قولاي تىزىملىك
كۆرۈش: 12043|ئىنكاس: 46

ئىلىدىكى قۇمۇللۇقلار ئەجدادلىرىدىن چىققان ھاكىمبەگ خوجا

[ئۇلانما كۆچۈرۈش]

65

تېما

0

دوست

3462

جۇغلانما

ئاكتىپ ئەزا

ئۆسۈش   48.73%

ئەزا ئۇچۇرى
تىزىم نۇمۇرى:  128
يازما سانى: 64
نادىر تېمىسى: 11
مۇنبەر پۇلى: 792
تۆھپە : 519
توردىكى ۋاقتى: 51
سائەت
ئاخىرقى: 2014-1-27
يوللىغان ۋاقتى 2011-7-11 20:04:28 |ھەممە قەۋەتنى كۆرۈش
abida
ئىلى دىيارىدىكى قۇمۇللۇقلار ئەجدادلىرىدىن چىققان سادىر پالۋان
قاتارلىق ئۈچ مەشھۇر كىشىنىڭ ئائىلە نەسەبى
 

(مۇھەممەت يۈسۈپ) 

  
       مەن يېقىنقى يىللاردىن بۇيان غۇلجىدىكى ئاپتورلارنىڭ تەتقىقات ماقالە ۋە ئەسەرلىرىدىن سادىر پالۋان، ھاكىمبەگ خوجا، ئابدۇللا ھاپىز قاتارلىق ئۈچ مەشھۇر كىشى ئەجدادلىرىنىڭ قۇمۇللۇق ئىكەنلىكىدىن ۋاقىپ بولۇپ، ئەزىز دىيارىمىز قۇمۇلنىڭ « پالۋانلار يۇرتى » بولۇپلا قالماستىن، نۇرغۇن جامائەت ئەربابلىرى، ئالىم، شائىرلارنىڭ چىققانلىقىدىن چوڭقۇر پەخىرلىنىپ سۆيۈنگەنىدىم. قۇمۇلدىكى كەڭ ئوقۇرمەنلەرنىمۇ بۇ يېڭى تەتقىقات ئۇچۇرلىرىدىن خەۋەرلەندۈرۈش ئۈچۈن، بۇ ماقالىنى يېزىپ كۆپچىلىكنىڭ ھۇزۇرىغا سۇندۇم.
           ئىلى دىيارىدىن چىققان سادىر پالۋان قاتارلىق ئۈچ مەشھۇر كىشىنىڭ ئەجدادلىرىنىڭ قۇمۇللۇق ئىكەنلىكى ھەققىدە توختىلىشتىن بۇرۇن، گەپنى ئىلى دىيارىغا قۇمۇللۇقلۇقلارنىڭ قاچان ۋە قانداق كۆچۈپ چىققانلىقىدىن باشلاشقا توغرا كېلىدۇ.
       چىڭ سۇلالىسى 1759-يىلى شىنجاڭدىكى جۇڭغار ئاقسۆڭەكلىرىنىڭ ھۆكۈمرانلىقىنى يوقىتىپ، شىنجاڭنى بىرلىككە كەلتۈرگەندىن كېيىن شىنجاڭدا ھۆكۈمرانلىق ئورگانلىرىنى قۇرغان، چېگرىنى قوغداش ئۈچۈن نۇرغۇن ئەسكەر تۇرغۇزغانىدى. بۇنداق كۆپ ئەسكەر ۋە ئۇلارنىڭ ئائىلە تەۋەلىرىنىڭ ھەممىسى دېگۈدەك ئىچكى ئۆلكىلەردىن كەلگەن بولغاچقا، ئۇلارنىڭ يېمەك- ئىچمىكىنى شىنجاڭدىكى يەرلىك خەلقتىن ئالۋان – ياساق ئېلىش بىلەن ھەل قىلاتتى. ئۇ چاغدا قاتناش، توشۇش ئىشلىرى راۋاجلانمىغانلىقتىن ئىچكى ئۆلكىلەردىن يۆتكەپ ھەل قىلىش ھەرگىز مۇمكىن ئەمەس ئىدى. شۇڭا ، چىڭ سۇلالىسى ھۆكۈمىتى تارىختىكى بوز يەر ئۆزلەشتۈرۈش-چېگرىنى قوغداش ئەنئەنىسى بويىچە ھەرخىل شەكىلىدە بوز يەر ئۆزلەشتۈرۈپ تېرىقچىلىق قىلىشنى يولغا قويۇپ ھەل قىلىشقا كىرىشتى. شىنجاڭدا « ئەسكەر تۇرغۇزۇپ بوز يەر ئۆزلەشتۈرۈش »، ئىچكى ئۆلكىلەردىن جازاغا ھۆكۈم قىلىنغان « مەھبۇسلارنى يۆتكەپ كېلىپ ، ئەسكەرلەرنىڭ نازارەتچىلىكىدە يەر تېرىش » ، « شىنجاڭغا كۆچمەن كۆچۈرۈپ، خەلق تېرىقچىلىقىنى يولغا قويۇش » قاتارلىق چارە- ئۇسۇللارنى قوللىنىپ ھەم ئاشلىق قىيىنچىلىقىنى ھەل قىلىپ چىگرانى قوغداپ تۇرغان ئەسكەرلەر بىلەن ئائىلە تەۋەلىرىنىڭ يېمەك – ئىچىمىكىنى ھەل قىلدى ھەم شىنجاڭغا ئاھالە كۆچۈردى. بۇنىڭدىن باشقا، 1760-يىلدىن 1768-يىلغىچە جەنۇبىي شىنجاڭدىن 6000 ئائىلىكتىن ئارتۇق ئۇيغۇر دېھقان دېھقانچىلىق قىلىشقا غۇلجىغا كۆچۈرۈلدى. جۈملىدىن قۇمۇلدىنمۇ 500ئائىلە ئۇيغۇر دېھقان 1766-يىلى 5-ئەۋلاد قۇمۇل ۋاڭى ئىسھاق ئىنانچىخان باشچىلىقىدا غۇلجىغا كۆچۈرۈلدى ( ئىسھاق ۋاڭ ئۈچ يىلدىن كېيىن قۇمۇلغا قايتىپ كەلدى ) خەنزۇلار بۇ دېھقانلارنى « ئۇيغۇر تېرىقچىلار» دەپ ئاتىدى. بۇ ئۇيغۇر دېھقانلار ئۆزلىرىنى بولسا «تارانچىلار » دەپ ئاتاپ ، جاللات شېڭ شىسەي دەۋرىدە ئايرىم بىر مىللەت دەپ ئاتىلىپ قالغان بولسىمۇ، كېيىن « ئۇيغۇر » دېگەن نام ئەسلىگە كەلتۈرۈلدى . بۇندىن باشقا، ھەرخىل باھانە- سەۋەبلەر بىلەنمۇ قۇمۇلدىن غۇلجىغا كىچىك كۆلەمدە ئاھالە كۆچۈرۈپ ئولتۇراقلىشىش بولغان. «1825-يىلى ( داۋگۇاڭنىڭ 5-يىلى ) 12-ئايدا چىڭ سۇلالىسى ئوردىسىدىن چۈشۈرۈلگەن خوتەن، قەشقەر، ئىلى قاتارلىق جايلاردىكى ھېكىمبەگ ( بەزى جايلاردا ھاكىمبەگ دېيىلىدۇ )لەرنىڭ داۋگۇاڭ خاننى تاۋاپ قىلىشقا ئىجازەت بېرىلگەن بۇيرۇق بويىچە ئىلىنىڭ 6- جەرىكىلىك ( دەرىجىلىك) ھاكىمبېگى خالزات ھاكىمبەگ بېيجىڭگە بارغۇچە ۋە قايتقىچە قۇمۇلدىن ئۆتۈپ قىسقا مەزگىل تۇرغان. بۇ چاغدا 7-ئەۋلاد قۇمۇل ۋاڭى مۇھەممەت بېشىر ۋاڭنىڭ 2- ئايالى بۈۋىھەجەر ( 8- ئەۋلاد ۋاڭ غۇلام مۇھەممەتنىڭ ئانىسى ) ۋاپات بولۇپ كەتكەن بولغاچقا، خالزات ھاكىمبەگ تەيجى تاغىسىنىڭ قىزى مېھرىبانۇنى ئۇنىڭغا ياتلىق قىلىشقا  مەسلىھەت بەرگەن. توي رەسمىيەتلىرىنى ئەلچىلەر ئىلىغا ئىككى قېتىم بېرىپ بېجىرىپ كەلگەندىن كېيىن قۇمۇلدىن 60ئائىلە ئىلىغا توي قىلىشقا بارغان ۋە ئىلىدىنمۇ 60ئائىلىلىك ئەر – ئاياللار قۇمۇلغا كەلگەن. ئۇزۇن ئۆتمەي، خالزات ھاكىمبەگ تۇغقانچىلىق مۇناسىۋىتىنى كۈچەيتىش ئۈچۈن قۇمۇلدىن ئىلىغا 30ئائىلە ئادەمنى كۆچۈرۈشنى تەلەپ قىلغان. ئۇنىڭ تەلىپى بويىچە ئىلىغا كۆچۈرۈلگەن بۇ 30 ئائىلىلىك قۇمۇللۇقلار خۇدىيار يۈزىدە ئورۇنلاشتۇرۇلغان مەھەللە شۇ چاغدىن باشلاپ «قۇمۇللۇقلار مەھەللىسى » دەپ ئاتالغان. 





ھاكىمبەگ خوجا



      خەلقپەرۋەر ، تەرەققىياتپەرۋەر جامائەت ئەربابى ھاكىمبەگ خوجا ( ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرى خوجىخان ھاكىموپنىڭ بوۋىسى ) نىڭ ئەجدادلىرىنىڭ ئائىلە نەسەبى ھەققىدە ئابدۇۋەلى قادىر ، ئەدىھەم ئابدۇمىجىتلەرنىڭ يازغان ماقالىسىدە مۇنداق دېيىلىدۇ: « ھاكىمبەگ خوجا (مىرغىياسبەگ) 1871-يىلى غۇلجىدا تۇغۇلغان. ئۇنىڭ دادىسى بەھرەمبەك خوجا (1) قۇمۇل ۋاڭ ئەۋلادلىرىدىن ئىدى. ئانىسى يۈنساخان خېنىم چۇلۇقايدىكى نوپۇزلۇق ئائىلىلەردىن مۆرىدىن شايىبېگىمنىڭ قىزى ئىدى. بەھرەمبەگ خوجا قۇمۇلدىن ئىلىغا كېلىپ، يۈنساخان خېنىم بىلەن نىكاھلانغان. ئۇلار ئۈچ قىز ، بىر ئوغۇل پەرزەنت كۆرگەندىن كېيىن بەھرەمبەگ خوجا ئۆز يۇرتى قۇمۇلغا قايتىپ كېتىپ ، شۇ يەردە ئالەمدىن ئۆتتى. يالغۇز ئوغۇل مىرغىياسبەگ ئوقۇش يېشىغا توشقاندىن كېيىن ، دادىسى بەھرەمبەگنىڭ ھاۋالىسى بويىچە شۇ ۋاقىتتىكى تەيجى ئىلياسخان تەيجى ( بوۋاق ھېكىم ) نىڭ تەربىيىسىدە بولۇپ، غۇلجا ناھىيىسىنىڭ چۇلۇقاي يېزىسىدا باشلانغۇچ مەلۇماتىنى چىقارغان. كېيىن ئىلياس تەيجىنىڭ تاپشۇرۇقى بىلەن ئوردىغا كىرىپ مەخسۇس تەكلىپ قىلىنغان مۇئەللىمدىن دىنىي ۋە پەننىي بىلىملەردىن دەرس ئالغان ھەمدە خەنزۇچە ئوقۇغان. ئوقۇشنى تاماملىغاندىن كېيىن ئوردىدا خىزمەت قىلغان . ئىلياسخان تەيجىنىڭ ئوغۇل پەرزەنتى بولمىغانلىقتىن يالغۇز قىزى نۇرنىسا خېنىمنى تەيجىلىك ئورنىغا ۋارىسلىق قىلدۇرۇش ئۈچۈن ئۇنى ئۆزى تەربىيىلىگەن تۇغقىنىنىڭ ئوغلى مىرغىياس بەگكە ياتلىق قىلدى. 1892-يىلى ئىلياسخان تەيجى ۋاپات بولغاندىن كېيىن، ئىلى جياڭجۈن مەھكىمىسى نۇرنىسا خېنىمنى « ھېكىم ئاغىچا» ( « ھاكىم ئاغىچا » -- ئا ) قىلىپ تەيىنلىدى ھەمدە ھېكىم ئاغىچا نامىغا يېڭى تامغا ئويدۇرۇپ بەردى. « ھېكىم ئاغچا » يۇرت ئىشلىرىنى باشقۇرۇشنى يولدىشى مىرغىياس بەگكە ھاۋالە قىلدى . شۇندىن باشلاپ خەلق مىرغىياس بەگنى ھاكىمبەگ خوجا دەپ ئاتىدى » .

       « شىنجاڭ بىرلىككە كەلتۈرۈلگەندىن كېيىن 1762-يىلى تەڭرىتېغىنىڭ جەنۇبىي ۋە شىمالىنى باشقۇرىدىغان ئەڭ ئالىي ھەربىي—مەمۇرىي ئورگان – ئىلى جياڭجۈن مەھكىمىسى تەسىس قىلىنىپ، ئۇنىڭ باشقۇرۇشىدا « ئىلى گۇڭبەگلىكى » ( سۇلتانلىقى ) مەھكىمىسىمۇ شۇ يىلى قۇرۇلغانىدى. 1762-يىلدىن 1911-يىلدىكى شىنخەي ئىنقىلابىغىچە بولغان 150يىل ئىچىدە ئىلى سۇلتانلىقى مەھكىمىسىنىڭ سۇلتانلىقىنى بىر ئەۋلادتىن توققۇز ئەۋلاد (2)ئۆتەپ كەلگەنىدى. « ئىلى سۇلتانلىقى » نىڭ 10-ئەۋلاد سۇلتانى بولغان ھاكىمبەگ خوجا 1911-يىلدىكى شىنخەي ئىنقىلابىدىن تارتىپ ئۆلكە ئازاد بولغۇچە ۋە 1957-يىلى ۋاپات بولغۇچە ھاكىمبەگ خوجا نامى بىلەن ئاتىلىپ كەلدى. ئۇ مۇشۇ جەريانىدا ياڭ زېڭشىڭ ، جىن شۇرېن ، شېڭ شىسەي، گومىنداڭ ۋە ئۈچ  ۋىلايەت دەۋرلىرىنى بېشىدىن ئۆتكۈزدى. ھاكىمىبەگ خوجا ئىلىدا 86يىل ياشاپ ، كونا دەۋرنى ئۇزاتقان ئەڭ ئاخىرقى بەگ ئەۋلادى ۋە ۋالىي ھەمدە ئازادلىقتىن كېيىنمۇ تۇنجى ۋالىي بولغان كىشى ، ھاكىمبەگ خوجا بىر ئۆمۈر ۋەتەنپەرۋەرلىك ، خەلقپەرۋەرلىك مەيدانىدا تۇرۇپ، مەدەنىيەت، ئادالەت، ھەققانىيەتنى ياقلاپ، نۇرغۇن ئەھمىيەتلىك ئىشلارنى قىلىپ، ئىلىدىكى ھەر مىللەت خەلقى قەلبىدە ئۆچمەس ئىزلارنى قالدۇردى. ھاكىمبەگ خوجا 1892-يىلى مەنسەپكە ئولتۇرغاندىن تاكى 1957-يىلى 86يېشىدا غۇلجىدا ۋاپات بولغىچە بولغان تارىخىي جەرياندا ۋەتەنگە مۇھەببەت باغلاپ، ۋەتەن ، خەلقنى قەلبىگە پۈكۈپ، پاك- دىيانەتلىك ياشاپ، ھەر مىللەت خەلقىنىڭ ئىززەت- ھۆرمىتىگە سازاۋەر بولدى » .

   ھاكىمبەگ خوجىنىڭ پەرزەنتلىرىدىن خەتتات، رەسسام ، بايازچى، مەرىپەتپەرۋەر چوڭ پاشا خوجا ( خوجىخان ھاكىموپنىڭ دادىسى( 1893-1962 ) ، كىچىك پاشاخوجا، ئەكرەمجان خوجا ۋە قەييۇمبەگ خوجا (1918- 1954 ) ، ئۈچ ۋىلايەت مىللىي ئارمىيىسىدە پىيادە ئەسكەرلەر 2-پولكىنىڭ كوماندىرى، 50-يىللارنىڭ باشلىرىدا ئىلى ۋىلايىتىنىڭ ۋالىيسى، ئۆلكىلىك سانائەت-كان ئىشلار نازارىتىنىڭ نازىرى بولغان. قىزى گۆھەربانۇ خېنىم (قۇمۇل دېھقانلار قوزغىلىڭىنىڭ داھىيسى مەرھۇم خوجىنىياز ھاجىنىڭ چوڭ ئوغلى سەيدۇللام بىلەن 1937-يىلى تۇرمۇش قۇرغان ) .

  ھاكىمبەگ خوجىنىڭ يۇقىرىقى مەرھۇم پەرزەنتلىرىمۇ ئاتىسىنىڭ ئىزىنى بېسىپ، خەلقپەرۋەر، تەرەققىيپەرۋەر بولۇپ، بىر ئۆمۈر خەلققە پايدا- نەپ يەتكۈزۈپ، ئىلىدىكى ھەر مىللەت خەلقىنىڭ قەلبىدە يۈكسەك ئىززەت- ھۆرمەتكە ئېرىشىپ، خەلقنىڭ قەلبىدە مەڭگۈ ھايات قالدى.

پايدىلانمىلار :
1.ئابدۇللا ئەخمىدى :  بەييەنخۇ يېغىلىقى ۋە مېھرىبانۇ ۋاڭ »  شىنجاڭ ئۇنىۋېرسىتېتى ئىلمىي ژۇرنىلى » 1986-يىل 4-سان .
2.« ئىلى تارىخ ماتېرىياللىرى » مەجمۇئەسىنىڭ 92-يىلى 8-سان ( خەنزۇچە نەشرى )
3.تۇرسۇن ياسىن: « باھادىر ئەزىمەت – سادىر پالۋان » كىتابچىسى شىنجاڭ ياشلار – ئۆسمۈرلەر نەشرىياتى ، 2001-يىل 6-ئاي 1- نەشرى
4.«ئىلى گېزىتى » نىڭ 1998-يىل 10-ئاينىڭ 31-كۈنىدىكى « ۋەتەنپەرۋەر، تەرەققىيپەرۋەر زات ھاكىمبەگ خوجا » دېگەن ماقالىسى
5. « ئىلى دەرياسى » ژۇرنىلىنىڭ 1982-يىل 4- سانى
6.«شىنجاڭ تارىخ ماتېرىياللىرى » نىڭ 42-سان 280- ، 283- بەتلىرى



مۇھەممەت يۈسۈپ ئىلمىي ماقالىلىرىنىڭ توردىكى تارقىتىش ھوقوقى باغداش تورىغا خاس ، قالايمىقان كۆچۈرگەنلەرنىڭ قانۇنىي مەسئولىيتى سۈرۈشتە قىلىنىدۇ 

1

تېما

0

دوست

581

جۇغلانما

دائىملىق ئەزا

ئۆسۈش   16.2%

ئەزا ئۇچۇرى
تىزىم نۇمۇرى:  586
يازما سانى: 26
نادىر تېمىسى: 1
مۇنبەر پۇلى: 150
تۆھپە : 90
توردىكى ۋاقتى: 124
سائەت
ئاخىرقى: 2011-7-11
يوللىغان ۋاقتى 2011-7-11 20:37:17 |ھەممە قەۋەتنى كۆرۈش
قىممەتلىك ماتىرىيالكەن. قەلەم ئىگىسىگە رەھمەت.
قۇتلان تېلفۇنلىرى

2

تېما

0

دوست

1095

جۇغلانما

تىرىشچان ئەزا

ئۆسۈش   9.5%

ئەزا ئۇچۇرى
تىزىم نۇمۇرى:  540
يازما سانى: 47
نادىر تېمىسى: 0
مۇنبەر پۇلى: 180
تۆھپە : 217
توردىكى ۋاقتى: 93
سائەت
ئاخىرقى: 2014-3-29
يوللىغان ۋاقتى 2011-7-11 21:31:04 |ھەممە قەۋەتنى كۆرۈش
سادىر پالۋان -خوتەن قاراقاشلىق خۇشئەخمەت ئاخۇننىڭ ئوغلى . دادىسى ئەينى ۋاقىتتا ئىلىغا كۆچۈپ چىققان قاراقاشلىقلارنىڭ قاتارىدا بىرگە چىققان . سادىر پالۋان ئىلىدا تۇغۇلغان .

ئىنسان دىگەن نىم

100

تېما

0

دوست

1 تۈمەن

جۇغلانما

پاكلىق ئەلچىسى

ئۆسۈش   18.11%

ئەزا ئۇچۇرى
تىزىم نۇمۇرى:  410
يازما سانى: 655
نادىر تېمىسى: 8
مۇنبەر پۇلى: 4203
تۆھپە : 2392
توردىكى ۋاقتى: 1255
سائەت
ئاخىرقى: 2014-1-17
يوللىغان ۋاقتى 2011-7-11 22:36:08 |ھەممە قەۋەتنى كۆرۈش
ھا ھا ھا يۇرتۋازلىق ،نەدىن چىقىشى مۇھىم ئەمەس ،ھەقىقى تارىخمىز مۇھىم.   

15

تېما

0

دوست

7439

جۇغلانما

تۆھپىكار ئەزا

ئۆسۈش   48.78%

ئەزا ئۇچۇرى
تىزىم نۇمۇرى:  2335
يازما سانى: 318
نادىر تېمىسى: 0
مۇنبەر پۇلى: 1663
تۆھپە : 1149
توردىكى ۋاقتى: 457
سائەت
ئاخىرقى: 2014-4-1
يوللىغان ۋاقتى 2011-7-12 04:38:45 |ھەممە قەۋەتنى كۆرۈش
سادىر پالۋان قاتارلىق ئۈچ كىشىنىڭ ئىلى دىيارىدا مەشھور كىشىلەردىن ئاتىلىپ ئۇيغۇر تارىخىدا يوقۇرى مەرتىۋىسى بىلەن ئاتىلىشى بىزنىڭلا ئەمەس پۇتكۇل ئۈيغۇرنىڭ شان-شەرىپىدۇر  . يۇرتۋازلىق  نۇقتىسىدا تۇرۇپ ئېلىپ ئېيتقاندا  يوقىرىدا ئىسمى ئاتىلىپ ئۆتكەن ئۈچ كىشىنىڭ مەشھور ئاتىلىشىدا  <<يىلتىز يۇرتىغا  >>قارىغاندا ئاشۇ كىشىلەرنىڭ ئۆسۇپ چوڭ بولغان ،شۇكىشىلەرنىڭ ياشاپ ئۆتكەن مۇھىت شارائىتىنىڭ تەسىرى بىر قەدەر چوڭ بولىدۇ دەپ قارايمەن ، ئەلۋەتتە مەن بۇيەردە ئۇلارنىڭ ئەجدادىنى بىر چەتكە قايرىپ قويماقچى ئەمەسمەن . يېتۇك  ئالىم يۇسۇپ خاس ھاجىپ : ئەگەر ئىت يولۋاسلار بىلەن بىللە چوڭ بولسا ئۇ ھالدا ئۇ يولۋاستەك بولىدۇ . ئەگەر يولۋاس ئىتلار بىلەن بىللە چوڭ بولسا ئۇ ھالدا ئۇ ئىتتەك لالما چوڭ بولۇپ قالىدۇ، دەيدىغان ھەقىقەتنى قالدۇرغان  .ئىلى دىيارى قەدىمدىن بېرى ھەق ياقلىغۇچى يۇرت سۆيەر باتۇرلارنىڭ ماكانى . شۇنداق بولغاچ بو ماكان بىزنىڭ يوقارقى كىشىلىرىمىزگە خۇددى << ئالتۇن ئۈزۈككە ياقۇت كۆز  >>دىگەندەك يارىشىپ ئۆز قىممىتىنى تېخىمۇ ئاشۇرالىغان دەپ قارايمەن  .  

ئەسكەرتىش : گەپ -سۆزلىرىمدىن يۇرتۋازلىق پۇرىقى چىقىپ قالغان بولسا << پۇھ >> دەۋېتىپ ئۆتۇپ كېتەرسىزلەر    . يۇتۋازلىق ئىتپاقسىزلىقنىڭ ئاشنىسى  .

148

تېما

0

دوست

3 تۈمەن

جۇغلانما

پاكلىق ئەلچىسى

ئۆسۈش   51.44%

ئەزا ئۇچۇرى
تىزىم نۇمۇرى:  255
يازما سانى: 1405
نادىر تېمىسى: 15
مۇنبەر پۇلى: 6527
تۆھپە : 5065
توردىكى ۋاقتى: 1310
سائەت
ئاخىرقى: 2014-4-2
يوللىغان ۋاقتى 2011-7-12 09:29:51 |ھەممە قەۋەتنى كۆرۈش
ئاڭلىسام ئۇيغۇرئاپتونوم رايونىمىزنىڭ سابىق مۇئاۋىن رەئىسى مىجىت ناسىر ئەپەندىمنىڭ ئەجدادىمۇ قومۇللۇق سېلىمساق(سامساق) پالگان دېگەن كىشى ئىكەن...
ئىلى بىلەن قومۇلنىڭ تارىخى تەقدىر، قىسمەتلىرىدىمۇ جىق ئوخشاشلىقلار بار. ئۇيغۇر يېقىنقى زامان تارىخىدىكى ھۆرلۈك ئۈچۈن تۆكۈلگەن قانلار...
مىللەت سۈكۈت ئىچىدە گۇمران بولىدۇ!

256

تېما

24

دوست

6 تۈمەن

جۇغلانما

دەلىللەنگەن ئەزا

ئۆسۈش   0%

ئەزا ئۇچۇرى
تىزىم نۇمۇرى:  251
يازما سانى: 2926
نادىر تېمىسى: 7
مۇنبەر پۇلى: 14432
تۆھپە : 10406
توردىكى ۋاقتى: 3634
سائەت
ئاخىرقى: 2014-4-2

پىداكار ئەزا ئىنكاس چولپىنى

يوللىغان ۋاقتى 2011-7-12 14:41:54 |ھەممە قەۋەتنى كۆرۈش
قىزى گۆھەربانۇ خېنىم (قۇمۇل دېھقانلار قوزغىلىڭىنىڭ داھىيسى مەرھۇم خوجىنىياز ھاجىنىڭ چوڭ ئوغلى سەيدۇللام بىلەن 1937-يىلى تۇرمۇش قۇرغان ) .

ئانا يۇرتتىمۇ شۇناق بىر يېرى بار ھە ، قومۇللۇق قومۇللۇققا قىز بەرسە بۇنۇڭ نەرى ھەيران قالغۇدەك ئىش بولسۇن .

0

تېما

0

دوست

40

جۇغلانما

يىڭى ئەزا

ئۆسۈش   13.33%

ئەزا ئۇچۇرى
تىزىم نۇمۇرى:  198
يازما سانى: 7
نادىر تېمىسى: 0
مۇنبەر پۇلى: 40
تۆھپە : 24
توردىكى ۋاقتى: 18
سائەت
ئاخىرقى: 2011-7-12
يوللىغان ۋاقتى 2011-7-12 17:55:07 |ھەممە قەۋەتنى كۆرۈش
مەن بۇ ماقالىنىڭ تېىمىسىنى كۆردۈم مەزمونىنى ئوقىمىدىم،بەلكىم پالۋانىنى قۇمۇللۇق ،قۇمۇلدىنى پالۋانلار جىق چىقىدۇ،ياكى بولمىسا باشقا مەزمون باردۇر.مەن دەيمەن نەدىن قاچان قانداق ئالىم ،قەھرىمان چىقسا ئۇ ئۆتمۈش ،لېكىن چوقۇم خاتىرلەش ئەسلەش زۆرۈر،،،،دىگەندەك زامانىمىزنىڭ پەخرى يېتۈك ئالىم ئەدىبىمىز ئابدۇرېىھىم ئۆتكۈر تىلەشوپ ئەپەندى قۇمۇلدا تۇغۇلغان تېگى نەلىك ؟ئۇنى بىز بېىلمىز ،پەقەت دەۋلىتمىزنىڭ تەرەققىياتى ئۈچۈن تۆھپە قوشقانىلىكى ئادەم بولسا ،ئۇ قايسى دەۋر ،قايسى زامان ،قايسى مىللەت ،قايسى يۇرت مېنىڭچە ئۇ بەك مۇھىم ئەمەس،،،،،جىيەن بوزەن مۇ قۇمۇللۇق جۇمۇ!!!
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )