ئاپتونوم رايونلۇق دېھقانچىلىق نازارىتىدىن ياردەم سورايمىز

Pishamshan

         رەسىمدە كۆرىۋاتقىنىڭلار بۇ يىل كېسەللىك ھۇجۇمىغا قايتا ئۇچراپ رەڭگى ئۆزگەرگەن ھەم مىۋىسى يېرىلىپ كەتكەن تۇرپان كىشمىشى . تۇرپان ۋىلايىتى 1997-يىلدىن 2011-يىلغىچە تاماكا تۇزان پىتىنىڭ تەسىرىگە ئۇچراپ ئۈزۈمچىلىكتىن ئاز بولمىغان ئاۋارىچىلىققا ئۇچرىغان ، ھۆكۈمەتنىڭ ماسلاشتۇرىشى ھەمدە دېھقانلارنىڭ ئورتاق تىرىشچانلىقى ئارقىلىق بۇخىل ئاپەتتىن ئاخىرى قۇتۇلغانىدۇق،ئەمما 2013-يىلدىن باشلاپ ۋىلايەتنىڭ ، بولۇپمۇ پىچان ناھىيىسىنىڭ مەلۇم جايلىرىدا بىۋاستە ئۈزۈمنىڭ مىۋىسىگە ھۇجۇم قىلىدىغان غەلىتە كېسەللىك ئەھۋالى پەيدا بولۇپ،ھەش-پەش دىگۈچە ۋابادەك يامراپ،ئۈزۈم مىۋىسىنىڭ سۈپىتىنى ئېغىر دەرىجىدە بۇزدى ھەمدە ساپاقتا تۇرۇپلا سېسىپ كېتىشىنى كەلتۈرۈپ چىقىرىپ دېھقانلارغا غايەت زور زىيان ئېلىپ كەلدى . ناھىيىدىكى مۇناسىۋەتلىك تارماقلارمۇ بۇ خىل كېسەللىك توغرىسىدا ئېنىق چۈشەنچە بېرەلمەي قالدى ، دېھقانلار بۇ يىلمۇ كېسەللىكتىن قاراقۇيۇق ھالدا مۇداپىيەلەندى خالاس .
          بۇ يىل تۇرپان ۋىلايىتىنىڭ ئۈزۈمچىلىك ئىشلىرى ئۈششۈك ئاپىتىنىڭ تەسىرىگە بەكمۇ ئېغىر ئۇچراپ كەتتى ، ئۈششۈكنىڭ تەسىرىدىن ئامان قالغان ئاز بىرقىسىم جايلارمۇ رەسىمدە كۆرسىتىلگەندەك نامەلۇم كېسەللىكنىڭ تەھتىتىگە ئۇچراۋاتىدۇ . شۇڭا يېزا ئىگىلىك ئۇنىۋېرسىتېتى ياكى ئاپتونوم رايونلۇق دېھقانچىلىق نازارىتى مۇشۇ خىل كېسەللىكتىن ساقلىنىش ياكى ئاپەتنىڭ ئالدىنى ئېلىش توغرىسىدا تۇرپان ۋىلايىتىدىكى دېھقانلارغا ياردەم قىلساڭلار دېگەن ئۈمۈدتىمىز،شىنجاڭ تېلېۋىزىيە ئىستانسسىنىڭ مۇنبەت تۇپراق پىروگىراممىسىدا ياكى يەرلىك تېلېۋىزىيە ئىستانسسىلىرىدا بىر تۇتاش ئالدىنى ئېلىش تەدبىرلىرىنى قايتا-قايتا كۆرسەتسەكلار تېخىمۇ ياخشى بولاتتى !
ھۆرمەت بىلەن ۋىلايەتتىكى بارلىق دېھقانلاردىن
كىسەللىك ھۇجۇمىغا ئۇچىرىغان ئۈزۈم مېۋىسى

Pishamshan

كېسەللىك ھۇجۇمىغا ئۇچرىغان ئۈزۈم مىۋىسى رەسىمى

ablimitt

ئالدى بىلەن بىز ئالدىنى ئىلىش تەدبىرى تاپساق ، نەچچە يىلدىن كىيىن ئاندىن ئاپتۇنۇمدىكى بىر تەتقىقاتچى قۇپۇپ شۇ تەجىربىلەرنى يىغىپ سۆزلەپ قۇيار، سىزنىڭ رەسىمىڭىزدىكى ئۈزۈم بەك كۆپ سۇغۇرۇلۇپ كەتكەن سەل سالقىنراق جاينىڭ ئۈزىمى ئۇخشايدۇ، يېرىلىشى بولسا ماڭا تاززا ئىنىق ئەمەس، ئاساسەن يامغۇر تەسىرىدە مۇشۇنداق  كۆپ سۇغۇرۇلىدىغان يەرنىڭ ئۈزىمى يېرىلىپ كىتىدۇ . سالقىنراق يەردە ياخشىسى 15-20 ئارلىق ساقلاپ سۇغارغان ياخشى.

nur0908

ئۈزۈمنىڭ يېرىلىپ كىتىش مەسىلىسىدە  ، ئۇزۇن مەزگىل سۇغۇرماسلىق ۋەياكى سۇغۇرۇلۇش بەك كۆپ بولۇپ كېتىش سەۋەپلىكمۇ يېرىلىۋالىدىغان ئىشلار يۈز بېرىدۇ .
يىلتىزنىڭ تۇپىراقتىن سۈمۈرگەن سۇ مىقدارى بەك كۆپ بولۇپ كەتكەندە ،  سۈمۈرگەن سۇ مىۋىنىڭ ئىچكى قىسمىغا كۆپلەپ يىتىپ بېرىپ ، ھۈجەيرىلەرنىڭ بۆلۈنىشىنى تىزلەشتۈرۋىتىدۇ ، مىۋىنىڭ پوستىدىكى ھۈجەيرىلەرنىڭ ھەركىتى بىر قەدەر ئاستا بولىدۇ شۇنىڭ بىلەن ئۈزۈمنىڭ يېرىلىۋېلىشىنى كەلتۈرۈپ چىقىرىدۇ
يەنە بىرگە مىۋىنىڭ پىشىشىغا يېقىن ئۇغۇتنى بەك كۆپ بەرگەن ئەھۋالدىمۇ يېرىلىۋېلىشىنى كەلتۈرۈپ چىقىرىدۇ

nur0908

داغنىڭ ئىشىنى تۇرپان شەھەرلىك ئورمانچىلىق ئىدارىسىغا بېرىپ مەسلىھەت سورساڭلار  سىلەرگە ياخشى مەسلىھەت كۆرسۈتۈپ ، ھەل قىلىپ برىشى مۇمكىن

yuzbexi

تۇرپاننى سالقىن دىسەك ،باشقا يۇرتلارنى نىمە دىسەك بولا ئەمدى ؟

kaplan521

ئاپتۇنۇم رايۇنلۇق باغۋەنچىلىك تەتقىقات مەركىزىدىن مەسلىھەت سورىساڭلا بولغۇدەك ،بۇ ئورگان ئاپتۇنۇم رايۇنلۇق ئورمانچىلىق نازارىتىنىڭ باشقۇرشىدا .

951986172

بۇنىڭغا بىر قەغەز باركەن ئۈزۈم ساپىقىغا كەيدۈرسەڭلار  بۇزۇلماسلىقى مۇمكىن ئاتۇشتىمۇ يېقىنقى يىللاردىن بۇيان شۇنداق ئەھۋال بار ھازىر كىشىلەر ئۈزۈم ساپىقىغا شۇ خىل قەغەز كەيدۈرۈپ يېرىلىشنىڭ ئالدىنى ئېلىۋاتىدۇ