سادىر پالۋان قەبرىسى يېڭى تۈسكە كىرىپتۇ

xota

مەن بۇلتۇر باغداش تورىدا «سادىر پالۋان قەبرىسى مۇڭلۇنىپ قاپتۇ » دىگەن تېمىدا بىر پارچە ماقالە يازغان ئىدىم ، ئەينى چاغدا ھەقىقەتەن بۇ مەشھۇر خەلق قەھرىمانىنىڭ قەبرىسىنىڭ تاشلىنىپ قالغانلىقى ، مۇڭلانغانلىقى قەلبىمدە بىر خىل ئېچىنىش تۇيغۇسى پەيدا قىلغان ئىدى . تېمام باغداشتا بېرىلگەندىن كېيىن نۇرغۇن تورداشلار ماڭا ئوخشاش ھېسسىياتتا بولۇپ مەن بىلەن ئورتاقلاشقان ئىدى ھەم بۇ قەبرىنى قوغداپ قېلىش ھەققىدە نۇرغۇن قىممەتلىك تەكلىپلىرىنى ئوتتۇرىغا قويغان ئىدى . ئارىدا بىر مەزگىل ۋاقىت ئۆتتى ، مەندە ئىزچىل تۈردە سادىر پالۋان قەبرىسى يەنىلا ئەنە شۇ خىل غېرىپ ھالىتىدە مۇڭلۇنىپ تۇرغانمىدۇ ؟ ئۆز شەۋكىتىنى نامايەن قىلالىغانمىدۇ ؟ دىگەن خىيال ئىچىدە يۈردۈم .
نىھايەت  ! بۇ يىل يەتتىنچى ئايدا غۇلجىغا ئۈگىنىشكە بېرىشىمغا توغرا كەلدى . مانا شۇ پۇرسەتتە مەن قارىمايدىن كەلگەن بىر تونۇشۇم بىلەن سادىر پالۋان قەبرىسىنى يەنە بىر قېتىم زىيارەت قىلىپ كېلىش نىشانىنى بەلگىلەپ شەھەردىن سادىر پالۋان قەبرىسى جايلاشقان موللاتوختى يېزىغا قاراپ جۆنىدۇق . مەنزىلگە كېلىپ خاتا كېلىپ قالدىممۇ نىمە دىگەن تۇيغۇدا ئەتراپىمغا قارىدىم . تۇيغۇم خاتا بولدى چۈنكى ئىلگىركى ئىت باغلاپ قويىدىغان زەنجىردە زەنجىرلەنگەن ئەبگا دەرۋازىنىڭ ئورنىغا زامانغا لايىق كۆركەم دەرۋازا ئورنىتىلغان بولۇپ ، ماڭلىيىغا كىشىنىڭ مىللىي ئىپتىخارىنى قوزغايدىغان پالۋىنىمىزنىڭ مۇبارەك نامى تىلغا ئېلىنغان نام بىلەن كۆركەم ۋېۋىسكا ئېسىلغان ئىدى ، دىمەك مەن ئاڭقىرالماي قالغان بۇ جاي سادىر پالۋاننىڭ بىز سېغىنىدىغان تاۋاپگاھى ئىدى ، زەي پۇراپ تۇرىدىغان ، ئىچىگە كىرسە كۆڭۈلنى غەش قىلىدىغان كۆك نامراتنىڭ ئۆيىدىنمۇ بەتتەر ئەبگالىشىپ كەتكەن سادىر پالۋانغا دائىر ۋەسىقىلەر قويۇلغان ئۆي غايىپ بولغان بولۇپ ، ئورنىغا پىششىق خىشتا نەپىس ھەم كىشى كۆڭلىنى يورىتىدىغان ئۆي سېلىنغان ئىدى .
ئۆي ئىچىنى تۆت نەپەر ئۇيغۇر يىگىتى زىننەتلاۋاتقان بولۇپ ئۇلار بىزنىڭ كىرگىنىمىزنىمۇ تۇيمىغان ھالدا ھەر بىر نەقىشكە ، ھەر بىر گەجگە پۈتۈن مېھرىنى بېرىپ زىننەتلاۋاتاتتى .
سادىر ياتقان سۇپا ، سادىر ياتقان ئۆڭكۈر كۆزئالدىمىزدا نامايەن بولۇپ ئادەم ئىختىيارسىز شۇ زامانلارغا كەتكەندەك تۇيغۇدا بولاتتى ، پۈتۈن كۆرىنىشتىن ھەقىقەتەن بۇ ئورۇنغا ئاز ئەجىر سىڭگەنلىكى چىقىپ تۇراتتى ، مەن ئەنە شۇ جايدا ئىشلەۋاتقان مېھرى ئىسسىق بىر ياشتىن قاچاندىن بېرى بۇ ئىشقا تۇتۇش قىلغانلىقىنى ، قانچىلىك دەسمىي سېلىنغانلىقىنى سۈرۈشتە قىلدىم ، قىزىق ئىش مەن ئەھۋال ئىگىلىگەن بۇ ياش دەل مۇشۇ قەبرىگاھقا دەسلەپكى قەدەمدە 750مىڭ يۈەن مەبلەغ سالغان ھەم ماي بوياق رەسىمچىلىكىدە كۆزگە كۆرۈنگەن قۇربانتاي ئىكەن ، ئۇنىڭ چېھرىدىن بىر خىل ئىپتىخارلىنىش بالقىپ تۇراتتى ، ئۇ ئۆزىنىڭ بۇ ئىشىنى داۋراڭ قىلىشنى خالىمىدىمۇ ئەيتاۋۇر سۇئالىمغا قىسقىچىلا جاۋاپ بېرىپ يەنىلا ئۆز ئىشىغا كىرىشىپ كەتتى ، ئۇنىڭ پۈتۈن زېھنى بىلەن قىلىۋاتقان ئىشىغا قاراپ قايىللىقىم ھەسسىلەپ ئاشتى سەۋەبى ئۇ بۇ ئىشنى ئۆزى بىر قوللۇق باشلاپ ، قول سېلىپ ئىشلەۋاتقان ئىكەن ، دىمەك سادىر پالۋان قەبرىسى ئىلگىركى بىچارە ھالىتىدىن بىراقلا ئۆزگەرگەن بولۇپ ، كىشىگە يىپيېڭى بىر دۇنيانى ئەسلىتەتتى ، مەنمۇ خوشال ھالدا بۇ جايدىن ئايرىلدىم ھەم كېچىكىپ بولىسىمۇ بۇ يازمىنى يوللاپ بۇلتۇر تورداشلىرىمنىڭ غەش بولغان كۆڭلىنى خوش قىلىش ئۈچۈن سۇندۇم .

dildos

بۇ بىر ياخشى ئىش بوپتۇ، بىزنىڭ پەخىرلىك ئەجدادلىرىمىزنىڭ قەبىرگاھلىرىنى قوغدىماي بولمايدۇ، شۇنىڭ بىلەن بىرگە ئەتراپىمىزدا خارابىگە ئايلىنىپ كېتىپ بارغان
ئورۇنلارنىڭمۇ مۇشۇنداق ئوڭشىلىپ كېتىشىنى ئۈمۈد قىلىمەن، ھەم  ئەتراپىمىزدا قۇربانتايغا ئوخشاش كىشلەرنىڭ چىقىشىنى ئۈمۈد قىلمەن، قۇربانتاينىڭ بۇنڭدىن كېينكى ئىشلىرىغا بەرىكەتلەر تىلەيمەن.

attirim

رەسىمى يوقمۇ.

salih007

ياخشى تېمىكەن

kanjebatur

قۇربانتايغا ئاللاھ ئاشۇرۇپ بەرگەي.750مىڭ ئاز پۇل ئەمەس،قۇربانتاي مەيلى نىمە ئىش قىلمىغان بولسۇن ئىشلىرىنىڭ روناق تېپىشىغا تىلەكداشمەن.

سەدەف

قۇربانتايغا ،تۇرسۇن ياسىن مۇئەللىمگە مىڭلارچە سالام-رەھمەتلەر يوللايمەن.