1937 - ﻳﯩﻞ 5 - ﺋﺎﻳﻨﯩﯔ 30 - ﻛﯜﻧﻰ ﺳﻪﮬﻪﺭﺩﻩ ﻳﺎﯞﺍﻍ ﺗﯜﺭﻣﯩﺴﯩﺪﯨﻜﻰ ﺋﯜﭺ ﻳﯜﺯﺩﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﺋﻮﻗﻘﺎ ﺗﯘﺗﯘﻟﯘﭖ ﻛﯚﻳﺪﯛﺭﯛﯞﯦﺘﯩﻠﮕﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﺑﯘ ﻣﯘﺩﮬﯩﺶ ﺧﻪﯞﻩﺭ ﻗﻪﺷﻘﻪﺭ ﺷﻪﮬﯩﺮﯨﮕﻪ ﻧﺎﮬﺎﻳﯩﺘﻰ ﺗﯧﺰﻟﯩﻚ ﺑﯩﻠﻪﻥ ﺗﺎﺭﺍﻟﻐﺎﻥ .ﺷﯘ ﭼﺎﻏﺪﺍ ،ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺋﺎﻛﯩﺴﻰ ﻧﯩﺰﺍﻣﯩﺪﯨﻦ ﺋﻪﭘﻪﻧﺪﯨﻨﯩﯔ ﺋﻮﻥ ﻧﻪﭼﭽﻪ ﻳﺎﺷﻠﯩﻖ ﺋﻮﻏﻠﻰ ﺭﯨﺸﺎﺕ ﻗﻪﺷﻘﻪﺭ ﺷﻪﮬﯩﺮﯨﺪﻩ ﺋﯩﻜﻪﻥ .ﻣﻪﻣﺘﯩﻤﯩﻦ ﺋﻪﭘﻪﻧﺪﻯ ﻗﻮﻟﻐﺎ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ ،ﻧﯩﺰﺍﻣﯩﺪﯨﻦ ﺋﻪﭘﻪﻧﺪﻯ ﺭﯨﺸﺎﺗﻨﻰ ﺗﺎﺷﺎﺧﯘﻧﯘﻣﻨﯩﯔ ﻗﻪﺷﻘﻪﺭ ﺳﻪﮬﯩﺮﯨﻨﯩﯔ ﺟﺎﻧﺎﻥ ﻛﻮﭼﯩﺴﯩﺪﺍ ﺋﻮﻟﺘﯘﺭﯗﺷﻠﯘﻕ ﺗﻮﻗﯩﻠﻰ ﺗﯘﺧﯧﻨﯩﻤﻨﯩﯔ ﺋﯚﻳﯩﮕﻪ ﺋﻮﺭﯗﻧﻼﺷﺘﯘﺭﯗﭖ ،ﻣﻪﻣﺘﯩﻠﻰ ﺋﻪﭘﻪﻧﺪﯨﮕﻪ ﺗﺎﻣﺎﻕ ﯞﻩ ﻛﯩﻴﯩﻢ - ﻛﯧﭽﻪﻙ ﻳﻪﺗﻜﯜﺯﯛﭖ ﺑﯧﺮﯨﺸﻜﻪ ﺑﯘﻳﺮﯗﻏﺎﻥ .ﺷﯘﯕﺎ ،ﺋﯘ ﺷﯘ ﻛﯜﻧﻰ ﺋﻪﺗﯩﮕﻪﻧﺪﻩ ﺋﻮﺭﻧﯩﺪﯨﻦ ﺗﯘﺭﯗﭖ ﮬﯧﻴﯩﺘﻜﺎﺭﻏﺎ ﻛﯧﻠﯩﭗ ،ﻛﯧﭽﯩﭽﻪ ﺑﻮﻟﻐﺎﻥ ﺟﻪﯕﮕﻪ ﺋﺎﺋﯩﺖ ﺧﻪﯞﻩﺗﻠﻪﺭﻧﻰ ﺋﯘﻗﻤﺎﻗﭽﻰ ﺑﻮﻟﻐﺎﻥ .ﻟﯧﻜﯩﻦ ،ﺋﯘﻧﯩﯔ ﺋﯘﻗﻘﯩﻨﻰ <<ﺳﺎﻗﭽﯩﻼﺭ ﻳﺎﯞﺍﻍ ﺗﯜﺭﻣﯩﺴﯩﮕﻪ ﺋﻮﺕ ﻗﻮﻳﯘﭖ ﺑﯧﺮﯨﭗ ،ﻳﯧﯖﻰ ﺷﻪﮬﻪﺭﮔﻪ ﻗﯧﭽﯩﭗ ﻛﯧﺘﯩﭙﺘﯘ>> ﺩﯦﮕﻪﻥ ﺷﯘﻡ ﺧﻪﯞﻩﺭ ﺑﻮﻟﻐﺎﻥ .ﺭﯨﺸﺎﺕ ﮬﯧﭽﻨﯟﻣﯩﮕﻪ ﻗﺎﺭﯨﻤﺎﻱ ،ﻣﻮﻟﻼ ﺋﺎﻛﯩﺴﻰ (ﻣﻪﻣﺘﯩﻠﻰ ﺋﻪﭘﻪﻧﺪﯨﻨﻰ ﺷﯘﻧﺪﺍﻕ ﺋﺎﺗﺎﻳﺪﯨﻜﻪﻥ) ﻧﯩﯔ ﺧﻪﯞﺭﯨﻨﻰ ﺋﯧﻠﯩﺶ ﺋﯜﭼﯜﻥ ،ﻳﺎﯞﺍﻍ ﺗﯜﺭﻣﯩﺴﯩﮕﻪ ﻛﻪﻟﮕﻪﻥ .ﻗﺎﺭﯨﺴﺎ ،ﺑﯘ ﻳﻪﺭ ﻗﯩﺰﯨﻞ ﻗﯩﻴﺎﻣﻪﺗﻨﯩﯔ ﺋﯚﺯﯨﮕﻪ ﺋﺎﻳﻼﻧﻐﺎﻥ ﺑﻮﻟﯘﭖ ،ﻛﯚﻳﯜﭖ ﭼﯜﭼﯜﻟﻪ ﺑﻮﻟﯘﭖ ﻛﻪﺗﻜﻪﻥ ﺟﻪﺳﻪﺗﻠﻪﺭ ﮬﻮﻳﻠﯩﺪﺍ ،ﺗﺎﻣﻨﯩﯔ ﺗﯜﯞﯨﻠﯩﺮﯨﺪﻩ ،ﻛﺎﻣﯧﺮﻻﺭﻧﯩﯔ ﺑﻮﺳﯘﻏﯩﺴﯩﺪﺍ ﺩﯙﯞﯨﻠﯩﺸﯩﭗ ﻛﻪﺗﻜﻪﻥ .ﺭﯨﺸﺎﺕ ﻳﯜﮔﯜﺭﮔﻪﻥ ﭘﯧﺘﻰ ﻣﻪﻣﺘﯩﻠﻰ ﺋﻪﭘﻪﻧﺪﻯ ﻳﺎﺗﻘﺎﻥ ﻛﺎﻣﯧﺮﻏﺎ ﺑﺎﺭﻏﺎﻥ .ﺷﯘ ﭼﺎﻏﺪﺍ ،ﺑﯩﺮﺳﻰ ﺋﯘﻧﯩﯔ ﻣﯚﺭﯨﺴﯩﻨﻰ ﺗﯘﺗﻘﺎﻥ ،ﻗﺎﺭﯨﺴﺎ ﺩﺍﺩﯨﺴﻰ ﻧﯩﺰﺍﻣﯩﺪﯨﻦ ﺋﻪﭘﻪﻧﺪﻯ ﺋﯩﻜﻪﻥ ،ﻳﯧﻨﯩﺪﺍ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺷﺎﮔﯩﺮﺗﻰ ﺋﺎﺑﺪﯨﻐﯘﭘﯘﺭ ﻗﯘﻧﺎﺟﻰ ،ﺋﺎﻏﯩﻨﯩﺴﻰ ﺋﺎﺑﺒﺎﺱ ﭼﻮﯕﻤﯘ ﺑﯩﻠﻠﻪ ﺋﯩﻜﻪﻥ .ﺋﻪﺳﻠﻰ ﺋﯘﻻﺭ ﺋﺎﺑﺪﯗﻧﯩﻴﺎﺯ ﻗﯩﺴﯩﻤﻠﯩﺮﯨﻨﯩﯔ ﻗﻪﺷﻘﻪﺭﮔﻪ ﺋﯘﺟﯘﻡ ﺑﺎﺷﻠﯩﻐﺎﻧﻠﯩﻘﯩﻨﻰ ﺋﺎﯕﻼﭖ ،ﻛﯧﭽﯩﻠﻪﭖ ﻳﻮﻝ ﻳﯜﺭﯛﭖ ،ﺳﻪﮬﻪﺭﺩﻩ ﻗﻪﺷﻘﻪﺭﮔﻪ ﻳﯧﺘﯩﭗ ﻛﻪﻟﮕﻪﻧﯩﻜﻪﻥ .ﺋﯘﻻﺭ ﻗﻪﺷﻘﻪﺭﮔﻪ ﻛﯧﻠﯩﭙﻼ ،ﺗﯜﺭﻣﯩﮕﻪ ﺋﻮﺕ ﻗﻮﻳﯘﯞﯦﺘﯩﻠﮕﻪﻧﻠﯩﻜﯩﻨﻰ ﺋﺎﯕﻠﯩﻐﺎﻥ ،ﺷﯘﻧﯩﯔ ﺑﯩﻠﻪﻥ ﮬﯧﭻ ﻧﯧﻤﯩﮕﻪ ﻗﺎﺭﯨﻤﺎﺳﺘﯩﻦ ﺑﯘ ﻳﻪﺭﮔﻪ ﻛﻪﻟﮕﻪﻥ .ﺋﯘﻻﺭ ﺑﯩﺮﻟﯩﻜﺘﻪ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺟﻪﺳﯩﺘﯩﻨﻰ ﺋﯩﺰﺩﯨﮕﻪﻥ .ﺟﻪﺳﻪﺗﻠﻪﺭ ﺗﻮﻧﯘﻏﯘﺳﯩﺰ ﺩﻩﺭﯨﺠﯩﺪﻩ ﻛﯚﻳﯜﭖ ﻛﻪﺗﻜﻪﻥ ﺑﻮﻟﻐﺎﭼﻘﺎ ،ﺋﯘﻻﺭ ﺑﻪﻙ ﺋﯩﺰﺩﻩﭖ ﻛﻪﺗﻜﻪﻥ .ﻛﯧﻴﯩﻦ ﺭﯨﺸﺎﺕ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﭘﯘﺗﯩﺪﯨﻜﻰ ﻛﯚﻳﻤﻪﻱ ﻗﺎﻟﻐﺎﻥ ﻛﺎﺭﺍﺷﻨﺎﯞﺍﻱ ﺋﺎﻳﯩﻐﯩﻨﻰ ﺗﻮﻧﻮﯞﺍﻟﻐﺎﻥ .ﺋﯘ ﺩﺍﺩﯨﺴﯩﻐﺎ: <<ﻣﻪﻥ ﺑﯘ ﺋﺎﻳﺎﻏﻨﻰ ﺗﯧﺨﻰ ﺑﯩﺮﻧﻪﭼﭽﻪ ﻛﯜﻧﻨﯩﯔ ﺋﺎﻟﺪﯨﺪﺍ ﺋﻪﻛﯩﻠﯩﭗ ﺑﻪﺭﮔﻪﻧﯩﺪﯨﻢ>> ﺩﯦﮕﻪﻥ .ﺷﯘﻧﯩﯔ ﺑﯩﻠﻪﻥ ﻧﯩﺰﺍﻣﯩﺪﯨﻦ ﺋﻪﭘﻪﻧﺪﻯ ﺑﯩﻠﻪﻥ ﺋﺎﺑﺒﺎﺱ ﭼﻮﯓ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﮬﻪﻡ ﻛﯩﭽﯩﻜﻠﻪﭖ ،ﮬﻪﻡ ﻳﯧﻨﯩﻜﻠﻪﭖ ﻛﻪﺗﻜﻪﻥ ﺟﻪﺳﯩﺘﯩﻨﻰ ﺋﺎﯞﺍﻳﻼﭖ ﻛﯚﺗﯜﺭﯛﭖ ،ﻛﯚﻳﻨﻪﻙ ،ﭼﺎﭘﺎﻧﻠﯩﺮﯨﻐﺎ ﺋﻮﺭﺍﭖ ﺋﺎﺗﻘﺎ ﺋﺎﺭﺗﯩﭗ ،ﺑﻪﺷﻜﯧﺮﻩﻣﮕﻪ ﻳﯧﺘﯩﭗ ﻛﯧﻠﯩﭗ ،ﺑﯩﺮ ﻳﯧﻘﯩﻦ ﺗﯘﻧﯘﺷﯩﻨﯩﯖﻜﯩﮕﻪ ﭼﯜﺷﻜﻪﻥ .ﺋﯘﻻﺭ ﻗﺎﺭﺍﯕﻐﯘ ﭼﯜﺷﻜﻪﻧﺪﻩ ﻣﺎﯕﻤﺎﻗﭽﻰ ﺑﻮﻟﯘﺷﻘﺎﻥ .ﺭﯨﺸﺎﺗﻨﻰ ﺑﻮﻟﺴﺎ ﺋﺎﺕ ﺑﯩﻠﻪﻥ ﺋﺎﯞﯞﺍﻝ ﺑﯧﺮﯨﭗ ﻣﻪﺧﭙﯩﻲ ﮬﺎﻟﺪﺍ ﻳﻪﺭﻟﯩﻚ ﺗﻪﻳﻴﺎﺭﻟﯩﺘﯩﭗ ﺗﯘﺭﯗﺷﻘﺎ ﺑﯘﻳﺮﯨﻐﺎﻥ .ﺋﯚﺯﻟﯩﺮﻯ ﺟﻪﺳﻪﺗﻨﻰ ﺗﺎﻏﺎﺭﻏﺎ ﺳﯧﻠﯩﭗ ،ﺋﺎﺗﻘﺎ ﺋﺎﺭﺗﯩﭗ ،ﺑﻪﺷﻜﯧﺮﻩﻣﻨﯩﯔ ﺋﯩﺖ ﻳﻮﻟﻰ ﺋﺎﺭﻗﯩﻠﯩﻖ ﻛﯧﭽﯩﻠﻪﭖ ﺋﺎﺗﯘﺷﻘﺎ ﻗﺎﺭﺍﭖ ﻳﻮﻝ ﺋﺎﻟﻐﺎﻥ .ﻧﯩﺰﻩﻣﯩﺪﯨﻦ ﺋﻪﭘﻪﻧﺪﻯ ،ﺋﺎﺑﺒﺎﺱ ﭼﻮﯓ ،ﺋﺎﺑﺪﯗﻏﯘﭘﯘﺭ ﺋﯜﭼﻪﻳﻠﻪﻥ ﺋﯜﺳﺘﯩﮕﻪ ﺟﻪﺳﻪﺕ ﺋﺎﺭﺗﯩﻠﻐﺎﻥ ﺋﺎﺗﻨﯩﯔ ﻳﯧﻨﯩﺪﺍ ﺑﯘﻗﯘﻟﺪﺍﭖ ﻳﯩﻐﻼﭖ ﻳﺎﺵ ﺗﯚﻛﯜﭖ ﻣﺎﯕﻐﺎﻥ .(ﻣﯘﺷﯘ ﻗﯘﺭﻻﺭﻧﻰ ﻳﯧﺰﯨﺶ ﻣﺎﯕﺎ ﺑﻪﻙ ﺗﻪﺳﻜﻪ ﭼﯜﺷﺘﻰ) 1934 - ﻳﯩﻠﺪﯨﻦ 1937 - ﻳﯩﻠﻐﯩﭽﻪ ﺑﻮﻟﻐﺎﻥ ﺗﯚﺕ ﻳﯩﻞ ﺟﻪﺭﻳﺎﻧﯩﺪﺍ ﺟﻪﯕﮕﯩﯟﺍﺭ ﺋﯩﺰﭼﯩﻠﯩﺮﯨﻨﻰ ﺑﺎﺷﻼﭖ ،ﻧﻪﻱ - ﺑﺎﺭﺍﻧﻼﺭﻧﻰ ﻳﺎﯕﺮﯨﺘﯩﭗ ،ﻧﺎﺧﺸﺎ - ﻣﺎﺭﺵ ﺳﺎﺩﺍﻟﯩﺮﻯ ﺑﯩﻠﻪﻥ ﺗﺎﻏﯘ - ﺗﺎﺷﻼﺭﻧﯩﻤﯘ ﻟﻪﺭﺯﯨﮕﻪ ﺳﯧﻠﯩﭗ ،ﻗﻪﺷﻘﻪﺭ ﺑﯩﻠﻪﻥ ﺋﺎﺗﯘﺵ ﺋﺎﺭﯨﻠﯩﻘﯩﺪﯨﻜﻰ ﺑﯘ ﺗﻪﺭﻳﻮﻟﺪﺍ ﻧﻪﭼﭽﻪ ﺋﻮﻥ ﻗﯧﺘﯩﻢ ﮬﻪﻳﯟﻩﺗﻠﯩﻚ ﺳﻪﭘﻪﺭ ﻗﯩﻠﻐﺎﻥ ،ﮬﻪﻡ ﺷﯘ ﺧﺎﺳﯩﻴﻪﺗﻠﯩﻚ ﺳﻪﭘﻪﺭﻟﯩﺮﯨﺪﻩ ﻣﯩﯖﻠﯩﻐﺎﻥ - ﺋﻮﻧﻤﯩﯖﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﻗﻪﻟﺐ ﻛﯚﺯﯨﻨﻰ ﻳﻮﺭﯗﺗﯘﭖ ،ﺋﯘﻳﻐﯘﺭ ﻣﺎﺋﺎﺭﯨﭗ ﺗﺎﺭﯨﺨﯩﺪﺍ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﭘﺎﺭﻻﻕ ﺳﻪﮬﯩﭙﯩﻠﻪﺭﻧﻰ ﺋﺎﭼﻘﺎﻥ ﺑﯘ ﻣﺎﺋﺎﺭﯨﭗ ﺳﻪﺭﻛﻪﺭﺩﯨﺴﻰ ،ﺑﯜﮔﯜﻧﻜﻰ ﻛﯜﻧﺪﻩ ﻛﯚﻳﯜﭖ ﭼﯜﭼﯜﻻﺑﻮﻟﻐﺎﻥ ﮬﺎﻟﻪﺗﺘﻪ ﺗﺎﻏﺎﺭﻏﺎ ﻗﺎﭼﯩﻠﯩﻨﯩﭗ ،ﺋﺎﺗﻨﯩﯔ ﺋﯜﺳﺘﯩﺪﻩ ﻗﻪﺷﻘﻪﺭ ﺑﯩﻠﻪﻥ ﺋﺎﺗﯘﺵ ﺋﺎﺭﯨﻠﯩﻘﯩﺪﯨﻜﻰ ﺑﯘ ﻳﻮﻟﺪﺍ ﺋﻪﯓ ﺋﺎﺧﯩﺮﻗﻰ ﺳﻪﭘﯩﺮﯨﻨﻰ ﺑﯧﺴﯩﭗ ﻛﯧﺘﯩﯟﺍﺗﺎﺗﺘﻰ . . . . .
ﺟﺎﮬﺎﻧﻐﺎ ﭘﺎﺗﻤﯩﻐﺎﻥ ﺳﻪﺭﻛﻪ ،
ﻗﺎﺯﺍﻧﻐﺎ ﻗﺎﻧﺪﺍﻕ ﭘﺎﺗﻘﺎﻧﺪﯗ !
ﻗﺎﺯﺍﻧﻐﺎ ﭘﺎﺗﺴﺎ ﭘﺎﺗﻘﺎﻧﺪﯗ ،
ﺗﯘﯞﺍﻗﻨﻰ ﻗﺎﻧﺪﺍﻕ ﻳﺎﭘﻘﺎﻧﺪﯗ ؟
ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺟﻪﺳﯩﺘﯩﻨﻰ ﺋﻪﻝ ﺋﺎﻳﯩﻘﻰ ﺑﯧﺴﯩﻘﻘﺎﻧﺪﺍ ﺑﻮﻳﺎﻣﻪﺗﻜﻪ ﺋﯧﻠﯩﭗ ﻛﯧﻠﯩﻨﮕﻪﻥ .ﺋﯘﻻﺭ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺋﺎﺧﯩﺮﻩﺗﻠﯩﻚ ﺋﯩﺸﻠﯩﺮﯨﻨﻰ ﺋﯩﻨﺘﺎﻳﯩﻦ ﻣﻪﺧﭙﯩﻲ ﭘﯜﺗﺘﯜﺭﮔﻪﻥ ،ﻧﯧﻤﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﮬﻪﺗﺘﺎ ﻧﯩﺰﺍﻣﯩﺪﯨﻨﻨﯩﯔ ﺋﺎﻳﺎﻟﻰ ﺯﻭﺭﯨﺨﺎﻧﻐﯩﻤﯘ ﺋﻮﻗﺘﯘﺭﻣﯩﻐﺎﻥ .ﺋﺎﺧﯩﺮﻩﺗﻠﯩﻚ ﭘﯜﺗﻜﻪﻧﺪﯨﻦ ﻛﯧﻴﯩﻦ ،ﺳﻪﻛﻜﯩﺰ ﻛﯩﺸﻰ ﻧﯩﺰﺍﻣﯩﺪﯨﻦ ،ﺋﺎﺑﺪﯗﺭﺍﺧﻤﺎﻥ ﺷﺎﺋﯩﺮ ،ﺋﺎﺑﺒﺎﺱ ﺑﻪﮒ (1936 ﻳﯩﻠﯩﺪﯨﻦ ﻛﯧﻴﯩﻦ ﺋﺎﺗﯘﺷﻘﺎ ﺑﻪﮒ ﺑﻮﻟﻐﺎﻥ ،ﻳﻪﻧﻪ ﺑﯩﺮ ﺋﯩﺴﻤﻰ ﺋﺎﺑﺒﺎﺵ ﭼﻮﯓ) ،ﻗﯘﯞﺍﻥ ﺷﻪﻳﺦ ،ﺋﺎﺑﺪﯗﻏﯘﭘﯘﺭ ﻗﯘﻧﺎﺟﻰ (ﺗﯧﺠﻪﻧﻠﯩﻚ ﻣﻪﺭﯨﭙﻪﺗﭙﻪﺭﯞﻩﺭ ﺑﺎﻱ ﻗﯘﯞﺍﻥ ﮬﺎﺟﯩﻤﻨﯩﯔ ﺋﻮﻏﻠﻰ) ،ﺭﯨﺸﺎﺕ ﯞﻩ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﻳﻪﺭﻟﯩﻜﯩﻨﻰ ﺗﻪﻳﻴﺎﺭﻟﯩﻐﺎﻥ ﺋﯩﻜﻜﻰ ﻧﯩﻤﻜﺎﺭ - ﺗﺎﺷﻤﻪﻣﻪﺕ ،ﺋﯩﮕﻪﻣﺒﻪﺭﺩﯨﻠﻪﺭ ﺋﺎﻟﺪﯨﺮﺍﭖ ﻣﻪﺭﮬﯘﻣﻨﯩﯔ ﻧﺎﻣﯩﺰﯨﻨﻰ ﭼﯜﺷﯜﺭﯛﭖ ،ﺋﯘﻧﻰ ﺩﻩﭘﻨﻪ ﻗﯧﻠﯩﺸﻘﺎﻥ .ﺋﯧﺘﯩﮭﺎﺕ ﻳﯜﺯﯨﺴﯩﺪﯨﻦ ﮬﻪﺗﺘﺎ ﻗﻪﺑﺮﻩ ﺋﯜﺳﺘﯩﮕﻪ ﺋﯧﮕﯩﺰﺭﻩﻙ ﺗﻮﭘﺎ ﺩﯙﯞﯨﻠﻪﺷﻜﯩﻤﯘ ﺟﯘﺭﺋﻪﺕ ﻗﯩﻼﻟﻤﯩﻐﺎﻥ .ﻣﻪﺭﮬﯘﻣﻨﻰ ﺩﻩﭘﻨﻪ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ .ﺳﻪﻛﻜﯩﺰةﻳﻠﻪﻥ ﻧﯩﺰﺍﻣﯩﺪﯨﻨﻨﯩﯔ ﺋﯚﻳﯩﮕﻪ ﻗﺎﻳﺘﯩﭗ ﻛﯧﻠﯩﭗ ،ﺑﯘ ﺳﯩﺮﻧﻰ ﺋﻪﺑﻪﺩﯨﻲ ﺳﺎﻗﻼﺷﻘﺎ ،ﺗﯘﻗﻘﯘﺯﯨﻨﭽﻰ ﺑﯩﺮ ﻛﯩﺸﯩﮕﻪ ﺑﯩﻠﺪﯛﺭﯛﭖ ﻗﻮﻳﻤﺎﺳﻠﯩﻘﻘﺎ ﻗﻪﺳﻪﻣﻴﺎﺩ ﻗﯩﻠﯩﺸﻘﺎﻥ .ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺗﯜﺭﻣﻪ ﺗﺎﻣﻠﯩﺮﯨﻐﺎ ﻳﯧﺰﯨﭗ ﻗﻮﻳﻐﺎﻥ ﺷﯧﺌﯩﺮ - ﻗﻮﺷﺎﻗﻠﯩﺮﻯ ﻗﺎﻧﺪﺍﻕ ﺳﺎﻗﻠﯩﻨﯩﭗ ﻗﺎﻟﻐﺎﻥ ؟ﻣﻪﻣﺘﯩﻠﻰ ﺋﻪﭘﻪﻧﺪﻯ ﺑﺎﺷﻠﯩﻖ ﺑﺎﺭﻟﯩﻖ ﺳﯩﻴﺎﺳﻰ ﻣﻪﮬﺒﯘﺳﻼﺭ ﻗﻪﺗﻠﻰ ﻗﯩﻠﯩﻨﻐﺎﻥ ﺷﯘ ﺋﺎﺧﺸﯩﻤﻰ ﻛﯩﭽﯩﻚ ﺋﺎﺧﯘﻥ ﺗﯘﺋﻪﻧﺠﺎﯕﻨﯩﯔ ﺋﺎﻳﺎﻟﻰ ﻛﯩﭽﯩﻜﺨﺎﻥ ﻗﻪﺷﻘﻪﺭﺩﻩ ﺋﯩﻜﻪﻥ .ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﻛﯩﭽﯩﻜﺨﺎﻧﻨﻰ ﺋﯩﺴﻴﺎﻧﭽﯩﻨﯩﯔ ﺋﺎﻳﺎﻟﻰ ﺩﻩﭖ ﺗﯘﺗﯘﭖ ،ﺑﺎﮬﺎﯞﯗﺩﯗﻥ ﻣﯘﺳﺎﺑﺎﻳﯧﯟﻧﯩﯔ ﻗﻪﺷﻘﻪﺭﺩﯨﻜﻰ ﻗﻮﺭﯗﺳﯩﻐﺎ ﻧﻪﺯﻩﺭﺑﻪﻧﺪ ﻗﯩﻠﯩﭗ ﻗﻮﻳﻐﺎﻥ .ﺋﺎﺑﺪﯗﻧﯩﻴﺎﺯ ﻛﺎﻣﺎﻟﻰ ،ﻣﯚﻳﺪﯨﻦ ،ﻛﯩﭽﯩﻚ ﺋﺎﺧﯘﻥ ﺗﯘﺋﻪﻧﺠﺎﯕﻼﺭ ﻗﻪﺷﻘﻪﺭﮔﻪ ﮬﯘﺟﯘﻡ ﻗﯩﻠﻐﺎﻥ ﺋﺎﺧﺸﯩﻤﻰ ،ﻛﯩﭽﯩﻜﺨﺎﻥ ﭘﺎﺗﯩﭙﺎﺭﺍﻗﭽﯩﻠﯩﻘﺘﯩﻦ ﭘﺎﻳﺪﯨﻠﯩﻨﯩﭗ ﻗﯧﭽﯩﭗ ﻛﻪﺗﻜﻪﻥ .ﻛﯩﭽﯩﻜﺨﺎﻥ ﺑﯩﺮ ﺋﺎﻣﺎﻝ ﻗﯩﻠﯩﭗ ﺋﯧﺮﻯ ﺑﯩﻠﻪﻥ ﻛﯚﺭﯛﺷﻜﻪﻥ .ﻛﯩﭽﯩﻚ ﺋﺎﺧﯘﻥ ﺗﯘﺋﻪﻧﺠﺎﯓ ﺋﺎﻳﺎﻟﻰ ﻛﯩﭽﯩﻜﺨﺎﻧﻨﻰ ﺗﯧﺠﻪﻧﻠﯩﻚ ﺳﻪﻣﻪﺭ ﺑﺎﻱ ﺩﯨﮕﻪﻥ ﻛﯩﺸﯩﮕﻪ ﻗﻮﺷﯘﭖ ،ﺋﯘﻧﯩﯖﻐﺎ ﺋﺎﻳﺎﻟﯩﻨﻰ ﺋﺎﺗﯘﺷﻘﺎ ﺋﺎﻟﻐﺎﭺ ﭼﯩﻘﯩﭗ ﻛﯧﺘﯩﺸﻨﻰ ﺗﺎﭘﯩﻠﯩﻐﺎﻥ .ﺋﺎﻧﺪﯨﻦ: <<ﻣﻪﯞﻻﻧﻮﭖ ،ﻗﺎﺩﯨﺮ ﮬﺎﺟﯩﻼﺭ ﻳﺎﯞﺍﻍ ﺗﯜﺭﻣﯩﺴﯩﮕﻪ ﺋﻮﺕ ﻗﻮﻳﯘﯞﯦﺘﯩﭙﺘﯘ ،ﺷﯘﯕﺎ ،ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﻗﺎﻧﺪﺍﻕ ﺑﻮﻟﻐﺎﻧﻠﯩﻘﻰ ﺋﯧﻨﯩﻖ ﺋﻪﻣﻪﺱ ،ﺑﯘﻳﺎﻣﻪﺗﺘﯩﻦ ﺋﯚﺗﻜﯜﭼﻪ ،ﺋﺎﻛﯩﺴﻰ ﻧﯩﺰﺍﻣﯩﺪﯨﻨﻐﺎ ﺧﻪﯞﻩﺭ ﺑﯧﺮﯨﭗ ﻗﻮﻳﯘﯕﻼﺭ ،ﺩﻩﺭﮬﺎﻝ ﻗﻪﺷﻘﻪﺭﮔﻪ ﻛﻪﻟﺴﯘﻥ !>> ﺩﯦﮕﻪﻥ .ﺳﻪﻣﻪﺭ ﺑﺎﻱ ﺑﯩﻠﻪﻥ ﻛﯩﭽﯩﻜﺨﺎﻥ ﺑﯘﻳﺎﻣﻪﺗﻜﻪ ﻛﯧﻠﯩﭗ ،ﻧﯩﺰﺍﻣﯩﺪﯨﻨﻨﯩﯔ ﺋﯚﻳﯩﮕﻪ ﻛﯩﺮﺳﻪ ،ﺋﺎﻳﺎﻟﻰ ﺯﻭﺭﯨﺨﺎﻥ: <<ﻧﯩﺰﺍﻣﯩﺪﯨﻦ ﺑﯩﻠﻪﻥ ﺋﺎﺑﺒﺎﺱ ﭼﻮﯓ ﺗﯜﻧﯜﮔﯜﻥ ﺋﺎﺧﺸﺎﻡ ﻗﻪﺷﻘﻪﺭﺩﯨﻦ ﭼﯩﻘﻘﺎﻧﻼﺭﺩﯨﻦ ﻣﻪﮬﻤﯘﺕ ﺷﯩﺠﺎﯕﻨﯩﯔ ﺋﻪﺳﻜﻪﺭﻟﯩﺮﻯ ﻗﻪﺷﻘﻪﺭﮔﻪ ﻳﯧﺘﯩﭗ ﻛﻪﭘﺘﯘ ﺩﻩﭖ ﺋﺎﯕﻼﭖ ﻗﻪﺷﻘﻪﺭﮔﻪ ﻛﻪﺗﻜﻪﻥ>>ﺩﯦﮕﻪﻥ .ﺷﯘﻧﯩﯔ ﺑﯩﻠﻪﻥ ﺳﻪﻣﻪﺭ ﺑﺎﻱ ﺑﯩﻠﻪﻥ ﻛﯩﭽﯩﻜﺨﺎﻥ ﺗﯧﺠﻪﻧﮕﻪ ﻳﯧﻨﯩﭗ ﻛﻪﻟﮕﻪﻥ .ﺳﻪﻣﻪﺭ ﺑﺎﻳﻨﯩﯔ ﺋﻮﻏﻠﻰ ﺋﺎﺑﺪﯗﺭﺍﺧﻤﺎﻥ ﺳﻪﻣﻪﺭ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺋﻮﯕﺌﯧﺮﯨﻘﺘﯩﻜﻰ <<ﺋﻮﻗﯘﺗﻘﯘﭼﻰ ﺗﻪﺭﺑﯩﻴﯩﻠﻪﺵ ﻛﯘﺭﺳﻰ>> ﻧﯩﯔ ﺋﻮﻗﯘﻏﯘﭼﯩﺴﻰ ﺋﯩﺪﻯ ،ﺷﯘﯕﺎ ،ﺳﻪﻣﻪﺭ ﺑﺎﻱ ﺑﯘ ﺧﻪﯞﻩﺭﻧﻰ ﺋﻮﻏﻠﯩﻐﺎ ﺋﯧﻴﺘﯩﻘﺎﻥ .ﺋﺎﺑﺪﯗﺭﺍﺧﻤﺎﻥ ﺳﻪﻣﻪﺭ ﺋﯘﺳﺘﺎﺯﯨﻨﯩﯔ ﻧﯧﻤﻪ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﯩﺶ ﺋﯜﭼﯜﻥ ،ﺋﻪﻣﻪﺕ ﻣﻪﺧﺴﯘﻡ ﻗﺎﺗﺎﺭﻟﯩﻖ ﺑﯩﺮﻧﻪﭼﭽﻪ ﺳﺎﯞﺍﻗﺪﯨﺸﯩﻨﻰ ﺑﺎﺷﻼﭖ ﺩﻩﺭﮬﺎﻝ ﻗﻪﺷﻘﻪﺭﮔﻪ ﻳﯧﺘﯩﭗ ﺑﺎﺭﻏﺎﻥ .ﺋﯘﻻﺭ ﻳﯧﺘﯩﭗ ﻛﻪﻟﮕﻪﻧﺪﻩ ،ﺗﯜﺭﻣﯩﻨﯩﯔ ﺋﯩﭽﻰ ﺑﯩﺮ ﻗﯩﺰﯨﻞ ﻗﯩﻴﺎﻣﻪﺗﻜﻪ ﺋﺎﻳﻼﻧﻐﺎﻥ ﺑﻮﻟﯘﭖ ،ﺋﯘﺭﯗﻕ - ﺗﯘﻗﻘﺎﻧﻠﯩﺮﯨﻨﯩﯔ ﺟﻪﺳﯩﺘﯩﻨﻰ ﺋﯩﺰﺩﻩﯞﺍﺗﻘﺎﻥ ﯞﻩ ﺗﺎﭘﻘﺎﻧﻼﺭﻧﯩﯔ ﻳﯩﻐﺎ - ﺯﺍﺭﻯ ﭘﻪﻟﻪﻛﻨﻰ ﻗﺎﭘﻠﯩﻐﺎﻧﯩﻜﻪﻥ .ﺋﺎﺑﺪﯗﺭﺍﺧﻤﺎﻥ ﺳﻪﻣﻪﺭ ﺑﺎﺷﻠﯩﻖ ﺑﯩﺮﻧﻪﭼﭽﻪﻳﻠﻪﻥ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺟﻪﺳﯩﺘﯩﻨﻰ ﺋﯩﺰﺩﯨﮕﻪﻥ .ﺋﯘﻻﺭ ﺋﯩﺰﺩﻩﭖ ﺑﯩﺮ ﻛﺎﻣﯧﺮﻏﺎ ﻛﯩﺮﯨﭗ ،ﻳﺎﻣﺪﺍ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﭼﺎﻟﻤﺎ ﺑﯩﻠﻪﻥ ﻳﺎﺯﻏﺎﻥ ﺷﯧﺌﯩﺮﻟﯩﺮﻯ ﺗﯘﺭﻏﺎﻧﻠﯩﻘﯩﻨﻰ ﻛﯚﺭﮔﻪﻥ .ﺋﯘﻻﺭ ﭘﯘﭼﯘﺭﻛﯩﺴﯩﻐﺎ ﻗﺎﺭﺍﭘﻼ ،ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺷﯧﺌﯩﺮﻟﯩﺮﻯ ﺋﯩﻜﻪﻧﻠﯩﻜﯩﻨﻰ ﺟﻪﺯﻩﻡ ﻗﯩﻠﻐﺎﻧﺪﯨﻦ ﻛﯧﻴﯩﻦ ،ﮬﻪﻣﻤﯩﻨﻰ ﻛﯚﭼﯜﺭﯛﯞﺍﻟﻐﺎﻥ .ﺋﯘﻻﺭ ﻛﯚﭼﯜﺭﯛﯞﺍﻟﻐﺎﻥ ﺷﯧﺌﯩﺮﻻﺭ ﻗﯩﺮﯨﻖ ﻛﯘﭘﻴﯧﺖ ئةتراپصدا بولۇپ، ﺑﯘ ﺷﯧﺌﯩﺮﻻﺭﻧﻰ ﻛﯧﻴﯩﻦ ﺋﺎﺑﺪﯗﺭﺍﺧﻤﺎﻥ ﺳﻪﻣﻪﺭ ﻳﺎﺩﻟﯩﯟﺍﻟﻐﺎﻥ. 1937 - ﻳﯩﻞ 5 - ﺋﺎﻳﻨﯩﯔ 30 - ﻛﯜﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﻠﻐﺎﻥ ﺑﯘ ﻣﯩﺴﻠﯩﺴﯩﺰ ﭘﺎﺟﯩﺌﻪﻧﯩﯔ ﻣﯘﺩﮬﯩﺶ ﺧﻪﯞﯨﺮﻯ ﺑﯩﺮ - ﺋﯩﻜﻜﻰ ﻛﯜﻥ ﺋﯩﭽﯩﺪﻩ ﭘﯜﺗﯜﻥ ﻗﻪﺷﻘﻪﺭ ﺗﻪﯞﻩﺳﯩﮕﻪ ﭘﯘﺭ ﻛﻪﺗﻜﻪﻥ . ﺑﯘ ﺧﻪﯞﻩﺭ ﺋﺎﺗﯘﺵ ﻛﻪﯓ ﺗﺎﺭﻗﺎﻟﻐﺎﻧﺪﯨﻦ ﻛﯧﻴﯩﻦ ،ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺑﺎﻟﯩﭽﯩﻼﭖ ﺑﯧﻘﯩﯟﺍﻟﻐﺎﻥ ﻣﯘﻧﻪﯞﯞﻩﺭ ﺷﺎﮔﯩﺮﺗﻰ ﻣﯩﺮﺋﻪﮬﻤﻪﺕ ﺳﯧﻴﯩﺖ ﺩﻩﺭﮬﺎﻝ ﺩﺍﺩﯨﺴﯩﺪﯨﻦ ﺭﻭﺧﺴﻪﺕ ﺋﯧﻠﯩﭗ، ﺗﯧﺠﻪﻧﻠﯩﻚ ﺳﯘﻻﻳﻤﺎﻥ ﺩﯨﮕﻪﻥ ﺑﺎﻻ ﺑﯩﻠﻪﻥ ﺋﯩﻜﻜﻰ ﺋﯧﺸﻪﻛﻜﻪ ﻣﯩﻨﯩﭗ ﻗﻪﺷﻘﻪﺭﮔﻪ ﻗﺎﺭﺍﭖ ﻳﻮﻝ ﺋﺎﻟﻐﺎﻥ. ﺋﯘﻻﺭ ﻗﻪﺷﻘﻪﺭﮔﻪ ﻳﯧﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺋﯧﺸﻪﻛﻠﯩﺮﯨﻨﻰ ﺗﯚﺷﯜﻙ ﺩﻩﺭﯞﺍﺯﯨﺴﯩﻨﯩﯔ ﺗﯧﺸﯩﺪﯨﻜﻰ ﺑﯩﺮ ﺳﺎﺭﺍﻳﻐﺎ ﻗﻮﻳﯘﭖ ،ﺋﺎﺯﺭﺍﻕ ﺗﺎﻣﺎﻕ ﻳﻪﭖ ،ﻳﺎﯞﺍﻍ ﺗﯜﺭﻣﯩﺴﯩﮕﻪ ﻳﯧﺘﯩﭗ ﺑﺎﺭﻏﺎﻥ .ﺋﯘﻻﺭ ﺗﯜﺭﻣﯩﮕﻪ ﻳﯧﺘﯩﭗ ﺑﺎﺭﻏﺎﻧﺪﺍ ،ﺑﯘ ﻳﻪﺭ ﺋﺎﺳﺎﺳﻪﻥ ﺟﯩﻤﯩﻘﻘﺎﻥ ﺑﻮﻟﯘﭖ ،ﺑﻮﺍﺭﻥ ﺋﯘﭼﯘﭖ ﺗﯘﺭﻏﺎﻧﯩﻜﻪﻥ .ﺑﯘ ﺋﯩﻜﻜﯩﺴﻰ ﺑﺎﺭﻟﯩﻖ ﻛﺎﻣﯧﺮﻻﺭﻏﺎ ﻛﯩﺮﯨﭗ ،ﺋﺎﺧﯩﺮﻯ ﻣﻪﻣﺘﯩﻠﻰ ﺋﻪﭘﻪﻧﺪﻯ ﻳﺎﺗﻘﺎﻥ ﺗﯜﺭﻣﯩﻨﻰ ﺗﺎﭘﻘﺎﻥ .ﺋﯘﻻﺭ ﺗﯚﺕ ﻳﺎﻣﻐﺎ ﺋﺎﻻ ﻗﻮﻳﻤﺎﻱ ﻳﯧﺰﯨﻠﻐﺎﻥ ﺷﯧﺌﯩﺮﻻﺭﻧﻰ ﺧﺎﺗﯩﺮﯨﻠﯩﺮﯨﮕﻪ ﺑﯩﺮ - ﺑﯩﺮﻟﻪﭖ ﻛﯚﭼﯜﺭﯛﯞﺍﻟﻐﺎﻥ .ﺋﯘﻻﺭ ﺑﯘ ﻛﺎﻣﯧﺮﺩﯨﻦ ﭼﯩﻘﯩﭗ ،ﻳﻪﻧﻪ ﺑﺎﺷﻘﺎ ﻛﺎﻣﯧﺮﻻﺭﻧﻰ ﺋﺎﻳﻼﻧﻐﺎﻥ .ﻗﺎﺭﯨﺴﺎ ،ﻳﻪﻧﻪ ﺑﯩﺮ ﻛﺎﻣﯧﺮﺩﯨﻤﯘ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺑﯩﺮﻧﻪﭼﭽﻪ ﻛﯘﭘﻠﯧﺖ ﺷﯧﺌﯩﺮﻯ ﻳﯧﺰﯨﻘﻠﯩﻖ ﺗﯘﺭﻏﺎﻥ .ﺋﯘﻻﺭ ﺋﯘﻧﯩﻤﯘ ﻛﯚﭼﯜﺭﯛﯞﺍﻟﻐﺎﻥ .ﻣﯩﺮﺋﻪﮬﻤﻪﺕ ﺳﯩﻴﯩﺖ ﺑﯩﻠﻪﻥ ﺳۇلاﻳﻤﺎﻥ ﺗﯜﺭﻣﯩﻨﯩﯔ ﺋﯩﺸﯩﻜﯩﻨﻰ ﺳﺎﻗﻼﻳﺪﯨﻐﺎﻥ ﮔﯘﻧﺪﯨﭙﺎﻳﻨﯩﯔ ﺋﺎﻳﺎﻟﻰ ﺑﯩﻠﻪﻥ ﻛﯚﺭﯛﺷﯜﭖ ،ﺋﯘﻧﯩﯔ ﻣﻪﻣﺘﯩﻠﻰ ﺋﻪﭘﻪﻧﺪﯨﮕﻪ ﺋﺎﺋﯩﺖ ﺋﯩﺸﻼﺭﻧﻰ ﺑﯩﻠﯩﺪﯨﻐﺎﻥ - ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﺎﻥ .ﺑﯘ ﺋﺎﻳﺎﻝ ﺑﯘ ﺋﯩﻜﻜﻪﻳﻠﻪﻧﮕﻪ: <<ﻣﻪﻣﺘﯩﻠﻰ ﺋﻪﭘﻪﻧﺪﯨﻨﻰ ﮬﻪﻣﻤﯩﺪﯨﻦ ﺑﯘﺭﯗﻥ ﺋﻪﻛﻪﻟﮕﻪﻥ ،ﺋﺎﯞﯞﺍﻝ ﻳﺎﻟﻐﯘﺯ ﻛﺎﻣﯧﺮﻏﺎ ﺳﻮﻟﯩﻐﺎﻥ ،ﻛﯧﻴﯩﻦ ﮬﯩﺴﺎﻣﯩﺪﯨﻦ ﺋﻪﭘﻪﻧﺪﻯ ﺑﯩﻠﻪﻥ ﺑﯩﺮ ﻛﺎﻣﯧﺮﻏﺎ ﺳﻮﻟﯩﺪﻯ .ﺑﯘﻻﺭ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﻰ ﺑﻪﻙ ﺗﻮﻻ ﺳﻮﺭﺍﻕ ﻗﯩﻠﺪﻯ ،ﺑﻪﻙ ﻗﯩﻴﻨﯩﺪﻯ ،ﮬﯧﻠﯩﻘﻰ ﻣﻪﯞﻻﻧﺒﯧﻚ (ﻣﻪﯞﻻﻧﻮﭘﻨﻰ ﺩﯦﻤﻪﻛﭽﻰ) ﺩﯦﮕﻪﻥ ﻗﯩﺮﻏﯩﺰ ﺑﻪﻙ ﺗﻮﻻ ﺳﻮﺭﺍﻕ ﻗﯩﻼﺗﺘﻰ .ﮬﯧﻠﯩﻘﻰ ﻛﯜﻧﯩﻤﯘ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﻰ ﺋﺎﺷﯘ ﺋﯚﺯ ﻗﻮﻟﻰ ﺑﯩﻠﻪﻥ ﺋﺎﺗﺘﻰ .ﺑﯩﺰ ﺑﯩﺮﻧﻪﭼﭽﻪ ﺋﺎﻳﺎﻝ ﺋﯧﺘﯩﺸﯟﺍﺯﻟﯩﻘﺘﺎ ﺋﻮﻕ ﺗﯧﮕﯩﭗ ﻛﯧﺘﯩﺸﺘﯩﻦ ﻗﻮﺭﻗﯘﭖ ،ﺑﺎﻟﯩﻠﯩﺮﯨﻤﯩﺰﻧﻰ ﺋﯧﻠﯩﭗ ﺑﯩﺮ ﺋﯚﻳﮕﻪ ﻛﯩﺮﯨﯟﺍﻟﻐﺎﻧﯩﺪﯗﻕ .ﺷﯘ ﺋﯚﻳﻨﯩﯔ ﺩﯦﺮﯨﺰﯨﺴﯩﺪﯨﻦ ،ﺗﺎﯓ ﻳﯘﺭﯗﻗﯩﺪﺍ ﺑﻮﻟﻐﺎﻥ ﺋﺎﺷﯘ ﻗﯩﺰﯨﻞ ﻗﯩﻴﺎﻣﻪﺗﻨﻰ ﺋﯚﺯ ﻛﯚﺯﯨﻤﯩﺰ ﺑﯩﻠﻪﻥ ﻛﯚﺭﺩﯗﻕ ،ﺩﻭﺯﺍﻗﻨﯩﯔ ﺋﯚﺯﻯ ﺑﻮﻟﺪﻯ ،ﺧﯘﺩﺍ ﺑﻪﻧﺪﯨﺴﯩﮕﻪ ﺋﯘﻧﺪﺍﻕ ﻛﯜﻧﻨﻰ ﻛﯚﺭﺳﻪﺗﻤﯩﺴﯘﻥ .ﺷﯘ ﻛﯜﻧﺪﯨﻦ ﺑﺎﺷﻼﭖ ﺋﯧﻐﯩﺰﻟﯩﺮﯨﻤﻐﺎ ﻗﻮﻗﺎﻕ ﭼﯩﻘﯩﭗ ﻛﻪﺗﺘﻰ . . .>> ﺩﻩﭖ ﺳﯚﺯﻟﻪﭖ ﺑﻪﺭﮔﻪﻥ .ﻣﯩﺮﺋﻪﮬﻤﻪﺕ ﺳﯩﻴﯩﺖ ﺑﯩﻠﻪﻥ ﺳﯘﻻﻳﻤﺎﻥ ﺋﯧﺸﻪﻛﻠﯩﺮﯨﮕﻪ ﻣﯩﻨﯩﭗ ﺋﺎﺗﯘﺷﻘﺎ ﻗﺎﻳﺘﯩﭗ ﻛﻪﻟﮕﻪﻥ .ﻣﯩﺮﺋﻪﮬﻤﻪﺕ ﺳﯩﻴﯩﺖ ﺷﯧﺌﯩﺮ ﻳﯧﺰﯨﯟﺍﻟﻐﺎﻥ ﺩﻩﭘﺘﻪﺭﻧﻰ ﺑﯩﺮﻩﺭﺳﯩﻨﯩﯔ ﻛﯚﺭﯛﭖ ﻗﯧﻠﯩﺸﯩﺪﯨﻦ ﻗﻮﺭﻗﯘﭖ .ﺷﯧﺌﯩﺮﻻﺭﻧﻰ ﻳﺎﺩﻗﺎ ﺋﯧﻠﯩﯟﺍﻟﻐﺎﻥ .ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺋﯘﻗﻘﺎﻥ ﺋﺎﺗﯘﺵ ﺧﻪﻟﻘﻰ ﻗﻮﺷﺎﻕ ﻗﯧﺘﯩﭗ ﻳﯩﻐﻠﯩﻐﺎﻥ :
ﺋﯩﺸﯩﻚ ﺋﺎﻟﺪﯨﺪﺍ ﺗﯚﺕ ﺋﯘﺭﯗﺱ ،
ﺗﯚﺗﯩﻠﯩﺴﯩﺪﻩ ﭘﺎﭘﯩﺮﯗﺱ .
ﺋﻪﭘﻪﻧﺪﯨﻤﻨﻰ ﺋﯚﻟﺘﯜﺭﮔﻪﻥ ،
ﻗﺎﺩﯨﺮ ھاﺟﻰ ﺟﺎ ﺋﯘﺭﯗﺱ .
ﻣﻪﻣﺘﯩﻠﻰ ﺋﻪﭘﻪﻧﺪﻯ ﺗﯜﺭﻣﯩﮕﻪ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ ،ﺋﯘﻧﯩﯔ ﺋﯩﺶ - ﺋﯩﺰﻟﯩﺮﯨﻐﺎ ﯞﺍﺭﯨﺴﻠﯩﻖ ﻗﯩﻠﯩﭗ ،ﭘﯜﺗﻜﯜﻝ ﺋﺎﺗﯘﺷﻨﻰ ﻗﺎﭘﻠﯩﻐﺎﻥ ﻣﺎﺋﺎﺭﯨﭗ ﮬﻪﺭﯨﻜﯩﺘﯩﻨﻰ ﺳﯘﺳﻠﯩﺘﯩﭗ ﻗﻮﻳﻤﺎﺳﻠﯩﻖ ﺋﯜﭼﯜﻥ ،ﻧﯩﺰﺍﻣﯩﺪﯨﻦ ﺋﻪﭘﻪﻧﺪﻯ ،ﺋﺎﺑﺪﯗﺭﺍﺧﻤﺎﻥ ﺷﺎﺋﯩﺮ ،ﺋﻪﻣﻪﺕ ﻣﻪﺧﺴﯘﻡ ،ﺗﺎﺷﺎﺧﯘﻧﯘﻣﻨﯩﯔ ﺋﻮﻏﻠﻰ ﻟﯩﯟﺍﮬﯩﺪﯨﻦ ﻗﺎﺭﻯ ،ﺋﺎﺑﺪﯗﻏﯘﭘﯘﺭ ﻗﯘﻧﺎﺟﻰ ،ﺋﯩﺰﭼﯩﻼﺭ ﺳﯩﻨﯩﭙﯩﻨﯩﯔ ﺋﻮﻗﯘﻏﯘﭼﯩﻠﯩﺮﯨﺪﯨﻦ ﻳﺎﺭ ﻣﯘﮬﻪﻣﻤﻪﺕ ،ﺳﯘﻟﺘﺎﻥ ﻣﺎﻣﯘﺕ ﻗﺎﺗﺎﺭﻟﯩﻖ ﺋﻮﻧﻨﻪﭼﭽﻪﻳﻠﻪﻥ ﻳﯩﻐﯩﻦ ﺋﯧﭽﯩﭗ ،<<ﻣﻪﻣﺘﯩﻠﻰ ﺋﻪﭘﻪﻧﺪﻯ ﺗﯜﺭﻣﯩﺪﯨﻦ ﭼﯩﻘﻘﯘﭼﻪ،ﺋﺎﺗﯘﺵ ﻣﺎﺋﺎﺭﯨﭙﯩﻨﻰ ﺋﺎﻗﺴﯩﺘﯩﭗ ﻗﻮﻳﻤﺎﻳﻠﻰ>> ﺩﻩﭖ ،ﺋﺎﺑﺪﯗﺗﺎﺧﻤﺎﻥ ﺷﺎ.ﯨﺮﻧﻰ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺋﻮﺭﻧﯩﻐﺎ ﺋﺎﺗﯘﺵ ﻣﺎﺋﺎﺭﯨﭙﯩﻐﺎ ﻣﻪﺳﺌﯘﻝ ﻗﯩﻠﯩﭗ ﺑﯧﻜﯩﺘﻜﻪﻥ .ﺑﯘ ﺋﺎﻱ - ﺑﯘ ﻛﯜﻧﻠﻪﺭﺩﻩ ،ﯞﻩﺯﯨﻴﻪﺕ ﺩﺍﯞﺍﻟﻐﯘﭖ ﺗﯘﺭﻏﺎﭼﻘﺎ ،ﺧﺎﺋﯩﻦ - ﻣﯘﻧﺎﭘﯩﻘﻼﺭﻧﯩﯔ ،ﺋﯩﺸﭙﯩﻴﯘﻥ - ﭼﯧﻘﯩﻤﭽﯩﻼﺭﻧﯩﯔ ﻛﯜﻧﻰ ﺗﯘﻏﯘﻟﻐﺎﻥ .ﺋﯘﻻﺭﻧﯩﯔ ﺧﻮﺭﯨﻜﻰ ﺋﯚﺳﯘﭖ ،ﻛﯚﺭﻩﯕﻠﻪﭖ ﻛﻪﺗﻜﻪﻥ .ﻣﻪﻣﺘﯩﻠﻰ ﺋﻪﭘﻪﻣﺪﻯ ﻗﻪﺗﻠﻰ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ،ﯞﻩﺯﯨﻴﻪﺕ ﺗﯧﺨﯩﻤﯘ ﺟﯩﺪﺩﯨﻴﻠﯩﺸﯩﭗ ﻛﻪﺗﻜﻪﻥ .ﺋﻪﻳﻨﻰ ﻳﯩﻠﻠﯩﺮﻯ ﻣﻪﻣﺘﯩﻠﻰ ﺋﻪﭘﻪﻣﺪﯨﻨﯩﯔ ﻳﯧﻨﯩﺪﺍ ﻣﻪﺭﯨﭙﻪﺕ ﻣﻪﺷﺌﯩﻠﯩﻨﻰ ﻛﯚﺗﯜﺭﯛﭖ ﻣﺎﯕﻐﺎﻥ ﻛﯩﺸﯩﻠﻪﺭ ﮬﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺩﯨﻘﻘﻪﺕ ﺋﻮﺑﻴﯧﻜﺘﻰ ﺑﻮﻟﯘﭖ ﻗﺎﻟﻐﺎﻥ .ﺷﯘ ﭼﺎﻏﺪﺍ ﺋﺎﺑﺪﯗﺭﺍﺧﻤﺎﻥ ﺷﺎﺋﯩﺮ ﻣﯘﻧﺪﺍﻕ ﺷﯧﺌﯩﺮ ﻳﺎﺯﻏﺎﻥ :
ﯞﻩﮬﯩﻤﻪ ﺳﺎﻟﻤﺎ ﺋﻪﻱ ﭘﻪﻟﻪﻙ، ﺋﯚﻟﻤﻪﻙ ﻣﺎﯕﺎ ﺑﺎﺭ ﺑﯩﺮ ﻛﯜﻧﻰ ،
ﻣﻪﻥ ﺋﻪﻣﻪﺱ ﺷﺎﮬﻼﺭﻣﯘ ﻗﺎﻟﻤﺎﺱ ﺋﺎﯕﺎ ﮬﻪﻡ ﺑﺎﺭ ﺑﯩﺮ ﻛﯜﻧﻰ .
ﺟﻪﯞﺭﻯ ﺳﺎﻟﻤﺎ ﺋﻪﻱ ﭘﻪﻟﻪﻙ ﺗﯧﺰ ﭘﯜﻛﻤﯩﮕﻪﻱ ﺷﺎﺋﯩﺮ ﺳﺎﯕﺎ ،
ﺑﻪﺭﯨﺒﯩﺮ ﻗﻮﺭﻗﺴﺎﻗﻤﯘ ﺋﯚﻟﻤﻪﻙ ﻳﻪﻧﻪ ﺑﺎﺭﺩﯗﺭ ﺑﯩﺮ ﻛﯜﻧﻰ .
ﺋﺎﺭﻯ ﺋﯘﺳﺘﺎﺯ ﺋﯧﻴﯩﺘﻘﯩﻨﯩﺪﻩﻙ ﻣﯩﯔ ﺋﯚﻟﯜﺭ ﻗﻮﺭﻗﻘﺎﻥ ﻛﯩﺸﻰ ،
ﺗﯩﻚ ﺗﯘﺭﯗﭖ ﻗﻮﺭﻗﻤﺎﻱ ﮬﺎﻣﺎﻥ ﺋﯚﻟﺴﻪﻛﻤﯘ ﮬﻪﻡ ﺑﺎﺭ ﺑﯩﺮ ﻛﯜﻧﻰ .
ﺋﯚﺯﮔﯩﭽﻪ ﺳﯩﺮﻟﯩﻖ ﻗﺎﺭﺍﭖ ﻛﯚﺯﻧﻰ ﻗﯩﺴﺎﺩﯗﺭ ﻏﻪﻳﺮﯨﻠﻪﺭ ،
ﻗﻮﻳﻐﯘﺳﻰ ﻗﺎﭘﻘﺎﻥ - ﺗﻮﺯﺍﻕ ﺋﺎﺧﯩﺮ ﻣﺎﯕﺎ ﺑﺎﺭ ﺑﯩﺮ ﻛﯜﻧﻰ .
ﺗﯘﺭﻣﯩﻨﯩﯔ ﻗﺎﻧﻠﯩﻖ ﭘﯘﺭﯨﻘﻰ ﻛﻪﻟﺪﻯ ﺷﯩﺪﺩﻩﺗﻠﯩﻚ ﭘﯘﺭﺍﭖ ،
ﺋﺎﻟﻐﯘﺳﯩﺪﯗﺭ ﮬﻪﺭ ﻗﺎﭼﺎﻥ ﻗﻮﻟﻐﺎ ﻣﯧﻨﻰ ﺑﺎﺭ ﺑﯩﺮ ﻛﯜﻧﻰ .
ﺋﯩﺴﻤﻰ - ﺯﺍﺗﯩﯖﺪﯗﺭ ﺋﯘﻟﯘﻍ ﺭﺍﺧﻤﺎﻥ ﺭﻩﮬﯩﻢ ﻳﺎﺯﻩﻟﺠﺎﻻﻝ ،
ﻗﯩﻞ ﺗﻪﺭﻩﮬﮭﯘﻡ ﻧﻪﯞﻗﯩﺮﺍﻧﻐﺎ ﺳﻪﻧﻼ ﻳﺎﺭﺳﻪﻥ ﺑﯩﺮ ﻛﯜﻧﻰ .
ﻟﻪﻧﯩﺘﻰ ﻣﯩﯔ ﻟﻪﻧﯩﺘﻰ ﺑﻮﻟﺴﯘﻥ ﺳﺎﯕﺎ ﻣﻪﻟﺌﯘﻥ ﺭﻩﻗﯩﭗ ،
ﺋﯚﺯ ﮔﯚﺭﯨﻨﻰ ﺋﯚﺯﻯ ﻗﺎﺯﻏﺎﻱ ﻗﯧﭗ ﻗﯩﺴﺎﺳﻘﺎ ﺑﯩﺮ ﻛﯜﻧﻰ .
ﺋﺎﺑﺪﯗﺭﺍﺧﻤﺎﻥ ﻗﻮﺭﻗﻤﯩﻐﯩﻞ ﺳﺎﺗﻘﯩﻦ - ﺧﺎﺋﯩﻨﻼﺭ ﯞﻩﮬﻤﯩﺪﯨﻦ ،
ﺋﻪﻝ - ﯞﻩﺗﻪﻥ ﻗﯘﺭﺑﺎﻧﻰ ﺑﻮﻟﺴﺎﯓ ﺋﻪﻝ، ﺧﯘﺩﺍ ﻳﺎﺭ ﺑﯩﺮ ﻛﯜﻧﻰ .
ﯞﻩﺯﯨﻴﻪﺕ ﻛﻪﺳﻜﯩﻨﻠﻪﺷﻜﻪﻧﺴﯧﺮﻯ ،ﮔﯘﻧﺎﮬﺴﯩﺰ ﻛﯩﺸﯩﻠﻪﺭ ﺋﯘﺷﺘﯘﻣﺘﯘﺕ ﻛﯧﭽﯩﺴﻰ ﺋﯚﻳﯩﺪﯨﻦ ﭼﺎﻗﯩﺮﯨﭗ ﺋﯧﻠﯩﭗ ﭼﯩﻘﯩﻠﯩﭗ ،ﺩﯦﺮﻩﻛﺴﯩﺰ ﻳﻮﻕ ﻗﯩﻠﯩﯟﯦﺘﯩﻠﮕﻪﻥ .ﺋﯘﺯﯗﻥ ﺋﯚﺗﻤﻪﻱ ،ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺋﺎﻛﯩﺴﻰ ﻧﯩﺰﺍﻣﯩﺪﯨﻦ ﺋﻪﭘﻪﻧﺪﻯ ،ﺋﺎﺑﺒﺎﺱ ﭼﻮﯓ ،ﻣﯘﺋﻪﻟﻠﯩﻤﻠﻪﺭﺩﯨﻦ ﺋﺎﺑﺪﯗﺭﺍﺧﻤﺎﻥ ﺷﺎﺋﯩﺮ ،ﻟﯩﯟﺍﮬﯩﺪﯨﻦ ﻗﺎﺭﻯ ،ﺋﻪﻣﻪﺕ ﻣﻪﺧﺴﯘﻡ ،ﺋﺎﺑﺪﯗﻏﯘﭘﯘﺭ ﻗﯘﻧﺎﺟﻰ ،ﺋﯩﺰﭼﯩﻼﺭﺩﯨﻦ ﻳﺎﺭ ﻣﯘﮬﻪﻣﻤﻪﺕ ﻗﺎﺗﺎﺭﻟﯩﻘﻼﺭ ﺋﺎﺭﻗﺎ - ﺋﺎﺭﻗﯩﺪﯨﻦ ﻗﻮﻟﻐﺎ ﺋﯧﻠﯩﻨﯩﭗ ﻛﻪﺗﻜﻪﻥ .ﺋﯘﻻﺭﻧﯩﯔ ﺷﯘ ﭘﯧﺘﻰ ﺋﯩﺰ - ﺩﯦﺮﯨﻜﻰ ﺑﻮﻟﻤﯩﻐﺎﻥ .ﻣﻪﻣﺘﯩﻠﻰ ﺋﻪﭘﻪﻧﺪﻯ ﻛﯚﺗﯜﺭﮔﻪﻥ ﻣﻪﺭﯨﭙﻪﺕ ﺑﺎﻳﺮﯨﻘﯩﻨﯩﯔ ﺋﻪﺗﺮﺍﭘﯩﻐﺎ ﺋﯘﻳﯘﺷﻘﺎﻥ ﺗﺎﻻﻧﺘﻠﯩﻖ ﺋﻮﻗﯘﺗﻘﯘﭼﯩﻼﺭ ،ﺧﻪﻟﻘﭙﻪﺭﯞﻩﺭ ﺷﻪﺧﯩﺴﻠﻪﺭ ﺑﯩﺮ - ﺑﯩﺮﻟﻪﭖ ﻗﻮﻟﻐﺎ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ ،ﺋﯩﺰ - ﺩﯦﺮﻩﻛﺴﯩﺰ ﻏﺎﻳﯩﭗ ﺑﻮﻟﻐﺎﻥ .ﺩﯦﻤﻪﻙ ﺋﯘﻻﺭ ﺷﯧﯔ ﺷﯩﺴﻪﻳﻨﯩﯔ ﺋﺎﺩﻩﺕ ﻗﯩﻠﻐﺎﻥ ﺋﯘﺳﯘﻝ ﺑﯩﻠﻪﻥ ﻳﻮﺷﯘﺭﯗﻥ ﺋﯚﺗﯜﺭﯛﻟﮕﻪﻥ . 1937 - ﻳﯩﻠﯩﻨﯩﯔ ﻛﯧﻴﯩﻨﻜﻰ ﻳﯧﺮﯨﻤﯩﺪﺍ ،ﮬﻪﺭﻗﺎﻳﺴﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﺩﯨﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﻳﯧﺸﻰ ﺑﯩﺮ ﻗﻪﺩﻩﺭ ﭼﻮﯕﺮﺍﻗﻠﯩﺮﻯ ﻣﻪﻛﺘﻪﭘﻠﻪﺭﺩﯨﻦ ﭘﯜﺗﯜﻧﻠﻪﻱ ﻗﻮﻏﻼﭖ ﭼﯩﻘﯩﺮﯨﻠﻐﺎﻥ .ﺩﺍﺋﯩﺮﯨﻠﻪﺭ ﺋﻮﻗﯘﻏﯘﭼﯩﻼﺭﻧﯩﯔ ﺋﻪﯓ ﻛﯩﭽﯩﻜﻠﯩﺮﯨﻨﻰ ﺋﯧﻠﯩﭗ ﻗﯧﻠﯩﭗ ،ﺋﯘﻻﺭﻧﻰ ﺋﯚﺯ ﻣﯘﺩﺩﯨﺌﺎﺳﻰ ﺑﻮﻳﯩﭽﻪ ﺋﻮﻗﯘﺗﻘﺎﻥ .ﺋﻮﻗﯘﺗﯘﺵ ﭘﺮﻭﮔﺮﺍﻣﻤﯩﻠﯩﺮﯨﻤﯘ ﺑﺎﺷﻘﯩﺪﯨﻦ ﺗﯜﺯﯛﻟﮕﻪﻥ .ﻣﻪﻣﺘﯩﻠﻰ ﺋﻪﭘﻪﻧﺪﻯ ﺋﯚﮔﻪﺗﻜﻪﻥ ﻧﺎﺧﺸﺎ - ﻣﺎﺭﺷﻼﺭﻧﻰ ﺋﻮﻗﯘﺵ ﭼﻪﻛﻠﻪﻧﮕﻪﻥ . ﺋﻮﻗﯘ - ﺋﻮﻗﯘﺗﯘﺵ ﺋﯩﺸﻠﯩﺮﻯ ﻛﯜﻧﺴﯧﺮﻯ ﭼﯧﻜﯩﻨﮕﻪﻥ ﯞﻩ ﭼﺎﻛﯩﻨﯩﻼﺷﻘﺎﻥ . . . . .
ﻣﻪﻧﺰﯨﻞ: < ﻣﻪﻣﺘﯩﻠﻰ ﺋﻪﭘﻪﻧﺪﻯ > ﻧﺎﻣﻠﯩﻖ ﻛﯩﺘﺎﺏ
|