قومۇلدا ئادىرىسنىڭ قېلىپلاشماسلىق مەسەلىسى

obzorqi

yadikar0428 يوللىغان ۋاقتى  2014-8-4 15:17
دەنيۇن؟  دەنيۇەن نامى؟  بۇلارنى « كورپۇس » دەپ تەرجىمە  ...

     دەنيۇن؟  دەنيۇەن نامى؟  بۇلارنى « كورپۇس » دەپ تەرجىمە قىلىپ كەلدۇق ، لېكىن بۇ كورپۇس دېگەن سۆز باشقا تىلدىن كىرگەن .

     يەنە سىز دېگەندەك ‹1-ئىشىك›،‹2-ئىشىك›،‹3-ئىشىك› دەپ ئالساقمۇ يەنىلا دەل ، توغرا ئىپادىلەنمەيدۇ  چۈشىنىشلىك،توغرا بولمامدۇ؟

     قۇمۇلنىڭ قىز - جۇگانلىرى ئەلمىساقتىن تارتىپ ئەتتىگەن تۇرۇپ ، ئىشكايلىنى يامدايدۇ ، ئاندىن ھويلا ئاراملارنى يامدايدۇ ، ئاندىن ئارلىقنى يامداپ بولۇپ سۇ سىپىپ بولغاندىن كېيىن ، ئۆيىگە كىرىپ بالىلىرىنىڭ ئورۇن - كۆرپىلىرىنى يىغىۋەتكەندىن كېيىن كاڭنى ، ئاندىن ماڭدىنى يامداپ تازلاپ بولۇپ ، ئاندىن قوق ۋە مۇرجۇقلارنى ئەرتىدۇ .

     ئىشكايلا دېگىنىمىز  يەرلىك ئېغىز تىل بولۇپ ، ھويلا ئىشىكىنىڭ ئالدىدىكى ، شۇ ئائىلە كۈندا سۈپرۈشكە تەۋە بولغان جاينى بىلدۇرىدۇ ، ( يەنى ئىشىك ئالدى - دېگەن بولىدۇ ) .
     ھويلا - ئارام  ھەممىمىزگە چۈشىنىشلىك .
     ئارلىق  - بولسا ، ئۆيلەر بىلەن بىر قاتاردا سېلىنغان ، ھويلىدىن دەسلەپ كىرىدىغان 10 ، 20 ، ياكى 30 كۇۋادىرات مىتىر چوڭلۇقتىكى بىر ئېغىز ئۆي بولۇپ ، مۇشۇ ئارلىقتىن دالان ئۆي ، مېھمانخانە ئۆي ، ياتاق ئۆي ، قىزناق ۋە ئاشخانىلارغا كىرىدۇ .
     ماڭدا - پەگاھ .
     قوق - ئىشىك .
     مۇرجۇق - ئىشىك يان ياغىچىنىڭ ئاستى قىسمى ، ( يەنى ئاتلاپ ئۆتىدىغان قىسمى ) .
     يامداق - سۈپۈرگە .
     يامدايدۇ - سۈپۈرىدۇ .
     جۇگان ( جۇۋان )- چوكان .
     قىزناق - يۇيىنىدىغان ۋە كېرەكلىك نەرسىلەرنى قويىدىغان ، ئايرىم ، كىچىك ئۆي .
     ئەرتىدۇ - سۈرتىدۇ . ( ئەرتىش - سۈرتىپ تازىلاش ) .

     ئايدىڭلاشتۇرماقچى بولغان ئۇقۇمنىڭ ئۆزىگە كەلسەك .    ئارىلىق ___ دەنيۈەننىڭ نامىنى ھەقىقى ، تولوق ئىپادىلەپ بېرەلەيدىغان ، ساپ ئۇيغۇرچە ئاتالغۇدۇر .  شۇڭا 1 - ئارىلىق ، 2 - ئارىلىق ، 3 - ئارىلىق ... دەپ ئىشلەتسەك ئەڭ مۇۋاپىق . يەنە كېلىپ بۇ ئاتالغۇ بىنانىڭ سىرتتىكى ئىشىكىنى ئېچىپ كىرگەندىن كېيىنكى ئارىلىق جاينى ھەم ئۆينىڭ ئىشىكىنى ئېچىپ چىققاندىن كېيىنكى ئارىلىق جاينى ئۈجۈر - بۈجۈرىگىچە تولۇق ئىپادىلەپ بېرەلەيدۇ .

obzorqi

     قارىغاندا قېرىنداشلار مېنىڭ  « دەنيۈەن » ھەققىدىكى كۆزقارىشىمنى قوللىمايدىغاندەك قىلىدۇ . ئۇنداق بولسا ، يېڭى كۆزقاراشلارنى ئوتتۇرىغا قويۇپ ، بۇ نامنىڭ قېلىپلىشىشىغا ھەسسە قوشمايمىزمۇ؟

     مېنىڭ ئادرىسىم ( يەنى مىسال ئۈچۈن ) :
     مائارىپ نازارىتى ئولتۇراق رايونى ، 1 - بىنا ، 1 - ئارىلىق ، 101 - ئۆي .

     اللەقا ئامانەت .

kuyax0997

دەنيۈەن دىگەننى  رەت دىسەكچۇ ؟
مەسلەن: مىنىڭ ئۆيۈم گۈلباغ ئولتۇراق رايونى 1- بىنا 1- رەت 101 -ئۆي

tohotur

ئارىلىق دىسە ئىسمدەك تۇرمايدىكەن ، بىز كىچىك چاغلاردا بوۋاملارنىڭ ئۆيىدىكى ھەر قايسى ئۆيلەرگە كىرىدىغان 50 ،60 ۋە ياكى 70 كىۋادىرات مىتىر كىلىدىغان ئۆينى  ئارلاق دەپ ئاتايتتۇق ، گۇلباغ ئولتۇراق رايۇنى 1-بىنا 1-قوق ياكى 1-ئارلاق - 101-نومۇرلۇق ئۆي دىگەندەك

tohotur

anw8735 يوللىغان ۋاقتى  2014-8-10 14:06
ئۇيغۇر خەلقى بۇ تىمىدا دىيىلگەن گەپلەرنى تالاش-تارتىش  ...

مۇنازىرىنىڭ قازاسى يوق ئەپەندىم ، قىپباقمايمىزمۇ باكا تۇرغىچە يا بايدىن  چىقار يا سايرامدىن ،

مېنىڭچە ئادرىس قېلىپلاشماسلىق پۇتۇن ئۇيغۇر دىيارىدىكى شەھەر تۇرمۇشىدىكى ئورتاق مەسەلە بولسا كېرەك