ئەلۋىدا قاناستا قالغان تېلفۇنۇم

tohotur

بولدى خوتۇن ئەمدى ئۇنىڭنى ئۆچەر ! مەن ئۆيدىن چىققاندا ئاللاغا تەۋەككۇل قىلىپ  ئاللاغا يۇزلىنىپ ئىشىكتىن چىققان .ئەمدى يەنە غىدىڭ غىدىڭ قىلساڭ تاياغىڭنى يەپ قالىسەن ، ئاللاغا شۇكرىكى بۇبەلكىم  قەدەر بىلەن قىلغان دۇگايىم ئېلىشىپ بىزگە ئەڭ يىنىك تەگكەن ئوق بولۇشى مۇمكىن ، ئاللاغا يەنە شۇكرىكى ئۇيغۇردا بۇنى مېلى بارنىڭ مېلىغا دەپ چۇشەندۇرىدۇ ، ئەمدى ئاغزىڭنى يۇم ، ئاللادىن كەلگەننى قوبۇل قىلماق سەبرى قىلماق زورۇردۇر .ئاللاھقا شۇكىرىلەر بولسۇنكى  بىز ساق سالامەت ئۆزىمىزنى قايتا ئۆرۇمچىدە كۆردۇق. ئەتە بالىنى ئاپتۇنۇم رايۇنلۇق موزىيغا ئاپىرىپ كىلەي دەيمەن .

كىيىنكى ماۋزۇ :

ئىككىنچلەپ ئايالىمنىڭ گىپىگە كىرىدىغان  بولسام ...................

ب.ئا.ئۇ

tohotur يوللىغان ۋاقتى  2014-9-6 17:54
بولدى خوتۇن ئەمدى ئۇنىڭنى ئۆچەر ! مەن ئۆيدىن چىققاندا ئ ...

ماڭا  بەك ياقتى ما يازمىڭىز ، بەك تەبئىى ، بولسا مۇشۇنداق يازمىلىرىڭىزنى يوللاپ تۇرۇڭ .

quxanmaysan

ئاخىرىنى ساقلايمىز ھە! ئوقۇغۇچە نەچچە يەردە ئىختىيارسىز كۈلۈپ تاشلىدىم. قولىڭىزغا دەرت كەلمىسۇن!

tohotur

ئەسلىدە سەل ھاياجانلىنىپ كىتىپ تۇگۇتىشكە تىگىشلىك بولغان بۇ پاراڭغا يەنە كىينكى ماۋزۇ قويۇپ تورداشلارنى ئۇمتۇلدۇرۇپ قويغان بولدۇم .ئەمما راستىنى ئېيتقاندا كيىنكى مەزمون ئانچە مۇنچە شەخسىيىتىم ئۇستىدە يەنى ئۆز ئۆزەمنى مازاق قىلىش ، مەسخىرە قىلىش بىلەن تۇگەللىنىدىغاندەك تۇرىدۇ .قومۇلدا دائىم باشقىلارنىڭ پوسىنى قويۇپ بىرىش دىگەن بىر ئىبارە بار ، ئەمدى قاراپ تۇرۇپ ئۆز ئۆزەمنىڭ پوسىنى قويۇپ بىرىدىغان ئىش بولۇپ قالدىدە ، ئۇنىڭ ئۇستىگە مېنىڭ ماۋۇ يېزىش پوزۇتسىيەمدىن ئەمدى يالغاننى قوشساممۇ كۆپچىلىك بۇنى ھامان توخۇتۇرنىڭ بېشىدىن ئۆتكەن ئىشلار ئىكەن دەپ ئىشىنىدىغان يەرگە يەتتى . بالامنىڭ بىر گىپى بار ، مەن بىر ئىشقا  بالامغا ۋەدە بىرىپ قويغان ،كىيىن بالامنى بۇلتىلاپ ئۆتكۇزىۋەتمەكچى بولسام بالام جىددى قىياپەتتە كۆزۇمگە تىكىلىپ تۇرۇپ ، ئۇنلۇك ھالدا : ۋەدەڭدە چىڭ تۇر ！！！  دەيدۇ . بوپتىلا يېزىۋىرەي ، ياخشى يېرى ئايىلىم تورغا چىقمايدۇ دەڭلار

tohotur

گەپنى ئىككى يىل ئىلگىردىن باشلاشقا توغرا كەلدى ، بىر ۋاقىتلاردا شۇنداق بىر گەپلەر بولدىغان ، بىر زامانىۋى زامانغا ماسلاشقان ئادەم كومپۇيوتۇر ، ماشىنا ۋە ئېنگىلىزتىلى بىلىشتىن ئىبارەت زامانىۋى بىلىملەرنى بىلىشى زورۇر دەيدىغان ،ئەمما ئىككى يىل ئىلگىرىكى ئاشۇ ۋاقىتتا مەن توردىن تاۋباۋ ئارقىلىق بىر نەرسىلەرنى سېتىۋېلىشنى يېڭى يارچە ئۆگۇنىۋاتقان ۋاقىتلىرىم .تاۋباۋدىن ئۇنى كۆرۇپ بۇنى كۆرۇپ بىر تەنھەركەت ئىشتان چاپاننى كۆرۇپ قالدىمدە باھاسى غۇلجۇلۇقلارنى گېپى بۇيىچە پەۋقۇلئاددە ئەرزاندە بۇ كىيىمنىڭ ، شۇنداق قىلىپ سىناق قىلىپ بۇ تەنھەركەت كىيىمنى ئېلۋەتتىم. مال كەلگەندە ئېچىپ قارىسام بىرنەنچىدىن چوڭ كەپ قالدى ، ئىككى نەنچىدىن بۇ تەنھەركەت كىيىمنىڭ پاسۇنى بەك غەلىتە ، كىيىمگە ئوخشىمايدىغان بىر نىمە چىقىپ قالدى ، بىر كۆرۇپلا كۆڭلۇم سوۋۇپ تاشلاپ قويدۇم ،ۋە توردىن خېلى ئۇزۇنغىچە بىر نەرسە ئالمىدىم ،كۇنلەر ئۆتىدۇ ئايلار ئۆتىدۇ ، ئايىلىم پەسىللىك كىيىملەرنى چوڭ رەتلەش قىلغاندا بۇ تەنھەركەت كىيىمىنى ئېلىپ سېلىپ قويىدۇ .شۇنداق قىلىپ بۇيىل قاناسقا بېرىشنى تايىن تاپقاندا ئايىلىم ماڭا ئىككىمىز بىر يۇرۇشتىن بالىغىمۇ ئوخشاش قىلىپ بىر ئائىلە كىشىلىرى ئوخشاش كىيىنىپ بارايلى ،دىگەن بولسىمۇ ۋاقىت قىستاپ قالغاچقا بازار ۋېلىقنى ئايلانغىدەك بولمىدۇق ، ئاخىرى بۇرۇنقى تەنھەركەت كىيىملىرىمىزنى كىيىپلا چىقمايمىزمۇ ئوخشاش رەڭلىك كىيىنىشىنىڭ ھاجىتى بارمۇ دىگەن يەرگە كىلىشتۇق . ماڭىدىغانغا بىر كۇن قالغاندا ئايىلىم ھېلقى ئىككى يىل ئاۋۋالقى ئەرزان سىناق تور مېلىنى چۇيلاپ چىقتى . موشۇنى ساياھەتتە كىيىۋەتسىڭىز قانداق . ياق كۆتە بۇ نەرسىنى ، ئادەمنىڭ سىنىنى بۇزىدىغان بۇنداق كىيىمنى كىيىپ قاناسقا بارامدىمەن ، مەن دىگەن ھېلقى تۇركىيەدىن ئىمپورت دۇكىنىدىن ئالغان كاستوم بۇرۇلكامنى كىيىپ بارىمەن ، ۋاي قويسىڭىزا ساياھەت دىگەندە كاستۇم كەيسىڭىز رالاپ تۇگۇتىسىز ، بىرەر قۇر مۇياتلىق كىيىمىڭىز تۇرمامدۇ ئەمدى  .قاراڭ قاناس ساياھىتىدە سىزنى كىم تونىيىتتى . دىگىنىمدەك قىلىڭ زىيان تارتمايسىز ،يەنە تېخى ئاغىنىڭىز مەسئوتجان توردىن ئەكەلدۇرۇپ ئوخشاش كىيەيلى دەپ سىزگە سوغا قىلغان ھېلقى زەنجىر تاپان دالا ئايغىڭىزنى كەيسىڭىز تازا يارىشىدۇ . ئويلاپ باقسام ئايىلىمنىڭ دىگىنىمۇ توغرىدەك قىلىدۇ ، مۇراسىم كىيىملىرىنى ساياھەتكە كىيىۋالغان بىلەن قاملاشمايدىغان چىراي ، ئەڭ ياخشىسى مۇنۇ ھېچىنىمىگە ئوخشىمايدىغان تەنھەركەت كىيىمنى موشۇ ساياھەتتە كىيىپ تۇگۇتىۋەتمەيمۇ .شۇنداق قىلىپ بۇتەنھەركەت كىيىمنى سىناپ باقتىم ، ھەم چوڭ ھەم قاملاشمىغان بۇ كىيىم مېنى بىر قارىسام تېخىمۇ پىشقان ئەرلەردەك كۆرسەتسە بىر قارىسام ئەخمەقچىراي ، خوتۇنىنىڭ گىپىدىن چىقالمايدىغان چىراي كۆرسىتىپ قويىۋاتاتتى .بوپتۇ خەر توي قىلغاننىڭ ياقى خوتۇنۇمنىڭ گىپىنىڭ ئەكىسى بويىچە ئىش قىلىپ زىيان تارتىپ باققان ئەمەس ئەردىم ، بوپتۇ بۇدا موشۇ خوتۇنۇمنىڭ گىپىگە بىر كىرىپ موشۇنى كىيىپ  ساياھەتكە چىقاي ، ناھايىتى بىر ھەپتە ئون كۇندە قايتىپ كىلىمىز غۇ ئاخىر .  

tohotur

شۇنداق قىلىپ قومۇلدىن يولغا چىقىپ ئۆرۇمچى قىزىل تاغدىن باشلىنىپ يەنە ئۆرۇمچى قىزىل  تاغدا ئاياغلاشقان تۆت كۇنلۇك راستىنى ئېيتقاندا تۆت كۇندۇز ئۇچ كىچىلىك قاناس ساياھىتىمىزمۇ ئاياغلاشتى .موشۇ خاتۇن خەقنىڭ بىر قىلىقى بار ئادەمنىڭ ئۆچلىكىنى كەلتۇرىدىغان ، دۆڭكۆرۇكتىكى سودا سارايلارنى ئايلانسىمۇ مەيلى ئەمما لېكىن شاۋشىمىن بىلەن داشىمىننى كۆرمىسە بۇ خەق ئۆرۇمچىگە چىققاندەك بولمايدۇ چۇ

tohotur

شۇنداق قىلىپ قاناس ساياھىتىدىن قايتىپ كىلىپ باھار يولى جىنيۆۋەندىكى كىچىك ئاتامنىڭ ئۆرۇمچىدە ئېلىپ قويغان ئۆيىگىمۇ ئورۇنلىشىۋالدۇق .ئەتىكى نىشان باللار باغچىسىى ، لېكىن بۇ پىلانىم ئايىلىم بىلەن قېيىن ئاپامغا ئانچە يېقىپ كەتمىدى . بىرلىشپ ساياھەت قىلغان ئۇيغۇرلاردا شۇنداق بىر تۇيغۇ مەۋجۇت سىز دوسلىرىڭىز بىلەن بىرەر شەھەر گە ساياھەت قىلىسڭىز ، ئايرىم بىرەر شەخسى ئۇچۇرشۇش ياكى ئايرىم پائاليەت ئورۇنلاشتۇردىڭىزمۇ بولدى قالغان بىللە كەلگەن دوسلىرىڭىزنىڭ خۇيى تۇتۇپلا قالىدۇ .ئەمىليەتتە دوسلار بىلەن بىللە ساياھەت قىلغىنىمىز راس ئەمما لېكىن بىر نەچچە سائەتلىك ئايرىم پائاليەت ۋاقتى ئورۇنلاشتۇرسا تامامەن بولدىغان ئىشقۇ بىراق سىز چوقۇم دوسلۇرىڭىزنىڭ چىرايىدىن بىر خىل بىئاراملىقنى ھىس قىلىسىز .
ئۇنداقتا بۇخىل بىئاراملىق نەدىن كەلگەن . بۇ خىل بىئاراملىق سۆيۇملۇك ئۇيغۇرمىللىتىمزدىكى سەپەر مەدىنيىتىمىزدىن كەلگەن .ئايرىلغاننى ئېيىق يەر ، بۆلۇنگەننى بۆرە يەر دىگەن ئاڭ بىزنىڭ قان قېنىمىزغا سىڭىپ كەتكەن . بۇ باشقا يۇرتقا مۇساپىر بولۇپ ساياھەت ئوينىغاندا تۇيۇقسىز گىنىمىزدىن پارتىلاپ چىقىدۇ .چۇنكى بىر نەچچە دوس سەپەرداشلاردىن بىرەرسىنىڭ ئايرىم ھەركەت قىلىشى بىزنىڭ كۆڭلىمىزنىڭ چوڭقۇر قاتلىمىدىكى بىخەتەرلىك تۇيغۇلىرىمىزغا ئۇيغۇن ئەمەس .

tohotur

ئەمما تېنىچ ئامانچىلىق بولغان شەھەر ۋە زامانلاردا بۇنداق سەپەرداش دوسلارنىڭ ئايرىلماسلىق ئىدىيىسى يەنىلا جانغا تۆرەيدىكەن. مېنىڭغا ئوخشاش ئىچى پۇشىدىغان ئادەم ئۇچۇن باشقا ئادەملەرغۇ تۇرسۇن ئايىلىم يېنىمدا ئۇزاق تۇرۇپ كەتىسىمۇ ئىچىم پۇشۇپ سىقىلىپ كىتىمەن . ماڭە ئاۋۇ ئۆيگە كىرىپ كەشتەڭنى تىكەمسەن ، د ۋ د دا ناتىۋانلارنىڭ ئىككىنىچى بۆلىمى كەپتۇ شۇنى كۆرەمسەن بىردەم مېنى تېنىچ قوي دەيدىغانلاردىن ئۆزەم . گەپكە كەلسەك قالغان تۇققان سەپەرداشلارنىڭ پىكرى شۇ بولدىكى ئەتە سىلەر ئىككى كۈيۆ  بېلەت ئەپ كىلىڭلار .(يەنە بىر كۈيۆ ئۆرۇمچىدە ساقلاپ تۇرغان ئىدى) . ھەي قانداق نىمىسەن دىدىم مەن ئايىلىمغا قاراپ بەش چىلەك سۇ بولسىغۇ ئىككى ئادەم بېرىپ ئېلىپ كەلسەك بەش تال قەغەز پويىز بېلىتىنى ئىككى ئادەم بېرىپ ئېلىپ كىلىشنىڭ نىمە ھاجىتى ؟ يا ئۇ بارسۇن ،يا مەن باراي ...............ئاخىرى باجام بېلەت ئېلىپ كىلىدىغان مەن بالامنى ئېلىپ ھايۋاناتلار باغچىسىغا بېرىپ كىلەي .بىلىپ تۇرىۋاتىمەن  بۇ گەپلەرنىڭ ھەممىسنىڭ كىلىش مەنبەسى ئايرىلماسلىقتىن بىخەتەرلىك تۇيغۇسىدىن كەلگەن ، ئەمما لېكىن ئۆرۇمچى دىگەن ئۆزىمىزنىڭ شەھرىغۇ ھېي ، ئەمدى ئۆرۇمچىدىمۇ خۇدۇك مۇدۇك  بولۇپ يۇرسەك قاملاشماس .
ئەتىسى ئەتتىگەندە جېنيۆۋەندىن بىر كېلۇن تاكسىنى توساپ ياڭخاڭ مەسچىتكە بامداتقا كەلدۇق . ئاللاھ رەھمەت قىلسۇن ، بۇ ئىمامنىڭ قىرائەتى ھەقىقەتەن بەك چىرايلىق ئىكەن. شۇغىنىسى ئسىتىغپار بىلەنلا ئورنۇمىزدىن تۇرۇپ كەتتۇك .ۋاي ئىسىت شۇ سۆيۇملۇك ئاۋاز بىلەن سۇرە ياسىننى ئاڭلىۋەتكەن بولساق ئەتتىگەندە بۇلبۇلنىڭ ناۋاسىنى ئاڭلىغاندىنمۇ بەكرەك  كۆڭلۇم ئېچىلماسمىدى ، ئەپسۇس بۇ خەق بامداتتىن كىيىن ئۇنداق سۇرە ياسىن قىرائەت قىلماي ئالدى كەينىگە قارىماي ماڭىدىكەن . ياكى ئۇ كۇنلەردە شۇنداق بوپ قالغاندۇ  توغۇرسىنى ئاللا بىلىدۇ .....