قولاي تىزىملىك
ئىگىسى: yaqup

ئارزۇ-ئارمانلىرىم بىر-بىرلەپ كۆپۈككە ئايلىنىۋاتامدۇ-قانداق؟

  [ئۇلانما كۆچۈرۈش]

4

تېما

5

دوست

1 تۈمەن

جۇغلانما

پاكلىق ئەلچىسى

ئۆسۈش   9.15%

ئەزا ئۇچۇرى
تىزىم نۇمۇرى:  6865
يازما سانى: 746
نادىر تېمىسى: 0
مۇنبەر پۇلى: 2109
تۆھپە : 2770
توردىكى ۋاقتى: 647
سائەت
ئاخىرقى: 2015-4-27
يوللىغان ۋاقتى 2014-8-1 21:51:51 |ھەممە قەۋەتنى كۆرۈش
سىز بىلەن تەڭ دىگۈدەك ئوقۇش پۈتتۈرگەنلەردىن يارى ئۆلۈپ كەتتى . ھەنىمە بولسا سىز خېلى ياخشى ياشاپسىز ....

1

تېما

0

دوست

4531

جۇغلانما

ئاكتىپ ئەزا

ئۆسۈش   84.37%

ئەزا ئۇچۇرى
تىزىم نۇمۇرى:  6180
يازما سانى: 312
نادىر تېمىسى: 0
مۇنبەر پۇلى: 609
تۆھپە : 966
توردىكى ۋاقتى: 186
سائەت
ئاخىرقى: 2015-4-27
يوللىغان ۋاقتى 2014-8-1 21:56:09 |ھەممە قەۋەتنى كۆرۈش
ئاز- تولا نەممۇ ئەمەس ................
يۇنىل ئوپال سىلىقلاش مېيى

0

تېما

1

دوست

404

جۇغلانما

ئادەتتىكى ئەزا

ئۆسۈش   52%

ئەزا ئۇچۇرى
تىزىم نۇمۇرى:  30561
يازما سانى: 20
نادىر تېمىسى: 0
مۇنبەر پۇلى: 0
تۆھپە : 128
توردىكى ۋاقتى: 31
سائەت
ئاخىرقى: 2015-4-5
يوللىغان ۋاقتى 2014-8-2 11:26:27 |ھەممە قەۋەتنى كۆرۈش
ئىخچام ، قىزىقارلىق يىزىلىپتۇ . داۋامىنى كۈتىمىز.

2

تېما

1

دوست

980

جۇغلانما

دائىملىق ئەزا

ئۆسۈش   96%

ئەزا ئۇچۇرى
تىزىم نۇمۇرى:  14746
يازما سانى: 46
نادىر تېمىسى: 0
مۇنبەر پۇلى: 36
تۆھپە : 297
توردىكى ۋاقتى: 54
سائەت
ئاخىرقى: 2014-9-2
يوللىغان ۋاقتى 2014-8-2 13:07:28 |ھەممە قەۋەتنى كۆرۈش
ياخشى يىزىلىپتۇ ، داۋامىنى كۇتىمىز

2

تېما

6

دوست

1 تۈمەن

جۇغلانما

پاكلىق ئەلچىسى

ئۆسۈش   10.73%

ئەزا ئۇچۇرى
تىزىم نۇمۇرى:  12274
يازما سانى: 1122
نادىر تېمىسى: 0
مۇنبەر پۇلى: 1585
تۆھپە : 3251
توردىكى ۋاقتى: 835
سائەت
ئاخىرقى: 2015-4-29
يوللىغان ۋاقتى 2014-8-2 13:08:18 |ھەممە قەۋەتنى كۆرۈش
داۋامىنى يازماي بىشىنى يوتقانغا تىقىپ ياتقىنىنى......................

3

تېما

1

دوست

3278

جۇغلانما

ئاكتىپ ئەزا

ئۆسۈش   42.6%

ئەزا ئۇچۇرى
تىزىم نۇمۇرى:  25765
يازما سانى: 230
نادىر تېمىسى: 0
مۇنبەر پۇلى: 6
تۆھپە : 1014
توردىكى ۋاقتى: 479
سائەت
ئاخىرقى: 2015-4-29
يوللىغان ۋاقتى 2014-8-2 15:53:52 |ھەممە قەۋەتنى كۆرۈش
بۇ يازمىنى ئاخىرىدا   yaqup تەھرىرلىگەن. ۋاقتى  2014-12-10 15:33  

      بۇ خىنىم كۆزۈمگە قارىغانسىرى ئىچىم سىقىلىۋاتاتتى،يۇرتىمىزدىكى ئىتىز-ئىرىقنى،ئىشەك-تاغانى،قوي-كالىنى سېغىنىشقا باشلىغان ئىدىم.ئۈرۈمچىدە باينىڭ بالىسى قالسا بولىدىغان شەھەر ئىكەن  دەپ ،تۈنجى قىتىم پۇشايمانمۇ يىدىم.ئوقۇۋاتقان چاغلىرىمىزدا ھەر ھەپتىسى  قاتىرايدىغان دۆڭ كۆرۈكتىكى يۇرۇتداشلارنىڭ دۇكانلىرىغا بىرىپ مۇڭدىشىدىغانغا ئەمدى رايىممۇ يوقتى.ئۇنىڭ ئۈستىگە ئالى مەكتەپ ئىمتىھانىدىن ئۆتەلمىگەن بالىسىنىڭ ئوقۇشىنى ھەل قىلىمەن دەپ تېلفون قىلىدىغان،ئىزدەيدىغانلانىڭ تولىلىغى مىنى زىرىكتۈرگەنتى.ئۇلارمۇ دادامنىڭ «ھو»سى بىلەن مىنى ئىزدەپ،مىنىڭ قولۇمدىن ھىچ ئىش كەلمەسلىكىنى بىلگەندە، ياكى ئۆزى ئۆتەلمىگەن بالاڭنى پۇل تۆلەپ ئوقۇتقاننىڭ نىمە پايدىسى دىگىنمدە ،ياكى نىمە ئىش قىلىسەن؟نەچچە پۈل ئالىسەن؟نەدە تۇرىسەن؟دىگەن سۇئاللىرىغا زەردە بىلەن جاۋاپ بەرگىنىمدە،ياكى بىر ۋاخ تاماق بىلەن ئاددىغىنا مىھمان قىلىپ نەدە تۇردۇڭ،نەدە ياتتىڭ دىمىگىنىمدە مىنىڭدىن  يامانلىغاندەك ئۇلارمۇ ئىزدىمەيدىغان بولدى.دادامنىڭ تېلفوندىكى قىزغىنلىقلىرىمۇ بارا-بارا يوقالدى.دادامنىڭ خىيالىدا مەن قولىدىن پوق كەلمەس،جىنىنى ئاران بىقىپ كىتىۋاتقان،ھىچ بولمىسا ئوقۇش پۈتتۈرۈپ، يۇرۇتقا قايتىپ خىزمەت قىلىپ ھەپتىدە بىر كىلو گۆشىنى ئاتا-ئانىسىغا يىگۈزىۋاتقان تەڭ دىمەتلىكلىرىمچىلىكمۇ پايدام يوق بالا بولۈپ،ئۈرۈمچىدە قالدۇرىمەن،دىگەن قىزىڭنى ئىلىپ بىرىمەن دىگەن سۆزلىرىگىمۇ پۈشايمان يەپ،ئۇكۈللىرىڭنى ساڭا چاتىمەن  دىگەن خىياللىرىمۇ كۈپۈككە ئايلىنىپ قالغاندەكتى.مىنىڭمۇ مۇشۇنىڭدىن ئىچىم پۈشاتتى.پۈلۈم بولسا دادامغا بەرسەم،ئىنىللىرىمگە بىر ئىش قىلىپ بەرسەم دەپلا ئارزۇ قىلاتتىم.ئەپسۇس،مۇئاشىم يىتىشمەي ئۆي ئىجارىسى تۆلەشكىمۇ قوسۇغۇم ئاغرىپ،بىر بويتاق خىزمەتدىشىمنىڭ مىنىڭ ئۆيۈمدە تۇرۇڭلار دىگەن تەكلىۋى بىلەن،نەنكەي دىگەن ئالى مەكتەپنى پۈتتۈرۈپ،بىزنىڭ ئىدارىگە ئورۇنلىشىپ شىرىن چۈشلىرى بەربات بولغان،ئىجارە ئۆيۈمىزدە بىرگە يىتىپ قوپۇۋاتقان خوتەنلىك خىزمەتدىشىم  ئىككىمىز بىرگە كۆچۈپ كىردۇق...نەچچە ئايدىن كىيىن شىركەتتىن ياتاق ھەل قىلىپ خوتەنلىك خىزمەتدىشىم بىلەن تار بىر ياتاققا ئورۇنلىشىۋالدۇق.ياتاقتا سۇمرۇغ قاناللىرىنى ئىچىپ كۆرگىلى بولىدىغان كىچىك تېلىۋۇزۇر بولۇپ،ئىشتىن چۈشۈپلا قىلىدىغان ئىشىمىز تېلىۋۇزور كۆرۈش.شۇندىن باشلاپ  خەلقئاراخەۋەر،ھەربى ئىشلار،ئامېركىنىڭ كىنولىرىغا قىزىقىپ قالغانتىم.بەزىدە ئىككىنجى قەۋەتتىكى  ئىشخانىغا كىرىپ،پۈتۈن ئىدارە بويۇنچە 4نىڭ بىرى بولغان موھىم ماتىرياللار بىلەن تولغان كۆمپىيۇتېرنى ئويناش بولدى.بۇنى ھىچكىم بىلمەيتى ئاچقۇچنىمۇ ئوغۇرلۇق ياسسىتىۋالغان ئىدىم.ھەر نىمە بولسا 4،3ئاي ئىچىدىلا ۋىندوۋىس 98نى ئىشلىتىشنى،جەدىۋەل سىزىش،دوكىلات يىزىش،ئىلخەت يوللاش،ماتىريال چۈشۈرۈش دىگەندەك كۈندىلىك خىزمەتتە ئىشلەيدىغان مەشخۇلاتلارنى بىلىۋالغان ئىدىم.بىراق بىر قىتىم كومپىيۇتېرنى چورۇتلا بۇزۇپ قويۇپ،چوڭ باشلىقنىڭ تەنقىدىگە ئۈچرىدىم.ماڭا بىرىنجى قول باشلىقتىن باشقىسى گەپ قىلالمايتى.مىنى ئۇلار پالانى باشلىقنىڭ تۇققىنىكەن دەپ ئويلايمىشكەن.كومپىيۇتور ۋەقەسىدىن كىيىن باشلىق مىنى چاقىرتىپ مىنى قالايمىقان سىم تارتىپ سىگنال بۇزىدىغانلارنى تۇتىدىغان يىڭىدىن قۇرۇلغان بىر بۆلۈمدە ئىشلەشنى دىدى.مەن بىردىن بىر تولۇق كۈرسىدا مۇشۇ كەسىپتە  ئۇقۇغان تۇرسام  مالىيە بۆلىمىدە ئىشلەيمەن دەپ تۇرىۋالدىم.باشلىق مىنى ئالداپ ئاخىرى سىگنال ئوغرىسىنى تۇتىدىغان بۆلۈمدە ئىشلەشكە كۆندۈردى...
       بۈ بۆلۈمگىمۇ كۆنۈپ كەتتىم،ئەتىگىنى يوقلىمىدىن ئۆتۈپ قويۇپ چىقىپ كەتكەنچە،تەڭرىتاغ رايۇنىدىكى بىز خەق تولاراق مەھەللىلەردە  سىگنال ئوغرىللىرىنى تۇتىمەن،ئەھۋالىغا قاراپ ئاز،جىق جەرىمانە ئالىمەن. نەچچە يىل كۆرۈش پۈلى تۆلىمىگەنلەردىنمۇ  ئىتىبار بىلەن ئاز،جىق كۆرۈش پۈلىنى يىغىمەن.ئەلۋەتتە،تالۇن كىسىپ بىرىمەن. كۈندە 10،5مىڭ پۈل تېپىپ كەلگىنىمگە ئىدارە خوش، ئاسانلا قۇتۇلغانغا خەق خوش، ئاندا-ساندا توختام تۈزۈپ پارچە -پۈرات پۈل تاپقانغا مەن خوش ئىدىم. بولۇپمۇ خىزمەت ئالدىراش دىگەننىڭ باناسىدا  نۇرغۇن يولدا قىتىلغان دوستلاردىن ئادا -جۈدا بولۇپ،يۇرتىمىزدا پارالىل ئوقۇغان بۇرادەرلەر بىلەن قايتا تىپىشىۋىلىپ ئايدا بىرەر قىتىم يىغىلىپ ئولتۇرىدىغان بولغانتۇق...بىر كۈنى شۇ ئولتۇرۇشتا بالىلار بىلەن ئولتۇرسام،قىز دوستۇمدىن چاقۇرغا كىلىپ ئىدارىسىدە توي قىلغانلارغا ئۆي تەخسىملەۋاتقانلىغىنى ئېيىتتى. شۇنىڭ بىلەن ئەتىسى ئىشقا چىقىپلا  ئىدارىسىگە بىرىپ ئىشچىلار ئۇيۇشمىسنىڭ باشلىغى جاپار ئاكىمىزنى ئىزلەپ ھالىمىزنى ئېيىتساق،ئۇ ئاكىمىز كىچىكىپ بولسىمۇ توي خىتىنى،مىنىڭ ئىدارەمدىن ئۆي ئىسلاھاتى تەخسىماتىغا قاتناشمىغانلىق ئىسپاتنى ۋە 15000كوي ئالدىن تاپشۇرىدىغان پۇلنى تەل قلساقلا ئۆي بىرىدىغانغا كادىرلار باشقارمىسىغا  تاپىلاپ  بىزگە ئوبدان ياردەم قىلدى.ئەمدى توي خىتى ئالساقلا قالدى ئىش ئاسان ئىدى.شۇ كۇنى كەچلىكى ئەندىشىدە ئولتۇرسام مۇھەببەتتىن چاقۇرغۇ كەلدى،قايتۇرسام ئاپىسى:خەت ئالدى دىگەن گەپ  توي قىلدى دىگەنلىك.ئاۋال ئەلچى كىرسۇن،ئاندىن خەت ئىلىپ ئۆي ئىلىڭلار ...،دەپ توي خىتى ئىلىشقا قەتئى قوشۇلماپتۇ.كىلەر قىتىم مۇنداق تەخسىم قىلىدىغان ئۆيمۇ يوق ئىكەن،نىكاھ ئوقۇتمىغاندىكىن توي قىلغان ھىساپ بولمايدۇ دىگەن ئۈگەتمە گەپلىرىمگە ھەم پەرۋا قىلماي،30كويغا يارىمايدىغان ئىدارىدىن بەرگەن بىر خالتا گۈرۈچنى 60كويغا تاكسى توسۇپ ئۆيىگە ئاپپىرىپ ئارقا ئىشىك قىلغىنىمنى ئۇنتۇپتۇ.ھەم ئالدىن تاپشۇرىدىغان پۇلنىڭ 10000نى ئوغال تەرەپ،5000نى قىز تەرەپ تاپشۇرىدۇ دەپ بۇيرۇق چۈشۈرۈپتۇ...ماقۇل دەپ دادام-ئاپامنى تېلفونغا چاقارتىپ بولغان ئەھۋالنى دىسەم  ئىككىلىسى مىنىڭ ئالدىراپلا،پۇل تاپماستىن توي قىلماق بولغىنىمنى تازا توغرا كۆرمىدى،بولۇپمۇ مىنىڭ ئىدارىدىن 10000كوي قەرىز ئىلىپ ئۆي پۇلىنى تاپشۇرىشىمنى ئەسلا قوبۇل قىلالماي:ئايال كىشىنىڭ ئۆيىدە ئولتۇرامسەن؟مۇنچىۋالا پۈلنى تاپشۇرۇپ ئوينىڭ نامىگە ئىگە بولالامسەن؟ ...،دەپ بىشىمنى قايدۇرىۋەتتى.شۇنداقتىمۇ،كۆڭلۇمنى ئىزلەپ بۇ قارا قىشتا دادام چىقماقنى قارار قىلدى....ئىشلىرىم بىرىنىڭ كەينىدىن بىرى ئوڭ كىلىۋاتىدۇ.مەن ئىدارىدىن پۈل ئۆتنە ئالاي دىسەم نەدە ئۇنداق ئاسان ئىش باركەن.ئۇلار مىڭ تەسلىكتە بانكىغا كىپىل بولۇپ بىرىپ،بىر ئاي بانكىغا قاتىراپ15000كوي قەرىز ئالدىم،10000نى ئۆيگە تاپشۇر دەپ،5000نى دادام چىقسا،توي قىلسام دەپ نېرى قويۇپ قويدۇم.دادامنىڭ چىقىپلا ئۆگنى ئۈرۈمچىدىكى پىشقەدەم يۇرۇتداشلارنى،ئالى مەكتەپتىكى ئوقۇتقۇچىللىرىمنى باشلاپ 8،7ئادەم بولۇپ ئەلچىلىككە كەتتى...
      كەچلىكى ئىشتىن چۈشۈپ ياتاققا بارسام ،دادام ئەلچىلىكتىن قايتىپ كەپتۇ.دادام ماڭا قۇدا بولغۇچىلارنىڭ مىھمانلارنى ئوبدان كۈتكەنلىكىنى،بىزدىن قىز ئايىمايدىغانلىقىنى،ئاتىسىنىڭ نوچى ئادەم ئىكەنلىكىنى،ئەمدى خەت ئالساق بولىدىغانلىقىنى،پولانىڭ ئوخشىغانلىقىنى دەپ تۇرىشىغا چاقۇرغا كەلدى.قارىسام بولغۇسى ئايالىم ئىكەن.سېرىتقا چىقىپ تېلفون قايتۇرسام،ئايالىم:بۈگۈن رابىيە قادى سودا سارىينىڭ ئالدىدىكى لاتىنى سودا قىلغاندەك،تويلۇقۇمنىڭ باھاسىنى تالىشىپ شۇنداق سەتلىشىپ كىتىپتىغۇ...دەپ ئىششەك تاپا-تەنە قىلىۋاتدۇ.ئۇنىڭ يىغلاشلىرى،قاخشاشلىرى ھىچ قۇلۇغۇمغا كىرمەي،ئارتۇقمۇ بىر نىمە دىيەلمەي تېلفوننى قويىۋىتىپ ياتاققا كىرىپلا دادامدىن:زادى نىمە ئىش بوپ كەتتى دادا بۈگۈن.بايا تېلفوندا مۇندا-مۇندا دەيدىغۇ...،دەپ دادامغا سەل قاپاق تۇرۇتكەن ئوخشايمەن.دادام يانپاشلاپ ياتقان يېرىدىن چاچراپ قوپۇپ قايناپلا كەتتى.-چىرايلىق باردۇق،چىرايلىق كۈتتى،ئاخىرىدا ئەسئەت مۇئەللىمىڭ مەخسەت-مۇددانى ئېيىتتى.چوڭ دادىسى،ئاتىسى:ئوبدان بوپتۇ،سىلەردىن بالا ئايامدىغان،دەپ ماقۇل بولدى.ئەسئەتكام:ئەمىسە بالىلار جىددى ئۆي ئالىدىكەن،بۇنىڭ ئۈچۈن توي خىتى بولمىسا بولمايدىكەن.شۇڭا تويلۇقىنى دىيىشىۋالىنى،داۋۇتاخون دىھقان،بالىلىق،5يىل ئوقۇتتى،شۇڭا 6،5مىڭ تويلۇقى بولسا،چوڭ،كىچىك چايلىرىنى يوقاتساق،بالىلار توي خىتىنى ئىلىۋەرسە،ئۆي تەككەندە توي قىلسا،قالدى رەسمىيەتلەرنى ئوغالنىڭ ئاپىسى چىققاندا ئۆتىسە،دىدى.ئاتىسى گاڭگۇڭ ئادەمكەن:ۋاي چاتاق يوق دەپ تۇردى.بىر چاغدا قېينى ئاپاڭ ئەرخەقلەر ئولتارغان ئۆيگە كىرىپلا سۆزلەپ كەتتى.-ھەر قانچە بولسىمۇ ئۈرۈمچىدىكى ئەل قاتارىدا تويلۇق بولسۇن،قىزىم بىكارچى ئەمەس، مۇئاشى بار.5مىڭ،6مىڭ دەپ بۇيەردە سودىلىشىپ سەتلەشمەيلى...،دەيدۇ.ياۋ،ئادەمدىن ھېيىقمايدىغان خوتۇنكەن ھوي.ئەسئەتكامنىڭمۇ گىپى تىك ئادەم ئىكەن.-سىلى قانداق ئوقۇتقۇچى،قىزىڭىزنى مۇئاشى بىلەن بەرسىڭىز داۋۇتاخۇنغا بىرەمتىڭىز،ئۆزىنىڭ ئۆيىنى تۇتىدۇ...،دەپ ئىككى ئېغىز گەپ بىلەن ئاغزىنى تۇۋاقلاپ ئوتتاغۇزۇپ قويدى.قېينى ئاپاڭنىڭ ئاتىسى باركەن،يۇۋاش ئوبدان ئادەم ئىكەن.ئۇ بوۋاي ئىككى ئېغىز گەپ قىلىپ:قىزىم  دەۋىرىدۇ،سىلەر توغرا كۆرگەننى قىلىڭلار..،دىدى.دۇئا قىلىپ،چىرايلىق خوشلىشىپ يىنىپ كىردۇققۇ...ئايلىڭ تېلفۇن قىلىپ يىغلىغۇدەك نىمە ئىش بولدىكىن -تاڭ،مەن بىلەلمىدىم...
       دادام گىپىنى تۈگۈتۈپ يەنە يانپاشلاپ يىتىپ تېلىۋوزورغا قارىۋالدى.بىز ئۆي تەخسىماتىغا ئۈلگۈرۈش ئۈچۈن تىپىرلاپ كىتىۋاتساق،چوڭلارنىڭ خىيالىدا يوق تويلۇق پۇل تالىشىپ تۇرۇشى ئاچچىغىمىزنى كەلتۈرىۋاتاتتى.مەن دادامغا:دادا،مىنىڭچە ئاغزىدىن چىققاننى بىرىلى،ئۆيگە قەددىمنى كۆتۈرۈپ كىرەي،باش ئاغرىقىنى ئازراق قىلايلى،دىدىم.دادام ماڭا نىمە تولا  خوتۇننىڭ تولىلىغى،ھىلىتىن ئۇنداق يول قويسا ئىشنىڭ ئاخىرى ياخشى چىقمايدىغانلىقىنى ئېيتىپ،ئۇزۇندىن،ئۇزۇنغا سۆزلىدى-يۇ، ئاخىرى مىنىڭ رايىمغا باقتى...دادام نەچچە كۈن تاماشا قىلىپ،يۇرۇتداشلارنىڭ ئۆيىنى چالا قويماي پەتىلەپ ئاتۇشقا قايتىپ كىتىپ،17000كوي پۇلنى چىقارتىپ بەردى.بۇ پۈلنىڭ جىيىنى قانداق قىلغانلىقىنى سورىغۇم كەلمىدى.يا كالا،قويىنى ساتقاندۇ،يا تۇققانلىرىدىن نەخ پۈل سەۋلىك ئالغاندۇ،يا قەرىز ئالغاندۇ.مەن پەقەت ئاتۇشتا بولساممۇ شۇ پۇلنى خەجلەيتىغۇ،پۈل يىغىپ توي قىلىمەن دىگىنى بولمايتىغۇ،تويدىن كىيىن مەن يەنە بارغۇ...دەپ تەسەللى تاپاتتىم.كىچىك چىيى 2000،قىز ھەققى 15000،چوڭ چاينى ئاپام تويغا چىققاندا ئەكىرىدىغان بولۇپ ھىساپنى ئۈرۈمچىنىڭ قائىدىسىگە توغرىلىدۇق.توي خېتى ئالدۇق،ئۆيمۇ تەگدى،توي كۈنىنىمۇ بىكىتتۇق...
        گەرچە مەن تويدىن بۇرۇن رەسىمگە چۈشمەسلىكنى،ئۆينى بەك بىزىمەسلىكنى،توي كۈنى ئەتلەس كىيىپ،بەك ئوچۇق كۆينەك كەيمەسلىكنى،كۆپ ئادەم چاقىرماسلىقنى،ھاراق قۇيماسلىقنى،تاڭسا-پاڭسا  ئوينىماسلىقنى تەلەپ قىلغان،ئايالىممۇ ھە دىگەن بولسىمۇ،ھازىر بۇ ئىشلار مىنىڭ كۆنتۇرۇللىغىمدىن چورۇتلا چىكەتكەن ئىدى...ھەر نىمە بولسا مەسلىھەت چايدا ھاراق قۇيماي،مەنمۇ ئۆتكۈزۈپ قويغانلاردىن 5،4مىڭ كوي پۈل يىغىۋالدىم.رەسىمگە خەق 4،3مىڭ كوي خەجلىسە،بىز 2مىڭ خەجلىدۇق.خەق ئۆينى قالتىس ياسىغان بولدا ،بىز لازىمەتلىكنىلا ئالدۇق.تاغامنىڭ گىپىچە ،دادام 3مىڭ كوينى بىرىپ تۇرمىغان بولسا (قايتۇرۇپ بەرمىدىم تازا)تاس قالدى ئوغۇللۇق ئالمىسا زادى بولمايدىغان تېلىۋۇزور،ۋىسىدىلارنى ئالالمىغىلى.توي كۈنى ئەتلەس كەيمىسىمۇ بەك ئوچۇق ئەمەس تويلۇق كۆينەك كېيدى.پەقەت 15ئۈستەل مىھمان چاقىردۇق.ھاراق قۇيماي ئامال بولمايمىىش.تاڭسا-پاڭسا ھەم قىزىپ كەتتى...مەن نىمىشقىدۇر ھاراق،تاماكىدىن بىزار بولىدىغان بولۇپ قالغان ئىدىم.تاماكا تاشلايمەن دەپ باياتىن پۈلغا سىتىۋالغان تاماكا،چاقماقلارنى ئەخلەتخانىغا تاشلاپلاۋىتەتتىم.ئاخىرى زىيانغا چىدىماي بولسىمۇ تاماكا ئالماس،يىنىمغا سالماس بولدۇم.ئويلىسام، ھاراق-تاماكا مەن قىلغان ھەممە ئەسكىلىكنىڭ بىشى بوپتۇ.ئادەمنىڭ نۇمۇس تۇيغۇسىنى ئۆلتۈرىدىكەن، ھاراقتىن سەل ئۆزەمنى چەتكە تارتىپتىم،بولغۇسى ئايالىمنىڭ قانداق كىيىنىۋاتقانلىقىغا زەن سالىدىغان بولۇپ قالدىم.ئۆزەمنىڭ نىمە ئۈچۈن ياشاۋاتقانلىقىمغا سەۋەپ ئىزلەيدىغان بولۇپ قالدىم...
      گۈزەل ھايات دىگەن رېستۇراندا توي بولماقتا...ئاپام تۈز،ساددىلىغىىن سودىگەر دوستى بىلەن بازار چۆگلەپ،توي باشلىنىپ بولغاندا  كىلىپ،خىجىل بولۇپ  يىغىسى توختىمىدى.دادام ئۈرۈمچىلىك ھەر سالاپەتلىك يۇرۇتداشلارنىڭ كۆڭلىنى قايتۇرالماي بىشى قىيىپ،نامىزىنى ئۇنتۇپ،كۆزلىرى ئىلىشىپ كەتتى.توينىڭ يىگىت بىشى مەس بولۇپ قاپتۇ. كىمدۇر بىرى يەنە نەچچە ئۈستەل ئارتۇق تاماق بۇيرۇتۇپ،يىگىلى ئېغىز يوق ئىسراپ قىلىپتۇ. باش سايىپخان بۇرادىرىم ھىساۋاتقا پۇل يەتمىسە ماڭا كۆيۈنۈپ، قىز تەرەپ كاسسىردىن  پۈل تالىشىپتۇ...قايسى بىر خىزمەتدىشىم مەس بولۇپ قىلىپ بىزنى ئۇسۇلغا سۆرەپ سەتلەشتۇردى.تاغام خۇدىنى بىلمەي ئايالىنى تولا تاڭسىغا سۆرەپ ھاردۇرىۋەتتى. ئىنىم بىلەن كۈيئوغلىمىزمۇ خۇدىنى بىلەلمەي ئۇنىڭ،بۇنىڭ پۇتىنى دەسلەپ،مۈرىسىگە سوقۇپ ساما ئويناۋاتىدۇ.يۇرۇتتىن قاچان  كەلگەنلەركىن بىر توپ تۈزچىللىرىم  ۋاقىراپ،جاقىراپ قايناپ كىتىپتۇ...بۇ سورۇندىكى كەيپىياتلار ئىچىمنى سىقىپ،جىنىم چىقىپ كىتەي دەپ قالغاندا توي  تۈگىدى. ئۆيگە قايتاشىمىزدا يەنە بىر توپ دوستلار بىرگە ئۆيگە كىلىپ،ئۆيىمىزدە يەنە سورۇن تۈزەپ،بىزگە ئورۇن-كۆرپە سىلىپ بىرىپ، يېرىم كىچىدىن ئاشقاندا كۆزى ئارقىسىدا تاراشتى. توي قىلىپ  3،2كۈن بوپتى ئاتۇشقا توي چىيى بەرگىلى  باردۇق.بەش چارەك گۈرۈچ دۈملەپ يۇرۇتقا چوڭ قازان ئىسىپ توي چىيى بەردۇق...پويۇزدا  30نەچچە سائەت ئولتۈرۈپ ھاردۇق يەتتىمۇ ،يا قېيدىغاق تۇققانلارنىڭ تولا خاپىسىمۇ ،يا چۆنتەكنىڭ قۇرۇغدىلىنىپ بولغانلىقىمۇ...ئىشقىلىپ ھالىم بوش،كەيپىم سۇس بولۇپ،بىر ھەپتە تۇرا-تۇرمايلا ئالى مەكتەپ ئىمتىھانى بېرىپ،تولۇق كۈرسىغا نومۇرى سەللام كام قالغان سىڭلىمنىڭ ئىشىنى بانا قىلىپ ئۈرۈمچىگە ياندۇق....
       سىڭلىمغا قىزىلسۇ تېببى مەكتەپتىن چاقىرىق كەلگەن،3يىلدا ئوقۇش پۈتسىلا خىزمەتكە تەخسىم قىلىشىمۇ ئىنىق بولسىمۇ،سىڭلىمنىڭ ئۆيدىن،يۇرۇتتىن زىرىككەنلىكتىن ئاتۇشتا ئوقۇماي،ئۈرۈمچىدە ئوقۇيمەن دەپ تۇرىۋىلىشى دادامغا ياغدەك خوش يىقىپ،نەچچە رەت ماڭا چاقىرىق قىلىپ:سىڭلىڭنىڭ ئىشىغا ئامال قىل بالام،سىڭلىڭ يىغلاپ تۇرىلىۋاتىدۇ بالام،ساڭا كىشىنىڭ يۇرتىدا ئەسقاتىدۇ بالام ...،دەپ مىنى قىستىغىلى تۇردى.مەنمۇ گەپنى ئوچۇق قىلىپ:ئاتۇشتىن يىنىپ كەلگەندىن بىرى شۇنىڭ كويىدا بولاۋاتىمەن -دادا.كام نومۇرغا مەندە ئامال يوق-دادا.ئوقۇش پۈلىنى،تۇرمۇش پۈلىنى مەن پۆشتا ئارقىلىق يەتكۈزۈپ بىرىمەن، خاتىرجەم ئاتۇشتا  ئوقۇتسىلا-دادا.خىزمىتى ئىنىقكەن،كەسپىمۇ ئوبدانكەن،قىزبالىنى  يانلىرىڭلاردىن ئارىمىسىلا-دادا...،دەپ يۈرۈپ قايىل قىلدىم.نەدىكىنى ئەتىسى مەكتەپكە كىرىپ تىزىمغا ئالدۇرىدىغان چاغدا سىڭلىم يەنە يىغلاپ تۇرىۋىلىپ،دادام چاقۇرغۇ قىلىپتۇ.ئامالسىز،سانائەت ئىنىستوتىدىكى بۇرادىرىمگە تېلفۇن قىلسام ئۇ دەل ئوقۇغۇچى قوبۇل قىلىشتا ئىكەندۇق،مەكتەپنى ھەل قىلپ بەردى ۋە 3كۈن ئىچىدە سىڭلىمنى چاقىرتىپ كىلىپ تىزىملىتىپ ،ياتىغىنى ئورۇنلاشتۇرۇپ قويدۇق.سىڭلىممۇ ھەر ھەپتىسى ئۆيگە كىلىپ،بار-يوقنى تەڭ كۆرۈپ،ئىتىكلا كۆنۈپ قالدى...
      مەن ئىشلەۋاتقان سىگنال ئوغرىللىرىنى تۇتىدىغان بۆلۈم بارغانسىرى يۇقۇرى ئۈنۈم يارىتىپ،شىركەتنىڭ،نازارەتنىڭ قوللىشىغا بەك ئىرىشىپ ئىناۋىتى ئۆسكەنسىرى خەقلەر كىلىپ مىنى بىكار قىلغىلى تۇردى...بىر كۈنى باشلىق مىنى چاقارتىپ ئەھۋال سوراپ،تويۇمنى مۇبارەكلەپ،ياش ۋاقتىدا كۆپرەك چىنىقىش،ئۈگۈنۈشنىڭ لازىملىغىنى جىكىلەپ،مىنى ھورۇنلار باغچىسىنىڭ ئەسلى ئورنىدىكى ساقچىخانىغا يېرىم يىل چۈشۈپ،بىرلەشمە مۇداپىيە سىپىغا قاتنىشىشقا بۇيرىدى.مەن ئۇنىڭغا:ئون يىل ئۈخلاپ قوپاپمۇ بۇ شىركەتنىڭ ھەر قانداق خىزمىتىنىڭ ھۆددىسىدىن چىقالايدىغانلىقىمنى،مىنىڭ ئۇ يەرگە بارغۇم يوقلىغىنى دىسەمممۇ ئاقمىدى.مەن ئامال يوق ساقچىخانىغا بىرىپ تىزىملاتماق بولۇپ سۈرۈشتۈرسەم،ئەسلى ھەر قايىسى ئىدارىدىن ئادىمى بارلار ئادەم،پۇلى بارلار پۇل چىقىرىپ جەمىيەت ئامانلىقنى بىرلىكتە قوغداش ھەركىتى ئىكەن. قارىسام تىزىملاۋاتقانلار ساپلا ھاراقكەش،بەڭگى،ئىدارىسىدا بىكارچىلار ئىكەن.كۆڭلۈم شۇنداق يېرىم بولدى.ئالى مەكتەپنى پۈتتۈرگەن،خىزمەت ئىپادەم ياخشى،ئىشداشلار بىلەنمۇ مۇناسىۋىتىم ئوبدان تۇرسىمۇ خىزمەت ئورنۇم ئىسسىمايۋاتاتتى.ئاۋۇ گۈينىڭ بۆلۈمگە يىڭى ئادەم ئەككىرىپ مىنى سىقىپ چىقىرىشى كاللامدىن ئۆتمىگەنتى.نەنكەينى پۈتتۈرۈپ كىلىپ بىر يىل ئىشلەپ چىدىماي ،ئەلەم بىلەن خوتەن پىداكوكىغا يۆتكىلىپ كەتكەن بۇرادەرنىڭ سىماسى كۆز ئالدىمغا كىلىۋالغانتى.ئاچچىق خىياللار بىلەن نازارەتتىكى ھىلىقى باشلىقنىڭ ئىشخانىسى ئالدىغا كىلىپ قاپتىمەن.ئىشىك ئالدىدا بىزنىڭ شىركەتنىڭ باش ئىنجىرىنى ئۈچراتتىم.ئۇ مەندىن بۇيەردە نىمە ئىش قىلىسەن دەپ سورىۋىدى،پاڭڭىدە ئىتىلىپ ۋاقىراپ كەتتىم.-ئاناڭنى،ئۇ مىنى ساقچىخانىغا بار دەيدۇ،مەن بىكارچىمۇ،مەن قارا قوساقمۇ،مەن ئوخشىمامدىكەنمەن،ماۋۇ نازىرنى ئىزلەيمەن...،دىدىم.گۇزوڭ دەيدىغان بۇ كىشى «ئۈش»دەپ مىنى بەزلەپ ،قايتىپ كىتىشىمنى،باشلىققا ئۆزى چۈشەندۈرىدىغانلىقى،ساقچىخانىغا پۈل بەرسەك بولىدىغانلىقى،مۈنچىلىك ئىشقا بۇ نازىرنى ئىزلەشنىڭ زۈرۈرىيىتى يوقلىغىنى ئېيتىپ،مىنى قايتۇرىۋەتتى...
       ئىدارىدا قىلىدىغانغا  ئىشىم  بولمىغان بىلەن، ئورۇندۇق،ئۈستەللىرىم بار بولۇپ،يىڭى كەلگەنلەر ئولتۇرۇشقىمۇ پىتىنالمايدۇ.ئۇلارچە مەن ھەرقانداق  ئادەمدىن ھېيىقمايدىغان،يامان،يولسىز،ئەسكى،ساراڭتىم.مەنمۇ راس مەن ساراڭ دەپ،چوڭنى چوڭ،باشلىقنى باشلىق دىمەي ۋاقىرايدىغان بولىۋالدىم.كىيىنچە ئىدارىمۇ زورىيىپ،تەرەققى قىلپ،نوغاي مەسچىتى ئۇدۇلىدىكى رادىئو-تېلىۋىزور مىھمانخانىسىغا كۆچتۇق.ئۇلار بۇ قىتىم  مىنى سىملىق ئورنىتىدىغان بۆلۈمگە يۆتكەپ قويدى.قىلىدىغان ئىشىم  سىملىق ئورنىتىدىغانلارنى تىزىملاپ،ھەق ئىلىپ،ئورنۇتۇپ بىرىشكە ئادەم ئەۋەرتىش.بۇ ئىش ماڭا تازا خوش ياققان بولۇپ،كۈنلىكى بەش،ئونمىڭ كوي تارتمامدىن ئۈزۈلمەيتى.لازىم بولغاندا ئىشلىتىپ ئاي ئاخىرىدا تولۇقلاپ قويسام بولاتتى.توي قىلىپ،ئۆي ئىلىپ،ئۇنىڭ بۇنىڭغا خەجلەپ قەرزىم30نەچچە مىڭدىن  ئىشىپتۇ.بۇ كۈنلەردە قەرىزدىنمۇ قورۇقماس بولۇپ كەتكەنتىم.كىيىنچە ئىدارەمنىڭ ئىشلىرى ياخشى بولۇپ كىتىپ،مۇئاشىممۇ ئۆسكەن،ئۇ بۇ بايراملىق پۈللارمۇ كۆپلىگەن،خىزمەت قولايلىقىدىن پايدىلىنىپمۇ  تاپقان پارچە پۇرات پۇللار بىلەن قەرىزلىرىمنى قايتۇرۇپ،سىڭلىمنى ئوقۇتۇپ،توي-تۆكۈنلەرگە ياندۇرۇپ،تۇرمۇشتا ئەپلەپ-سەپلەپ كىتىۋاتاتىمىز.لىكىن،دادامغا پۇل بىرىپ قارالمايۋاتقان، كىچىگىدىن ئىتىز-ئىرىقنىڭ،ئۆينىڭ ئىشىنى قىلىپ دادامنىڭ  قولىغا قول،پۈتىغا پۈت بولۇپ،ئەمدىلىكتە بويىغا يەتكەندە بىكارچى بولۇپ قىلىۋاتقان ئىنىمغىمۇ ياردەم بىرەلمەيۋاتقان باش قىتىمچىلىغىم ئازدەك،ئۆيىمىزدە ئەر-خوتۇن ئىككىمىزنىڭ ئارىسىدا ئاندا-مۇندا جىدەل پەيدا بولغىلى تۇردى...
       دادامنىڭ كۆڭلىنى بىرەر،ئىككى مىڭ كوي ئەۋەرتىپ بىرىپلا بەش،ئالتە ئاي ئالالىغىنىم بىلەن،7يىللىق باشلانغۇچ سەۋىيەسىگە ئىگە ئىنىمنى بىر ئىشقا سالماق تولىمۇ تەسكە چۈشتى.ئۆز ۋاقتىدا  ئاپامنىڭ ئىنىمغا:ياغاچچىلىق بولامدۇ،رىمۇنتچىلىق بولامدۇ،تامچىلىق بولامدۇ ئىشقىلىپ بىر ھۆنەر ئۈگۈنۈپ قويغىن-بالام.داداڭ ھازىر ئەركەك بالام دەپ جىنىنى ئۈپراتماي ئىتىز-ئىرىققا سىنى باغلىۋالغان بىلەن،توي قىلساڭ ،ئۆي تۇتساڭ پۇل لازىم بولىدۇ.ۋاختى كەلگەندە دادا پۇل دىمەك تەس...،دەپ جورۇشلىرىمۇ توغرىكەندۇق. ئىنىم ئۈرۈمچىگە چىقىپ نەچچە ئاي تۇرۇپمۇ ھىچ بىر ئىشنى يۈرۈشتۈرەلمىگەنتى.مەن ئۇنىڭغا :سەن نىمە قىلالايتىڭ ،ئۈرۈمچىگە يەنە چىقىپ،زىيان تارتىپ ھىچ ئىشنى قاملاشتۇرالماي كىرىپ كىتىدىغان بولدۇڭ ،دەپ تاپا قىلىپ ئىنىمنىڭ ئاغزىنى تۇۋاقلاپ، پىشىمنى قىقىپ،ئاتۇشقا كىرگۈزىۋىتىپ  قۇتۇلغان،بىشىم ساقايغان بىلەن،ماۋۇ خوتۇننىڭ قاپاقلىرى ساڭگىلاپ،گەپلىرى ئازلاپ، تۆت ئاي بولا بولماي ئۈرۈمچىلىكلىگىنى قىلغىلى تۇرغانتى.دىمىسىمۇ،مەن ئايدا دىگۈدەك نەچچە قىتىم دوڭ كۆرۈكتە ئۈچراپ قالغان،يا كىسەل كۆرسىتىپ،يا بالىسىنى مەكتەپكە ئەپچىقىپ،يا مال سىتىۋالغىلى چىقىپ ئۈرۈمچىگە كەلگەن يۇرۇتداشلارنى بىردىن،ئىككىدىن« يۈرە ئۆيگە»دەپلا باشلاپ ئەككىلىپ،تاماق يىگۈزۈپ،ياتقۇزۇپ-قوپۇرۇپ دىگەندەك ئورۇنسىز مىھمانلار ئۈزۈلمىدى.ئۇلارنىڭ پۈتى پۇراۋاتقان،قولتىغى پۇراۋاتقان،ھاجەتخانىنىڭ سۈيىنى تارتمىغان، تەرەت قاچىسىنىڭ ئۈستىگە (ماتوڭ دىگەننىڭ ئۈستىگە)چىقىۋالغان،دېزنفىكسىيە سۇيۇغلىغىدا چىچىنى يۇيىۋاتقان ،ئۆيدە ئاچچىق موخۇركا چىكىۋاتقان، ھاراقنىڭ جىدىلىنى قىلىشىۋاتقان،يۇرۇتقا قايتىپ خوتۇنى ئانداقكەن،مانداقكەن دەپ گەپ تىپىشىۋاتقان ئىشلار تولىتى.دادام-ئاپاملارمۇ موللا تاپقاقتەك خوتۇنۇمنى نەچچە رەت يامانلاپ بەرگەن ئىدى.ئاڭلىسام   قورودىكىلەر ئۆيۈمنى "ئاتۇش بەنسىچۇ"دىيىشىمىشكەن.ئايالىم باشتا قاپاق تۇرۇتسە مەنمۇ قاپاق تۇرتۇپ،گەپ قىلمىسا مەنمۇ گەپ قىلماي يۈردۈم،كىيىنچە ئىچىم پۇشۇپ ئاچچىغىم كىلپ قول تەككۈزىدىغان بولىۋالدىم.چۈنكى كىچىگىمدىن تارتىپ دادامنىڭ ئاپامنى ئۇرۇپ، تىللاپ ئەر كىشىلىك ئىززەت-ھۆرمىتىنى قوغدايدىغانلىغىنى بىلەتتىم...
      دادام سۆزمەن،ھەققانىيەتنى ياقلايدىغان،ئەر-خوتۇنلارنىڭ،‏قۇدىلارنىڭ،ئاتا-بالىنىڭ، بىر تۇققانلارنىڭ،خۇشنىلارنىڭ جىدەل-ماجرالىرىغا تولا ئارلىشىپ، ئەدىليە ئورۇنلىرى ھەل قىلالمىغان ئىشلارنى ھەل قىلالايتى،يۇرۇت چوڭلىرى دادامنى دادىسىنىڭ ئىزباسارى قىلىپ يىگىت بىشى سايلاپ تون كەيگۈزگەن ئىدى.كومۇنا ۋاقتىللىرىدا 15يىشىدىنلا كىچىك ئەترەت باشلىغى بولۇپ،يوقنىڭ ھالىگە يىتىپ،توقنىڭ نوخىنىسىنى ئىلىپ خېلى ئىناۋەتى باركەنتۇق.دادام  بىر مەزگىل چوڭ ئەترەتتە بوغالتىر بولۇپ، يەمخور كەنت كادىرلىرى بىلەن چىقىشالماي ئىستىپا بىرىپ چىقىپ كەتكەندىن كىيىن، ئۇلۇغچات،بورىتوقاي،بوستان تىرەك،بايقۇرۇت،تاشقورغان دىگەن يەرلەردە ئىش كۆتۈرە ئىلىپ،ئادەم ئىشلىتىپ بىر ئاز  پۇل تاپقان ئادەم ئىكەندۇق.كىيىنچە،ئىش كۆتىرە ئالىدىغان ئىشلارمۇ بىزگە ئاشماي، ئۆيدە دىھقانچىلىق،باقمىچىلىق،باغۋەنچىلىك قىلغاچ نەدە ئۆلۇم-يىتىم،توي-تۆكۈن بولسا ھە-ھۇ دىيىشىپ باش بولۇپ ئۆتتى.پۇلى يوقلارغا پۇل ئۆتنە،ئېشى يوقلارغا بۇغداي-قوناق ئۆتنە بىرىپ،ئوتۇنى  يوقلارغا كۆمۈر بىرىپ،يىتىملارغا ئىش بىرىپ،ئاغرىق،قېرىلارغا ياردەم بىرىپ ....دىگەندەك ياخشى ئىشلارنى كۆپ قىلاتتى.كەنتىمىزدە ئەڭ بۇرۇن يىڭى جاي سىلىپ،گەجخالىق،ۋاساجۇپ ئۆي ياساتقانلاردىن ئىدۇق.دادام مىنى خۇۋەينە گۈلىسىنىڭ پۈلى بىلەن ئوقۇتقان بولۇپ،كىيىن نىمە بالا تەگدى يۇرتىمىز ئۈستۇن ئاتۇشتا بۇرۇنقىدەك مىۋە-چىۋىلەر،قوغۇن-تاۋۇزلار،سەي-كۆكتاتلار ئوخشىمايدىغان بولدى.دىھقانلارنىڭ ئاساسلىق كىرىمى باقمىچىلىق،مەدىكارچىلىق،ئازغىنە ئىشىنما بۇغداي-قوناقنى سىتىشتىن كىلەتتى.يۇرتىمىزدا ھىلىھەممۇ قۇرغاقچىلىق، مەستەك ئاپىتى،ئۆي ياساش،بالا ئوقۇتۇش،توي قىلىش، ھەجگە بىرىشلار دىھقانلىرىمىزنى قېيناپ كەلمەكتە.باغلار قۇرۇپ كەتكەچ دادامنىڭ ئاز-تولا باقمىچىلىغىدىن بۆلەك ھىچ كېرىمى يوق ئىدى.دىھقانچىلىقتىن كەلگەن بۇغداي،قوناق گالغا،مالغا كىتەتتى. دادام بىر ئادەمنىڭ ئىشىكىگە بىرىپ مەدىكارچىلىقتا ئەسلا ئىشلىمەيتى.يۇرۇتنىڭ  ئىشلىرىدىنمۇ ئۆزىنى تارتقانتى.ئەمدى چىقىمنى قاتتىق تىجەپ،گۆش-ياغ،سەي-كۆكتاتنى ئاز يەپ،كىيىم-كىچەكنى ئاز كىيىپ،ئۆي ياسسىماي جىملا تۇرىۋىلىپ،مىنىڭ بالدۇراق مۇئاشلىق بولۇپ ياردەمدە بولۇشىمنى كۈتىۋاتقانتى.ئەپسۇس،مەن ئوقۇش پۈتتۈرۈپلا خوتۇن غېمىدە قالغان ئىدىم.چوڭ يەپ،چوڭ كىيىپ كۆنۈپ قالغان ئاپام بۇرۇنقى پەدىسىدە،باردى-كەلدىدە داستىخىنى چوڭ بولۇپ،نىسىگە بولسىمۇ  كىيىم كىيەتتى.گۆش-ياغ،سەي-كۆتاتنى ئوخشاشلا يەيتى.دادامغا كوتۇلداپ:ئۆينى ئاقارتمىدىڭ،پىشايۋان ياپمىدىڭ،ئىشىك-دەرىزىلەرنى سىرلىمىدىڭ، خەقلەر ئۇنداق تىنىم تاپماي ئىشلەيدۇ،مۇنداق پۇل تاپىدۇ،دەيتى.ئىنىمنى پۇل تاپ دەپ قىستايتى.دادام پاخپىيىپ كەتكەن ھىساۋات خاتىرسىنى ئىچىپ، ئاپامنىڭ ئالدىغا ئىتىپ قايناپ كىتەتتى.-ھەي گۇي،قاراپ باقمامسەن،بىر يىلدا مانچە پۇل كىرىم بوپتۇ،مانچە پۇل چىقىم بوپتۇ.ئوغۇت ئالدىم مانچە پۇل چىقىم.گوش يەپتىمىز مانچە پۇل چىقىم.توي-تۆكۈنگە ئاپىرىپتىمىز مانچە پۇل چىقىم.بالا ئوقۇتىمتىمەن مانچە پۇل چىقىم...بۇ پۇل نەدىن كىلىۋاتىدىكى توۋا دەيمەن.بىر يىلدا 40نەچچەمىڭ كوي چىقىم قىلىپتىمەن.مۇشۇ پۇللىنى سەن ئاناڭ،داداڭنىڭكىدىن ئەككىلىۋاتامتىڭ-يا؟شۇ مەن تاپقاندىمەن.تالاغا چىقىپ مەدىكارچىلىق قىلساملا ھىساپمۇ؟پۇل دىگەن ئۆيدىنلا،ئىتىزغا ياخشى ئىشلىسە،مال-چارۋۇ باقسا پۇل دىگەن شۇ...يەنە مىنى نىمە قىل دەيسەن،دەپ كايىتى...ئاپامدىگۈل مەنمۇ دادامنىڭ ھىساۋىنى چۈشىنەلمەيتىم. ئىشقىلىپ،دادام تۇرمۇشقا بەك ئىدىتلىق ئادەم ئىدى.زادى پۇل خەجلىمىسە بولمايدىغان ئىشقا پۇل خەجلەيتى... يۇرۇت ئەھلى شۇنداق  ھۆرمەت قىلىدىغان،چوڭ-چوڭ ماجرالارنى بىر تەرەپ قىلالايدىغان بۇ دادام ،نىمشقىكىن ئاپام بىلەن بولغان ماجرالىرىنى بىر تەرەپ قىلالماي كىلىۋاتاتتى.ئاپامغا تولا گەپ قىلىپ،ئاڭلىمىسا ئۇراتتى.رەھمەتلىك چوڭ ئانام بار چاغدا، بىز ئۆينىڭ ئۇرۇش-جىدەللىرىدىن ئانچە غەم يىمەيتۇق.ئانام ئۆلۈپ كىتىۋىدى،دادامنى ۋاي يەۋال،ۋاي ئىچىۋال،ۋاي ئۇخلىۋال دەيدىغانغا،ئىتىز-ئىرىقلاردا كەينىدىن چىقماي سوغۇق چاي،ئاش-نان توشۇيدىغانغا،تالادىن كىرسە ئولتۇرىۋال،يىتىۋال دەپ ئاستىغا كۆرپە سىلىپ،داداڭنىڭ قولىغا سۇ،ئالدىغا داستۇرخان سال دەپ، بالىلارنى بۇيرۇيدىغانغا ئادەم يوق،يا ئاپاممۇ بۇ ئىشلارغا كۆڭۈل قويماي دادامدىن دەشنام يەۋىرەتتى. چىيىڭ ۋاقتىدا قاينىمدى،ئىشىڭ ۋاقتىدا پىشمىدى،يەمسەن،ئىچەمسەن دىمىداڭ،ئارقامدىن ئىتىز بىشىغا چىقمىداڭ،تۇققانلىرىمنى ياخشى كۈتمىداڭ،بالىلارنى ياخشى تەربىيلىمىداڭ،قوي-كالىغا سۈ بەرمىدىڭ، سامان سالمىداڭ،ئوت ئوتمىداڭ،غازاڭ يىغمىداڭ،قىزلىرىڭغا تەربىيە قىلالمىداڭ...دىگەندەك ئىشلار بىلەن ئاپامنى تىللايتى،ساۋدايتى...ئاپامنىڭ مىس-مىسلىغىنى،جاھىللىغىنى،بەتخەجلىكىنى دىمىسە،يۇۋاش، ئۆز تۇققانپەرەس،كەڭپەن،پاكىز،تالاغا خوشى يوق ئوبدان ئايال ئىدى.لىكىن، دادامنىڭ كۆڭلىنى ئىلىشنى ئۇقماي،ئەشۇنداق كىچىك ئىشلار ئۈچۈنمۇ دىلى ئازار يەيتى.بىز بالىلار دادامنىڭ يوللۇق بولسىمۇ چىكىدىن ئاشۇرىۋىتىشىنى ياقتۇرمايتۇق-يۇ،قارشى تۇرالمايتۇق.كۈچىمىز ئاپامغىلا يىتەتتى،ئاپامنىلا باساتتۇق.ئاپام زەردە بولۇپ يىغلايتى،بىزنى ئەقىلسىزلار دەپ تىللايتى.دادامنىڭ خۇيىغا  زادىلا باقمايتى.بىز ھەقىقەتەن خىجىلچىلىقتا قالاتتۇق.ئۇلاردىن ئاغرىناتتۇق،ئۆيدىن زىرىكەتتۇق...دىمەك مەنمۇ شۇ دادامدەك خوتۇننى ئۈردۇم.ئۇرۇپ بولۇپلا ئىچىم ئاغرېيتى،پۈشمان قىلاتتىم،ئەپۇ سورايتىم..

3

تېما

1

دوست

3278

جۇغلانما

ئاكتىپ ئەزا

ئۆسۈش   42.6%

ئەزا ئۇچۇرى
تىزىم نۇمۇرى:  25765
يازما سانى: 230
نادىر تېمىسى: 0
مۇنبەر پۇلى: 6
تۆھپە : 1014
توردىكى ۋاقتى: 479
سائەت
ئاخىرقى: 2015-4-29
يوللىغان ۋاقتى 2014-8-2 16:21:19 |ھەممە قەۋەتنى كۆرۈش

داۋامى

بۇ يازمىنى ئاخىرىدا   yaqup تەھرىرلىگەن. ۋاقتى  2014-12-10 17:06  

     ھەر قىتىم  ئىككىمىز ئۇرۇشۇپ قالغاندا،ئايالىم زۇۋان سۈرمەي،ئۈنسىز  ياش تۆكۈپ،ئۆز ئىشى بىلەنبولۈپ كۆزۈمدىن نېرى بولىۋالىتى.ئاغزى،بۇرنى قان بولۇپ كەتسىمۇ زۇۋانى بىسىقماي دادام بىلەن تەڭلا تۇرىدىغان ئاپامغا ئوخشىمايتى.بۇنداق چاغدا مەنئايالىمنىڭ خاتا بولغانلىقى ئۈچۈن،ئۆزىنى مەندىن قاچۇرىدۇ دەپ ئويلايتىم...
      سىڭلىم قىشلىق تەتىل قىلىپ يۈرۈتقا كىتىشىگە،ئالدىدا نەچچە چىقىپ ئىش قاملاشتۇرالمىغان ئىنىم يەنە ئۈرۈمچىگە كەلدى.ئاشپەز بۇرادەرلىرىمگە تونۇشتۇرسام كاۋاپ باسالامدۇ ،مانتا تۈگەلەمدۇ دىگەن، قاساپ بۇرادەرلىرىمگە تونۇشتۇرسام  يا ئىنىم ئۇنمىغان.ئىشىك باقار بولسۇن دىسە يا خەنچە بىلمىگەن...ئىنىمنىڭ خىيالىچە يوغان كىيىم-كىچەك دۇككىنى بولسا،ئولتۇرىۋىلىپ ساتسا،ياكى قارا رەڭلىك سانتانا ماشىنىسى بولسا،كىرا تارتسا...ئۇنىڭ بۇنداق ئارزۇلىرىغا لايىق مەندە  ئامال پەقەتلا يوقتق.
بۇرادىرىم ئىمىنجاننىڭ تونۇشتۇرىشى بىلەن يۈك-تاق باسىدىغان يەردە ئىشلىمەك بولۇپ بىرىنجى كۈنىلا بىشىنى يېرىپ،ئۆلگىلى تاس قالغان ئىنىمغا:سەن ئوقۇمىغان بالا.سىنىڭ كىچىكىڭدىن پىشقان كەسپىڭ دىھقانچىلىق،قوي-كالا بىقىش.ئۆز كەسپىنى تاشلىغان ئادەم پۇل تاپقان بىلەنمۇ  ھەرگىز بەركەت تاپالمايدۇ.سەن ئىلمى ئۇسۇلدا باقمىچىلىق قىلغىن،مال سويۇشنى بىلگىن،يۇڭ،تېرە سودىسىنى ئۈگەنگىن،ئاللا بۇيرىسا بىر كۈنلەردە مەنمۇ ئۆزەمدىن ئېشىنىمەن-دە،بىزنىڭ قورۇنىڭ ئالدىدا دۇككان ئىچىپ ،گوش ساتقاچ،كاۋاپ پۇشۇرساڭمۇ  كۆپ پۇل تاپىسەن...،دەپ بىر مۇنچە نەسىھەت قىلدىم.بىر ئايدىن ئاشقاندا كەلگەن،كەتكەن،تۇرغان چىقىمنىڭ جىيىنى قىلىپ ،چىرايلىق يولغا ئاتۇشقا يولغا سالدىم.ئۇ گۇيمۇ بىرىپ خوتۇنۇمنى يامانلاپ بەرگەن چىغى، تەتىلى توشۇپ قايتىپ كەلگەن سىڭلىمنىڭ پوزۇتسىيەلىرى باشقىچە بولۇپ،ئەرنىڭ ئاچا-سىڭىللىرىمۇ  قېينى ئانىلىق قىلىدىغان يۇرتىمىزنىڭ ئادىتى بويۇنچە،ئايالىم بىلەن ئېيتىشقىلى باشلىدى.ئىنىم كىرىپ كەتكەندىن كىيىن دادام-ئاپامدىنمۇ تېلفۇن كىلىپ ئاغرىغان ئىدى.شۇ چاغدا ئايالىم بىلەن:ئىنىمغا قاپاق تۇرۇتتۇڭ،گەپ قىلماي تۇرىۋالدىڭ،كۈلۈپ تۇرۇپ خوش دىمىدىڭ، دەپ ئۇرۇشقان ئىدىم.مانا ئەمدى:سىڭلىم ھەپتىدە بىر ئۆيگە كەلسە قاپاق تۇرۇتتۇڭ،گەپ قىلماي تۇرىۋالدىڭ،كۈلۈپ تۇرۇپ خوش دىمىدىڭ...،دەپ گەپ تەگىشىتىم.ئايالىممۇ  مەن بىلەن تەڭ تۇرىدىغان ،ماڭا سەۋەپنى چۈشەندۈرۈپ ۋاقىرايدىغان بولىۋالغانتى...شۇنداقتىمۇ مەن ئۇرۇق-تۇققانلىرىمنى ياقلايتىم.ئۆيدە جىدەل قۇرۇمىدى.ئاياللىم نەچچە قىتىم يامانلاپمۇ كەتتى.ئاتا-ئانىسىنىڭ بىر تاغار نەسىھەتلىرىنى ئىشتىپ ياندۇرۇپ ئەككىلىپ،ئەپلىشىپ قالىتۇق.ئايالىم ئېغىر ئاياغ بولغان كۈنلەردە،ھەر نىمە بولسا ئايالىم ماڭا،لەغمەنگە سىزىك بولغانتى.سىزىكى قاتتىقلىقتىن قان قۇسۇپ 2- دوختۇرخانىدا ياتقان چاغلىرىدا،كۈندە ئىككى ۋاخ كۆنسۇل كۆچىسىدىكى ئامىنە لەغمەنخانىسىدىن تاماق توشۇپ كۆڭلىنى ئالدىم.پۇرسەت بولسىلا يىنىدىن ئايرىلمىدىم.ئايالىمنى يىنىدا مەن بولمىسام تۇتۇپ قالاتتى.مۇشۇنداق چاغلاردا،دادام ئۈرۈمچىلىكلەر بالامنى لاتا قىلىۋالدىمۇ نىمە دەپ، مىنىڭدىن خاتىجەم بولالماي ئۈرۈمچىگە كەلدى.بىزنىڭ بىر ئوبدان ئۆتىۋاتقانلىقىمىزنى كۆرۈپ،خاتىرجەم بولۇپ،يېرتىلىپ كەتكىنىگە 20يىل بولغان سېرىق ئېتىنى 2-دوختۇرخانىدا داۋالىتىپ قايتىپ كەتتى.ئارىلىقتا ئايالىمنى قاتتىق تەنقىت قىلغان يەرلىرىمۇ بولدى...
      دادامنى يولغا سىلىپ، ئەمدى "ئۇھ "دەپ تۇرۇشىمغا خىزمەت ئورنۇمدا يەنە ئۆزگۈرۈش بولدى.يىڭىدىن سىملىق تېلىۋىزور ئابۇنتلىرىنى باشقۇرۇش بۆلىمى قۇرۇلۇپ،بۇرۇن مەن ئاندا-مۇندا ئىشقا سالىدىغان ئورمان كىلىپ بۆلۈمگە باشلىق بولدى.مىنىڭ ئۇدۇلۇمغا قايسى بىر  شىركەتتىن   يۆتكىلىپ كەلگەن بىرى ئورۇنلاشتى.خەق بۇ قىزنى گۈلى دەپلا چاقىرىتى.ئەمەلىيەتتە،مىنىڭ ئىسمىممۇ نەچچە قىتىم  قىسقىراپ ،ئاخىرى ئىككى خەتلىك بولغاندا چىدىماي،ھازىرقى  ئۈچ خەتلىككە كۆندۈرىۋالدىم. ئۇ ئاچام مەخسۇس بوغالتىرلىقتا ئوقۇغان مەكتەپدىشىم بولۇپ،باشلىغىم مىنىڭ خىزمىتىمنى ئۇنىڭغا ئۆتكۈزۈپ بىرىشتى.يىنىغا پۇل ساقلايدىغان تۆمۇر ساندۇقتىن بىرنى تىكلەپ،پۇل تەكشۇرۇپ سانايدىغان ماشىنا سەپلەپ بەردى...مەنمۇ خۇشاللىق بىلەن خىزمەتنى ئۆتكۈزۈپ بەردىم.چۈنكى، تارتمىدىكى پۇلنى خەجلەۋېرىپ،پۇل تۇتىدىغان ئىشتىن زىرىككەن ئىدىم.ساختا پۇلنى يىغىۋىلىپمۇ نەچچە يۈز كوي زىيان تارتقان ئىدىم.ئۇنىڭ ئۇستىگە، قايسى كۈنى چىنە زاۋۇتى سەيپىدىن ئەزىزى قورۇسى ئارقىسىدىكى،ياشلار باغچىسىغا چۈشۈپ كىتىدىغان كۆچىدا 3قەۋەتلىك شەخسى قورۇنىڭ بىرىنجى قەۋىتىنى بىرسى ئاشخانا قىلىپ ئاقتۇرالماي ئىجارىگە بەرمەك بوپتىكەن ،مەن ئاچايمىكىن،ئەتىگەنگە نان قايناق،ئوماچ،چۈلەم،چۈشتە ھورنان،نارىن،گۆش نان ،كەچتە چۈچۈرلۈك ئاش،ئۈزۈپ تاشلاپ ئاش چىقىرايمىكىن،شۇ بانادا ئاتۇشتىكى ئىنىمنى بىر ئىشقا سالايمىكىن دىگەن خىيالغا كىلىپ قالغان ئىدىم.مەن ئىدارىمىزنىڭ ئوڭ يىنىدىكى كىرەم ئاتۇشنىڭ ئەنجۈر تىز تاماقخانىسىدا ئىككى ھەپتىدەك باشقۇرغۇچى بولۇپ ئىشلەپ،ئۆزەمنى بۇ ساھەدە مول تەجىربىلىك بولۇپ كەتكەندەك چاغلىغانتىم.خىزمەتنى بوغالتىر خىنىمگە ئۆتكۈزۈپ بەرگەندىن كىيىن، ئىشقا چىقىپ قىلىدىغان باشقا خىزمىتىممۇ يوق بولۇپ،ئىشىم شۇ باشلىقنىڭ كومپىيۇتىرىنى ئويناشتى.ئۇ چاغلاردا نە ۋېروستىن ساقلىنىدىغان دىتال،نە تور چەكلىمىسى،نە تور ساقچىسى دىگەنلەر يوقمىتىكى،ۋاشىنگىتوننىڭ تور بەتلىرىگىمۇ  كىرىپ كىتەلەيدىغان،ئالامەت قورقۇنۇشلۇق تور بەتلىرىنى كۆرىدىغان،ئالامەت سېرىق تور بەتلىرى چىقىۋالىدىغان،ئالامەت يىزىلغان  كىتاپلارنى ئىزلەپ   ئوقۇۋالىدىغان چاغلارتى.ئامېركىغا چىقىش خىيالىمنىڭ بولغانلىقىدىن ئەمەس،كەلگۈسىدە بالامنىڭ دەرسىگە بولسىمۇ  يىتەكچىلىق قىلارمەن دىگەن ئويدا يىڭى ئۇقۇم ئىنگىلىز تىلىنى ئۆزلىكىمدىن  ئۈگۈنۈپ 2-قىسم كىتابى يېرىملاشقانتى. خەنچىگە تېخىچە كەلمىگەن تىلىم ئېنگىلىزچىگە خېلى كەپ قالغان،خېلى كۆپ تورداشلار بىلەن تونۇشقان ئىدىم.كىيىن،پۇلى تاپسىلا كىتاپ يىغىپ ساقلايدىغان دوستۇم ئىمىنجاننىڭ ھاۋالىسى بىلەن، شۇ چاغدا قىززىق بازار تاپقان ئانا يۇرۇت رومانىنى يىغا-زارە بىلەن 2كۈندىلا ئوقۇپ بولۇپ ،بىردىنلا ئومرۈمدە خوشام  يوق تارىخقا قىزىقىپ قالدىم...ئىز،ئويغانغان زىمىن،ئىلى دولقۇنلىرى دىگەندەك تارىخى كىتابلارنى تىپىپ ئوقۇپ چىقتىم.كىشىلىك مۇناسىۋەت،نوتۇق سۆزلەش،ساغلاملىق،كارخانا باشقۇرۇش،پىسخىكالارغا ئائىت ماتىرياللارنى كۆپ كۆردۈم.بىر ئىش قىلىپ پۇل تاپىدىغاننىڭ خىيالىنى ھەم  پىلانىنى تۈزدۈم. ھەتتا قولۇمدا ئۈچ،تۆت يازما لاھىيەمۇ بار ئىدى.مەسىلەن:تورخانا قۇرۇش،تاللا بازىرى ئىچىش،تىز تاماقخانا ئىچىش دىگەندەك.بىراق مەندە ئارمانغا لايىق دەرمان -پۇل يوقتى...
        مەن پات-پات 3-قەۋەت ئىشخانامدىن ئۇدۇلدىكى نوغاي مەسچىتىگە  كىرىپ چىقىۋاتقانلارغا قاراپ" ماۋۇ  خەق نىمە پايدىسى يوق ئىشنى قىلىۋاتقاندۇ" دەپ بىشىمنى چايقايتىم.تەڭگە تاغ ئاشخانىسىغا  قاراپ"لەغمىنىڭ ئوخشايدۇ"دەپ تامىقىمنى يالايتىم.سەنئەت ئۈمەكنىڭ دەرۋازا ئالدىدىكى قاتار دۇكانلاردىن ياڭراۋاتقان ناخشا-مۇزىكىلارنى ئاڭلاپ" زۇۋانىنى پەسرەك قىلسا بولماسمۇ "دەپ غۇدۇڭشىپ قوياتتىم...بىر كۈنى، پەستە ئىشتان يانچۇغىغا قولىنى سىلىپ ئاشخانىسىغا  كىتىۋاتقان كىرەم ئاتۇشنى كۆرۇپ، ئۇنىڭ باشقۇرغۇچى ئالدىغانلىغىنى ئىسىمگە ئالدىم-دە، پەسكە چۈشتىم.تامىغى قىممەت دەپ ئەنجۈر تاماقخانىسىگە كىرىپمۇ باقمىغانكەنمەندۇق.كىرىپ پولودىن بىرنى يەۋىتىپ،ياناشىمدا ئىشىك ئالدىدا قاپاق سىلپ تۇرغان خوجايىنغا يوغان سالامدىن بىرنى بىرىپ،ئۆزەمنىڭ باشقۇرغۇچى بولۇپ ئىشلىگۇم بارلىغىنى دىدىم.ئۇ بىر قاتار تونۇشتۇرىشىمنى ئاڭلاپ بولۇپ،ئىشخانىسگە باشلاپ ئەككىردى.قىسقىغىنە سۆھبەتتىن كىيىن،ماڭا بىر ھەپتە 3دۇككاننى كۈزۈتۈپ يازما دوكىلات بىرىشىمنى ئېيىتتى.بۇ يەردە ئىشلەيدىغانلارنىڭ مۇلازىملارنىڭ تولىسى سودا مەكتىۋىدە ئوقۇش پۇتتۇرپ پىراكتىكا قىلىۋاتقانلار بولۇپ ،مەن بۇلارغا  كۆڭلى تارتقان تاماقنى بۇيرۇتۇپ بىرىپ خۇش قىلارتتىم...ھەپتە دۇكانلارنى ئارىلاپ،كۈزۈتۈپ،ماتىريال كۆرۈپ، دوكىلات پۈتۈپ ،تاپشۇرىدىغان كۈنىسى،ئۇدۇلدىكى  بوتكىدىن بىرنەچچىسى  كىلىپ جىدەل چىقىرىپ، گەپنىڭ ئايىغى تۈگمەستىن تاراشتۇق.يەنە بىر ھەپتە ئۆتكەندە، سىنىڭ ئىش ئورنۇڭ بار ئىكەن دىگەنلىك بىلەن كۆڭلۈمنى قايتۇرغانتى.مىنىڭ ئىدارىدا ئىشىم يوقلىغىنى،ھىچكىم مىنى نەدە تۇردۇڭ،نىمە ئىش قىلدىڭ دىمەيدىغانلىغىنى،ئەتتىگەنلىك يوقلىمىدىن ئۆتۈپلا قويسام بولدىغانلىقىنى ئۇ كىشى بىلمەيتى...
      شۇنداق قىلىپ، ئاشخانا ئاچماق خىيالىمنى داداممۇ قوبۇل قىلىپ،-زادى بىر ئىش قىلىپ پۇل تاپمىساق بولمايدىغان يەرگە كەلدى-بالام، دىدى.ئەمەلىيەتتە، بۇ مىنىڭ بىرىنجى قىتىم قىلىۋاتقان ئىشىم ئەمەستى.ئالدىنقى قىتىم چىگرا سودا بازىرىدىن10 نەچچە مىڭ كويلۇق ئاياغ ئىلىپ دادامغا،ئىنملىغا كىرگۈزۈپ بەرسەم  ساتالماي ،يا مال يوق ،يا پۇلى يوق،زىيان ماڭا بولغانتى.مىنىڭ باشقا بىر قىلىشقا ئەقلىممۇ يەتمەيتى ھەم شارائىتمۇ يوقتى.ئىدارىدىمۇ خەق خىزمەت قۇلايلىغىدىن پايدىلىنىپ يىلىغا سىملىق ئورنىتىش توختامى تۈزۈپ جىق پۇل تاپسا،مەن ئاران 5مىڭ،10مىڭ پايدا نىسبەتتە پۇل تاپاتتىم.چۈنكى،ماڭا ئوخشاشلارنىڭ  ئۆي-مۈلۈك شىركەتلىرى بىلەن سېملىق ئورنىتىش توختامىنى تۈزمىكىمىز تەستى...مۇئاشىمدىن سىرت تاپقان  ئىككى،تۆت تال پۇللۇرۇم بىلەن ئايالىمغا بىلدۈرۈشنى خالىمايدىغان  دەرتلىرىمگە دەرمان قىلاتتىم. بار مەسلىھەت ئىش قىلساممۇ ئايالىم قارشى تۇرمىغان بىلەن، بەرىبىر ئايال كىشى دىگەن ئىچى تارراق كىلىدۇ-دە.مۇئاش كارتامنى بەردىم،مۇئاشىڭ قانچە سورىمايمەن،شۇ بولسىمۇ غەمسىز تۇرسۇن ،غەمنىڭ دەستىدىن ئۇيقۇسىز تاڭنى ئاتقۇزىۋىتىدىغان ئازاپلار مەن بىلەنلا كەتسۇن،- دەپ  ئويلايتىم.دادامنىڭ مەسلىھەتى بويۇنچە ،مەن دۇككاننى ئىلىۋېرىدىغان،ئايالىمنىڭ كۆز يورىشىغا يىقىن،بۇغداينى تېرىپ-تىكىپ بولۇپ دادام-ئاپاملار چىقىدىغان،تاماققا ئۇستا ئاپام ئاشخانىنى ماڭغۇزۇپ بىرىدىغان،دادام باشقۇرىدىغان بولۇپ كىلىشتۇق.
       مەن ئاشخانىنى يىللىق ئىجارە پۇلى 12مىڭدىن 3يىللىق  ئالدىم.توختامنى تۈزۈپ،بىر يىللىق پۇلنى  نەق بەردىم.ئاشخانا بار قورونىڭ ئىگىسى بۇرۇن تىۋىتچىلىق،تىرىچىلىق قىلىپ پۇل تاپقان،ئىچكىرىگە نىسىگە مال سىتىپ پۇلىنى ئالالماي ۋەيران بولغان سايۋاغلىق نامى بار باي ئىكەندۇق.ئوغلىنىڭ ئوقۇش پۇلىنىمۇ جەملىيەلمەي يۈرگەندە مەن كىلىپ،نەچچە ئاي قولدىن چىقماي، توپا بىسىپ كەتكەن ئاشخانىسىنى ئالغىنىمغا خۇش بولۇپ،ياندىكى ئازادە بىر ئېغىز ئۆينى يىتىپ قوپاڭلار دەپ قوشۇپ بىرىۋەتتى.دادام:ئاپاڭ ئايالىڭ تۇققاندا چىقسۇن.ئىتىزدا قوناق شۇ پىتى قالدى،ئىنىڭ يالغۇز يىتىشەلمەيدۇ.مەن ئۇستا ئاشپەز بالىدىن ئىككىنى ئىلىپ چىقىمەن دەپ،مىنىڭ:قازان بىشىدا ئاپام بولمىسا بولمايتى،دىگەنگە ئۇنىماي ئۆگىنى ئۈرۈمچىگە يىتىپ كەلدى.ئاشخانىنى كۆرۈپ: كەڭ تاشا ھەم ئەزانكەن، دىدى.لىكىن،ئاشخانىنى،ئۆينى بىر قاتار سەرەمجانلاشتۇرۇشقىمۇ پۇل كىتىدىغانلىقىنى، مىنىڭ تىرناق تاتىلاپ تۇرغىنىمنى ،يىنىدىكى بارى يوق 700كوي پۇلنىڭ يەتمەيدىغانلىقىنى بىلگەن چىغى، كەنتىمىزدىكى بايراق دوستىغا تېلفون قىلىپ ئۆزىنىڭ ئۈرۈمچىگە ساق-سالامەت كەلگەنلىكى،ئاشخانىنىڭ چوڭلىغى،پۇل لازىملىغى،تېرىقچىلىق تۈككەندە كەلسە بىرگە ئاشخانا ئىچىپ قىشنى چىقىردىغانلىقىنى ئېيتىپ ،دوستىنى ئۈرۈمچىگە تەكلىپ قىلدى.دوستىمۇ ماقۇل بولۇپ 10000كوي چىقارتىپ بەردى...دادام ئىككىمىز نەچچە كۈن بولدى ئوچاق،قازان،ئۈستەل،پەردە،كارۋات،گىلەم،ۋىۋىسكا دىگەندەك ئىشلار بىلەن ئالدىراش.كۈندىن-كۈنگە ئېغىرلىشىپ ئۆز ھالى بىلەن بولالمايۋاتقان ،ئاپاڭنىڭ يىنىغا ۋاقتىدا  كەتكىن دىسەم ئۇنىماي،ماڭا سىزىكلىكى تېخىچە يانماي ئۆز ئۆيىمىزدە تۇرۇۋاتقان ئايالىم بىزگە تاماق ئىتىپ ئالدىراش.ئاتا-ئانىسىنىڭ ئۆيى ئايدۇرۇم تەرەپتىكى نىفىت ئىدارىسىدا بولۇپ، بىرىپ-كىلىش ئەپسىزتى.سىڭلىم شەنبە-يەكشەنبىمۇ كەلمەي، ئوقۇشى شۇنداق  ئالدىراشتى.ئاشخانىنىڭ  ئوچاق بىشىنى تازلاپ،ئاقارتىپ، ئارقا تامنىڭ كەينى خالا بوپ كىتىپتىكەن ئېرىغداپ،ئىشلەپ كەتكىنىمگە قورونىڭ ئىگىسىمۇ ئىچى ئاغرىتىپ كەتتى.مانا،"مىراس" تىز تاماقخانىسى دىگەن ۋىۋىسكىمۇ قادالدى.دادامنىڭ دىگىنى بويۇنچە يۇرۇتتىن بالىلار چىقىپ،ئون نەچچە خىل تاماق چىقىرىپ تىجارەتنى باشلىۋەتتى. دەسلەپ يىڭىلىقتا سودا ياخشى بولدى.بىراق، دادامنىڭ ئۇقۇشقان بۇ سەي قورىيدىغىنى ساپلىقمۇ تۇتۇپ باقمىغان،گاڭپەنمۇ دۈملەپ باقمىغان  بالا بولۇپ ئەمدى ئۈگىنىۋاتاتتى.يەنە بىرى كەسكەن چۆپ،يوتازا،نارىنگە ئۇستا بولسىمۇ،خۇشلىغى تۇتقان كۈنى  تامىقى ئوخشىسا،خاپىسى كەلگەن كۈنىسى تامىقى ئوخشىماي،بىر خىل ئەمەستى.قازان-چۈمۈش،چىنە-تەخسە يۇيىدىغىنى تولىمۇ ئاق كۆڭۈل بالا ئىدى.داداممۇ تىجەشلىك قىلىمەن دەپ بىر كۈنى  قېرى قوينىڭ گۆشىنى ئالسا،يەنە بىر كۈنى ئۆچىكىنىڭ گۆشىنى  ئىلىپ،رابىيە مۇھەممەت باشلىق ئون نەچچە دائىم تاماق يەۋاتقان ناخشىچىلارنىڭ گىلىنى ئاغرىتىپ،ئۈنى پۈتۈپ دەسسىمەس قىلىۋەتتى.كۈندە ئەتتىگەندە يوتازىمىزنى يەپ ئىشقا ماڭىدىغان،پاكىزلىغىمىزدىن،مىراس نامىدىن سۆيۈنگەن قۇربان مامۇت ئاكا باشلىق نەچچە خىرىدارنىمۇ ئوچاقتىن تولا ئىس يىنىپ،تاماق ۋاقتىدا چىقماي قاچۇرىۋەتتۇق.ئاشپەز بالىلارغا خاپا بولساق ئىشنى تېخمۇ بۇزاتتى.خاپا بولمىساق كۈنلىكى پالان پۇل زىيان بولاۋاتاتتى.ئاپام چىقىپ ئۈچ كۈن قارىشىپ ئىش خىلى ئىزىغا چۈشىۋىدى،نىمە بولدىكىن بىر كۈنى ئىشتىن كەلسەم:داداڭ پۇل يىغىپ،مەن بۇس يەپ تاماق ئىتىپ مالايلىق قىلغىلى كەلدىممۇ  دەپ ،خاپا بولۇپ ئۆيگە كىتىپ ئىككىنچى ئاشخانىغا كەلگىنى ئۇنىمىدى.ئاشخانا ھىچ ماڭمىدى.بىر قىتىم چۈشلىكى ئىشتىن كەلسەم دادام قايناپلا كەتتى:بالاڭنى...(يۇرتىمىز پەدىسىدە ئاغزىنى بۇزۇپ تىىللاۋاتقىنى) ،ئەتىگەننىڭياغى ساناپ باقسام ئىشىڭ ئالدىدىن 1258 ئادەم ئۆتتى،تۆت ئادەم تاماق يىگىلى كىردى.تېخى ئىككىسى چۇش تۇرسا سۇيۇقئاش ئىچتى...ئىش قاملاشمىدى- بالام.ئالدىراپ كىتىپسەن.شۇ پۇلغا دۆڭ كۆرۈكتە كىيىم-كىچەك ساتىدىغان دۇككان ئاچساقمۇ،ھەي...
       ئايالىمنىڭ ئاتا-ئانىسى كىلىپ،ئاتا-ئانام بىلەن كۆرۈشۈپ،ئاشخانىگە كىلىپ مۇبارەكلەپ قىزىنى ئاي-كۈنى توشۇپ قالدى دەپ بىرگە ئىلىپ كىتىشتى...دادام كەشتە ئۆيگە قايتىپ كىلىدۇ.مەن ئاشپەز بالىلار بىلەن ئاشخانىدا ياتىمەن. بۇ بالىلار بەش ۋاخ نامازخان بالىلار بولۇپ،ھەر كۈنى تاڭغا يىقىن ئۇخلاپ قالاي دىگىنىمدە،ئەتىگەندە ئورنىدىن تۇرۇشۇپ،تاراقشىپ ئۇيقامنى بۇزۇپ جىگدىلىك مەسچىتكە باراتتى.
       بىر كۈنى ئاشخانىنى تاقاپ ئەمدى ياتاي دەپ تۇرساق چاقۇرغامغا ئۈچۈر كەلدى. قارىسام ئايالىم مىنى ئۇدۇل دوسلۇقتىكى ھەربى دوختۇرخانىگە بىرىشىمنى،دوختۇرخانىغا
بايا كىلىپ ئورۇنلىشىۋالغىنىنى يىزىپتۇ.ئۆيگە تىلفون قىلىپ دادامغا: ئەتە ئاشخانىغا لازىمەتلىك سەي،گۆشلەرنى ئۆزىنىڭ ئەككىلىپ بىرىشىنى، مىنىڭ دوختۇرخانىگە
كەتكەنلىكىمنى ئېيتىپ قويۇپ دوختۇرخانىگە چاپتىم...ئايالىم ساق-سالامەت،پاخلاندەك ئوغۇلدىن بىرنى تۇغدى.دادام ئوغلۇمغا مىنىڭ بىر يىلنىڭياغى يادلاپ يۈرگەن "ئوغۇل بولسا يەسەر ،قىز بولسا يەسىرە" قويىمەن دىگەن ئىسىمنى تىلىم كەلمىدى دەپمۇ،ياكى ئايالىمنىڭ چوڭ دادىسىنىڭ كۆڭلىنى ئاياپمۇ بىلمىدىم بوۋاي تاپقان ئىسىمنى مۇۋاپىق كۆردى.مەن كۈندۇزى ئاشخانىدا، كەچلىكى دوختۇرخانىدا...ھەپتىدىن كىيىن دوختۇرخانىدىن چىقىپ كەتتۇق.ئايالىم "دوختۇرخانىدا يىتىپ قالسام "دەپ پۇل يىغىپتىكەن، ھىچكىمگە ساغارماي ھىساباتنى ئۈزىۋەتتىم...دوختۇرخانىدىن چىقىپ نەچچە كۈن بولماستىن ئاپامنىڭ ئاتۇش پەدىسىدىكى ئادىمەتچىكى  تۇتۇپ كىتىپ،ھاي  دىگەنگە ئۇنىماي 2000كويدەك خەجلەپ ئارتۇقچە ھەشەم بىلەن يوقلاققا چىقتۇق.مەن ئايالىم بىلەن بالامنىڭ يىنىدا ئولتۇرۇپ بىر چۈش بولغاندا،دادام-ئاپامنى قويۇپ يىنىپ كىردىم. 60كۇۋادىرات مىتىرلىق ئۆيدە دادامنى قىسىلىپ قالارمىكىن،كىرىپ كىتەرمىز دەپ شۇنچە  كۆزىگە قارىسام" مىت "قىلماي ئاپام بىلەن قىلىپ قالدى.مەن يالغۇز يىنىپ كىردىم.كەچ بولغاندا ئاشخانىدا ئولتۇرسام دادام-ئاپام ئىككىسى كىرىپ كىلىۋاتىدۇ.يۈرۈگۈم ئېغىپ كەتتى.قارىسام دادامنىڭ قاپىغى چۈشۈپ ،ئاپامنىڭ ئۇنى ئۆچۈپ كىتىپتۇ.نىمە بولدى دىسەم،ھىچ نىمە دەيدۇ.يىنىپ كىرىپسىلەرغۇ،نەچچە كۈن تۇغۇت باقماقچى ئىدىلىغۇ ئاپا،دىسەم:قارىسام ئۆي تارچىلىقكەن بالام،بىنا ئۆيدە باشقا ئىشمۇ يوق ئەپلىككەن،سىنى ئۆزىنىڭ ئۆيىگە بىرىپ ئارام ئالسۇن،بىز ئاشخانىگە قارايلى دەپ يىنىپ كىردۇق...،دەيدۇ.مەنمۇ "ھە" دىدىم.بىراق دادامنىڭ "تاماق بارما ئۇكام ھوي "دەپ،قازان بىشىنى يۇغۇشتۇرىۋاتقان بالىلارغا قىلغان گىپى بىلەن بىر ئىش بولغانلىقىغا جەزىم قىلدىم.-زادى نىمە ئىش بولدى- دادا؟،قونماقچى ئىدىڭلىغۇ -دادا؟تاماق ئىتىپ بەرمىدىمۇ -دادا؟...ئاپام ھەدەپ دادامغا كۆز قىسىپ قويۇپ، ماڭا:ۋاي ھىچ ئىش يوق بالام،تاماق يىدۇق بالام.يول ئۇزاقكەن داداڭنىڭ قورسىغى ئاشقان ئوخشايدۇ....،دەپ مىنى بەزلىۋىدى دادام قايناپلا كەتتى.-قاپىغىنى تۇرۇپلا تۇرىدىكەن ھوي ئۇ قېينى ئاناڭ.شۇ سەن بار چاغدا يىگەن بىر قوشۇق ئاش بىلەن ئوتتادۇق.قارىسام قېينى ئاتاڭ ئا ئۆيدە يانپاشلاپ ئۇخلاتىدۇ.قېينى ئاناڭ ئايالىڭنىڭ يىنىدا تۇرىدۇ.ئاپاڭ ئىككىمىز بىر-بىرىمىزگە قاراپ كۈن كەچ بولدى.قايتىنى دىسەك،-بۇ كەشتە يول يىراق تۇرسا نەگە بارىسىلەر دىمەي،"قايتىشاملا"دەپ ئۈزۈتۈپ قويىدى.يىنىپ كىردۇق شۇ...ئاپام بىردە مىنىڭ ئۆڭۈپ كىتىۋاتقان رەڭگىمگە،بىردە ئاشخانىنى بىشىغا كىيىۋاتقان دادامغا قاراپ نىمە قىلارىنى بىلەلمەي،-دوختۇرخانىدا بالا بىقىپ ھېرىپ قاپتۇ ،بالاڭنىڭ كىچىسى بىلەن كۈندۇزلۇك ئۇيقۇسى ئالمىشىپ قاپتۇ،ھىلىمۇ ئايالىڭ جانلىقكەن، دىك-دىك مىڭىپ يۈرۈيدۇ.بىزنىڭ يۇرۇتتا 40كۈنگىچە يوتقاندىن چىقمايتۇق.ئۆيمۇ تارچىلىق ئىكەن يىنىپ كىردۇق-بالام،ئۇلار تۇزخەقكەن نېرى-بىرىنى ئويلىمىدى-بالام،ئۈرۈمچى بىلەن ئاتۇشنىڭ ئادىتى ئوخشىمايدىكەن -بالام،دەپ چاكىلدايتى...
        بىر ھەپتە بولدى ماڭىمۇ تاڭ ئاتتى،خەققىمۇ تاڭ ئاتتى.ئاشخانىدا بۇس بۇراپ يىتىپ قوپۇپ ،ساقال ئۆسۈپ،چاش قىچشىپ بىر پارچە بولىۋالدىم...ئايالىمنىڭ ئۆيىدىكەرگە قاتتىق ئاچچىغىم كىلىپ تېلفۇنمۇ ئۇرمىدىم.چاقۇرغۇ قىپتى قايتۇرمىدىم.ئاڭغىچە رامىزان كىرىپ،ئاپاڭنى ئەككىرىپ قويۇپ چىقاي دەپ،دادام ئاشخانىنى ماڭا تاشلاپ كىرىپ كەتمەكچى بولدى.ئاپامنىڭ كىرىپ كەتكۈچە بىرىپ ئايالىمنى يوقلاپ،بالامنى كۆرۈپ كەتكۇسى بولسىمۇ،بۇ يامان خوتۇننى قەتئى قويۇپ بىرىدىغانلىغىمنى دەپ ئۇنىمىدىم دادام،ئاپاملارنى  يولغا سىلىپ،ئاشخانىنى بالىلارغا شىپتادا،زويدا تاماق ئىتىپ يەڭلار،ماۋۇ 2ئايلىق مۇئاشىڭلار.بۇ ئايدا تاپقان پۇلۇڭلار ئۆزەڭلارنىڭ...دەپ ئۆيۈمگە كۆچۈپ كەلدىم...خەق ئۆزىدىن ئىشىنىپ "11-سىنتەبىر" ۋەقەسى بىلەن قايناۋاتقان بىلەن ،مەن ئۆزەمدىن ئىشىنالمايۋاتقان...شۇنداق قىلىپ مەنمۇ ئايالىمنى يۇرتۇمىزدىكىلەرنىڭ ئادىتى بويۇنچە تۇغۇتىدا ئىزدىمەي تاشلاپلا ۋەتتىم....
        دادام-ئاپامنى يولغا سالغاندا ئاپامنىڭ بىكەتتىلا كۆڭلى بۇزۇلۇپ كۆزىدىن ياش قۇرىمىغان ئىدى.”بىز ساڭا بەك ئۇۋال قىلدۇق " دەيتى.ئۇككۇللىرىمنىڭ دىيىشىچە ئاپام "ئاكاڭنى بەك تەڭلىكتە قويدۇق،ئورۇقلاپ كۆزلىرى ئولتۇرىشىپ،يۈزلىرى قورۇلۇپ كەتتى ژۈركۈم بالامنىڭ،ھەقاسىمىزنىڭ دەردىنى تاتتى يا تاتتى"دەپ رامىزانچە يىغلاپ
چىقىپتۇ.ئەمەلىيەتتە مەن ئۇلاردىن ئاغرىنىپ باقمىغان ئىدىم.دادامنىڭ بولسۇن،ئاپامنىڭ بولسۇن،ئىنىمنىڭ بولسۇن،سىڭلىمنىڭ بولسۇن "توغرا "دەپ ئويلايتىم.ئاغرىنىشقا كەلسە ئاۋال ئۆزەمدىن ئاغرىناتتىم."ئالدىراپ توي قىلىپتىمەن،يۇرۇتنىڭ قىزلىرىنى ئالماپتىمەن..."دىگەندەك.ئايالىمدىنمۇ ئاغرىناتتىم ،"يۈزۈمنى قىلمىدىڭ،مىنى چۈشەنمىدىڭ "دىگەندەك...بۇ بىر ئاي ئاشخانىغىمۇ دەسسەپ باقمىدىم.داداممۇ "ئۆتكۈزىۋەتسۇن،سىتىۋەتسۇن ،پۇلىنى ياندۇرىۋالسۇن"دەپ گەپ ئېيتىپ بىرىپتۇ. مەن ئاشخانىگە بىرىپ ئۆي ئىگىسىنى ئىزلەپ ئاشخانىنى  ئاچمايدىغانلىقىمنى،ئۈچ ئايدىلا 24مىڭدەك زىيان بولغانلىقىنى،9ئاينىڭ ئىجارە پۇلىنى قايتۇرۇپ بەرسە ئالىدىغان،بەرمىسە مەيلى ئىكەنلىكىنى ئىيتىپ،بالىلارغا نەرسە-كىرەكنى بۆلىۋىلىڭلار دەپ رازىلىغىنى ئىلىپ،شاخمىتىم بىلەن ھەر بىر تاماق ئۈستىلىگە قويۇپ قويغان گىزىت-ژورناللىرىمنى يىغۇشتۇرۇپ قايتىپ كەلدىم...
         بىز تۇرىۋاتقان قورودا بىز تۈنجى  كۆچۈپ كىرگەنلەر  بولۇپ، قورو ئالدىدا قاتناشمۇ يوق،قورونىڭ دەرۋازىسىمۇ يوق،دۇككانمۇ يوق،ئۆي سىلىۋاتقانلاردىن بۆلەك ئادەممۇ يوقتى.ھەش-پەش دىگۈچە ئىككى يىل بوپتۇ.بۈگۈن دىققەت قىلسام ھەممە ئۆزگۈرۈپتۇ،نۇرغۇن ئۆيلەرنىڭ چىرىغى يورۇق تۇرىدۇ.قورودىكى پىيادىلەر يوللىرىغا سىمۇنت ياتقۇزىلىپتۇ...6-قەۋەت ئەجەپ جىمجىت،ئەجەپ سۆرۈن دىسە.ئاسمانغا قارىمىغانغىمۇ ئۇزاق بوپتىكەن.تېلىۋۇزور كۆرۇشكىمۇ رايىم يوق.تاماق شىرەسىدىكى قايسى كۈنى نوغاي مەسچىتى ئالدىدا ھەممىسى تالىشىپ ئالسا،مەنمۇ بىرىپ  سىتىۋالغان ھەدىس-شەرىفتىن ئۈنچى-مارجانلار دىگەن كىتاپنى ۋاراقلاپ باقتىم.بۇ كىتاپ خەلق نەشرياتى تەرىپىدىن بىسىپ تارقىتىلغان "قانۇنلۇق"كىتاپ ئىدى.بۇ كىتاپنى ھەپتىدىلا ئوقۇپ بولدۇم.ئەمدى تۇرۇپلا قۇرئاننى ئوقۇپ باققۇم كىلىپ قالغانتى...
        بۇ كۈنلەردە ئىشخانىدىمۇ جىمغور بولۇپ كەتكەن ئىدىم.بۇرۇنقىدەڭ "ھوي-ھوي"لايدىغان،ۋاقىراپ سەنلەيدىغان،چۇچۇ دەپ ئىتتىرىدىغان چاغلىرىممۇ تۈگىگەنتى.ياسىفۇ ئاتىلىپ  كۆمپىيۇتېر سەپلەپ بىرىلگەن بىلمەيدىغانلارغا ئاددى مەشخۇلاتلارنى ئۈگۈتۈپ قوياتتىم.پات-پات دەرىزە يىنىغا كىلىپ نوغاي مەسچىتى تەرەپكە ئۇزاقتىن-ئۇزاق قاراپ،قۇرئاندىكى گۈزەل بايانلارنى تەپەككۇر قىلاتتىم.ئىچىم پۇشسا پەسكە-بىرىنجى قەۋەتتىكى تورخانىدا تورغا چىقاتتىم. چۈشلۈكى 2-قەۋەت بوستان رېستۇرانىدا ئىدارىمىزدىكى  قىز-ئوغۇل بولۇپ بىرگە تاماق يەيتۇق...بېيجىڭ رادىئو-تېلىۋۇزىيە ئونۋېرستىتىنى پۈتتۈرۈپ  سىم تارتىش يول خەرىتىسىنى سىزىدىغان بۆلۈمدە ئىشلەيدىغان،قاپىغى سەت،مۆڭ،لىكىن مىھرى ئىسسىق يىڭىدىن كەلگەن يۇرۇتدىشىم بىلەن نەچچە كۈندىلا ئاكا-ئۇكىدەك،كونا ئاداشتەك بولۇپ قالغان ئىدۇق.ئۇنىڭ دوستلىرى،ساۋاقداشلىرى بىلەنمۇ يىقىن بولۇپ كەتتۇق...ئاستىن ئاتۇشلۇق راستىنلا سودىغا يامان ئىكەن.ئۇ ئىشقا چىقىپ يېرىم يىل بولا بولمايلا بىر ئىش قىلساق بولىتى دەپ ماڭا ئۆت ياققىلى تۇردى.شۇنىڭ بىلەن تورخانا ئاچماقنى قارار قىلىپ،مەن رەسمىيەت ئىشلىرىنى پۈتتۈرىدىغان،بۇ ئىنىم بىلەن ئىككى دوستى قانچىلىك بولسا شۇنچىلىك پۇل چىقىرىدىغان بولۇپ،ئىدارىمىزنىڭ بىرىنجى قەۋىتىنى تالىشىپ ئىلىپ "سالام دۇنيا تورخانىسىنى "ئاچقانتۇق.بىز دەسلەپ رەسمىيەتكە يول ماڭغىلى باشلىغاندا ئۈرۈمچى بويۇنچە 10غا بارمايدىغان تورخانا،بىز رەسمىيەتنى پۈتتۈرۇپ ئالدى-كەينى 2ئاي ئىچىدە 100دىن ئارتۇق بوپ كىتىپتۇ...تورخانىنىڭ تىجارىتى ياخشى بولۇپ، ئىتىپاق يولى بىكىتى مۇقام بىناسىدىن چوڭراق دۇككانغا كۆچۈپ بىرىپ،مىجىت قەلەم مەخسۇس سىتىش دۇككىنى بىلەن خۇشنا بوپ قالدۇق.ئانچە-مۇنچە بۇ خۇشنىمىز بىلەن مۇڭدىشىپ قوياتتۇق.ئۇ كىشى پاتىنت ھوقۇقىنى ئالالىغان بىلەن بازارغا ئىگە بولالماي،يا پۇلى بارلار بىلەن "شىرىك ئىشقا خوشام يوق"نى ئېيتىپ شىركلەشمەي دىگەندەك  باش ئاغرىقىدا ئىكەن...
تورخانىنىڭ تىجارىتى ئوبدان بولدى دىگەن  بىلەن،ھەر خىل ئادەملەر تورخانىغا كىلىپ جىدەل قىلىپ،ئوغۇرلۇق قىلىپ،ساقچىخانىدىن تولا چاقىرتىپ،قانۇنى ۋەكىل بولۇپ قالغىنىمغا تويغۇزىۋەتتى.كىيىن يەنە چوڭراق يەرگە-ھازىرقى ئورنىغا كۆچتۇق.پۇتۇن دۇنيا ئىختىسادى شىرىكلىك،ھەمكارلىق بىلەن راۋاجلانغان بىلەن،دىيارىمىزدا ھەممە سودىگەر "شىرىك ئىشنىڭ زۇۋانىغا...."دەپ ۋايسايدۇ.بىزمۇ ئاۋال خىزمەتدىشىمنىڭ ئىككى دوستى بىلەن"شىرىكمىز"دىگەن ئەھدىمىزنى بۇزدۇق.بىرى يۇرۇتقا بىرىپ ئوبدانلا خىزمەتكە ئورۇنلاشتى.يەنە بىرىنىڭ بازارنى كۈزۈتۈش ئىقتىدارى ئۆزگىچە بولۇپ،قىسقىغىنا نەچچە يىلدا مىلىيۇنلۇق شىركەتنىڭ خوجايىنى بولۇپ 10دەك ئادەمگە مۇئاش بىرىۋاتىدۇ.بۇ بۇرادەرنىڭ كۆزۈمگە تىكىلىپ تۇرۇپ"مەن ساڭا ئۆچ"دىگىنىنى ئويلىسام،"ئەمدى خۇش بولغانسەن"دەپ سوراپ باققۇم كىلىدۇ.ئاخرىدا ئۆزەممۇ "ساقچىخانىنىڭ ئىزدىشىدىن،تۈگۈمىگەن بىخەتەرلىك كۈرۈسلىدىن زىرىكتىم.مىنى خاتىرجەم قىل"دەپ تولا دەپ،قانۇنى ۋەكىل دىگەن يوغان قالپاقنى ئۆتكۈزۈپ بىرىپ بىشىمنى ساقايتقانتىم..
    ئۇ چاغلاردا  مىنى بەكرەك قىينايدىغىنى بالامنى سىغىنىش.ئوغلۇمنى كۆرمىگىلى ئۈچ ئاي بولاي دىگەنتى. دادام-ئاپاملار كەتكەندىن كىيىن، قېينى ئاتام،قېينى ئاپاملارغا"دادام،ئاپاملارنى ياخشى كۈتمىدىڭلار،ئانداقچى،مانداقچى..."دەپ بىر پارچە خەتنى يىزىپ،ئۆيىگە بىرىپ،بالامنى كۆرۈپ،يىغلاپ تۇرۇپ پىشانىسىگە بىرنى سۆيۈپ،ئايالىمغا" ئەمدى سىنى قويۇپ بىرىمەن "دەپ "ۋاي نىمە ئىش بولدى،توختاڭ!"دىگەنگە ئۈنىماي، ئاتا-ئانىسىغا يازغان خەتنى قۇچىغىغا ئىتىپ يىنىپ كىرگەن پىتى بارمىغانتىم.ئاشخانا ئىجارىسىدىن قايسى كۈنى 6000كوي ياندۈرۈپ بەرگەنتى.قويمىچى دەپ نامى چىققان بۇ ۋەيرانە باي جىنىدا،مىنىڭ ئاشخانا ئىچىپ تارتقان جاپالىرىمغا ئىچى ئاغرىپ كىتىپتىمىش.مەنغۇ قايتۇرۇپ بەرمىسىمۇ يامانلىمايتىم.ئوغۇل بالىنىڭ لەۋزى ھالال-دە.دادامغا 8000قايتۇردى دەپ قويۇپ،2000نى ياندىن قىتىپ سىلىپ بەردىم.
يالاڭ ئاياق سۇدىن قوقماپتۇ دىگەندەك ،مەن قەرزدىن قوقماس بولۇپ كەتكەنتىم.ئۇنىڭ ئۈسىتىگە مۇئاش كارتامنى ئايالىم قايتۇرۇپ بەرگەن بولۇپ،مۇئاشمۇ ئوبدان ئىدى. ئىدارىمىز بارغانچە كۆلەملىشىپ،كەسىپلىشىپ زورىيىپ،يىڭىدىن،سىملىق ئورنىتىش قۇرۇلۇش بۆلىمى قۇرۇلۇپ،مىنى ئۇ بۆلۈمگە يۆتكەپ،كومپىيۇتېردىن بىرنى سەپلەپ خىزمەتكە مەھكەم باغلىۋالدى.مەن ھازىر،بۇرۇنقىدەك مالىيە بۆلىمىدە ئىشلەيمەنەي،ئۇنى قىلىمەن،بۇنى قىلمايمەنەي...دەپ باشلىقلار بىلەن زاكۇنلاشماي،نىمە قىل دىسە شۇنى قىلىپ،نەدە تۇر دىسە شۇ يەردە تۇرۇپ ،گاچا بولىۋىلىپ، زۇۋانداش ئىشداشلىرىمدىن ئۈگەنگەن ئىدىم.لىكىن ئۇلاردەك جاپا تارتىپ ئاچىق يۈتۈشنى ھەرگىز خالىمايتىم.ئالدىنقى قىتىم بۇرۇنقى بۆلۈمدىكى باشلىغىم مەس بوپ قىلىپ بوينۇمغا ئىسىلىپ تۇرۇپ:ياكې،سەندە ھازىر ئۆزگۈرۈش زور،ئىلگىرلەش چوڭ،كۆڭلۈڭ ياخشى.تېخىمۇ كەمتەر بولساڭ،خىزمەتتە ئەستائىدىل بولساڭ،پوزۇتسىيەڭنى ياخشىلىساڭ ئىستىقبالىڭ پارلاق بولىدۇ،دىگەنتى.ئۇ چاغلاردا  "ئىددىيەڭنى توغرۇلا "دىگەن گەپلەر ئاز بولىدىغان.قايسى كۈنى ھېلىقى بىرىنجى قول باشلىق كىتىپ، ئورنىغا كەلگەن يىڭى باشلىقمۇ  مىنى چاقارتىپ مۇشۇ يىڭى  بۆلۈمگە كىلىپ ياخشى ئىشلە...دەپ چىرايلىق گەپنى قىلغانتى.مەن ئەمدى غىت قىسىپ ئىشلەۋاتقان،ھەم بۇنىڭدىن بۆلەك مەن قىلغۇدەك  بىرەر ئىش-ئوقىتىممۇ يوق ئىدى...
       بالام تۇغۇلۇپ تۆت ئاي بولاي دىگەندە دادام ئۈرۈمچىگە چىقىپ كەلدى.بۇ قىتىم دادام ئاشخانىدىكى 1500كويغا تالىشىپ سىتىۋالغان ئىككى  تۆمۈر كارۋاتنى ئەككرىپ كەتكىنى،ئاجرىشىپ قالساق ئۆينى سىتىپ  يېرىم پۈلىنى ئالغىنى،بولسا مىنىڭ خىزمىتىمنى يۆتكەپ ئاتۇشقا ئەككىرىپ كەتكىلى كەلگەن ئىدى.ھەر ھەپتىسى دىگۈدەك  ئۆيىمىزدە دادام دوڭ كۆرۈكتە ئۇچراپ قىلىپ باشلاپ كەلگەن مىھمانلار ئۈزۈلمەيتى.ئۇلارغا مەن گۆشلا سىلىپ بىرەتتىم.ئۇنىڭدىن باشقا تاماقنى ئىتىشنىمۇ بىلمەيىتىم.ئۇلار دادامنىڭ ئۇزۇندىن-ئۇزۇنغا قاخشاشلىرىنى ئاڭلاپ ،دادامنىلا ئەيىپلەيتى،-ياشلارنىڭ ئۆيىنى بۇزما،ئىشىغا ئارلاشما،دەيتى...دادام بەرىبىر تىرە تاراقشىتقان بىلەن يەنىلا بالىلارنىڭ كۆڭلىنى ئىزلەپ،خۇلۇم -خۇشنىلار بىلەن بىرگە بىرىپ ئايالىمنى  چىرايلىق يۆتكەپ قويۇپ قايتىپ كەتتى...
       ئىدارىمىز يەنە كۆچمەك بولۇپ،نەرسە-كىرەكلىرىمنى يىغۇشتۇرىۋاتقان بىر كۈنى ،ئۇدۇلۇمدىكى نوغاي مەسچىتىدىن چىققان ئەزان ئاۋازى يۈرۈكۈمنى ئىرىتىۋەتتى. ئەزاننىڭ مەنىسىنى بىلىۋالغان ئىدىم.راست،بۈگۈن جۈمە ئەمەسمۇ.ئالدىراپ چالا-پۇلا تاھارەت ئىلىپ مەسچىتكە كىردىم.ئۇ چاغلاردىمۇ ھەممە يەردە تولاراق"قانداق تاھارەت ئىلىش،قانداق ناماز ئوقۇش" توغرۇسىدا ئۇزۇن ۋەز ئېيتاتتى.باشتا بىلمەي نامازغا كىرگەنلەرنىڭ ھەممىسى ماڭا ئوخشاش يىڭىياچى،تاھارەت ئىلىشنى،ناماز ئوقۇشنى بىلمەمدىغاندۇ دەپ ئويلاپتىكەنمەن.شۇنداق قىلىپ،مەن كىيىنچە ئەتراپتىكى ئىشلارنى باشقا بىر ئۆلچەمدە باھالايدىغان بولۇپ قالدىم. بۇ ئۆلچەم مىنىڭ نەپسىمنىمۇ باغلىۋالغان بولۇپ،كۆڭلۈم ھازىر كۆزۈم چۈشكەنلىكى يەرگە يۈگۈرمەيتى.يولدىكى پوققىمۇ قاراپ سالىدىغان بۇ كۆزۈم،ئالدىراپ باشقىلارنىڭ مەيدىسىگە،يوتىسىغا،كاسسىغا بۇرۇنقىدەك بىزىرىپ قادىلىپ تۇرىۋىلىپ،"ئوت"يىقىپ ئازدۇرۇشقا،ئىپپىتىگە چىقىلىپ دەپسەندە قىلىشقا،زىنا قىلىپ ۋەھىمە پەيدا قىلىشقا ھەرگىز يول قويمايتى.بۇ ئۆلچەمنى مەن ئەتراپىمدىكى "مۇسۇلمان مەن"دىگەنلەرگە قاراپ تەسىرلىنىپ ھىس قىلغان ئەمەسمەن.ياكى دادام ماڭا شۇنداق ئۈگەتكەنمۇ ئەمەس.پەقەت مۇقەددەس كىتاپلىرىمىزنى ئوقۇپ بىلگەن،چۈشەنگەن،ئەمەل قىلىشقا تىرىشىۋاتقان ئىدىم.مەن كۈندە بەش قىتىم تاھارەت ئىلىپ،ھەپتىدە بىر غۇسلى قىلىپ تىنىمنى  پاكلىيالىغان بىلەن،دىلىمدىكى ھەسەتخورلۇق،غەيۋەتخورلۇق،يالغانچىلىق،سۈخەنچىلىك،مەنمەنلىك،ئىسراپخورلۇق،شۆھرەتپەرەسلىك،ۋەدىگە ۋاپا قىلماسلىق،ئامانەتكە خىيانەت قىلىش،قوپال،ئەپۇ قىلىشنى بىلمەسلىك،ھورۇن،باغرى قاتتىق،ئالدىراڭغۇ،ئۈممۈتسىز،ئۇششۇق،پىخسىق،ھاياسىز،شەپقەتسىز،كۆيەمسىز،كۆزبويامچى،شەھۋەتپەرەس،پارىخور،يۇرۇتۋاز،مىللەتچى...دىگەندەك ئالەمدە بار جىمى ئەخلاقسىزلىقلار ھامان ئۆي-خىياللىرىم،گەپ-سۆزلۈرۈم،ئىش-ھەركىتىمدە  زەھەر بولۇپ تەپچىيتى."كۆڭلۈم ياخشى بولسا بولدى" دەپ ئۆزىنى مەيلىگە قويۇپ بىرىۋاتقانلارغا"ياغلىق قاپاقتىن ياغ تەپچىيدۇ،تۇزلۇق قاپاقتىن تۇز تەپچىيدۇ،كۆڭلۈڭدە نىمە بولسا قىلمىشىڭ شۇ بولىدۇ"دىگۇم كىلەتتى.سىزىپ تۇرىۋاتىمەنكى، دىلىم ئاستا-ئاستا ئاقىرىۋاتاتتى.يىنىمغا تاماكا سالماي تاماكا تاشلىۋالغىنىمدەك،ئەل-ئاغىنىلەر تەڭلىسە "مىنى ھاراققا زورلىماڭلار،بولمىسا سورۇندىن چىقىپ كىتىمەن" دەپ پوپوزا قىلىپ ،ئۇلارنىڭ"لاتا،خوتۈن كىشى"دىگەن تەنىللىرىگە پەرۋا قىلماي ھاراق ئىچمەي تۇرىۋالغان بىلەن،ئىشداشلارنىڭ،بولۇپمۇ باشلىقلارنىڭ كۆڭلىنى دەپ ئىچىۋاتقان ھاراقنىمۇ بىر كۈنى سورۇندا"ئەمدى ھاراق ئىچمەيمەن،مۇسۇلمان ھاراق ئىچسە بولمايدىكەن"دەپ چۈشەندۈرۈشۈم بىلەنلا،ھەممىسى "مۇسۇلمان "ئىشداشلىرىمدىن ئوبدانراق توغرا   دىيىشىپ  قوبۇل قىلىشتى.مۇسۇلماننىڭ ھاراق ئىچمەيدىغانلىقى،ناماز ئوقۇيدىغانلىقى،روزا تۇتىدىغانلىقى،قوي سويىدىغانلىقى توغرىسىدا ئاڭلىغان،كۆرگەنلىرىنى دىيىشىپ، قۇربان ھېيتتا ئۆيۇمگە بىرىپ گۆش يىيىشكە ئالدىراشتى.ئۇلار:سىنىڭ مۇسۇلماندارچىلغىڭ ئىتىپاغلىققا،خىزمەتكە،مۇئاشقا تاقاشتى،دىمىگەنتى.مەن ئۆزەمچە مۇسۇلمان بولغاندىن بۇيان ،ئاتا-ئانامغا تېخىمۇ ۋاپادار ئوغۇل،ئىنى-سىڭىللىرىمغا تېخىمۇ مىھرىبان قېرىنداش،دوس-يارەنلەرگە تېخىمۇ مۇلايىم،خۇلۇم-خۇشنىللىرىمغا تېخىمۇ ياخشى خۇشنا،ئىشداشلرىمغا تېخىمۇ ياخشى يولداش....بولۈپ كىتاۋاتاتتىم.خوتۇنۇمغا ئىچىم ئاغرىپ، كىچىچە يىغلاڭغۇ ئوغلۇمنى ئەللەيلەپ،ئۇسسۇزلىقىنى تەڭشەپ،زاكىسنى يۆتكەپ،قاچا يۇيۇپ،ئۆي تازلاپ،سەي ئاقلاپ،بالا باققۇچىغا ئىشەنمەي بالىغا تاماق يىگۈزۈپ،"سايىماخون "بوپ كىتىۋاتاتتىم.ئايالىمنىڭ ھىلى ئىشتىن چۈشۈپ،ھىلى كىر يۇيىشى،ھىلى تاماق ئىتىشى...تۈگۈمىگەن ئۆي ئىشىنى كۆرۈپ،ئاپامنىڭ 7بالىنى باققان جاپاسىنى ئەمدى ھىس قىلغان،قىز بالىنىڭ ھەقىقەتەن ئاجىز بەندە ئىكەنلىكىنى ئەمدى تونۇپ يەتكەن ئىدىم."ئۆي ئىشىنى خوتۇن كىشى قىلمامدۇ- ۋاي"دەيدىغان "ئەركەك تۈكى بارلارغا"،-نوچى بولساڭ ئايالىڭنى خىزمەتتىن بوشىتىۋىلىپ،يوقنى مەن تاپىمەن، سەن بالامنى باق،كىرىمنى يۇي،تامىغىمنى ئەت دەپ باقە!، دىگۈم كىلىتى...قىسقىسى مەن ئۆزەمنى "ئۆلچەمگە"سىلىپ كۈندىن-كۈنىگە ئۆزگۈرۋاتاتتىم.مەن ئەمدى "خۇلاسە چىقىرىش"تەك ئىشنىڭ ئىپىنى تىپىۋالغان بولۇپ،ئۆتمۇشۇمدىكى تەجىربە-ساۋاقلارنى ئەخلاقسىزلىققا خۇلاسىلاپ ،ھازىرىمدىكى ئىشلارنى"ئۈگۈنۈش،خىزمەت،چىنىقىش،پەرزەنت تەربىيلەش،ياخشىلىققا بۇيرۇش،سەۋرى-تاقەت قىلىش"لارغا خۇلاسىلاپ،كەلگۈسىمدىكى ئىشلارنى "تەقدىر-قىسمەت"كە خۇلاسىلاپ،نۇرغۇن كونا-يىڭى ئۇقۇملارنىڭ توغرىسىنى قوبۇل قىلىپ،خاتاسىنى تاشلاپ،ئادەملەرنى "ياخشى ئادەم ۋە يامان ئادەم”گە ئايرىۋالغانتىم.ئىلىمنى "بىلىم ۋە ئەقىل"نىڭ بىرلىشىشى دەپ بىلىۋالدىم.تەرەققىياتنى "ساپالىق،شەھەرلىشىش،موھىت ئاسراش،باي بولۇش"لار ماس قەدەمدە بولۇش دەپ چۈشەندىم.ھەممە "ئاشقۇن"لىقنىڭ ئىلىمسىزلىكتىن بولىدىغانلىقىنى تونۇپ يەتتىم.ئەمدىلىكتە، ئاتا-ئانام،قېرىنداشلىرىم،ئايالىم،بەزى دوست-يارەنلىرىم مەندىن ئىلھام ئالغان بولسىمۇ،نىمىشقىدۇر ئوغلۇم ھىچ تەسىرلەنمەي تۇراتتى.بالا تەربىيلەش توغرىسىدىكى  تالاي ماتىرياللارنى  كۆرۈپ ،تەدبىقلاپ باقساممۇ،بالىلارغا ئاۋال ئۈلگە بولۇپ،ئىلھام بىرىپ،ياردەم قىلىپ،"ئالىم بولمىسىمۇ،ئادەم بولسىكەن" دىگەن ئارزۇ-ئارمانلىرىممۇ بارا-بارا كۈپۈككە ئايلىنىۋاتقاندەك مىنى ئەندىشىگە سىلىپ قويغان ئىدى.ئائىلە،مەھەللە،مەكتەپ،جەمىيەت تەڭ كۆڭۈل بۆلۈپ تەربىيلەشكە تىگىشلىك بۇ پەرزەنتلىرىم،ئۆيدىن توغرا چىقىپ كىتىپ،مەكتەپتىن بىشى قېيىپ كىلىپ،مەھەللىدە ئويۇنغا تويماي،جەمىيەتتە يامانغا ئەگىشىپ بىشىمنىڭ ئىچى-تىشىنى قاتۇرىۋاتاتتى... مەنچە ئۆستەك بويىدا ئىگىز داچىمىز  بولسىمۇ،مېرسىدىس ماشىنىمىز بولسىمۇ،تېرلىيۇن پۇلۇمىز بولسىمۇ بەرىبىر،ئىتىقاتىدا مۇستەھكەم؛ئەمەللىرىدا ئىخلاسمەن'ياخشى ئىشقا بۇيرۇپ،يامان ئىشتىن توسۇيالايدىغان؛ھەقىقەت يولىدىكى جەبرى-جاپالارغا تاقەت قىلالايدىغان پەرزەنتلەرنى تەربىيەلەپ چىقالمىساق  ئەپسۇسلىنارلىق ئىشتى. ئۆتكەن كۈنلىرىگە پۇشايمان قىلماي،كەلگۈسىدىن غەم قىلماي،ھازىرقى ۋاقتىنى قەدىرلەپ، ئوڭ قولىدا  گۈزەل ئەخلاقنى،سول قولىدا ئىلىم مەرىپەتنى چىڭ تۇتۇپ، ھەقىقى بەخت ئىچىدە ياشايدىغان پەرزەنتلىرىمىزنىڭ بولۇشى ئەڭ چوڭ ئارزۇ-ئارمانتى...

ھاياتنىڭ قىممىت

4

تېما

1

دوست

3165

جۇغلانما

ئاكتىپ ئەزا

ئۆسۈش   38.83%

ئەزا ئۇچۇرى
تىزىم نۇمۇرى:  11436
يازما سانى: 151
نادىر تېمىسى: 0
مۇنبەر پۇلى: 204
تۆھپە : 847
توردىكى ۋاقتى: 306
سائەت
ئاخىرقى: 2015-2-20
يوللىغان ۋاقتى 2014-8-2 21:14:54 |ھەممە قەۋەتنى كۆرۈش
   شۇنداق ياخشى كېتىۋاتىدۇ، ئەمما زە ئەمدى قىزىۋاتقاندا ئۈزۈلۈپ قېلىۋاتىدۇ، ئۇلاپ ئۇلاپ چاپلايلى مانداق  
كىرگەندىن كېيىن ئىنكاس يازالايسىز كىرىش | دەرھال تىزىملىتىش

Powered by Discuz! X2.5(NurQut Team)

( 新ICP备06003611号-1 )