جۇڭگونىڭ ئامېرىكىنىڭ قول تىقىشىغا تاقابىل تۇرۇش ئىشەنچى بارمۇ ؟ بوزقىر تەرجىمىسى
«يەر شارى تورى» نىڭ بۈگۈنكى ھەربىي ئىشلار خەۋىرى سالونىغا ئامېرىكا تاراتقۇسىنىڭ « جۇڭگونىڭ ئامېرىكىنىڭ قول تىقىشىغا تاقابىل تۇرۇش ئىشەنچى بارمۇ ؟ ئۇلارنىڭ ئامېرىكىنىڭ يادرو سۇ ئاستى كېمىلىرىنى توسۇيالىشى تەس » ناملىق بىر ماقالە بېرىلگەن بولۇپ ماقالىدە مۇنداق دېيىلگەن :
ئامېرىكىنىڭ « بىر ھەپتە » ژۇرنىلى تورى 7-ئاينىڭ7-كۈنى ئېلان قىلغان بۇھەقتىكى بىر ماقالىدە مۇنداق دېيىلگەن : جۇڭگو ئامېرىكا بىلەن تۇتۇشۇپ قالسا ئامېرىكىنى مەغلۇپ قىلالايدىغانلىقىغا ئىشىنىدۇ.شۇنداقلا ئۇلار تەيۋەنگە ھۇجۇم قىلىش بولسۇنياكى باشقا ھەربىي توقۇنۇشلاردا بولسۇن ئامېرىكىنىڭ قول تىقىشىنىتوسالايدىغانلىقىغىمۇ ئىشىنىدۇ. ئەمما ، جۇڭگو بۇ يەردە ئامېرىكىنىڭ يادرولۇق ھەركەتچان سۇ ئاستى كېمىسىنىڭ مۇتلەق ۋەھىمىسىدىن ئىبارەت بىر موھىم مەسىلىگە سەلقارىغان بولۇشى مۇمكىن. چۈنكى ، ئىقتىساد ۋە نوپۇس ئامىلى بېيجىڭنىڭ ھەربىي كۈچىنى ئۆزگەرتىش يولى بىلەن دۇنيادا ھوقۇق ئۈستۈنلۈكىگە ئېرىشىشتىن ئىبارەت بۇ ۋەزىيەتنى ئۆزگەرتىشنىڭ تارىخىي پۇرسىتى بەكلا ئاز. بۇندىن كېيىنكى 20 يىلدا جۇڭگو چوڭ ھەربىي ئۆزگىرىشى قىلالمايدۇ. بەلكى ، مەڭگۈ قىلالماسلىقىمۇ مۇمكىن.
جۇڭگونىڭ ئامېرىكا دېڭىز ئارمىيىسىنىڭ سۇ ئاستى كېمىسىگە تاقابىل تۇرىشىغا 20 يىل ۋاقىت كېتىدۇ. ئۇندىن كېيىن ئامېرىكا جۇڭگو -ياپونىيە سوغۇق مۇناسىۋەتلەر ئۇرىشىدا شەپىسىزلا غەلىبىگە ئېرىشىشى مۇمكىن.
كۆپ يىللار مابەينىدە جۇڭگونىڭ ھەربىي ئىشلىرى پىلانلىق ئىگىلىك باشقۇچىدا تۇرۇپ قالدى. ئازاتلىق ئارمىيىنىڭ تەيۋەن ياكى تالاش-تارتىش بولىۋاتقان ئارالغا قىلغان ھەر قانداق ھۇجۇمى جېنجۇ ئارىلى شەكلىدىكى تۇيۇقسىز ھۇجۇم قىلىش تۈسىنى ئالماي قالمايدۇ. بەلكىم ياپونىيە ۋە گۇەنداۋدا تۇرۇشلۇق ئامېرىكا ئارمىيىسىدىن باشلىشىمۇ مۇمكىن. ئەمما، ئازاتلىق ئارمىيىنى ئەڭ ئەنسىرىتىدىغىنى ئامېرىكىنىڭ چاپلىۋېتىش-مىجىۋېتىش خارەكتىرلىك قول تىقىشىدۇر . ئۇلار ئاساسلىق جەڭ باشلىنىشتىن بۇرۇن ئامېرىكا يىراق تۇرمىغىچە غەلبەقىلالمايمىز ، دەپ قارايدۇ.
ئەمما، 20 يىل توختىماي ئارمىيىنى ئىسلاھ قىلىش ئارقىلىق جۇڭگو ئارمىيىسى قانداقلا بولمىسۇن سىتراتېگىيىلىك ئۆزگىرىشلەرنى بارلىققا كەلتۈردى. ئامېرىكا ھاۋا ئارمىيىسىنىڭ دۆلەت ئاۋىئاتسىيىسى ۋە ئاۋىئاتسىيە ئاخبارات مەركىزىدىكى فېرنىڭ بىلدۈرىشىچە ،ئازاتلىق ئارمىيىنىڭ ئىچكىي قىسمىدا «ئامېرىكىنىڭ قول تىقىشغا ئاسانلا تاقابىل تۇرالايدىغانلىقىدەك بىر خىل ئىشەنىچ كۈنسايىن كۈچىيىۋېتىپتۇ».
بېيجىڭ تەيۋەن ياكى قوشنا دۆلەتلەرگە ھۇجۇم قىلىش بىلەن بىر ۋاقىتتا ئامېرىكىنىڭ ئارىلىشىشىنى قان ئاققۇزماي تۇسۇپ تورلايدىغانلىقىغا ئىشىنىدۇ. بېيجىڭ مۇتلەق قۇدرەتلىك ئارمىيىسى- سىنارەت ، ئاۋىئاماتكا ، ئۇرۇش ئايرۇپىلانلىرىنى ئورۇنلاشتۇرۇپ ، ۋاشىنگىتوننى قىيىن ئەھۋالغا چۈشۈرۈپ قويۇشىمۇ مكىن. بۇنداق ئەھۋالدا ئامېرىكا ئەڭ ۋەھىمىلىك سۇ ئاستى كېمىلىرى بىلەن جۇڭگونىڭ پاراخوتلىرىغا شىددەتلىك ھۇجۇم قوزغايدۇ. ئازاتلق ئارمىيە ئامېرىكىنى توسۇشقا تەييارلىنىۋاتقاندا ۋاشىنگىتوننىڭ غايەت زور سۇ ئاستى ئۇرۇش ۋەزىيىتىگە سەل قارىغان بولىدۇ. ئامېرىكا بىرلا ۋاقىتتا 8 سۇ ئاستى كېمىسى چىقىرىپ، جۇڭگو تەۋەلىكى ياكى يېقىن ئەتراپتىكى دېڭىز تەۋەلىكىدە ھەركەت قىلىدۇ. بۇنىڭ ئىنكاس قايتۇرۇش ئىقتىدارى چەكلىك بولغان ئازاتلىق ئارمىيىنىڭ ھەربىي پىلانىنى بۇزىۋېتىشى تۇرغانلا گەپ. چوڭ غەربىي ئوكيان تەتقىقاتچىسى روج كېلىف بۇھەقتە :« جۇڭگو گەرچە تەيۋەن ۋە ئۇنىڭ ئەتراپىدىكى رايونلارنى كونتۇرۇللۇقىغا ئالالىسىمۇ ئەمما ، يېقىن كەلگۈسىدە ئامېرىكا سۇ ئاستى كېمىلىرىنى بايقىيالىشى ۋەئۇنىڭغا زەربە بېرەلىشى تەس » دەيدۇ. شۇڭا، زامانىۋىلاشقان ئازاتلىق ئارمىيىنىڭ سۇيۈزى ، قۇرۇقلۇق ۋە ھاۋادىن ئامېرىكا ئارمىيىسى بىلەن تەڭپۇڭلۇقنى ساقلاش ئۇسۇلىنىڭ بۇنىڭ بىلەن قىلچە ئالاقىسى يوق. چۈنكى ، ئامېرىكىنىڭ جۇڭگونى چەكلىيەلەيدىغان بىردىن بىر ئامالىغا قارىتا نۆۋەتتە جۇڭگونىڭ ھېچقانداق چارىسى يوق.
بەلكىم ۋاقىتنىڭ ئۇزىرىشىغا ئەگىشىپ جۇڭگو ھازىرقى ئىلگىرلەش ھالىتىنىمۇ ساقلاپ قالالماسلىقى مۇمكىن. چۈنكى ، جۇڭگودا نوپۇسنىڭ قېرىلىشىشى تېزلىشىدۇ، ئىقتىسادنىڭ ئۇزۇن مۇددەتلىك ئېشىشى ئاستىلايدۇ، ئارمىيىنى زامانىۋىلاشتۇرۇشنىڭ بايلىق مەنبەلىرى ئۈزلىكسىز ئازىيىپ بارىدۇ.
http://mil.huanqiu.com/observation/2014-07/5053691.html
|