باغداش ئەپ دېتالىنى چۈشۈرگەنلەر 10 مىڭدىن ئاشتى

uighurbizz

bagdax يوللىغان ۋاقتى  2014-7-2 19:34
توغرا ئەڭ ھالقىلىق مەسىلە توغرىسىدا چۈشەنچە بەرمەي ق ...

بۇ ئەپ ئېلان قىلىنغاندىن باشلاپ windows phone  نۇسخىسىنىڭ چىقىشىنى تۆت كۆزۈم بىلەن كۈتىۋاتىمەن . بولسا بىزدەك windows phone  نى ھەۋەسكارلىرى ئۈچۈن windows phone نۇسخىسىنىمۇ تىزرەك ئېلان قىلىشىڭلارنى ئۈمىد قىلىمەن . چۈنكى ھازىر windows phone نى ئىشلىتىدىغانلارمۇ خېلىلا جىقىيىپ قالدى . ئويلىشىپ كۆرگەن بولساڭلار .

uyghurizlari

«IT ﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ» ﺗﯧﻤﯩﺴﯩﺪﯨﻜﻰ ﻟﯧﻜﺴﯩﻴﻪﻧﯩﯔ ﺗﻮﻟﯘﻕ ﺗﯧﻜﯩﺴﺘﻰ
ﻟﯧﻜﺴﯩﻴﻪ ﺳﯚﺯﻟﯩﮕﯜﭼﻰ: ﺋﻪﻣﻪﺗﺠﺎﻥ ﺭﯗﺳﯘﻝ
(ﻛﻮﻣﭙﻴﯘﺗﯧﺮ ﻫﻪﯞﻩﺳﻜﺎﺭﻟﯩﺮﻯ ﺋﯧﻠﯧﻜﺘﯩﺮﻭﻥ ﭘﻪﻥ-ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺑﺎﺵ ﭘﯩﺮﻭﮔﺮﺍﻣﻤﯧﺮﻯ، ﺑﺎﺵ ﺩﯨﺮﯦﻜﺘﻮﺭﻯ،
«ﻛﻮﻣﭙﻴﯘﺗﯧﺮ ﯞﻩ ﺗﯘﺭﻣﯘﺵ» ﮊﯗﺭﻧﯩﻠﯩﻨﯩﯔ ﻣﻪﺳﺌﯘﻝ ﻣﯘﻫﻪﺭﺭﯨﺮﻯ)
2014-ﻳﯩﻠﻰ 5-ﺋﺎﻳﻨﯩﯔ 3-ﻛﯜﻧﻰ ﭼﯜﺷﺘﯩﻦ ﺑﯘﺭﯗﻥ ﺳﯚﺯﻟﻪﻧﮕﻪﻥ


     ﺋﯩﻼﯞﻩ: ﺑﯩﺮ ﻧﻪﭼﭽﻪ ﻛﯜﻥ ﺋﯩﻠﮕﯩﺮﻯ « ITﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ» ﺗﯧﻤﯩﺴﯩﺪﯨﻜﻰ ﻟﯧﻜﺴﯩﻴﻪﻧﯩﯔ ﺋﯘﭼﯘﺭﻯ ﺑﯧﺮﯨﻠﮕﻪﻥ ﺋﯩﺪﻯ.

     ﺑﯘ ﻟﯧﻜﺴﯩﻴﻪ ﺗﯜﻧﯜﮔﯜﻥ ﺩﻩﻝ ﯞﺍﻗﺘﯩﺪﺍ ﺋﯧﭽﯩﻠﯩﭗ، ﺑﯩﺰ ﺋﻮﻳﻠﯩﻐﺎﻧﺪﯨﻨﻤﯘ ﻳﺎﺧﺸﻰ ﺋﯜﻧﯜﻣﮕﻪ ﺋﯧﺮﯨﺸﺘﻰ. ﺗﯜﻧﯜﮔﯜﻥ ﭼﯜﺷﺘﯩﻦ ﻛﯧﻴﯩﻦ ﯞﻩ ﺑﯜﮔﯜﻥ ﭼﯜﺷﺘﯩﻦ ﺑﯘﺭﯗﻥ ﺑﯘ ﻫﻪﻗﺘﻪ ﺑﯩﺰﮔﻪ ﺗﯧﻠﯧﻔﻮﻥ ﻗﯩﻠﻐﺎﻧﻼﺭ، ﻫﻪﻣﻜﺎﺭﻟﯩﺸﯩﺸﻨﻰ ﺋﯩﺴﺘﯩﮕﻪﻧﻠﻪﺭﻧﯩﯔ ﺋﺎﻳﯩﻘﻰ ﺋﯜﺯﯛﻟﻤﯩﺪﻯ. ﺑﻪﺯﻯ ﺷﯩﺮﻛﻪﺗﻠﻪﺭ ﺑﯩﻠﻪﻥ ﻣﯘﺷﯘ ﺑﯩﺮ-ﺋﯩﻜﻜﻰ ﻛﯜﻥ ﺋﯩﭽﯩﺪﻩ ﻫﻪﻣﻜﺎﺭﻟﯩﻖ ﺗﻮﺧﺘﺎﻣﻰ ﺗﯜﺯﯨﺪﯨﻐﺎﻧﻐﺎ ﻛﯧﻠﯩﺸﺘﯘﻕ.
     ﻗﯩﺴﻘﯩﺴﻰ، ﻫﻪﻣﻜﺎﺭﻟﯩﻖ ﺑﯩﺰﮔﻪ ﻫﻪﻗﯩﻘﻪﺗﻪﻥ ﺯﯙﺭﯛﺭ ﺋﯩﻜﻪﻥ. ﻫﻪﻣﻜﺎﺭﻟﯩﻘﻨﻰ ﭼﯜﺷﯩﻨﯩﺪﯨﻐﺎﻧﻼﺭ، ﺧﺎﻻﻳﺪﯨﻐﺎﻧﻼﺭ ﺳﯩﻠﻪﺭ -ﺑﯩﺰ ﺋﻮﻳﻠﯩﻐﺎﻧﺪﯨﻨﻤﯘ ﻛﯚﭖ ﺋﯩﻜﻪﻥ.
     ﺗﯚﯞﻩﻧﺪﯨﻜﯩﺴﻰ 2014-ﻳﯩﻠﻰ 5-ﺋﺎﻳﻨﯩﯔ 3-ﻛﯜﻧﻰ ﭼﯜﺷﺘﯩﻦ ﺑﯘﺭﯗﻥ ﻗﺎﺭﻟﯘﻗﺘﺎ ﺳﯚﺯﻟﻪﻧﮕﻪﻥ ﻟﯧﻜﺴﯩﻴﻪﻧﯩﯔ ﺗﻮﻟﯘﻕ ﺗﯧﻜﯩﺴﺘﻰ.
     ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ!
     ﺳﯩﻠﻪﺭ ﺑﯩﻠﻪﻥ ﺩﯨﺪﺍﺭﻻﺷﻘﯩﻨﯩﻤﺪﯨﻦ ﺧﯘﺷﺎﻟﻤﻪﻥ. ﻣﯘﻫﯩﻢ ﺋﻮﺭﯗﻧﻼﺷﺘﯘﺭﯗﺷﯘﯕﻼﺭﻧﻰ ﻗﺎﻳﺮﯨﭗ ﻗﻮﻳﯘﭖ، ﺋﺎﺭﺍﻡ ﺋﯧﻠﯩﺶ ﯞﺍﻗﺘﯩﯖﻼﺭﻧﻰ ﻗﯘﺭﺑﺎﻥ ﻗﯩﻠﯩﭗ ﺗﯘﺭﯗﭖ، ﻣﻪﺯﻛﯘﺭ ﻟﯧﻜﺴﯩﻴﻪﮔﻪ ﻗﺎﺗﻨﯩﺸﯩﭗ ﺑﻪﺭﮔﻪﻧﻠﯩﻜﯩﯖﻼﺭﺩﯨﻦ ﺳﯚﻳﯜﻧﺪﯛﻡ! ﻛﻪﻟﮕﻪﻥ ﻗﻪﺩﯨﻤﯩﯖﻼﺭﻏﺎ ﻣﻪﺭﻫﺎﺑﺎ!
ﻛﯧﺴﯩﭗ ﺋﯧﻴﺘﺎﻻﻳﻤﻪﻧﻜﻰ، ﺋﺎﺭﯨﻤﯩﺰﺩﺍ ﻛﻮﻣﭙﻴﯘﺗﯧﺮ ﺑﯩﻠﻪﻥ ﺋﯘﭼﺮﯨﺸﯩﭗ ﺑﺎﻗﻤﯩﻐﺎﻥ ﺋﺎﺩﻩﻡ ﻧﺎﻫﺎﻳﯩﺘﻰ ﺋﺎﺯ!
ﻳﻪﻧﻪ ﻛﯧﺴﯩﭗ ﺋﯧﻴﺘﺎﻻﻳﻤﻪﻧﻜﻰ، ﺋﺎﺭﯨﻤﯩﺰﺩﺍ ﺗﯧﻠﯧﻔﻮﻥ ﺋﯩﺸﻠﻪﺗﻤﻪﻳﺪﯨﻐﺎﻥ ﺋﺎﺩﻩﻡ ﻧﺎﻫﺎﻳﯩﺘﻰ ﺋﺎﺯ!
ﻫﺎﻟﺒﯘﻛﻰ، ﺋﻪﺗﯩﮕﻪﻧﺪﻩ ﻧﺎﺷﺘﺎ ﻗﯩﻠﯩﺸﻨﻰ ﺋﯘﻧﺘﯘﭖ ﻗﺎﻟﻐﺎﻧﻼﺭ ﭼﻮﻗﯘﻡ ﺑﺎﺭ...!
ﺩﯦﻤﻪﻙ، ﻣﻪﻥ ﺋﯩﺸﻪﻧﭻ ﺑﯩﻠﻪﻥ ﺷﯘﻧﺪﺍﻕ ﺩﯦﻴﻪﻟﻪﻳﻤﻪﻧﻜﻰ، ﻫﺎﺯﯨﺮ ﻛﻮﻣﭙﻴﯘﺗﯧﺮ ﻫﺎﻳﺎﺗﯩﻤﯩﺰﺩﺍ ﺗﺎﻣﺎﻗﺘﻪﻛﻼ ﻣﯘﻫﯩﻢ. ﻫﻪﺗﺘﺎ ﺋﯘ ﻧﯘﺭﻏﯘﻧﻠﯩﻐﺎﻥ ﺋﺎﺩﻩﻣﻠﻪﺭﻧﯩﯔ «ﺋﯜﭺ ﯞﺍﻕ ﺗﺎﻣﯩﻘﻰ»!
     ﺑﯜﮔﯜﻧﻜﻰ ﻟﯧﻜﺴﯩﻴﻪ ﻣﺎﻧﺎ ﻣﯘﺷﯘ ﺋﺎﻻﻫﯩﺪﻩ «ﺗﺎﻣﺎﻕ» ﻫﯧﺴﺎﺑﻠﯩﻨﯩﯟﺍﺗﻘﺎﻥ ﻛﻮﻣﭙﻴﯘﺗﯧﺮ ﺑﯩﻠﻪﻥ ﺋﺎﺩﻩﻡ، IT ﭼﯩﻼﺭﻧﯩﯔ ﺋﯚﺯ ﺋﺎﺭﯨﺴﯩﺪﯨﻜﻰ ﻫﻪﻣﻜﺎﺭﻟﯩﻖ ﻣﻪﺳﯩﻠﯩﻠﯩﺮﻯ، ﺷﯘﻧﺪﺍﻗﻼ IT ﻛﻪﺳﯩﭙﺪﺍﺭﻟﯩﺮﻯ ﺑﯩﻠﻪﻥ ﺟﻪﻣﺌﯩﻴﻪﺕ ﺗﻮﻏﺮﯨﺴﯩﺪﺍ ﺑﻮﻟﯩﺪﯗ.
     ﻟﯧﻜﺴﯩﻴﻪﻧﯩﯔ ﻛﯩﭽﯩﻚ ﺗﯧﻤﯩﻠﯩﺮﻯ:

     1. IT ﻛﻪﺳﭙﻰ ﯞﻩ ﺋﺎﺩﻩﻡ

     2. IT ﻛﻪﺳﭙﻰ ﯞﻩ ﺟﻪﻣﺌﯩﻴﻪﺕ

     3. IT ﻛﻪﺳﭙﻰ ﯞﻩ ﺷﯩﺮﻛﯩﺘﯩﻤﯩﺰﻧﯩﯔ ﺋﻪﻣﮕﻪﻛﻠﯩﺮﻯ

     4. IT ﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ ﺭﻭﻫﻰ

     IT ﻛﻪﺳﭙﻰ ﯞﻩ ﺋﺎﺩﻩﻡ

     ﺗﯘﻏﯘﻟﯘﭖ ﺋﯧﺴﯩﻤﻨﻰ ﺑﯩﻠﺴﻪﻡ، ﺋﺎﺩﻩﻣﻨﯩﯔ ﻗﻮﺭﺳﯩﻘﻰ ﺋﺎﭼﯩﺪﯨﻜﻪﻥ، ﺗﯜﺭﻟﯜﻙ ﻫﺎﺟﻪﺗﻠﯩﺮﻯ ﻗﯩﺴﺘﺎﻳﺪﯨﻜﻪﻥ. ﺟﯩﺴﻤﻰ ﺑﺎﺭﻏﺎﻧﭽﻪ ﻳﻮﻏﯩﻨﺎﻳﺪﯨﻜﻪﻥ. ﺋﻪﻣﻤﺎ ﺭﻭﻫﯩﻲ ﺟﻪﻫﻪﺗﺘﯩﻜﻰ ﺋﯧﻬﺘﯩﻴﺎﺝ ﻳﯘﻗﯩﺮﯨﻘﯩﻼﺭ ﺑﯩﻠﻪﻥ ﻗﯩﻠﭽﻪ ﻣﯘﻧﺎﺳﯩﯟﯨﺘﻰ ﻳﻮﻕ ﻫﺎﻟﻪﺗﺘﻪ ﺋﯚﺯ ﺳﯩﺠﯩﻠﻠﯩﻘﯩﻨﻰ ﺳﺎﻗﻼﭖ ﺋﺎﺳﺘﺎ-ﺋﺎﺳﺘﺎ ﺋﯚﺳﯜﭖ ﻳﯧﺘﯩﻠﯩﭗ، ﺋﺎﺩﻩﻣﻨﯩﯔ ﭘﯜﺗﻜﯜﻝ ﺗﯘﺭﻣﯘﺵ ﺷﻪﻛﻠﯩﻨﻰ ﺟﻪﻣﺌﯩﻴﻪﺕ ﺑﯩﻠﻪﻥ ﻣﺎﺱ ﻗﻪﺩﻩﻣﺪﻩ ﻛﻮﺩﻻﭖ ﭘﯜﺗﺘﯜﺭﯛﭖ ﭼﯩﻘﯩﺪﯨﻜﻪﻥ. ﺭﻭﻫﯩﻲ ﺩﯗﻧﻴﺎﻳﯩﻤﯩﺰﺩﺍ ﻗﺎﻧﺪﺍﻕ ﺑﯘﻳﺮﯗﻕ ﺑﻮﻟﺴﺎ، ﺑﯩﺰﻧﯩﯔ ﻳﺎﺷﺎﺵ ﺋﯘﺳﯘﻟﯩﻤﯩﺰﻣﯘ ﺷﯘ ﺑﻮﻳﯩﭽﻪ ﺳﯩﺴﺘﯧﻤﯩﻠﯩﺸﯩﭗ، ﺟﻪﻣﺌﯩﻴﻪﺕ ﺋﺎﺗﻠﯩﻖ ﺑﯘ «ﺑﻮﺷﻠﯘﻕ»ﻗﺎ ﻗﺎﭼﯩﻠﯩﻨﯩﺪﯨﻜﻪﻥ.
     ﻣﯧﻨﯩﯖﭽﻪ، ﺋﺎﺩﻩﻣﺪﯨﻜﻰ ﻣﺎﺩﺩﯨﻲ ﺋﯧﻠﯧﻤﯧﻨﺘﻼﺭ ﻣﯩﻘﺪﺍﺭ ﺟﻪﻫﻪﺗﺘﯩﻦ ﺋﺎﻧﭽﻪ ﭘﻪﺭﻗﻠﯩﻨﯩﭗ ﻛﻪﺗﻤﻪﻳﺪﯗ. ﺋﯧﺪﯨﺴﻮﻧﺪﺍ ﺑﺎﺭ ﻣﯧﯖﻪ ﻗﯧﺘﯩﻘﻰ ﺭﻩﺳﺘﯩﻠﻪﺭﺩﯨﻜﻰ ﻳﺎﻳﻤﯩﭽﻰ ﺑﺎﻟﯩﻼﺭﻧﯩﯔ ﺑﺎﺵ ﺳﯚﯕﯩﻜﻰ ﺋﯩﭽﯩﺪﯨﻤﯘ ﺑﺎﺭ. ﺑﯧﻜﻬﺎﻣﺪﯨﻜﻰ ﻳﯜﮔﯜﺭﯛﻙ ﺋﯩﻜﻜﻰ ﭘﯘﺕ ﺳﯩﻠﻪﺭﺩﯨﻤﯘ ﺑﺎﺭ. ﺑﯧﻞ.ﮔﺎﻳﺘﯩﺴﺘﺎ ﺑﺎﺭ ﻳﻪﺗﺘﻪ ﺋﻪﺯﺍ ﻣﻪﻧﺪﯨﻤﯘ ﺑﺎﺭ. ﺷﯘﻏﯩﻨﯩﺴﻰ، ﺋﯘﻻﺭﻧﯩﯔ ﺋﯩﺠﺎﺩﯨﻲ ﻛﯜﭼﻰ ﺑﯩﺰﺩﻩ ﻳﻮﻕ. ﺋﯘﻻﺭﺩﯨﻜﻰ ﺋﯩﻠﯩﻢ ﺭﻭﻫﻰ ﺑﯩﺰﺩﻩ ﻳﻮﻕ! ﺋﻪﻣﻤﺎ ﺋﯩﺸﺨﺎﻧﯩﻤﯩﺰﺩﺍ، ﺋﺎﺋﯩﻠﯩﻤﯩﺰﺩﻩ، ﺳﻮﻣﻜﯩﻤﯩﺰﺩﺍ ﺋﯘﻻﺭ ﺋﯩﺸﻠﻪﭖ ﺑﻪﺭﮔﻪﻥ ﻛﻮﻣﭙﻴﯘﺗﯧﺮ ﺑﺎﺭ. ﻛﻮﻣﭙﻴﯘﺗﯧﺮﺩﺍ ﺋﯘﻻﺭ ﺗﯜﺯﯛﭖ ﺑﻪﺭﮔﻪﻥ ﺳﯩﺴﺘﯧﻤﯩﻼﺭ ﺑﺎﺭ. ﻫﻪﺗﺘﺎ ﺋﯩﺸﺨﺎﻧﺎﻣﺪﯨﻜﻰ ﺗﺎﻣﺪﯨﻤﯘ ﺑﯧﻞ.ﮔﺎﻳﺘﯩﺴﻨﯩﯔ ﺳﯜﺭﯨﺘﻰ!

ﺋﺎﺳﻔﺎﻟﺖ ﻳﻮﻟﻼﺭ ﺑﯩﺰﺩﯨﻦ، ﻣﺎﺷﯩﻨﯩﻼﺭ ﺋﯘﻻﺭﺩﯨﻦ!

ﻛﯚﺯ ﺑﯩﺰﺩﯨﻦ، ﺗﯧﻠﯧﯟﯨﺰﻭﺭ ﯞﻩ ﻛﯩﻨﻮﻻﺭ ﺋﯘﻻﺭﺩﯨﻦ!

ﻫﺎﯞﺍ ﺑﯩﺰﺩﯨﻦ، ﺋﺎﻳﺮﻭﭘﯩﻼﻧﻼﺭ ﺋﯘﻻﺭﺩﯨﻦ!

ﻗﻮﺭﺳﺎﻕ ﺑﯩﺰﺩﯨﻦ، ﺗﻪﻣﻰ ﺋﺎﻻﻫﯩﺪﻩ ﺗﻪﯕﺸﻪﻟﮕﻪﻥ، ﻳﯘﻗﯩﺮﻯ ﭘﻪﻥ-ﺗﯧﺨﻨﯩﻜﯩﻠﯩﻖ ﻣﯘﻫﯩﺘﺘﺎ ﺋﯩﺸﻠﻪﻧﮕﻪﻥ ﻫﻪﺭﺧﯩﻞ ﺋﯩﭽﯩﻤﻠﯩﻜﻠﻪﺭ ﺋﯘﻻﺭﺩﯨﻦ!

ﻛﯧﺴﻪﻝ ﺑﯩﺰﺩﯨﻦ، ﺩﺍﯞﺍﻻﺵ ﺋﯜﺳﻜﯜﻧﯩﻠﯩﺮﻯ، ﺩﻭﺭﺍ-ﺋﻮﻛﯘﻟﻼﺭ ﺋﯘﻻﺭﺩﯨﻦ!...

     ﺑﯘﻧﺪﺍﻕ ﺭﻭﺷﻪﻥ ﺳﯩﻠﯩﺸﺘﯘﺭﻣﺎ ﻗﯩﻠﯩﯟﻩﺭﺳﻪﻙ ﺋﺎﻧﭽﻪ ﺋﺎﺩﯨﻠﻠﯩﻖ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ. ﻧﯧﻤﻪ ﺋﯜﭼﯜﻥ؟ ﭼﯜﻧﻜﻰ، ﺑﯩﺰﻣﯘ ﺑﯘ ﺧﯩﻞ ﺗﻪﺭﻩﻗﻘﯩﻴﺎﺗﻨﯩﯔ ﺋﺎﻛﺘﯩﭗ ﺋﯩﺴﺘﯧﻤﺎﻟﭽﯩﺴﻰ ﺑﻮﻟﯘﺷﺘﯩﻦ ﺑﺎﺭﺍ-ﺑﺎﺭﺍ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﺑﻮﻟﯘﺷﻘﺎ ﻗﺎﺭﺍﭖ ﻳﯜﺯﻟﻪﻧﺪﯗﻕ. ﻧﯘﺭﻏﯘﻥ ﻣﯩﻠﻠﯩﻲ ﻛﺎﺭﺧﺎﻧﯩﻼﺭ ﻳﻮﻗﻠﯘﻗﺘﯩﻦ ﺑﺎﺭﻟﯩﻘﻘﺎ ﻛﻪﻟﺪﻯ. ﺋﯩﺸﻠﻪﭘﭽﯩﻘﯩﺮﯨﺶ ﻫﺎﻟﻘﯩﻠﯩﺮﻯ ﺑﺎﺭﻏﺎﻧﭽﻪ ﻛﯚﻟﻪﻣﻠﯩﺸﯩﺸﻜﻪ، ﺋﯩﻠﻤﯩﻴﻠﯩﺸﯩﺸﻜﻪ ﺑﺎﺷﻠﯩﺪﻯ. ﺑﯩﺰ ﺑﯘ ﺧﯩﻞ ﻧﻪﺗﯩﺠﯩﻠﻪﺭﺩﯨﻦ ﺳﯚﻳﯜﻧﯜﺷﻜﻪ ﻫﻪﻗﻠﯩﻖ! ﺋﯚﺯﯨﻤﯩﺰﻧﯩﯔ ﻛﺎﺳﺘﯘﻡ-ﺑﯘﺭﯗﻟﻜﯩﻠﯩﺮﯨﻨﻰ ﻛﯩﻴﯩﭗ ﺗﯘﺭﯗﭖ، ﺋﯚﺯ ﺋﯩﭽﯩﻤﻠﯩﻜﻠﯩﺮﯨﻤﯩﺰﻧﻰ ﺋﯩﭽﯩﭗ ﺗﯘﺭﯗﭖ، ﭼﺎﭼﻠﯩﺮﯨﻤﯩﺰﻧﻰ ﺋﯚﺯ ﺳﻮﭘﯘﻧﻠﯩﺮﯨﻤﯩﺰﺩﺍ ﻳﯘﻳﯘﭖ ﭘﺎﺭﻗﯩﺮﯨﺘﯩﭗ، ﺋﯚﺯﯨﻤﯩﺰﻧﯩﯔ ﺗﻪﺭﻩﻗﻘﯩﻴﺎﺕ ﭘﯩﻼﻧﻠﯩﺮﯨﻤﯩﺰ ﻫﻪﻗﻘﯩﺪﻩ ﺋﯧﭽﯩﻠﯩﭗ-ﻳﯧﻴﯩﻠﯩﭗ ﺳﯚﺯﻟﻪﺷﻜﻪ ﺋﻪﻟﯟﻩﺗﺘﻪ ﻫﻪﻗﻘﯩﻤﯩﺰ ﺑﺎﺭ! ﺷﯘﯕﺎ، ﺋﯩﺸﺨﺎﻧﺎﻣﺪﯨﻜﻰ ﺑﯧﻞ.ﮔﺎﻳﺘﯩﺲ ﯞﻩ ﺳﺘﯩﯟﯤ.ﺟﻮﺑﺴﻨﯩﯔ ﺳﯜﺭﯨﺘﻰ ﻳﯧﻨﯩﻐﺎ ﺋﯚﺯﯨﻤﯩﺰﻧﯩﯔ ﻫﻮﺷﯘﺭ ﺋﯩﺴﻼﻡ ﯞﻩ ﺋﺎﻟﯩﻢ ﺋﻪﻫﻪﺗﻠﯩﺮﯨﻤﯩﺰﻧﯩﯔ ﺳﯜﺭﯨﺘﯩﻤﯘ ﺋﯧﺴﯩﻠﺪﻯ.

     ﻳﻪﻧﻪ ﺑﯩﺮ ﺧﯘﺷﺎﻝ ﺑﻮﻟﯩﺪﯨﻐﺎﻥ ﻳﯧﺮﯨﻢ ﺷﯘﻛﻰ، ﺷﯘ ﺗﺎﭘﺘﺎ ﻛﺎﻣﺎﻟﻨﯩﯔ ﻛﺎﺳﺘﻮﻣﯩﻨﻰ، ﺋﯩﻤﻜﺎﻧﻨﯩﯔ ﺋﯩﺸﺘﯩﻨﯩﻨﻰ ﻛﯩﻴﯩﭗ، ﺋﺎﺑﯩﺪﻩﻧﯩﯔ ﺋﯘﺳﺴﯘﺯﻟﯘﻗﯩﻨﻰ ﺋﯩﭽﯩﭗ ﺗﯘﺭﯗﭖ ﺑﯘ ﻟﯧﻜﺴﯩﻴﻪﻧﻰ ﺳﯚﺯﻟﻪﯞﺍﺗﯩﻤﻪﻥ. ﻗﻮﻟﯘﻣﺪﺍ ﺑﯩﻠﻜﺎﻧﻨﯩﯔ ﺗﺎﺧﺘﺎ ﻛﻮﻣﭙﻴﯘﺗﯧﺮﻯ ﺗﯘﺭﯗﭘﺘﯘ. ﺋﻪﺳﻠﯩﺪﻩ ﺑﯧﺸﯩﻤﺪﺍ ﻣﯩﺮﺍﺳﻨﯩﯔ ﺩﻭﭘﭙﯩﺴﻰ ﺑﺎﺭ ﺋﯩﺪﻯ. ﻟﯧﻜﯩﻦ، ﻛﯩﭽﯩﻚ ﻛﯧﻠﯩﭗ ﻗﺎﻟﺪﻯ. ﻣﻪﻥ ﻳﻮﻏﺎﻧﺒﺎﺷﻤﯘ ﻳﺎﻛﻰ ﻗﻪﻣﯩﺮﺩﯨﻦ ﻫﺎﺟﯩﻢ ﺩﻭﭘﭙﯩﻨﯩﯔ ﻛﯩﭽﯩﻜﯩﻨﻰ ﺑﯧﺮﯨﭗ ﻗﺎﻟﺪﯨﻤﯘ، ﺑﯩﻠﻤﯩﺪﯨﻢ. (ﻛﯜﻟﻜﻪ)

     ﺷﯘﻧﺪﺍﻕ، ﻣﻪﻥ ﺷﯘ ﺗﺎﭘﺘﺎ ﺋﯘﻳﻐﯘﺭﻧﯩﯔ ﻣﻪﻫﺴﯘﻻﺗﻠﯩﺮﯨﻨﻰ ﺋﯩﺸﻠﯩﺘﯩﭗ، ﻟﯧﻜﺴﯩﻴﻪ ﺳﯚﺯﻟﻪﯞﺍﺗﯩﻤﻪﻥ. ﻣﯘﺑﺎﺩﺍ ﯞﯗﺟﯘﺩﯗﻣﺪﺍ ﻫﻪﻗﯩﻘﯩﻲ ﺋﯘﻳﻐﯘﺭﻏﺎ ﺧﺎﺱ ﺗﻪﯞﻩﻛﻜﯜﻟﭽﯩﻠﯩﻚ ، ﻣﻪﺭﺩﻟﯩﻚ، ﻳﯩﺮﺍﻗﻨﻰ ﻛﯚﺭﻩﺭﻟﯩﻚ، ﻫﻪﻣﻜﺎﺭﻟﯩﻖ ﺭﻭﻫﻰ ﺗﻮﻟﯘﻕ ﺑﻮﻟﺴﺎ ﺋﯩﺪﻯ، ﺟﺎﻫﺎﻧﺪﯨﻦ ﻣﻪﻧﺪﯨﻦ ﻗﺎﻣﻼﺷﻘﺎﻥ، ﻣﻪﻧﺪﯨﻦ ﻧﻮﭼﻰ ﺋﺎﺩﻩﻡ ﺑﻮﻟﻤﺎﻳﺘﺘﻰ.

     ﻣﻪﻥ - ﻛﻮﻣﭙﻴﯘﺗﯧﺮﻧﻰ ﻛﻪﺳﯩﭗ ﻗﯩﻠﯩﭗ ﺗﺎﻟﻠﯩﻐﯘﭼﻰ...

     ﻣﻪﻥ – ﺯﯦﻬﻨﯩﻲ ﻛﯜﭺ ﺋﻪﯓ ﻛﯚﭖ ﻛﯧﺘﯩﺪﯨﻐﺎﻥ، ﺑﯧﺴﯩﭗ ﺋﻮﻟﺘﯘﺭﯗﭖ ﺋﯩﺸﻠﯩﻤﯩﺴﻪ ﺋﺎﺧﯩﺮﻯ ﭼﯩﻘﻤﺎﻳﺪﯨﻐﺎﻥ ﺑﯘ ﺋﯧﻐﯩﺮ، ﺋﻪﻣﻤﺎ ﺗﻪﺳﯩﺮﯨﻨﻰ ﻣﯚﻟﭽﻪﺭﻟﻪﺵ ﺗﻪﺱ ﺑﻮﻟﯩﺪﯨﻐﺎﻥ IT ﺳﺎﻫﻪﺳﯩﮕﻪ ﺋﯚﺯﯨﻨﻰ ﺋﺎﺗﯩﻐﯘﭼﻰ!

     ﻣﻪﻥ ﺋﺎﻟﺪﯨﻨﻘﻰ ﺋﻪﺳﯩﺮﻧﯩﯔ 90-ﻳﯩﻠﻠﯩﺮﯨﺪﺍ ﻛﻮﻣﭙﻴﯘﺗﯧﺮ ﺑﯩﻠﻪﻥ ﺗﯘﻧﺠﻰ ﺋﯘﭼﺮﺍﺷﻘﺎﻥ. ﺗﯘﻧﺠﻰ ﺋﯘﭼﺮﯨﺸﯩﺸﺘﯩﻼ ﺋﯘﻧﯩﯖﻐﺎ ﻛﯚﯕﻠﯜﻡ ﭼﯜﺷﯜﭖ ﻗﺎﭘﺘﯩﻜﻪﻥ... (ﻛﯜﻟﻜﻪ)

     ﺑﯘ ﮔﯧﭙﯩﻤﻨﻰ ﺋﺎﺷﯩﻖ ﺑﻮﻟﯘﭖ ﺑﺎﻗﻘﺎﻥ، ﺋﯩﺸﻖ ﺩﻩﺭﺩﯨﻨﻰ ﭼﯜﺷﯩﻨﯩﭗ ﺑﺎﻗﻘﺎﻥ ﻛﯩﺸﯩﻠﻪﺭ ﺗﯧﺨﯩﻤﯘ ﺋﻮﺑﺪﺍﻥ ﭼﯜﺷﯩﻨﯩﺪﯗ ﺩﻩﭖ ﺋﻮﻳﻼﻳﻤﻪﻥ.

     ﺷﯘﯕﺎ 7 ﻳﯩﻞ ﺑﯘﺭﯗﻥ، ﺗﯘﺭﻣﯘﺵ ﻛﯚﯕﯜﻟﺴﯩﺰﻟﯩﻜﻰ ﺗﯜﭘﻪﻳﻠﯩﺪﯨﻦ ﺋﯘﭼﺘﯘﺭﭘﺎﻧﺪﯨﻦ ﺋﯩﭽﻜﯩﺮﯨﮕﻪ ﺑﺎﺵ ﺋﯧﻠﯩﭗ ﭼﯩﻘﯩﭗ ﻛﻪﺗﻜﻪﻥ ﭼﯧﻐﯩﻤﺪﺍ، ﻛﻮﻣﭙﻴﯘﺗﯧﺮﯨﻤﻨﯩﻤﯘ ﺑﯩﻠﻠﻪ ﺋﯧﻠﯩﭗ ﻣﺎﯕﻐﺎﻥ ﺋﯩﺪﯨﻢ.

     ﺋﯩﭽﻜﯩﺮﯨﮕﻪ ﭼﯩﻘﯩﭗ، ﻳﻪﻧﻪ ﺷﯘ ﺋﯚﺯﯛﻡ ﺋﺎﺷﯩﻖ ﺑﻮﻟﻐﺎﻥ ﻛﻪﺳﯩﭙﺘﻪ «ﮔﯘﺍﯕﺪﯗﯓ ﻳﯘﻣﺸﺎﻕ ﺩﯦﺘﺎﻝ ﺋﯩﻠﯩﻤﻰ ﺑﺎﻏﭽﯩﺴﻰ» ﻏﺎ ﺋﻮﻗﯘﺷﻘﺎ ﻛﯩﺮﺩﯨﻢ.

ﺋﻮﻗﯘﺵ ﺟﻪﺭﻳﺎﻧﯩﺪﺍ ﮔﯘﺍﯕﺪﯗﯓ ﻳﯘﻣﺸﺎﻕ ﺩﯦﺘﺎﻝ ﺋﯩﻠﯩﻤﻰ ﺑﺎﻏﭽﯩﺴﯩﻨﯩﯔ ﺑﻪﺯﻯ ﺗﯜﺭﻟﯩﺮﯨﮕﻪ ﻗﺎﺗﻨﺎﺷﺘﯩﻢ. ﻗﺎﺗﻨﺎﺷﻘﺎﻥ ﺑﻪﺯﻯ ﺗﯜﺭﻟﯩﺮﯨﻢ ﺧﻪﻟﻘﺌﺎﺭﺍ ﺩﻩﺭﯨﺠﯩﻠﯩﻚ ﺗﯜﺭﻟﻪﺭﻣﯘ ﺑﻮﻟﺪﻯ.

     ﺷﯘ ﻳﯩﻠﻼﺭﺩﺍ ﻣﻪﻥ ﻗﺎﺗﻨﺎﺷﻘﺎﻥ «ﺧﻪﻟﻘﺌﺎﺭﺍﻟﯩﻖ ﺋﯩﻘﺘﯩﺴﺎﺩﻧﻰ ﻛﯚﺯﯨﺘﯩﺶ ﯞﻩ ﭘﻪﺭﻩﺯ ﻗﯩﻠﯩﺶ ﺳﯩﺴﺘﯧﻤﯩﺴﻰ» ﻧﺎﻣﯩﺪﯨﻜﻰ ﺑﯩﺮ ﺗﯜﺭ ﺑﯘﻟﺘﯘﺭ ﻳﯩﻞ ﺋﺎﺧﯩﺮﯨﺪﺍ «ﮔﯘﺍﯕﺪﻭﯓ ﺋﯚﻟﻜﯩﺴﻰ ﺑﻮﻳﯩﭽﻪ ﻳﯧﯖﯩﻠﯩﻖ ﻳﺎﺭﯨﺘﯩﺶ ﻣﯘﻛﺎﭘﺎﺗﻰ» ﻏﺎ ﺋﯧﺮﯨﺸﯩﭙﺘﯘ. ﻣﻪﻥ 10 ﻧﻪﭼﭽﻪ ﻛﯜﻥ ﺑﯘﺭﯗﻥ ﺑﯘ ﻫﻪﻗﺘﯩﻜﻰ ﺋﯘﻗﺘﯘﺭﯗﺷﻨﻰ ﯞﻩ ﻣﯘﻛﺎﭘﺎﺗﻨﻰ ﺗﺎﭘﺸﯘﺭﯗﭖ ﺋﺎﻟﺪﯨﻢ.

     ﺑﯘ ﻳﯘﻗﯩﺮﻯ ﭘﻪﻥ-ﺗﯧﺨﻨﯩﻜﺎ ﻛﻪﺳﭙﻰ. ﺋﯩﺶ ﻗﺎﻣﻼﺷﻤﯩﺴﺎ ﺑﯘ ﻳﻪﺭﺩﻩ ﺋﯩﺴﺮﺍﭖ ﺑﻮﻟﯩﺪﯨﻐﯩﻨﻰ ﭘﯘﻟﻼ ﺋﻪﻣﻪﺱ، ﭘﯘﻟﻐﺎ ﺳﯧﺘﯩﯟﺍﻟﻐﯩﻠﻰ ﺑﻮﻟﯩﺪﯨﻐﺎﻥ ﻣﺎﺩﺩﯨﻲ ﺑﯘﻳﯘﻡ ﺋﻪﻣﻪﺱ، ﺑﻪﻟﻜﻰ ﺋﻮﺭﻧﯩﻨﻰ ﺗﻮﻟﺪﯗﺭﻏﯩﻠﻰ ﺑﻮﻟﻤﺎﻳﺪﯨﻐﺎﻥ ﺯﯦﻬﯩﻦ ﯞﻩ ﯞﺍﻗﯩﺖ.

     ﺷﯘﻧﺪﺍﻕ، ﻛﻮﻣﭙﻴﯘﺗﯧﺮ ﺋﯘ ﺑﯩﺮ ﻣﻪﻫﺴﯘﻻﺗﺘﯘﺭ. ﺋﯘ ﺋﺎﺩﻩﻣﻠﻪﺭﻧﯩﯔ ﺋﻪﻗﯩﻞ-ﭘﺎﺭﺍﺳﯩﺘﯩﻨﯩﯔ ﺟﻪﯞﻫﻪﺭ ﺑﻮﻟﯘﭖ ﺋﯘﻳﯘﺷﯘﺷﯩﺪﯗﺭ. ﺋﯘ ﻫﻪﺭﮔﯩﺰﻣﯘ ﺋﺎﺩﻩﻣﺪﯨﻦ ﺷﻪﺭﻩﭘﻠﯩﻚ ﻫﻪﻣﺪﻩ ﻗﯩﻤﻤﻪﺗﻠﯩﻚ ﺋﻪﻣﻪﺱ. ﻫﺎﻟﺒﯘﻛﻰ، ﺋﻪﻗﯩﻞ-ﭘﺎﺭﺍﺳﯩﺘﯩﻨﻰ ﺋﯩﺸﻠﻪﺗﻤﯩﮕﻪﻧﻠﯩﻜﺘﯩﻦ ﺩﺍﺗﻠﯩﺸﯩﭗ ﻛﻪﺗﻜﻪﻥ ﻛﯩﺸﯩﻠﻪﺭﺩﯨﻦ ﻛﻮﻣﭙﻴﯘﺗﯧﺮ ﺗﯧﺨﯩﻤﯘ ﻗﯘﺩﺭﻩﺗﻠﯩﻚ ﻫﻪﻣﺪﻩ ﻫﯚﺭﻣﻪﺗﻜﻪ ﺳﺎﺯﺍﯞﻩﺭﺩﯗﺭ. ﺋﺎﺩﻩﻣﻨﯩﯔ ﻣﻪﻫﺴﯘﻻﺗﻼﺭﻧﻰ ﺋﯩﺨﺘﯩﺮﺍ ﻗﯩﻠﯩﺸﺘﯩﻜﻰ ﺗﯜﭖ ﻣﻪﻗﺴﯩﺘﻰ – ﻫﺎﻳﺎﺗﯩﻨﻰ ﺗﯧﺨﯩﻤﯘ ﺋﻪﻫﻤﯩﻴﻪﺗﻜﻪ ﺋﯩﮕﻪ ﻗﯩﻠﯩﺶ ﯞﻩ ﺗﯘﺭﻣﯘﺵ ﻛﻪﭼﯜﺭﯛﺵ ﺋﯘﺳﯘﻟﯩﻨﻰ ﺋﺎﺳﺎﻧﻼﺷﺘﯘﺭﯗﺵ ﺋﯜﭼﯜﻧﺪﯗﺭ. ﻫﻪﺭﻗﺎﻧﺪﺍﻕ ﻣﻪﻫﺴﯘﻻﺕ ﯞﻩ ﻣﯧﺘﻮﺩ ﺋﺎﺩﻩﻡ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺪﯗ. ﺑﯩﺰ ﻣﺎﻧﺎ ﻣﯘﺷﯘ ﻧﯘﻗﺘﯩﺪﺍ ﺋﻪﮔﯩﭗ ﻛﻪﺗﻤﯩﺴﻪﻛﻼ، ﻧﯧﻤﻪ ﺋﯜﭼﯜﻥ ﺋﻪﻗﻠﯩﻲ ﺋﯩﻘﺘﯩﺪﺍﺭﻟﯩﻖ ﭘﻪﻥ-ﺗﯧﺨﻨﯩﻜﺎ ﻣﻪﻫﺴﯘﻻﺗﻠﯩﺮﯨﻐﺎ ﻳﻪﻧﯩﻤﯘ ﻣﻮﻫﺘﺎﺝ ﺑﻮﻟﯩﺪﯨﻐﺎﻧﻠﯩﻘﯩﻤﯩﺰﻧﻰ؛ ﺑﯘﻧﺪﯨﻦ ﻛﯧﻴﯩﻦ ﻧﯧﻤﻪ ﺋﯜﭼﯜﻥ ﻛﻮﻣﭙﻴﯘﺗﯧﺮﻟﯩﺸﯩﺶ، ﺋﯘﭼﯘﺭﻟﯩﺸﯩﺶ، ﺳﯩﺴﺘﯧﻤﯩﻠﯩﺸﯩﺶ ﯞﻩ ﺗﻮﺭﻟﯩﺸﯩﺸﻘﺎ ﺗﯧﺨﯩﻤﯘ ﺋﯧﻬﺘﯩﻴﺎﺟﯩﻤﯩﺰ ﭼﯜﺷﯩﺪﯨﻐﺎﻧﻠﯩﻘﯩﻨﻰ ﺋﯧﻨﯩﻖ ﻫﯧﺲ ﻗﯩﻼﻻﻳﻤﯩﺰ!

     ﺷﯘﻧﺪﺍﻕ، ﺑﯘ ﻛﻪﺳﯩﭗ ﺟﺎﭘﺎﻟﯩﻖ، ﺋﻪﻣﻤﺎ ﺑﯩﺰ ﺋﯜﭼﯜﻥ ﻛﯚﯕﯜﻟﻠﯜﻙ ﻛﻪﺳﯩﭗ. ﻣﻪﻥ ﺑﻪﺯﯨﻠﻪﺭﺩﯨﻦ «ﺑﯘﻧﺪﺍﻕ ﺟﺎﭘﺎﻟﯩﻖ ﺋﯩﺸﻠﻪﺷﺘﯩﻦ ﺯﯦﺮﯨﻜﻤﯩﺪﯨﯖﯩﺰﻣﯘ؟» ﺩﯦﮕﻪﻥ ﺳﻮﺋﺎﻟﻨﻰ ﻛﯚﭖ ﺋﺎﯕﻼﻳﻤﻪﻥ. ﺩﯦﻬﻘﺎﻥ ﺩﯦﻬﻘﺎﻧﭽﯩﻠﯩﻘﺘﯩﻦ، ﺋﻮﻗﯘﺗﻘﯘﭼﻰ ﺩﻩﺭﺱ ﺳﯚﺯﻟﻪﺷﺘﯩﻦ ﺯﯦﺮﯨﻜﻤﻪﻳﺪﯗ، ﻫﻪﻡ ﺯﯦﺮﯨﻜﻪﻟﻤﻪﻳﺪﯗ. ﭘﯩﺮﻭﮔﺮﺍﻣﻤﺎ ﺗﯜﺯﯛﺷﻨﯩﯔ ﺋﯚﺯﯨﻼ «ﺟﺎﭘﺎﻟﯩﻖ ﺋﯩﺸﻠﻪﺵ» ﺩﯦﮕﻪﻧﮕﻪ ﺗﻪﯕﺪﺍﺵ ﮔﻪﭖ. ﺋﻪﯓ ﻣﯘﻫﯩﻤﻰ ﻣﻪﻥ ﻛﻮﻣﭙﻴﯘﺗﯧﺮﻏﺎ، ﭘﯩﺮﻭﮔﺮﺍﻣﻤﯩﻐﺎ ﺋﺎﺷﯩﻖ. ﺷﯘﻧﺪﺍﻕ ﺑﻮﻟﻐﺎﻧﯩﻜﻪﻥ، ﻣﯧﻨﯩﯖﻤﯘ ﺯﯦﺮﯨﻜﯩﺸﻜﻪ ﺋﺎﻣﺎﻟﯩﻢ ﻳﻮﻕ. ﺩﯦﻤﯩﺴﯩﻤﯘ، ﺋﺎﺷﯩﻖ ﻣﻪﺷﯘﻗﯩﺪﯨﻦ ﺯﯦﺮﯨﻜﻜﻪﻥ ﻧﻪﺩﻩ ﺑﺎﺭ؟

     IT ﻛﻪﺳﭙﻰ ﯞﻩ ﺟﻪﻣﺌﯩﻴﻪﺕ

     ﺷﯘ ﺗﺎﭘﺘﺎ ﺑﯩﺮ ﻛﯜﻧﻨﯩﯔ ﺋﯩﭽﯩﺪﯨﻼ ﺩﯗﻧﻴﺎﺩﯨﻦ «ﻛﻮﻣﭙﻴﯘﺗﯧﺮ» ﯞﻩ «ﻳﺎﻧﻔﻮﻥ» ﻏﺎﻳﯩﺐ ﺑﻮﻟﺴﺎ، ﺗﯘﺭﻣﯘﺷﯩﻤﯩﺰﺩﺍ ﻗﺎﻧﺪﺍﻕ ﺋﯚﺯﮔﯩﺮﯨﺸﻠﻪﺭ ﻳﯜﺯ ﺑﯧﺮﻩﺭ؟!

     ﺭﺍﺳﺖ ﮔﻪﭖ ﻗﯩﻠﻐﺎﻧﺪﺍ ﺑﯘ ﺋﺎﻗﯩﯟﻩﺗﻨﻰ ﺗﻪﺳﻪﯞﯞﯗﺭ ﻗﯩﻠﯩﭗ ﺗﯜﮔﯩﺘﯩﺶ ﺗﻪﺱ. ﺋﺎﺋﯩﻠﯩﻨﻰ ﺋﯧﻠﯩﭗ ﺋﯧﻴﺘﺴﺎﻕ، ﺗﻮﺭﻻﺷﺘﯘﺭﯗﻟﻐﺎﻥ ﺋﯧﻠﯧﻜﺘﯩﺮ ﯞﻩ ﺳﯘ ﺑﺎﺷﻘﯘﺭﯗﺵ ﻣﯧﺨﺎﻧﯩﺰﻣﻰ ﺗﯜﭘﻪﻳﻠﯩﺪﯨﻦ ﺳﯘ ﺗﻮﺧﺘﺎﻳﺪﯗ، ﺗﻮﻙ ﺗﻮﺧﺘﺎﻳﺪﯗ. ﺳﯘ ﺑﻮﻟﻤﯩﺴﺎ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﻰ ﻫﻪﻣﻤﯩﻤﯩﺰﮔﻪ ﺋﺎﻳﺎﻥ، ﻳﯧﮕﯩﻠﯩﻤﯘ-ﭼﯩﻘﺎﺭﻏﯩﻠﯩﻤﯘ ﺑﻮﻟﻤﺎﻳﺪﯗ. ﻳﺎﻧﻔﻮﻧﯩﯖﯩﺰ ﻳﻮﻕ، ﺑﺎﺷﻘﯩﻼﺭ ﺑﯩﻠﻪﻥ ﺋﺎﻻﻗﯩﻠﯩﺸﺎﻟﻤﺎﻳﺴﯩﺰ. ﺑﺎﻟﯩﻠﯩﺮﯨﯖﯩﺰ ﺋﻮﻳﻨﺎﻳﺪﯨﻐﺎﻥ ﺋﻮﻳﯘﻥ ﻳﻮﻕ ﻳﯩﻐﯩﺴﯩﻨﻰ ﺑﺎﺷﻼﻳﺪﯗ. ﺟﻪﻣﺌﯩﻴﻪﺗﻨﻰ ﺋﯧﻠﯩﭗ ﺋﯧﻴﺘﺴﺎﻕ، ﭘﯘﻝ ﻣﯘﺋﺎﻣﯩﻠﻪ ﺗﻮﺧﺘﺎﻳﺪﯗ. ﺋﯩﺸﻠﻪﭘﭽﯩﻘﯩﺮﯨﺶ ﺗﻮﺧﺘﺎﻳﺪﯗ. ﺩﺍﯞﺍﻻﺵ ﺳﯩﺴﺘﯧﻤﯩﺴﻰ ﺗﻮﺧﺘﺎﻳﺪﯗ. ﻛﺎﺭﺧﺎﻧﯩﻼﺭ ﭘﺎﻟﻪﭼﻠﯩﻨﯩﺪﯗ. ﺑﺎﻧﻜﯩﻼﺭ ﺗﺎﻗﯩﻠﯩﺪﯗ. ﯞﺍﻗﯩﺖ ﺋﯘﺯﺍﺭﺳﺎ ﺋﺎﺩﻩﻣﻠﻪﺭﻧﯩﯔ ﭘﯩﺴﺨﯩﻚ ﺗﻪﯕﭙﯘﯕﻠﯘﻗﻰ ﺑﯘﺯﯗﻟﯘﭖ ﻗﺎﺗﺘﯩﻖ ﺋﻪﺳﻪﺑﯩﻴﻠﯩﺸﯩﺪﯗ. ﺟﻪﻣﺌﯩﻴﻪﺕ ﻣﺎﻟﯩﻤﺎﻧﭽﯩﻠﯩﻘﻘﺎ ﺗﻮﻟﯩﺪﯗ... ﺩﯙﻟﻪﺗﻨﻰ ﺋﯧﻠﯩﭗ ﺋﯧﻴﺘﺴﺎﻕ، ﺋﺎﯞﯞﺍﻝ ﺩﯙﻟﻪﺕ ﻣﯘﺩﺍﭘﯩﺌﻪ ﺗﻮﺭﻯ ﭘﺎﻟﻪﭼﻠﯩﻨﯩﺪﯗ. ﺋﯘﭼﯘﺭﻻﺷﺘﯘﺭﯗﻟﻐﺎﻥ ﻗﻮﺭﺍﻝ-ﻳﺎﺭﺍﻕ ﺑﺎﺷﻘﯘﺭﯗﺵ ﺑﻮﺷﻠﯘﻗﻰ ﺑﻮﻟﻤﺎﻳﺪﯗ. ﺳﯜﻧﺌﯩﻲ ﻫﻪﻣﺮﺍﻫ ﭘﺎﭼﺎﻗﻠﯩﻨﯩﺪﯗ... ﻗﯩﺴﻘﯩﺴﻰ ﺋﺎﻟﻪﻣﻨﻰ ﻳﺎﯞﺍﻳﯩﻠﯩﻖ ﺑﺎﺳﯩﺪﯗ...

     ﻣﺎﻧﺎ ﺑﯘ - ﻗﯩﺴﻘﯩﻐﯩﻨﺎ ﻧﻪﭼﭽﻪ ﻳﯩﻠﺪﺍ ﻛﻮﻣﭙﻴﯘﺗﯧﺮﻧﯩﯔ ﺋﯩﻨﺴﺎﻧﯩﻴﻪﺗﻜﻪ ﻛﯚﺭﺳﻪﺗﻜﻪﻥ ﺋﺎﻟﻪﻣﺸﯘﻣﯘﻝ ﺗﻪﺳﯩﺮﻯ.

     ﺑﯩﺮﺍﻕ، ﻛﯚﭘﯩﻨﭽﯩﻤﯩﺰ ﺑﯘ ﺧﯩﻞ ﺗﻪﺳﯩﺮﻧﻰ ﺑﻪﻛﻤﯘ ﻳﯜﺯﻩﻛﻰ ﭼﯜﺷﯩﻨﯩﯟﺍﻟﯩﻤﯩﺰ.

     ﻣﻪﻥ ﺗﯘﻏﯘﻟﯘﭖ ﺋﯚﺳﻜﻪﻥ ﺋﯘﭼﺘﯘﺭﭘﺎﻥ ﭼﻪﺕ، ﺧﯩﻠﯟﻩﺕ، ﺋﺎﺩﻩﻣﻠﯩﺮﻯ ﺗﻮﻟﯩﻤﯘ ﺳﺎﺩﺩﺍ ﺑﯩﺮ ﻳﯘﺭﺕ. ﻣﻪﻥ ﺗﺎﻛﻰ 18 ﻳﯧﺸﯩﻤﻐﯩﭽﻪ ﻛﻮﻣﭙﻴﯘﺗﯧﺮﻧﻰ ﭘﻪﻗﻪﺕ ﻛﯩﻨﻮﻻﺭﺩﯨﻼ ﻛﯚﺭﯛﭖ ﺑﺎﻗﻘﺎﻥ. ﺷﯘ ﭼﺎﻏﻼﺭﺩﺍ ﺋﯚﺯﯛﻣﻨﯩﯔ ﻛﻪﻟﮕﯜﺳﯩﺪﻩ IT ﻛﻪﺳﭙﻰ، ﺟﯜﻣﻠﯩﺪﯨﻦ ﻛﻮﻣﭙﻴﯘﺗﯧﺮ ﻛﻪﺳﭙﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻗﯧﻠﯩﺸﯩﻤﻨﻰ ﺋﻮﻳﻼﭘﻤﯘ ﺑﺎﻗﻤﯩﻐﺎﻥ. ﺋﻮﻗﯘﺗﻘﯘﭼﻰ ﺑﻮﻟﯘﺷﻨﻰ، ﺑﻮﻟﻐﺎﻧﺪﯨﻤﯘ «ﭘﻪﻧﻠﻪﺭﻧﯩﯔ ﺋﺎﺗﯩﺴﻰ» ﺩﻩﭖ ﺗﻪﺭﯨﭙﻠﯩﻨﯩﺪﯨﻐﺎﻥ ﻣﺎﺗﯧﻤﺎﺗﯩﻜﺎ ﺋﻮﻗﯘﺗﻘﯘﭼﯩﺴﻰ ﺑﻮﻟﯘﺷﻨﻰ ﺋﻮﻳﻼﻳﺘﺘﯩﻢ.

     ﺗﻪﻗﺪﯨﺮﻧﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﻛﻮﻣﭙﻴﯘﺗﯧﺮﺩﺍ ﺋﻮﻗﯘﭖ، ﻛﻮﻣﭙﻴﯘﺗﯧﺮﻧﻰ ﻛﻪﺳﯩﭗ ﻗﯩﻠﯩﭗ ﺗﺎﻟﻼﭖ ﻗﺎﻟﺪﯨﻢ. ﺋﻪﮔﻪﺭ ﻛﻮﻣﭙﻴﯘﺗﯧﺮﻧﻰ ﻛﻪﺳﯩﭗ ﻗﯩﻠﻤﯩﻐﺎﻥ ﺑﻮﻟﺴﺎﻡ، ﺑﯘ ﺋﯜﺳﻜﯜﻧﻪ ﺑﯩﻠﻪﻥ ﺗﯧﺨﯩﻤﯘ ﻛﯧﻴﯩﻦ ﺗﻮﻧﯘﺷﯘﺷﯘﻡ ﻣﯘﻣﻜﯩﻦ ﺋﯩﺪﻯ.

     ﻟﯧﻜﯩﻦ، ﻫﺎﺯﯨﺮ ﺋﯘﻧﺪﺍﻕ ﺋﻪﻣﻪﺱ. ﻧﯘﺭﻏﯘﻥ ﺋﯚﻳﻠﻪﺭﺩﻩ ﻛﻮﻣﭙﻴﯘﺗﯧﺮ ﺑﺎﺭ، ﺗﻮﺭ ﺑﺎﺭ، ﻳﺎﻧﻔﻮﻥ ﺑﺎﺭ. ﺑﺎﻟﯩﻼﺭ ﻛﯩﭽﯩﻜﯩﺪﯨﻨﻼ ﺑﯘ ﺯﺍﻣﺎﻧﯩﯟﻯ ﺋﯜﺳﻜﯜﻧﯩﻠﻪﺭ ﺑﯩﻠﻪﻥ ﺗﻮﻧﯘﺷﯘﭖ ﭼﻮﯓ ﺑﻮﻟﯩﺪﯗ. ﻣﯩﺴﺎﻝ ﺋﺎﻟﺴﺎﻡ، ﻣﯧﻨﯩﯔ ﺋﯚﻳﯜﻣﺪﻩ ﺑﯩﺮ ﺩﺍﻧﻪ ﺋﯜﺳﺘﻪﻝ ﻛﻮﻣﭙﻴﯘﺗﯧﺮﻯ، ﺋﯩﻜﻜﻰ ﺩﺍﻧﻪ ﺧﺎﺗﯩﺮﻩ ﻛﻮﻣﭙﻴﯘﺗﯧﺮﻯ، ﺋﯜﭺ ﺩﺍﻧﻪ ﺗﺎﺧﺘﺎ ﻛﻮﻣﭙﻴﯘﺗﯧﺮ، 4-5 ﺩﺍﻧﻪ ﻳﺎﻧﻔﻮﻥ ﺑﺎﺭ. ﺑﯘ ﺋﯜﺳﻜﯜﻧﯩﻠﻪﺭﻧﯩﯔ ﻫﻪﻣﻤﯩﺴﻰ ﺧﻪﻟﻘﺌﺎﺭﺍ ﺗﻮﺭﻏﺎ ﺋﯘﻻﻧﻐﺎﻥ. ﻣﺎﻧﺎ ﺑﯘ ﻫﺎﺯﯨﺮﻗﻰ ﺭﯦﺌﺎﻟﻠﯩﻖ. ﻣﺎﻧﺎ ﺑﯘ ﻫﺎﺯﯨﺮﻗﻰ ﺟﻪﻣﺌﯩﻴﻪﺗﻨﯩﯔ ﻛﯩﭽﯩﻜﻠﯩﺘﯩﻠﮕﻪﻥ ﻛﯚﺭﯛﻧﯜﺷﻰ، ﻣﺎﻧﺎ ﺑﯘ ﻫﺎﺯﯨﺮﻗﻰ ﺩﯗﻧﻴﺎﻧﯩﯔ IT ﻛﻪﺳﭙﯩﮕﻪ ﻗﺎﻧﭽﯩﻠﯩﻚ ﺑﺎﻏﻠﯩﻨﯩﭗ ﻛﻪﺗﻜﻪﻧﻠﯩﻜﯩﻨﯩﯔ ﻳﺎﺭﻗﯩﻦ ﺋﯩﭙﺎﺩﯨﺴﻰ.

     ﺑﯘ ﻳﻪﺭﺩﻩ ﺋﻮﻟﺘﯘﺭﻏﺎﻥ ﻫﻪﺭ ﺑﯩﺮﻩﻳﻠﻪﻥ ﺋﯚﺯ ﻛﻪﺳﯩﭙﻠﯩﺮﯨﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﺘﺎ، ﺑﻮﻟﯘﭘﻤﯘ ﻛﺎﺭﺧﺎﻧﯩﭽﯩﻼﺭ ﻛﺎﺭﺧﺎﻧﺎ ﺑﺎﺷﻘﯘﺭﯗﺵ، ﻣﻪﻫﺴﯘﻻﺗﻨﻰ ﺗﻪﺗﻘﯩﻖ ﻗﯩﻠﯩﭗ ﺋﯩﺸﻠﻪﭘﭽﯩﻘﯩﺮﯨﺶ، ﺑﺎﺯﺍﺭ ﺋﯧﭽﯩﺶ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ ﺋﻪﻧﺌﻪﻧﯩﯟﻯ ﺷﻪﻛﯩﻠﺪﯨﻜﻰ ﻳﺎﺩﻟﯩﯟﯦﻠﯩﺶ، ﻗﻪﻏﻪﺯﮔﻪ ﺧﺎﺗﯩﺮﯨﻠﻪﺵ ﻗﺎﺗﺎﺭﻟﯩﻖ ﺋﯘﺳﯘﻟﻼﺭﻧﯩﯔ ﺋﻪﻣﺪﻯ ﻛﺎﺭﻏﺎ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ، IT ﻛﻪﺳﭙﯩﻨﯩﯔ ﺋﯚﺯ ﻛﻪﺳﭙﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻥ ﺋﻪﯓ ﺯﯙﺭﯛﺭ ﯞﺍﺳﯩﺘﯩﻠﻪﺭﻧﯩﯔ ﺑﯩﺮﻯ ﺋﯩﻜﻪﻧﻠﯩﻜﯩﻨﻰ ﭼﻮﻗﯘﻡ ﺋﯧﺘﯩﺮﺍﭖ ﻗﯩﻠﯩﺸﻰ ﻛﯧﺮﻩﻙ.

     2013-ﻳﯩﻠﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﻪﯓ ﻧﺎﺩﯨﺮ ﺋﯧﻼﻧﻰ ﺩﻩﭖ ﻗﺎﺭﯨﻠﯩﯟﺍﺗﻘﺎﻥ «ﺋﻪﺭﻛﻪﻛﻠﻪﺭﻧﯩﯔ ﻛﯩﻤﻠﯩﻜﻰ-ﻣﯩﺮﺍﺱ ﺋﻪﺭﻟﻪﺭ ﻛﯩﻴﯩﻤﻠﯩﺮﻯ» ﻧﺎﻣﻠﯩﻖ ﺋﯧﻼﻥ ﺑﯘﻧﯩﯖﻐﺎ ﻣﯩﺴﺎﻝ ﺑﻮﻟﺴﺎ ﻛﯧﺮﻩﻙ.

     ﺷﯘﻧﺪﺍﻕ، ﺋﯘﻳﻐﯘﺭ ﻛﺎﺭﺧﺎﻧﯩﻠﯩﺮﻯ ﺋﻪﻣﺪﻯ IT ﻛﻪﺳﭙﯩﻨﻰ ﻧﻪﺯﻩﺭﮔﻪ ﺋﺎﻟﻤﺎﻱ ﺗﯘﺭﯗﭖ، IT ﻛﻪﺳﭙﯩﮕﻪ ﺗﺎﻳﺎﻧﻤﺎﻱ ﺗﯘﺭﯗﭖ ﺋﻪﯓ ﺋﻪﻗﻪﻟﻠﯩﻲ ﻣﻪﯞﺟﯘﺗﻠﯘﻗﯩﻨﻰ ﺳﺎﻗﻼﭖ ﻗﺎﻻﻟﻤﺎﻳﺪﯗ. ﺩﯨﻘﻘﻪﺕ ﻗﯩﻠﯩﯖﻼﺭﻛﻰ، ﻣﻪﻥ ﺗﻪﺭﻩﻗﻘﯩﻲ ﻗﯩﻼﻟﻤﺎﻳﺪﯗ ﺩﯦﻤﯩﺪﯨﻢ، ﻣﻪﯞﺟﯘﺕ ﺑﻮﻻﻟﻤﺎﻳﺪﯗ ﺩﻩﯞﺍﺗﯩﻤﻪﻥ. 18 ﻳﯩﻠﻠﯩﻖ IT ﺧﺎﺩﯨﻤﻰ، ﺋﯩﻠﮕﯩﺮﻯ-ﻛﯧﻴﯩﻦ ﺑﻮﻟﯘﭖ 11 ﻳﯩﻠﻠﯩﻖ ﻛﺎﺭﺧﺎﻧﯩﭽﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﺑﯘ ﻫﯚﻛﯜﻣﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﯞﺍﺗﯩﻤﻪﻥ.

     IT ﻛﻪﺳﭙﻰ ﯞﻩ ﺷﯩﺮﻛﯩﺘﯩﻤﯩﺰﻧﯩﯔ ﺋﻪﻣﮕﻪﻛﻠﯩﺮﻯ

     ﻣﻪﻥ 2008-ﻳﯩﻠﻰ ﻳﯩﻞ ﺑﯧﺸﯩﺪﺍ ﺋﯩﭽﻜﯩﺮﯨﺪﯨﻦ ﺷﯩﻨﺠﺎﯕﻐﺎ ﻗﺎﻳﺘﯩﭗ ﻛﯧﻠﯩﭗ ﺗﺎﻛﻰ 2010-ﻳﯩﻠﻰ 2-ﺋﺎﻳﻨﯩﯔ ﺑﯧﺸﯩﻐﺎ ﻗﻪﺩﻩﺭ ﺷﯩﻨﺠﺎﯕﻨﯩﯔ IT ﻛﻪﺳﭙﯩﻨﻰ ﻧﺎﻫﺎﻳﯩﺘﻰ ﺗﻪﭘﺴﯩﻠﯩﻲ ﻛﯚﺯﻩﺗﺘﯩﻢ. ﻧﯘﺭﻏﯘﻥ ﺑﻮﺷﻠﯘﻗﻨﻰ، ﭘﯘﺭﺳﻪﺗﻨﻰ ﻛﯚﺭﺩﯛﻡ. ﺷﯘﻧﯩﯔ ﺑﯩﻠﻪﻥ ﺑﯩﺮ ﻧﻪﭼﭽﻪ ﻛﻪﺳﯩﭙﺪﯨﺸﯩﻢ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ، ﺑﯜﮔﯜﻧﻜﻰ ﻛﻮﻣﭙﻴﯘﺗﯧﺮ ﻫﻪﯞﻩﺳﻜﺎﺭﻟﯩﺮﻯ ﺷﯩﺮﻛﯩﺘﯩﻨﯩﯔ ﺋﯘﻟﻰ ﺑﻮﻟﻐﺎﻥ ﻛﻮﻣﭙﻴﯘﺗﯧﺮ ﻫﻪﯞﻩﺳﻜﺎﺭﻟﯩﺮﻯ ﮔﯘﺭﯗﭘﭙﯩﺴﯩﻨﻰ ﻗﯘﺭﺩﯗﻡ.

     ﮔﯘﺭﯗﭘﭙﺎ ﺑﻮﻟﯘﭖ ﺗﻪﺳﯩﺲ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﮔﯘﺭﯗﭘﭙﯩﻐﺎ ﺑﺎﺵ ﺑﻮﻟﯘﭖ، ﺑﯩﺮ ﻧﻪﭼﭽﻪ ﺗﻮﺭ ﺑﯧﻜﻪﺕ ﺳﯩﺴﺘﯧﻤﯩﺴﻰ ﯞﻩ ﻳﯘﻣﺸﺎﻕ ﺩﯦﺘﺎﻟﻨﻰ ﺋﯩﺸﻠﻪﺵ، ﺋﯘﻳﻐﯘﺭﭼﯩﻼﺷﺘﯘﺭﯗﺵ، ﺋﯩﻠﮕﯩﺮﻯ ﺋﯩﺸﻠﯩﮕﻪﻥ ﻳﯜﺭﯛﺷﻠﯜﻙ ﻛﻮﻣﭙﻴﯘﺗﯧﺮ ﺋﻮﻗﯘﺗﯘﺵ ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﯛﺵ، ﻣﯘﻧﺘﯩﺰﯨﻢ ﺗﻮﺭ ﺑﯧﻜﻪﺕ ﻗﯘﺭﯗﭖ، ﺋﺎﯞﺍﻣﻐﺎ ﻛﻮﻣﭙﻴﯘﺗﯧﺮ، ﺗﻮﺭ ﺑﯩﻠﯩﻤﻠﯩﺮﯨﻨﻰ ﺋﻮﻣﯘﻣﻼﺷﺘﯘﺭﯗﺵ ﺋﯩﺸﻠﯩﺮﯨﻨﻰ ﺗﯧﺨﯩﻤﯘ ﻣﯘﻧﺘﯩﺰﯨﻢ ﻗﯩﻠﺪﯨﻢ.

     2011-ﻳﯩﻠﻰ 2-ﺋﺎﻳﺪﺍ ﺷﯩﻨﺠﺎﯓ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ «ﭘﻪﻥ ﯞﻩ ﻣﺎﺋﺎﺭﯨﭗ» ﭘﯩﺮﻭﮔﺮﺍﻣﻤﯩﺴﻰ ﮔﯘﺭﯗﭘﭙﯩﻤﯩﺰﻧﻰ ﺯﯨﻴﺎﺭﻩﺕ ﻗﯩﻠﺪﻯ.

     2011-ﻳﯩﻠﻰ 3-ﺋﺎﻳﻨﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺩﯙﻟﯩﺘﯩﻤﯩﺰﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺗﯩﻞ-ﻳﯧﺰﯨﻘﯩﺪﺍ ﺋﺎﺷﻜﺎﺭﺍ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ ﺑﯩﺮﺩﯨﻨﺒﯩﺮ ﻛﻮﻣﭙﻴﯘﺗﯧﺮ ﺑﯩﻠﯩﻤﻠﯩﺮﻯ ﮊﯗﺭﻧﯩﻠﻰ «ﻛﻮﻣﭙﻴﯘﺗﯧﺮ ﯞﻩ ﺗﯘﺭﻣﯘﺵ» ﮊﯗﺭﻧﯩﻠﯩﻨﻰ ﻫﻪﻣﻜﺎﺭﻟﯩﺸﯩﭗ ﭼﯩﻘﯩﺮﯨﺶ ﺳﺎﻻﻫﯩﻴﯩﺘﯩﮕﻪ ﺋﯧﺮﯨﺸﺘﯘﻕ.

     ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺯﯨﻴﺎﺭﯨﺘﻰ، «ﻛﻮﻣﭙﻴﯘﺗﯧﺮ ﯞﻩ ﺗﯘﺭﻣﯘﺵ» ﮊﯗﺭﻧﯩﻠﯩﻨﻰ ﻫﻪﻣﻜﺎﺭﻟﯩﺸﯩﭗ ﭼﯩﻘﯩﺮﯨﺶ ﻫﻮﻗﯘﻗﯩﻐﺎ ﺋﯧﺮﯨﺸﯩﺸﯩﻤﯩﺰ ﻗﯩﻠﻐﺎﻥ ﺧﯩﺰﻣﻪﺗﻠﯩﺮﯨﻤﯩﺰﻧﯩﯔ ﺋﺎﯞﺍﻣﻨﯩﯖﻼ ﺋﻪﻣﻪﺱ، ﺑﻪﻟﻜﻰ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯖﻤﯘ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻧﻠﯩﻘﯩﻨﻰ ﺋﯩﺴﭙﺎﺗﻼﭖ ﺑﻪﺭﺩﻯ.

     ﺷﯘﻧﺪﺍﻕ، ﺑﯩﺰ 2011-ﻳﯩﻠﯩﻨﯩﯔ ﺋﺎﺧﯩﺮﯨﻐﺎ ﻗﻪﺩﻩﺭ ﻛﻮﻣﭙﻴﯘﺗﯧﺮ ﻫﻪﯞﻩﺳﻜﺎﺭﻟﯩﺮﻯ ﮔﯘﺭﯗﭘﭙﯩﺴﻰ ﻧﺎﻣﯩﺪﺍ ﺷﯩﻨﺠﺎﯕﻨﯩﯔ ﺗﻮﺭ، ﻳﯘﻣﺸﺎﻕ ﺩﯦﺘﺎﻝ ﻗﯘﺭﯗﻟﯘﺷﻠﯩﺮﯨﻐﺎ ﺗﻪﺳﯩﺮ ﻛﯚﺭﺳﯩﺘﯩﭗ ﻛﻪﻟﺪﯗﻕ.

     2011-ﻳﯩﻠﯩﻨﯩﯔ ﺋﺎﺧﯩﺮﯨﻐﺎ ﻛﻪﻟﮕﯩﭽﻪ ﻧﯘﺭﻏﯘﻥ ﻳﯘﻗﯩﺮﻯ ﭘﻪﻥ-ﺗﯧﺨﻨﯩﻜﯩﻠﯩﻖ ﺧﯩﺰﻣﻪﺗﻠﻪﺭﻧﻰ ﻗﯩﻠﺪﯗﻕ. ﻫﯚﻛﯜﻣﻪﺕ ﺋﯩﺪﺍﺭﻩ-ﺋﻮﺭﯗﻧﻠﯩﺮﻯ ﯞﻩ ﺷﯩﺮﻛﻪﺗﻠﻪﺭﻧﯩﯔ ﺑﻪﺯﻯ ﺗﯜﺭﻟﯩﺮﯨﮕﻪ ﺋﯩﻠﺘﯩﻤﺎﺱ ﻗﯩﻠﯩﺶ ﺟﻪﺭﻳﺎﻧﯩﺪﺍ ﻛﻪﺳﭙﯩﻲ ﺳﻪﯞﯨﻴﻪﻣﯩﺰ، ﺗﯧﺨﻨﯩﻜﺎ ﺋﯩﻘﺘﯩﺪﺍﺭﯨﻤﯩﺰ ﺟﻪﻫﻪﺗﺘﻪ ﻗﻪﺗﺌﯩﻲ ﻣﻪﺳﯩﻠﻪ ﺑﻮﻟﻤﯩﺴﯩﻤﯘ، ﺑﯘ ﺗﯜﺭﻟﻪﺭﮔﻪ ﻗﺎﺗﻨﯩﺸﯩﺸﺘﯩﻦ ﻣﻪﻫﺮﯗﻡ ﻗﺎﻟﺪﯗﻕ. ﭼﯜﻧﻜﻰ، ﺑﯩﺰ ﺗﯧﺨﻰ ﻳﻪﻛﻜﻪ ﺳﺎﻻﻫﯩﻴﻪﺗﺘﻪ ﺋﯩﺪﯗﻕ. ﺋﺎﺧﯩﺮﻯ ﺳﺎﻻﻫﯩﻴﯩﺘﯩﻤﯩﺰﻧﻰ ﺗﯧﺨﯩﻤﯘ ﻣﯘﻧﺘﯩﺰﯨﻤﻼﺷﺘﯘﺭﯗﺵ، ﻳﯘﻗﯩﺮﻯ ﭘﻪﻥ-ﺗﯧﺨﻨﯩﻜﺎ ﺳﺎﻫﻪﺳﯩﮕﻪ ﻫﻪﻗﯩﻘﯩﻲ ﺑﯩﺮ ﻗﺎﻧﯘﻧﯩﻲ ﺋﯩﮕﻪ ﺳﯜﭘﯩﺘﯩﺪﻩ ﻛﯩﺮﯨﺶ ﻣﻪﻗﺴﯩﺘﯩﺪﻩ 2011-ﻳﯩﻠﻰ 12-ﺋﺎﻳﻨﯩﯔ 12-ﻛﯜﻧﻰ «ﺋﯜﺭﯛﻣﭽﻰ ﻛﻮﻣﭙﻴﯘﺗﯧﺮ ﻫﻪﯞﻩﺳﻜﺎﺭﻟﯩﺮﻯ ﺋﯧﻠﯧﻜﺘﯩﺮﻭﻥ ﭘﻪﻥ-ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ» ﻧﻰ ﺋﻪﻧﮕﻪ ﺋﺎﻟﺪﯗﺭﺩﯗﻕ.

     ﺷﯩﺮﻛﯩﺘﯩﻤﯩﺰ «ﻛﻮﻣﭙﻴﯘﺗﯧﺮ ﯞﻩ ﺗﯘﺭﻣﯘﺵ» ﮊﯗﺭﻧﯩﻠﯩﻨﻰ ﻫﻪﻣﻜﺎﺭﻟﯩﺸﯩﭗ ﺑﺎﺷﻘﯘﺭﯗﭖ، ﺋﯩﻜﻜﻰ ﻳﯧﺮﯨﻢ ﻳﯩﻞ ﺑﻮﻟﻐﺎﻧﺪﺍ - 2013-ﻳﯩﻠﻰ 8-ﺋﺎﻳﻐﺎ ﻛﻪﻟﮕﻪﻧﺪﻩ ﻣﻪﻥ ﺩﯙﻟﻪﺕ ﺋﯩﭽﯩﺪﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺗﯩﻞ-ﻳﯧﺰﯨﻘﯩﺪﺍ ﺋﺎﺷﻜﺎﺭﺍ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ ﺑﯩﺮﺩﯨﻨﺒﯩﺮ ﻛﻮﻣﭙﻴﯘﺗﯧﺮ ﮊﯗﺭﻧﯩﻠﻰ «ﻛﻮﻣﭙﻴﯘﺗﯧﺮ ﯞﻩ ﺗﯘﺭﻣﯘﺵ» ﮊﯗﺭﻧﯩﻠﯩﻨﯩﯔ ﻣﻪﺳﺌﯘﻝ ﻣﯘﻫﻪﺭﺭﯨﺮﻟﯩﻜﻰ ﯞﻩ ﻣﻪﺳﺌﯘﻝ ﻛﻮﺭﺭﯦﻜﺘﻮﺭﻟﯘﻗﯩﻐﺎ ﺗﻪﻛﻠﯩﭗ ﻗﯩﻠﯩﻨﺪﯨﻢ.

     ﮊﯗﺭﻧﺎﻝ ﻧﻪﺷﺮ ﻗﯩﻠﯩﻨﻐﺎﻥ ﺩﻩﺳﻠﻪﭘﻜﻰ ﻳﯩﻠﻠﯩﺮﻯ ﻣﻪﻥ ﺑﯘ ﮊﯗﺭﻧﺎﻟﻐﺎ ﺑﯩﺮ ﻧﻪﭼﭽﻪ ﻣﺎﻗﺎﻟﻪ ﺋﻪﯞﻩﺗﻜﻪﻥ ﺋﯩﺪﯨﻢ. ﺑﯩﺮ ﻧﻪﭼﭽﻪ ﺳﺎﻥ ﮊﯗﺭﻧﺎﻟﻨﻰ ﺗﻪﻛﺮﺍﺭ ﺗﻪﻛﺸﯜﺭﺩﯛﻡ، ﻟﯧﻜﯩﻦ ﻣﺎﻗﺎﻟﻪﻡ ﺑﯧﺴﯩﻠﻤﯩﺪﻯ. ﺋﯘ ﯞﺍﻗﯩﺘﺘﯩﻜﻰ «ﮊﯗﺭﻧﺎﻟﻐﺎ ﻣﺎﻗﺎﻟﻪﻡ ﺑﯧﺴﯩﻠﺴﯩﻜﻪﻥ» ﺩﯦﮕﻪﻥ ﺋﯩﻨﺘﯩﺰﺍﺭﻟﯩﻘﯩﻤﻨﻰ ﺗﯩﻞ ﺑﯩﻠﻪﻥ ﺋﯩﭙﺎﺩﯨﻠﯩﻤﻪﻙ ﺗﻪﺱ.

     ﺑﯜﮔﯜﻧﮕﻪ ﻛﻪﻟﮕﻪﻧﺪﻩ ﺑﯘ ﮊﯗﺭﻧﺎﻝ ﻣﯧﻨﯩﯔ ﻗﻮﻟﯘﻣﺪﯨﻦ ﭼﯩﻘﯩﯟﺍﺗﯩﺪﯗ. ﺑﯘﻧﯩﯖﻐﺎ ﻗﺎﺭﺍﭖ، ﺋﺎﺩﻩﻡ ﻧﯧﻤﯩﻨﻰ ﺋﺎﺭﺯﯗ ﻗﯩﻠﺴﺎ ﯞﻩ ﺷﯘ ﻳﻮﻟﺪﺍ ﺳﺎﭖ ﻧﯩﻴﯩﺘﻰ ﺑﯩﻠﻪﻥ ﻫﻪﺭﯨﻜﻪﺕ ﻗﯩﻠﺴﺎ، ﺋﺎﻟﻼﻫﻨﯩﯔ ﺷﯘﻧﻰ ﻫﻪﺳﺴﯩﻠﻪﭖ ﺑﯧﺮﯨﺪﯨﻐﺎﻧﻠﯩﻘﯩﻐﺎ ﻫﻪﻗﯩﻘﯩﻲ ﭼﯩﻦ ﭘﯜﺗﯩﻤﻪﻥ.

     ﻛﯜﻧﻠﻪﺭ ﺋﯚﺗﯜﭖ، ﺋﺎﻳﻼﺭ ﺋﯚﺗﯜﭖ ﺷﯩﺮﻛﯩﺘﯩﻤﯩﺰ ﺭﺍﻳﻮﻧﯩﻤﯩﺰﺩﯨﻜﻰ ﻣﯘﻧﺘﯩﺰﯨﻢ ﭘﯩﺮﻭﮔﺮﺍﻣﻤﺎ ﺋﯧﭽﯩﺶ ﺷﯩﺮﻛﻪﺗﻠﯩﺮﯨﻨﯩﯔ ﺑﯩﺮﺳﯩﮕﻪ ﺋﺎﻳﻼﻧﺪﻯ. ﺑﯘ ﺟﻪﺭﻳﺎﻧﺪﺍ ﺩﻭﺧﺘﯘﺭﺧﺎﻧﺎ ﺑﺎﺷﻘﯘﺭﯗﺵ ﺳﯩﺴﺘﯧﻤﯩﺴﻰ، ﻣﺎﺗﻮﺭﻟﯘﻕ ﺋﯜﺳﻜﯜﻧﯩﻠﻪﺭ ﺳﯧﺘﯩﺶ ﺯﻩﻧﺠﯩﺮﺳﯩﻤﺎﻥ ﺩﯗﻛﯩﻨﻰ ﺑﺎﺷﻘﯘﺭﯗﺵ ﺳﯩﺴﺘﯧﻤﯩﺴﻰ، ﺋﺎﻫﺎﻟﯩﻠﻪﺭ ﻛﻮﻣﯩﺘﯧﺘﻰ ﻧﻮﭘﯘﺱ ﺑﺎﺷﻘﯘﺭﯗﺵ ﺳﯩﺴﺘﯧﻤﯩﺴﻰ، ﭼﯩﺶ ﻛﯧﺴﻪﻟﻠﯩﻜﻠﯩﺮﻯ ﺩﻭﺧﺘﯘﺭﺧﺎﻧﯩﺴﻰ ﺑﺎﺷﻘﯘﺭﯗﺵ ﺳﯩﺴﺘﯧﻤﯩﺴﻰ ﻗﺎﺗﺎﺭﻟﯩﻖ ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﻰ ﺋﯩﺸﻠﻪﭖ، ﺧﯧﺮﯨﺪﺍﺭﻻﺭﻧﯩﯔ ﺋﯩﺸﻠﯩﺘﯩﺸﯩﮕﻪ ﺳﯘﻧﺪﻯ. ﺷﯩﻨﺠﺎﯓ ﭘﯧﺪﺍﮔﻮﮔﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ، ﺷﯩﻨﺠﺎﯓ ﺋﯘﻳﻐﯘﺭ ﺗﯧﺒﺎﺑﯩﺘﻰ ﺋﺎﻟﯩﻲ ﺗﯧﺨﻨﯩﻜﻮﻣﻰ، ﺗﺎﺭﯨﻢ ﮊﯗﺭﻧﯩﻠﻰ ﻧﻪﺷﺮﯨﻴﺎﺗﻰ، ﺋﯜﺭﯛﻣﭽﻰ ﺗﯧﻠﯧﯟﯨﺰﯨﻴﻪﺳﻰ «ﺋﯩﮕﯩﻠﯩﻚ ﺳﻪﻫﻨﯩﺴﻰ» ﭘﯩﺮﻭﮔﺮﺍﻣﻤﯩﺴﻰ، ﺋﻪﻧﺨﯘﻱ ﺧﯘﻩﻳﻨﻪﻥ ﺧﻪﺗﺘﺎﺗﻼﺭ ﯞﻩ ﺭﻩﺳﺴﺎﻣﻼﺭ ﺋﺎﻛﺎﺩﯦﻤﯩﻴﻪﺳﻰ، ﺑﯩﻠﻜﺎﻥ ﺋﯧﻠﯧﻜﺘﯩﺮﻭﻥ ﺷﯩﺮﻛﯩﺘﻰ، ﺋﻪﻟﺪﺍﯞﺍ ﺳﺎﻏﻼﻣﻠﯩﻖ ﺋﯘﭼﯘﺭ ﻣﯘﻻﺯﯨﻤﻪﺕ ﺷﯩﺮﻛﯩﺘﻰ، ﻣﯩﻠﻠﻪﺗﻠﻪﺭ ﻣﻪﺩﻩﻧﯩﻴﯩﺘﻰ ﺧﻪﻟﻘﺌﺎﺭﺍ ﺳﺎﻳﺎﻫﻪﺕ ﻛﻮﭘﯩﺮﺍﺗﯩﭙﻰ، ﮔﯘﺍﯕﺠﯘ ﺗﯜﺭﻛﺎﻥ ﺧﻪﻟﻘﺌﺎﺭﺍ ﺳﻮﺩﺍ ﭼﻪﻛﻠﯩﻚ ﺷﯩﺮﻛﯩﺘﻰ، ﺋﯜﺭﯛﻣﭽﻰ ﻳﺎﺭﻗﯘﺕ ﻣﻪﺩﻩﻧﯩﻴﻪﺕ ﺗﺎﺭﻗﯩﺘﯩﺶ ﭼﻪﻛﻠﯩﻚ ﺷﯩﺮﻛﯩﺘﻰ، ﺋﯜﺭﯛﻣﭽﻰ ﺋﯘﻳﻐﺎﺭ ﺧﻪﻟﻘﺌﺎﺭﺍ ﺳﻮﺩﺍ ﺋﯘﭼﯘﺭ ﻣﯘﻻﺯﯨﻤﻪﺕ ﭼﻪﻛﻠﯩﻚ ﺷﯩﺮﻛﯩﺘﻰ ﻗﺎﺗﺎﺭﻟﯩﻖ ﺋﯩﺪﺍﺭﻩ-ﺋﻮﺭﯗﻥ ﯞﻩ ﺷﯩﺮﻛﻪﺗﻠﻪﺭﻧﯩﯔ ﺗﻮﺭ ﺑﯧﻜﻪﺗﻠﯩﺮﯨﻨﻰ ﺧﻪﻟﻘﺌﺎﺭﺍ ﺋﯚﻟﭽﻪﻣﮕﻪ ﺑﻮﻳﺴﯘﻧﻐﺎﻥ ﻫﺎﻟﺪﺍ ﯞﺍﻗﯩﺖ ﯞﻩ ﺳﯜﭘﻪﺗﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﺎﻥ ﺋﺎﺳﺎﺳﺘﺎ ﭘﯜﺗﺘﯜﺭﺩﻯ. ﻳﯜﺭﯛﺷﻠﯜﻙ ﻛﻮﻣﭙﻴﯘﺗﯧﺮ ﺋﯚﮔﯩﺘﯩﺶ ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﻰ ﺑﺎﺯﺍﺭﻏﺎ ﺳﯧﻠﯩﭗ، ﺋﺎﯞﺍﻣﻨﯩﯔ ﺋﻮﻗﯘﺗﻘﯘﭼﯩﺴﯩﺰ ﻛﻮﻣﭙﻴﯘﺗﯧﺮ ﺋﯚﮔﯩﻨﯩﺸﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﺩﻯ.

     ﺷﯘﻧﺪﺍﻕ، ﺷﯩﺮﻛﯩﺘﯩﻤﯩﺰ ﺑﯩﺮ ﻗﯩﺴﯩﻢ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﻯ، ﻛﺎﺭﺧﺎﻧﯩﻼﺭ ﯞﻩ ﺷﻪﺧﺴﻠﻪﺭﻧﯩﯔ ﺋﯜﺳﺘﻪﻝ ﻳﯜﺯﻯ ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﻰ ﯞﻩ ﺋﻪﭘﻠﯩﺮﯨﻨﻰ ﺋﯩﺸﻠﻪﭖ ﻛﯧﻠﯩﯟﺍﺗﯩﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ ﻳﯩﻞ ﺑﯧﺸﯩﺪﺍ ﺑﻪﺯﻯ ﺗﯜﺭﻟﻪﺭﻧﻰ ﭘﯩﻼﻧﻐﺎ ﺋﺎﻟﺪﯗﻕ. ﺑﯘﻧﯩﯔ ﺋﯩﭽﯩﺪﻩ ﺑﻪﺯﻯ ﺗﯜﺭﻟﻪﺭ ﺋﺎﻟﻠﯩﻘﺎﭼﺎﻥ ﺑﺎﺷﻠﯩﻨﯩﭗ ﺑﻮﻟﺪﻯ. ﺑﯘﻧﯩﯔ ﺑﯩﻠﻪﻥ ﺧﯩﺰﻣﻪﺕ ﻣﯩﻘﺪﺍﺭﯨﻤﯩﺰ، ﺋﯩﺨﺘﯩﺴﺎﺳﻠﯩﻖ ﺧﺎﺩﯨﻤﻼﺭﻏﺎ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻤﯩﺰ ﺗﯧﺨﯩﻤﯘ ﺋﺎﺷﺘﻰ. ﻟﯧﻜﯩﻦ ﺋﯩﺨﺘﯩﺴﺎﺳﻠﯩﻖ ﺧﺎﺩﯨﻤﻼﺭﻧﯩﯔ ﻛﻪﻣﭽﯩﻞ ﺑﻮﻟﯘﺷﻰ ﺑﯩﻠﻪﻥ، ﺗﯜﺭﻟﻪﺭﻧﯩﯔ ﺋﻪﻣﻪﻟﯩﻴﻠﯩﺸﯩﺸﻰ ﺋﺎﺳﺘﺎ ﺑﻮﻟﺪﻯ.

     ﺷﯩﺮﻛﯩﺘﯩﻤﯩﺰﺩﻩ ﺋﯩﺨﺘﯩﺴﺎﺳﻠﯩﻖ ﺧﺎﺩﯨﻤﻼﺭﻧﯩﯔ ﻛﻪﻣﭽﯩﻞ ﺑﻮﻟﯘﺷﻰ ﻫﻪﻝ ﻗﯩﻠﯩﺶ ﺋﯜﭼﯜﻥ، ﺗﯧﻠﯧﯟﯨﺰﯨﻴﻪ، ﺭﺍﺩﯨﻴﻮ، ﮊﯗﺭﻧﺎﻝ، ﺗﻮﺭ ﻗﺎﺗﺎﺭﻟﯩﻖ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻐﺎ ﻣﯘﺭﺍﺟﯩﺌﻪﺕ ﻗﯩﻠﯩﭗ، ﺑﻪﺯﻯ ﺧﺎﺩﯨﻤﻼﺭﻧﻰ ﻗﻮﺑﯘﻝ ﻗﯩﻠﯩﭗ ﻛﻪﻟﺪﯗﻕ ﯞﻩ ﻛﯧﻠﯩﯟﺍﺗﯩﻤﯩﺰ. ﺷﯘﻧﺪﺍﻗﺘﯩﻤﯘ ﺑﯘ ﻳﯧﺘﻪﺭﻟﯩﻚ ﺑﻮﻟﻤﯩﺪﻯ.

     ﺷﯘﯕﺎ ﺑﯜﮔﯜﻧﻰ ﺋﻮﻗﯘﺵ ﭘﯜﺗﺘﯜﺭﯛﭖ، ﺋﻪﺗﯩﺴﻰ ﺧﯩﺰﻣﻪﺗﻜﻪ ﻛﯩﺮﯨﺸﻪﻟﻪﻳﺪﯨﻐﺎﻥ ﺋﯩﺨﺘﯩﺴﺎﺳﻠﯩﻖ ﺧﺎﺩﯨﻤﻼﺭﻧﻰ ﻗﯩﺴﻘﺎ ﻣﯘﺩﺩﻩﺕ ﺋﯩﭽﯩﺪﻩ ﻳﯧﺘﯩﺸﺘﯜﺭﯛﭖ ﭼﯩﻘﯩﺶ ﺋﯜﭼﯜﻥ، ﺧﺎﺩﯨﻤﻼﺭﻧﻰ ﺋﯚﺯﯨﻤﯩﺰ ﺗﻪﺭﺑﯩﻴﻪﻟﻪﺵ ﭼﯩﻘﯩﺸﻨﻰ ﻗﺎﺭﺍﺭ ﻗﯩﻠﯩﭗ، ﻫﻪﻣﻜﺎﺭﺩﺍﺵ ﺷﯩﺮﻛﻪﺗﻠﻪﺭﻧﯩﯔ ﻳﯧﻘﯩﺪﯨﻦ ﻗﻮﻟﻠﯩﺸﻰ ﺑﯩﻠﻪﻥ ﺑﯩﺮ ﻧﻪﭼﭽﻪ ﺳﯩﻨﯩﭙﻨﻰ ﭘﯩﻼﻧﻐﺎ ﺋﺎﻟﺪﯗﻕ. ﺑﯘﻧﯩﯔ ﺋﯩﭽﯩﺪﻩ «Windows ﻳﯘﻣﺸﺎﻕ ﺩﯦﺘﺎﻟﻠﯩﺮﻯ ﭘﯩﺮﻭﮔﺮﺍﻣﻤﯧﺮﻟﯩﺮﯨﻨﻰ ﺗﻪﺭﺑﯩﻴﻪﻟﻪﺵ ﺳﯩﻨﯩﭙﻰ» 4-ﺋﺎﻳﻨﯩﯔ 20-ﻛﯜﻧﻰ ﺋﻮﻗﯘﺵ ﺑﺎﺷﻠﯩﺪﻯ. ﺗﯚﯞﻩﻧﺪﻩ ﺋﻮﻟﺘﯘﺭﻏﺎﻧﻼﺭ ﺋﯩﭽﯩﺪﻩ ﺑﯘ ﺳﯩﻨﯩﭙﺘﺎ ﺋﻮﻗﯘﯞﺍﺗﻘﺎﻧﻼﺭﻣﯘ ﺑﺎﺭ. ﺋﺎﻟﻼﻫ ﺧﺎﻟﯩﺴﺎ Android ﺋﻪﭖ ﭘﯩﺮﻭﮔﺮﺍﻣﻤﯧﺮﻟﯩﺮﻯ ﺳﯩﻨﯩﭙﻰ ﻣﯘﺷﯘ ﺋﺎﻳﻨﯩﯔ ﺋﻮﺗﺘﯘﺭﯨﻠﯩﺮﯨﺪﺍ، iOS ﺋﻪﭖ ﭘﯩﺮﻭﮔﺮﺍﻣﻤﯧﺮﻟﯩﺮﻯ ﺳﯩﻨﯩﭙﻰ ﻛﯧﻠﻪﺭ ﺋﺎﻳﻨﯩﯔ ﺑﺎﺷﻠﯩﺮﯨﺪﺍ ﺩﻩﺭﺱ ﺑﺎﺷﻼﻳﺪﯗ.
     IT ﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ ﺭﻭﻫﻰ

     ﺋﺎﺭﯨﻤﯩﺰﺩﯨﻜﻰ ﺯﻭﺭ ﻛﯚﭘﭽﯩﻠﯩﻜﯩﻤﯩﺰ «ﺋﯩﺴﺘﯩﻘﺒﺎﻝ ﺳﻪﻫﻨﯩﺴﻰ»ﻧﻰ ﻛﯚﺭﯛﭖ ﺗﯘﺭﯗﯞﺍﺗﻘﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﯚﺗﻜﻪﻧﻜﻰ ﻣﻪﻟﯘﻡ ﺑﯩﺮ ﺳﺎﻧﺪﺍ، ﺋﺎﻗﺴﯘﺩﯨﻦ ﻛﻪﻟﮕﻪﻥ ﻛﺎﺭﺗﻮﻥ ﻻﻳﯩﻬﻪﻟﻪﻳﺪﯨﻐﺎﻥ ﺑﯩﺮ ﻗﯧﺮﯨﻨﺪﯨﺸﯩﻤﯩﺰ ﻧﻮﺭﻣﺎﻝ ﺑﯩﺮ ﻛﺎﺭﺗﻮﻥ ﻓﯩﻠﯩﻢ ﺋﯜﭼﯜﻥ ﻫﻪﻣﻜﺎﺭﻟﯩﺸﯩﭗ ﺋﯩﺸﻠﻪﻳﺪﯨﻐﺎﻥ ﻳﻪﻧﻪ ﺑﯩﺮﻗﺎﻧﭽﻪ ﺋﺎﺩﻩﻡ ﺑﻮﻟﺴﺎ، ﺋﺎﺯ ﺑﻮﻟﻐﺎﻧﺪﺍ ﺑﯩﺮ ﻳﯩﻠﺪﯨﻼ ﭘﯜﺗﺘﯜﺭﯛﭖ ﭼﯩﻘﺎﻻﻳﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯜﭼﯜﻥ ﻧﻪﭼﭽﻪ ﻳﯜﺯﻣﯩﯔ ﻳﯜﻩﻥ ﭼﯩﻘﯩﻢ ﺳﻪﺭﭖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺋﯚﺗﺘﻰ. ﺋﻪﮔﻪﺭ ﺋﯘ ﺑﺎﻻ ﺋﯚﺯﻯ ﻳﺎﻟﻐﯘﺯ ﺋﯩﺸﻠﯩﺴﯩﭽﯘ؟ ﺋﯘ ﭼﺎﻏﺪﺍ 3-4 ﻳﯩﻞ ﯞﺍﻗﯩﺖ ﺳﻪﺭﭖ ﺑﻮﻟﯘﺷﻰ ﻣﯘﻣﻜﯩﻦ. ﺧﯘﺩﺩﻯ ﺷﯘﻧﯩﯖﻐﺎ ﺋﻮﺧﺸﺎﺷﻼ، ﭘﯩﺮﻭﮔﺮﺍﻣﻤﺎ ﻳﯧﺰﯨﺶ، ﺗﻮﺭ ﻗﯘﺭﯗﻟﯘﺷﻰ، ﺋﯘﭼﯘﺭﻻﺷﺘﯘﺭﯗﺵ، ﺳﯩﺴﺘﯧﻤﺎ ﺋﻪﻻﻻﺷﺘﯘﺭﯗﺵ، ﺋﻪﭖ ﺋﯧﭽﯩﺶ، ﭘﯩﺮﻭﮔﺮﺍﻣﻤﺎ ﺋﺎﺭﻗﯩﻠﯩﻖ ﭘﯜﺗﯜﭖ ﭼﯩﻘﯩﺪﯨﻐﺎﻥ ﺋﻪﻗﻠﯩﻲ ﺋﯩﻘﺘﯩﺪﺍﺭﻟﯩﻖ ﺑﺎﺷﻘﺎ ﻣﻪﻫﺴﯘﻻﺗﻼﺭﻧﻰ ﺋﯩﺸﻠﻪﭘﭽﯩﻘﯩﺮﯨﺶ، ﻛﺎﺭﺧﺎﻧﯩﻼﺭﻧﯩﯔ ﺗﻮﺭ ﻗﯘﺭﯗﻟﯘﺷﯩﻨﻰ ﻫﯚﺩﺩﯨﮕﻪ ﺋﯧﻠﯩﭗ ﺑﺎﺷﻘﯘﺭﯗﺵ، ﻛﯚﻟﻪﻣﻠﻪﺷﺘﯜﺭﯛﺵ، ﻛﻪﺳﯩﭙﻠﻪﺷﻜﻪﻥ ﻳﯘﻣﺸﺎﻕ ﺩﯦﺘﺎﻝ ﺑﺎﺯﯨﺮﯨﻨﻰ ﺋﯧﭽﯩﺶ ﯞﻩ ﻛﯧﯖﻪﻳﺘﯩﺶ... ﻗﺎﺗﺎﺭﻟﯩﻖ IT ﺳﺎﻫﻪﺳﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﺗﯜﺭﻟﻪﺭﻣﯘ ﺋﻪﻟﯟﻩﺗﺘﻪ ﺋﻮﺧﺸﺎﺵ! ﺑﯩﺮﻻ ﺋﺎﺩﻩﻡ ﺑﯩﺮ ﺗﯜﺭﻧﻰ ﻧﯘﺭﻏﯘﻥ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﺋﯩﺸﻠﯩﺴﻪ، ﺋﯘ ﺗﯜﺭ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﭘﯜﺗﻜﯜﭼﻪ، ﺋﯘ ﺗﯜﺭﻧﯩﯔ ﺑﺎﺯﺍﺭ ﻗﯩﻤﻤﯩﺘﻰ ﺋﺎﻟﻠﯩﻘﺎﭼﺎﻥ ﻧﯚﻟﮕﻪ ﺋﺎﻳﻠﯩﻨﯩﺪﯗ.

     ﻣﯧﻨﯩﯔ ﻛﯚﺯﯨﺘﯩﺸﯩﻢ ﺑﻮﻳﯩﭽﻪ ﮔﻪﭘﻨﻰ ﻳﺎﻟﯩﯖﺎﭼﻼ ﺋﯧﻴﺘﺴﺎﻕ، ﺋﯘﻳﻐﯘﺭ ﻛﻮﻣﭙﻴﯘﺗﯧﺮ ﺷﯩﺮﻛﻪﺗﻠﯩﺮﯨﺪﻩ ﺋﻮﺭﺗﺎﻕ ﺳﺎﻗﻠﯩﻨﯩﯟﺍﺗﻘﺎﻥ ﺋﻪﯓ ﭼﻮﯓ ﻣﻪﺳﯩﻠﯩﻨﯩﯔ ﺑﯩﺮﻯ ﻣﻪﺑﻠﻪﻍ ﻛﻪﻡ ﺑﻮﻟﯘﺵ ﻣﻪﺳﯩﻠﯩﺴﯩﺪﯗﺭ. ﻟﯧﻜﯩﻦ، ﻫﻪﺭﮔﯩﺰ ﺗﯧﺨﻨﯩﻜﺎ ﻣﻪﺳﯩﻠﯩﺴﻰ ﺋﻪﻣﻪﺱ. ﻣﻪﺑﻠﻪﻍ ﻗﯩﻴﯩﻨﭽﯩﻠﯩﻘﻰ ﺗﻪﺑﯩﺌﯩﻲ ﻫﺎﻟﺪﺍ ﭼﻮﯓ ﺗﯜﺭﻟﻪﺭﻧﻰ ﯞﯗﺟﯘﺩﻗﺎ ﭼﯩﻘﯩﺮﺍﻟﻤﺎﺳﻠﯩﻖ ﻣﻪﺳﯩﻠﯩﺴﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

     «ﺋﻮﺗﻰ ﺑﺎﺭ ﻳﻪﺭﻧﯩﯔ ﺳﯜﻳﻰ ﻳﻮﻕ، ﺳﯜﻳﻰ ﺑﺎﺭ ﻳﻪﺭﻧﯩﯔ ﺋﻮﺗﻰ ﻳﻮﻕ» ﺩﯦﮕﻪﻧﺪﻩﻙ، ﺗﯧﺨﻨﯩﻜﯩﺴﻰ ﺑﺎﺭ ﻛﯩﺸﯩﻠﻪﺭﺩﻩ ﻣﻪﺑﻠﻪﻍ ﻳﻮﻕ، ﻣﻪﺑﻠﯩﻐﻰ ﺑﺎﺭ ﻛﯩﺸﯩﻠﻪﺭ ﺗﯧﺨﻨﯩﻜﯩﻠﯩﻖ ﺗﯜﺭﻟﻪﺭﮔﻪ ﻣﻪﺑﻠﻪﻍ ﺳﯧﻠﯩﺸﻨﻰ ﺑﻪﻙ ﺧﺎﻻﭖ ﻛﻪﺗﻤﻪﻳﺪﯗ. ﺑﯩﺰﺩﻩ ﻛﻮﻣﭙﻴﯘﺗﯧﺮ ﺷﯩﺮﻛﻪﺗﻠﯩﺮﯨﻨﻰ ﻗﯘﺭﻏﯘﭼﯩﻼﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﯨﻜﻰ ﻛﯚﭖ ﻗﯩﺴﯩﻢ ﻛﯩﺸﯩﻠﻪﺭﮔﻪ ﻧﯩﺴﺒﻪﺗﻪﻥ ﻳﯘﻗﯩﺮﻯ ﭘﻪﻥ-ﺗﯧﺨﻨﯩﻜﺎ ﺑﯩﻠﻪﻥ ﻗﻮﺭﺍﻟﻼﻧﻐﺎﻥ ﻛﯩﺸﯩﻠﻪﺭﺩﯗﺭ. ﺑﯘ ﺷﯩﺮﻛﻪﺕ ﺋﯩﮕﯩﻠﯩﺮﻯ ﺗﺎﭘﻘﺎﻥ-ﺗﻪﺭﮔﯩﻨﯩﻨﯩﯔ ﻫﻪﻣﻤﯩﺴﯩﻨﻰ ﺩﯦﮕﯜﺩﻩﻙ ﻳﯘﻗﯩﺮﯨﻼﭖ ﺋﻮﻗﯘﺷﻘﺎ، ﻛﻮﻣﭙﻴﯘﺗﯧﺮ ﺷﯩﺮﻛﯩﺘﻰ ﻗﯘﺭﯗﺷﻘﺎ ﺳﻪﺭﭖ ﻗﯩﻠﯩﯟﯦﺘﯩﺪﯗ. ﺷﯩﺮﻛﻪﺕ ﻗﯘﺭﯗﻟﻐﺎﻧﺪﺍ ﺑﯘﻻﺭﻧﯩﯔ ﻗﻮﻟﯩﺪﺍ ﻛﯚﭖ ﻣﻪﺑﻠﻪﻍ ﻗﺎﻟﻤﺎﻳﺪﯗ. ﻛﻮﻣﭙﻴﯘﺗﯧﺮ ﻛﻪﺳﭙﯩﻲ ﺧﻪﻟﻘﺌﺎﺭﺍﻟﯩﻖ ﻛﻪﺳﯩﭗ ﺑﻮﻟﻐﺎﭼﻘﺎ، ﺑﯘ ﻛﻪﺳﯩﭙﻨﯩﯔ ﻳﯘﻗﯩﺮﻯ ﺳﻪﯞﯨﻴﻪﺳﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﯟﺍﺗﻘﺎﻥ ﭘﯩﺮﻭﮔﺮﺍﻣﻤﯧﺮﻻﺭ ﺷﯩﺮﻛﻪﺗﻠﯩﺮﯨﻤﯩﺰﺩﯨﻦ ﺋﻪﯓ ﺑﻮﻟﻤﯩﻐﺎﻧﺪﺍ ﺧﻪﻟﻘﺌﺎﺭﺍﺩﯨﻜﻰ ﭘﯩﺮﻭﮔﺮﺍﻣﻤﯧﺮﻻﺭﻧﯩﯔ ﺋﻪﯓ ﺗﯚﯞﻩﻥ ﺳﻪﯞﯨﻴﻪﺳﯩﺪﯨﻜﻰ ﻛﯩﺮﯨﻤﮕﻪ ﺋﯧﺮﯨﺸﻪﻟﻤﯩﺴﻪ، ﺑﯩﺰ ﺋﯘﻻﺭﻧﻰ ﺋﻪﻟﯟﻩﺗﺘﻪ ﺗﯘﺗﯘﭖ ﺗﯘﺭﺍﻟﻤﺎﻳﻤﯩﺰ. ﺷﯘﯕﻼﺷﻘﯩﻤﯘ ﺧﯧﻠﻰ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭ ﭘﯩﺮﻭﮔﺮﺍﻣﻤﯧﺮﻻﺭ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺧﯩﺰﻣﻪﺕ ﻗﯩﻠﯩﯟﺍﺗﯩﺪﯗ.

     ﺷﯘﻧﺪﺍﻕ ﻗﯩﻠﯩﭗ ﺋﯘﻳﻐﯘﺭ ﻛﻮﻣﭙﻴﯘﺗﯧﺮ ﺷﯩﺮﻛﻪﺗﻠﯩﺮﻯ ﻣﻪﺑﻠﻪﻏﺪﯨﻦ ﻗﯩﺴﯩﻠﯩﺪﯗ. ﺷﯘﻧﯩﯔ ﺑﯩﻠﻪﻥ ﭘﯩﺮﻭﮔﺮﺍﻣﻤﯧﺮﻻﺭ ﻳﯧﺘﯩﺸﻤﻪﺳﻠﯩﻚ ﻣﻪﺳﯩﻠﯩﺴﻰ ﻛﯧﻠﯩﭗ ﭼﯩﻘﯩﺪﯗ. ﺑﯘ ﺯﻩﻧﺠﯩﺮﺳﯩﻤﺎﻥ ﻗﯩﺴﯩﻠﯩﺸﻼﺭ ﺑﺎﻳﺎ ﺩﻩﭖ ﺋﯚﺗﻜﻪﻧﺪﻩﻙ، ﺗﻪﺑﯩﺌﯩﻲ ﻫﺎﻟﺪﺍ ﭼﻮﯓ ﺗﯜﺭﻟﻪﺭﻧﻰ ﯞﯗﺟﯘﺩﻗﺎ ﭼﯩﻘﯩﺮﺍﻟﻤﺎﺳﻠﯩﻖ ﻣﻪﺳﯩﻠﯩﺴﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

     ﺋﻪﮔﻪﺭ ﻳﯧﺘﻪﺭﻟﯩﻚ ﻣﻪﺑﻠﻪﻍ ﺑﻮﻟﺴﺎ، ﻳﺎﻛﻰ ﺑﺎﺷﻘﯩﻼﺭﻧﯩﯔ ﻣﻪﺑﻠﯩﻐﯩﻨﻰ ﺟﻪﻟﭗ ﻗﯩﻠﻐﯩﻠﻰ ﺑﻮﻟﺴﺎ ﺋﯩﺪﻯ، ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﯨﻦ، ﻫﻪﺗﺘﺎ ﭼﻪﺗﺌﻪﻟﻠﻪﺭﺩﯨﻦ ﭘﯩﺮﻭﮔﺮﺍﻣﻤﯧﺮ ﺗﻪﻛﻠﯩﭗ ﻗﯩﻠﺴﺎﻕ، ﭼﻮﯓ ﺗﯜﺭﻟﻪﺭ ﺑﯩﺰﻧﯩﯔ ﻗﻮﻟﯩﻤﯩﺰﺩﯨﻦ ﭼﯩﻘﺴﺎ، ﺑﯩﺰﮔﯩﻤﯘ ﻳﺎﺭﯨﺸﺎﺗﺘﻰ، ﺋﻪﻟﯟﻩﺗﺘﻪ. ﺑﺎﺩﺍﻡ ﺩﻭﭘﭙﺎ، ﭼﯩﻤﻪﻥ ﺩﻭﭘﭙﺎ ﻳﺎﺭﺍﺷﻘﺎﻥ ﺑﺎﺷﻘﺎ ﻧﯧﻤﻪ ﻳﺎﺭﺍﺷﻤﺎﻳﺪﯗ ﺩﻩﻳﺴﯩﻠﻪﺭ!

     ﺷﯩﺮﻛﯩﺘﯩﻤﯩﺰ ﻗﯘﺭﯗﻟﻐﺎﻥ 2011-ﻳﯩﻠﯩﺪﯨﻦ ﺗﺎﻛﻰ ﺑﯜﮔﯜﻧﮕﻪ ﻗﻪﺩﻩﺭ ﺷﯩﻨﺠﺎﯕﺪﯨﻜﻰ ﻛﻮﻣﭙﻴﯘﺗﯧﺮ ﺷﯩﺮﻛﻪﺗﻠﯩﺮﻯ ﺋﺎﺭﯨﺴﯩﺪﯨﻜﻰ ﺭﯨﻘﺎﺑﻪﺕ ﺋﯘﻧﭽﻪ ﺑﻪﻙ ﻛﻪﺳﻜﯩﻦ ﺑﻮﻟﻤﯩﺪﻯ. ﺷﯘﻧﯩﯔ ﺑﯩﻠﻪﻥ ﻫﻪﻣﻜﺎﺭﻟﯩﻘﻤﯘ ﻛﯚﺭﯛﻧﻪﺭﻟﯩﻚ ﺑﻮﻟﻤﯩﺪﻯ. IT ﻛﺎﺭﺧﺎﻧﯩﻠﯩﺮﻯ ﺋﺎﺭﺍ ﻫﻪﻣﻜﺎﺭﻟﯩﻖ ﺟﺎﻳﯩﺪﺍ ﺑﻮﻟﻤﯩﻐﺎﻧﻨﯩﯔ ﺋﯜﺳﺘﯩﮕﻪ، ﺑﺎﺷﻘﺎ ﻛﻪﺳﯩﭙﺘﯩﻜﻰ ﻛﺎﺭﺧﺎﻧﯩﻼﺭ ﺑﯩﻠﻪﻥ IT ﻛﺎﺭﺧﺎﻧﯩﻠﯩﺮﻯ ﺋﺎﺭﯨﺴﯩﺪﯨﻜﻰ ﻫﻪﻣﻜﺎﺭﻟﯩﻘﻤﯘ ﺩﯦﮕﻪﻧﺪﻩﻙ ﺑﻮﻟﻤﯩﺪﻯ.

     ﻣﻪﻥ ﺑﯘ ﻳﻪﺭﺩﻩ، ﺋﺎﺑﯩﺪﻩ ﺑﯩﻴﻮ–ﺗﯧﺨﻨﯩﻜﺎ ﺗﻪﺭﻩﻗﻘﯩﻴﺎﺕ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺋﯩﻜﻜﻰ ﺋﺎﻱ ﺑﯘﺭﯗﻥ ﺑﺎﻏﺪﺍﺵ ﻣﻪﺩﻩﻧﯩﻴﻪﺕ ﺗﺎﺭﻗﯩﺘﯩﺶ ﭼﻪﻛﻠﯩﻚ ﺷﯩﺮﻛﯩﺘﻰ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ، ﺗﻮﺭ-ﺋﺎﻻﻗﻪ ﻛﻪﺳﭙﯩﮕﻪ ﻣﻪﺑﻠﻪﻍ ﺳﺎﻟﻐﺎﻧﻠﯩﻘﯩﻐﺎ ﺭﻩﻫﻤﻪﺕ ﺋﯧﻴﺘﯩﻤﻪﻥ. ﺭﻩﻫﻤﻪﺕ، ﺳﯩﻠﻪﺭﻧﯩﯔ ﺋﺎﻟﺪﯨﻦ ﻛﯚﺭﻩﺭﻟﯩﻜﯩﯖﻼﺭﻏﺎ!

     ﻛﻮﻧﯩﻼﺭ ﺷﯘﯕﺎ «ﻳﺎﻟﻐﯘﺯ ﺋﺎﺗﻨﯩﯔ ﭼﯧﯖﻰ ﭼﯩﻘﻤﺎﺱ» ﺩﻩﻳﺪﯗ. ﺑﯩﺮ ﺋﺎﺩﻩﻡ ﺋﯚﺯﻯ ﻳﺎﻟﻐﯘﺯﻣﯘ ﭘﯩﺮﻭﮔﺮﺍﻣﻤﯩﺮ ﺑﻮﻻﻟﯩﺸﻰ ﻣﯘﻣﻜﯩﻦ، ﺷﯘﻧﺪﺍﻗﻼ ﺋﯘﻧﯩﯔ ﭘﯩﺮﻭﮔﺮﺍﻣﻤﯧﺮﻟﯩﻘﻰ ﺋﯚﺯﻯ ﺑﯩﻠﻪﻧﻼ ﻛﯧﺘﯩﺪﯗ، ﺋﯘﺯﯗﻧﻐﺎ ﭘﺎﻳﻠﯩﻤﺎﻳﺪﯗ. ﺋﯘ ﺋﺎﺯ-ﺗﻮﻻ ﭘﯘﻝ ﺗﺎﭘﺎﻟﯩﺸﻰ ﻣﯘﻣﻜﯩﻦ. ﺋﻪﻣﻤﺎ، ﻫﺎﺯﯨﺮﻗﻰ ﺩﻩﯞﺭﺩﻩ ﺋﯘﻧﯩﯔ ﻫﻪﻗﯩﻘﯩﻲ ﻣﻪﻧﯩﺪﻩ ﺑﺎﺯﺍﺭ ﺋﺎﭼﺎﻟﯩﺸﯩﻐﺎ ﺑﯩﺮ ﻧﯧﻤﻪ ﺩﯦﻤﻪﻙ ﺗﻪﺱ. ﻗﯩﻤﻤﻪﺕ ﻳﺎﺭﯨﺘﺎﻟﻤﯩﻐﺎﻥ ﭘﯩﺮﻭﮔﺮﺍﻣﻤﺎ ﻣﺎﯕﺎ ﻧﯩﺴﺒﻪﺗﻪﻥ ﻫﯧﭽﻨﯧﻤﯩﮕﻪ ﺋﻪﺭﺯﯨﻤﻪﻳﺪﯗ. ﻣﻪﻥ ﺑﯘ ﻳﻪﺭﺩﻩ ﭘﻪﻗﻪﺕ ﺋﯩﻘﺘﯩﺴﺎﺩﯨﻲ ﻗﯩﻤﻤﻪﺗﻨﯩﻼ ﻛﯚﺯﺩﻩ ﺗﯘﺗﻤﯩﺪﯨﻢ، ﺋﻪﻟﯟﻩﺗﺘﻪ.

     ﭼﻪﺗﺌﻪﻟﺪﯨﻜﻰ، ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﯨﻜﻰ IT ﻛﺎﺭﺧﺎﻧﯩﻠﯩﺮﯨﻨﯩﯔ ﺋﯚﺯﺋﺎﺭﺍ ﻳﺎﻛﻰ ﺑﺎﺷﻘﺎ ﻛﻪﺳﯩﭙﺘﯩﻜﻰ ﻛﺎﺭﺧﺎﻧﯩﻼﺭ ﺑﯩﻠﻪﻥ ﻫﻪﻣﻜﺎﺭﻻﺷﻘﺎﻧﻠﯩﻘﯩﻨﻰ ﺗﻮﺭ، ﺗﯧﻠﯧﯟﯨﺰﻭﺭ، ﺭﺍﺩﯨﻴﻮ، ﮔﯧﺰﯨﺘﻠﻪﺭﺩﯨﻦ ﻛﯚﺭﯛﭖ، ﺋﺎﯕﻼﭖ ﺗﯘﺭﯗﯞﺍﺗﯩﻤﯩﺰ. ﺑﻪﺯﻯ ﺷﯩﺮﻛﻪﺗﻠﻪﺭﻧﯩﯔ ﺑﺎﺷﻘﺎ ﺷﯩﺮﻛﻪﺗﻠﻪﺭﻧﻰ ﺳﯧﺘﯩﯟﺍﻟﻐﺎﻧﻠﯩﻘﯩﻨﻰ، ﻗﻮﺷﯘﯞﺍﻟﻐﺎﻧﻠﯩﻘﯩﻨﻰ ﺋﺎﯕﻠﯩﻐﯩﻨﯩﻤﯩﺰﺩﺍ، ﻛﯚﻧﮕﻪﻥ ﻣﻪﭘﻜﯘﺭﯨﻤﯩﺰ ﺑﻮﻳﯩﭽﻪ ﺗﺎﺯﺍ ﻗﻮﺑﯘﻝ ﻗﯩﻼﻟﻤﺎﻳﻤﯘ ﻗﺎﻟﯩﻤﯩﺰ.

     ﺑﯩﻠﺴﻪﻡ، ﺑﯘ ﺧﯩﻞ ﺳﯧﺘﯩﯟﯦﻠﯩﺶ، ﻗﻮﺷﯘﯞﯦﻠﯩﺸﻤﯘ ﺋﯚﺯ ﻧﯚﯞﯨﺘﯩﺪﻩ ﺑﯩﺮ ﺧﯩﻞ ﻫﻪﻣﻜﺎﺭﻟﯩﻘﻜﻪﻥ ﺋﻪﺳﻠﻰ.

     ﺑﯘ ﺧﯩﻞ ﺷﯩﺮﻛﻪﺗﻠﻪﺭﻧﯩﯔ ﻧﯩﺸﺎﻥ ﻻﻳﯩﻬﻪﺳﻰ، ﺑﺎﺯﺍﺭ ﺑﻮﺷﻠﯘﻗﯩﻨﻰ ﺗﻮﻏﺮﺍ ﭘﻪﺭﻩﺯ ﻗﯩﻠﯩﺶ ﻧﯩﺴﺒﯩﺘﻰ، ﺋﯩﻨﺴﺎﻧﻨﯩﯔ ﺋﻪﻗﯩﻞ-ﭘﺎﺭﺍﺳﯩﺘﻰ ﺳﻪﯞﻩﺑﯩﺪﯨﻦ ﺋﯜﺯﻟﯜﻛﺴﯩﺰ ﻣﻪﻳﺪﺍﻧﻐﺎ ﻛﯧﻠﯩﺪﯨﻐﺎﻥ ﯞﻩ ﻳﯧﯖﯩﻠﯩﻨﯩﭗ ﺗﯘﺭﯨﺪﯨﻐﺎﻥ ﻣﻪﯞﻫﯘﻡ ﺋﯧﻬﺘﯩﻴﺎﺟﻐﺎ ﺑﻮﻟﻐﺎﻥ ﻣﯘﻧﺘﯩﺰﯨﻢ ﺗﻪﺗﻘﯩﻘﺎﺗﻰ ﭼﻮﻗﯘﻡ ﺗﻮﻏﺮﺍ ﻳﯚﻧﯩﻠﯩﺸﺘﻪ ﻣﺎﯕﻐﺎﻧﺪﯨﻦ ﺳﯩﺮﺕ ، ﺧﺎﺩﯨﻤﻼﺭ ﻫﻪﻣﻜﺎﺭﻟﯩﻖ ﯞﻩ ﺋﯧﺘﯩﺮﺍﭖ ﻗﯩﻠﯩﺶ، ﺑﻮﻳﺴﯘﻧﯘﺵ ﯞﻩ ﺗﻪﺳﯩﺮ ﻛﯚﺭﺳﯩﺘﯩﺸﻨﯩﯔ ﻧﯧﻤﯩﻠﯩﻜﯩﻨﻰ ﭼﻮﯕﻘﯘﺭ ﭼﯜﺷﻪﻧﮕﻪﻥ ﺋﯩﻜﻪﻥ. ﻗﯩﺴﻘﯩﺴﻰ، ﺋﯘﻻﺭﺩﺍ «ﻛﺎﺭﺧﺎﻧﺎ ﻣﻪﺩﻩﻧﯩﻴﯩﺘﻰ» ﺩﯦﮕﻪﻥ ﺋﯘﻗﯘﻡ ﺋﺎﺳﺎﺳﻪﻥ ﺟﻪﻣﺌﯩﻴﻪﺗﻠﯩﺸﯩﭙﺘﯘ.

     ﻟﯧﻜﯩﻦ، ﺩﯨﻴﺎﺭﯨﻤﯩﺰﺩﯨﻜﻰ IT ﻛﺎﺭﺧﺎﻧﯩﻠﯩﺮﻯ، ﺟﯜﻣﻠﯩﺪﯨﻦ ﺷﯩﺮﻛﯩﺘﯩﻤﯩﺰ ﺋﯘﻧﺪﺍﻕ ﻗﯩﻼﻟﻤﯩﺪﯗﻕ. ﺑﯘﻧﯩﯖﻐﺎ ﺋﯘﻧﺪﺍﻕ ﻳﺎﻛﻰ ﻣﯘﻧﺪﺍﻕ ﺑﺎﻫﺎﻧﯩﻠﻪﺭﻧﻰ ﻛﯚﺭﺳﯩﺘﯩﺸﯩﻤﯩﺰ ﺑﯩﻬﯘﺩﻩ. ﺩﯦﻤﯩﺴﯩﻤﯘ ﺑﯩﺮﺍﯞﺩﯨﻦ ﺋﺎﻏﺮﯨﻨﯩﺪﯨﻐﺎﻥ، ﻗﺎﻗﺸﺎﻳﺪﯨﻐﺎﻥ ﺟﺎﻫﺎﻥ ﺋﻪﻣﻪﺳﻘﯘ ﺑﯘ!؟

     ﺑﯩﺰ ﺳﯩﻠﻪﺭ ﺑﯩﻠﻪﻥ ﻫﺎﻣﺎﻥ ﻫﻪﻣﻜﺎﺭﻟﯩﺸﺎﻻﻳﺪﯨﻐﺎﻧﻠﯩﻘﯩﻤﯩﺰﻏﺎ، ﺧﯘﺩﺩﻯ ﻣﻪﻥ ﻣﺎﯞﯗ ﻛﺎﺳﺘﻮﻣﻨﻰ ﻗﺎﺗﯘﺭﯗﭖ ﻛﯩﻴﮕﻪﻧﺪﻩﻙ، ﺋﯚﺯﯨﻤﯩﺰﻧﯩﯔ ﻗﻮﻟﯩﺪﯨﻦ ﭼﯩﻘﻘﺎﻥ ﻣﻪﺷﻐﯘﻻﺕ ﺳﯩﺴﺘﯧﻤﯩﺴﻰ، ﺋﯚﺯﯨﻤﯩﺰﻧﯩﯔ ﻗﻮﻟﯩﺪﯨﻦ ﭼﯩﻘﻘﺎﻥ ﺗﺎﺧﺘﺎ ﻛﻮﻣﭙﻴﯘﺗﯧﺮ، ﺋﯚﺯﯨﻤﯩﺰﻧﯩﯔ ﻗﻮﻟﯩﺪﯨﻦ ﭼﯩﻘﻘﺎﻥ ﻳﺎﻧﻔﻮﻧﻨﯩﯔ ﻫﺎﻣﺎﻥ ﯞﯗﺟﯘﺩﻗﺎ ﻛﯧﻠﯩﺪﯨﻐﺎﻧﻠﯩﻘﯩﻐﺎ، ﺷﯘ ﻣﻪﻫﺴﯘﻻﺗﻼﺭﻧﻰ ﻫﻪﻣﻤﯩﻤﯩﺰﻧﯩﯔ ﺗﺎﺭﺍﻗﺸﯩﺘﯩﭗ ﺗﯘﺭﯗﭖ ﺋﯩﺸﻠﯩﺘﯩﺪﯨﻐﺎﻧﻠﯩﻘﯩﻤﯩﺰﻏﺎ ﺋﯩﺸﯩﻨﯩﻤﯩﺰ. ﺑﯩﺰ ﺑﯘ ﻣﻪﻫﺴﯘﻻﺗﻼﺭﻧﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﯛﺵ ﻳﻮﻟﯩﺪﺍ ﺋﺎﻟﻼﻫ ﺧﺎﻟﯩﺴﺎ ﺋﺎﺩﺍﻗﻘﯩﭽﻪ، ﺗﺎﻛﻰ ﻗﺎﺭﺍ ﺗﯘﭘﺮﺍﻗﻘﺎ ﻛﯩﺮﯨﭗ ﻛﻪﺗﻜﯜﭼﻪ ﻣﺎﯕﯩﻤﯩﺰ.

     ﺳﯩﻠﻪﺭ ﺑﯩﺰ IT ﻛﺎﺭﺧﺎﻧﯩﻠﯩﺮﯨﻨﻰ ﻳﺎﺭﯨﻤﺎﺱ ﺩﯦﺴﻪﯕﻼﺭﻣﯘ ﻣﻪﻳﻠﻰ. ﭼﻮﯓ ﺋﯩﺶ ﻗﯩﻼﻟﻤﺎﻳﺪﯗ ﺩﯦﺴﻪﯕﻼﺭﻣﯘ ﻣﻪﻳﻠﻰ، ﺋﺎﻏﺮﯨﻨﯩﺸﯩﻤﯩﺰ ﻳﻮﻕ. ﻟﯧﻜﯩﻦ، ﻗﻮﻟﯩﻤﯩﺰﺩﯨﻦ ﺋﯩﺶ ﻛﯧﻠﯩﺪﯨﻐﺎﻧﻠﯩﻘﯩﻐﺎ ﻫﺎﻣﺎﻥ ﺋﯩﺸﯩﻨﯩﺴﯩﻠﻪﺭ.

     ﺷﯘﻧﺪﺍﻕ، ﺳﯩﻠﻪﺭ ﺑﯩﺰ IT ﻛﺎﺭﺧﺎﻧﯩﻠﯩﺮﯨﻨﻰ ﻫﻪﺭﻧﯧﻤﻪ ﺩﻩﭖ ﺗﯩﻠﻠﯩﺴﺎﯕﻼﺭ ﺑﻮﻟﯘﯞﯦﺮﯨﺪﯗ. ﺑﯩﺰ IT  ﻛﺎﺭﺧﺎﻧﯩﻠﯩﺮﻯ ﺳﯩﻠﻪﺭﮔﻪ ﻗﻮﺷﯘﻟﯘﭖ ﺋﯚﺯﯨﻤﯩﺰﻧﻰ ﺗﯩﻠﻠﯩﻐﺎﭺ، IT ﻛﺎﺭﺧﺎﻧﯩﻠﯩﺮﻯ ﺋﺎﺭﺍ ﻫﻪﻣﻜﺎﺭﻟﯩﻘﻘﺎ ﯞﻩ ﺑﺎﺷﻘﺎ ﻛﻪﺳﯩﭙﺘﯩﻜﻰ ﻛﺎﺭﺧﺎﻧﯩﻼﺭ ﺑﯩﻠﻪﻥ ﺑﻮﻟﻐﺎﻥ ﻫﻪﻣﻜﺎﺭﻟﯩﻘﻘﺎ ﺩﻭﺳﺘﺎﻧﻪ ﻗﻮﻟﯩﻤﯩﺰﻧﻰ ﺳﯘﻧﯩﻤﯩﺰ.

     ﻗﻮﻟﯩﻤﯩﺰﻧﻰ ﺳﯩﻠﻜﯩﯟﯦﺘﻪﻣﺴﯩﻠﻪﺭ ﻳﺎﻛﻰ ﭼﯩﯖﯖﯩﺪﻩ ﺳﯩﻘﺎﻣﺴﯩﻠﻪﺭ، ﺑﯘ ﺗﺎﻟﻼﺵ ﺳﯩﻠﻪﺭﮔﻪ ﻗﺎﻟﺪﻯ.

xatmen

uyghurizlari يوللىغان ۋاقتى  2014-7-3 15:45
«IT ﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ» ﺗﯧﻤﯩﺴﯩﺪﯨﻜﻰ ﻟﯧﻜﺴﯩﻴﻪﻧﯩﯔ ﺗﻮﻟﯘﻕ ﺗﯧ ...

«IT ﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ»

.......................................................................

يۇقۇردىكى خەتنى ‹‹ ئىت كەسپى ۋە ھەمكارلىق ›› دەپ ئوقۇدۇمغۇ ؟ خاتا بوپ قالدىمۇيا ؟

DUNYA01

ھەر كاللىدا ھەر خىيال،تاز كاللىدا مىڭ خىيال دەپ ھەركىم ئويلىغىننى دەيدۇ،دىمىگەندىن دىگەن ياخشى،ئىشلىرىڭلارغا ئۇتۇق تىلەيمەن،ئۇسۇلچى ،ناخشىچىنى ،چەت ئەلدىكى ئىشلارنىلا يوللىماي  يەنە دىيارىمىزدىكى  يېڭى تېخنىكىلارنىمۇ (كەشپىيات دىگەندەك)يوللايدىغان سەھىپە ئاچسا دىگەن ئۈمۈدتە،

jinkiz

مەنمۇ چۇشۇرۋالمىسام ..باغداش ئەپەندىنىڭ  ئەجىرىگە تەشەككۈر .

kitabhumar

xatmen يوللىغان ۋاقتى  2014-7-3 16:36
«IT ﻛﻪﺳﭙﻰ ﯞﻩ ﻫﻪﻣﻜﺎﺭﻟﯩﻖ»

...................................................... ...

  خاتا ئوقوۋاپسىز بۇرادەر ،ئۇنى ئىنتىرنىت دىگەننىڭ قىسقارتىلىشى يەنى ئۇچۇر تىخنىكىسى دەپ چۈشۈنىڭ .بۇ IT ئەسلى information technology (ئىنفۇرمەيشىن تىكنولوجىي) دىگەنىڭ قىسقارتىپ ئىلىنىشى بولوپ ئۇيغۇرچە ئۇچۇر تىخىكىسى دىگەندەك گەپ دەپ چۈشەندىم .بۇ خۇددى شىنجاڭ ئۇيغۇر ئاپتۇنۇم رايونى دىگەننى ‹‹ ش ئۇ ئا ر ›› دەپ ئالغاندەكلا گەپ .