ئەلۋىدا قاناستا قالغان تېلفۇنۇم

tohotur

شۇنداق قىلىپ قاناس ساياھىتىدىن قايتىپ كىلىپ باھار يولى جىنيۆۋەندىكى كىچىك ئاتامنىڭ ئۆرۇمچىدە ئېلىپ قويغان ئۆيىگىمۇ ئورۇنلىشىۋالدۇق .ئەتىكى نىشان باللار باغچىسىى ، لېكىن بۇ پىلانىم ئايىلىم بىلەن قېيىن ئاپامغا ئانچە يېقىپ كەتمىدى . بىرلىشپ ساياھەت قىلغان ئۇيغۇرلاردا شۇنداق بىر تۇيغۇ مەۋجۇت سىز دوسلىرىڭىز بىلەن بىرەر شەھەر گە ساياھەت قىلىسڭىز ، ئايرىم بىرەر شەخسى ئۇچۇرشۇش ياكى ئايرىم پائاليەت ئورۇنلاشتۇردىڭىزمۇ بولدى قالغان بىللە كەلگەن دوسلىرىڭىزنىڭ خۇيى تۇتۇپلا قالىدۇ .ئەمىليەتتە دوسلار بىلەن بىللە ساياھەت قىلغىنىمىز راس ئەمما لېكىن بىر نەچچە سائەتلىك ئايرىم پائاليەت ۋاقتى ئورۇنلاشتۇرسا تامامەن بولدىغان ئىشقۇ بىراق سىز چوقۇم دوسلۇرىڭىزنىڭ چىرايىدىن بىر خىل بىئاراملىقنى ھىس قىلىسىز .
ئۇنداقتا بۇخىل بىئاراملىق نەدىن كەلگەن . بۇ خىل بىئاراملىق سۆيۇملۇك ئۇيغۇرمىللىتىمزدىكى سەپەر مەدىنيىتىمىزدىن كەلگەن .ئايرىلغاننى ئېيىق يەر ، بۆلۇنگەننى بۆرە يەر دىگەن ئاڭ بىزنىڭ قان قېنىمىزغا سىڭىپ كەتكەن . بۇ باشقا يۇرتقا مۇساپىر بولۇپ ساياھەت ئوينىغاندا تۇيۇقسىز گىنىمىزدىن پارتىلاپ چىقىدۇ .چۇنكى بىر نەچچە دوس سەپەرداشلاردىن بىرەرسىنىڭ ئايرىم ھەركەت قىلىشى بىزنىڭ كۆڭلىمىزنىڭ چوڭقۇر قاتلىمىدىكى بىخەتەرلىك تۇيغۇلىرىمىزغا ئۇيغۇن ئەمەس .

tohotur

ئەمما تېنىچ ئامانچىلىق بولغان شەھەر ۋە زامانلاردا بۇنداق سەپەرداش دوسلارنىڭ ئايرىلماسلىق ئىدىيىسى يەنىلا جانغا تۆرەيدىكەن. مېنىڭغا ئوخشاش ئىچى پۇشىدىغان ئادەم ئۇچۇن باشقا ئادەملەرغۇ تۇرسۇن ئايىلىم يېنىمدا ئۇزاق تۇرۇپ كەتىسىمۇ ئىچىم پۇشۇپ سىقىلىپ كىتىمەن . ماڭە ئاۋۇ ئۆيگە كىرىپ كەشتەڭنى تىكەمسەن ، د ۋ د دا ناتىۋانلارنىڭ ئىككىنىچى بۆلىمى كەپتۇ شۇنى كۆرەمسەن بىردەم مېنى تېنىچ قوي دەيدىغانلاردىن ئۆزەم . گەپكە كەلسەك قالغان تۇققان سەپەرداشلارنىڭ پىكرى شۇ بولدىكى ئەتە سىلەر ئىككى كۈيۆ  بېلەت ئەپ كىلىڭلار .(يەنە بىر كۈيۆ ئۆرۇمچىدە ساقلاپ تۇرغان ئىدى) . ھەي قانداق نىمىسەن دىدىم مەن ئايىلىمغا قاراپ بەش چىلەك سۇ بولسىغۇ ئىككى ئادەم بېرىپ ئېلىپ كەلسەك بەش تال قەغەز پويىز بېلىتىنى ئىككى ئادەم بېرىپ ئېلىپ كىلىشنىڭ نىمە ھاجىتى ؟ يا ئۇ بارسۇن ،يا مەن باراي ...............ئاخىرى باجام بېلەت ئېلىپ كىلىدىغان مەن بالامنى ئېلىپ ھايۋاناتلار باغچىسىغا بېرىپ كىلەي .بىلىپ تۇرىۋاتىمەن  بۇ گەپلەرنىڭ ھەممىسنىڭ كىلىش مەنبەسى ئايرىلماسلىقتىن بىخەتەرلىك تۇيغۇسىدىن كەلگەن ، ئەمما لېكىن ئۆرۇمچى دىگەن ئۆزىمىزنىڭ شەھرىغۇ ھېي ، ئەمدى ئۆرۇمچىدىمۇ خۇدۇك مۇدۇك  بولۇپ يۇرسەك قاملاشماس .
ئەتىسى ئەتتىگەندە جېنيۆۋەندىن بىر كېلۇن تاكسىنى توساپ ياڭخاڭ مەسچىتكە بامداتقا كەلدۇق . ئاللاھ رەھمەت قىلسۇن ، بۇ ئىمامنىڭ قىرائەتى ھەقىقەتەن بەك چىرايلىق ئىكەن. شۇغىنىسى ئسىتىغپار بىلەنلا ئورنۇمىزدىن تۇرۇپ كەتتۇك .ۋاي ئىسىت شۇ سۆيۇملۇك ئاۋاز بىلەن سۇرە ياسىننى ئاڭلىۋەتكەن بولساق ئەتتىگەندە بۇلبۇلنىڭ ناۋاسىنى ئاڭلىغاندىنمۇ بەكرەك  كۆڭلۇم ئېچىلماسمىدى ، ئەپسۇس بۇ خەق بامداتتىن كىيىن ئۇنداق سۇرە ياسىن قىرائەت قىلماي ئالدى كەينىگە قارىماي ماڭىدىكەن . ياكى ئۇ كۇنلەردە شۇنداق بوپ قالغاندۇ  توغۇرسىنى ئاللا بىلىدۇ .....

uyguriya

ھا ھا ،،بەك قىززىق چىقىپتۇ ،،،شۇنداق تەبئىي ،،،،،

0902alka

تېلىفوننى مەن تېپىۋالدىم ،راس

tohotur

ئەتىسى بامدات نامىزىدىن يېنىپ ئۇيقۇم كەلمىدى ، ناشتا قىلىپ بالامنى ئالدىرىتىپ ئەسلىدىكى ھايۋاناتلار باغچىىسى ھازىرقى جەنۇبى خەلق باغچىسى يەنى نەنگۇڭيەرنىڭ ئالدىدىن ماڭىدىغان 310-نومۇرلۇق سوتسىيالىستىك ماشىنىغا ئۈلگۇرۇپ بېرۋالايلى دەپ بەك سەھەر ئۆيدىن چىقىپ كەتتۇق ، ئەسلىدە ئۆرۇمچى ۋاقتى سائەت سەككىزدە بىر قېتىم ، ئوندا يەنە بىر قېتىم ماڭدىكەن بۇ كاساپەت ،خېلى بالدۇر بېرىۋاپتىمىز . ساقلاپ يۇرۇپ ئاپتۇۋۇزغىمۇ چىقتۇق ، شوپۇر بېلەت ئالغاچ ماڭا بالاڭ ئايرىم ئورۇندۇقتا ئولتۇرسا ئۇنىڭغىمۇ بېلەت ئال ، قۇچۇغۇڭدا ئولتۇرسا بېلەت ئالمىساڭم بولىدۇ  دەپ تاللاش بەردى .مەن ئەقلىمنى ئىشىلىتىپ ناھايىتى شۇ ئۇچ يېرىم كويلۇق بېلەت بولغاندىن كىيىن كەڭتاشا ئولتۇرۇپ بارماينىڭمۇ ؟ شۇنداق قىلىپ بالامغىمۇ ئايرىم بېلەت ئېلىپ ئۆرۇمچى شەھرىدىن چىقىپ ياۋايى ھايۋاناتلار باغچىسىغا قاراپ ماڭدۇق . ماۋۇ ئىشنى كۆرۇڭ ئۆرۇمچى شەھرىدىن ئەمدى چىقىشىمىزغا بالامنىڭ كۆزىگە ئۇيقۇ ياماشتى. مەن بالامغا قاراپ ئاۋۇ تۇرۇپ قالغان ھەدىڭىزگە ئورنىڭىزنى ئۆتۇنۇپ بىرىپ ئاندىن قۇچۇقىمغا كىلپ ئولتۇرۇڭ دەپ ئۆگەتتىم . بالام قۇچۇقۇمدا ئولتۇرغاندىن كىيىن بالامنىڭ قۇلقىغا شىۋىرلاپ ، بالام داداڭ ئۆزىنىڭ ئەقىلى بىلەن ئاللاھنىڭ بۇيرۇغىنىنى ئۆزگەرتەلمەيدۇ دىدىم . بالام گەپلىرىمنى ئاڭلا ئاڭلىمايلا ئۇيقۇغا كەتتى . ئەمما مەن دېرىزىدىن يېغىۋاتقان يامغۇرغا قاراپ ئۆزەمنىڭ تۇگىمەس تىلەكلىرىمنى باشلىدىم .

tohotur

ئەمىليەتتە بۇ بالامنىڭ ھايۋاناتلار باغچىسىغا ئىككىنچى قېتىم بېرىشى ئىدى ، ئايىلىمنىڭ ئويلايدىغىنى بىر قېتىم بارغاندىن كىيىن بولدى ئەمەسمۇ سىلەرمۇ بىز بىلەن بىللە شاۋشىمىن داشىمىننى چۆگىلەپ كەلسەڭلار ياخشى دەيدىكەن ، ئەمما مېنىڭ قارىشىمچە باللار ھايۋاناتلار بىلەن كۆپرەك ئۇچۇرشۇپ بەرسە ياخشى ، ئالدىنىقى قېتىم بالام ئۇچ ياش ۋاقىتلىرى ئىدى ، بىز بىرلىكتە گازىر سېتىۋېلىپ رابىيە قادىرنىڭ كەينىدىكى بۇلاق بېشى كوچىسىدىكى گازىر چاقىدىغان تىيىنگە گازىر چاقتۇرۇپ تولىمۇ كۆڭۇللۇك ئوينىغان ئىدۇق ،ھايۋاناتلار باغچىسىغا باراردا تېخى مايمۇنلارغا بىرىش ئۇچۇن قىران بۇركۇت مېھمانخانىسىنىڭ ئاستىدىكى تاللا بازىرىدىن باھاسى چۇشكەن پىرەنىك گازىر ماتاڭلاردىن خېلى ئالغان ئىدۇق .  
بۇدا بەك ئالدىراپ كىتىپ جەنۇبى خەلق باغچىسىغا بالدۇر بېرىۋاپتىكەنمىز ، يولنىڭ ئۇ قېتىدىكى مەھەللە بازىرىدىكى سەي دۇكىنىدىن بىر كاللەك بەسەينى ئالدۇق  . يەنە تېخى چۇشلۇك تاماقنى ئويلۇشۇپ مىسران قېزىسىدىن بىر قانچە تال ئالغان بولدۇق يەنە باشقا يەيدىغان  نەرسىلەرنىمۇ ئالدۇق . ياۋايى ھايۋاناتلا باغچىسىغا بارماقچى بولغان تورداشلارنىڭ مايمۇنلار ئۇچۇن ئايرىم ، ئۆزى يىيىش ئۇچۇن ئايرىم تاماق لازىمەتلىكلەرنى تەييارلاپ ئېلىۋىلشىنى تەۋسىيە قىلىمەن ، بولمىسا بالىڭىز ئۆزى يەيدىغاننىڭ ھەممىسىنى ياۋايى ھايۋاناتلار باغچىسىدىكى ئاچكۆز ئېيىق بىلەن كەپسىز مايمۇنغا تاشلاپ بىرىشىتىن يانمايدۇ .

tohotur

ياۋايى ھايۋاناتلار باغچىسىدا بالام بىلەن خوشال خورام تاماشا قىلدۇق.ئالدىنقى يىللارغا قارىغاندا بېلەتنىڭ باھاسى ئۆسۇپتۇمۇ نىمە ؟ بېلەت ئۆسكەن بىلەن ياخشى يېرى كىچىك باللارغا بېلەت ئالمايدۇدە ، يەنە بىر قاملاشمىغان ئىش بالىلار ئەڭ ياخشى كۆرىدىغان مايمۇن قەپەس تېغىنىڭ يېنىغا بىر ئالۋاستى ئۆڭكۇرى جايلىشىپ قۇلاقنى يارغۇدەك قورقۇنىچىلىق موزىكا قويىۋېتىپتۇ .
يەنە شاتۇتى بىلەن رەسىمگە چۇشۇپ قويدۇق ، رەسىم ئالامەت سۇزۇك ھەم نەق مەيداندىلا چىقىرىپ بىرىدىكەن ،ئايىلىم بىلەن چوڭلار كۆرۇپ رەسىمدىكى بالامنىڭ بېشىدىكى قىزىل يېشىل ئاق شاتۇتلارنى كۆرۇپ راسلىقىغا ئىشىنەلمەيلا قالدى . رەسىمگە تارتقۇچىمۇ قۇۋ نىمىكەن ، چاكىلدىتىپ بىر قانچە رەسىمنى تارتىپ بولۇپ بىر رەسىم ئون بەش سوم دىدىمۇ ئىشقىلىپ ئاخىرى ئۇچ رەسىمنى ئالغۇزدى ،  كومپۇيۇتۇرغا يۆتكەپ ماڭا كۆرسەتكەن رەسىملەر بىر بىرسىدىن سۇپەتلىك ھەم چىرايلىق تارتىلغاچقا بالامنىڭ رەسىمنىڭ بۇ يەردە قەپ قېلىشىنى قىلچە راۋا كۆرمىدىم .
ئاخىرىدا ياۋايى ھايۋاناتلار باغچىسىنىڭ سېرىك زالىغا قەدەم باسساق سېرىك ئويىنى تۇگەپ يولۋاس بىلەن رەسىمگە چۇشۇش بولىۋېتىپتىكەن .چوڭ بىر يولۋاس بېيكەن ئۇنىڭ بىلەن سۇرەتكە چۇشسىڭىز ئوتتۇز سومكەن ،ئۆز تىلفۇنىڭىزدا جىقراق تارتىۋالسىڭىزمۇ بولىدىكەن .كىچىك بىر يولۋاس كۇچۇكىنى ئەپ چىقتى ،ئۇنىڭ بىلەن سۇرەتكە چۇشسىڭىز ئەللىك سوم ئىكەن ، بۇ نىمانچە قىممەت دىسەم بۇ يولۋاس كۇچىكىنى ھازىرلاتىن تۇتقىلى بولىتۇ ، يەنە بىرەر ئايدىن كىيىن بۇنى تۇتقۇلى بولمايتۇ ، نىمىشقا تۇتقىلى بولمايتۇ دەپ سورىدىم ھەممە ئىشقا قىزىقىدىغان قاپاق كاللامغا نىمىشقا دەپ سۇئال كەلگەندىكىن ، چۇنكى بىر ئايدىن كىيىن بۇ يولۋاس كۇچۇكى ئادەم چىشلەيدىغان ھالغا كىلىدىكەن .ھە كاللام يىشىۇنىڭكىدەك تىرىڭڭدە يورۇپ كەتتى ، موشۇنىمۇ سوراپ يۇرگىنىمنى ، مەن بالامغا دىدىم بالام ئاشۇ چوڭ يولۋاس بىلەن بىر سۇرەتكە چۇشەمسىز ، ياق مەن ئاۋۇ كىچىك يولۋاس بىلەن سۇرەتكە چۇشىمەن . دىدى بالام مېنىڭ ئازۇيۇمنىڭ بىلىگە تىپىپ ،ھە شۇنداقمۇ ماقۇل ئەمىسە دىگىنىمچە ھېلقى ئۆزبىكىستاننىڭ سېھىرلىك ئالما دىگەن كىنوسىدىكىگە ئوخشاش خىرقىراۋاتقان كىچىك يولۋاسچاققا قاراپ جىلمايدىم ، ماقۇل ئەمىسە بالامغا يولۋاسنىڭ خىقىرغىنى يىغلىغىنى ئىكەن . مەن بۇيانغا ماڭاشىمدا ئايىلىمنىڭ ئالما تېلفۇنىنى ئېلىۋالغان ئىدىم .بالام كىچىك يولۋاسنى تۇتۇشىغا مەن پۇرسەتنى قولدىن بەرمەي چاك چاك قىلىپ رەسىمگە تارتتىم ئەمدىلار تۆت بەش پارچە تارتىشىمغا مونۇ ئالما تېلفۇن دىگەن كاساپەتنىڭ توكى پۇتۇنلەي تۇگەپ مېنى سەل داغدا قويدى ، ھېچ بولمىسا ئون يىگىرمە پارچە تارتىۋالسامچۇ ، ياخشىسىنى تاللايدىغانغا ، مەن قولۇمدىكى كىسەككە ئايلانغان ئالما تېلفۇنغا چەكچەيگىنىمچە قاراپ خوشياقماسلىق بىلەن يېنىمدىن ئەللىك سومنى سوغۇرۇپ ئالدىم .

tohotur

يەنىلا ئەرزان بولسىمۇ خاۋىي ياخشىتى ، شۇنداق قىلىپ چۇشلىك تاماقنىڭ ۋاقتى ئۆتكەن ، ھارغىن ئەمما خوشال ھالدا ھايۋاناتلار باغچىسىدىن قايتىپ چىقتۇق ، يەنە ئەتتىگەنكى شوپۇرنىڭ ئاپتۇبۇسىغا چىقىپ قالدۇق ،شوپۇر بالامغا قاراپ قويۇپ يەنە تاللاش بەردى ،مەن شوپۇرغا قاراپ قويۇپ بالا ئورۇندۇقتا ئولتۇرىۋەرسۇن ، مەن ئەتتىگەن بالىغا بىرىش كىلىشنىڭ يېرىم بېلىتىنى ئېلىۋەتكەن دىۋىدىم ، شوپۇر چىرايىمغا قاراپ بېشىنى چايقغىنىچە كىتىپ قالدى . ھەرنىمە بولسا كىچىككنەڭ بولسىمۇ لى ئوقىدىغان نىمىكەن بۇ دىدىم ئىچىمدە ،ئەپسۇس ئاپتۇبۇس قوزغۇلا قوزغالمايلا بالامنى يەنە ئۇيقۇ تۇتتى ، ئامال يوق ئىتەككە ئېلىپ ئولتاردىم ،ئاپتۇبۇس بوران قاينىتىپ مېڭىپ ئۆرۇمچىگە كىردىغان سىڭىرغا كەلگەندە ھەممىمىزنى ئاپتۇبۇستىن چۇشۇپ كىملىك تەكشۇرتىشنى ئېيتقاندىلا ئاندىن بىر ئاۋارچىلىقنىڭ مېنى ساقلاۋاتقانلىقىنى غۇۋا ھىس قىلدىم ، كىملىكىمنى ئەتتىگەن باجام پويىز بېلتى ئالغىلى ئېلىپ كەتكەن تۇرسا ئەمدى ..........تەلەيگە بالا بىر خىلدا پۇشۇلداپ ئۇخلاۋاتاتتى ، ماڭا ئوخشاش بالسى ئۇخلاپ قالغاندىن يەنە بىيىسى بېيكەن ، ئىككىمىز كۆكۆرۇپ چۇشمەيلا ئولتاردۇق ، ھېلقى تەكشۇرگىچى ساقچى بىزگە قاراپ بېشىنى چايقاپ قويۇپ چۇشۇپ كەتتى .