕﺮﯨﺪﻯ، ﻳﺎﯓ ﺯﯦﯖﺸﯩﻦ ﻳﻪﺗﺘﻪ ﭘﺎﻱ ﺋﻮﻕ ﻳﻪﭖ ﻧﻪﻕ ﻣﻪﻳﺪﺍﻧﺪﺍ ﺋﯚﻟﺪﻯ. ﻗﯘﺭﯗﻟﯘﺵ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﻳﯧﻦ ﻳﯜﺷﻪﻥ ﺋﯧﻐﯩﺮ ﻳﺎﺭﯨﻠﯩﻨﯩﭗ، ﻳﯧﻘﯩﻦ ﺋﻪﺗﺮﺍﭘﺘﯩﻜﻰ ﺩﻭﺧﺘﯘﺭﺧﺎﻧﯩﻐﺎ ﺋﯧﻠﯩﭗ ﻛﯧﺘﯩﻠﺪﻯ. ﺋﻮﻕ ﺋﺎﯞﺍﺯﻯ ﻳﺎﯕﺮﺍﺷﻘﺎ ﺑﺎﺷﻠﯩﻐﺎﻧﺪﺍ ﻛﯩﺸﯩﻠﻪﺭ ﻣﯘﺭﺍﺳﯩﻤﻨﻰ ﺗﻪﺑﺮﯨﻜﻠﻪﭖ ﭘﻮﺟﺎﯕﺰﺍ ﺋﯧﺘﯩﯟﺍﺗﻘﺎﻥ ﺋﻮﺧﺸﺎﻳﺪﯗ ﺩﻩﭖ ﺋﯧﺮﻩﯕﺸﯩﻤﯩﺪﻯ. ﺷﯘ ﺋﺎﺭﯨﺪﺍ ﺑﯩﺮﻩﻳﻠﻪﻥ: «ﺑﯩﺮﻯ ﻳﺎﯓ ﺟﻴﺎﯕﺠﯜﻧﮕﻪ ﻗﻪﺳﺖ ﻗﯩﻠﺪﻯ!» ﺩﻩﭖ ﯞﺍﺭﻗﯩﺮﯨﺪﻯ. ﺗﻪﺭﺗﯩﭗ ﺑﯘﺯﯗﻟﯘﭖ ﻣﺎﻟﯩﻤﺎﻧﭽﯩﻠﯩﻖ ﻳﯜﺯ ﺑﻪﺭﺩﻯ. ﻓﻪﻥ ﻳﺎﯞﻧﻪﻥ ﻳﺎﺭﯨﻼﻧﻤﯩﻐﺎﻥ ﺑﻮﻟﺴﯩﻤﯘ ﺗﻮﺳﺎﺗﺘﯩﻦ ﭘﻪﻳﺪﺍ ﺑﻮﻟﻐﺎﻥ ﺋﯚﺯﮔﯩﺮﯨﺸﻠﻪﺭﺩﯨﻦ ﺋﯧﺴﯩﻨﻰ ﻳﻮﻗﯩﺘﯩﭗ، ﻧﯧﻤﻪ ﻗﯩﻼﺭﯨﻨﻰ ﺑﯩﻠﻪﻟﻤﻪﻱ ﻗﺎﻟﺪﻯ. ﺋﯘ ﺋﯧﺴﯩﻨﻰ ﻳﯩﻐﻘﺎﻧﺪﺍ ﻣﯘﮪﺎﭘﯩﺰﻩﺗﭽﯩﻠﻪﺭﻧﯩﯔ ﺗﻪﯕﺪﯨﻦ ﺗﻮﻟﯩﺴﻰ ﻗﯧﭽﯩﭗ ﻛﯧﺘﯩﭗ، ﺗﯚﺕ-ﺑﻪﺷﻼ ﺋﺎﺩﻩﻡ ﻗﺎﻟﻐﺎﻧﯩﺪﻯ. ﻓﻪﻥ ﻳﺎﯞﻧﻪﻥ ﮪﻪﺭﮪﺎﻟﺪﺍ ﮪﻪﺭﺑﯩﻲ ﺋﯩﺸﻼﺭ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﺑﻮﻟﻐﺎﭼﻘﺎ، ﻗﯧﭙﻘﺎﻟﻐﺎﻥ ﻣﯘﮪﺎﭘﯩﺰﻩﺗﭽﯩﻠﻪﺭﻧﻰ ﻗﻮﺭﺍﻟﻼﻧﺪﯗﺭﯗﭖ، ﻧﻪﻕ ﻣﻪﻳﺪﺍﻧﻨﻰ ﻗﻮﻏﺪﺍﺷﻘﺎ ﺑﺎﺷﻠﯩﺪﻯ. ﺟﺎﯓ ﭼﯜﻧﺸﻰ ﻗﺎﻻﻳﻤﯩﻘﺎﻧﭽﯩﻠﯩﻘﺘﯩﻦ ﭘﺎﻳﺪﯨﻠﯩﻨﯩﭗ ﺋﺎﻟﻠﯩﻘﺎﭼﺎﻥ ﻗﯧﭽﯩﭗ ﻛﻪﺗﻜﻪﻧﯩﺪﻯ.

ﻓﻪﻥ ﻳﺎﯞﻧﻪﻥ ﺋﯩﻜﻜﻰ ﺋﺎﺩﻩﻣﻨﻰ ﻧﻪﻕ ﻣﻪﻳﺪﺍﻧﻨﻰ ﺳﺎﻗﻼﺷﻘﺎ ﻗﺎﻟﺪﯗﺭﺩﻯ-ﺩﻩ، ﻗﺎﻟﻐﺎﻧﻼﺭﻧﻰ ﺑﺎﺷﻼﭖ، ﺟﯩﻦ ﺷﯘﺭﯦﻦ ﺑﯩﻠﻪﻥ ﻛﯧﻴﯩﻨﻜﻰ ﺋﯩﺸﻼﺭﻧﻰ ﻣﻪﺳﻠﯩﮭﻪﺗﻠﯩﺸﯩﺶ ﺋﯜﭼﯜﻥ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﻗﺎﺭﺍﭖ ﻳﯜﮔﯜﺭﺩﻯ. ﺑﯘ ﭼﺎﻏﺪﺍ، ﺟﯩﻦ ﺷﯘﺭﯦﻦ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﺋﯩﻜﻜﻰ ﺑﺎﺗﺎﻟﻴﻮﻥ ﺋﻪﺳﻜﻪﺭ ﺋﻮﺭﯗﻧﻼﺷﺘﯘﺭﻏﺎﻧﯩﺪﻯ. ﻓﻪﻥ ﻳﺎﯞﻧﻪﻥ ﺋﯘ ﻳﻪﺭﮔﻪ ﺑﺎﺭﺳﺎ ﻗﻮﻟﻐﺎ ﭼﯜﺷﻤﻪﻱ ﻗﺎﻟﻤﺎﻳﺘﺘﻰ.

ﻓﻪﻥ ﻳﺎﯞﻧﻪﻥ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﻨﯩﯔ ﺷﻪﺭﻗﯩﻲ ﮪﻮﻳﻠﯩﺴﯩﻐﺎ ﺟﺎﻳﻼﺷﻘﺎﻥ ﺧﻪﻟﻖ ﺋﯩﺸﻼﺭ ﻧﺎﺯﺍﺭﯨﺘﯩﮕﻪ ﺑﯧﺮﯨﭗ ﺟﯩﻦ ﺷﯘﺭﯦﻨﻨﻰ ﺗﺎﭘﺎﻟﻤﯩﺪﻯ. ﺟﯩﻦ ﺷﯘﺭﯦﻨﻨﯩﯔ ﻏﻪﺭﺑﯩﻲ ﮪﻮﻳﻠﯩﺪﯨﻜﻰ ﺗﯘﺭﺍﻟﻐﯘﺳﯩﻐﯩﻤﯘ ﺑﺎﺭﺩﻯ، ﺟﯩﻦ ﺷﯘﺭﯦﻦ ﺋﯘ ﻳﻪﺭﺩﯨﻤﯘ ﻳﻮﻕ ﺑﻮﻟﯘﭖ ﭼﯩﻘﺘﻰ. ﻓﻪﻥ ﻳﺎﯞﻧﻪﻥ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﻨﯩﯔ ﻗﻮﺭﯗﺳﯩﺪﺍ: «ﻳﺎﯓ ﺟﻴﺎﯕﺠﯜﻥ ﺋﯚﻟﺘﯜﺭﯛﻟﺪﻯ!»، «ﺑﯘﺭﺍﺩﻩﺭ ﺩﯦﺌﻪﻥ (ﺟﯩﻦ ﺷﯘﺭﯦﻨﻨﯩﯔ ﺗﻪﺧﻪﻟﻠﯘﺳﻰ) ﺳﯩﺰ ﻗﻪﻳﻪﺭﺩﻩ؟» ﺩﻩﭖ ﺗﻮﯞﻟﯩﺪﻯ. ﮪﯧﭽﻜﯩﻢ ﺟﺎﯞﺍﺏ ﺑﻪﺭﻣﯩﺪﻯ. ﻟﯧﻜﯩﻦ ﺋﯘ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﻛﯩﺮﯨﺸﯩﮕﯩﻼ، ﺟﯩﻦ ﺷﯘﺭﯦﻨﻨﯩﯔ ﺋﺎﺩﻩﻣﻠﯩﺮﻯ ﺋﯩﺸﯩﻜﻨﻰ ﺋﯩﭽﯩﺪﯨﻦ ﻗﯘﻟﯘﭘﻠﯩﯟﺍﻟﺪﻯ.

−ﻗﻮﺭﺍﻟﻠﯩﻖ ﺋﺎﺩﻩﻣﻠﻪﺭﻧﻰ ﺑﺎﺷﻼﭖ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﻛﯧﻠﯩﺸﺘﯩﻜﻰ ﻣﻪﻗﺴﯩﺘﯩﯖﯩﺰ ﻧﯧﻤﻪ؟−ﺳﻮﺭﯨﺪﻯ ﺟﯩﻦ ﺷﯘﺭﯦﻦ ﺗﻪﺋﻪﺩﺩﯨﻲ ﺑﯩﻠﻪﻥ.
−ﻳﺎﯓ ﺟﻴﺎﯕﺠﯜﻥ (ﻗﻮﻝ ﺋﺎﺳﺘﯩﺪﯨﻜﯩﻠﻪﺭﻧﯩﯔ ﮪﻪﻣﻤﯩﺴﻰ ﻳﺎﯓ ﺯﯦﯖﺸﯩﻨﻨﻰ ﻳﺎﯓ ﺟﻴﺎﯕﺠﯜﻥ ﺩﯦﻴﯩﺸﻪﺗﺘﻰ) ﺟﺎﯓ ﭼﯜﻧﺸﻰ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﺪﻯ،−ﺩﯦﺪﻯ ﻓﻪﻥ ﻳﺎﯞﻧﻪﻥ ﺋﯚﺯﯨﻨﻰ ﺋﺎﻗﻼﭖ،−ﻧﺎﺯﯨﺮ ﻳﯧﻦ ﻳﯜﺷﻪﻥ ﺋﯧﻐﯩﺮ ﻳﺎﺭﯨﻼﻧﺪﻯ. ﻣﻪﻥ ﺳﯩﺰ ﺑﯩﻠﻪﻥ ﻛﯧﻴﯩﻨﻜﻰ ﺋﯩﺸﻼﺭﻧﻰ ﻣﻪﺳﻠﯩﮭﻪﺗﻠﯩﺸﯩﺶ ﺋﯜﭼﯜﻥ ﻛﻪﻟﺪﯨﻢ.
ﺟﯩﻦ ﺷﯘﺭﯦﻦ ﻣﻪﺳﺨﯩﺮﻩ ﺑﯩﻠﻪﻥ ﻛﯜﻟﺪﻯ:
−ﻛﯧﻴﯩﻨﻜﻰ ﺋﯩﺸﻼﺭﻧﻰ ﻣﻪﺳﻠﯩﮭﻪﺗﻠﯩﺸﯩﺶ ﺩﯦﮕﻪﻥ ﻧﯧﻤﻪ ﺋﯘ، ﺋﯧﻨﯩﻘﻜﻰ، ﺳﯩﺰ ﺟﺎﯓ ﭼﯜﻧﺸﻰ ﺑﯩﻠﻪﻥ ﺑﯩﺮﻟﯩﺸﯩﭗ ﻳﺎﯓ ﺟﻴﺎﯕﺠﯜﻧﻨﻰ ﺋﯚﻟﺘﯜﺭﺩﯨﯖﯩﺰ، ﺋﻪﻣﺪﻯ ﻣﯧﻨﻰ ﺋﯚﻟﺘﯜﺭﻣﻪﻛﭽﻰ ﺑﻮﻟﯘﯞﺍﺗﯩﺴﯩﺰ.
ﻓﻪﻥ ﻳﺎﯞﻧﻪﻥ ﭼﯚﭼﯜﭖ ﻛﻪﺗﺘﻰ.
−ﺟﺎﯓ ﭼﯜﻧﺸﻰ ﺋﻮﻕ ﭼﯩﻘﯩﺮﯨﭗ ﻳﺎﯓ ﺟﻴﺎﯕﺠﯜﻧﻨﻰ ﺋﯚﻟﺘﯜﺭﺩﻯ. ﺳﻮﺭﯗﻧﺪﯨﻜﻰ ﮪﻪﻣﻤﻪﻳﻠﻪﻥ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﺩﻯ. ﺳﯩﺰ ﻣﯧﻨﻰ ﻗﺎﻧﺪﺍﻗﻼﺭﭼﻪ ﻗﺎﺗﯩﻞ ﺩﻩﭖ ﻗﺎﻟﺪﯨﯖﯩﺰ؟−ﺩﯦﺪﻯ ﺋﯘ.
−ﻟﯧﻜﯩﻦ ﺳﻮﺭﯗﻧﻐﺎ ﻗﺎﺗﻨﺎﺷﻘﺎﻥ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﺪﯨﻜﻰ ﺧﺎﺩﯨﻤﻼﺭﺩﯨﻦ ﺳﯩﺰﻻ ﻳﺎﺭﯨﻼﻧﻤﺎﭘﺴﯩﺰ. ﺑﯘ ﺳﯩﺰﻧﯩﯔ ﺟﺎﯓ ﭼﯜﻧﺸﯩﻨﯩﯔ ﺷﯧﺮﯨﻜﻰ ﺋﯩﻜﻪﻧﻠﯩﻜﯩﯖﯩﺰﮔﻪ ﻳﯧﺘﻪﺭﻟﯩﻚ ﺋﯩﺴﭙﺎﺗﻘﯘ؟−ﺩﻩﭖ ﭘﻪﻳﻠﯩﻨﻰ ﺑﯘﺯﺩﻯ ﺟﯩﻦ ﺷﯘﺭﯦﻦ.
−ﻗﺎﺗﯩﻞ ﺑﯩﻠﻪﻥ ﻗﯧﭽﯩﭗ ﻛﻪﺗﻤﻪﻱ ﺋﯘﻧﻰ ﻗﻮﻏﻠﯩﻐﺎﻥ ﺋﺎﺩﻩﻡ ﻗﺎﺗﯩﻠﻨﯩﯔ ﺷﯧﺮﯨﻜﻰ ﺑﻮﻻﻣﺪﯨﻜﻪﻥ؟−ﻓﻪﻥ ﻳﺎﯞﻧﻪﻥ ﺋﯚﺯﯨﻨﻰ ﺋﺎﻗﻼﺷﻘﺎ ﮔﻪﭖ ﺗﺎﭘﺎﻟﻤﺎﻱ ﻗﺎﻟﺪﻯ.
ﺟﯩﻦ ﺷﯘﺭﯦﻦ ﺋﯚﺯ ﮔﯧﭙﯩﻨﻰ ﻳﻮﺭﻏﯩﻠﯩﺘﯩﯟﻩﺭﺩﻯ:
−ﻓﻪﻥ ﺋﻪﭘﻪﻧﺪﯨﻤﻨﯩﯔ ﻗﺎﺗﯩﻠﻨﻰ ﻗﻮﻏﻼﭖ ﺋﯚﻟﻜﯩﻠﯩﻚ ﮪﯚﻛﯜﻣﻪﺕ ﻣﻪﮪﻜﯩﻤﯩﺴﯩﮕﻪ ﻛﻪﻟﮕﻪﻧﻠﯩﻜﻰ ﻛﯜﻟﻜﯩﻠﯩﻚ ﺋﻪﻣﻪﺳﻤﯘ؟
−ﻣﻪﻥ ﺑﯘ ﻳﻪﺭﮔﻪ ﻗﺎﺗﯩﻠﻨﻰ ﻗﻮﻏﻼﭖ ﺋﻪﻣﻪﺱ، ﺑﻪﻟﻜﻰ ﻗﺎﺗﯩﻠﻨﻰ ﻗﺎﻧﺪﺍﻕ ﻗﯩﻠﯩﭗ ﺗﯘﺗﯘﺵ ﺋﯜﺳﺘﯩﺪﻩ ﺳﯩﺰ ﺑﯩﻠﻪﻥ ﻣﻪﺳﻠﯩﮭﻪﺗﻠﻪﺷﻜﯩﻠﻰ ﻛﻪﻟﺪﯨﻢ،−ﺩﯦﺪﻯ ﻓﻪﻥ ﻳﺎﯞﻧﻪﻥ ﺋﯚﺯﯨﻨﯩﯔ ﮪﯚﻛﯜﻣﻪﺕ ﺋﯩﺸﻰ ﺋﯜﭼﯜﻥ ﻛﻪﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ.
ﺟﯩﻦ ﺷﯘﺭﯦﻦ ﻓﻪﻥ ﻳﺎﯞﻧﻪﻧﻨﻰ ﺋﯚﺯﻟﯜﻛﯩﺪﯨﻦ ﺋﯩﻘﺮﺍﺭ ﻗﯩﻠﺪﯗﺭﻣﺎﻗﭽﻰ ﺑﻮﻟﯘﭖ ﺋﯧﻐﯩﺰ ﺋﺎﭼﺘﻰ:
−ﻣﻪﺳﻠﮭﻪﺗﻠﯩﺸﯩﺶ ﺋﯜﭼﯜﻥ ﺗﻮﻟﯘﻕ ﻗﻮﺭﺍﻟﻼﻧﻐﺎﻥ ﺋﻪﺳﻜﻪﺭﻟﻪﺭﻧﻰ ﺑﺎﺷﻼﭖ ﻛﯧﻠﯩﺶ ﮪﺎﺟﻪﺗﻤﯩﻜﻪﻥ؟
−ﻣﺎﻟﯩﻤﺎﻧﭽﯩﻠﯩﻘﺘﺎ ﺋﯚﺯ ﺋﺎﻣﺎﻧﻠﯩﻘﯩﻢ ﺋﯜﺳﺘﯩﺪﻩ ﺋﻮﻳﻠﯩﺸﯩﺸﻘﺎ ﻣﻪﺟﺒﯘﺭ ﺑﻮﻟﺪﯗﻡ، ﺷﯘﯕﺎ ﺋﻪﺳﻜﻪﺭ ﺑﺎﺷﻼﭖ ﻛﻪﻟﺪﯨﻢ،−ﺩﯦﺪﻯ ﻓﻪﻥ ﻳﺎﯞﻧﻪﻥ ﻗﯩﻠﺘﺎﻗﻘﺎ ﺩﻩﺳﺴﯩﮕﯜﺳﻰ ﻛﻪﻟﻤﻪﻱ.
ﺟﯩﻦ ﺷﯘﺭﯦﻦ ﻗﻮﻟﻐﺎ ﭼﯜﺷﻜﻪﻥ ﺋﻮﻟﺠﯩﻨﻰ ﻗﻮﻳﯘﯞﻩﺗﻜﯜﺳﻰ ﻛﻪﻟﻤﯩﺪﻯ:
−ﺳﯩﺰﮔﻪ ﻣﺎﻻﻟﻠﯩﻖ ﻳﻪﺗﻜﯜﺯﯛﭖ ﻗﻮﻳﯩﺪﯨﻐﺎﻥ ﺑﻮﻟﺪﯗﻡ، ﻣﯘﮪﯩﻢ ﺋﯩﺸﻼﺭﻧﻰ ﺗﻮﻏﺮﺍ ﭼﯜﺷﯩﻨﻪﺭﺳﯩﺰ، ﺋﯩﺸﻼﺭ ﺋﺎﻳﺪﯨﯖﻼﺷﻘﺎﻧﺪﯨﻦ ﻛﯧﻴﯩﻦ ﺳﯩﺰﻧﻰ ﻗﻮﻳﯘﯞﯦﺘﯩﻤﻪﻥ.
−ﺋﯩﺸﻼﺭ ﺑﻪﻛﻤﯘ ﺟﯩﺪﺩﯨﻲ، ﮪﯧﺴﺴﯩﻴﺎﺗﯩﯖﯩﺰ ﺑﻮﻳﯩﭽﻪ ﺋﯩﺶ ﺗﯘﺗﺴﯩﯖﯩﺰ ﺑﻮﻟﻤﺎﻳﺪﯗ،−ﺩﻩﭖ ﻧﻪﺳﯩﮭﻪﺕ ﻗﯩﻠﺪﻯ ﺟﯩﻦ ﺷﯘﺭﯦﻨﻐﺎ ﺋﯩﺸﻼﺭﻧﻰ ﺟﯩﺪﺩﯨﻴﻠﻪﺷﺘﯜﺭﮔﯜﺳﻰ ﻛﻪﻟﻤﯩﮕﻪﻥ ﻓﻪﻥ ﻳﺎﯞﻧﻪﻥ.
−ﻓﻪﻥ ﺋﻪﭘﻪﻧﺪﻯ ﺗﻮﻻ ﺋﯧﻐﯩﺰ ﺋﯘﭘﺮﺍﺗﻤﯩﺴﯩﻤﯘ ﺑﻮﻟﯩﺪﯗ، ﻗﺎﻧﺪﺍﻕ ﻗﯩﻠﯩﺸﻨﻰ ﺋﯚﺯﯛﻡ ﺑﯩﻠﯩﻤﻪﻥ،−ﺩﯦﺪﻯ ﺟﯩﻦ ﺷﯘﺭﯦﻦ ﯞﻩ ﺋﻪﺳﻜﻪﺭﻟﻪﺭﮔﻪ ﻓﻪﻥ ﻳﺎﯞﻧﻪﻧﻨﻰ ﻳﺎﻻﭖ ﻣﯧﯖﯩﺸﻘﺎ ﺑﯘﻳﺮﯗﺩﻯ.
ﺋﺎﺭﯨﺪﯨﻦ ﺋﯘﺯﺍﻕ ﺋﯚﺗﻤﻪﻱ ﻓﻪﻥ ﻳﺎﯞﻧﻪﻧﻨﯩﯔ ﺗﺎﻳﺎﻕ ﻳﯧﮕﻪﻥ ﭼﺎﻏﺪﯨﻜﻰ ﺋﯧﭽﯩﻨﯩﺸﻠﯩﻖ ﺗﻮﯞﻟﯩﻐﺎﻥ ﺋﺎﯞﺍﺯﻯ ﺋﺎﯕﻼﻧﺪﻯ. ﻳﻪﻧﻪ ﺑﯩﺮ ﭘﻪﺳﺘﯩﻦ ﻛﯧﻴﯩﻦ ﺑﯩﺮﻩﻳﻠﻪﻥ ﻛﯩﺮﯨﭗ ﺟﯩﻦ ﺷﯘﺭﯦﻨﻐﺎ ﻓﻪﻥ ﻳﺎﯞﻧﻪﻧﻨﯩﯔ ﺯﺍﺩﯨﻼ ﺋﯩﻘﺮﺍﺭ ﻗﯩﻠﻤﺎﻳﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ. ﻟﯧﻜﯩﻦ ﻳﺎﯓ ﺯﯦﯖﺸﯩﻨﻐﺎ ﻗﻪﺳﺖ ﻗﯩﻠﯩﺸﻘﺎ ﺋﺎﻻﻗﯩﺪﺍﺭ ﮪﯧﭽﻘﺎﻧﺪﺍﻕ ﺋﯩﺴﭙﺎﺕ ﺗﯧﭙﯩﻠﻤﯩﺪﻯ. ﯞﺍﻗﯩﺖ ﺋﯚﺗﻜﻪﻧﺴﯧﺮﻯ ﭼﺎﺗﺎﻕ ﭼﯩﻘﯩﺸﺘﯩﻦ ﻗﻮﺭﻗﻘﺎﻥ ﺟﯩﻦ ﺷﯘﺭﯦﻦ ﺷﯘ ﻛﯜﻧﻰ ﻛﯧﭽﯩﺪﯨﻼ ﻓﻪﻥ ﻳﺎﯞﻧﻪﻧﻨﻰ ﻗﻪﺳﺖ ﻗﯩﻠﯩﺶ ﺟﯩﻨﺎﻳﯩﺘﻰ ﺑﯩﻠﻪﻥ ﺋﻪﻳﯩﺒﻠﻪﭖ ﻗﻪﺗﻞ ﻗﯩﻠﯩﯟﻩﺗﺘﻰ. ﻳﺎﯓ ﺯﯦﯖﺸﯩﻨﻨﯩﯔ ﻛﺎﺗﯩﭙﻰ ﺟﯩﻦ ﺷﯘﺭﯦﻨﻨﯩﯔ ﻓﻪﻥ ﻳﺎﯞﻧﻪﻧﻨﻰ ﻧﯧﻤﻪ ﺋﯜﭼﯜﻥ ﺋﯚﻟﺘﯜﺭﮔﻪﻧﻠﯩﻜﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ: «ﮪﻪﺭﻗﺎﻳﺴﻰ ﻧﺎﺯﺍﺭﻩﺕ، ﯞﯨﻼﻳﻪﺗﻠﻪﺭﺩﻩ ﻓﯧﺌﻮﺩﺍﻝ ﺋﯩﺪﯨﻴﯩﺴﻰ ﻛﯜﭼﻠﯜﻙ ﺋﺎﺩﻩﻣﻠﻪﺭ ﻛﯚﭖ. ﺋﯘﻻﺭ ﻳﯧﯖﯩﺪﯨﻦ ﻛﻪﻟﮕﻪﻥ ﻓﻪﻥ ﻳﺎﯞﻧﻪﻥ ﺑﯩﻠﻪﻥ ﺋﯩﺪﯨﻴﻪ ﺟﻪﮪﻪﺗﺘﯩﻦ ﻣﺎﺳﻠﯩﺸﺎﻟﻤﯩﺪﻯ» ﺩﯦﮕﻪﻧﯩﺪﻯ. ﻳﺎﯓ ﺯﯦﯖﺸﯩﻦ ﻓﻪﻥ ﻳﺎﯞﻧﻪﻧﻨﻰ ﺋﻪﺗﯩﯟﺍﺭﻻﭖ ﺋﯩﺸﻠﻪﺗﻜﻪﻧﻠﯩﻜﯩﻤﯘ ﺟﯩﻦ ﺷﯘﺭﯦﻦ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﻛﯚﯕﻠﯩﺪﻩ ﮪﻪﺳﻪﺕ ﻗﻮﺯﻏﯩﻐﺎﻧﯩﺪﻯ.

ﺳﯘﻳﯩﻘﻪﺳﺘﻨﯩﯔ ﺋﺎﺳﺎﺳﻠﯩﻖ ﭘﯩﻼﻧﻠﯩﻐﯘﭼﯩﺴﻰ ﺟﺎﯓ ﭼﯜﻧﺸﻰ ﺩﯨﺨﯘﺩﺍﯨﻦ ﻗﯧﭽﯩﭙﻤﯘ ﻛﻪﺗﻤﯩﺪﻯ. ﺟﯩﻦ ﺷﯘﺭﯦﻦ ﺋﯘﻧﻰ ﺷﯘ ﺋﺎﻳﻨﯩﯔ 9-ﻛﯜﻧﻰ ﻗﻮﻟﻐﺎ ﺋﺎﻟﺪﻯ، 13-ﻛﯜﻧﻰ ﺋﯚﻟﺘﯜﺭﺩﻯ. ﺑﯘﻧﯩﯔ ﺳﻪﯞﻩﺑﻰ ﺷﯘﻛﻰ، ﻳﺎﯓ ﺯﯦﯖﺸﯩﻦ ﺋﯚﻟﺘﯜﺭﯛﻟﮕﻪﻧﺪﯨﻦ ﻛﯧﻴﯩﻦ ﮔﻪﻧﺴﯘﺩﯨﻜﻰ ﻓﯧﯔ ﻳﯜﺷﻴﺎﯓ ﺳﯩﺴﺘﯧﻤﯩﺴﯩﻐﺎ ﺗﻪﯞﻩ ﻟﻴﯘ ﻳﯜﻓﯧﻦ ﻗﯩﺴﯩﻤﻠﯩﺮﯨﻨﯩﯔ ﺷﯩﻨﺠﺎﯕﻐﺎ ﻳﯧﻘﯩﻨﻼﭖ ﻗﺎﻟﻐﺎﻧﻠﯩﻘﯩﻨﯩﯔ ﺧﻪﯞﯨﺮﻯ ﻛﻪﻟﺪﻯ. ﺟﯩﻦ ﺷﯘﺭﯦﻦ « ﻓﯧﯔ ﻳﯜﺷﻴﺎﯓ ﺳﯩﺴﺘﯧﻤﯩﺴﯩﻐﺎ ﺑﻪﻳﺌﻪﺕ ﻗﯩﻠﯩﺶ» ﻳﺎﻛﻰ «ﻧﻪﻧﺠﯩﯖﻐﺎ ﺑﻮﻳﺴﯘﻧﯘﺵ» ﺋﻮﺗﺘﯘﺭﯨﺴﯩﺪﺍ ﺋﯩﻜﻜﯩﻠﯩﻨﯩﭗ ﻗﺎﻟﺪﻯ. ﻛﯧﻴﯩﻨﭽﻪ، ﻧﻪﻧﺠﯩﯔ ﺗﻪﺭﻩﭘﺘﯩﻦ ﺋﺎﺷﻜﺎﺭﺍ ﻳﻮﻟﻴﻮﺭﯗﻕ ﻛﻪﻟﺪﻯ. ﺷﯘﻧﯩﯔ ﺑﯩﻠﻪﻥ ﺟﯩﻦ ﺷﯘﺭﯦﻦ ﻗﻪﺗﺌﯩﻲ ﻧﯩﻴﻪﺗﻜﻪ ﻛﯧﻠﯩﭗ ﺟﺎﯓ ﭼﯜﻧﺸﯩﻨﻰ ﻗﻪﺗﻞ ﻗﯩﻠﺪﻯ.

ﺋﯚﻟﻜﯩﻠﯩﻚ ﮪﯚﻛﯜﻣﻪﺗﻨﯩﯔ ﺭﻩﺋﺴﻰ ﺑﻮﻟﯘﯞﯦﻠﯩﺶ

7-ﺋﺎﻳﻨﯩﯔ 9-ﻛﯜﻧﻰ ﺟﯩﻦ ﺷﯘﺭﯦﻦ ﻣﯘﯞﻩﻗﻘﻪﺕ ﺋﯚﻟﻜﻪ ﺑﺎﺷﻠﯩﻘﻰ ﻧﺎﻣﻰ ﺑﯩﻠﻪﻥ ﻧﻪﻧﺠﯩﯔ ﮪﯚﻛﯜﻣﯩﺘﯩﮕﻪ ﻣﯘﻧﺪﺍﻕ ﺩﻩﭖ ﺗﯧﻠﯧﮕﺮﺍﻣﻤﺎ ﻳﻮﻟﻠﯩﺪﻯ: «ﻣﯘﺷﯘ ﺋﺎﻳﻨﯩﯔ 7-ﻛﯜﻧﻰ ﺭﻩﺋﯩﺲ ﻳﺎﯓ ﺯﯦﯖﺸﯩﻦ ﺩﯨﺨﯘﺍﺩﯨﻜﻰ ﺭﯗﺳﭽﻪ ﻗﺎﻧﯘﻥ-ﺳﯩﻴﺎﺳﯩﻲ ﻣﻪﻛﺘﯩﭙﯩﻨﯩﯔ ﺋﻮﻗﯘﺵ ﭘﯜﺗﺘﯜﺭﯛﺵ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﺘﻰ. ﺩﯨﭙﻠﻮﻡ ﺗﺎﺭﻗﯩﺘﯩﻠﯩﯟﺍﺗﻘﺎﻧﺪﺍ ﺋﻪﺳﻜﻪﺭﻟﻪﺭ ﺳﺎﺑﯩﻖ ﺩﯨﭙﻠﻮﻣﺎﺗﯩﻴﻪ ﺋﺎﻻﮪﯩﺪﻩ ﺧﺎﺩﯨﻤﻰ ﻓﻪﻥ ﻳﺎﯞﻧﻪﻧﻨﯩﯔ ﺑﯘﻳﺮﯗﻗﯩﻐﺎ ﺋﺎﺳﺎﺳﻪﻥ ﺭﻩﺋﯩﺴﻜﻪ ﺋﻮﻕ ﭼﯩﻘﺎﺭﺩﻯ. ﺭﻩﺋﯩﺲ ﻳﺎﯓ ﺯﯦﯖﺸﯩﻦ ﺩﺍﯞﺍﻻﺵ ﺋﯜﻧﯜﻡ ﺑﻪﺭﻣﻪﻱ ﺷﯘ ﻛﯜﻧﻰ ﻗﺎﺯﺍ ﻗﯩﻠﺪﻯ. ﻓﻪﻥ ﻳﺎﯞﻧﻪﻥ ﯞﻩ ﺋﯘﻧﯩﯔ ﻗﺎﺗﯩﻞ ﺋﻪﺳﻜﻪﺭﻟﯩﺮﻯ ﻗﻮﻟﻐﺎ ﺋﯧﻠﯩﻨﺪﻯ. ﻳﻪﺭﻟﯩﻚ ﮪﯚﻛﯜﻣﻪﺕ ﺟﯩﺪﺩﯨﻲ ﻳﯩﻐﯩﻦ ﺋﯧﭽﯩﭗ، ﺟﯩﻦ ﺷﯘﺭﯦﻨﻨﻰ ﺋﯚﻟﻜﯩﻠﯩﻚ ﮪﯚﻛﯜﻣﻪﺗﻜﻪ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﯩﺸﻘﺎ ﺗﻪﻳﯩﻨﻠﯩﺪﻯ.» 7-ﺋﺎﻳﻨﯩﯔ 18-ﻛﯜﻧﻰ ﺑﯧﻴﺠﯩﯔ، ﺷﺎﯕﺨﻪﻳﺪﯨﻜﻰ ﮪﻪﺭﻗﺎﻳﺴﻰ ﻧﻮﭘﯘﺯﻟﯘﻕ ﮔﯧﺰﯨﺘﻠﻪﺭ ﺟﯩﻦ ﺷﯘﺭﯦﻨﻨﯩﯔ ﻳﻪﻧﻪ ﺑﯩﺮ ﺗﯧﻠﯧﮕﺮﺍﻣﻤﯩﺴﯩﻨﻰ ﺋﯧﻼﻥ ﻗﯩﻠﺪﻯ. ﺗﯧﻠﯧﮕﺮﺍﻣﻤﯩﺪﺍ ﻣﯘﻧﺪﺍﻕ ﺩﯦﻴﯩﻠﮕﻪﻧﯩﺪﻯ: «ﻣﺎﻟﯩﻤﺎﻧﭽﻰ ﮔﯘﺭﯗﮪﻨﯩﯔ ﻛﺎﺗﺘﯩﯟﯦﺸﻰ ﻓﻪﻥ ﻳﺎﯞﻧﻪﻥ ﻟﯜﻛﭽﻪﻛﻠﻪﺭﻧﻰ ﺑﺎﺷﻼﭖ ﺋﯚﻟﻜﯩﻠﯩﻚ ﮪﯚﻛﯜﻣﻪﺗﻜﻪ ﺑﺎﺳﺘﯘﺭﯗﭖ ﻛﯩﺮﺩﻯ. ﺋﯘﻻﺭ 3-ﺯﺍﻟﻨﻰ ﺋﯩﺸﻐﺎﻝ ﻗﯩﻠﯩﯟﯦﻠﯩﭗ، ﺟﯩﺪﺩﯨﻲ ﯞﻩﺯﯨﻴﻪﺕ ﭘﻪﻳﺪﺍ ﻗﯩﻠﺪﻯ. ﺑﯘ ﻟﯜﻛﭽﻪﻛﻠﻪﺭ ﺋﺎﺭﻣﯩﻴﻪ، ﮪﯚﻛﯜﻣﻪﺕ، ﺟﺎﻣﺎﺋﻪﺗﭽﯩﻠﯩﻚ ﮪﻪﻣﺪﻩ ﺳﻮﺩﯨﺪﯨﻦ ﺋﯩﺒﺎﺭﻩﺕ ﮪﻪﺭﻗﺎﻳﺴﻰ ﺳﺎﮪﻪﻧﯩﯔ ﻗﺎﺗﺘﯩﻖ ﻏﻪﺯﯨﭙﻰ ﯞﻩ ﺋﻪﻳﯩﺒﻠﯩﺸﯩﮕﻪ ﺋﯘﭼﺮﯨﺪﻯ. ﺟﺎﻣﺎﺋﻪﺗﭽﯩﻠﯩﻚ ﻛﻪﻣﯩﻨﻪ ﺟﯩﻦ ﺷﯘﺭﯦﻨﻨﻰ ﺷﯩﻨﺠﺎﯓ ﺋﯚﻟﻜﯩﻠﯩﻚ ﮪﯚﻛﯜﻣﻪﺗﻨﯩﯔ ﺭﻩﺋﯩﺴﻠﯩﻜﯩﮕﻪ ﮪﻪﻣﺪﻩ ﺑﺎﺵ ﻗﻮﻣﺎﻧﺪﺍﻧﻠﯩﻘﻘﺎ ﺗﻪﻳﯩﻨﻠﯩﺪﻯ. ﺑﯘﻧﻰ ﺭﻩﺕ ﻗﯩﻠﯩﺸﻘﺎ ﺋﯩﻤﻜﺎﻥ ﺑﻮﻟﻤﯩﺪﻯ. ﭼﯜﻧﻜﻰ ﺋﺎﺯﺭﺍﻗﻼ ﺑﻮﺷﺎﯕﻠﯩﻖ ﻗﯩﻠﯩﻨﺴﺎ ﺟﻪﻣﺌﯩﻴﻪﺕ ﻗﺎﻻﻳﻤﯩﻘﺎﻧﻠﯩﺸﯩﭗ، ﭘﯜﺗﻜﯜﻝ ﺷﯩﻨﺠﺎﯓ ﺯﯨﻠﺰﯨﻠﯩﮕﻪ ﻛﯧﻠﯩﺸﻰ ﻣﯘﻗﻪﺭﺭﻩﺭ ﺋﯩﺪﻯ. ﻛﻪﻣﯩﻨﻪ ﺟﯩﻦ ﺷﯘﺭﯦﻦ ﺟﺎﻣﺎﺋﻪﺗﭽﯩﻠﯩﻜﻨﯩﯔ ﺋﯩﻠﺘﯩﻤﺎﺳﯩﻐﺎ ﺑﯩﻨﺎﺋﻪﻥ ﺋﯘﺷﺒﯘ ﻣﯜﺷﻜﯜﻻﺗﻨﻰ ﺯﯨﻤﻤﻪﻣﮕﻪ ﺋﯧﻠﯩﭗ، ﻗﻮﺷﯘﻧﻨﻰ ﮪﻪﺭﯨﻜﻪﺗﻠﻪﻧﺪﯛﺭﯛﺷﻜﻪ ﻣﻪﺟﺒﯘﺭ ﺑﻮﻟﺪﯗﻡ. ﻣﺎﻟﯩﻤﺎﻧﭽﻰ ﮔﯘﺭﯗﮪﻨﯩﯔ ﻛﺎﺗﺘﯩﯟﯦﺸﻰ ﻓﻪﻥ ﻳﺎﯞﻧﻪﻥ ﯞﻩ ﺋﯘﻧﯩﯔ 21 ﺷﯧﺮﯨﻜﻰ ﻧﻪﻕ ﻣﻪﻳﺪﺍﻧﺪﺍ ﻗﻮﻟﻐﺎ ﭼﯜﺷﯜﺭﯛﻟﯜﭖ ﻗﺎﻧﯘﻥ ﺑﻮﻳﯩﭽﻪ ﻗﻪﺗﻞ ﻗﯩﻠﯩﻨﺪﻯ. ﻛﻮﻣﺎﻧﺪﯨﺮ-ﺋﻪﺳﻜﻪﺭﻟﯩﺮﯨﻤﯩﺰﺩﯨﻦ ﺑﻪﺵ ﻛﯩﺸﻰ ﻗﺎﺯﺍ ﺗﺎﭘﺘﻰ، ﺋﻮﻥ ﻧﻪﭼﭽﻪ ﻛﯩﺸﻰ ﻳﺎﺭﯨﻼﻧﺪﻯ. ﭘﯧﻘﯩﺮﻧﯩﯔ ﺗﺎﻻﻧﺘﻰ ﯞﻩ ﺋﯩﻘﺘﯩﺪﺍﺭﻯ ﺗﻮﻟﯩﻤﯘ ﺗﯚﯞﻩﻥ. ﭼﯧﮕﺮﺍ ﺭﺍﻳﻮﻧﻨﻰ ﻗﻮﻏﺪﺍﭖ ﻏﻪﺭﺑﯩﻲ ﺷﯩﻤﺎﻟﻨﻰ ﺋﻪﻣﯩﻦ ﺗﺎﭘﻘﯘﺯﯗﺷﻘﺎ ﺗﯧﺰﻟﯩﻜﺘﻪ ﺋﻪﻗﯩﻞ ﻛﯚﺭﺳﯩﺘﯩﺸﯩﯖﻼﺭﻧﻰ ﺋﯜﻣﯩﺪ ﻗﯩﻠﯩﻤﻪﻥ. ﺷﯩﻨﺠﺎﯓ ﺋﯚﻟﻜﯩﻠﯩﻚ ﮪﯚﻛﯜﻣﻪﺗﻨﯩﯔ ﺭﻩﺋﯩﺴﻰ ﯞﻩ ﺑﺎﺵ ﻗﻮﻣﺎﻧﺪﺍﻧﻰ ﺟﯩﻦ ﺷﯘﺭﯦﻦ.» ﺟﯩﻦ ﺷﯘﺭﯦﻦ ﭘﺎﻛﯩﺘﻨﻰ ﻳﻮﺷﯘﺭﺳﯩﻤﯘ، ﺑﯘ ﺋﯩﻜﻜﻰ ﺗﯧﻠﯧﮕﺮﺍﻣﻤﯩﻨﻰ ﺳﯧﻠﯩﺸﺘﯘﺭﯗﺵ ﺋﺎﺭﻗﯩﻠﯩﻖ ﺋﯘﻧﯩﯖﺪﺍ ﺋﯚﺯﺋﺎﺭﺍ ﺯﯨﺪﺩﯨﻴﻪﺗﻠﯩﻚ ﺟﺎﻳﻼﺭﻧﯩﯔ ﻛﯚﭘﻠﯜﻛﯩﻨﻰ ﻛﯚﺭﯛﯞﯦﻠﯩﺶ ﻣﯘﻣﻜﯩﻦ. ﻟﻴﯘ ﻳﯜﻓﯧﻦ 7-ﺋﺎﻳﻨﯩﯔ 23-ﻛﯜﻧﻰ ﺟﯩﻦ ﺷﯘﺭﯦﻨﻨﯩﯔ ﺗﯧﻠﯧﮕﺮﺍﻣﻤﯩﺴﯩﻐﺎ ﻗﺎﺭﯨﺘﺎ ﻧﻪﻧﺠﯩﯖﮕﻪ «ﺟﯩﻦ ﺷﯘﺭﯦﻦ ﻣﯜﻟﻜﯩﻲ ﺧﺎﺩﯨﻤﻼﺭﻏﺎ ﺗﻪﯞﻩ، ﺋﯩﻘﺘﯩﺪﺍﺭﺩﺍ ﻳﺎﯓ ﺯﯦﯖﺸﯩﻨﺪﯨﻦ ﺗﻮﻟﯩﻤﯘ ﺗﯚﯞﻩﻥ، ﺋﯧﻐﯩﺮ ﯞﻩﺯﯨﭙﯩﻨﻰ ﺯﯨﻤﻤﯩﺴﯩﮕﻪ ﺋﺎﻻﻟﻤﺎﻳﺪﯗ» ﺩﻩﭖ ﺗﯧﻠﯧﮕﺮﺍﻣﻤﺎ ﻳﻮﻟﻠﯩﺪﻯ ﮪﻪﻣﺪﻩ ﺷﯩﻨﺠﺎﯕﻨﯩﯔ ﻗﺎﻻﻳﻤﯩﻘﺎﻥ ﯞﻩﺯﯨﻴﯩﺘﯩﻨﻰ ﺗﯜﺯﻩﺵ ﺋﯜﭼﯜﻥ «ﭼﯧﻨﯩﻘﻘﺎﻥ، ﭘﺎﻙ ﺋﺎﺩﻩﻣﻠﻪﺭﻧﻰ ﺋﻪﯞﻩﺗﯩﺶ ﻛﯧﺮﻩﻙ» ﺩﻩﭖ ﺗﻪﻛﻠﯩﭗ ﺑﻪﺭﺩﻯ. ﻳﯘﻗﯩﺮﯨﻘﯩﻼﺭﺩﯨﻦ ﻟﻴﯘ ﻳﯜﻓﯧﻦ ﺟﯩﻦ ﺷﯘﺭﯦﻨﻨﯩﯔ ﻧﻪﻧﺠﯩﯔ ﺗﻪﺭﻩﭘﻜﻪ ﺋﯧﻐﯩﭗ ﻛﻪﺗﻜﻪﻧﻠﯩﻜﯩﺪﯨﻦ ﺗﻮﻟﯩﻤﯘ ﻧﺎﺭﺍﺯﻯ ﺋﯩﻜﻪﻧﻠﯩﻜﯩﻨﻰ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ.

ﺟﯩﻦ ﺷﯘﺭﯦﻦ ﻳﻪﻧﻪ ﺷﯩﻨﺠﺎﯕﺪﯨﻜﻰ ﮪﻪﺭ ﺳﺎﮪﻪ ﺯﺍﺗﻠﯩﺮﯨﻨﻰ ﺑﯩﺮﻟﯩﻜﺘﻪ ﺋﯩﻤﺰﺍ ﻗﻮﻳﯘﭖ، ﻧﻪﻧﺠﯩﯔ ﮪﯚﻛﯜﻣﯩﺘﯩﺪﯨﻦ ﺋﯚﺯﯨﻨﻰ ﺭﻩﺋﯩﺴﻠﯩﻜﻜﻪ ﺗﻪﻳﯩﻨﻠﻪﺷﻨﻰ ﺋﯩﻠﺘﯩﻤﺎﺱ ﻗﯩﻠﯩﺸﻘﺎ ﮪﻪﺭﯨﻜﻪﺗﻠﻪﻧﺪﯛﺭﺩﻯ. ﻟﯧﻜﯩﻦ ﻣﯩﻠﻠﯩﻲ ﮪﯚﻛﯜﻣﻪﺗﻨﯩﯔ ﺭﻩﺋﯩﺴﻰ ﺗﻪﻥ ﻳﻪﻧﻜﻪﻱ ﺟﯩﻦ ﺷﯘﺭﯦﻦ ﻗﺎﻧﻠﯩﻖ ﯞﻩﻗﻪﮔﻪ ﻗﺎﺗﻨﺎﺷﻘﺎﻥ ﺩﻩﭖ ﻗﺎﺭﺍﭖ ﺗﻪﻳﯩﻨﻠﯩﻤﯩﺪﻯ. 10-ﺋﺎﻳﻨﯩﯔ 10-ﻛﯜﻧﻰ ﺟﻴﺎﯓ ﺟﻴﯧﺸﻰ ﺗﻪﻥ ﻳﻪﻧﻜﻪﻳﻨﯩﯔ ﺋﻮﺭﻧﯩﻐﺎ ﻣﯩﻠﻠﯩﻲ ﮪﯚﻛﯜﻣﻪﺗﻜﻪ ﺭﻩﺋﯩﺲ ﺑﻮﻟﺪﻯ. ﺷﯘ ﺋﺎﻳﻨﯩﯔ 31-ﻛﯜﻧﻰ ﺟﻴﺎﯓ ﺟﻴﯧﺸﻰ ﺟﯩﻦ ﺷﯘﺭﯦﻨﻨﯩﯔ ﻣﺎﺗﯧﺮﯨﻴﺎﻟﯩﻨﻰ ﻗﺎﻳﺘﺎ «ﻣﯘﺯﺍﻛﯩﺮﻩ» ﻗﯩﻠﯩﺶ ﺋﯜﭼﯜﻥ ﺗﻪﺳﺘﯩﻘﻼﭖ ﺩﯙﻟﻪﺕ ﻣﻪﺟﻠﯩﺴﯩﮕﻪ ﭼﯜﺷﯜﺭﺩﻯ. ﺟﻴﺎﯓ ﺟﻴﯧﺸﯩﻨﯩﯔ ﻗﺎﺗﻨﯩﺸﯩﺸﻰ ﺋﺎﺭﻗﯩﻠﯩﻖ ﺟﯩﻦ ﺷﯘﺭﯦﻨﻨﯩﯔ ﺋﯚﺳﺘﯜﺭﯛﻟﯜﺷﻰ ﺋﺎﺧﯩﺮﯨﺪﺍ ﻣﺎﻗﯘﻟﻼﻧﺪﻯ. ﮔﻮﻣﯩﻨﺪﺍﯕﻨﯩﯔ ﭘﯧﯔ ﭼﺎﯕﮕﯘﺍﯓ، ﺟﺎﯓ ﺟﯩﺒﯩﻦ، ﺟﯘ ﺷﯘﻟﯧﻲ ﻗﺎﺗﺎﺭﻟﯩﻖ ﻣﯘﮪﯩﻢ ﺋﻪﺭﺑﺎﺑﻠﯩﺮﻯ ﺑﯘ ﺋﯩﺸﻘﺎ ﺋﺎﺷﻜﺎﺭﺍ ﻗﺎﺭﺷﻰ ﺗﯘﺭﺩﻯ، ﻓﻪﻥ ﻳﺎﯞﻧﻪﻧﮕﻪ ﺋﯘﯞﺍﻝ ﺑﻮﻟﺪﻯ ﺩﯦﻴﯩﺸﺘﻰ. ﮪﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺑﯘﻧﯩﯖﻐﺎ ﻗﺎﺭﯨﺘﺎ «ﺋﻮﻣﯘﻣﯩﻲ ﯞﻩﺯﯨﻴﻪﺗﻜﻪ ﺋﯧﺘﯩﺒﺎﺭ ﺑﯧﺮﯨﺶ ﻛﯧﺮﻩﻙ»، «ﺟﯩﻦ ﺷﯘﺭﯦﻦ ﺋﯚﺳﺘﯜﺭﯛﻟﯜﺷﻰ ﻻﺯﯨﻢ، ﺋﯘﻧﯩﯔ ﺋﻮﺭﻧﻰ ﻓﯧﯔ ﻳﯜﺷﻴﺎﯕﻨﯩﯖﻜﯩﺪﯨﻦ ﺗﯚﯞﻩﻥ ﺑﻮﻟﯘﭖ ﻗﺎﻟﻤﺎﺳﻠﯩﻘﻰ ﻛﯧﺮﻩﻙ» ﺩﻩﭖ ﺋﯩﻨﻜﺎﺱ ﺑﯩﻠﺪﯛﺭﺩﻯ.

1933-ﻳﯩﻠﻰ 4-ﺋﺎﻳﻨﯩﯔ 12-ﻛﯜﻧﻰ ﺷﯧﯔ ﺷﯩﺴﻪﻱ ﮪﻪﺭﺑﯩﻲ ﺋﯚﺯﮔﯩﺮﯨﺶ ﻗﻮﺯﻏﺎﭖ ﺟﯩﻦ ﺷﯘﺭﯦﻨﻨﻰ ﺩﯨﺨﯘﺍﺩﯨﻦ ﮪﻪﻳﺪﯨﯟﻩﺗﺘﻰ. ﺑﯘ ﺧﯘﺩﺩﻯ «ﻳﺎﺧﺸﯩﻠﯩﻖ ﻗﯩﻠﺴﺎﯓ ﻳﺎﺧﺸﯩﻠﯩﻖ ﻛﯚﺭﯨﺴﻪﻥ، ﻳﺎﻣﺎﻧﻠﯩﻖ ﻗﯩﻠﺴﺎﯓ ﻳﺎﻣﺎﻧﻠﯩﻖ» ﺩﯦﮕﻪﻧﺪﻩﻙ ﺋﯩﺶ ﺑﻮﻟﺪﻯ. ﺋﻪﻳﻨﻰ ﺯﺍﻣﺎﻧﺪﺍ ﺑﻴﯧﺠﯩﯖﺪﺍ ﭼﯩﻘﯩﺪﯨﻐﺎﻥ «ﺳﻪﮪﻪﺭ ﮔﯧﺰﯨﺘﻰ» ﻧﯩﯔ ﺳﯚﺯﻯ ﺑﻮﻳﯩﭽﻪ ﺋﯧﻴﺘﻘﺎﻧﺪﺍ «ﺟﯩﻦ ﺷﯘﺭﯦﻦ ﻳﺎﯓ ﺯﯦﯖﺸﯩﻨﻨﻰ ﻳﻮﻗﺎﺗﺘﻰ، ﺷﯧﯔ ﺷﯩﺴﻪﻱ ﺟﯩﻦ ﺷﯘﺭﯦﻨﻨﯩﯔ ﮪﯩﻴﻠﻪ-ﻣﯩﻜﯩﺮﯨﺪﯨﻦ ﭘﺎﻳﺪﯨﻼﻧﺪﻯ، ﺋﺎﺧﯩﺮﯨﺪﺍ ﺋﯘﻧﻰ ﻳﻮﻗﺎﺗﺘﻰ.»
ـــــــــــــــــــــــــــــــــــــ
① ﺋﺎﺑﺪﯗﺭﯦﮭﯩﻢ ﺋﯚﺗﻜﯜﺭ: «ﺋﻮﻳﻐﺎﻧﻐﺎﻥ ﺯﯦﻤﯩﻦ» 4-ﺑﻪﺗﻜﻪ ﻗﺎﺭﺍﯓ.
② ﺳﻪﻳﭙﯩﺪﯨﻦ ﺋﻪﺯﯨﺰﻯ: «ﺋﯚﻣﯜﺭ ﺩﺍﺳﺘﺎﻧﻠﯩﺮﻯ» 1-ﻛﯩﺘﺎﺏ 169-ﺑﻪﺗﻜﻪ ﻗﺎﺭﺍﯓ.
③ ﺑﯘﺭﮪﺎﻥ ﺷﻪﮪﯩﺪﻯ: «ﺷﯩﻨﺠﺎﯕﻨﯩﯔ 50 ﻳﯩﻠﻰ» 23-، 234-ﺑﻪﺗﻠﻪﺭﮔﻪ ﻗﺎﺭﺍﯓ.
"ﺋﯩﻠﻰ ﺩﻩﺭﻳﺎﺳﻰ" ﮊﯗﺭﻧﯩﻠﯩﻨﯩﯔ 2012-ﻳﯩﻠﻠﯩﻖ 2-ﺳﺎﻧﯩﺪﯨﻦ ﺋﯧﻠﯩﻨدى.

arkim

بىر قىسىم بىز بىلمەيدىغان تارىخلار ھەقىقەتەنمۇ خەنزۇلارنىڭ مەتبۇئاتلىرىدا ئوچۇق-ئاشكارە يېزىلىدىكەن...

Qashqari

تاماقنى ئىتىدىغان كىشى باشقا ، يەيدىغىنى باشقا . جىن  پىشۇرغان «تاماقنى » شىڭ يىدى . تارىخقا قارىساق مۇنداق مىساللار كوپ .

bdt

ئەگەر يۇقارقى تەھلىللەر راست ،چىن بولسا ئۇنداقتا يەنە بىز بىلمەيدىغان.ئاللىبۇرۇن سۇيقەستچى،جاللاتلار تەرىپىدىن ئويدۇرۇلۇپ چىقىرىلغان تارىخى ساختا ۋەقەلەر يەنە قانچىىلىك باردۇ؟
ﻣﻪﺳﺌﯘﺕ ﺧﺎﻟﯩﺖ ئەپەندىنىڭ پاكىتلىق تەھلىللىرىگە كۆپ رەھمەت.

niyaz1

ئىزدىنىشقا كىرىپ تۇرىدىكەنسىز ھە. خەق ئۇنتۇپ قالاي دېگەندە ۋاققىدە يوللاپسىز.

obul21c

ئىشىقىلىپ ھېلىقى بىر گەپ بارغۇ تارىخنى غەلبە قىلغانلار مەغلۇپ بولغانلارنىڭ دۇمبىسىگە يازىدۇ دەيدىغانمۇ ئىشقىلىپ.
دۇنيادا سىياسىي،تارىخ دىگەنگە ئىشىنىپ بولماق بەك تەس.

dolanogli

پاھ پاھ  بۇ نىمە گەپ ئەمدى  .قارىغاندا تارىخىمۇ خالىغانچە  قەھىرمان قۇراشتۇرۇپ ئوينايدىغان ئۇيۇنچۇق بولدىمۇ ئەمدى ،كوچىلاۋەرسە يەنە قانچىلىك راس يالغانلار   باردۇ يۇشۇرۇنلىردىن قانچىلىك باردۇر ، ئىچىم ئاچچىق بولدى   مارھۇم يازغۇچىمىز بىلمىدىمۇ ياكى باشقىلار  ياساپ قويغان يول بىلەن مېڭىپ شۇنداق مېڭىشقا مەجبۇرمۇ
تارىخنىڭ چىنلىق دەرجىسى  بەك توۋەن ئىكەندە ئەپسۇس

arman1001

بۇ ئويۇنلار داۋاملىق ئۇيلىنىپ تۇرۇدۇ.زىيالىلار 4 تەڭەىنىڭ قۇلى بۇلۇپ ياشاۋىرىدۇ.بىراق مەدەنىيەتتە .................