- تىزىملاتقان
- 2012-4-16
- ئاخىرقى قېتىم
- 2015-4-27
- ھوقۇقى
- 1
- جۇغلانما
- 13661
- نادىر
- 0
- يازما
- 746
ئۆسۈش
9.15%
|
تېما ئىگىسى شىنجاڭدىكى ئاساسىي مەسىلىنىڭ مائارىپتا ئىكەنلىكىنى ھىس قىلىپ يېتىپتىكەن .
بەلكىم ئاپتونۇم رايونىمىزنىڭ باش سېكرىتارى جاڭ چۈنشىيەن ئەپەندىنىڭ تەرجىمانلىرى باردۇ ، شۇڭا مەنمۇ مۇشۇ تېمىدىن پايدىلىنىپ ئاپتونۇم رايونىمىزنىڭ ئۇزاق مۇددەتلىك موقىملىقى ئۈچۈن ئىككىلىك پىكرىمنى قالدۇرۇپ قويسام . چۈنكى مېنىڭمۇ ئۈچ بالام بار ، ئۇلارنىڭ كەلگۈسىنىڭ تىنچ ، گۈزەل بولۇشىنى ئۈمۈد قىلىمەن .
1. ئەڭ ئالدى بىلەن ئوقۇغۇچىلارنىڭ رايىنى سىناپ ئۇلارنىڭ ئىچىدىكى خەنزۇ مەكتەپلەردە ئوقۇيدىغانلار بىلەن مىللىي مەكتەپتە ئوقۇيدىغانلارنى ئايرىپ ئوقۇتۇش كېرەك . مىللىي مەكتەپلەردە بولسا خەنزۇ تىلى دەرسلىكى ئايرىم دەرسلىك قىلىپ ئۆتۈلۈپ ، بەكرەك ئەھمىيەت بېرىلسە . قالغان دەرسنىڭ ھەممىسى ئانا تىلدا ئۆتۈلسە .
2. مىللىي مەكتەپلەردە باشلانغۇچنىڭ ئۈچۈنجى يىللىقىدىن باشلاپ ئەرەپ تىلى دەرسلىكى تەسس قىلىنىپ ئۆتۈلسە . ھەممىمىزگە مەلۇمكى ئىسلام دىنى تىنچلىقنى ، پاكىزلىقنى ، ياخشىلىقنى تەشەببۇس قىلىدىغان بىر دىن . بىراق بىز ئۇيغۇرلارنىڭ مۇتلەق كۆپ قىسمىمىز ئەرەپ تىلىنى بىلمىگەنكىن ئاقىۋەت بەزى يامان نىيەتلىك كىشىلەر تەرىپىدىن بۇرمىلانغان ھەدس ياكى پەتىۋالارنى ئاڭلاپ كېلىۋاتىمىز . ئەگەر ھەممىمىز ئەرەپ تىلىنى بىلسەك ئۇ چاغدا قۇرئاننى چۈشۈنۈپ ئوقۇيالايدىغان ھەم مەزمۇنىنى ھەزىم قىلالايدىغان بولاتتۇق . ئاق - قارىنى ئۆزىمىزلا پەرق ئېتەلەيتۇق . تولۇقسىز بىرىنجى يىللىققا چىققاندا قۇرئاننى ئايرىم دەرسلىك قىلىپ ، ھەپتىدە بىر سائەتلىك قىلىپ ئورۇنلاشتۇرسا . (بۇ ئارتۇقچە تەلەپ دەپ قارىمايمەن)
3. دىنىي زاتلاردىنمۇ قەرەللىك ھالدا ئىمتاھان ئېلىپ ، ئۇلارنىڭ ھەقىقىي سەۋىيەلىك بولغانلىرىنى مەسچىت باشقۇرۇش ھەيئىتى قىلىپ سايلىسا . ئىلمى يوق سەللىسى بار موللىلارنى شاللاپ چىقىرىۋەتسە .
شۇندىلا كەڭ خەلق ئاممىسى(ئاز سانلىق مىللەتلەر كۆزدە تۇتۇلدى) نىڭ ھۆكىمەتكە بولغان مايىللىقى ھەسسىلەپ ئاشىدۇ . بۆلگۈنچى تېرورچىلار بولسا تەنھا قالىدۇ - دە ، دىيارىمىزنىڭ ئۇزاققىچە ئەمىنلىكى ئىشقا ئاشاتتى .
ھازىرقىدەك ئورۇنسىز پۇل خەجلەپ موقىملىقنى ساقلىساق جەمىيەت نىسپىي موقىم بولغاندەك قىلغان بىلەن مىللىي زىددىيەت كۈنسايىن كۈچىيىدۇ . شۇنىڭ بىلەن بىر قىسىم پۈرسەتپەرەسلەر پىتنە پاسات تارقىتىپ ، ھەقىقىي ئەھۋالدىن خەۋەرسىز بولغان ئاممىنى قۇترىتىپ موقىمسىزلىق ئۇرۇقىنى چېچىش مەقسىدىگە يېتىۋالىدۇ .
مەن ئۈچ بالامنىڭ كەلگۈسىنى ئويلاپ ئاپتونۇم رايوننىڭ باش سېكرىتارىغا يوقارقى تەكلىپنى بەردىم . ئويلىشىپ كۆرگەيسىز . |
|